السلام عليكم..
حياتس الله ياوجد بين اهل ليلاس نورتينا.. بس اول شي تعالي علميني من البطل..؟ انا والله حبيت سعووود .. شكلي بصااادره وبالشمع الاحمر بعد.احس انه ماشي على شروطي..هع
المهم ياا بنت القصه شكلها توسع الصدر.. واسمها صراحه لوووئطه..
اسم حلو ومختلف عن باقي القصص ..

فهد .. تدرين على ان شكله حقير وواطي بس اعتقد انه راح ينصلح حاله ويبطل يتحرش في وجد..
ورواد .. شكله يحب وجد ويميل لها بس يمكن يكتشف سبب خوفها من اخوه وهنا بيحسوب الله ماخلئ لو هالاخ>>فيس اللهجات طلع..هخهخه

وام وجد اتوقع تموت وهي تولد.. بس وش هالبرود اللي ابو سعود فيه المفروض وهو جايبها تولد قيصري مايجلس يسمع في هالدكاتره كان هو قال سووو لها قيصريه على مسوؤليتي و غصب عنكم..

مهوب مغربلين هالضعيف في احلك اوقات حياتها>>متعوب عليها احلك ترى..
عقب عاد ماتموت ام وجد الله يرحمها بتروح وجد وتعيش عند ابوها الصدقي البدقي..

بانتظار باقي الاحداث فلا تطولين علينا.
دمتي بود.

السلام عليكم ورحمة الله وبركاته

اهنيك وجد ..........البارت الثاني كمية الابداع فيه اكبر والاحداث اكثر غموض....

نجي لوجد الي احس انها شخصية قريبة من الكاتبة او فيها لمحات من

حياتها او احد قريب منها

الوصف الدقيق ولكن ببساطه اعطى الرواية واقعية اكبر خصوصاا وصف لحق ابو سعود

للاسعاف وصف اعطانا اهمية ام وجد بالنسبة لابو سعود بعيد عن وصف المشاعر المباشر

ياحليل وجد اثرهاا مزيونة وسعود ملقبها باية الجمال ووجد الحب من قدك يا وجيدة جايبتن خبر الرجال منذو مبطي

فهد كرهناه المقرود من كره وجد بس يمكن يكبر ويتغير ويمكن هو الي بيكون لها وهي

له ياكثر الطايشين الي الله يفتح عليهم ويكونون ارجل الرجال


وجد طفلة
تخاف يقوة من فهد

تحب وترتااح وتحس انه زي اخوهااا محمد

تحس بالامان معه بس تهابة رواااد


سعوود طيف غاب عنه بس رجع ورجع معه ذكرياات حلوة


الغريبة ان علاقتها مع الاولاد اقوى من البنات

ابوها تاركها عند امها مدري اقتناع ان البنت افضل تكون مع امها او انه بيفتك من مسئوليتها ومكتفي بعيالة الي معه


ننتظرك يااوجد بكل الود واللهفة[/SIZE]

البارت السادس


قراءه ممتعه




المستشفى
الساعة10:30
وجد جالسة بغرفة النتظار
وتفكر بامها خايفه عليها ليش مطلعت لين الحين تسئل عمها
ويقولها مافيها شي عادي طبيعي تاخر لسى باقي على الطفل
قامت مو قادر تنتظر اكثر خايفه مووت راحت تمشي لبرا الغرفه قربت لستاره
الي على الباب مواريه الرجال عنها رفعتها شوي وطلت من وراها شافت سعود واقف
ومعطيها ظهره وابو سعود جالس على الكرسي قدامه وحاط يدينه على راسه
رفع راسه وشافها
واشر لها تجي
:وججد تعالي يابوتس
طلعت له شبه تركض
وجد:يببه ليش امي ماطلعت لسى يبه خايفه عليها
سعود يناظر لاابوه شافه ساكت مارد عليها وش بيقول هو بنفسه قلقان كيف يهديها
يبي من يهديه
تنحنح شوي وشجع نفسه يكلمها لازم يهدي فيها
ناداها بصوت شبه واطي:آيه تطمني امك بخير
ابو سعود انتبه عليه :آيه يابوك اسمها وجد ماسمها ايه
سعودارتبك ماحس بنفسه وهو يقول ايه نسي اسمها وغصب عنه يناديها ايه دايم
:اها ايه اقصد وجد
وجد تجمدت بمكانها وماقدرت ترفع راسها له
عم الصمت ربع ساعة
انفتح الباب
وركض له سعود اول واحد وهم وراه
ابو سعود بلهفه وخوف :طمنيني يادكتوره
الدكتوره تنزل الكمام من فمها:ابشرك جاك صبي مثل القمر والمدام بخير
ابو سعود خر ساجد وهو يتمتم بشكر لاالله سبحانه
سعود سحب الف من جيبه:الله يبشرك بالخير هاذي بشاره
الدكتوره بحرجه:واجبي ماله داعي
سعود بفرح:لا لا والله لتاخذينها هاذي بشاره بقدوم غالي ماتردينها
الدكتورد اخذتها بحرج:يتربى بعزكم يارب
ابو سعود بفرح ويضم وجد :جاء غالي ياوجد جا غالي جا اخوك الي انتظرتي سنين
وجد تبكي بفرح:الحمد الله يبه الحمد الله ربي فرح قلبي وتحقق حلمي
ويقوم امي بسلامه
سعود رجع لابوه وضمه :الف مبروك يالغالي يتربى بعزك وتحت ضلك ياكريم
ابوه يضمه:الله ايبارك فيك يابوك

الحمد الله ياسعود اخيرا جا غالي
سعود ابتسم على الاسم كان في باله وخاف ابوه مايعجبه:ماشاءالله يبه والله في بالي
بس خفت مايعجبك
ابو سعود بعد شوي ولف على وجد وحضنها على جنب :هاذا اسم وجد هههههه
وسبحان الله صار حتى انت تبيه خلاص غالي انت ووجد سميتوه
سعود ابتسم :هههه زين انكم تبونه
ابو سعود :انت الوحيد الي ايدته رواد عراض وكلهم صار عندهم تحفض على الاسم بس انا طنشتهم وقلت وجد الي تختار
سعود ضحك:ههههههههه القلوب عند بعضها ولا وش رايك.ولتفت لوجد .،ا ياآيــ اءا وجد

وجد ضحكت بخفه:هههه صح ،ولفت على عمها .،يبه متى نشوف امي
ابو سعود ابتسم لها :بكرا يابوك اليوم منومه وماتحس فينا
سعود:اجل خلاص يبه امشو معي وبكرا ان شاء الله اجيبكم لها
ابو سعود حط يده من ورا وجد:توكلنا على الله يابوك يالله ياوجد نمشي
وجد بتوتر:يبه وامي ابجلس عندها
ابو سعود:لا يابنتي امك نايمه وماتحس فيك
وجد بعبره:لا تكفى يبه مابي ابي ابجلس
سعود قاطعها :ممنوع ياآ يــه المرافق
وجد بكت هي من الفجر واقفه على رجل ومتوتره من شكل امها وخايفه عليها والحين يبونها تروح معهم بدون
ماتشوفها :لا لا تكفــى ياسعود خلهم ياوفقون ابي اجلس عنددها
سعود انصدم من بكاها :خلاص خلاص اهدي والله اليله ماتمرحين الى عندها بس اسكتي واهدي
ابو سعود يحضن وجهها ويمسح دموعها :بس يابنتي اسكتي وترا امك مافيها الا العافيه
وجد تحاول تسكت:ادري يبه بس ماقدر اطلع وانا اذكرها تعبانه مستحيل اتحمل


راح سعود عشر دقايق ورجع لهم وبيده ورقه
سعود يلوح باورقة المرافق :والموافقه وجبناها كم عندنا وجد
وجد بفرحه طفوليه انقزت و صفقت بيدينها:اااالله تسلم سعود يارب مايحرمني منك
سعود و وابو سعود ضحكو على حركتها الطفوليه :ههههههههههه
سعود:ربي يسلمك. لعيونك كل شي يصير ههههه
وجد بربشه :يالله يالله يبه امش نروح لاامي
سعود بمزحه:بس ابوي خلصتي مني ونسيتيني
وجد لفت له وبحرج:لاااا ماقصدي تعال معنا
سعود :هههههه امزح معك ابنتظر ابوي هنا
ابو سعود ابتسم:طيب يابوك بس انتظري شوي تمر ممرضة اقولها توصلك انا ممنوع ادخل
سكتت وجد ووقفت بجنبه
دق جوالها سحبته من الشنطه .ناظرت بالشاشة وشافت المتصل
.ردت بفرح
:الــو ..هلا وغلا .تمام الحمد الله اخبارك انت.
هههههه لا والله بس انا بحائل..
باسم الله وش فيك صرخت كذا..
,لا والله جد اتكلم..
لا لا انا بالمستشفى..
تطمن مافيني شي الحمد الله ..
هههههه لا بس غالي قرر يطلع لدنيا
..ههههههه اذني لاتصرخ فقعتها والله صادقه امي ولدت
..الله يبارك فيك ..
طبعا وفيه احسن من هالاسم
..اقول جلادوه مستانس بسمك وبس تتريق على غالي
...ههههههه تكفى طلبتك وافق عليه
..الي مستغربه منه ان الي ماعرض الاسم ثنين أسمائهم مدري كيف جايه
..عارف نفسك انت وياه
..ايه ايه عارفه ان كلكم معارضينه بس اقولك شي ماتهموني كلكم يكفي سعود معجبه الاسم ومأيده بقوه
يعني الحين مو انا مسميته لوحدي معي سعود
.وبقرف مصطنع.ووععع من زينك اكلك قل اقطعك وارميك لالكلاب ههههههههههههاي
....
كانت جالسه على الكرسي مندمجه بالمكالمه وناسيه المكان الي هي فيه وابو سعود جالس على الكرسي ومسند راسه على ورا
وسعود واقف مقابلها متركي على الجدار وسرحان فيها ورايح تفكيره
يشوف ابتسامتها وحركات يدينها يدها تروح على وجهها تسحب الخصله الي تطيح عليه تبعدها وترجع تطيح
وشكل تعابير وجهها
مستغرب ماتغطت عنه والي زاد استغرابه كانت لابسه عبايه وطرحه لافتها على راسها وراميه طرفها على وجهها
ومن صارو لحالهم رمت الطرحه
بس ماعلق بالنهاية ماله دخل فيها ابوه وساكت عنها هو وش دخله بس حاس ان شكلها غلط صحيح الي وضح له انها تتغطا عن الغريب بس
هم لا
مرت ممرضه من عندهم وتحرك بيوقفها نادا عليها:سستر
الممرضة السعوديه اوقفت ولفلت عليه :نعم استاذ
سعود مشى لين وصل لها:لو سمحتي ممكن توصلين البنت .ويشر لوجد.هذاي لقسم الولاده مرافقه على امها
الممرضة ناظرت باوجد وتعجب:هذاااي
سعود برفعة حاجب متحدي :ايه هذاي
الممرضة برفض :هذاي صغيرة وش يفهمها مستحيل
سعود عصب قال بقوة :انا مااستاذن منك انا اقولك دليها الدرب بس
الممرضة :بس صغيره وتـ ..
قاطعها بقسوة :شوفي تبين تفقدين وضيفتك راديني
الممرضة بخوف:لا استاذ خلاص بوصلها
..
وجد خلصت مكالمه وشافت سعود يكلم الممرضة بس بعيد ماتسمعه وش قول بس حست فيه معصب
حركت عمها الي كان غافـي :يبه يبه
ابو سعود فز بخوف :هاه وش فيه وش صاير امك وينهي
وجــد بندم:ييبه اسفه خوفتك
ابو سعود استوعب المكان :لا يابنتي مصار شي
وجد :يبه شف سعود هناك.واشرت له
ابو سعود ناظر :ياولله يالله يبه نشوفه هذا هو عنده ممرضة يالله نروح لها عشان توصلك
قام واقف .مغط عضلاته شوي يحس بتعب من جلست الكرسي.تحرك ماشي .متجه لاسعود.ووجــد مشت وراه
.وصل عند سعود .
سعود شاف ابوه واقف:هاه يبه هذاي الممرضة خلها توصل وجد
الممرضة تناظر وجد وكره لها لن سعود هزئها بسببها :يالله اوصلك للاماما
وجد استغربت لهجتها بس طنشت هي كذا الي ماتحس له اهميه تطنشه ولا تلتفت له وهذاي نقطه تحسب لها
لفت لاعمها :يالله يبه مع السلامه ان شاء الله تجون بكرا
عمها حضنها وقبلها على جبينها :مع السلامه يبه تصبحين على خير انتبهي لاامك زيـــن يوجد
وجد قبلته على خده ويده:ابشر يالغالي من عيوني
.تحركت مع الممرضة متوجهه لاامها
راقبها وهي تلف متجهه للقسم
نداها قبل تبعد:وجــــد
وجد تمشي رايحه للقسم سمعت صوته يناديها ووقفت لفت على ورا وهي ساكته تناظر له
ناظر فيها شوي وقال بصوته القوي :وجــد انتبهي على نفســك
ركزت نظرها فيه شوي وابتسمت وهزت راسها ولفت عنه مكمله طريقها
راقبها لين اختفت والتفت على ابوه:يالله يبه نمشي ونجي بكرا ان شاء الله
ابو سعود بخوف :مدري خايف ياسعود عليها هي صغيره وماتعرف تتصرف وانا استعجلت
سعود بثقه:لا يبه لا تخاف وجــد رغم صغر سنها الا انها قـــويه,وبغمووض,تتغلب على المصاعب كلها ان شاء الله مهما كان الي بيصير
ابو سعود ارتاح لكلامه :الله كريم يابوك يالله مشينا


______________

بيت ابو تركي جلاد جننهم على مقال لهم الخبر
ام ماجد بنرفزه:حسبي الله على عدوك ياجلاد والله انك ذبحتنا بخلالك انت ما تكف عن هالخبال
ابو تركي معصب منه:انا الي ابطلع هالخبال من عيونه شف ياجلاد تجيب نسبه تدخلك كلية الضباط ولا والله ياجلاد ان تتمنا ان الله
ماخلق
جلاد بصدمه:جــــــدي وش تقول
ابو تركي بقسوه:الي سمعت ولو فيه عسكريه للبنات دخلنا اختك معك انتم ابد ما ينفع بكم شي
انت ماتشوف عيال خوالك ماشاء الله عليهم واحد ازين من الثاني
ام جلاد حز بخاطرها كلامه:يبــه شوي عليه مسوى شي
ابو تركي بقوه:انطمي انتي ماخربهم الا دلعك الزايد لهم شوفي عيال فاطمه ولا بنت ترف ماينقد عليهم ابد
وانتي عيالك كلن يشتكي منهم
حنان بعبره :الله يسامحك وش فيهم عيالي والله ماحد ينقد على تربيتهم بس انهم مشاغبين شوي ترا هم الي مالين عليك البيت
استحملهم ايام وابوهم ينط ياخذهم مثل وجــــد
ابو تركي بصدمه من اخر كلمه:وشوووو وجــــد وش فيها وجد
حنان بقهر انه مااهتم لكلامها غيراسم وجد:وجد ابوه بياخذها
ابو تركي بثوره:يعــــقب ياخذها عقب هالسنين يافكر ان له بنت
حنان :الي سمعت ان اخوانه يضغطون عليه ياخذها يقولون البنت كبرت ومايصلح تجلس عند العرب
جنى بخوووف صرخت:لاااا يمه اكيد بيقولون لاابوي ياخذنا
ابو تركي ثارت جنونه كيف يفكر ياخذها مستحيل يسمحلهم يفكرون يقربون منها
وقف .تحرك طالع من الجلس وعند الباب سمع جنى وهي تصيح وتردد والله لاذبح نفسي قبل اروح معهم
لف عليها :جنى يابنتي لاتخافين مستحيل اخليكم تروحون معهم تطمنو .وطلع بسرعه
.

_____
بعد يومين
الثنين


القصيــــــــم
بحي الفراح
الساعة 2:30 الظهر
في قصر من قصور الحي الراقي


انفتحت البــوابـه
و دخلت سيارة bmwملكيه
لفت مع الدوار تتوسطه نافوره عملاقه
.وطلعت على طريق يودي لالقصر المسافه بين الدوار والقصر نصف كيلو تحيط فيه حدييــــــقه اقرب ماتكون غــابة بعلو اشجارها
وجمالها فيها كل انواع الشجار من فواكه خضار كل شي اخضر ينبت حطه فيها
وقف السياره بين اربع سيارات اضافيه
اخذ دقايق جالس فيها
وبعدها نزل.
مشى متوجه داخل القصر.
فتح الباب المزخرف بزخارف غريبه نوعا ما باب فولاذي عليه سلاسل ممتده من فوووق لين واصله الارض بشكل متعاكس
3 دقايق ويقفل تلقائي مشى خمس خطوات قابله باب
زجاجي يفتح مجرد القتراب منه مد رجله اليمنى وهو يسمي بالله دخل ومجرد دخوله ركض له
الخادم ومد يده له
رفع يده وناوله الشنطة الي كانت بيده
:هاري حضر لي الحمام
الخادم هاري :ok
دق جواله سحبه من جيبه ورد بقوه وهيبه وصوته الرجولي يتردد بالقصر الفاضي عليه الا من الخدم
مشى ولف على يمين مباشرة ودخل قسم منعزل شوي:الـــو .,نعم ,لا طبعا ماني موافق ,
انت الظاهر ماتفهم زين ,اهووووه انت تسمع ولا لا قلت لك طلعه ماني طالع,.’
والله لو عرفت ان الخبر متسرب او احد طلع صورتي او اسمي الحقيقي
يشهد علي ربي لا امسحكــــــم من الارض واحد واحد
,.ايه طبعا اخر كلام وصله للي مرسلك ,اكيد ايه صح حبيت اخبرك يعني محد يعرف شكلي لاااااا انـــــت
وخويـــــك يعني انا مااعرف غيركم
,,ايه ايه يالله مع السلامه
,رمى الجوال على الارض بعصبيه
:اااااف من هالكلاب مايخلون احد باحاله يعني غصب اطلع اعلاميا الواحد ماهمه الا نفسه والباقي ماعليهم منه
انا وراي قبيله وربي لتعلقني على حبل المشنقه
_____________
الثنين

الساعة 3:30
العصر
ابو سعود يمسك يد ام وجد ترف :الحمد الله على سلامتك ياترف
ام غالي تبتسم له :الله يسلمك ويخليك لي يابو سعود
ابو سعود :خلاص الدكتور كتب لك خروج بتطلعين الحين ان شاء الله
ام وجد عدلت جلستها بحذر وهي تلتفت عليه:على خير.ولفت تناظر بالشباب واحد واحد كانو جالسين عندها من اول الزيارة
,اقول ابو سعود سعود وينه ماشفته
وجد انتبهت على سؤال امها وتترقب رد امها
ابو سعود تنهد:والله ياترف مدري وين راح ليلة تجيبين غالي كان فيه جاني بالمستشفى ومدري حتى من هو الي قايل له
كان يقول ان رواد هو الي اتصل عليه بس طلع ما اتصل ولا شي
بذيك اليلة اخذني لشقه امرحت عنده والصبح مالقيته ولقيت ورقه حاطها على الفطور الي طالب لي انه جاه شغل طاري ومشى له
ومايدري متى يرجع
وجد مستغربه من سعود وحالته طلع فجائه واختفى فجائه
قامت تبدل عشان يطلعون
..
متعب ماسك الصغير غالي :خالتي احسه دميه مو ادمي انتي وش كنتي تاكلين ياكافي
ترف بجزع:حرام عليك والله كبير وشتبي غير هالكبر كان ماطلع ههههههه
ماجد ياخذه منه:صادق متعب يخوف ولدك خاله مره صغير
جلاد بعتراض:لااا حرام عليكم قسسم يجنن شكله والله اعلم طالع علي
محمد :نعم نعم طالع عليك وينك ياوجد تسمعين هالخملق الي يقول صغير والي يقول دميه والي قول طالع علي هههههه
وجد من وراه طالعه من الحمام بعد مابدلت والبست عبايتها :انا هنا حمووودي
معليك منهم غيرانين من غلوي فديييت قلبه
محمد راح لماجد وبخبال :هات هات اخوي بسرعه
ماجد يلف فيه :طر مناك بس هذا ولد خالتي مالك دخل فيه
محمد مسسك طرف مهاده بيسحبه
وجد تناظر لهم ومن شافت محمد يحاول يسحبه خافت يطيح منهم صرخت عليه:هيـــــه محــمد انهبلت بتطيحه انتبه
محمد لف مصدوم من صرختها اول مره بحياتها تصرخ عليه ناظر فيها شوي :وشفــيـك تصرخين
وجد تتخيل انه طايح وبعصبيه:ماشفت نفسك وش كنت بتسوي البزر بغى يطيح منك
محمد فاتح افمه باقي تصارخ عليه بعد:طيب طيب اكلتينا اخوك واشبعي فيه .وتحرك طالع مع الباب
ام وجد اخذت غالي وهي تناظر وجد بعتب
اشرت لها تجي ..قربت وجد
:نعم يمه
ترف بهمس :وجد يمه ليش على اخوك كان يمزح وش فيك تصارخين عليه
وجــد بهمس:يمــه مكان قصدي بس خفت على غالي
ترف:ياقلبي حتى هو بيخاف عليه مثلك يالله روحي اعتذري منه هذا حمود اخوك الي تحبين قبل حتى غالي
وجــد حست بالندم :طيب يمه واباخذ الغراض وديهن للسياره على طريقي
..تحركت وجد واخذت شنطة امها وطلعت تدور على محمد
طلعت على الممر الي يود لاخارج القسم..لفت يمين يسار ماشافت احد..
مشت لسيب الي قدامها لفت معه ماشافت احد..طلعت من قسم لقسم مالقت له اثر
انتبهت انها وصلت الباب الخارجي قررت تطلع تنزل الشنطه بالسياره وترجع
.مشت طالعه مع الباب ..نزلت مع عتبات الدرج خطوه ورا الثانيه
تعدت السيارة الاولى والثانيه والثالثه الرابعة كــانت سيارتهم فتحت الباب تجرب يفتح وفتح مو مقفله
رمت الشنطة ورا سكرت الباب لفت بترجع حست باحد داخل السيارة رجعت بنظرها وشافت محمد جالس بفتحت الباب بسرعه
وركبت بفرححه انها لقته:حمووووووود وين رحت طاحت رجليني وانا ادورك
محمد صاد عنها :___
استغربت صمته:حمووود وش فيك رد علي
محمد حاول يطلع صوته:وش تبين روحي لااخوك انا وش تبين فيني مو اخوك
وجد بصدمه :وش قلـــــت
محمد بعبره:الي سمعتي مو انتي تبين كذا خلاص جاك اخو وابشرك مو واحد عندك ثنين غيره
وجــد مو مستوعبه كلامه مدت يدها ولفت وجهه عليها :حموود انتــ ..وبترت كلامها وهي تشوف وجهه
:محمممممد تصيح
محمد بقهر :ايه اصيح اصيح على نفسي بالحضة نسيتي كل شي وصار ماتشوفين غير غالي
واردف يقول:صح هو اخوك ومن حقك تحبينه وانا من وبالنسبه لك انا كنت اتوقع انك تعتبريني اخوك واكتشفت اخيرا اني غلاطاااااان
وجد بدون شعور عطته كف:جــــــب لاتكمل انت خبل خبل ولا وشو ومن قال انك غلاطان انا فعلا اعتبرك اخوي واغلا من اخواني وو
اغلى من غالي حتى جد جد انا توي اكتشفت انك.,وبصرخه, غبــــــــي
:لا صوتك قصير عليه بعد
لفت على الصوت:جب انت مالك دخل
محمد صد بسرعه وهو يعدل شكله ويمسح وجهه
جلاد :اقول اخت غالي وش السالفه عاقدين اجتماع هنا انتي واخ محمدوه
وجــد بتقهره:نختار لك اسم بدال جلاد ياربــي انا مادري منو الي ماعنده ذوق مسميك هالاسم طعني وغيره
جلاد بتريقه :البركه بعمك هو الي سماني روحي ارفعي عليه شكوى يغيره حتى انا كرهته والسبب خشتك عقدتيني باسمي
وجــد بمفاجئه:من جدك بوك الي سماك
جلاد بتريقه:شفتي اسمي ماسلم منهم
وجــد بقرف:ايه وانا اقول من وين جاي هالاسم عارفه انه له صله بالجاد ههههههههه
جلاد فقع ضحك:هههههههههههههههه بس تدرين اقولك شي احسن شي بالجاد اسمهم يعني تحسين له هيبه وانتي تنطقينه
وجــد ناظرت فيه:له هيبه .هزت راسها..ممم .من اي ناحيه .,شف من ناحيت اسمهم زين فاهو زين تدري ليش لني انتسب له
.,جلاد :قولي قسم بس
وجــد عارفه انه يتريق بس سوت نفسها مافهمت:والله لن عندهم بنت اسمها وجـــــد الجـــــــاد بالله عليك مو هذي الهيبه بعينها
محمد ميد لها:طبــــعا انتي الشرف لهم
وجد ابتسمت له:تسلـــــــم يااخوي ربي مايحرمني منك
جلاد بغيره:هيــــه ترا مرايح معك بكرا عند وحوش الجاد غيري
لفو بصدمه عليه :وشووووو


انتهــــــــــــــى


تعليقاتكم على الحلقة

وتوقعاتكم تسعدــــــــني