البارت السادس

الساعة 2 بالليل ،، لعبوا البنات لعبه التحدي ،
،،ريناد كانت تعرف امول مره خوافه فكان تحديها انها تروح
*للحديقه الخلفيه بروحهآ واخذوا منها فونها والحديقه
*كانت طافيه انوارها مع الاشجار صارت مررعبه مرره ....
ضغطوها ووافقت على التحدي
*،،وقالوا يكملون تحدياتهم ليما ترد امل ،،،
الحديقه فيها مشتركه بين شاليه الشباب والبنات
،امل شعرها لتحت ظهرها طوييل واسود رووعه ماشاء الله ،،
،عيونها جذابه سودا مع رموشها الكثيفه خشمها وفمها نتتفه
*،،تاهت مدة ربع ساعه اول كانت جامده بس بعد
الربع ساعه خافت حيل لان حست انها ضيعت وبدت عيونهآ تدمع
،،..فجآة دعمت بشي عريض وخاافت
متعب: بسم الله ،،،،
ووشغل موبايله يضوي فيه*
ويوم حط الضو عليها لقاها امل البنت اللي سرح فيها عند المسبح
،،اول مره يحس انه سعيد بشوفة شخص غريب*
متعب: شفيج؟*
امل لما سمعت صوته الرجولي خافت وبدت دموعها تنزل
*:اآ،آنا ،،ضايعه وما ادل طريق الشاليه مالنا*
متعب كان جاي يبي ينادي اخته يبلغها انه بيسافر بكرا مبجر
عشان مايحاتون لان رفيجه عنده غدا بالكويت ولازم يحضره*
متعب: طيب ليش تبجين ،،،خلاص لا تخافين انا متعب اخو هوى
،،،،امشي اوصلج لشاليهكم ومره ثآنيه لاتطلعين تالي الليل دامج خوافه ((قالها بمزح))
ابتسمت امل بين دموعها :مشكوور
وتم يمشي معاها وينور لها الدرب بفونه ليما وصلت للشاليه*
متعب: امممم صح شنو اسمج؟
امل : آ،آمل ؛$
متعب: عآشت الاسامي امل عفيه قولي لهوى اني
*باجر باسافر مبجر عشان غدا رفيجي اووك؟
امل: ان شاء الله باقولها*
امل حيل عجبها متعب لانه مارفع عينه عليه وماسأل عن
*اسمها الا لما جاء يناديها وتوهق ،،،حسته شهم ،،
مشى متعب معطي امل ظهره*
امل: آ،،آ،،آ متتعب*
متعب استغرب واستانس: هلاا؟ امري
امل: آآ لا مايامر عليك عدو بس حبيت اشكرك مره ثاننيه
،،،<<احلا ترقيعه الحبيبه نادته ماتدري ليش اصلا
*
متعب: اممم بس عاد ما احب احد يشكرني اكثر من مره ؛)
امل: آآسف*
متعب: هههههههه ماله داعي مع السلامه*
امل: بخجل الله يسلمممك
*
دخلت امل موولعه من الخجل،،،ولما انتبهت لنفسها
*(( يوووو شلون اقول لهوى مابي اقولهم اللي صااار فششله
*،،،،نذل يبي اخته تعرف ولا في اختراع الفوون :@)
*
البنات جوها يركضووون ا:اموووول وينج خوفتينا
امل: جب جب كله منج رينادووه اصلا ضعت بالحديقه الخايسه*
*
حنان:وشلون دليتي؟ عتممه
ريناد: آآآ مادري دورت ولقيت نفسي جدام الباب*
هوى: يالله الحمد لله بسلامتج خلاص خل ننام بنات*
البنات: اوك اوك
وكل وحده مشت لدارها وكانت عنود وحنان ورغد
بدار وريناد وهوى وامل بدار ومنال وبشرى وتحرير بدار
،،وجدان ونرجس ورزان بدار*
*
بدار هوى ،،،
هوى:يالله تصبحون ع خير حلواات
ريناد: تلاقين خير*
امل: تلاقين خير ،،،،،،سكتت ،،،،اممم بنآآآت؛$
:هلآ
امل:باقول شي صار بالحديقه،،،بس
هوى وريناد حاسين فيها شي فجأه اثنينهم نطوا على سريرها :شنوووووو
امل:هههههههههه ويت،،،اممم،،،،،،،،،
وقالت لهم كل اللي صاار
ريناد:وااااو يا جلللبه صح نسيت يوم بالمسبح انتي آخر وحده
*قامت يعني حب بهواوي هااا؟
امل:جب جب والله ما كنت منتبهه له
هوى تحت تأثير الصدمه وفجأه :واااااااااااااااو
يا تحطييييم يا دووووووبه ،،،،،مو مصدقه تعووب مال لبنت"!!
امل: ليش مصدومه كذا ؟! اخوج مايحب البنات؟
هوى:نوووووو مايداني طاريهم وماعنده هالحركات
بسسس ياجلببببه انتي كسرتي القاعده ،،،
،وقامت ضمتها،،، احببببج يمكن حبه لج يطلع الحنان اللي دافنه بقلبه*
امل: هواوي ماصار شي يمكن بس كسرت خاطره*
هوى: لا لا اهو من المسبح لما صحيت قالي ،
،عن الدلع وصحصحي معآآي اللي خايفه عليج لهالدرجه منووو؟
،،،قلت له خقيييت؟ ضحك وطقني ع راسي وقام*
*
استحت امل بقوووة :خلااص خل ننام*
ضحكوا وقاموا ناموو وكل وحده تفكر بشي*
هوى....ليش تركي يعاملني غير! ...معقوله اكون مثل امل لمتعب بالنسبه له ؟!
*،،بس انا ما احس بهالشعور اتجاهه تعجبني شهامته
بس ما احس اقدر اكون معاه حبيب او زواج ،،اووف انا شافكر ،،انام ابرك
*
رينآد: الله يستر ان شاء الله امول ماتتعلق فيه
ع الفاضي امول مثل اختي اكثر من بنت خاله :'(
وحنان وعنود حاطين متعب ببالهم الله يستر عليها منهم يآآرب*
*
امل: وووه ياقلبي!:$،،،،معقوله يكون نصيبي بس على كلام اخته ممكن ،
،،الله يكتب الخير مابي اتعلق فيه واخسر ،،،
*
الساعه 11 الظهر دخلت مريم دار البنات ،،،
مريم: ماما هواوي يالله قومي بدلي واخذي شور عشان نرد الديره ،،
هوى وهي نعساانه: مماامي ،،،بليز قولي لبابا نتأخر بعد يوم باجر نمشي بليييز*
مريم: ههههه شكله عجبتج القعده
امل صحت وسمعت كلامهم:خالتي مريووم بلييز قعدوا بعد ماراح نترك الشاليه الا 12 بالليل خلييكم
مريم: اممم عادي ودي والله ،،،هواوي قومي طلبي ابوج بسرعه لو وافق عادي
*انا ماعندي مانع
نقزت هوى ع الحمام بسرعه*
هوى: اووك مااام راح احاجيه بس اخلص
خذت لها شور وطلعت بروب بيت قصير تفآحي وتنشف شعرها عند ريناد وامل
هوى:بنات شلون احاجي ابوي لازم اروح لشاليهم:(
امل :يب عآدي روحي
ريناد بمكر : امممم اوك اناا اروح معآآج احميج من معجبينج ;p
هوى :ههههه دام قلتيها طنازه الا تسوينها يالله قومي انطرج
ريناد: ههههه لااا
قامت امل جرتها غصب للحمام :يالله ماكو وقت الساعه 11 ونص
خلصت ريناد ولبست ملفعها وعباتها ونقابها ،،
اما هوى لبست بنطلون كحلي ضيق من تحت وواسع من فوق حيل
مايبين تفاصيل الجسم ابدا مثل تنوره ،،مع قميص ليموني
وفوقه مثل صديري مشخل خيوط كحلي وملفع قطن كحلي
وفلاتها الكحلي بخطين ليموني ،،،كانت كيووت وطلعوا صوب شاليه الشباب*
دخلوا ع ديوانيه الكبار وشاففوا بس العم ناصر وخليفه ،،،
البنات :السلام عليكم*
العمام: وعليكم السلام ،،،
خليفه: هلا يبه فيكم شي؟
هوى: لا عمي سلامتك بس باحاجي ابوي وينه؟
ناصر: حبيبتي ابوج توه طلع تلاقينه عند باب الشاليه
يحرر السياره بيروح يجيب جم شغله قبل تمشون للكويت*
ريناد:لااا ،،،
خليفه:شفيج؟
ريناد: هواوي روحي شوفيه وانا اقولهم
هوى: اووك،،،،وطلعت بسرعه تمشي وبيدها فونها تحاول تتصل
ع ابوها اللي مايرد وما حست إلا بدعمتها برائد،،،،
هوى: س،،س سوووري ،،،وكانت مغمضه عيونها وضامه
فونها بايدينها الثنتين وباين خايفه لان دعمت فيه وبحكم عرضه ما تحرك اهي اللي ردت ع ورى*
رائد؛ههههه شفيك؟
بطلت عيونها ع صوته وبقلبهآ ((يووو خفيف الدم شرف))
هوى: اممم سوري بس كنت مستعجله
رائد: آهاا على شنو؟
هوى : باحاجي ابوي
رائد: طيب ولازم تجين شاليه الشباب عشان تكلمينه؟!،،كلميه بجوالك،،
هوى: هاا!<صدمها رده يعني شيقصد...
وكانت الصدمه مبينه بوجهها
رائد ماقدر يمسك نفسه وقعد يضحك*
: امم آسف آسف ماكان قصدي ،،خلاص السموحه ،،،
ابتسمت ومرت بدون ولا كلمه*
رائد: هوى
هوى التفتت له وطالعته بنظره نعم؟
رائد: ااا نسيت بس اقول صبآآح الخير*
ضحكت شوي ،،،:آهآآ ومشت وخلته*
*
طلعت ومالقت ابوها :
هوى؛اوووف شكله مشى :(
:منوو؟ اللي مشى وكدرج؟
هوى ماعجبتها النبره ابدا وحست ودها تعطيه كف*
خزته ومشت لحقها ووقف جدامها*
براك: ماكو سلام ولا كلامم ولا،،حلال على رويئد وحرام علينا!
*
انصدمت هوى من كلامه شقصده هذا!
هوى:والله لما تكون محترم بكلامك مثل رائد ذيج الساع افكر ارد عليك*
وجت تمشي بس سكر عليها الطريج*
هوى:بعد عن طريجي ،،،لاتنسى انا اخت منو!
براك :لا لا يا مامي قمت ارجف ،،،من اخته اخت اللي بأكسر خشمه ،،
ولعت هوى مررره وكان ودها تنادي متعب يعلمه كسرة الخشم*
براك قال كلامه وعطاها ظهره ما حس إلا بكف على
وجه من صوته طلع فهد وعامر وعبد الهادي القاعدين من مكان قريب من اللي صار*
.......
.....
....
...

البارت السادس

براك: انت هيي خير تمد يدك؟!
تركي : امدها عليك وعلى عشر من امثالك ،
،،مبيرييك تأدب احسن لك ،،،لسانك لا يطول على بنات عمي

*واحشم روحك عارفين بناتنا ماهم مثل الخمه اللي ترافقهن سمممعت؟ ،
،،،ومتعب اللي بتكسر خشمه ع قولتك ،،،
،اشوف لا طب المجلس قمت منه! يسواك ويسوى خلفتك يا الردي؟
وجا عامر وفهد وعبد الهادي مسكوهم وهدوهم ،،،،
تركي: اسمعني لاجل عمي ناصر بس الحين باسكت
*لكن والله ثم والله عيد هالحركات مع هوى او غيرها لاخلي فضيحتك بجلاجل ياسفييه
....فهد كان مصدوم من كلام تركي ،،وحس بقهر لان اخوه كان
*مع هوى مشى براك وطلع من الشاليه*
اما هوى تمت *ساكته ومصدومه اول مره تدري ان تركي عصبي مثل متعب لهالدرجه*
عامر جاها : هوى سوالك شي؟
هوى: ها لا لا بس طول لسانه وكان يستهبل خل يولي*
عامر :طيب بتعلمين عمي ومتعب؟
هوى: ااا لا عامر لا ابوي ماراح يسكت وبعدين تصير مشكله
بين عمي وولده اما متعب مايحتاج تعرفه ممكن يدخل سجن فيها ماراح يسكت*
عامر: اوك زين تسوين خلاص انسي*
عبد الهادي: امش تركي*
تركي: لا هادي اخذ عامر وروحوا*
حس بضيق عبد الهادي حس اخوه يميل لها حيل*
واخذ عامر وطلعوا .،،
تركي: هوى مره ثانيه لا تجين مكان فيه هالزفت بروحج وتحاشيه قد ماتقدرين ،
،،،،(كان يتكلم بعصبيه وتضايقت هوى لان حسسها انها غلطانه ))
هوى *من غير نفس : طيب ومشت*
بس تركي حس فيها ومسكها من ذراعها
انتبهت له ونزلت عينها على ايده مصدومه ،،،استحى حيل من حركته اللا اراديه ونزل ايده*
تركي: هوى آسف لو ضايقتك بس من خوفي عليك براك مايحشم دم ولحم*
هوى فهمته وابتسمت: لا حصل خير تركي بس انا ما كنت ادري بطبعه جذي لان ما اعرفكم عدل
تركي ارتاح لكلامها: اممم ان شاء الله راح تعرفينا عدل العدل ؛) ويالله كملي لشاليهكم*
*
مشت هوى وودق ابوها وطلبته ووافق ودخلت شاليه البنات*
*
اما عبد الهادي سأله فيصل :وين الشباب ؟
عبد الهادي: متعب مشى للكويت عنده عزيمه وسعود وحمني
مع ابوهم بالسوق عامر يغسل وبراك مع فهد *وتركي يكلم هوى
فيصل: نعممم؟ شكو تركي!
وقاله عبد الهادي عن اللي صار*
فيصل: آها قليل الادب هدووي نادلي تركي بالله*
وراح ناداه وجاء لفيصل ؛هلا؟
فيصل استريح ؛،،كانوا بروحهم""
فيصل: اممم شرايك باللي سويته؟
تركي انغث: بعد تنهيده ،،،عين العقل
فيصل :لا والله !،،واحد مو من معزه متعب ،،،،اثنين ماتوصل مده يد،
،،،ثلاث تهينه بمكان ابوي عازمهم فيه يعني مثل بيتك تهينه ببيتك!،،
،اربع فضحت روحك!
تركي: فييصل فيصل شوي شوي علي شنو قلت انا !!
يستاهل والله متعب ولد عمي يحق لي ادافع عنه ،،،
،مده اليد الا يستاهل ونص يتحرش بالبنت وين قاعدين!
جالس بشبه بيتي احترمه صح لكن اذا تعدى حدود الاخلاق لا اطرده وياكل تبن*
اما فضحت نفسي،،،عادي شسويت دافعت عن بنت عمي فيني غاريه وبس
*ضحك فيصل على اخوه ومبرراته: بس تركي الشباب
*منصدمين شمعنى هي وكف وكنت حيل معصب مو لهالدرجه
احلفك بالله لو سواها مع بنات مخلد اوو امل بنت خالي شنو بتسوي! بتزفه بس ماتطق
تركي؛،،،،يمكن،،،يو فيصل خلاص عاد ،،انا اعرف اخلاق براك مابي يضحك ع البنت*
فيصل:ليش ورع هي يضحك عليها؟ ولا مو واثق فيها!
انصدم تركي: فييصل ! انا متى عرفتها ما احط بذمتي بس
الحذر واجب لو اثق فيها ما اوثق بولد عمك هالاثول*
فيصل: اممم تطمن ثق فيها لانها تربيه راشد ومريم ومن بعدهم متعب؛)
سكت تركي وقام حب راس اخوه ؛آسف لو ازعجتك ،،بس
فيصل: اووووش ولا كلمه لا ازعاج ولا شي كلك حلا ياا روميو الخليفه،،،،
*
*
مر اليوم بوناسه ولعب وفجر اليوم الخامس ردت عايلة بو راشد لبيتهم بالكويت ،،
،،بعد شهر ابتدى شهر الخير وردت الجده وعايله
مخلد وناصر للكويت تمت الزيارات وصله الرحم بين العايلة ،،،
وكانت الاحوال عاديه ماتخلى من بعض نغزات ترميها عنود وخواتها على هوى.....
*
جاء عيد الفطر ،،،تمنى تركي انه يشوف هوى ورائد نفس الشي وعبد الهادي وفهد ،،،لكن،،،!
كلهم ماقدروا لانها كانت حارصه انها ماتدخل مكان اهم فيه
،،،لان حست انه بيكون وراها مشاكل معاهم بترضي منو ومنو وماتبي تتعلق باحد منهم....
خلص العيد،،،وبعد كم يوم ابتدت المدرسه ،،،كانت اخر سنه دراسية لهوى ،،حبت تشد حيلها فيهآ ،،،
آول يوم مدرسي ،،دخلت هوى وماحست إل بوحده تغمض
*عيونهآ ،كانت حسبة اختهآ صديقتهآ ،،شوق ،،،
هوى:شوووووقيييييي*
وحضنتها ولزوم الدمووع طبعا ،،شوي وجتهم دلوعه المجموعه "البندري"
*،،،هوى تعتبر شوق توأمهآ ،،،اما البندري فهي اختها الصغيره
مع انهم كبر بعض بس دايم تحس بنو نعومه ودلوعه وتحب تنصحهآ ،،
هالصديقتين هم اللي مالين حيآة هوى قبل وبعد معرفة عمامها،
،،مستحيل تستغني عنهم ابدآآآ مع انهم بالعطله ما قطعوا ابدا،،،،
....أكيد هالثنتين عرفوا بكل اللي صآر لهوى من اول يوم راحت عمامها ليومهم ههذآ
وكانت ابدى ماتخش عنهم شي ،،،،مضت الايآم عآديه ،،،إلى ان جت اجازة منتصف العآم ،،
كانت هوى فرحآآنه بيوم استخراج النتايج لانها قدمت زيين وكانت نسبها هي ورفيجاتها مشررفه ...
*
*
.الساعة خمس لبست فستآن ضيق عنآبي أكمامه ثلاث ارباع
من الصوف مع بوت نفس الخامه ،،،وكانت قاصه شعرهآ لتحت اكتافها بشوي
،،،لبست شريطه عنابيه وفاتحة شعرهآ ،،ونزلت بيدها عباتها وجنطتها بتطلع بيت
*البندري لانها عازمتها هي وشوق ...
...
...
بالصالة ،،،هوى: السلام عليكم*
ام برآك وامها كانوا بالصاله ،،،سلمت هوى على ام براك،،
هوى: يالله يمه انا طالعه تآمرين بشي؟
مريم: لاحبيبتي سلامتج سلمي ع بنو وشواقه ولا تتأخرين*
هوى: ان شاء الله ..مع السلامه طلعت مع اخوهآ متعب اللي كان طول الطريق يسأل عن أمل ،،،
متعب.: انزين متى آخر علمج فيها؟
هوى: مادري متعب والله من شهر وشي بس خلاص ياخي بالعطله اكيد نروح عمي واشوفها هناك ؛)
متعب: امم زين هوى تصلح زوجه؟
هوى: اي ماشاء الله عليها سنعه وحلوه ومؤدبة بسسس،،،
انا خلني اشوفها بالعطله اتعمق معاها اكثر واقولك
متعب :اووك،،يالله وصلنا ،،وعن الخبال مو تصورون وتترقصون وحسج لايعلا ببيت الناس
هوى بتملل: طيب والله حفظت اسطوانتك متعب ،،باي
*
متعب حس اخته فيها شي بس سكت*
*
بنوو: هلا وغلآ ومرحبآآ*
هوى :هلا فيج*
سلموا الثلاث على بعض وتموا يسولفون*
شووق:وآآي تخيلوا بنآت خلاص جم شهر ونتخرجج ماكو ناظره وكيله لاا*
يصير معيد دكتور عميد كششخه وربي
:هههههه
هوى: ااي عاد لاتخرجنآ ان شاء الله نجيب نسب تنقلنا للخارج ونكمل طموحنا عدل
بنو:ااي والله آمين يآآرب ،،،وبيكثرون الخطااب ياشوق نشوف منو يحبنا احنا بعد
،،،اما انتي هواوي خالص موضوعج عيال عمامج متذابحين متذابحين*
شوق: هوى بالله صج صج منو يميل له قلبج ماني قايله تحبين لان محد بيكون جوابج*
هوى وهي باين بصوب ثاني: هههه مافيهم احد اميل له شوآقه*
بنو: حتى تركي؟؟ البطل المغوآر كككك
هوى:ههههههه حتى تركي والله احسهم اخواني عدا براك الله
ياخذه وبعدين تركي ماحبني لشكلي انا ادري فيه مثل أخوي متعب ،،
،تركي ححب الادب والاخلاق اللي فيني ع قولتهم يعني لو شاف
اي وحده ثانيه تستحي وتنزل عينها ومحترمه بيحبها بعد so هذا اعجآب مو حب*
*
شوق: يعني لو تقدموا لج كلهم تركي،رائد،فهد،عبد الهآدي،،،،
منو بتقبلين فيهم وابوج قالج اختاري؟؟
هوى: ولا واحد*
بنو:شالسبب زييين :@ خبله*
هوى: هههه انا اقولج تركي مثل ماقلتلكم اعجاب مو حب بعدين لاتنسين اخوه يحبني بعد ،،
،صعبه عيشتنا ،،،عبد الهادي نفس السبب،،
،رائد عايش بعيييد ولو انه نكته وضحوك بس انا متأكده انه بيرفض اني ادرس طب وماراح نتفق
....فهد: بيني وبينه نص يوووم ! مو معقوله اخذ واحد كبري وبعدين احسه ضعيف شخصيه ....
الاهم انه لو قبلت واحد باقي عمامي بيزعلون ويقولون شزوده عن عيالنا
*،،،راح تصير مشاكل ...لكن لو رفضت الكل ،،،فبيعرفون اني مابي اتزوج مو بسبب عيالهم ،،
بنو: بس تركي وفهد احس حيل يحبونج حرآآم
هوى: امممم فهد اكثر واحد يحبني يب بس تركي والله اعجآب ،،
،بنو انا شفت اخوي متعب لما اعجب بامل اول حركاته والحين لما حبها وتعلق فيها تغيير ،
،،،يعني في فرق كبير بين اللي يحب والمعجب ،،،
وبعدين بنآت عمي مخلد حاطين ببالهم تركي وفهد ورائد
وانا صراحه مالي خلق مشاكل هذول ماعندهم مانع يشوهون صورتي
*بس عشان ما ياخذني واحد منهم ،،،
*
وبعده سولفوا البنات كثير بس هوى بعالم ثاني*
شوق: هواوي شووفي باقول شي ولا تردين بنو ثينق لا جاااوبي
،،انتي فيج شي اثنينا ملاحظين ،،،شنو شاغل بالج؟
بنو:ااي والله احنا بوادي وانتي بثاني .بغمزه،،،اللي ماخذ عقلك يتهنى فييه*
*
هوى: عمى بعينه الله ياخذه
الاثنين: هااا؟ منوو
هوى: براك ،،امه ببيتنآ *وقلبي ناغزني احس بيجيني شي مو زين يارب
بنو: اممم يمكن بتتكلم عن فهد مو شرط براك
شوق:صح صح ويمكن ابدا زياره عاديه
هوى: لا نظراتها غير عن كل مره ياارب*
سكتوا البنات وحاولوا يطلعونهآ من هالجوو الكئيب .
...وجت الساعه 11 وكل وحده ردت لبيتها ،،،
هوى: مساء الخير*
مريم وراشد:مساء النور*
مريم: هلا مااما شلون رفيجاتج؟؟
هوى ؛الحمد لله يسلمون عليكم
الاثنين :الله يسلمهم*
هوى: انا دايخه من اللعب والوناسه اخليكم بنام*
وحبت راس والدينها وراحت لدارها وكأنها منخشه ماتبي تسمع ام براك شتبي !
*
ثاني يوم قعدت هوى الساعة تسع وغصب نفسها ترد تناام
وكأنها خايفه *من ان اهلها يفاتحونها بالموضوع ،،،،إلى الساعه 1 قامت غسلت وصلت ونزلت تحت ،،،
تغدت مع اهلها وع الساعه ?3
راشد: بابا هوى تعالي مكتبي انا وامج نبي نقعد معآج
هوى اللي ودها تبجي خلاص : اآ،آ-- انشاء الله يبه*
دخلت للمكتب*
راشد: تعالي يبه قعدي هني بينا،،
وكان الفرح طالع من عيوونه*
مريم اللي بسمتها مافارقتها؛هلا ببنتي اللي كبرت وصارت تنخطب ،،
هوى خلاص مثل اللي انكت عليها ماي بارد قعدت بينهم وسكتت
راشد: هوى حببيبتي انتي كبرتي ماشاء الله واحنا ودنا نفرح*
فيج ودام نصيبج جاج ومن قريب ماودنا نرده ،،،
هوى:بس يبه،،
راشد:ادري بتقولين دراستي الخاطب مستعد ينتظرج طول العمر شاريج ويبيج...
مريم: تدرين منوو؟ ،،،،،وكانت فرحآآنه*
هوا هزت راسها بمعنى لا..
مريم: ولد عمج منا وفينا ولد عمج ناصر خوش ولد والنعم فيه وامه تقول شاريج وماشفنا عليه عيب*
راشد:هواوي برآك يبيج
هوى ودها تصارخ بهالوقت بس ماقدرت فرحة امها وابوها ماتنوصف
ودهم يطيرون ماقدرت تخيب املهم سكتت وقامت*
راشد:شفيها!؟
مريم: يا ابن الحلال حركات بنات تلاقيها مستحيه بس انا باصعد لهآ
راشد: طيب*
.....
هوى صعدت غرفتها بسرعه بتمنع بكاها ،،
،من شافت فرحة امها وابوها عرفت انها مستحيل تقدر ترفض ،،،
دخلت دارها وسكرت الباب وفتحت مريم عليها البااب حتى ماجاها مجال للبكي ،،
مريم: وحلوو اللي يستحووون
*،،،حبيبتي ليش رحتي؟ عاادي هذي سنه الحياة لاتستحين ..
وصج انه الوضع مايحتاج تفكير لان براك بينطرج تخلصين
*يالله تتزوجون وحتى سفرج للخارج مارفضه وقال
*وده ياخذ دورات طيران وممكن تروحين معاه وتكملين ،،،
،حبيبتي براك شكله منفتح وطيووب وخوش ولد ماودنا تضيعينه من ايدج
،،والقريب اولى من البعيد،،بس هم اخذي وقتج وفكري لج يومين طيب؛)
هوى انصدمت انه اهلها مخططين لكل شي عارفه
*مابيغصبونها لكن فرحانيين ولو رفضت ينصدموون وممكن يشكون فيها ،،فضلت السكوت
هوى؛حاضر يمه :'(
وبس طلعت مريم من الغرفه انفجرت هوى بالبكى ،،،إلى الساعه 6 المغرب ،،
.......
....
...
قامت صلت صلاوتها وقعدت تدعي ان الله يهون عليها
*ويكتب لها الخيره اللي ترضيها وترضي اهلها
،،،وبطلت فونها لقت بنوو وشوق مسوين عرس بالقروب من الظهر ينادونها واهي ماترد*
هوى كتبت: بنات :'( ابي اكلمكم ابي اتكلم بلييز تعالوا عندي*
شوق: شفيج هواوي؟:0
بنوو: وين نجتمع ،،،،شفيج؟
هوى ؛ مخنووقه باتكلم بافضفض بابجي ،،،تعالوا بيتنا*
بنوو: امج كلمتج ؟؟
هوى ،،،بعد سكوت كانت تبجي فيه :ااي
شوق :خلاص مانقدر نجتمع ببيتج ماتاخذين راحتج امج بتشك تعالي عندي انتي وبنو ناطرتكم يالله
بنوو:اووك
هوى؛اووك الحين البس واجي
.....
...
..
..
هوى نزلت لامها بعد ماغسلت وجهها عشان مايبين عليها البكي ،،،
هوى:يمه بروح بيت شواقه
مريم: ها هواوي كثرت طلعاتكم قبل امس عطلتوا ماما! وامس عند *بنو
هوى بعفويه متصننعه:يممه بلييز خليني ارووح شوق
*جايبه صور عرس خالها بنشوفهم والفيديو وخالاتها عندها بالله*
مريم: طيب حدج عشر بالليل تسع ونص
هوى : طيب ان شاء الله
وراحت بسرعه لبس جنز وقميص وعلى جمعه اللي فاهمينها على طوول
.....
....
...
..
.
راشد: مريم شقالت لج هوى؟ شنو تحسين بتوافق صح؟
مريم: ااي وااضح ان شاء الله ماتشوفها طارت
لرفيجاتها اهي هالثنتين ماتخش عنهم شي*
راشد: ان شاء الله ،،،والله مافرحني بهالدنيا خبر كثر هالخبر الله يتمم على خير
*،،،صج ما اعرف براك عدل بس يكفي تربيه ناصر واخوه فهد *ماشاء الله ماعليه كلام اكيد انه مثله
مريم: ااي ان شاء الله خوش ولد
*
........
.......
......
....
...
..
.
ببيت العم نآصر ،،،
ام براك وبشرى وبرأك بالصاله ،،
ام برآك: ان شاء الله توافق امها حيل فرحت*
بشرى : صج يمه ؟ ،،،والله هواوي خوش بنت تستاهل كل خيير
براك: اقول حاصلها انا اخذها!؟
ام براك: انثبر البنت ذهبه
براك: ااي ماقلنا شي لو *انها مو ذهبه ما طلبتها*
بدخلت تحرير: *منو اللي طلبتها ؛)
براك: هوآآوي
تمت مبلمه تحرير ،،،
:بنت عممي؟
التفتوا للصوت وكان فهد*
براك: ااي بنت عمي راشد
سكت فهد وحاس الدنيا انقلبت*
تحرير: طلبتها لشنوو؟
براك: ترتب داري ،،،،يعني لشنو للزواج
فهد بسررعه: وافقت؟؟
براك:غصب عنها بس لازم الرسميات تفكر كم يوم*
طلع فهد بسرعه وقام براك لداره وتحرير واقفه مصدومه،،،
تحرير: يممه لييش؟!
ام براك:شنو الليش؟
تحرير: هوى هوى وبراك يممه مايصلح !!*
انتي عارفه ولدج ليش تظلمين بنت الناس معااه!
ام براك: انجعمي انتي عارفته كل الشباب ينحرفون هالعمر ولا تزوجوا يتعدلون
وانا اخذت هوى لانها سنعه والسنعه تعدل الرجال
تحرير: وففففهد!
بشرى: شفيه فهود شكو شفيج تخرفين
تحرير: فهد يبيها حرام عليكم احنا مو ببيت واحد مو عايله وحده
ماتعرفون تتكلمون تقولون تخطبون وتخططون والمسكين ياكلها
*،،،،هوى ماتصلح لبراك بيطلع لها قرون وذنبها برقبتكم وذنب فهد بعد ،،
،فهد يحبها ومن شافها يبيها لييش ماتكلمتووا لييش؟ *((تحرير كانت تصارخ وتدمع عيونهآ ))
ام براك: بس بس تحرير اقصري حسج ،،،فهد من طوله عشان
*يعشق ويحب لا يمه خل يعقل يتزوج غيرها وينساها بس طيش
*مراهقه هذا وهوى هي اللي بتعدل براك وبس سكري الموضوع ،،،