السلام عليكم ورحمة الله وبركاته ..
كيفكم ؟؟ إن شاء الله تمام ..
إحم أنا قلت قبل أسبوع إن البارت رح تنزل الجمعة أو السبت .. لكني بما إني الحين فاضية وماعندي شيء ..
حبيت أنزل الجزء الأول من البارت الـ15 .. وأتمنى تعجبكم ..

قرائة ممتعة ..
15

عاد إلى شقته بملابس رثة .. وحالة يرثى لها ..
فتح باب الشقة ليتفاجأ من الشخص الموجود بداخله .. إنه المقنع بلا شك .. صرخ بعصبية : إيش تسوي هنا ؟؟ روح إنقلع ما أبغى أشوفك ..

إلتفت المقنع إليه .. ووقف من على الأريكة .. وتوجه نحوه ..
خاف هاني مما سيفعله .. يبدوا أنه سيقتله بلا شك .. تراجع للخلف بخوف ..
يدرك حق الإدراك أن المقنع لن يتردد في قتله أبدا أبدا .. حتى لو كان هو أقرب المقربين إليه ..

تفاجأ حين وضع المقنع يده على كتفه وقال : روح خذ لك شور وإستريح ، وبعدها رح نتكلم ..
أتاه شجاعة من حيث لا يدري وقال وهو يبعد يده عن كتفه : لا تلمسني يالخسيس ، وبعدين أنا رح أنتقم لمطر ، مارح أتركك يا تاامر رح تندم على اليوم ............

قاطعه المقنع بصراااااامة : هــــــاني إني أكون هادئ معاك ، مو يعني إني رح أسامحك ، لا تتلفظ بأشياء رح تندم عليها في المستقبل ، إستريح اليوم وبكرة رح يكون لنا كلام ثاني ..
وبعدها توجه إلى باب الشقة وقال : فكر في كلامي زين ..

وخرج بعدها من الشقة .. بينما إنهار هاني على الأرض .. النبرة الصاارمة قد أرعبته بشدة .. نبرته أرعب من زئير الأسد .. وأظلم من الظلام ..


^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^^^^^^^6


قال بضيق : الظاهر إن حسام نسي أمرنا ، مرت 3 ساعات ولا زلنا هنا ، المفروض يدور حسام علينا ..
قالت مأعم بسخرية : مادام حسام صاحب الشخصية الباردة كن واثق إننا حتى لو غبنا سنة كاملة ما فكر يدور عننا ..
ضحك عماد وقال : هههههه ما أستبعد إنه يسويها ، بس تدري أنا مستغرب من تغيره المستمر ، أحياانا أشوفه هادئ وأحيانا عصبي ، وأحيانا يرجع لحسام الطبيعي ، أشك إن عنده إنفصام في الشخصية .

ولأول مرة في التاريخ إبتسمت مأعم .. لكن ليست إبتسامة سعادة .. وإنما إبتسامة خبث وقالت : يمكن وراه سر ( وأردفت بعدها بسرعة وقد إختفت تلك الإبتسامة : إسمع يا عماد كيف علاقتك الحين مع روضة ؟؟

إبتسم عماد بمجرد ذكرها .. هي حبيبته وشريكة حياته ووالدة أبنائه في المستقبل .. ميتم بحبها ..
قال بإبتسامة حاالمة : ياااه والله مشتااق لها ..
مأعم : متى آخر مرة كلمتها ؟؟

حك عماد رأسه بإحراج وقال : أمم من بعد الملكة أنا ما كلمتها ، وأصلا ما عندي رقمها ، ههههه غبي صح ؟؟ أخاف من روضة إنهاا تاخذ مني فكرة سيئة ، تقول إني مطنشها وإني ما أبغاها يا ويلي ..

إبتسمت مأعم إبتسامة ساخرة .. لو يعلم عماد أن روضة غير راضية به لما قال هذا ..

قالت بملل : لقد مللت أريد العودة إلى منزلي ..
ضحك عماد وقال : هههههه حتى أنا طفشت بس إيش نسوي ؟؟ كل إلي لازم نسويه الحين إننا ننتظر إلين ما يلاحظوا غيابنا ويبحثوا عننا ..


^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^

دخلت إلى الغرفة وقالت بفرحة : سبراااااااااااااااااااااااااااااااايز الخاالة جاات ..
نظر إليها زوج أختها وقال : ششش أختك تعبانة وبعدين إحنا في المستشفى لا تصرخي كذا ..
إحمر وجهها خجلا .. نست تماما أن زوج أختها سيكون موجودا .. قالت بحرج : إحم آسفة ..

بعدها دخلت والدتها وخلفها أم لمياء .. وتحمدا لها بالسلامة .. وبعدها ظلت ليان في ركن الغرفة بحجابها لأن زوج أختها كان موجودا ..
وبعدها إنضمت العمة إليهم .. وهكذا ظل الجميع يتحدثون مع بعضهم ويضحكون ..
إلا هي .. كانت جالسة لوحدها .. تشعر بالملل الشديد .. وبما أن زوج أختها موجود فهي لا تستطيع أن تأخذ راحتها ..


وقفت وقالت : أنا رايحة شويه ..
خرجت من الغرفة وهي تشعر بالملل .. لا تعلم لماذا خرجت .. لكنها كانت تريد فقط أن تهرب من الملل القااتل ..
قالت بعد أن أغلقت الباب : أووف ملل ما أقدر أخذ راحتي مادام أمجد موجود ؟؟
أتاها صوت رجل يقول : والله لو بغيتي مني أطرده رح أطرده عشانك ..
إلتفتت بسرعة للواقف بجانبها على بعد سنتي مترات .. وقالت بصدمة : براااء ؟؟

إبتسم براء وقال : عيونه وروحه ..
ليان : إيش تسوي هنا ؟؟
براء : ما شفتي أمي ؟؟ أنا هنا عشاني وصلتها ، تعرفيني أنا واحد بار بأمه ..
ليان : طيب ليش ماجات أنهار ؟؟
براء : هي تعبانة شويه ..

بعدها صمت كلاهما .. فليس هناك موضوع يتحدثان عنه ..
قطع هذا الصمت براء وهو يقول : أيوه صح نسيت أقول لك مبرووك لأنك صرتي خالة ..
إبتسمت ليان وقالت : الله يبارك فيك ..
غمز لها براء وقال : عقبال ماتصيري أم ..

إحمر وجهها خجلا .., لكنها كانت سعيدة أنها متحجبة وإلا لكان قد رآى وجهها الذي أصبح كتلة من الحمرة ..
أكمل بعدها براء بجدية : ليان إلى متى رح تأجلي موضوع الملكة ؟؟ إذا تبغي تخلصي دراستك أنا رح أستناك عادي ، بس ملكة خلينا نملك ..

إنمحت ملامح السعادة والخجل .. وحل محلها العصبية وقالت : إنت ماتفهم ؟؟ قلت ما أبغى أتزوج الحين ..
براء بحدة : يالغبية خفضي صوتك ، إحنا في مستشفى ، وبعدين أنا قلت بس ملكة ..
إلتفتت ليان وقالت ببرود : أنا قلت ما أبغى ..
وبعدها سارت إلى الأمام .. لكن براء أمسكها من معصمها وقال : لا تعطيني ظهرك وإحنا ما إنتهينا من الكلام ..
دفعته ليان بعصبية وقالت : يالح** لا تقرب مني ، وبعدين إحنا في مستشفى وهذا مو مكان مناسب للكلام ..

صمت براء ولم يقم بشيء .. خوفا من أن تقوم ليان بالصراخ مرة أخرى .. ألقى نظرة حادة وبعدها إبتعد عنها ..
مشت ليان بسرعة وهي لا تعلم أين ستذهب .. المهم أن تبتعد عن براء .. النظرة التي ألقاها أرعبتها بصورة كبيرة ..



أما براء فقد خرج من المستشى .. وصعد إلى سيارته .. وضع رأسع على المقود وهمس بقهر : ليش يا لياان ليش ؟؟

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^^^^^^^^^^^^^^^^^^^^^^^^^^^^^^^^^^^

كان الشباب يقومون بالشوي وإعداد العشاء ..
نظر نادر إلى ساعته وتنهد بضيق .. قد مر على غيابهما أربع ساعات ولم يعودا بعد .. أمسك بحسام وقال : حسام إنت متأكد إن عماد بخير ؟؟
قال حسام ببرود : وليش السؤال ؟؟
نادر : مرت أربع ساعات وما رجع عماد والله قلقان عليه ..
حسام ببرود : المطلوب ؟؟
نادر : تدري إنت غبي ..
حسام بذات النبرة الهادئة : طيب ؟؟
نادر : الكلام معاك ضايع ، خليني أكلم الشباب بس ..
ترك نادر حسام . . وتوجه للشباب المجتمعين حول النار الذي أشعلوه وقال : شباب عماد من أول راح وما رجع للآن ، خلونا نبحث عنه ، يمكن صار له شيء لا سمح الله ..
رياض : أيوه والله ، المفروض ما نجلس كذا ، كل واحد ياخذ سيارته ويبحث عنه ، بما إن عماد جواله هنا ..
فادي : بس ما يصير نترك الشوي ، لازم أحد يهتم فيه ..
فيصل : خلاص إنتم روحوا وأنا رح أجلس هنا مع حسام ..
نادر : أجل يالله كل واحد بسيارته ويبحث عن سيارة حسام لأن عماد أخذ سيارته ، وإذا لقيتوه إتصلوا عشان نرجع ..


إنتشر الشباب بسياراتهم بحثا عن حسام .. في النهااية وجد نادر سيارة حسام وتوجه لها .. خرج عماد وقام بإحتضان نادر بسعادة وقال : وأخييييييييييييييرا بعد ساعات من الإنتظار وجدتونا ..
ضحك نادر وقال : والله مو مننا ، الدلخ حسام هو إلي كان يقول إن مافيكم إلا العافية ، ياللا أركبوا السيارة خلونا نرجع ..
قال عماد : طيب سيارة حسام إيش نسوي ؟
نادر : بعدين نتدبر أمره ، الحين ياللا أركب سيارتي ..
عماد : أوكي إنت روح أول ، أنا رح أنادي مأعم ..
نادر بإبتسامة : الأمور بينكم صار تمام صح ؟
عماد : الحمد لله ..

توجه عماد لسيارة حسام وقال : ياللا يا مأعم رح نركب سيارة نادر ..
خرجت مأعم من السيارة بصمت .. وسارت خلف عماد ..
وبعدها عااد الكل إلى المخياماات ..


بعد وصولهم .. نزلت مأعم من السيارة متوجهة لخيمة النساء ..
ناداها عماد : مأعم إنتظري ..
إلتفتت إليه مأعم بإستغراب .. ماذا يريد منها ؟؟
قال عماد : عندي شيء أبغى أعطيك هو ، إنتظري ..
ركض عماد لخيمة الشباب ..
وبعدها خرج بعد دقائق وفي يده كيس باللون الزهري ..
مد الكيس لها وقال : خذي ..
مأعم : لمين ؟؟
عماد بإبتسامة : لأختي الحبيبة ..

أخذت مأعم الكيس وقال : شكرا ..
وبعدها عادت إلى خيمة النساء ..


^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^


إنتظروني في الجزء الثاني الأسبوع القادم بإذن الله ..

صباحك فل يا ميشو
نحن بانتظار مواجهة بتال والعنود
لاطولين علينا ياقلبي
بانتظار الاحداث الشيقة

عذرا اختي ابتسامة شقاوة انا تصفح بالجوال كنت احسبني اكتب في موضوع اختي مشاعل السعودية اتمنى
من المشرفات حذف الرد

في اليوم التالي ..
إستيقظ من النوم وهو ينظر إلى الساعة الموجودة بجواره .. كانت الساعة تشير إلى التاسعة صباحا ..
امسك هاتفه للبحث عن رسالة من مطر .. كان مطر معتاد داائما على إرسال رسالة لهاني حتى لو لم تكن لديه ما يقوله ..

لكنه لم يرى أي رسالة .. كيف سيرسل إليه مطر رسالة بعد موته ؟؟
ألقى الهاتف بعصبية على جدار الغرفة ... مما جعلها تتحطم إلى أجزاء متناثرة ..
صرخ بألم : لييييييييييييش يا مطر ؟؟ ليش خنتنا ؟؟؟ ليش رحت ؟؟ إنت تعرف إني محتاجك ..
بدأت دموعه بالإنهمار من جديد .. الآن أصبح وحيدا حقا .. في البداية عندما مات والديه كان في السابعة من العمر .. ظن أنه وحيد في هذا العالم .. فهو لا يمتلك أي أحد آخر .. لا عم ولا عمة .. ولا خال ولا خالة ..
لكن مطر ظهر فجأة ظل يسانده ويعتني به .. عندها أدرك هاني أنه لم يعد وحيدا .. لكن بموت مطر عاد ليصبح وحيدا ..

صرخ بعصبية مرة أخرة : كل هذا بسبب تامر الكل** والله لأوريه ، لأنتقم لك يا مطر ، والله لأنتقم ..

بعد نصف ساعة .. سمع صوت طرقات الباب ..
إستغرب هاني في البداية .. من يا ترى سيأتيه ؟؟
هل من الممكن ان يكون المقنع ؟؟ لكن المقنع لديه مفتاح الشقة .. إذا لا داعي لطرق الباب ..

توجه للباب وقام بفتحه .. فإذا بصقر هو من أتاه ..
قال هاني بحدة : خير ؟؟ إيش تسوي هنا ؟؟
قال صقر وهو يدخل إلى الشقة :توقعتك في المستشفى بين الحياة والموت ، لكني ما توقعتك سليم ولا فيك خدش واحد ..
هاني بسخرية : وليش أكون يعني بين الحياة والموت ؟؟
صقر : سمعت أمس إن الزعيم قتل مطر قدامك ، وما أظن إنك رح تسكت على شيء كذا ، لأن مطر كان كل أهلك ، عشان كذا ظنيت إنك رح تثور في الزعيم ورح يقتلك بس الظاهر إنك جبان وسكت على إلي صار ..

صرخ هاني بعصبية : مالجبان إلا إنت يالتبن ، وبعدين أنا مقرر إني أنتقم منه ، والله لأقتله وأشرب من دمه ..
صقر بحدة : إسمع يا سيد هاني ، إنت شخص مميز جدا ، ، لو كان أحد ثاني مكانك والله لكان في عداد الأموات ، عشان كذا بدال ما تفكر في النتقام من الزعيم والمنظمة ، ، ما أدري ليش الزعيم يحبك لكن المفروض تفرح وتشكر الزعيم ، وتكون ممتن لأنك لا زلت على قيد الحياة بالرغم من كل إلي تسويه ، والحين رح أخليك لكن أبغاك تفكر في كلامي زين ، وحط في بالك إن كل خائن مصيره المووت ، حتى لو كنت إنت ، رح أعطيك مهلة شهر ، لو ماتغير تفكيرك رح أقتلك بنفسي وأتمنى تفكر في كلامي ....

خرج صقر من الشقة .. ولا زالت كلامته تتردد في مسامع هاني ..


لماذا هو مميز ؟؟
لماذا لم يقضي الزعيم عليه بالرغم من كل ما فعله ؟؟
لقد أُُمر بقتل جميع الخونة من دون إستثناء .. لكنه بدلا من ذلك قرر أن يتحدث مع مطر ويحاول أن يغير من رأيه .. مع أن الأواامر كانت وااضحة ..
بالرغم من مخالفته لأوامر الزعيم إلا أنه قد أبقاه على قيد الحياة .. حتى بعد الكلمات سامة التي قالها له .. وبعد كل تلك الوعيد والتهديد فقد تركه وشأنه بدون أي خدش ..
ماهو السبب يا ترى ؟؟؟؟؟؟؟؟؟؟؟؟؟؟




^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^^^^^^^^^^^^^^^^^^^^^^^^^^^^

في الشركة ..


وقعت شركتهم في مشكلة .. وكل العبء قد ألقت عليه .. بما أنه مصدر ثقة للكل .. وذا ذكاء حاد .. ويمتاز بحلوله النموذجية .. وملاحظاته الدقيقة ..

جالس على الكرسي الفخم ذا اللون الأسود .. وأمامه مجموعة من الملفات التي يجب قرائتها .. وحسابات عديدة يجب مراجعتها ..
وسط إنهماكه في العمل سمع صوت طرقات هادئة على الباب .. قال من دون أن يرفع رأسه : تفضل ..

دخل عماد وألقى السلام .. رفع رأسه وعلى شفتيه إبتسامة هادئة وقال : وعليكم السلام ، خير ؟؟ إيش عندك ؟؟
جلس عماد وقال بإنذهال : الله كل هذا رح تسويه لوحدك ؟؟
هز نادر كتفيه وقال : إيش أسوي ؟؟ ما أقدر أرفض ، لأننا في مشكلة ..
عماد بضحكة : الحمد لله إني ما عندي ذكائك وعبقريتك ولّا كان تورطت زيك ..
نادر : هو مو مشكلة إني ذكي ، المشكلة إنكم ما تبغوا تحاولوا ، أنا زيكم في كل شيء ، يعني الأمور إلي أقدر أسويها إنتم رح تقدروا تسووها لو حاولتم ، بس إنتم ما تبغوا تحاولوا ..
عماد : أوكي ما رح أطول لأن وراك أشغال بس حبيت أشكرك على نصيحتك ، وأبشرك إني تصاالحت مع أختي ..
نادر بإبتسامة وسيعة : الحمد لله إنكم تصالحتم ، على بالي رح يطول المقاطعة إلي بينكم ..

عماد : تخيل مأعم قالت لي إنها مو زعلانة مني لا شيء ، وما تعتبرني سبب في موت أسامة الله يرحمه ..
نادر : أنا قلت لك من قبل ، ماحد رح يلومك بس إنت غبي كنت تتخيل أمور غبية ، بس الحمد لله إنكم تصالحتم ..
عماد بحزن : أنا إلي حارق قلبي إن أمي شهد ماتت قبل ما أكلمها أو أستسمح منها ، والله إني غبي ..
نادر : أنا متأكد إنها مسامحتك يا عماد ، لا تشيل هم ..

عماد بهدوء : نادر مأعم لا زالت مصرة إن أمها ماتت مقتولة ومارح ترتاح إلا لمن تنتقم من قاتل أمها ، إيش أسوي معاها ؟؟
قطب نادر حاجبيه وقال : لا زالت مصرة ؟؟
عماد : أنا قلت لها إن الحريق إلي صار لبيتهم كان مجرد إهمال من أمها ، بس هي مصرة على إنها ماتت مقتولة ..
هز نادر رأسه بيأس ..
مرت على وفاة والدتها تسع سنوات ولازالت مصرة على أن الحريق كان مدبر من قبل شخص موجود بينهم ..
إلا أنهم أكدوا لها أكثر من مرة أن والدتها هي المخطأة ..
فهي قد تركت النار مفتوحا .. وذهبت للنوم .. وهذا ما سبب الحريق ..

بعدها قال : إنت يا عماد لازم تكون جنبها ، وحاول تخرجها من عزلتها ، ما يصير إلي تسويه ، وحاول تشيل فكرة الإنتقام من بالها ، وحاول ما تخليها تجلس وحيدة ، لازم يكون أحد معاها ، حاولوا ما تخلوها تفكر كثير ، لأني أخاف إنها تنتقم من جد ..
عماد : هي إنت لا تنسى إني مو عايش معاها في نفس البيت ..

نادر : طيب أطلب من زوجتك إنها تحاول تخرج مأعم من عزلتها ، وكلم فادي وحسام ..
عماد بحزن : المشكلة إنها ماتعطي لأحد مجال لأنه يتكلم معاها ، في يوم من الأيام سألت عنها وعن أخبارها ، تخيل إيش قال فادي لي ، قال إنهم ما يشوفوها إلا نادرا ، ولو طلبت منه يوصفها مارح يتذكر شكلها ، تخيل بس يا نادر ..

نادر : إسمح لي يا عماد لكن أختك مريضة نفسيا ..
عماد بحدة : نادر لو سمحت ما أسمح لك تقول عنها كذا ..
نادر : طيب بالله هذا تصرف وحدة عاقلة ؟؟ تحبس نفسها تسع سنوات في غرفتها ؟؟ تسع سنوات مو قليلة ، أنا لو حبست نفسي شهر رح أنجن ..

عماد بذات الحدة : مهما سوت مارح أسمح لك تقول عنها مريضة سامع ؟؟
نادر : أوكي أوكي خلاص مارح أقول عنها مجنونة ، ولا مريضة ، خلينا الحين ننتقل لموضوع آخر ، كم مرة وقعت شركتنا في ورطة ؟؟ وكم مرة تم إختلاس الفلوس في شركتنا ؟؟
عماد بإستغراب : وليش تسأل ؟؟
نادر بهدوء : بعد كل أربع شهور تطيح شركتنا في مشكلة ، ونلاحظ إختفاء كم مليون من عندنا ، أنا ما أعتقد إن هذه صدفة ، أنا حاس إن في موظف خائن بيننا ..
عماد : من متى وإنت شاك في هذا الموضوع ؟؟

نادر : من زمان وأنا حاس كذا ، بعدها بدأت أراقب الموظفين كلهم لفترة ، بس ما عرفت السارق إلى الآن ، وقررت أراقبهم من جديد بس للأسف ما عرفت هويته ، وإستنتجت في النهاية إن السارق واحد من أعمامي أو عيالهم ..
وقف عماد بعصبية وقال : يعني تشك فينا مثلا ؟؟ نادر إلتزم حدك ، تحليلاتك السخيفة خليها لنفسك ، من سابع المستحيلات إن يكون في واحد من عيال أعمامنا يختلسوا الفلوس ..
نادر بحدة : طيب إيش تفسيرك للي صار بالضبط ؟؟ أنا راقبت الموظفين كلهم مرتين ، وما شفت أشياء تثير الشك ، والوحيدين إلي ما راقبتهم هم أعمامنا وعيالهم ..

أخذ عماد نفسا عميقا وقال بعدها : لا تتسرع في الحكم يا نادر ، وأتمنى هذا الشيء يظل بيننا ، لا تقول لأحد عن تحليلك السخيف ، ياللا مع السلامة ..
خرج عماد من الغرفة .. وظل نادر يفكر في حل للمشكلة ..
هو متأكد كل التأكيد أن أحد منهم هو السارق .. لكنه لا يريد التعمق في الحقيقة حتى لا يُصدم بحقيقة السارق ..


فماذا سيفعل يا ترى ؟؟؟؟؟؟؟؟

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^^^^^^^^^^^^^^^^^^^^^^^^^^^^^^^^^^^^^

فتحت عيناها لتجد نفسها في غرفة غريبة .. كان مستلقية على سرير فخم .. وفي غرفة مبهرة ورائعة ..
شعرت بوجوج جسم ثقيل فوق جسدها .. تلسمت الثقل لتجد يد شخص فوقها .. قلبت نفسها للجهه اليمنى لتجد رجل نائم بجانبها .. وواضع يده اليسرى عليها ..

تذكرت ما حدث لها بالتفصيل .. تذكرت صرخاتها .. تذكرت ضرباتها .. تذكرت دموعها .. تذكرت أحداث الليل الماضية كلها ..
فما كان منها إلا أن دفعته بعيدا عنها .. وقالت وهي على وشك البكاء : يـ.. يــالــ..ـحـ.ـقير والـ.ـلـه ما أسـ.ـامـ.ـحك ..


فتح عينيه ببطء .. فإذا به يراها أمامه واقفة وقد غطت نفسها بغطاء السرير .. وعيناها تذرفان الدمع بصمت ..
جلس وقال بإبتسامة : صباح الخير يا عروسة ..
صرخت بعصبية : حقيييييييييييييييييييييييييييييييييييييييييير ..

قالت كلمتها هذا وتوجهت إلى الحمام حتى تبكي براحة .. بينما هو كان يتتبعها بعينيه وعلى شفتيه إبتسامة طفيفة ..

أما هي فقد كانت تبكي في الحمام .. وهي تشعر بحرقة شديدة في جميع أنحاء جسدها .. الكلمات التي قالتها ليلة أمس ذهبت هباءا منثورا ..
لم تستطع أن تصبح قوية .. لم تستطع أن تمنعه من الإقتراب منها .. لم تستطع إلا الصراخ ..

هي ضعيفة جدا جدا .. لا تستطيع أن تتماسك وتصبح قوية ..
هذه هي جود .. ليست إلا فتاة ضعييفة من الداخل والخارج ..


نهاية الجزء ..

السلام عليكم ورحمة الله وبركاته ..
قبل ما أنزل البارت حبيت أقول لكم إن الوصف صار بالعامي .. ومافي شيء بالعربية الفصحى إلا إذا كانت الشخصية تتكلم بالعربية الفصحى ..

قراءة سعيدة للجميع ..
16

من يوم صحيت وهي إلى الآن ما شافت أختها .. وهذا الشيء أثار إستغرابها ..
قررت تروح لغرفتها عشان تشوف إيش صار لأختها ..
بدأت تدق الباب لفترة .. لكن وللأسف ما يجيها أي رد ..
تسلل الخوف إلى قلبها .. وما عرفت إيش تسوي ..
والشيء الوحيد إلي خطر في بالها هو إنها تنادي عمها ..

راحت بسرعة البرق إلى غرفة عمها .. وبدأت تطرقه بشكل متواصل ..
فتح عمها الباب وهو منزعج منها .. قال بعصبية : إيش تبغي ؟؟
قالت حور بخوف : عمي أنا من زمان وأنا أدق باب جود لكنها ما ترد ، يمكن صار لها شيء ..
ناظر فيها عمها وقال ببرود وهو يتكتف : طيب ؟ والمطلوب ؟؟
عصبت حور من بروده .. وقالت : يعني أبغاك تروح تشوف إيش فيها ، الباب مقفل وأنا ما عندي مفتاح ..

تأفف عمها وقال بملل : هي مو أختي ، يعني أنا مالي صلاح فيها ، ماتت ما ماتت هذا ما يخصني ..
إنقهرت حور من كلامه .. وصرخت بقهر : لا تتفاول عليها يالك** عسى يومك قبل يومها ، ( وبعدها كملت بحسرة : ياريتنا متنا مع سراب ..
طالع فيها عمها وقال بسخرية : إذا تبغي تموتي موتي ، ماحد مانعك ..
طالعت فيه حور .. وهي ودها تعطيه كف على وجهه .. كلامه وكل شيء فيه ينرفزها .. قالت عشان تنهي الموضوع : الحين لا تكثر هرج ، وروح شوف إيش فيها جود ..

بان ملامح التوتر على وجه عمها .. وهي لاحظت هذا الشيء .. لكنها ما أعطت للمووضوع أي أهمية ..
قال عمها : طيب إستني هنا شويه الحين راجع ..
قفل عمها الباب .. ومسك جواله وإتصل على رامي ..
ماهي إلا ثواني حتى أتاه صوته الخشن : نعم ؟؟
قال العم بتوتر : رامي بسرعة رجع جود ، أختها تسأل عنها ..
قال رامي : أنا ما شبعت منها للآن ، دبر حالك ياللا سلام ..
العم : راامي إنتظر ..

طالع العم لجوال بقهر .. رامي قفل الخط في وجهه .. والحين هو متورط ، إيش يسوي ؟؟ وإيش رح يقول لحور ؟؟

سمع صوت طرقات على الباب .. وحور جالسة تناديه من برى الغرفة ..
عصب العم وما عرف إيش يسوي .. قال بعصبية : إنت ما تقدري تصبري ؟؟ بطني يمغصني وأبغى أروح الحمام ( الله يكرمكم ) ..
ردت عليه حور بعصبية من برى الغرفة : طيب أول شيء كسر باب غرفة جود وبعدها روح الحمام زي ما تبغى ..
تأفف العم بقهر .. الحين إيش رح يسوي مع النشبه هذه ؟؟


ظل العم في الغرفة لفترة .. وحور كل مالها تعصب وتزيد في الدق .. إلين ما إنفجرت من العصبية وما قدرت تصبر أكثر .. ركلت الباب برجلها وقالت : يالمل** أفتح الباب بسرعة ، حسبي الله عليك دنيا وآخرة ..
خاف العم من إنها تسوي أشياء جنونية وقرر يخرج من الغرفة .. قال بعد ما خرج : أووف حتى الواحد في الحمام ما يقدر ياخذ راحته وجع ..
حور بصراخ : يوجعك إن شاء الله ، يالله بسرعة نروح عند جود ، ( وكملت بوعيد : والله لو صار لها أي مكروه ما أسامحك يا عــــمــــــــي .

قال عمها : لا تخافي هي ما فيها إلا العافية ، روحي دقي باب غرفتها من جديد ، وأنا رح أسأل الخدامة إذا كان في مفتاح إحتياطي لغرفتها ..
حور بسرعة : أوكي بس لاتتأخر ..

لمن أعطته حور ظهرها .. راح بسرعة وخرج برى البيت .. وقرر يروح للشقة إلي فيها رامي وجود .. ركب سيارته .. وحاول يتصل على رامي من جديد عل وعسى إنه يرد ..
لكن رامي كان مقفل جواله ..
ضرب العم الدركسون وقال بقهر : الله يلع** يا رامي ..

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^


في غرفة مظلمة نوعا ما .. مافيها إلا إضاءات قليلة ..
كان في عامود مربوط فيه واحد صدره مكشوف .. وكل منطقة في جسمه مجروحة ..
وقدامه واحد بنيته ضخمة .. وفي يده سوط طويل ..

إنفتح الباب الحديدي للغرفة .. ودخل منه صقر ..
قال صقر للجلاد : للحين ما نطق بكلمة ؟؟
هز الرجال إلي في يده سوط بالنفي وقال : أبدا ما قال كلمة وحدة ..

طالع صقر في الرجال المجروح والمصاب وقال : هتان ترى صمتك هذا ما رح يفيدك ، قول مين إلي معاكم وبعدها ترتاح ..
قال هتان بحدة : مهما عذبتوني مارح أنطق بكلمة وحدة ..
قرب صقر من هتان وقال : يا حبيبي إنت إيش رح تستفيد لو تسترت عليهم ؟؟ وبعدين حتى لو ما قلت لنا مين هم الخونة إحنا رح نعرفهم من دون مساعدتك ..
إبتسم هتان بسخرية وقال : مادمت قادر على معرفة الخونة أجل إكتشفهم بنفسك ، لا تجي وتسألني ..
صقر : إحنا مانبغى نتعب حالنا ، إنت رح تقول لنا ورح توفر علينا الجهد ..
هتان بصرامة : في أحلامك ، والله ما أنطق بكلمة وحدة ، وبعدين من كم يوم وإنتم تجلدوني ، ترى الجلد ماعاد يأثر فيني ، صار جسمي معتاد خلاص على الجلد ..

صقر بإبتسامة : أفهم من كلامك هذا إنك تبغى نوع جديد من التعذيب ، أوكي يا حبيبي إختار نوع آخر من التعذيب ، تبغى نحرق لك جسمك ، ولا تبغاني أبتر أطرافك ؟؟ أو إيش رايك نبدأ نخرق جسمك بالأبر ؟؟ إنت بس آمر يالغالي ، ترى طلباتك أوامر ..
قال هتان وهو يسوي حاله يفكر : أمممم خليني أفكر شويه ، صعب أتخذ القرار ، ودي أجرب الكل ..
صقر : عادي رح نخليك تجرب كل أنواع التعذيب ..
هتان : لا أخاف أتعبكم ، خليني أختار واحد وما أكون طمعان ..
صقر : رح أستناك ، بس لا تطول يا غالي ، ياللا سلاام ..
هتان : أبشر رح أعطيك الجواب بأقرب فرصة ممكنة ..

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^^^^^^^^^^^^^^^^^^^^^^^^^^^^^^^^^^^^

في غرفة روعة ..
كانت طفشااااانة وتبغى تموت طفش .. قررت تروح غرفة روضة ..
دقت الباب وشويه طلعت روضة وشكلها يبين إنها كانت نايمة ..
قالت روعة : يووه والله أنا حاسة إني بموت من الطفش خلينا نسوي شيء ..
طالعت فيها روضة وقالت : والله إنك فااضية ، أقول روحي إنقلعي أنا أبغى أنام ..
روعة : يا بنت ما شبعتي نوم ؟؟
روضة : أمس الليل كنت سهرانة على التلفون أكلم كريمة ، عشان كذا نعسانة ..
روعة : مالي صلاح تجلسي معايه يعني معااية ..
روضة : مع نفسك ..
قفلت روضة الباب في وجه روعة ..
إنقهرت روعة .. وهي ما تدري إيش تسوي الحين ..

قررت تروح عند مها عل وعسى تعطيها وجه ..
دقت باب غرفة مها .. لكن مها ما ردت .. ظلت تدق وتدق حتى طلعت مها وملامحها كمان يدل على إنها توها كانت نايمة ..
قالت مها وهي تفرك عينها بنعاس : هاا إيش تبغي ؟؟
إبتسمت روعة وقالت : والله أنا طفشانة وأبغى أتسلى معاك ..
قالت مها : روحي عند أحد ثاني أنا أبغى أنام ..
راحت روعة وهي قهراانة .. أخوانها كلهم الحين في الشركة ..
فكرت شويه وقررت تقضي وقتها شويه مع مأعم ..
راحت عند غرفتها .. وظلت تتأمل الباب .. ظلت مترددة هل تدق الباب ولا لأ ؟؟
في النهاية إستجمعت قواها وقالت : إلي يصير يصير ، مالي صلاح رح أدق الباب .





في غرفة مأعم ..
كالعادة ماكانت نايمة .. لكنها كانت مستلقية على السرير .. وجالسة تناظر السقف ..
قطع هدوء الأجواء صوت طرقات الباب ..

وقفت مأعم بتكاسل وفتحت الباب .. إستغربت مرره لمن شافت روعة ..
ناظرت فيها روعة وقالت بإبتسامة وتردد : أمم أنا كنت طفشانة ، وقلت يمكن يعني نتكلم مع بعض ..
طالعت فيها مأعم للحظات بعدها وخرت عن الباب وقالت : أتفضلي ..
إنصدمت روعة .. لأنها ما توقعت إن مأعم تخليها تدخل الغرفة .. قالت عشان تتأكد من إلي سمعته : إيش قلتي ؟؟

قالت مأعم ببرود : قلت تفضلي ..
دخلت روعة الغرفة وهي لا زالت مصدومة .. توقعت منها تطردها مو تدخلها الغرفة ..
وقفت في وسط الغرفة وهي مو عارفة إيش تسوي ..

في النهاية قررت تخرج من الغرفة .. لأن الأجواء إلي في الغرفة بدأت توترها ..
قالت بخوف : أنا خارجة خلاص ..
قالت مأعم وهي توقف قدام الباب بعد ما قفلته : لن تخرجي إلا بعد أن تجيبي على أسئلتي ..


^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^