الف شكر لكل من تابع معي لنهاية
وشجعني وعلق على الروايه

روايه رائعه وجميله جدا جدا

تسلم ايدك حبيبتي ووفقك الله

وفي انتظار روايتك القادمه

السلام عليكم وجدد

اعتقد قلتلك قبل كده انه روايتك دى تعبتنى وارهقتنى نفسيا بعد قراءتها ... كنت متشوقه جدا لكل حدث ومتابعه بشغف لدرجه انى ماقدرتش اسيبها إلا لما خلصتها ، لافاجأ بالنهايه الصاعقه !!! صراحة ااتصدمت ، او مش فعليا اتصدمت لأنه الورطه كان واضح جدا انه مافيش مجال لحلها ولازم حد هيتعذب فى النهايه ... بس لآخر لحظه كان عندى أمل انه النهايه تكون سعيده ..

اسفه على الدخله دى حبيبتى .... خلينا نبتدى من الاول

اولا لا بد من اعطاءك حقك كاملا ... الروايه رائعه وعنصر الاثاره والغموض فيها فارض نفسه بقوة وده اللى جذبنى ليها وخلانى ماقدرتش اسيبها زى ماقلتلك ... حبيت اسلوبك وتعبيراتك ... حبيت شخصية وجدد البطله جدا وكنت متفقه معاها تقريبا فى كل موقف وفى كل كلمه قالتها .. لكن

اكثر ماتعبنى فى روايتك .... ليه خليتى الاخوه كلهم يحبوا وجد ويتعلقوا بيها ؟!!!
فهد ماعلينا منه ، هو انسان غير سوى وعلاقته بوجد لم تكن حب ، والله يسامحه لأنه باللى عمله معاها كان السبب فى الرعب اللى عاشته طول عمرها لدرجة انها كرهت ترتبط بحد من اخواته بسببه رغم يقينها انهم مختلفين عنه .

متعب ... مانكرش انه حياته بدات تاخذ مسار تانى ، بدا يتقبل زوجته ويحاول يعيش حياته وينسى وجد ، وفعلا احب زوجته وهى كمان بتحبه وهتعوضه كتير ..
لكن نيجى للبائس رواد .... اعتقد انه اكتر واحد احبها فعليا ... لا وعاش عمره كله فى عذاب بعدها ، طيب ليه ؟!!! ليه خليتيه متعلق فيها بالشكل ده ، لدرجة انه يبنى قصر وحالف انه ماحد يدخله قبلها !!! لدرجة انه يقلب كل ديكورات القصر اسود ويعيش فى كآآآآبه !!!
لا ومش اكتفيتى بكده بس ، ده انت خليتى وجدد الصغيره كمان مصدر لعذابه لما بتبص له نفس نظره وجد الكبيره لما كانت زيها !!! حرام عليكى يابنتى ، انتى مصممه تجيبى اجله ؟!!! رواد اكتر حد تعبنى فى القصه دى بجد ... يمكن اكتر من متعب ، رغم انها المفترض انها بتحب متعب والمفروض احزن على حالهم هما الاتنين ، وفعلا هى كمان صعبانه عليا جدا للموقف اللى اتحطت فيه وانها اضطرت فى الآخر تعيش مع انسان كانت بتعتبره زى اخوها ، مفروض عليها انها تنسى حبها وتتقبل الحياه زى ماهى وتحاول تحب زوجها كزوج مش كأخ !!!

كرهت عائلة الجاد بشكل غير عادى ... كرهت خلف وامه وابنه رواف ، كرهت تسلطهم وافكارهم الرجعيه ، معتقدين انه العالم اتخلق بس عشان يرضى نزواتهم وغرورهم والكل المفروض يكون تحت امرهم ، بكره اساسا مبدأ انه البنت لازم تكون لابن عمها وماتتزوجش من حد بره القبيلة .. ده فى أى شرع ولا دين الكلام ده ؟!!! يعنى لما يتقدم لها واحد محترم واهلها موافقين عليه .. بأى منطق يترفض لأنه البنت من نصيب ابن عمها !!!!
واكتر حاجه غاظتنى فى العيله دى جاد .. يعنى هو اكتر واحد تقريبا مضرور منهم ... هو اكتر واحد حس بالاهانه لما جدته اجبرته يتزوج جنى عشان هى ماتقبلش انه حد من احفادها يتزوجها ، فيه اهانه اكبر من كده ؟!!! ومع ذلك بيدافع عنهم ومستعد يبيع اخته للحقير رواف بارخص ثمن ... طب ازاى ؟!!!
ابو سعود ... كنت فين اساسا اول ماخدوها منك !!! لسه قايم تفتكر دلوقتى انه وجد تخصك .... واللى استغربتله هو ليه كان عايزها لسعود ؟؟ هو مش عارف انه رواد اتقدملها قبل كده ؟!!! يبقى منطقى انه لما يحب يخطبها لحد من اولاده يكون رواد مش سعود !!!
سعود اساسا مافهمتش ايه شعوره بالضبط ناحيه وجد ؟ يمكن حبها ، بس واضح انه مش بقوة زى متعب ورواد ..

سبحان الله يا وجدد انتى جبتى اتنين مش اساسيين فى الروايه .. اتنين المفترض انهم هنود وطلعوا سعوديين ، وخلتيهم رجعوا لأهلهم واهلهم اعترفوا بيهم واتحلت كل مشاكلهم .... وابطالنا الاساسيين عايشين فى عذاب لنهايه القصه ... طب ازاى ؟!!!


اعذرينى وجدد ... مانكرش حبيبتى انا حبيت اسلوبك وحبيت كل حاجه فى القصه ، الا نهايتها ، ماقدرتش افهم انتى ليه وصلتى بينا للنهايه دى ... اتمنى تردى عليا وافهم وجهة نظرك ، وافهم ليه خليتى اتنين اخوات يتعلقوا بنفس الشخص وفى الاخر ولا حد منهم حصلها ؟؟ نفسى اعرف كان ايه احساسك وانتى بتحبكى الحبكه دى !! كان ايه احساسك بالنهايه وبالابطال نفسهم ؟ ؟ مين كان اقرب حد ليكى فى الابطا ل؟؟ وهل كنتى سعيده وانتى بتختميها بالشكل ده ؟!!! اتمنى افهم ..

يمكن تعذرينى لما تعرفى انى مش بحب ابدا النهايات الغير سعيده ... يكفينا اللى بنشوفه فى الواقع ، مش ناقصه كمان عذاب فى الروايات !!!
واكيد دلوقتى فهمتى انا ليه قلقت وخفت منك فى الروايه الحاليه ، لأنى بعد اللى حصل هنا ، خفت تكون نهاياتك دايما بالشكل ده ...

يلا حبيبتى ... كفايه لحد كده

تقبلى مرورى ياقمر