كاتب الموضوع :
روفـــي
المنتدى :
الشعر والشعراء
استاهلك - البحر - اسأل الاعمى - اجهلك - المبادئ
أجهلك
أجهلك .. و لي سنين أتخيلك
أتمثلك في كل طيف .. وألقاك في قسمات ضيف
كل المشاعر له تقول .. حنـّا هلك
أجهلك .. ولي سنين اتخيلك
القاك في بعض الوجيه .. ويمرني طيفك واجيه
يا باكر اللي اجهله .. ارقتني الأسئلة
وابطى العمر يستعجلك ..
أجهلك .. ولي سنين اتخيلك
بالعيوب وبالمزايا .. بالألم
لامن هجرتي يجتاحبي ضلوع وحنايا
اتخيل شكوكك وظنك .. اتخيل التقصير منك
حتى الجفا اتخيله .. وكيف انا باتحمله .. واتحملك
أجهلك .. ولي سنين اتخيلك
وجهك اللي قد حبسته داخلي في غمضة عيوني
واللي ياما قد رسمته .. من عبث طيشي وجنوني
وجهك اللي دوم يظهر لما ألقى نشوة الفكرة الجديدة داهمتني
لما القى انكساراتي قصيدة واكتبتني
وجهك اللي دوم يظهر في اعاصيري وسكوني
في الجبال الشاهقة في أجمل خيالي
في السفوح الخافقة بين نبضي وانفعالي
وجهك اللي قد نحته في عظامي والجوارح
وجهك اللي قد حفظته وبتفاصيل الملاح
بالنهار في بسمته .. بالضيا اللي في ورودة
بالعبوس في غضبته .. بالتضاريس وحدوده
من جنوحه في البها .. لين اقصى نقطة في كاسر جماله
للعذوبة .. من شروق النور في ضيه
للشعر في غروبه
من شطوط الكحل في عيونك لنحرك
من بياض الثلج في خدك لجمر ٍ قاد في ثغرك
وجهك اللي ما ابد يوم لمحته .. او عرفته
لي سنين اتخيله .. واتخيلك
ياللي كلي بك معرفة .. واجهلك
ما اصعبك .. كيف الاقيك
ما اسهلك .. لو الاقيك
ياللي دوم اتخيلك
مملكة حسن الزمن
وأنا الملك
أحمد سلامة
في زمن وهمي من الأزمان
كان ياما وياما كان
سلطنة وسلطان
وف يوم من الأيام
يتصفح السلطان جريدة
موضوع يسترعي اهتمامه
أحمد محمد سلامة
فـرد من أفراد شـعبه
يائس وأوضاعه صعبه
في الصبح يشتغل بواب
في مدرسة أطفال
وفي الليل يشتغل شيّال
عنده ثلاث عيال
فيهم مرض نادرعضال
ماله علاج إلا فبلدان بعيدة
كلفته ما يحتملها وفاقته أصلاً شديدة
انسدت الدنيا أمامه
وارتأى أن الطريقة الوحيدة
لفتح أبواب الأمل
انه يوجه ندا عبر الجريدة
لاهل الكرم واهل الشهامة
تبرق في عين سلطان البلاد غمامة
ويهطل الدمع من عينه
يمسح الدمع بكفوفه
ويخلع العمامة
ويرفع للسما راسه
ويقول
ياربي الفرد الصمد
سترك وعفوك
ألهتنا عن الناس
أمور الحكم والسياسة
ينادي سلطان البلد
يا حاجب
استدعي معالي وزير السلطنة الأول " رعد"
يجي رعد .. ويبدي ولاَءه واحترامه
ـ صاحب المجد والكرامة
سيدي السلطان أمرك
ـ أي كرامة يا رعد .. أي كرامة
والمواطن في البلد .. ضايع مقامه
اتركك عن هالحكي .. واسمعني زين
هذي مليونين خذها
وصلها لمحمد سلامة
أحمد محمد سلامة
خذ الجريدة .. تلقى التفاصيل في الجريدة
لكن اسمع يا رعد .. ما أبي يدري أحد
أحذرك .. لا صحافه .. ولا جرايد
هذي لوجه الله أبيها
ويعلم الله .. من وراها
ما أبي مدح وقصايد
أرتجي عفو الكريم
في يوم بالأهوال زايد
ـ سيدي السلطان خيرك .. في القديم وفي الجدايد
ربي يجزيك المثوبة .. ويعينك بوقت الشدايد
ـ يخرج رعد .. ويستدعي وزير المال والأحوال "مرسال"
يجي مرسال .. أمرك معالي وزير السلطنه الأول
تعال يا مرسال .. فوراً وفي الحال
خذ المليون هذا
وسلموه .. للمواطن أحمد محمد سلامه .. من سيدي السلطان
خذ الجريدة .. تلقى التفاصيل في الجريدة
مرسال .. لابد هذا يتم الآن .. فوراً وفي الحال
وبأقصى درجات السرية والكتمان
هذي أوامر سيّدي السلطان
يخرج مرسال .. ويستدعي كبير الحراّس
فراس .. يجي فراس
أمرك يا وزير المال والأحوال
ـ فراس .. تعال
خذ هذي خمسمية ألف
سلموها .. للمواطن أحمد محمد سلامه .. من سيدي السلطان
خذ الجريدة
تلقى التفاصيل في الجريدة
خذها الآن
فوراً وفي الحال سلمها .. وبأقصى درجات السرية والكتمان
هذي أوامر سيدنا السلطان
يخرج فراس .. ويستدعي النقيب " حبيب"
يجي حبيب .. أمرك ياكبير الحراس
ـ حبيب تعال
خذ هذي المية ألف
سلموها للمواطن .. أحمد محمد سلامه .. من سيدي السلطان
خذ الجريدة
تلقى التفاصيل في الجريدة
خذها الآن سلمها .. فوراً وفي الحال
وبأقصى درجات السرية والكتمان
هذي أوامر سيدنا السلطان
يخرج حبيب
ويستدعي مسئول المساكن
مازن" "
ـ مازن .. تعال .. خذ الخمسين ألف هذي
سلموها للمواطن .. أحمد محمد سلامة .. من سيدي السلطان
خذ الجريدة .. تلقى التفاصيل في الجريدة
خذها الآن سلمها
وفوراً وفي الحال
وبأقصى درجات السرية والكتمان
هذي أوامر سيدنا السلطان
يخرج مازن .. ويستدعي رئيس الحي
اللي ساكن فيه أحمد
"عبد الحي"
يجي عبد الحي
ـ عبد الحي تعال
خذ هالعشرين ألف
سلموها .. للمواطن أحمد سلامه
خذ الجريدة .. تلقى التفاصيل في الجريدة
خذها الآن .. وسلمها لأحمد سلامة
عبد الحي
أهم شي السرية والكتمان
هذي أوامر السلطان
يخرج عبد الحي
ويتوجه لمكتبه في الحي
ويستدعي مساعِدُه أمين
ـ تعال ياأمين .. تعال .. شوف الجريدة
وخذ الألف هذي
سلمها لأحمد سلامه
ساكن هناك .. عمارة في آخر الشارع
جنب مدرسة الكرامة
الدور الرابع .. شقة ستة
وديها الآن .. وقل له
هذي من سيدنا السلطان
واسمع ياأمين
احرص على السرية والكتمان
هذي أوامر السلطان
أمين واقف ورا باب شقة
أحمد محمد سلامة
يدق الباب
صوت من خلف الباب
ـ مين ؟
ـ أنا أمين .. مساعد رئيس الحي
عبد الحي
يفتح الباب .. أهلين وسهلين
ـ هذا بيت أحمد سلامه
ـ نعم أنا أحمد سلامه
ـ أحمد محمد سلامة ؟
ـ أحمد محمد سلامه
ـ ممكن إثبات
ـ طبعاً أكيد
ـ فعلاً أحمد محمد سلامة
سيدنا السلطان .. موضوعك استرعى اهتمامه
سيدنا بيسلم عليك
وحب يطمن عليك
وكلفنا ننقل لك رسالة
سيدنا السلطان .. أدام الله أيامه
يتمنى للأطفال عندك
كل الشفا وكل السلامة
مبروك يا أحمد تستاهل
مع السلامة .
أخطيت
أنا أخطيت ما أنكر
أنا مدري وش إحساسك
ومدري وش تظن
انا الصادق في عينك كنت
صرت الكاذب الخوان
انا اخطيت ما انكر ولافي عذر يكفيني
سوء اني احبك حيل واني دايماً انسان
انا ادري بمدى جرحك
وادري الحظ جافيني
يطول الوقت ما أخطي
واذا اخطيت كل شي بان
انا شفت الزهر مايل وظنيته يناديني
قطفته يوم ضميته لقيته للأسف ذبلان
عرفت انك زهر عمري عرفت انك بساتيني
وغيرك قيظ مايروى سراب يشقي العطشان
انا لو ماحصل ماكان وشو الى يدريني
بأنك ماسواك أنت سكنت القلب والوجدان
انا اسف على اعذاري عجزت القي عذر فيني
يليق بغلطتي في حقك ويرجع كل شي كان
احبك كثر أخطائي
وادري انك تحبني
وادري لو تفارقنا فلا نقدر على النسيان
اذا تقوي على فراقي وبعدي عنك خليني
انا مليت من دور الكراره ولعبت الغفران
قليل العمر يالي انت دموعك ماتساويني
حرام انه يضيع فراق هي من قلها الإحزان .
أخطيت
أنا مدري وش إحساسك
ومدري وش تظنيني
أنا الصادق في عينك كنت
و صرت الكاذب الخوّان
أنا أخطيت ما انكر ولافيه عذر يكفيني
سِـوا اني احبك حيل واني دايما ً انسان
انا ادري بمدى جرحك
وادري الحظ جافيني
يطول الوقت ما أخطي
وإذا أخطيت كل شي ٍ بان
انا شفت الزهر مايل
وظنيته يناديني
قطفته .. يوم ضميته .. لقيته للأسف ذبلان
عرفت انك زهر عمري
عرفت انك بساتيني
وغيرك قيض مايروى .. سرابٍ يشقي العطشان
انا لو ماحصل ماكان وشهو اللى يدرّيني
بأنك ماسواك انتى .. سكنتى القلب والوجدان
انا اسف على اعذاري
عجزت ألقى عذر فيني
يليق بغلطتي في حقك ويرجع كل شي ٍ كان
احبك كثر أخطائي
وادري انك تحبيني
وادري لو تفارقنا فلا نقدر على النسيان
اذا تقوي على فراقي وبعدي عنك .. خليني
انا مليت من دور الكرامة
ولعبت الغفران
قليل العمر ياللي انتي دموعك ما تساويني
حرام انه يضيع فراق
هي من قلها الأحزان ؟؟
ارحمني يا زماني
ارحمني يازماني
شلي تغير شلي حصل يا زماني . .
أرفق على حالي لا تحرمني من , روحي ,
خذيت زهرة سنيني أرجوك يا زماني . .
لا تآخـــذ روحــــي ,,
انتهـــت أحلامـــي . .
انتهـــت أفراحـــي . .
وشلون حالي بيكون بعد ,, فرقـــا الحبايــب ,,
خــلاص ما عـــاد شــي يهـــم . .
المهــم أبقــى بقربهـــم . .
وكيف أبقى يا زماني وهم
,, أبعدونـــي انكـــروا وجـودي ,,
,, وتركونـــي ابكـــي ,,
والدمــوع علــى الخديـن تسيـــل وأغرقــت أوراقـــي . .
أصبحـــوا أحبابــي بعــاد عنــي . .
وتركونــي بعالـــم الوحــدة والضيـــاع . .
{ اتـــركـــونــــــي }
يا زمانــي بعد عشـــره طويلــة وشلــون أهـــون . .
عليهــم شكيــت لك حالـــي ياأوراقــي . .
ولانــي بقــادر أوصـف ,, الجــرح ,, اللـي في خاطــري . .
ماني عـارف وشلـون بعيـش ,, بعالــم الوحــدة ,, من جديد . .
يا زمانــي والله أنـي فـي بعدهــم ضايــع { وبلا روووح } . .
,, هــم الـرووح ,, و شنهو بيبقــى بعدهـم . .
ارحمنـي يا زمانــي
أغلـى الأحبــاب تركنــي ورااح . .
المشكلـة وهو قريــب يمي ما درى عن حالــي . .
وشلــون لـو يتركنــي لحالـــي !!؟؟
منهــو يحــس فينــي ؟؟!!
كيــف يا زمانــي صرنــا أغــرابـ !!؟؟
بعد ما كنــا أحبــاب شلــي تغيــر ؟؟!!
شلــي حصـــل !!؟؟
{ آآآآه من قلبـــي }
أقولهـــا يا زمانـــي . .
لا تآآخــذه مني هــو كــل اللي بقــى لــي . .
في زمــن ضــاع فيه ,, الصاحــب الإنســـان ,,
حاولــت أنكــر الواقـــع ,,
وأقــــول
"لا" أغلــى أحباابـــي ما هــو بتاركنـــي . .
{ قلبــه حنـــون ويغلينـــي }
ما يفيــد النكــران ,, الواقــع أليــم ,,
وأغلــى أحباابـــي راح يبتعــد عنــــي . .
ويتركنــي بزمـن ما ظنتــي بقـدر أعيش فيــه
{ مــن دونـــــه }
آآآآه يا زمانــي لا تآخــذ أغلــى أحبـاابـــي
اسأل الأعمى
اسأل الأعمي .. ان كان في نومه يشوف
ليه يصحى ؟!
واسأل اللي ما درت عنه الهموم
اللي درى ان العمر محدود
وان الفرح مهما اختفي .. موجود
اسأله ليه ينوم ؟
وان جاوبوك اسألني ليه حنا افترقنا
يا صاحبي مابه سبب لفراقنا
غير اننا جينا بزمن ماهو زمنا
ياصاحبي مابه سبب لفراقنا
غير اننا في حبنا عشنا الصدق
وفي وقتنا وشهو الصدق
في وقتنا لجل اللقاء تكذب
ولجل تاصل ماتبي تكذب
ياصاحبي خذها من جرحي نصيحه
كانك تبي تاصل ؟ اكذب .. اكذب .. اكذب
الصدق في وقتنا اصبح فضيحه
في وقتنا دايم تهيم في شي ماتعرف مداه
دايم تهيم فلي بعد عن سكتك
واللي زهد في محبتك
واللي فـ يدك ومتحمل جروحك معك
ما يهمك تنساه
ولو تقتله ما يألمك وبقدامك تاطاء على دماه
يا صاحبي وقتنا في اوله ضيعنا أولى القبلتين
وفي آخرة الله اعلم وش بيبقي
في وقتنا صار الغدر شيٍ عظيم
والوفاء ماظنتي ان كان بتدور بتلقى
يا صاحبي في وقتنا أطول مسافة ممكنه
تمشيها بين النقطتين
الخط المستقيم
يا صاحبي في وقتنا وقت الألم
من يسمعك مهما حكيت
من ينصفك مهما شكيت
منهو اللي ما يضحك إذا ذلتك دنياك وبكيت
يا صاحبي في وقتنا
ما للمشاعر ناس
يا صاحبي في وقتنا لبعض القلوب إحساس
يا صاحبي في وقتنا وقت الكلام
وقل الفعل لامات احد وانتقل لعلى رفيق
من طيبنا نحزن عليه
نصلي عليه
ناصل معه للمقبرة
وفي المقبرة غير الدعاء وقولت الله يرحمه
مابه كلام وندفنه .. ولا دفناه نبكي
بدون دموع أو بدموع
المهم بعد ما نبكي نتركه ونروح
وتلقانا نقول مسكين يا فلان مسكين
من دنيتك وش اللي خذيت ؟
وبعد باب المقبرة بشبرين
واقل من الدقيقة لامن دخل فينا الزحام
من طيبنا نضحك ونسمع أغنية
لجل نتسلى في الطريق بين المقبرة والبيت
يا ربي سبحانك ياللي تجير من العذاب
قلوبنا وش صابها ؟
في وقت غدا بين الحياة والموت
وبين البكاء والضحك
شبرين ودقيقه وباب
ويدننا اللي قد حثت في وجه ميتنا التراب
هي نفسها اللى بعد شبرين واقل من الدقيقة
اختارت شريط وحطته لجل تقتل طول المسافة
بين المقبرة والبيت
يا صاحبي في وقتنا احسن كثير
من بعضنا
في المقبره على الاقل ميت وندري
المشكلة متنا وإلىالحين ماندري
يا صاحبي في وقتنا ضاع احترام الموت
في وقتنا حكينا ما أكثره
وللأسف كل الحكي من غير صوت
وان كان به فمٍ صدق
واسمحوا يحكي بصوت ما نسمعه
ياصاحبي قدامنا كان اختيارين
يا نجاري وقتنا ونكذب ونخدع نفسنا
يا نفترق لان الفراق في وقتنا
هو الصدق
افترقنا
يا صاحبي كانك تشك في أسباب الفراق
دور لك اعمي وإذا صحى اسأله
ان كان في نومه يشوف ليه صحي
وليه افترقنا ؟
استاهلك
ابسألك .. هو أنا استاهلك ؟!
استاهل الدمع اللي جرّح وجنتك ؟
استاهل اني اعشقك ؟
ابسألك عن حالنا .. انتي وانا
ياللي احس .. انك انا
حالنا ما هو غريب
انـّا نكون متأكدين ان الفراق ما هو بعيد
بالرغم من جرح السنين
عشقنا دايم يزين
ماهو غريب .. اني لو مرة في همي
نسيت وبكلمة جرحتك
قبل ما تتألمين .. اللي ينزف هو دمي
ابسألك ماهو غريب .. استاهلك
ابسألك لو قلت لك ان الحنان اللي في قلبك
ينبت من الصخر الزهر ..
وان النهار اللي في خدودك يخلي النسمة عطر ..
وان العذاب اللي في عيونك يعلـّم الناس الشعر ..
ولو قلتلك اني احبك اكثر من هموم البشر
وكثر الجفا وكثر السهر ... لو قلت لك
وانك اقرب من عيوني للنظر
كل الذي اقدر اقوله
واللي ما اقدر اقوله
استاهلك .. حبيبتي ؟!
وباجاوبك .. للأسف ما به احد يستاهلك .
أنا ماشي
الا يا قلب نبضي ..
يا سما دمي ووجداني
فمان اللي عطاكي كل طهر الأرض ..
أنا ماشي ..
هذا كان اخر مانطق قلبي ..
وأول نبض في لساني
وتلاشى النطق ..
وعصر حزن الوداع اللي حضر قلبك دموع ..
بكت ادفى دموع الخلق ..
وسرى في داخلي برد الخشوع
وغير العطر ودموعك وجرحي من وداعك ..
مابقالي ..
استعفر اللي صورك مما طرالي
طرالي يادفى عمري..
وياترحالي وحلي
ارشف دمعك الطاهر .. واغسلبه واصلي
واحمد ربي اللي بك حباني
الا يا ام اجمل من سكن قلبي
ويا داري وعنواني
فمان اللي عطاكي كل طهر الأرض ..
أنا ماشي .
البحر
على مدى الأيام .. كان البحر بالنسبه لي
هو البحر
رمل .. امواج..صخر
كان البحر بالنسبه لي بس البحر
وعلى مدى الايام ماقد لمس فيني المشاعر
الا ذاك اليوم.. يوم انك معي
يومها كان الوداع
وكان البحر دفتر والموج بيت من شعر
وبيتٍ ورا بيت وموجه ورا موجه
تكتب قصيده حبنا
وتمحي الجراح بجراح
ومثل الفرح في دنيتي كان الفجر
عمره قصير .. وبكل حب اهدى نسيمه وراح
وتشرق الشمس ..لجل الخلايق كلها تقرا
قصيده حبنا
ويومها ماكان للشمس اي نور
وبعض السبب كان الوداع
وباقي السبب انتي خذيتي .. من سماها النور
ولجل الصدق .. يومها كنت انتي الشمس
وكان البحر عينك .. ودموعك امواج الشعر
وخدك الدفتر
آه يالقى ماخذت من طبع البحر
..ماللبحر آخر
آه يالفراق .. ماخذت من ذوق الفجر
يمرنا عابر
وآه يالعيون الى انا منها عرفت
ان البحر دفتر وان القصيد امواج
وان الغرام شاعر.
المبادئ
بدء ذي بادىء
..هذا تعريف المبادىء
..كل وقت ..وله أذان
..الزمان..غير الزمان
..ياكلام الليل..يمحيك النهار
..باختصار
..المبادىء ..شىء تحكمه الظروف
..مثل طفل ..ترتبك في الحروف
..ما اجمل أغلاطة
..المبادىء ..للأسف
..كلمة مطاطه
..بدء ذي بادىء
..يا بايع إحساسك
..وش احساسك
..وأفكارك لغيرك
..ياشاري إحساسك
..وش احساسك
..واحساسك لغيرك
..ليتك توصف متعتك
..لاخذت من غيرك مشاعر
..تدري لو تقدر ترى
..ماهو بعيد تصير شاعر
..كيف الخلاص..من ناس تغتال الشعر
و حد القصاص في كل سرقة..البتر
..الا الفكر
..بدىء ذي بادىء
..هذا تعريف المبادىء
..يا بايع أموالك ..لفقرك
..وللعذاب اللي في بيتك..ودمعة عيالك
..ليت توصف متعتك
..ليت أوصف ضيقتك
..لو جرى لك
..في القمار ..اللي جرالك
..ليت نعرف
..متعتك أو ضيقتك
..أيهم اللي بقالك؟
..يا بايع أعصابك ..لخمرك
..ياكثر ماحرت بامرك
..يابايع الصحة..لخمرك..أو سمومك
..وش يفيد أني ألومك
..!كيف تلقى متعتك..لا ضاع عقلك
..وبان بين الناس ذلك
..وكيف تسعد في شعورك
..وانت خارج عن شعورك
..يا بايع اعصابك و وعيك
..ياللي تهرب في عذابك
..من عذابك
..لو بغيت في يوم
..تهرب من هروبك
وش هو احساسك؟
..بدء ذي بادىء
..هذا تعريف المبادىء
!يابايع بلادك ..بكم كان الثمن؟
..يا بايع بلادك
انسى المباني ..والبيوت..والحب الأول
..انسى غبار المدرسة..و وجوه اصحابك
..انسى فؤادك ..وميلادك
..وارمي ورا ظهرك
..كل العبارات الكبيرة
..عن الوفا ..والتضحية
..وعن حب الوطن
..يا بايع بلادك
..لو كبروا أولادك
..وكان السؤال في عيونهم
..!سجنك وجلادك
!"احنا يابوي من وين؟
!وش هو احساسك؟
يابايع آخرتك..يالعاصي القاسي
"..اسمع نصايح صاحبك "ابليس
"لا تترك التدليس
اظلم ولا تفكر في باكر
هيم في العصيان جاهر
واختار من بين الذنوب
.. مايسعدك
..ولاسار عمرك للغروب
..لاتتوب
..لا تحسب للعمر
..ولا تفكر بالقبر
..ولا العذاب
..توك شباب
هذي نصايح صاحبك ابليس
يابايع آخرتك بدنياك
لا عدمناك
لو عدمناك
وش هو إحساسك .
يتبع :)
|
26-02-13, 09:53 PM
يسعد صباحك مساء الخير اسألو دمي مذهلة تصاميم صور عبد الرحمن بن مساعد
الشاعر الأمير عبد الرحمن بن مساعد
رد: صدق اني ماني الشخص المثالي عبد الرحمن بن مساعد (مشاركة)
جديد مواضيع قسم الشعر والشعراء
العرض العادي
