السلام عليكم رهومة يا قلبى ....


ياااااااااااااااااااااااالله عليكى ... بجد ما شاء الله عليكى امتعتينى لاقصى درجة ... مانكرش قلبى اتوجع كتير ... بس مايمنعش انى فى الاخر مستمتعة ...

مش بحب اتكلم عن الاحداث والتفاصيل كتير لانى عمرى ماهلاقى كلمات توصل شعورى واحساسى بيها ... لكن تعليقات بسيطة بس

اول حاجة الراجل بابا اسراء ده ... رجل محترم جدا والله !!! فيه كده يابنتى ؟؟؟ بجد فيه اباء بالشكل ده ؟؟!!!
حسرة علينا

ثانيا طروقة حبيب قلبى ( ايوه انتى قريتى صح ... بقى حبيب قلبى وانا عارفة انه لازم يبقى كده فى الآخر بس غصب عنى كنت منفعلة من تصرفاته ) بجد تعبت معاه اوى وحسيت بوجعه وقهره ... مايمنعش انه فى بعض الاحيان كنت ببقى عايزة اضحك عليه عشان غبائه اللى وصله للى هو فيه ... بس ما هانش عليا برضه ..

وزينب بقى .... مش عارفة يا ريهام ازاى قلبك سمحلك تعملى فيها ده كله ؟؟؟ يابنتى ده لو جبل كان اتهد ... اه كل الناس بيحصلها ظروف ومشاكل وعقبات فى حياتها ، وابطال الرواية كلهم عانوا الى حد ما ... بس زينب تقلتى عليها العيار اوى ... الله يصبرها عليكى يارب ..

بس بجد البت دى جننتنى فى الاخر ... يعنى مش راضية تسامحه رغم كل الافلام العربى والهندى اللى عملهالها دى !!! وانا عمالة اقول البت معذورة اللى شافته مش شوية وقلبى محروق عليها ... ويطلع فى الاخر المسلسل ده كله عشان كلمة ينطقها !!! آآآآآآآآآآآآآآآآآآآآآآآآآآآآآآآآآآآآه ، امال كل اللى بيعمله ده كان معناه ايه ؟؟؟

عم امجد ده بقى طلع مصيبة تانية خالص .... عجبنى والله الرجل ده !!! جنان رسمى كان ابطال الرواية بيتنافسوا عليه بس بيتهيألى هو اللى تفوق فى النهاية ...


وماشاء الله العائلة فى ازدياد متواصل ... الله يهنيهم ... وصراحة كادى وريناد مش ناويين يحرموا الجدة من حاجة ... كل واحدة ناوية على دستة لوحدها !!!


اه نسيت اقولك ... حمدا لله على سلامة سمير ... يا خسارة الجدة مالحقتش تدورله على عروسة هو كمان .... يلا مش مشكلة المهم انه رجع بالسلامة وانضم لشمل العائلة ... وانا واثقة ان شلة السيدات دى مش هتسيبه فى حاله !!!


بجد يا ريهام ربما تكون فعلا كلماتى قليلة والنقط اللى علقت عليها بسيطة ... بس بجد احساسى بالرواية اكبر من انى اعبر عنه بأى كلام .... وهتفضل الرواية دى من الذكريات المحببة لقلبى دائما



ربنا يكرمك ويوفقك دايما ويكون كتاباتك الجاية افضل وافضل يارب


دمتى فى أمان الله يا غالية

الف الف مبروك للكاتبة العزيزة والمبدعة حسن الخلق عزيزتي لقد ابدعت بروايتك الاخيرة لن انكسر ولقد كانت رائعة ومبهرة وجميلة لااستطيع ان اوصفها احداث رومانسية راقية لاتختلف عن سابقاتها من رواياتك المتميزة فانا من متتبعين بل ومن احدى المعجبات بكتاباتك فانت من ضمن مجموعة من كاتباتي المتميزات والرائعات ... دمت لقرائك وفي انتظار رواياتك او روائعك القادمة يا رائعة ...

رائععععععععععععععة رواية مميزة شكرا لككككككككك