المنتدى :
ركن العروس
ابرزي جمال وجهك
بـــــــــــــــسم الله الرحمن الرحيم
السلام عليكم ورحمه الله وبركاته
كيفكم صبايا ؟
اليوم بكتب لكم موضوع مكياج وعنايه يوميه بدون استخدام كريـــــــــــــمالاساس بشكل يومي (للصباح ) طبعا خاصه فيه مايمنع انكم تستفيدو منها بس انا استخدم هادي الطريقه في غالب الاوقات لو مناسبه استخدم قليل من كريم الاساس وبعض الاحيان بدون واتبع نفس الطريقه لانو استخدام كريم الاساس يتعب البشره ويرهقها من تجاعيد مبكره وتصبغات حرام المسامات تمتص مواد كيميائيه وونفطيه وما ينفع كل يوم لطالبات الجامعه والي عندهم دوام يومي لو عندك مشكله عالجيها من جذورها احسن لك بدل تزيديها ضرر.
اولن مكيايجي الشبه يومي يعتمد على درجات مختلفه من البودره الخفيفه السائبه وراح تعرفو كيف ....
تانيا شي انا ما احب نظام كريم اساس وبودره مضغوطه درجه وحده حتى لو خفيفه لانو بس احس تخفي عيوب البشره بدون ما تبين وتبرز الملامح الحلوه الي في وجهك ع الصباح وغير كدا اهم شي احافظ على صحه بشرتي في نفس الوقت .
مــــــــــــلاحظه:
1- بشرتي مختلطه منطقه Tعندي دهنيه الا هيا الانف واعلى الحاجبين بس استخدام قناع السدر يوميا الدهون سارت عندي جدن خفيفه وكمان مع استخدام تونر قبل المكياج للمنطقه الدهنيه سارت المنطقه عندي عاديه والحمدلله .
2- اعاني من اثار حبوب خفيفه بس مع العلاج خفت بشكل واضح وسارت بشرتي شبه صافيه . واستخدم للمعالجتها هادي الموجموعه من ماركة افون للبشره الدهنيه والمركبه .
3- طبعا كل بشره والي يناسبها ا انتي خليكي على كريماتك وعنايتك اليومي الي مرتاحه عليها
وياليت كل وحده تشاركنا بعنايتها اليوميه بالبشره ع الاقل عشان نفيد بعض
راح ابدء موضوع العنايه قبل لحط مكياج وحتى لو ما بحط مكياج .
1- استخدم كلين اند كلير منشط فعال للبشره (ديب كلب يستخدم قناع و غسول ) يعني 2 في واحد .
2- ثم استخدم تونر (solutions plus) من ماركة افون بس احط على المنطقه الدهنيه وجدن كويس انصح فيه
3-وبعد دقيقه لغايه ما تمتص البشره التونر استخدم المرطب طبعا استخدمي المرطب الي ترتاحي عليه بس للمعلوميه انا استخدم كريم فيرند لفلي (واقي من الشمس كمان لتفتيح) وبعدو كريم من سولشن من افون للبشره الدهنيه..وطبعا استخدمي كميه كافيه لانو بكدا يغنيني عن كريم الاساس( الذي يعمل على ثبيت البودره ع الوجه لوقت طويل). وفايده المرطب يعمل كاعزل بين بشترك والبودره ويحافظ عليها يعني كانك ماحطيتي مكياج وانتبهي تحطي نفس الكريم لمنطقه حول العين لان البشره حساسه في هادي المنطقه تحتاج كريمات خاصه فيها.
4-استخدم لمنطقه حول العين كريم فيد اوت (يعمل كا خافي للهالات ومعالج في نفس الوقت) ونصح فيه بدل الكونسلير ولونو يجي على بيج الكريم
وبعد كدا ابدا بالمكياج
ملاحظه:
زي ما قولت لكم في بداية الموضوع لازم نبرز ملامح الوجه ونبين في الجاذبيه و خاصه ع الصباح احس ما يحتاج نستخدم كريم الاساس حتى لو عندك عيوب في البشره استخدمي قليل من الكونسيلر وبعدها البودره الي تعجبك سواء سائبه او مضغوطه
وطبعا اكتسبت خبرتي الي على قدي و المتواضعه من اليوتوب دايما اتابع الاجانب في طريقه مكياجهم الي بس تبين جمال الوجه بدون تكلف ولاحظت انهم يعتمدو و يهتمو في كريم الاساس وبودره بدرجات مختلفه و المسكارا اكتر مننا احنا اهم شي عندنا العين , رسمة العين و كحل ثابت ولا كحل مو ثابت و كحل سايل وشي يثبت الكحل ومسكارا تبين الرموش كانها تركيبه وكحل اسود فاحم وووو الخ انا ما اقول لا تستخدمي الكحل وماسكارا بس شي خفيف خاصه لمكياج الصباح وفي طرف العين او من داخل و جدن يكون خفيف و عن نفسي ما استخدم غير مسكارا مائي او لونها اسود للتغير ويكفي .
وصراحه احس مكياجهم اصعب من مكياجنا عشان لازم نحافظ على الملامح طبيعيه ونبرزها كمان , واهم شي لما تحطي المكياج عادي مو شرط انتي تشوفي البودره واللون واضح على بشرتك عشان يبين طبيعي هادي كانت من اغلاطي اني لازم اشوف اللون لازم على بشرتي واجلس ازيد زايد ولما تتغير الاضاءه في المكان يبان مو طبيعي ومافي تناسق , لاحظت الاجانب في اليوتوب يا دوب مسحه ولا ضربتين بالفرشه على وجهها وبس وانا يالطيف احط و احط واقول لسا ما بان اللون ههههه و زيدي يا بنت وسيري زي الارقوز .
دحين ابدا
ملاحظه كل الي تستخدمي لوضع المكياج فرش بس وما ياخد منك10 دقايق بالكتير ربع ساعه مع العنايه , وما يمنع انك تستخدمي قليل من الكونسيلر ادا عندك عيوب ما تخفيها البودره .
1-طبعا ابدا بحواجبي الحواجب تعتبر اهم شي في الوجه بالنسبه ليا لانها توضح رسمه العين والوجه وحاولي قد ماتقدري تكون طبيعيه جدن ومو اوفر واهم اهم شي اضاءه الحواجب وا ستخدمي الي تحبيها الي احبها من مايبلين الذهبيه مره كويسه لبشره السمرا لانو الفضيه تبان على رصاصي وماا نصح فيها للبشره السمرا وطبعا تكون مره خفيفه وفي طرف او في زاويه الحواجب مو تحت الحاجب كلو بس الزاويه
من مايبلين الي يعجبني فيها انها ثابته وهادي صورتها
2- ابدا بالبودره :
هادي الصوره تبين لك كيف يكون وجهك طبيعي جدن بدل مايكون كلو درجه وحده وما يبرز ملامح وجهك .
ولاحظو مكتوب على بعض المناطق فاتح وبعضها غامق
(للاسف ماعرفت اكبر الصوره )
[/IMG]
1- استخدم للمنطقه على يمين ويسار الوجه و الجبين و ع الجفن وجانبي الانف بشكل خفيف جدن على المنطقه الي مكتوب عندها غامق بودره سايبه من افون بواسطه الفرشه .
(للمعلوميه ماهي درجه بشرتي بس استخدمة الصوره عشان تعرفوها )
ملاحظه ماتكون غامقه بالمعني الصحيح يعني زي لون بشرتك او اغمق بدرجه بس وكمان انا استخدمها ع الجفن( او عظمه العين تبين العين احلي بشكل طبيعي) لاني ما احب استخدم ظل في مكياج الصباح , فايده هادي الطريقه تبين تدويره الوجه
2- واستخدم لمنطقه اسفل العين و الدقن (زي مانتو ملاحظين مكتوب فاتح في الصوره ) استخدم حبيبات اضاءه برونزيه خفيفه جدن تحت العين وحاولي توزعيها على مساحه اكبر من الي في الصوره فايده هادي الطريقه تبين الخدود اكبروالوجه طفولي بعد ما تحطي البلشر وتعطي حيويه للوجه على الصباح .. الحبيبات استخدمها من ماركه افون
3-و بعدين استخدم لمنطقه الي مكتوب فاتح (الي هيا وسط الجبين وعلى عظمه الانف) بودره لمسه اخيره بروزنيه ما استغني عنها ابدن وهيا من ماركه اسمها( مدام )ماهي معروفه الماركه مره .
فايده الطريقه : تبين الانف اصغر
وبعض الاحيان لمسه بسيطه جدن على نفس المنطقه استخدم الاضاءه الورديه لتعطي الوجه اضاءه ورديه بدل البرنزيه للتغير واهم شي تكون خفيفه
ملاحظه : تكون اللمسه الاخيره مره خفيفه يعني ضربتين بالفرشه تكفي لو ماتبغي اضاهء استخدمي بودره افتح من لونك بدرجه بس.
4- بعد كدا البلشر وللبشره السمراء استخدم الخوخي او البرونزي بالفرشه احطها تكون احسن لان الفرشه تسوي دمج واخف اما الاسفنجه احس تطبع بس , ولتغير شكل وجهك بالبلشر عندي طريقتين .الاولى ابتسمي وحطي قليل من البلشر على تفاحه الخد ,والطريقه التانيه اشفطي خدودك راح تبان عظمه الخد حطي البلشر عليها ويكون خفيف كمان ومو شرط تشوفي اللون واضح على خدودك عشان لا يبان اوفر
من ماركة افون الي استخدمها
وللتغير استخدم بلاشر من بودي شوب
5 –نجي للمرحله ماقبل الاخير قلوس او المرطب الطبي لابيلو يكون احسن وعندكم الوان عدي واغلطي
يبين شكل شفايفك جدن طبيعي على الصباح ويفيد الشفايف ويرطبها لوقت طويل انا احب استخدمو بدل القلوسات ولو بستخدم قلوس قبلو احط المرطب كاعازل .
والقلوسات الي على اليمين برضو من ماركه افون
6- واهم شي المسكار انا استخدم وا افضل تكون مائيه ولتغير استخدمي الي تحبي وبس بدون كحل انا افضل يبين العيون فيها براءه وجاذبيه اكتر ع الصباح .
وبكدا اكون انتهيت
ولا تحسبو تاخدو وقت طويل في المكياج والعنايه بالكتير ربع ساعه بس انا عشان بشرح لكم فا تحسو الطريقه طويله
واي سؤال حاضرين للطيبين
في الاخير اسفه ع الاطاله بس اتمنى تكونو استفدتو من الموضوع اتمنى ينال اعجابكم
دعواتكم يا حبيابي
|
28-01-13, 08:43 PM
جديد مواضيع قسم ركن العروس
العرض العادي
