بكيت على عمري يالي ضاع مني - الصفحة 8

21-02-13, 06:44 PM

المشاركة رقم: 36

المعلومات
الكاتب:	قرة عين امي
اللقب:	ليلاس متالق

البيانات
التسجيل:	Mar 2011
العضوية:	218737
المشاركات:	1,290
الجنس	أنثى
معدل التقييم:
نقاط التقييم:	950

االدولة

مدونتي

الإتصالات
الحالة:
وسائل الإتصال:

كاتب الموضوع : دلع مغروره المنتدى : الارشيف

رد: بكيت على عمري يالي ضاع مني

سلمت يمناك دلوعة بارت جميل رغم قصره
ريان هذه البنت يبي لها بوسة على اصرارها ومثابرتها في كشف حقيقة نويرة
امممممممممم نوير تحب ومن حمدان تصدقين انصدمت بالشخص اللي تحبه لاني كنت اظن انه لوي بس الظاهر ان نويرة عندها اسلوب فضيع في التخفي اولاً ترتدي زي المتدينة اللي ماتعجبها حركات المراهقات وتحارب شهوده المشكينه عشان تسلط الانظار عليها وهي تفضى عليها الساحة وماحد يأخذ باله منها ياني نفسي اموتها مجرمة في تفكيرها الخبيث وكلن يرى الناس بعين طبعه فهي تشوف ان شهودة تحب لؤي وتتعمد ملاقاته زي ماهي تسوي مع حمدان الله يكفي شهوده شرها ويخلي ريان تفضحها قدام نفسها عشان تكف شرها عنهم

خنساء ايش حكايتها بالظبط وليش جدتها تكرهها لهذه الدرجة وايش فيه حسين يخليه اوقات ماهو طبيعي

خذي راحتك يالغلا وسنكون في انتظارك
المحبة اسماء

24-02-13, 03:32 PM

المشاركة رقم: 37

المعلومات
الكاتب:	دلع مغروره
اللقب:

البيانات
التسجيل:	Jan 2013
العضوية:	249881
المشاركات:	30
الجنس	أنثى
معدل التقييم:
نقاط التقييم:	55

االدولة

مدونتي

الإتصالات
الحالة:
وسائل الإتصال:

كاتب الموضوع : دلع مغروره المنتدى : الارشيف

رد: بكيت على عمري يالي ضاع مني

اقتباس :- المشاركة الأصلية كتبت بواسطة قرة عين امي
سلمت يمناك دلوعة بارت جميل رغم قصره ريان هذه البنت يبي لها بوسة على اصرارها ومثابرتها في كشف حقيقة نويرة امممممممممم نوير تحب ومن حمدان تصدقين انصدمت بالشخص اللي تحبه لاني كنت اظن انه لوي بس الظاهر ان نويرة عندها اسلوب فضيع في التخفي اولاً ترتدي زي المتدينة اللي ماتعجبها حركات المراهقات وتحارب شهوده المشكينه عشان تسلط الانظار عليها وهي تفضى عليها الساحة وماحد يأخذ باله منها ياني نفسي اموتها مجرمة في تفكيرها الخبيث وكلن يرى الناس بعين طبعه فهي تشوف ان شهودة تحب لؤي وتتعمد ملاقاته زي ماهي تسوي مع حمدان الله يكفي شهوده شرها ويخلي ريان تفضحها قدام نفسها عشان تكف شرها عنهم خنساء ايش حكايتها بالظبط وليش جدتها تكرهها لهذه الدرجة وايش فيه حسين يخليه اوقات ماهو طبيعي خذي راحتك يالغلا وسنكون في انتظارك المحبة اسماء

الله يسلمج غاليتي ..سلمتي انتي على هيك تواجد راقي ورائع..
ريان..هيه فينا انقول فضول يحرقها..ومثل ما ندري الفضول ييب الحماس والشجاع

نوره ><هيه ادري الاغلبيه كان ها توقعهم..بس مثل ما قلتي نوره عندها الوجهه المتصنع يالي تخفي فيه يالي بداخلها..والله يستر من خفايها الثانيه..><

وسلمتي على المرور الغاوي..لا خليت منه الغاليه..
لج ودي ..دلع مغروره..

في امان الله~

24-02-13, 03:40 PM

المشاركة رقم: 38

المعلومات
الكاتب:	دلع مغروره
اللقب:

البيانات
التسجيل:	Jan 2013
العضوية:	249881
المشاركات:	30
الجنس	أنثى
معدل التقييم:
نقاط التقييم:	55

االدولة

مدونتي

الإتصالات
الحالة:
وسائل الإتصال:

كاتب الموضوع : دلع مغروره المنتدى : الارشيف

رد: بكيت على عمري يالي ضاع مني

6)قاسيه هي قلوبهم!

"..يتألم القلب..ويأن في ليالي قاسيه..والعقل يحاول اخراسه..يالها من دنيا اذا.."

....

..تحت الظلمات ..تجلس هي.. ودموعها تطيح من الخوف ..كوابيس تدور في راسها مو قادره تنام من كثر ما ترجع اتجوف نفس الحلم..دم ..دم..دم.. ينسكب على الارضيه ويوصل لين ريولها..وهي واقفه مكانها بلا اي حركه..جثه جدامها يالسه تاخذ اخر انفاسها..صرخت بقوه وبطلت عينها بالم ..تحاول تقوم من الكابوس ..يقوم يرجع لها وهي صاحيه .."متى برتاح منه ..لا في واقعي مرتاحه ولا في احلامي ياربي صبرني شو قصه الكابوس المزعج شو"

دخل حسين الحجره متخرع وهو يقرب صوبها:شو بلاج خنساء شو صاير لج ..فيج شئ ؟؟

خنساء تطالعه وهي تشاهق:ابي امي ابيها ابي امي

حسين نزل لمستواها:خنساء انتي بخير فيج شئ ؟؟

هزت راسها:الكابوس الكابوس ..الدم ..الجثه مو راضيه تودرني..

تغيرت ملامح حسين وانقلبت حاله بس قال:كابوس خنساء كابوس وانتهى

صرخت:بس هو مو راضي ينتهي من بالي مو راضي يودرني انا تعبانه..

حسين ياشر على المصحف:اقري قرآآن خنساء وطمني قلبج بذكر الله "الا بذكر الله تطمئن "ياخنساء

جافت عليه ودموعها مليانه عينها قامت من مكانها وهي اتسير صوب المصحف..مسكته بايد ترجف وفتحت احد صفحاته تقرأ بهدوء..ابتسم حسين من جافها ارتاحت اشوي وطلع من الحجره وهو يمسك راسه من الالم..دش حجرته ..وفسخ قميصه يبي ينام ويرتاح..في صوت في باله كان يمنعه ..كان يحفزه انه يرد لها..بس غطى عمره بالبطانيه وغمض عينه.."مستحيل الشئ ها يتكرر مره ثانيه مهما صار حتى لو خسرت حياتي ماراح يصير"

....

..في حجره البنات..الكل محتشر ..ازعاج ولويه ..العرس الليله في الخيمه ..وكل وحده تلبس وتتكشخ..حطت نوره الكحل على عينها بعدها سرحت وهي تطالع عمرها لفتره..جافتها ريان وابتسمت وهي اتي صوبها:ما خلصتي من الكحل حشا سنه وياه

نوره ببرود:اتوقع انه شئ راجع لي اتاخر على كيفي مو شغلج..

ريان تاخذه منها:امبلى شغلي لانه مالي ..

نوره تطالع ريان:انتي شو مشكلتج يعني ابي افهم(وترد تاخذه )

ريان تسحبه منها بقوه وتقول:ما ادري بج انتي وياه كحلي شو سالفتكم ..ياخي ابيه كيفي

خلتها وسارت عنها وهي ادخل الكحل في شنطتها..نوره طالعتها مستغربه "اشحقه تاخذه وهي ما تستخدمه"

نوره جافت على سليمه:اقول سليمه ابي كحلج اشوي عادي

سليمه:هيه خذيه..

اخذته نوره ويلست تتكحل وريان يت من وراها ودزتها وطاح عنها..نوره مفوله على الاخر لانه الكحل اخترب ..وصرخت فيها:شوو بلاج انتي شو ياج فجأة علي ؟؟

ريان تمسك فمها:اوبسي سوري ..(تبتسم)تبيني اعدله لج؟؟

نوره مكشره:لا شكرا ذلفي يكون احسن ..

سارت ريان وهي اتسوي حركت اللامبالاه ..وجنه ما صار شئ وطلعت ..دخلت بعدها شهد وهي تصارخ:رهااااااااام وينه الحلق؟؟

رهام تطالعها:وانا شو يعرفنيه انتي وين حاطه اغراضج؟؟

فجت شهد فمها على الاخر لما جافت الحلقه باذون نوره ويت عندها وهي اتاشر :حلقي بلييييز..

نوره:ومنوه قال انه حقج

شهد:بذبحج نوير يبيه اقول لج لا تعصبيني اكثر من جي قسم بالله..

نوره تطلع من الحجره وما تعطيها اي اهتمام ..مسكت شهد اعصابها ورهام تطالعها:اشفيها هاي مبوزه؟؟

شهد طلعت وما قالت شئ من عصبيتها..

..كانت بالصاله يالس ..جافت شهد طالعه معصبه فنادتها ..وقفت شهد ونظراتها بمعنى شو؟؟

ريان ابتسمت:شو بلاج شو صار بعد..؟؟

شهد:اختتتتتتج هاي بدت تطلعني من طوري ..

ريان ضحكت :وانا بعد طلعتها من طورها خخخخخخخ

شهد معصبه ..وسارت عنها ..

....

اليوم الثاني .. قمت من نومي وراسي يعورني ..ما ادري شو شاربه او ماكله البارحه..كله من ها العرس.. كشرت من تذكرت سيرت يدتي (زوجه يدي) اوين ماشئ بنات يلبسون فساتين مال الاجانب..ياربي عرس شو يضر اذا لبسناه ..نعقدين حتى الفستان محرومين منه بس لانه الشقر على قولته يلبسونه ..انزين ويعني شو بيصير؟؟ اوف المهم ما بذكر ها الموضوع..بس الصراحه ومع هذا كانت سلموه حلوه وبقمه الجمال مشاء الله ..بس جنه العريس كان اكبير في العمر ما ادري ..المهم سرت اتغسل ..تلبست لانه دام البارحه كان عرس يعني اليوم عزيمه بيت يدي والكل حاضر عسب يودعون العروس وجي ما ادري وين بياخذها شهر عسل ..هذا اذا كان فيه بعد..

طلعت وانا البس عباتي وبرقعي مع انه البيت قريب ما يبعد يالله كم خطوه وونوصل بس اهني لازم يسون تعقيد اشوي..جفت ريان يالسه تقلب بالقنوات وكانت خلاص متلبسه ..سلمت عليها وسالت:وين الريم ولؤي ماا جفتهم ؟؟

ريان تطالعني مستغربه:اندوكم انتي ما تعرفين هذولا رادين من يوم الجمعه مسسقط

انصدمت:خيييبه وريم ما تخبرنه ؟؟

ريان ترفع جتفها:المهم اظن رادين عسب الجامعه او شئ جي..

اشرت على عمري:وانا شو ما عندي جامعه ؟؟بس المهم يولي الجامعه اهم شئ احضر ها الجلسات الاهليه..

ريان:هيه الحينه بس اتسرين بيت يدي بيحتشرون صبري

تنهدت بداخلي والله موب ناقصه كباريه الحينه بيطيحون فوق راسي ويعوروني لين ما اقول بس ..جفت ابوي مخطف فقمت اسلم عليه وابوس راسه..

ابوي:شهد ابويه ماخذ لج انا اجازه لين اليوم يعني باجر عندج جامعه ها..

هزيت راسي:زين ابويه زين امسوي ارتاح اشوي من ها الدكتور

طالعني ابوي:شو مستوي وياه دكتورج ؟؟

هزيت راسي:لا ابويه لا تحاتي بس هو جي دومه يعني وياه الكل..

ابوي يتكلم بيأس:قايل لج انا خلج من ها الدراسه ويلسي بيت اهلج معززه مكرمه..

تجتفت:لا والله ما يصير خواتك درسوا برا وما قلت شئ يت علي انا اتقول لاء

مسكت فمي لما جفت نظرات ابوي علي ..شكلي تخطيت الحدود فبست راسه استسمح منه..ولا والله الحينه بيطلعني من الجامعه وانا ما ابي ها الشئ ..

طلعنا من البيت قبل اذان الظهر وسرنا بيت يدي ..دشت والكل كان حاضر مشاء الله ..سلمت عليهن وحده وحده ..وكنت ملاحظه نظرات ام حمدان عليه ..ونظرات حرمه يدي ((صفيه))تنهدت ويلست وياهن..

سمعت ام حمدان اتقول:اعلومج شهد واعلوم مسقط ..

ابتسمت لها مع اني احسها حاقد عليه:بخير خالوه الحمد لله

ام حمدان:اجوفج اهني ما رديتي وياه الريم..شو خلاص مودره الدراسه الماصخه اهناك..

فجيت فمي لما قالت الماصخه..تراها لما تقول جي تقصدني بالحجي:لا هي هب ماصخه الدراسه حلوه ما بلاها شئ ..

ام حمدان بجمود:يوم البنيات يتخالطن وياه شباب ما ينعرف اصلهم يكون ماصخ ..ولا بنياتناا ما يرفعون عينهم على خلق الله

قلت بعصبيه:بس ربي وصى على طلب العلم..والرسول بعد حثنا على طلب العلم يعني ما فيها شئ ..

ام سامي:ما قلنا شئ طالعي بنات عمج يا يمه مخلصات دراسه ثانويه يالسين بيت اهلن معززتا مكرمات ..بعدين البنت مكانها بيت ريلها شو تباه به الدراسه..

ام سعاد:ولا يكون ناويه بعد تشتغلين عقب الجامعه مالج؟؟

كانت عيوني اتروح وترد بين هذولا الثلاث حريم عمامي ..متهجمين علي..وانا ما اعرف ارد على مين..حسيت دموعي اشوي وتطيح بس مسكتهن وحاولت قد ما اقدر..على الاقل لو كانن عماتي اهني زين بس هن بالمطبخ وماشئ غير عموه العنود هاي بروحها ماشئ دراسه يعني مالها كلمه ..وبنات عمي نفس الشئ من بعد امهن مالهن شور ..

سمعت صوتها من وراي وهي تقول كلام جرحني لين الاخر:خلها خلها ينفعها ها الدوار والمصاخ يالي فيها..ما تركد مكانها كله تهايت في الشوارع تبي اتكون مثل بنات الشقر يالي برا متفصخات ومتعريات..ويلحقن الشباب ويسرقن الرياييل ما وراهن اهل ولا سند ..

طاحت دموعي متالمه منها حرمه يدي يالي مفروض اتكون بحسبت يدتي بس من وين هاي امبونها حاقده علي على الاخر ..

جفت على الموجودين وعيوني تغشيها دموع ما اقدر اطالع جدامي ..بس لاحظت ابتسامه الجوهرة يغربل ابليسها..فقمت اركض لين حجرة الضيوف الفاضيه ..واصييييح ..

مستلميني اليوم ..ماا مخليات لي مجال ارد عليهن..صحت من قهر على ها الحال ..وحسيت بايد احد علي رفع راسي وجفت سعاد ابتسمت لي جنها تخفف عني بس انا حضنت نفسي ويلست اصيح وانا اقول:خليني بحالي ما ابي احد يواسيني قومي عني ..

حسيت بايدها ترتب علي اكثر فدزيتها عني وطاحت هي ..ما اهتميت وكملتت صياحي ..ما ابي احد يواسني من وراهن ..ليش ما يتكلمن جدامهن محد يرد ولا يقدر ..كله بس لاني ما ابي اكون مثلهن ما احب غصب ..كله يبون يدمروني يحطمون طموحي ..

رفعت راسي وجفت الحجره فاضيه ويلست ارمس وجنهم جدامي:هييه بعد الدراسه بشتغل وبطلع لي سياره عقبها ومحد له شور علي (اشرت على راسي)بكيفي مزاجي محد له شغل..

صحت وانا اضرب راسي:ليش ما تكلمتي جدامهم ليش سكتي شهد ليش ليش ؟؟

مسحت دموعي وقمت اطالع عمري بالمرايه ..محد بيوقف وياج في يالي تبيه اعرف بس ابوي يحبني وما بيرفض لي طلب ادري به..(في صوت براسي كان يقول)اعمامج بيوقفون فوقه اكيد وبيحرضونه ضدي ادري..

كنت على وشك اصيح مره بس فركت ويهي بقوه ما ابي اصيح ما ابي وخليهن يتكلمن على كيفهم انا باقي لي سنه وها السنه قريب اتخلص يعني ما باقي شئ واخلص دراسه ومحد بيوقفني بخلص وارفع الراس بعد محد بيوقفنه..

هيه صح ما قلت لكم سر العايله الصغير..اهني البنات عيب عندهم يكمل دراستهن العليا يعني خلصتي ثانويه تيلسين بالبيت وتنظرين الريل (ضحكت بخفه)واذا ما ياه الريل شو انسوي..المهم هوو جي السالفه ماشئ بنات يكمل دراستهن بعد المدرسه..يقهرون هم وافكارهم..طبعا ها الشئ انولد وصار من العادات القديمه بالنسبه لي ..ويوم سرنا مسقط كان ابويه يقول نفس الشئ بس لما اصريت عليه قال موب مشكله بس برا البلاد ماشئ ..

الشئ الغبي يالي يدور في راسي هو عماتي سارن بريطانا ليش محد من خوانهن وقفهن ليش يت علي انا ليش؟؟

بس انا اقول لكم ليش..السبب هو ازواج عماتي يالي خلنهن يدرسن برا البلاد..طبعا ما عدا العنود ها غير ما فيها على شئ الله يعين ريلها ..

تنهدت ..والشغل ممنوع عند البنيات شغلها بيت ريلها ..الخير وايد وما بينقصهن شئ ..حفظت ها الكلام من كثر ما انعاد لي ..عسب جي محد من بنات عمي مكمل دراسته العليا ما عداي انا ..ممكن يوما ما نوير ممكن بعد ما اكيد ها اذا يابت النسبه بعد..

ابتسمت..عماتي وياي واكيد بيوقفون ينبي وما بيخلوني ..سمعت دق على الباب ودخلت عموه اريام..

عموه:شهوود شو بلاج ليش مصكره على عمرج اهني؟؟

ابتسمت وحاولت اخفي ملامح الحزن بس كاشفتني هاي ..يت صوبي وحضنت ويهي وهي اتقول:سونها فيج صح طاحن عليج اول ما قمنا ..

هزيت راسي وهي قالت:جان قمتي ويانا ما رامن يتكلمن بشئ

هزيت راسي:اصلا حرمه ابوج كانت بترمس حتى لو ..

اريام:اوهوووو خليها هاي بس ..

هيه صح ما قلت لكم حرمه يدي اتكون ام العنود عسب جي هيه ما تكمل دراسه وزايد انها مالها بارض لشئ ..وحرمه يدي ما عندها غيرها اما الباقي من يدوتي الله يرحمها ..ما جفتها ..من ولدت ..

....

..ابتسمت بفخر علي يالي سوته..هيه يالي مخليه امها تبدء بالموضوع وهي كانت مخططه انه الكل يوقف ضدها ها المره لكن بشكل اقوى عن اي مره ..كانت مستانسه على يالي سوته ..تبي تنتقم منها بعد كلامها السم وتصرفها وياه ولدها.."دواج عندي يا شهد دواج عندي"

قامن البنيات يسيرن المطبخ عسب يحطن الغدا حق الرياييل ..دخلت الجوهره المطبخ وجافت اروى ورهام وبدور وسعاد وخواتها يجهزون ..

فيلست اتحط وهي اتقول:تستاهل شهد يالي صار..

سعاد:حرام عليج جوهر مسكينه حسيت يدوه قست عليها وايد بكلامها..

اروى:هو صحيح قست عليها بس تراه ها الواقع شو بعد ..(سكتت اشوي وبعدها قالت)بصراحه شهد من سارت مسقط متغيره حتى في اسلوبها ويانا وفي الكلام متغيره جنها تستعرض..

رهام:اروى شو اتقولين انتي؟؟

اروى:تراه ها الصج شو بعد..

الجوهره:صحيح كلام اروى انتوا موب ملاحظين ها الشئ شو ها خلاص نسيت كل شئ يخص الشرقيه بس باقي تينا باجر مفصخه..

بدور بهدوء:جنكم بديتوا تغلطون عليها ومن وراها بعد؟؟

الجوهره:لا والله ويوم كانت هي تغلط علي ما تكلمتوا..

بدور معصبه:ومن قال ما رمسنا.. بلاه بس بالخير ما قلنا يالي قلتوه انتوا..(جافت على اختها العوده )اروى ما هقيت منج ها الكلام ابد ..

بدور كانت معصبه من الكلام يالي انقال عن شهد ..ومستغربه من ربيعتها واقرب وحده لشهد رهام ما قالت ولاشئ سكتت وجنه عايبنه الوضع ..واختها طلعت على الويه الثاني ..مهما كان هذي بنت عمهم وما ترضى عليها بالغلط..وفي الحقيقه الثانيه هي تتمنى الحياة يالي تعيشها شهد بس ما تقدر اتبوح لاي احد بها الشئ غير ريان..

....

على الغدا كنت يالسه وتلفوني ينبي توصلني اتصالات غريبه من نفس الرقم ..تذكرون الرقم يالي بس سمعت منه انفاس..الصراحه بديت اخاف من السالفه..لانه بدت تتعدى الحدود برسايل غريبه..فيها رموز ما ادري كيف ولا شو تعني..

جفت عليهم لما يطالعوني..ولما قالت امي:ششششهد البلاك بيري ها بكسره على راسج ..

رفعت ايدي:مالي شغل هم يرسلون(ما تدري اني اساسا ما اراسل وقت الاكل )

امي:من هم اجوف يبي اجوف..

بلعت ريجي بقوه شو اسوي الحينه ..كانت نظراتهم علي ..طبعا في البعض ما عايبنه الوضع ..حتى الفون محرومين منه لازم لما تعرسي بعدين يشترون لج ولا غير جي ماشئ ..

امي:شششششششششهد يبي الفون اجوف..

ارتجفت ايدي وقتها ما عرفت اعطيها ولا لاء كيف اقول لاء ..بتشك فيني اكثر من جي.. ادري بها امي بتشك..

ياربي اتمنى اني في كابوس واصحى منه يارب شو ها الورطه يالي ابتلشت فيها..وياريتني اعرف الرقم حق منو..

صرخت فيني اكثرر:ششششششششهد..

"..قد نعيش حول من نسميهم اهلنا..ولكننا لا نعلم ان هناك روح داخلهم توسوس ضدنا..فشيطان عدو الانسان ..ولم يمت بعد.."

25-02-13, 11:10 AM

المشاركة رقم: 39

المعلومات
الكاتب:	قرة عين امي
اللقب:	ليلاس متالق

البيانات
التسجيل:	Mar 2011
العضوية:	218737
المشاركات:	1,290
الجنس	أنثى
معدل التقييم:
نقاط التقييم:	950

االدولة

مدونتي

الإتصالات
الحالة:
وسائل الإتصال:

كاتب الموضوع : دلع مغروره المنتدى : الارشيف

رد: بكيت على عمري يالي ضاع مني

سلمت الايادي دلوعة
قاسية هي قلوبهم حقاً
ماسر حسين وخنساء وماسبب هذا الكابوس متكرر الحدوث هل له صلة بالواقع القديم ام هو محظ تخيلات لايمت بالواقع بصلة لا من قريب ولا من بعيد .... ماهو الشيء الذي يحاول حسين منع حدوثه مجدد ولو دفع حياته ثمن ذلك امممممممممممممم

ريان لبي قلبك يالحلى البنات اموووووووووووووووووووواه
نويرة يامال الماحي اللي يجيك ويخلصنا منك ومن غثاك
شهودة الامورة خليك قوية وماتهتمين بكلام احد
والله قلبي اوجعني عليها كثير والكل ضدها ماخلوها تأخذ نفس الله لا سامح الجوهرة ويوريني فيها يوم تعرف فيه ان الله حق وتبطل حش وفتنه بخلق الله ... كم اكره اللي يدخلون بحياة الناس من غير مالهم صلاح فيها

ياربي من هو صاحب الرقم وايش يبي بشهودة الله يحميها ويحفظها والله قلبي وقف لمن طلبت امها منها الفون الله يستر من المصيبة الواجيه لها بالطريق كله من حشرت امها وفضولها ااااااااااااااااااااااااخ بس

تسلمين دلوعة بارت جميل ورائع استمتعت بقراءته
المحبة اسمــــــــــــــــــــــــــــــــــــاء

27-02-13, 02:04 PM

المشاركة رقم: 40

المعلومات
الكاتب:	دلع مغروره
اللقب:

البيانات
التسجيل:	Jan 2013
العضوية:	249881
المشاركات:	30
الجنس	أنثى
معدل التقييم:
نقاط التقييم:	55

االدولة

مدونتي

الإتصالات
الحالة:
وسائل الإتصال:

كاتب الموضوع : دلع مغروره المنتدى : الارشيف

رد: بكيت على عمري يالي ضاع مني

اقتباس :- المشاركة الأصلية كتبت بواسطة قرة عين امي
سلمت الايادي دلوعة قاسية هي قلوبهم حقاً ماسر حسين وخنساء وماسبب هذا الكابوس متكرر الحدوث هل له صلة بالواقع القديم ام هو محظ تخيلات لايمت بالواقع بصلة لا من قريب ولا من بعيد .... ماهو الشيء الذي يحاول حسين منع حدوثه مجدد ولو دفع حياته ثمن ذلك امممممممممممممم ريان لبي قلبك يالحلى البنات اموووووووووووووووووووواه نويرة يامال الماحي اللي يجيك ويخلصنا منك ومن غثاك شهودة الامورة خليك قوية وماتهتمين بكلام احد والله قلبي اوجعني عليها كثير والكل ضدها ماخلوها تأخذ نفس الله لا سامح الجوهرة ويوريني فيها يوم تعرف فيه ان الله حق وتبطل حش وفتنه بخلق الله ... كم اكره اللي يدخلون بحياة الناس من غير مالهم صلاح فيها ياربي من هو صاحب الرقم وايش يبي بشهودة الله يحميها ويحفظها والله قلبي وقف لمن طلبت امها منها الفون الله يستر من المصيبة الواجيه لها بالطريق كله من حشرت امها وفضولها ااااااااااااااااااااااااخ بس تسلمين دلوعة بارت جميل ورائع استمتعت بقراءته المحبة اسمــــــــــــــــــــــــــــــــــــاء

الله يسلمج غاليتي ..سلمتي انتي على التزاجد الراقي..

السر بين الخنساء ةحسين بينكشف قريب..واكيد في سر وراه التخيلات او المشاهد يالي تجوفها خنساء..ممكن كابوس صار لها وله صله بالواقع..او ممكن يكون واقع صار كابوس..
بنجوف..

ريان هيه سوت انجاز بكشف اختها..
ونوره الله يستر من المصيبه القادمه من صوبها..
وشهد..للاسف واقع في دوامه والكل يحاول يغرقها داخلها بكلامهم السم..
جوهره اعماها الكره والحقد وحب الانتقام...فصارت ما تجوف الا شهد جدامها..

صاحب الرقم والاتصالات..الله يستر منه ..شو بيصير بنعرف عقب..باذن الله..^^

سلمتني على تواجدج غاليتي ..والله يسلمج.. انتي الاجمل والاروع بطلتج..
واسعدني انه البارت نال على رضاج واسعدج..

لا خليت من تواجدج..
لج ودي..دلع مغروره..
في امان الله~