بكيت على عمري يالي ضاع مني - الصفحة 9

27-02-13, 02:08 PM

المشاركة رقم: 41

المعلومات
الكاتب:	دلع مغروره
اللقب:

البيانات
التسجيل:	Jan 2013
العضوية:	249881
المشاركات:	30
الجنس	أنثى
معدل التقييم:
نقاط التقييم:	55

االدولة

مدونتي

الإتصالات
الحالة:
وسائل الإتصال:

كاتب الموضوع : دلع مغروره المنتدى : الارشيف

رد: بكيت على عمري يالي ضاع مني

7)زيارات مستمره!

"..هناك اشياء لا نعلمها..فهم يحاولون اخفاءها عنا..وابعدنا عن ما يجب ان ندركه.."

....

قالت:عييييييييييييل شو سويتي وقتها كيف فركتي الموضوع يالي انطقي..

جفت عليها وابتسمت وانا اتنهد:عدول اتصل فيني وقتها..واشرت لها على الفون عسب اطالع (نزلت راسي وقلت)وجذبت قلت لها ترا عدول يالي يالس يرسل لي ويزعجني اوينه ما يقدر ياكل من دون فلفل طالبني ايبه له

جود:وامج صدقت من صجج صدقت؟؟

رفعت جتفي:هيه صدقت ما عندها خيار بعد تعرفي بعدول وايد يطالبني اهم شئ يخرب مزاجي وهو يكون مرتاح ..

جود:اشوه عيل مرة السالفه على خييير ..(قالت بخوف)اتقولين منوه ها يالي يرسل لج ؟؟

رفعت جتفي وسمور قالت:اوف خليه يولي منو بيكون وايد يرفع الضغط

قلت بقلة حيل:بس انا احس انه الورقه مالت التهديد لها ايد بالموضوع

جود: قصدج يالي قالته سمور لي

هزيت راسي:هيييه ما ادري احسيني خايفه يكون صج

سمور:شهووود من صجج اتصدقين انتي اشفيج قوي قلبج خلج قويه شو بلاج..

تنهدت:احاول سمور ما ادري شكلي بكلم عدول عن الموضوع..

سمور وجود فاجين فمهم ..سمور:انتي مينونه رسمي قسم بالله اقول لج خليه يولي اتقومين اتيبين اخرتج

نزلت راسي وقلت:لازم اقول حق عدول(قلت بهدوء)هو قال اذا في مشكله كلميني انا بتصرف..(هزيت راسي)ادري انه عصبي مرات وفي مثل ها المواضيع بيذبحني بس تراني مالي ذنب واكيد بيتفهم هو

جود:عيل من باجر ما بنجوفج في الجامعه..

هزيت راسي:الا مستحيل ها الشئ بقول له قبل ما اعطيه الورقه..عسب اضمن نفسي..

سمور:يعني خلاص مصممه؟؟

هزيت راسي:هييه اقول لج بديت احاتي موب قادره انام من ها الرموز حتى صارت تطلع في احلامي وتزعجني

جود:خلاص عيل توكلي على الله..وربج ما يخيبج..

ابتسمت لها بود..وريحت عمري بقول لك يا عدول بقول لك ..

....

..كانت يالسه بصاله بيت ابوها وولدها حمد يالس ينبها..ابتسمت لما جافت امها وقامت توقف عسب اتسلم عليها..

ام حمدان:ها اعلومج جوهره ..اعلومه حفيدي(تنزل راسها عسب اتجوف ويهه)وبلاه مبوز جي

الجوهره تحاول تفرك الموضوع:لا اميييه بس كان خاطره يسير الدكان وجي وانا رفضت ..

ام حمدان:ماعليك يابوي بتسير العصر ولا يهمك الحينه وقت غدا ماشئ دكان..

جافت عليه جوهره بعين عسب يقوم يسلم لانه ما قام اول ما دخلت امها..اما هو يلس يطالع الفراغ يالي جدامه بعدها قام وهو يقول:بسير اغسل ايدي ..

قفطت جوهره من اسلوب ولدها وهو كمل طريقه وبعده يطالع الفراغ جدامه..

ام حمدان:امييه جوهر شو بلاه ولييدج كله ها مزعل عسب دكان..

الجوهره متلبكه:هيييه امي شو بعد مدلع حفيييدج..

ام حمدان:هييه ربي يخليه لكم ولنا فديته الريال انا..

ابتسمت جوهر لما حسيت انه امها بدت تصدق كلامها..انفتح الباب ودخلوا الشباب حمدان البجر بعد الجوهرة وحامد ..واخوهم يالي بالثانوي حمزه..وابو حمدان ..وهم يسلمون ..

ام حمدان والجوهره:وعليكم السلام..

قامت الجوهره اتبوس راس ابوها وهو يقول:زين والله يابنتي يتي من عرستي ما قمنا انجوفج ولا انجوف حفيدنا حتى ناسيين شكله احن..

استحت جوهره وقالت:السموحه ابويه مشاغل الدنيا..

يلس ابو حمدان :مشاغل الدنيا لكم وشو مدخل حفيدي بالموضوع؟؟

دخل حمد الصاله ويلس بعيد عن الكل وهو يطالع الفراغ..استغرب الكل تصرفه وجوهره تلبكت وتوتر اكثر من تصرفات ولدها الغير مفهومه..

ابو حمدان:ابوووويه حمممد ما تسلم انت على الرياييل

طالعه حمد وجنه يطالع طوف..وظل مركز عليه والكل مستغرب..

ام حمدان:امييييييييه الجوهره شو بلاه ولدج شو صاير لها ما يفهم ولا شو؟؟

جوهره اتسير صوبه وتشد عليه من دون ما حد يلاحظ:قوم سلم على خوالك ويدك قوم

قام حمد وجنه رجل الالي صار بس يسمع ..وباس راس يده وايده وهو يسلم عليه من دون صوت ..قرب من خواله ونفس الحركه من دون صوت..

ام حمدان:جوهره شو مسويه انتي بالولد كل ها زعل حتى ما يتكلم..

جوهره باين عليها التوتر:اميييه هو جي مثل ابوه لما يزعل من شخص يزعل على الكل..

يلست الجوهره وهي تحاول تغير الموضوع:الا قوم عمي سعيييد ساروا؟؟

ام حمدان مكشره:هييه ..كله عسب شهد ودراستها..

ابو حمدان:ما ادري اخوي ليش مدخلنها الجامعه وهو يعرف بناتنا مالهن بها السوالف..

جوهره:اصلا ابويه لو تجوف تصرفاتها ما تقول وحده رابيه ويانا متغيره كله من الجامعه كله اتقلدهم وتستعرض علينا اوينه عندها واحن ما عندنا جنها ناسيه من تكون هي..

حامد يقول:والله لو مخلينها علي جان مشدده عليها ولا طلعت من اهني وهي تفكر بس تدرس ..بس الله يهديه عمي سعيد مدلل ومدلع وماشئ حق حريماتنا ها السوالف..

ابو حمدان:ماعليه كل واحد بيتعلم وبنت عمكم مردها اترد اهني وهي اتبوس تراب الشرقيه..

....

على المغرب ..نزلت من حجرتي وكان البيت هدوء..طبعا عماتي ماشئ كل وحده سارت بيتها ..من بعد الشرقيه..جفت عدول في الصاله يالس يطالع تفي..استغربت اوينه يالس اهني وهو عنده تفي بحجرته..بس طوفت سرت له وانا اسلم..يلست ينبه وهو يطالعني مستغرب..

عدول:اقول شهدوه شو وراج انتي ها؟؟

ابتسمت وقلت:ماشئ

عدول ضحك:لا في شئ دامي قلت شهدوه وما صارختي علي ..

بوزت:اوف زين بقول لك بس صبر علي..

عدول:زين قولي حمستيني ابي اعرف..

طالعته بعين:وشحقه متحمس..

عدول:لانه ويهج وانتي يايه لي جي جنج خايفه..(يتاكد)انتي مسويه علوم من وراي ؟؟

هزيت راسي بسرعه من الخوف:لا لا والله العظيم لا قسم بالله..(ضغطت علي ايدي ابي الورقه اتذوب عسب ما اتكلم بس ماشئ ما تذوب )

عدول ينزل راسه وهو يطالعني:قولي قولي اسمعج انا

قلت:اممم بس اخاف تصفعني وجي

عدول:ما صفعج قسم بس انتي انطقي شو مخبصه مناك..

تنهدت:ادري بك بتلعوزني بعدين..(مسكت ايده وقلت)بس انت اخوي العود واحمد مراهق وما اقدر اطلب من احد غيرك..(بوزت)يعني على الاقل اعرف ها الشئ اني يايه وخايفه بس مع ذلك ما بخبي عليك..

عدول بملل:يوم تخلصي من مقدمتج قولي لي (ويلس يقلب بالقنوات)

عصبت منه وقلت:عدووووووووووووووول (طالعني بنظره فقلت)انت قلت اذا صار شئ بالجامعه قولي لي صح

عدول يعدل بيلسته ويطالعني باهتمام ما فهمت شو سره..فقال بجديه:تكلمي فكيني ..

بعلت ريجي وفجيت ايدي وانا اعدل بالورقه واعطيه اياها..لاحظت على حاجبينه تنقبض وويهه يحمر ..فقلت في خاطري"ياولي ياسواد ليلي "

عدول بجمود:شنو ها؟؟

فركت ايدي من التوتر:يوم الاربعاء ياني واحد وعطاني ها الورقه وهو يقول في وايدين يلاحقونج..بالبدايه ما اهتميت بس بعديين

صرخ وجنه يبي يعرف شو بعدين:شووووو تكلمي شو صار؟؟

بلعت ريجي وحسيت دموعي نازلين:والله انا ما سويت شئ

عدول يهدي نفسه:وبعدين شنو؟؟

نزلت راسي:بس يوم كنا بالشرقيه بدت توصلني اتصالات ورسايل غريبه فيها رموز انا مو فاهمتنها ..

عدول:وين فونج عطيني اياه بسرعه..

طلعته من جيب جلابيتي وعطيته بخوف..يلس ينبش بالفون ما ادري شو يسوي..وبعدها قام من دون ما يعطيني اي نظره وهو ياخذ الفون وياه.."زين انا ما فهمت شو يعني ؟؟"

....

كان يالس وياه يدته بالصاله وهو يقول لها:يدوه خفي على البنت اشوي احن ما نبيها تتذكر..

تضرب عصاها على الارض:وليش ان شاء الله اخف عليها لا والله ماني خاف عليها خليها تعاقب وانا مستحيل ارضى عنها اذا انت ساكت انا ما اقدر يالي سويته حرام حرام ما يرضى به ربي..

حسين بحرقه:يدوه ادري والله ادري بس تراني السبب فيه فهميني ما اقدر اخليها تحمل الذنب بروحها موب زين جي يدوه انا اترجاج فهميني موب قادر اجوفها تتعذب كل يوم من السالفه واسكت..(نزل راسه)ومو من صالحنا انها تتذكر يالي صار ابد..اخاف اتسوء حالتها وتتعب نفسيتها بعد ..تدرين يدوه يالي صار شئ عود ..

يدوه:وتتعب نفسيتها شو يعين ان شاءالله تنقط بمستشفى الميانين وننفك منها ومن ويهها..

تنهد حسين بتعب كل ما يحاول يفهمها كل ما تعقد الموضوع اكثر المشكله هو يحس بالذنب وما يقدر يتحمل ها الشئ ..سمع يدته اتقول:اقول يمه احسين انت تدري لما الريال خلاص يستقر يتمم نص دينه وانت ماشاء الله ريال وكل بنت تتمناك اشر لي عسب اخطب لك بنت من احلى البنات يا ابوي..

حسين:يدوه موب الحينه ماني مستعد نفسيا ..

يدوه:شو موب الحينه ..ابويه انت طالع ويههك بدء الشيب يترسه قربت اتسكك الثلاثين وانت اتقول موب الحينه..غيرك يا يمه الحينه عندهم خمس ست اعيال وانت على الحافه ما عندك شئ..

تنهد حسين وقال:خلاص يدوه اخطبي لي موب مشكله ..

يدوه:هيه جي اباك وليدي ..اسمع تدري بهم اهل( ..... )مشاء الله عيال عرب وبخطب لك البنت يالي بتناسبك وانت بتقول يدوه ذوقج مافي منه ادري بك

ابتسم حسين من دون نفس وقام وهو يقول:بسير حجرتي يدوه تبين شئ؟؟

يدوه:لا ابويه سيرر ريح فديتك باجر وراك عرس ومصاريف لازم تكون مرتاح ..

ابتسم وهو يسير صوب المطبخ وهو يطالع خنساء تكرف من جهه لجهه ثانيه وقال:سلام عليكم..

خنساء صدت صوبه بخوف:وعليكم السلام هلا ولد خالي ..حياك تبي شئ..

حسين:لا بس يت اسلم عليج ..اعلومج اليوم ان شاء الله احسن..

ابتسمت الخنساء:هيه مشكور حسين ارتحت من قريت قرآن وايد واحس نفسيتي احسن بوايد..

ابتسم حسين:دوم يارب ..هيه اقول خنساء ناوليني جلاس ماي بارد اذا ما عليج كلافه..

سارت خنساء اتيب له ماي ولماا يت تعطيه طاح مني ايدها ..حست بكهرباء غريبه من قربت منه ..

حسين يطالعها:خنساء انت بخير صاير لج شئ تعورتي..؟؟

هزت راسها باستفهام:لاء ما صار شئ خلاص بيب لك جلاس ثاني..

سارت اتيب له وعطته وهو يطالعها مستغرب:خنساء فيج شئ ؟؟

خنساء تهز راسها:لا لا ما فيني شئ انت سير ارتاح انا بلم الزجاج المكسور ريح بالك ما صار شئ الا كلاس انكسر..

سار عنها وهو موب مطمن ..اما خنساء يلست اطالع الزجاج يالي على الارض ..وجنه شئ من يالي صار بدء يرجع..صوت تكسير ..شئ انكسر بس شو كان ..

هزت راسها بنفي .."خنساء لمي الزجاج ولا تحطي في بالج..بس ليش احس انه في شئ انا ناستنه واحاول اتذكره ليش؟؟"

....

كانت يالسه في حجرتها وهي تسمع صوت الجرس..تاففت من خاطرها ..وسارت صوب الشباك تطالع منوه..كان ريال ..او بالمعنى هم الرياييل صاروا ييون من ايام .."يعني هذولا الحريم بعد يايين اوف "

رمت كتابها على الارض وهي منقهر ..من يوم ما ردت من الشرقيه وهي جي حالتها ما بين شئ بين حمدان ونوير وجنها كانت تتوقع انه بينهم شئ عسب اتزخهم ..لكنها اكتشفت انه نوره بس تبادله المشاعر ام هو ما تعرف ..لبست شيلتها عسب تطلع من الحجره وهي تسأل نفسها "شو سر هذولا كل يوم طابين بيتنا شو يبون انا ابي افهم"نزلت وهي سايره صوبهم تسلم عليهم كانوا حرمتين كبار ووحده توقعت انها معرسه يلست عندهم وهي تطالع امها..

الحرمه :هاي بنتج يا ام عادل؟؟

ام عادل تهز راسها:هي بنتي الاصغر بعدها ولد اصغر عنها..ريان

ابتسمت ريان لهم وهي بعدها مستغربه..

الحرمه:عيل في غيرهم مشاء الله ..

ام عادل:هيه بنتي العوده شهد بالجامعه بعدها ..ونوره (تطالع ريان)قومي ناديها خليها تي اتسلم..

ريان وقفت وهزت راسها ..جافت امها تلمح لها وهي فهمت شو قصدها ..الفواله..سارت المطبخ وقالت حق الخدم يزهبونه وياخذونه الصاله..وبعدها سارت عند اختها وهي تطق الباب وتفجه..

نوره:رييييييييييييييييييييييانوه جم مره قايله لج لا تدخلين جي ..

ريان تطالعها بعين ونوره استغربت مو بالعاده ريان اتكون جي:شو بلاج ؟؟

ريان:امي اتقول لج نزلي سلمي على الضيوف..

نوره:منوه هم؟؟

رفعت جتفها:وانا شو يعرفني انتي نزلي وانتي ساكته..

طلعت من الحجره متجهه للباب المطبخ ..بس سمعت صوت عدول وابوها وهو يتكلمون وراه الباب وهم موب ملاحظين وجودها..

عدول:ابويه تراه اذا على نوره تراه الخطبه حالها موب حق شهد..شهد مستحيل تنخطب

ابو عادل:ها الشئ اكيد..وهذولا ناس طيبين وعيال عرب ..

عدول:بس حمدان ولد عمي سبقهم

ابو عادل:اعرف ابوي انه سابق عسب جي احن بنكلمهم بالموضوع وننهى السالفه ماشئ خطاب اكثر عن جي ..نوره وصارت لحمدان ..

مسكت ريان فمها على الاخر ..كيف جي نوره لحمدان متى ها الشئ..!!

عدول:بس تدري حمدان كان حاط شهد في باله موب نوره يعني اكيد بينصدم لا عرس على نوره..

ابو عادل:وشو بلاها نوره هي اخت شهد وشهد ما بتعرس ولا بتنخطب وها الشئ ماله نقاش بالموضوع..

عدول:يعني خلاص هذولا العرب ماشئ نصيب من بينهم؟؟

ابو عادل:والله جي وبيصير..بس انت راقب اختك شهد وجوف كل شئ يديد من صوبها ..خوفي انا من ها الورقه..

عدول:هيه ابوي ان شاء الله ولا يهمك..

ابو عادل:ولا تعصب عليها هي مالها ذنب بشئ ..كون قد الثقه عسب تفتح لك قلبها وتقول لك كل شئ

عدول:ان شاء الله ..

بعدت ريان من الباب وركضت لحجرتها وهي تمسك فمها شو القصه ..راسي دار ..ورقه حمدان عرب خطابين؟؟

اندق الباب وهي تحاول تجمع افكارها..مولي:ريان يو مام وانت يو

هزت راسها:اوكي كامينج..

فجت الباب ونزلت الصاله وهي تيلس وراسها موب قادر يوقف تفكير ..طالعت الحريم هذولا يبون يخطبون شهد ..بس شهد ما تنخطب كيف جي ..والحينه بدال شهد يخطبون نوره..ونوره محجوزه لحمدان..وحمدان يبي شهد..بس شهد ما تنخطب..

حست بها تهزها:ريانوه ما عرفتي من هذولا..

هزت راسها وهمست:وانا شو يعرفني ياه..

دقايق وهم يقدمون الفواله تدخل شهد وهي اتسلم ومستغرب من الاشكال اليديده..كل يوم حد يديد يي..

سلمت على لحريم ..والحرمه اتقول:مشاء الله هاي بنتج العوده؟؟

ام عادل:هيه هاي شهد..

الحرمه:اعلومج بنتي شهد شو الجامعه وياج..

شهد مستغربه:الحمد لله بخير انتوا اعلومكم خالوه..

الحرمه:الحمد لله تسرج حالتنا بنتي ..(جافت على الحرمه الثانيه وهي تهز راسها مبتسمه)

يلست شهد عند ريان وهي تقول:شو منوه هذولا؟؟

ريان:عقب بقول لج ..

نوره تطالع ريان مستغربه لما سالتها قالت وشويعرفني ولما سالتها شهد قالت بتقول لها ..عصبت اكثر من شهد وحطت في بالها "الشئ هذا لازم يصير اليوم قبل باجر لازم"

.

.

.

.."قد يلعب بنا القدر مره..ولكن لعبت البشر لاتتوقف فهم يلعبون بنا الف مره.."

28-02-13, 10:58 PM

المشاركة رقم: 42

المعلومات
الكاتب:	قرة عين امي
اللقب:	ليلاس متالق

البيانات
التسجيل:	Mar 2011
العضوية:	218737
المشاركات:	1,290
الجنس	أنثى
معدل التقييم:
نقاط التقييم:	950

االدولة

مدونتي

الإتصالات
الحالة:
وسائل الإتصال:

كاتب الموضوع : دلع مغروره المنتدى : الارشيف

رد: بكيت على عمري يالي ضاع مني

سلمت الايادي دلوعة
بارت جميل وممتع وغامض
اممممممممم حلوة كثير جلسة المناقشة بين الاصدقاء حسيت سمورة وجود يحبون شهوده كثير وخايفين عليها
بس احسن شيء سوتة شهودة انها خبرت عدول بكل حاجة عشان لو صار شيء لا سامح الله يكونوا اهلها بالصورة والله يحميها ويحفظها من كل شر بس انا خايفة عليها كثير وخصوصاً بعد كلام الاب مع عادل اللي سمعته ريان لاني حسيت انهم عارفين مين اللي يهددوها وشكله موضوع جدي الله يستر بس

تستاهل الجوهرة انه ولدها فشلها قدام اهلها لانه صار يكرهها من معاملتها السيئة له ويبي يعاقبها باسلوبه المتبجح مع اهلها صح

امممممممم كل بارت يزيد الغموض اكثر حول الخنساء وحسين ايش الحاجة اللي ماترضي الله اللي سوتها الخنساء وحسين كان السبب فيها ياربي اوجعني راشي من التفكير بالمشكلة اللي صارت زمان والان صار كابوس يلاحق الخنساء وهي ماتتذكر تفاصيله اممممممم هل هو كان سبب موت امها في شيء تكسر لان صوت التكسير ارعبها وذكرها بشيء مش قادرة تتذكره تماماً
يعني اللي صار زمان موقف جمع بين حسين والخنساء وفي دم وصوت تكسير وخوف وشيء يغضب الله ويش هو ياربي ماقدرت اخمن ابداً

امممممممم ليش شهودة ممنوع تنخطب وتتزوج وايش ناوية عليه نويرة الله يكفينا شرها
الحمدلله وافق شن طبقة خلي نويرة تتهنى بحمدان وتكفينا شرها

موفقة غاليتي وساكون في انتظارك
اسمــــــــــــــــــــــــــــــــــــــاء

06-03-13, 09:31 PM

المشاركة رقم: 43

المعلومات
الكاتب:	دلع مغروره
اللقب:

البيانات
التسجيل:	Jan 2013
العضوية:	249881
المشاركات:	30
الجنس	أنثى
معدل التقييم:
نقاط التقييم:	55

االدولة

مدونتي

الإتصالات
الحالة:
وسائل الإتصال:

كاتب الموضوع : دلع مغروره المنتدى : الارشيف

رد: بكيت على عمري يالي ضاع مني

قرة عين امي~

اقتباس :-
سلمت الايادي دلوعة بارت جميل وممتع وغامض اممممممممم حلوة كثير جلسة المناقشة بين الاصدقاء حسيت سمورة وجود يحبون شهوده كثير وخايفين عليها

الله يسلمج غلاي ..تسلمين انتي على نورج ..وتواجدج..
وانتي الاجمال غاليتي والامتع بكلامج..
يب هذولا هم الاصدقاء يالي يحاولون يوقفون وياه الاصدقاء بوقت لضيق ويحاولون يحلون مشاكلهم..

اقتباس :-
بس احسن شيء سوتة شهودة انها خبرت عدول بكل حاجة عشان لو صار شيء لا سامح الله يكونوا اهلها بالصورة والله يحميها ويحفظها من كل شر بس انا خايفة عليها كثير وخصوصاً بعد كلام الاب مع عادل اللي سمعته ريان لاني حسيت انهم عارفين مين اللي يهددوها وشكله موضوع جدي الله يستر بس

يب معاج حق افضل شئ سويته عسب لا تتعرض لاي خطر واهلها ما يعرفون..وعادل ممكن يكون السبب في يالي يصير دام ردته هو وابو عادل غريبه..

اقتباس :-
تستاهل الجوهرة انه ولدها فشلها قدام اهلها لانه صار يكرهها من معاملتها السيئة له ويبي يعاقبها باسلوبه المتبجح مع اهلها صح

الجوهره هه يب ممكن تعقل وترد لطبيعاتها والسبب ولدها..
بس اتمنى ولدها ما يضيع بسبب كرهها..

اقتباس :-
امممممممم كل بارت يزيد الغموض اكثر حول الخنساء وحسين ايش الحاجة اللي ماترضي الله اللي سوتها الخنساء وحسين كان السبب فيها ياربي اوجعني راشي من التفكير بالمشكلة اللي صارت زمان والان صار كابوس يلاحق الخنساء وهي ماتتذكر تفاصيله اممممممم هل هو كان سبب موت امها في شيء تكسر لان صوت التكسير ارعبها وذكرها بشيء مش قادرة تتذكره تماماً يعني اللي صار زمان موقف جمع بين حسين والخنساء وفي دم وصوت تكسير وخوف وشيء يغضب الله ويش هو ياربي ماقدرت اخمن ابداً

غموض الخنساء وسالفه التكسير والكابوس يالي يلاحقها راح نكتشفه ما الايام..والماضي له صله بيالي تعيشه الخنساء الحينه اكيد..

اقتباس :-
امممممممم ليش شهودة ممنوع تنخطب وتتزوج وايش ناوية عليه نويرة الله يكفينا شرها الحمدلله وافق شن طبقة خلي نويرة تتهنى بحمدان وتكفينا شرها

سر شهد وحديث ابوها واخوها متعلقه بشئ ..شو هو راح نعرفه..اكيد..
ونوره ان شاء الله تتهنى بحمدان ..وتبعد عن شهد..بس جنها ناويه على شئ!!

اقتباس :-
موفقة غاليتي وساكون في انتظارك اسمــــــــــــــــــــــــــــــــــــــاء

امين يارب..واجمعين..وتسلمين..لا خليت من تواجدج الراقي..وردودج يالي تسعدني بجد..

لج ودي دلع مغروره..
في امان الكريم

06-03-13, 09:32 PM

المشاركة رقم: 44

المعلومات
الكاتب:	دلع مغروره
اللقب:

البيانات
التسجيل:	Jan 2013
العضوية:	249881
المشاركات:	30
الجنس	أنثى
معدل التقييم:
نقاط التقييم:	55

االدولة

مدونتي

الإتصالات
الحالة:
وسائل الإتصال:

كاتب الموضوع : دلع مغروره المنتدى : الارشيف

رد: بكيت على عمري يالي ضاع مني

8)طاوله النقاش!

"..قد يحاول البعض اقناعنا ..في امور نكرهها ولا نستطيع تقبلها,,ولكن عندما نتعمق في التفكير..نكتسبها"

....

كانت واقفه توايج من الدريشه بعد ما روحوا الضيوف..سمعت دق خفيف على الباب ..وجافتها تدخل..مستغربه "شهد ادق الباب"قالت بضحك:سبحان الله شهدوه تدقين الباب..

مسكت لها المخده ورمته عليها :والله مو مثلج انا الحمد لله حشيمه..

اشرت ريان بعدم اهتمام ويلست على السرير وهي تاشر لشهد تيلس..يلست شهد وهي مستغربه :بلاج ريون ومنوه هذولا؟؟اقصد يعني تراني ملاحظه زيارات وكل يوم عرب يداد ..شو السالفه(دزتها على الخفيف)ادري بج انتي سموجيه تذبحج اكيد عرفتي شو السالفه..

ريان تأشر على فمها وهي تهمس:ايييييييه خفي صوتج بقول لج بس بالراحه اشفيج..

شهد تطالعها بعين:ريييون قولي فكيني..

ريان:اببببببيه شهدوه اليوم سمعت اخبار خطيره ..ولا بعد بالصدفه..سمعت ابوي وعدول يتكلمون بالسالفه..

وبدت بسرد القصه يالي صار بالتفصيل الممل ..وشهد فجت فمها على الاخر منصدمه..

بلعت ريجها:انتي من صجج ؟؟

ريان:هيييييه وتاكدت من بدور قبل لا تيين

شهد:كييف يعني ؟؟

ريان:اتصلت في بدور وعرفت منها انه حمدان كان من البدايه حاطج في باله..بس الحينه انعكس الموضوع وصار لنوره ..واكيد نوره تعرف وجي ..وممكن عسب جي تغار ولاشئ من ها السالفه..

شهد:حمدان البطراني كان ناوي يخطبني ..

ريان:آآي ناوي انتي الثانيه ..قولي خاطبنج وخلاص ..بس انتي ما تنخطبين

شهد:وهاي كيف اركبها بعد ..فصليها اكثر

ريان ترفع جتفها:وانا شو يعرفينه ..ابوي وعدول جي قايلين ..وعاد شو قصدهم بها الشئ هب عارفه..

شهد حطت ايدها على خدها تفكر:يعني كل يالي يوا البيت كانوا خاطبيني وجي بس ابوي رافض ..

ريان تكمل:هيه لانه شهدوه ما تنخطب..

شهد:شهدوه في عينج زين..بس تدرين فكه اهم شئ ولا ولد عمي ما ابيه..

ريان تطلع لسانها:اخيييج ها البطراني بروحي ما ادنيه..

شهد تسال:زين نوير تدري ممكن لا دريت تودرني بحالي ..دام القصه فيها حب وما ادري شو ..

ريان:والله اظنيه بعدهم ما قالوا لها عن سالفه الخطبه..

ضحكت شهد فجأة وريان تطالعا بغرابه:والله كملت خلصنا من سلموه يالي توها في الثانوي ما باقي شئ وتخلص والحينه ياه الدور على نوير..

ريان تشهق:ابيييييييييييييه انا ما ابي اعرس ما ابي

ضحكت عليها شهد وقالت بجديه:انتي لاء..اكيد لصغر سنج..نوير حتى لو عمرها سنتين بتوافق..

ريان:هيه الحب ها ما غيره ما تقدر تودره لاه..

طالعتها شهد وتنهدت من الخاطر عى ها الحظ..وهي متاكده انه نوير ما بتخليها في حالها..السالفه لو هي زواج ما تخلص اهني .."اه على حظج يا وخيتي ..وكله طايح عليج يا شهد تحملي اختج عاد"

....

اليوم الثاني..في كافتريا الجامعه..وياه البنات يالسه ..وهم فاجين فمهم من السالفه..

سمور:يوم قربت افرح فيج تيي اختج اتخرب الموضوع..

ابتسمت:انته كله همج تضاربينه في الصالون شو؟؟

سمور تدزني:ياخي ابي افرح فيج اشفيج انتي..(رفعت ايدها تدعي)عسى يارب اجوف ها اليوم واوقف وياج فيه واعذبج شرات ما عذبتيني..

شهقت وقلت:حرام عليج سمور شو معذبتنج انا لما عرستي استغفري ربج..

جفت على جود وهي تطالع الجلاس يالي جدامها..فسالتها مستغربه:شو بلاج جودي؟؟

جود تنهد:والله ما ادري شهود احس السالفه متعقده..

شارت بعدم اهتمام:يولي اهم شئ انفكيت من الخطبه..

تضربي سمور:شو تفتكي انتي بعد ..المفروض تربعي وراه شو تخليه يسير لاختج؟؟

جفت عليها بعين:اخيييج حمدان عاد..زين ما اقول انه مو ولد عرب وناس وولد اهلي وشرقاوي ..وفيه صفات الرجوله وجي ..بس في نفس الوقت(طلعت لساني)متخقق وبطراني وايد ها لقب ريون له..

تنهدت وقلت:وترا ان عرست عليه مثل ما تبين سمور ما بتجوفين رقعت ويهي بالمررره..ولا ابشرج بعد اول شئ بيسويه ولد عمي ابن هليه..بيطلعني من اهني ويكرفني في بيته وعاد عشرين ولاد يتراكضون حولي..ووزني يوصل80

سمور تنقع ضحك:اتخيلج لاه..

جفت عليها بعين :لا يقدر بس ..عسب جي مرتاحه..مع اني ما اجوفه زين لنوير..بس هاي موب ويهه دراسه (ابتسمت)وتحبه

سمور :اوينج يعني المضحيه..

طالعت جدامي بجمود:السر مو وهني بنات السر انه وايدين يايين يخطبون نوير مو انا ..

....

طلعت من المطبخ وهي معصبه ..صدت تطالع امها:يعني حمدان سواها بالاخير..

ام حمدان:جوهر اشفيج عبالج انا راضيه ..بس اخوج وانتي ادرى به بيقول بسنعها ومن سوالفه..

جوهره بمكر:والله ياريت لو بياخذها يأدبها..ومن خاطري ما ابيها تجوف نور الشمس ولا تفكر بهواه مسقط وعربانه..

ام حمدان تنهدت:بس عمج اسعيد هب راضي على الخطبه..

انصدمت جوهره:شو يعني هب راضي كيف جي ؟؟

ام حمدان:صحيح ولد عمها ..وهي بنت عمه وها الاصل يالي نمشيه اهني بس

جوهره تنتظر امها تكمل:بس شو اميييه شو القصه؟؟

ام حمدان:جوهره انتي تدرين انه حمدان هب اول مره يطلب بنت عمج من سنين طالبنه اذكر حتى اول ما دشت الجامعه واخوج ماخذ ابوج عسب يخطبونه ويوقفون المهزله هاي ..بس من ردوا من مسقط وهم محطمين على الاخر ليش اسعيد رافض الخطبه..

جوهره:زين لييييش؟؟

ام حمدان:بقول لج صبري عليه امييه..حمدان تقريبا خطبها مرتين وياه ابوج بس عمج يرده لاسبابه من دون ما يتزاعل وياه ابوج..بس باخر مرتين خطبها حمدان بروحه ابوج ما روحه وياه ..يقول السالفه منتهيه والبنت هب نصيب ولدج وها اخير له..

جوهرة:امييييه دشئ بالصلب الموضوع..

ام حمدان تنهد:اهم شئ سار ابوج ها المره وخطب بنت عمج الثانيه ..يعني نوره ختها..لانه شهد هب نصيب حمدان ويوم رد الموافقه حق ابوج استانس حمدان ..وهو عباله انه شهد يالي بتصير حرمته..

جوهرة:انزيين امي شو السر الحينه ليش شهد مرفوضه لا يكون فيها شئ ؟؟

ام حمدان:والله العلم عند ربج محد يدري شو السالفه..

....

عند الخنساء يالي حاولت تبتسم ..مع تهجم العيوز عليها بكلامها السم..ما دريت ليش كل ها بس لانه حسين خطب له بنت عرب..شو هي موب بنت عرب يعني ها يالي تقصده العيوز لخنساء !!

حسين ابتسم وهو يقول بتعب:ها خنساء ما بتباركين لولد خالج؟؟

ابتسمت خنساء مع الوجع و الالم يالي فيها ..:مبروووك ولد خالي ..والله يتمم على خير ان شاء الله..

العيوز:هيه ان شاء الله يتمم على خير وتدش ها البيت بالبشت وبحلاتك انت وعروسك الحلوه القمر بنت العرب والاصول..

حسين:يدوه عاد ..(ابتسم للخنساء)وان شاء الله تفرحين في خنساء بعد.

العيوز تضرب بالخنزرانه:منو قال انها بتشبر برا بيتي ها ..لا والله ما بتطلع منه ولا بحلمانها بعد بتشتغلين تحت ريولاتي وتخدمين حسين وحرمته بعد ..

نزلت خنساء راسها متالمه من ها الشئ..وحسين يطالعها بالم..ما يبي كلام يدته يخدشها مهما كانت هي بنت وتنجرح من ها الكلام..هو يعتبرها مثل اخته الصغير ومايرضى عليها من بعد يالي صار..

خذا نفس وبعدها ترخص من يدته ييلس برا عند السكه وهو يفكر..موجات الم في راسه..يحس مرات انه مو هو ..شو الحالات يالي تصير فيه هب فاهم ..خذ نفس عمييييق وبعدها سمع صوت ..من وراها..

.....:هلا بالنسييييييب

ابتسم له:هلا فيك سامي اعلومك؟؟

سامي:الحمد لله طيبين وعايشين بخير ونعمه..انت اعلوم؟؟

تنهد:بخير الحمد لله..

سامي:لا لا لاه دام فيها تنهيده يعني هم على راسك..(ابتسم بخبث)لا يكون نسيبي تفكر باصرفه المهره..

ضحك حسين تمنى ها تفكيره ولا المعاناه يالي يعيشها في داخله:لاء افا عليك المهره جاهز اسلمه في الوقت يالي تامرون فيه..

سامي يرفع ايده ويغمض عينه:يلا عيل ادفع اجووف ..

ابتسم حسين على حركات نسيبه ويالي بيكون اخت حرمته المستقبله ..تمنى انه عايشه حياته مثل سامي بمرح وضحك ولا يفكر ويكدر خاطر بشئ..

سامي يدزه:حووووو انت شو ما عندك ..قول من الحينه عسب اردك ولا تطب بيتنا ..يالنصاب..

حسين:لا افا عليك اترياني بيبه لك ..

سامي ينقع ضحك:مصدق مع ويهك مصدق انت تعال اقول بكلمك تعال..

ابتسم له حسين ..مع انه يعرف انه يتمصخر الا انه ..من الجو يالي مسويه سامي حس انه يبي يقوم موب قادر يستحمل الضحكات وهو قلبه مهموم على ها المسكينه يالي بتعاني اذا عرفت شئ من الماضي..

....

عند البنات..ضحكات على رهام

بدور اتقول:قسم بالله لا عرفت شهدوه بتموت بارضها..المسكينه خاطرها في زواج ..بس ربي ما كاتب..

اروى:هيه اجوف الحظ طايح حق الصغاريه بس وانا العود ولا معبريني ..

رهام تقوم وتحضن اروى:اروى افا عليج برفض ولا افكر في الموضوع..

بدور تضحك بصوت:ليش منوه يسمع لصوتج اصلا..انتي بس ارفضي عسب يأدبونه..(تخشن صوتها)ماشئ بنات ينزلن راس الرياييل بالارض ..

اروى:هيه خلاص انتي انخطبتي وخلصت السالفه ..

بدور:هيه سلمى عرست ..سوسن انخطبت..نوره وانتي لاحقينهم..

بدور ترفع راسها:متى دوري انا وسليموه وشهدوه..(اشرت على اروى)وانتي يالعانس انطبي اهني بيت ابوج(وبدت موجات ضحكهاعلى اختها)

اروى مبوزه:عينج عانس انا ..بعدني شباب توني ادش 25

بدور تضحك:عاانس ههههه عانس ..

اروى:اقول بدور ..انطمي زين يكون احسن لج..

....

كنت يالسه بالكافتريا بعد ما خلصت محاضرتي مع الدكتور مصطفى..تنكدت بسبته..بس حاولت انسى وانا افكر في نوير..

احسها صعبه بالنسبه لي ارضى على اختي تعرس على واحد حاط عينه على اختها..ابتسمت بسخريه اذا عرفت نوره بتكرهني اكثر..كرهها لي كله بسبت ها الحمدان ..والحينه بتكرهني اكثر بسبته هو بعد..شو اسوي بها الاخت..قسم ما اتمنى لها الا كل خير ما ابيها تعرس عليه عسب ما تنحبس ولا تطلع مثل العالم والناس ..ابتسمت بغباء..اساسا هي ما تحب ها السوالف يعني تلبق له..هزيت راسي انفي الموضوع..لو بس اقدر اقول لاء تزوجون اختي من ها البطراني..لكن قبل ما يفلعني عدول هي بتفلعني..خذيت نفسه..زين شو مشكلتها وياي ..معقوله يالي تسويه كله بس لانها اكتشفت انه حمدان يبني انا..مو هي

ياربي فتل راسي من التفكير..احس المواضيع كلها متداخله من عقدة الاهل..وزواج ..مسكت راسي من التعب يالي صابني ..وحسيت بالكرسي وهو ينسحب بقوه..خرعني لما جفت ابتسامته تنهدت..

لؤي:سلام بنت خالي..

ابتسمت:وعليكم السلام..

ضحك بصوت :واخيرا اول مره اجوف ابتسامتج الصادقه لي..(ياشر على ويهه)لها الدرجه انا حليوه

قلت:لاء طبعا..بس تدري احسني من زمان ما جفتك اوينك مختفي من فتره وجي..

لؤي واضح عليه مستانس:اوينج متولهه علي..

صدت اطالع وراي مستغربه:انت من وين يت؟؟انت مو اهني مبناك؟؟

لؤي:مخلص لاه ..وقلت امر على بنت خالي اشوي اجوف علومها هه

قلت:بخير لا تحاتي ..

لؤي:هيه اصلا ما احاتيج انا بنت ريال انتي..((سكت اشوي))شو سالفة ويهج مصفر محمر جي؟؟

اشر عليه يصخ:شو جايفني اشاره مرور جدامك..

لؤي يرفع جتفه بغباء:ممكن وليش ما يصير يعني ..(اشر على ويهه)ليش ما ينفع ها الويهه بالله ما ينفع؟؟

قلت:اقول خلص وقت زيارتك قوم اذلف عن ويهي قوم ..

ضحك لؤي وهو يقول:بكرامي ابوي بكرامتي بسير انا..لا تحاتين من دون ما تقولين يوصل سلامج..

اشر لي من بعيد وهو يقول:ديري بالج ها..

تنهدت حظته مخلص وراد البيت..بروحي انا ابي انام وارد البيت ..بس جدولي ها الايام متغير وكلاساتي صارت العصر وجي يعني تحملي يا شهد..

اتصدقون لؤي يدرس معي بنفس الجامعه بس خير شر ما اجوفه اهني يعني يالله بالصدف اجوفه..او بالمعنى هو يزورنه بعض الاوقات مو وايد ..ممكن يستحى يسلم عليه جدام ربعه..المهم انه يدرس سنه رابعه مع انه اصغر عني..بس لانه في الفاونديشن هو اجتاح الامتحان اما انا لاء فعسب جي هو بنفس سنتي ..بس غير مبنى بسبب اختلاف التخصص

شربت من كوبي اشوي ورديت راسي افكر..ما ابي افكر وايد بس ما اقدر ..حسيت بوحده واقفه ..رفعت راسي وجفتها:هلا اختي امري بغيتي شئ؟؟

ابتسمت لي:عادي ايلس وياج؟؟

استغربت واشرت لها:هيه حياج تفضلي..

يلست وهي تمد ايدها:انا عهود..

طالعت ايدها مستغربه وسلمت عليها:شهد تشرفنا بالمعرفه عهود

عهود ابتسمت:الصراحه اكثر عن مره جايفتنج اهني وياني فضول اتعرف عليج

قلت:هيه وانا بعد جافتنج ..يعني اكثر عن مره بروحج..

عهود:هيه الصراحه ما عندي بيعات وجي

هزيت راسي مستغربه زين شو اسوي انا لها..

عهود بعدها مبتسمه:عادي اتعرف عليج ..

رفعت حاجبي وكنت بضحك شو ها السؤال ياخي:هيه عادي..

عهود:انا بالسنه الاخير بالجامعه وانتي اكيد قبل الاخيره صح..

هزيت راسي اوينه تبي تتعرف وهي عارفتنه:هيه صحيح كيف عرفتي؟؟

عهود ضحكت وهي اتقول:بطاقتج يالي معلقه قالت لي..

جفت على البطاقه وضحكت صج اني مخرط:هيه نسيت اندوكم حالتيه

يلست اخذ وياها سوالف وجي..حسيتها غريبه اشوي ..بس الابتسامه يالي في شفاتها ابد ما تفرقها وها الشئ يالي عيبنه فيها..

بعدالمغرب رديت البيت ميهود وحيل تعبانه..وانا اسحب عمري بها الدرج ..ابي اوصل الحجره واحط راسي وانام ..وما اقوم الا باجر الصبح..تعبانه تعبانه لين الهلاك..

فجيت باب حجرتي وجفت امي تفتش بالادراج والحجره مقلوب فوق حدر..انصدمت..

وفجيت عيني :اميييييييييييييييييييييييييييييه

صدت صوبي والشرار يتطاير من عينها وهي ماسكه قميص غريب بايدها ..استغربت و وقلت:امي شو السالفه شو صاير اهني ؟؟

امي تاشر على القميص:ها شو يسوي عندج ؟؟

فجيت فمي:ممممماعرف

اميييه صرخت:شووو يسوي عندج ششششهد؟؟

.

.

.

"..تتحقق امنيات البشر..عندما يصرون على تحققها.."

08-03-13, 08:10 PM

المشاركة رقم: 45

المعلومات
الكاتب:	قرة عين امي
اللقب:	ليلاس متالق

البيانات
التسجيل:	Mar 2011
العضوية:	218737
المشاركات:	1,290
الجنس	أنثى
معدل التقييم:
نقاط التقييم:	950

االدولة

مدونتي

الإتصالات
الحالة:
وسائل الإتصال:

كاتب الموضوع : دلع مغروره المنتدى : الارشيف

رد: بكيت على عمري يالي ضاع مني

السلام عليكم ورحمة الله وبركاتة
ان شاء الله ماتعرف نورة ان اهلها رامينها في حلق ابن عمها البطراني وهو مايبي الا شهد والله لتسود لها عيشتها
هههههههههههه الله يقطع ابليسك ياشهوده عاد 20 ولد مره وحده لا ووزنك 80 والله اني فطست ضحك مع سمور
ايه فكه من جويهر واخوها لا وهالجويهر متشمته فيها لا بارك الله فيها من بنت عم والله وتناسبهم نورة لسان واخلاق ميح نفس طبايعهم
أيش اللي صار مع خنساء وخلاها ذليله ومتالمة لهذا الحد ....اممممممممممم حسين يعتبرها مثل اخته الصغيرة وانا الا كنت فاكره انه يحبها ياردى حظك ياخنساء حتى ولد خالك مايحبك .... وبعدين شو فيه حسين الثاني شو اللي معه مرض والا ايش وايش الماضي اللي خايف تعرف فيه الخنساء ياني اندوش راسي من حسين وهاالخنساء اللغاز
يالبي لؤي الحبيب اونه يحب بنت خاله من ثدقه الله يستر على شهد من حبه لها لايوديها بداهيه وهو مايقصد
امممممممممممم عهود هاي البنت مارتحت لها ابد الله يحمي شهد من كل متربص فيها
الله لا بارك بالنوير انا عندي احساس انها ورى القميص اللي الام شافته بغرفة شهد وانها هي اللي حرضت امها على تفتيش الغرفة يارب رد كيدها في نحرها وبري ساحت شهد من كل تهمه
تسلمين حبيبتي دلوعه على البارت الرائع
تحياتي اسمـــــــــــــــــــــــــــاء