2)تصرفاتها غريبه !
..في بعض الاحيان اشعر بأن العالم لايود ان يراني في داخله..اشعر بانه يحاول اعاق حياتي ..فيقلبني من جانب الى جانب ..كانه يطلب مني الرحيل ..وكأني ريشه ادغدغه واصبحت بعدها ازعجه ..وهو الان يريد التخلص مني ..
....
..حياتي مهدده بالخطر !
شو قصده ها .ولا يكون طريقه يديد للمغازله.جفت سمور يايه صوبي فكسفت الورقه بايدي وضغط عليها ..جفت عليها تطالعني بعين بس بينت لها اني عادي ..
سمور:هاااي..شو الاخبار ؟؟
رفعت جتفي:لا ماشئ بخير وانتي
سمور تطالعني بعين:صـــــــج,,الا منو ها يالي كان اهني ؟؟
مسحت ويهي اخفى توتري:ها ما ادري شكله غلطان
سمور:شهوووووووووود
تنهدت هاي سمور تكشفني تكشفني .عطيتها الورقه وقالت :حشا اشوي وتنصهر الورقه بايدج ,,لها الدرجه خطيره هيه
فجته ويلست تقرأ بعدها ضحكت وقالت:شو ها نوع يديد من المغازله عند الشباب يعني
همست:اشفيج خفي صوتج لا حد يسمعنا
سمور:انتي اشفيج شو ها اوين حياتج مهدده بالخطر من صجه ها ولا شو
قلت:وقال بعد في وايدين يلاحقونج شو قصده ؟؟
سمور:من صجج شهووود ههه تفكرين في الموضوع ها
قلت اسكر الموضوع:لاء بس استغربت وجي (خذيت الورق من ايدها وخشيتها داخل شنطتي )
سمور:يعني بتحتفظي فيها حضرتج؟؟
جفت عليها بعين ابيها تسكت مو متفيجه لها..بعد الظهر..طلعنا انا والبنات من الجامعه..ركبنا السياره..وانا يلست جدام عند سمور ..ويلست اتعبث بالسيديات اجوف شئ حلو..
حسيت بالسياره تتمايل فصرخت:سموووور اشفيج حاسبي الطريق
سمور:موب انا ها السياره يالي جدامنا ما ادري اشفيها..
خفت اكثر لما جفتها تقرب صوبنا واشوي وتصدمنا
صرخت انا وجووود:سمووووووووووووووووور وقفي..
سمر وقفت وهي خايفه ام لسان يايه اترد عليهم..بس هم طلعوا من سيارتهم السوده ..خمس رياييل عمالقه خفت وجفت الخوف بعيون البنات..ياه واحد صوب باب سمور وهو يقول:وين شهههد؟؟
مسكت قلبي متخرعه:انننننننننت شو تبي مني
ما حسيت الا به يفج بابي ويسحبني .صارخت باعلى صوتي عل وعسى احد يسمعني ويفجني حاولت ارافسه ونجحت..وقمت اركض بعيد عنه..فجاء اختفت سياره سمور وما حسيت فيهم والضباب بدء يهاجمني من كل جهه ما صرت اجوف شئ غير هم وراي يركضون..كنت اركض بس ما احس اني تقدمت ولا رديت ..طحت على الارض وانا خلاص منهكه من الركض واول ما حسيت بايده تحملني ..
فزيت من نومي وكل جسمي يصب عرق ..كنت اشاهق وانا اطالع صوب الباب..طالعت ايدي وكل شئ حولي..انا بعدني اهني انا بالبيت شهد ما فيني شئ ما صار شئ ..مسكت قلبي خايفه ..شو ها الكابوس ياربي ..اعوذ بالله من الشيطان الرجيم بسم الله الرحمن الرحيم..قمت من السرير وسحبت عمري وانا اطالعع عمري بالمرايه احاول اهدي عمري ..ماصار شئ شهد كابوس وانتهي كابوس وانتهي
سرت اتغسل لاني تخسيت ..ومن خلصت حاولت قدر ما اقدر ما افكر بس ما قدرت سرت صوب شنطتي والكلام يتردد في داخلي..حياتج مهدده بالخطر ..حياتج مهدده بالخطر..ضربت راسي من الالم ويلست اصيييح شو سويت انا شو؟؟
حاولت اتذكر شئ سويته بس ماشئ انا بعمري ما اذيت احد عيل منوه ها..مسكت شنطتي وطلعت الورقه يلست اطالعها لفتره احاول اركز على الرقم ممكن احد يسوي لي مقلب ليش لاء ..رميت الورقه منقهره اني افكر بالموضوع..يلست على الكرسي وحاولت استرخي..
....
..كانت في حجرتها تدور على شئ تلبسه للمدرسه لليوم الثاني ..ما حصلت يالي تبي..لبست كنزتها بعد ما حسيت بالبرد وطلعت من حجرتها سايره حجرة نوره اختها دقت الباب ودخلت من دون ما تسمع رد لانه تعرف انه اختها بها الوقت نايمه ..لكنها انصدمت لما جافتها يالسه على الارض ..ومعاها كومه اوراق متناثره حولها..جافت التوتر بعيون اختها لما دشت عليها ..وشكت فيها اكثر لما يلست اتلملم الارواق من الارض وتخبيهم تحت السرير..
ريان:انتي شو اتسوين..؟؟
نوره:شو يخصج انتي مالج شغل ..بعدين منوه سمح لج تدشين الحجره..
ريان اشرت بعدم اهتمام وسارت صوب الكبات وهي اتقول:حسبتج راقده طلعتي مشغولهه (نطت صوب اللاب)الا شو اتسوين انتي؟؟
نوره اتسكر اللاب:ماشئ كنت ادور شئ حق الدراسه..
ضحكت ريان وبعدت وهي اترد للكبات مره:هاهاها لا تضحكيني نوير..بليز..المهم يت اخذ بلوزه حق باجر
نوره:لا والله انتي ما عنج غير الاستعراض في المدرسه؟؟
ريان تافف:لا تنكديني وخليني بحياتي وانتي بحياتج(قربت صوبها وهي اتقول)ودي اعرف شو كنتي اتسوين بالنت ودي
نوره جافت عليهاا متوتره:مممماشئ مالج شغل فيني وطلعي برا انا بلوزاتي كلهن بايخات
ريان تضحك:اعرف..تصبحين على خير..
طلعت ريان وهي تبي تعرف اكثر سر اختها ابتسمت ابتسامه جانبيه .."في يوم بتاكد من الشئ يالي في بالي بس اتري علي نوير ان ما لعوزتج لعوزه خخخ"..عند نوره يالس ركضت صوب الباب وسكرته بالمفتاح خايفه ..مسكت قلبها وهي تعرف اختها ريان عدل ما بينها وبين ريان شئ غير انهم يتضاربون ويتصالحون مثل اي خوات..لكن خوفها ان ريان تعرف يالي مخبتنه في قلبها ..لانه ريان لا بغت تعرف شئ تعرفه من دون ما تتعب روحها..قامت تاخذ كل الاوراق وتحطهم داخل الشنطه..سكرت عليه بالقفل ..وحضنته وهي تقول"محد راح ياخذك مني محد"
....
كانت بالمطبخ تنظف بقايا الزباله يالي فيه..مسحت جبينها بتعب ..وسارت ادخل الاكل في الثلاجه..بس طاح منها الصلصه وتوسخت الارضيه ..انتشرت الصلصه بكل مكان جنها دم..فطاحت على الارض ترجف..حست دموعها تطيح بسرعه ..كل جسمها يرجف ..صوتها اختفي..جنها تحاول تتذكر شئ صار بس ما تقدر ..بدت تصرخ اشوي اشوي وتغمض اعيونها..وما جافت غير حسين جدامها متخرع من حالتها..
حسين:انتي يالمينونه اشفيج؟؟
كانت تاشر على الصلصه يالي طايحه بالارض ..جاف على الارضيه وسار صوبها يحاول يقومها ..
حسين:قومي سيري حجرتج انا بنظف المكان قومي
استغربت الخنساء حسين ينظف بدالها..بس طلعت من المطبخ ودشت حجرتها وهي تحاول توقف الرجفه يالي اتحس فيها..حطت راسها على المخده وحاولت تغمض عينها وتنام ..بس كل مره اتجوف دم جدامها وتفزع من نومها..
عند حسين يالي جاف على الارض بتعب ..راد من الدوام بها الليل عسب ينظف ارضيه.."ياربي الله يشفيها ها البنت من يالي فيها بس "
سار ييب ممسحه وينظف الباقي من البقعه ومن خلص جاف العيوز واقفه بنص الصاله ..
فقال:مساء الخير عيوزي..
العيوز:حسسين انت رديت ابويه الحمد لله كنت متخرعه عليك ما جفتك يت ابويه
حسين باس راسها:عيوزي انا ريال افا عليج بس ..انتي لا تتعبين روحج سيري ارقدي ولا تهتمين ..
العيوز:ابويه شو مستوي بالمطبخ سمعت صوت تكسييير..
حسين:ولا يهمج انا كسرت جلاس ونظفت كل شئ
العيوز:ابويه ليش ما ناديت ها الزباله اتشيل عنك ليش اتعب روحك؟؟
حسين:عيوزي خليها المسكينه تعبانه طول اليوم بالمطبخ رحميها اشوي
العيوز:ابويه ها ما تنرحم ما تنرحم تستاهل يالي ييها وزود بعد
تنهد حسين من تفكير يدته وقال:زين انتي سيري ارتاحي والصباح رباح..
....
في اليوم الثاني بعد ما رديت من الجامعه ..ولحد ها اليوم والكابوس يطاردني بكل مكان و الكلام يتكرر في مسامعي كل ثانيه بس كل شئ تبخر من جفت عماتي .. سلمت عليهن وسرت المطبخ..جفت مولي وكيت اهناك سلمت عليهن بعد وابتسمت هذولا خداماتنا بس مشاء الله عليهن حبوبات وطيبات على نياتهن ..
سالتهم:مولي جهز الغدا شو؟؟
مولي هزت راسها:هييييه خلاص في جهز ماشاء الله اليوم في واجد ناس يجي
استغربت منو ناس يعني ؟؟طوفت وخذيت لي ساندويش اكله وارقد تعبانه وما فيني اتغدى ولا اكل شئ ثقيل ..يت اطلع من المطبخ وياه اكلي ..والا واندق في لؤي وانجب العصير فوقه وتخيست دشداشته كلها بالعصير ..ولا بعد فيمتو يعني حلو اللون الصراحه..كان فاج فمه يطالع دشداشته منصدم الصراحه شكله ضحكني فما قدرت اقاوم عمري وضحكت جفت نوير اطالعني بعين ..هاي ام المصايب ناويه علي شكلها خذيت الساندويش وشليت بعمري وسرت..من دون لا اسلم عليه ولا حتى اعتذر كافي مصايب نوير ما ادري شو بلاها ها البنت..سمعته يصارخ ويسبني وما ادري شو يسوي بس طوفت ركضت لـ حجرتي وسكرت الباب وانا اخذ نفس على السريع ..سمعت صوت فوني يرن جفت الرقم كان رقمه يالي اتصل فيني البارحه ..سكرت في شكله ها واايد بدء يتمادى وانا مو قاصره مشاكل ..اهم شئ يلست اكل ومن خلصت رقدت ..جي رقداتي من اتعب ارقد وحالتي حتى لو مبهدله ..
بعد المغرب..
..طلعت من حجرتي نازله الميلس اسلم على ابويه واحليله من زمان ما جفته ..كنت بفج باب الميلس بس سمعته لؤي يالس يقول ..
لؤي:عمي انت تدري انه ابوي لاهي بدنياه عسب جي ياي انا اافاتحك بالموضوع ,احم هو صحيح حساس اشوي بس يعني ..
حاولت اسمع شو يالس يقولون اكثر بس الباب انفج وطلع منه عادل ..تفشلت وقفطت وكل الوان الدنيا طاحت بويهي من الفشيله ابوي ولؤي وعدول جافوني اتسمع ..زين ابوي وعدول عادي متعودين على طبعي بس لؤي بييييييييل طاح ويهي صج ..جفتهم يطالعوني بعين حاره حتى لؤي ,,لؤي يطالعني بعين جنه موب عايبنه ..
فقلت اصلح غلطتي :اسسسسسسسسسفه والله كنت يايه اسلم بس اسمحولي
بعدت عن الباب وعدول طلع وهو يسكره قرب صوبي :عاداتج هاي بطليها زين خليها عنج ما تستحين انتي شو تخيلي لو رياييل داخل شو بتسوين ؟؟
غطيت ويهي من الاحراج:زين سووووري والله سوري
عدول:عيديها مره ان ما ذبحتج ..والحينه يلا سيري قربي القهوه
تاففت لاني ما اعرف اقرب قهوه ولا اسويها ولا حتى ادنيها لا طعمها ولا ريحتها ..خطفت وسرت المطبخ اخبص بالاشياء اويني ادور قهوه لاني ادرى عدول بيدش وجي يعني على الاقل ابين له اني مسويه انجاز ..حسيت بالباب يتبطل فقلت بسرعه:يالسه ادور القهوه لا تصدعني بحاول اسويها بعد
حسيت به ييلس على الطاوله صديت اجوفه كان لؤي..ياربي ها يحب يورطني ولا شنو ..هو مثل اخوي بس نوير من وين تفهم مع انه قبل كان عادي عندها بس اسولف لها عن سوالفه تضحك غريبه شو اقول ..كملت شغلي اويني ادورر على القهوه وقلت:شتبي انت ؟؟
لؤي:افا جي تكلميني ها المفروض انا يالي ما اكلمج اساسا
طالعته بطرف عين:لؤي ترا مزاجي مخترب لا تنكدني اكثر
لؤي:ادري عسب جي يت اعدله لج افا عليج بالخدمه انا ..مع انج خيستيني اليوم بس ما علي كله منج حلو
جفت عليه لفتره :زين!!
لؤي:احم اقول شهدوووه اول مره اعرف عنج طبع خايس مثلج
تجتفت:لا والله اولا شهدووه هاي ما احبها ,,وخايس مثلج ها كلام يديد ولله
لؤي ضحك علي وقال:فديتج والله بكل الحالات حلوه معصبه فرحانه .(سكت اشوي ).الا شو رايج نتزوج ؟؟
جفت عليه ها شو يالس يقول بعدها ضحكت:لؤؤؤؤؤؤؤؤؤي انت سخيييييييييييييييييييف
حسيته كشر وبوز:شو بلاي انا يعني مو حليووه ولا مو ذكي ولا شو
اشرت علي وعليه:انا اكبر منك تدري..
لؤي:ويعني ترا الا سنه بعدين فديت قلبج بغير عمري عشانج ولو ,,ادري انج تبيني بس تكابرين
قلت بضحك:اقول لؤي اسكت انت وسوالفك ..
ماسمعت حسه شكله طلع غريبه طلع من دون ما يقول ..يولي زين ..جفتها لما دخلت وتاففت من داخلي كملت الحينه كملت
تجتفت علي وقالت:اجووفج بعدج على عادتج ما تيوزين !!
قلت من طرف خشمي:نووووير اظن اني اختج الكبير يعني يكون افضل لو تسكتين وتوخرين عني موب متفيجه لج قسم بالله
نوير:ماعلي ماعلي
مسكتها من اجتافها:انتي شو مشكلتج وياي ابي افهم ؟؟
نوير تبعد ايدي :مااااااااااااااااااااااااااا ادانيج هاي مشكلتي
جنه احد صب علي ماي بارد نوير ما تدانيني!! كيف جي :انتي تتمصخرين ولا شو؟؟
نوير طوفتني وطلعت من المطبخ ..شو الموضووع انا موب فاهمه شو يالس يصير !!
خذيت لي كوب شاي..وانا افكر بعدها طلعت من المطبخ..جفت ريون جدامي وهيه ابتسمت لي ما يتني شكلها ملتهيه وياه عماتي..سرت لهن ويلست وانا اسلم على امي براسها ..شكلها بعدها معصبه مني ..او انها نست ونوير ردت تذكرها.ما ادري شو بلاها ها البنت عليه ..صايره غريبه ..هيه صح نسيت ها المره جفت عماتي ببيتناا بس عيالهم وينهم ما جفتهم غريبه..
عموه مريوم(ام لؤي ):شهووده يلا الحينه دورج تعالي ازهبج للعرس
سويت لها مالت:اي عرس بعد؟؟
عموه:عرس ربيعتي ما تعرفين ابيج اتنورين الصاله
جفت على امي كنت بتافف بصوت بس حبسته داخلي وقلت بمرح:والله عموه بتخليني جميله !!
جفت ابتسامة امي وارتحت على الاقل اذا يرضيها بسويه :زين يلا بسرعه ابي اجوف عمري جميله
عموه مريوم:فديتج انتي جميله من قبل بس انا اضيف عليج
ابتسمت وسرت وياها الحجره وقوم عماتي الثلاث كلهم طبواا علي ..حسيت براسي ثقيل من كثر المثبتات والمكياج بس لما خلصت ..جفت علىى عمري منصدمه صج هاي انا ابييييييييييه عماتي ينفع يفتحون صالون ..طالع حلوه اويني
قلت:عمووه ترا انتوا لوو تفتحوا صالون بينجح صدقوني
عموه مريم:عيبج شو ؟؟
هزيت راسي مبهوره بنفسي ما انكر انه المكياج كان بسيط وحلو وحاسه انه يلايق لي وايد فهزيت راسي:هييييييه وايد نايس
جفت الباب تبطل ودشت نوير وهي تطالعني فاجه فمها على الاخر منصدمه قلت اويني اغيار بها:عموه في يوم عرسي بخليج اتجهزيني ترا ما صرت احب ايدي الفلبنيات ..
جفت عليها كيف احترقت بمكانها وقالت :امي تبيج في الصاله
سكت الباب بعدها وسويت لها مالت عليج ..وياه ها الويهه قمت من مكاني ودرت حول نفسي اويني اعيش الدور ..سمعت ضحكات عماتي علي بعدها طلعت وانا البس شيلتي .. جفت ريون يالي شهقت في ويهيي:بيييييييييييييييييييييل شهدوووه غربلاتج طالعه احلى عنيه
ضحكت:حلفي بس ,,الا وينها مامي ؟؟
ريون :ما ادري اتوقع بالصاله ممكن لاني توي نازله من فوق
اشرت لها اوكي وخطفت اسير الصاله دشيت وانا استعرض بعمري بس وقفت منصدمه لما جفت لؤي يرمس وياه امي .قفطت وطاح ويهي اكثر لما جفته يطالعني بانبهار وامي تطالعني بعين..كنت فاجه فمي على الاخر لين ما سمعت صرخت امي على اني اطلع ..ركضت وانا اطلع من الصاله نزلت دموعي قهر من نوير هيه مدبره الموضوع امي مازقرتني اكيد بس هيه سوت جي عسب اتاكد لامي ..زين ليش انا شو مسويه لها شو صار بننا عسب جي اتسوي فيني ..دشيت حجرتي ويلست اصيح الحينه امي بتشكك فيني ما صدقت ترد اتسامحني دقيقه اتقوم اتشك فيني اكثر زين انا ما سويت شئ والله..قمت بعد مرور فتره وطالعت عمري بالمرايه ..من بعدها غسلت ويهي بقهر ..مسكت فوني واتصلت على ريون سالتها ان كان لؤي بعده موجود ولا لاء..
لبست شيلتي اتناسى يالي صار يوعانه وابي اتعشى انا ونوير انا بفهم سالفتها بعدين ..لؤي متعود يطب بيتنا في كل دقيقه يعني عادي بيت خاله من هو وصغير متعود دام امه اهني هو بيكون اهني عسب جي ما استغرب لا جفته..بس المشكله يطب باوقات غلط جنه ما عنده شغله ..نزلت وكانت عمتي فطوم تحت ..كان مبين علي الصياح وهي مسكتني ويلستني ينبها ..
عموه فاطمه:شهووده حبيبيتي اشفيج وليش خوزتي الميك اب عن ويهج ما عيبج شو ؟؟
هزيت راسي:لا عيبني بس تدرين لؤي اهني واخاف يجوفني بالغلط
عموه:هيه صح ..عيل ليش صيحانه انتي ؟؟
هزيت راسي:ما صحت
عموه:شهوده لا تجذبين علي انا اعرف عدل انجصحتي
جفت على امي لما خطفت وقالت بجمود:شهد تعالي حجرتي الحينه
كنت قايمه امشي بس عموه مسكت ايدي :شهد شو صاير يمه قوليلي يمكن اساعدج
حكيت لها على السريع يالي صار وهي قامت ومسكت ايدي اوينها بترمس امي عن الموضوع..دشينا الحجره وامي معطتنا ظهرها صدت وجافتني مع عموه وقالت بجمود:فاطمه انا ابي اتكلم مع بنتي بروحنا
عموه فاطمه:سلوى انت مو فاهمه الموضوع ترا شهد ما كانت تدري انه لؤي اهناك نوير يت وقالت لها انج تزقرينها وهيه سارت وشكلها كانت بتفاجئج الا هي تفاجأة
امي بجمود:فاطمه لو سمحتي الكلام بيبي وبين بنتي
جافت علي عموه ومسكت ايدي تطمنني بعدها طلعت من الحجره..نزلت راسي من الاحراج صراحه موقف لا انحسد فيه ..امي يت صوبي ومسكتني من ايدي بالقوه وقالت :انا مو قايله لج لا تقربين صوب ها الولد
يت ارد بس صرخت فيني :جآآآآآآآآآب البارحه قلت لا لا تقربين وقربتي واليوم نفس الشئ ولا بعد يايه تستعرضين جدامه (صفعتني)انتي ما تستحين ما تسحتين ؟؟
نزلت دموعي وقالت:مامي والله العظيم ما كنت ادري والله
امي:تحسبيني بصدق كذبتج هاي عمتج اتصدق بس انا لاااء
قلت:امي والله نوير قالت انج تناديني والله
يصفعتني مره ثانيه:جآآآآآآآب تتبلين على اختج الصغيره تتبلين عليها ..انتي تبين المشاكل شهههد تبين المشاكل ؟؟
امي صدت عني :اطلعـــــــــــــــــــــي من حجرتي اطلعي برآآآآآ..
سحبت عمري وطلعت بالم وركضت لحجرتي دموعي مغشيتني..حسيت بعمري من بعد امي وحيده اذا امي ما صدقتني احس الكون كله ما بيصدقني
....
..صرخت فيه :حممممممد وين رايح؟؟
حمد:اماه بسير العب وياه ربايعي
سارت صوب الباب ومسكته بقوه:طلعه من البيت ماشئ فاهم ولا لاء محد يلعب بالليل انت ما تفهم
حمد نزلت دموعه:بس كلهم يالسسين عند الشيخ بسير ايلس وياهم ونلعب لعبت ذكاء
الجوهره:قلت لاء يعني لاء انت ما تفهم يلا بسرعه سيييير اتسبح وارقد يلا
مشي بخطوات حزينه على حياته يالي يعيشها ..ودش حجرته بهدوء واختفى عن اعيونها..خذت نفس ودشت المطبخ ..بطلت الثلاجه جافتها فاضيه ..سكرتها وهي ترقع الباب من قهرها..اخذت صحن من الطاوله وقامت كسرته على اليدار ويلست تصرخ وتصيح..وقف حمد على باب المطبخ خايف يتقرب منها..كان يجوف حالتها ودموعه تطيح..تركها وركض لحجره سكر الباب وحضن عمره يمحي يالي جافه..
....
..بعد مرور الوقت وانا على حالتي ..سمعت دق الباب..جان تدش ريون ..تخرعت من دشتها عليه جيه..قمت امسح دموعي ..وقلت :شو بلاج شو صاير ريون ؟؟
ريون بعجله:بنسير الشرقيه جهزي شنطتج ابسرعه الحينه ..
استغربت اكثر:الشرقيه والحينه انتي صاحيه بها الوقت (كانت الساعه عشرةيعني من مسقط لين الشرقيه بروحه ساعتين ونص يباله)
فقلت:انزين شو قصه ها الروحه ؟؟
ريون:ماعرف شهوود يلا بسرعه تجهزي ولا بيسيرون عنج ترا ابويه مهدد
ضحكت على الخفيف مع انه ما بودي ابوي يخليني انا مستحيل ..طلعت هي من حجرتي ..سرت صوب الكبات اطلع ملابسي ..عاد اهناك ما نلبس الا مخورة وجلابيه يعني من المستحيل وسابع المستحيلات تلبسين غير جي والله يذبحونا ..فخذيت لي مخورات..دخلت كل شئ احتاجه في الشنطه ولبست عبايتي ممكن طولت وانا اسوي ها الاشياء لانه عدول ياني يصااارخ :حظرت البرنسيس متى بتخلص ؟؟
مسكت ضحكتي:توني بس باقي امسك الشنطه وانزل
عدول:تعالي بعد نمسك عندج وانزفج
مديت ايدي اويني :هيه بليز ما اقدر امشي
عدول ياه يكفخني:مشئ اقول مشي
طلعت من الحجره ونزلت تحت جفت عماتي مجهزات لا يكون هذولا يايين ويانا !! اشرت على ريون يالي كانت واقفه وياهم ..وهي هزت راسها لي ..اووويه نسييييييييت الاكل ركضت للمطبخ وخذيت لي من الاكل يالي يفرفش لاني مما اقدر ايلس جي من دون ما الهي نفسي بشئ ..طلعت وما جفت احد بالمطبخ ..للمعلومه تراني احس برد ..وانا ناسيه جاكيتي فرديت اركض لين حجرتي ويبت لي جاكيت وكنزه ممكن ابرد بزياده ..وخاصه انه الشرقيه بارده اكثر عن مسقط ..
طلعت من البيت وجفت الكل داشه السياره خلاص قوم عماتي في سياره ابوي العوده وامي بعد اهناك يعني محتلين السياره ونوير وياهم بعد .. عدول بسيارته الصالون ماخذ ريون واحمد ومولي وكيت باقي بس سياره لؤي يالي ماخذ فيها اخت واخوه الصغير ..وبسم الله هذولا من وين طلعوا ؟؟ وانا وين اركب دام السيارات مترسه مع عدا لؤي يعني
ياني عدول وهو يقول:يلا ركبي وياه لؤي ترا محد وياه
صديت صوب سياره ابوي يعني بتكمل اذا ركبت وياه ..وهاي نوير تعرف عدل انتي ايلس وياه عماتي اشحقه ناطه اهناك كله حاقده عليه ..قبل ما اسير صوب سياره لؤي ياتني امي وهي تزاعج :لا والله ناويه يعني اتسوينها موو كافي عليج
خذيت نفس وقلت:اميه ما كنت بسير بس نوير خذت مكاني شو اسوي ؟؟
امي سحبتي سحاب وحسيت الكل طالعني فجت باب السياره وقالت:نورة سيري سياره لؤي وشهد بتيلس اهني
عموه مريوم:هييييييييييييه اصلا ها مكان شهدووه وانا اقول وينها
نوير:خلااااص امي انا سابقه
صرخت امي :نوووووووووووووووووره سمعي واطلعي
الكل نقز من عصبيه امي وصراخها وعموه فطوم حست فيني وفي تصرفات نوير..ابويه قال:سلوى بلاج معصبه على البنت هدي اشوي ونوره يلا ابويه سيري سياره لؤي
نزلت عمتي فطوم من السياره عسب يفجون الكرسي وتنزل نوير.. يالي كانت تطالعني بعين ما ادري شو بلاها ها البنت ركبت انا بالسيت الخلفي ومعاي كيس الاكل ..سكروا الباب وتنهدت وانا ارد راسي لورا ..
حركنا السياره وامي ساكته ما قالت شئ بس اسمع سوالف عماتي وياه ابوي ..بطلت انا البرنجيز ويلست اكل واوزعه لعماتي ..من اول الدرب اكل ..طلعت من شنطتي الابآآد ويلست افرفر بالخواطر واقراهم ..احب اقرأ خواطر يوديني لعالم بعيد ولا احس بشي ..
عموه اريام تدزني :حووووووووووووه اكلمج انا وينج ؟؟
جفت عليه مسفهه:هااا شو بغيتي ياخي طلعتيني من الفيلنج والاحساس ..
عموه اريام:خلي عند ..امج تسالج وين برقعج ؟؟
تاففت بس غريبه امي تسالني بس اريام تسالني كيف جي المهم طوفت :نسييييييييييته
امي صرخت علي:يعني اشحقه تنسينه تعرفين بالشرقيه تلبسين البرقع ..ولا يكون بعد يايبه بناطيييل وسوالفج؟؟
قلت بنرفزه:لا يب مخورات بس نسيت البرقع ياخي الواحد ينسى
امي صدت تطالعني بعين:بعد لج عييين تردين
ابويه:سلوى اشفيج على شهد ماعلي بنات عماها عندهم اشكثر ومايبخلون ما صارت سالفه
ابتسمت فديت ابوي هادي ولا يسوي سوالف..بس امي مفوله عليه كله من نوير صديت صوب اريام وسالتها:انتي وين عيالج ؟؟
اريام:وين بعد عند ابوهم واذا صار فرصه بييون الشرقيه ..
اخييييج ما ييون احسن بعد بنتها ليلى المايعه ما ادانيها انا..بعد فتره حسيت بالهدوء الا اجوف عماتي على وشك النوم..فحسيت انا بعد ابي انام حتى عشى ما تعشيت مثل العالم والناس ..فجيت الكيس ويلست اكل من الشبس والشوكليت ..افرفش على عمري ..وما حسيت فعمري غير لماا وقفنا عند محطت البترول..بطلعت عيني وما جفت احد في السياره طالعت من الجامه ..جفت سياره لؤي وعدول صافه شكلهم نازلين الشيشه ..اوووووووووووويه نازلين من غيري شو ..عدلت شيلتي ونطيت من الكرسي طالعه من السياره ..مشيت على السريع بس ابي اوصل للباب بطلته وانا اندق فيه رفعت راسي وعلى طول رديت وراه ..ما حاولت ارمس وياها لانه تفكيري في الاكل حاليا ..سمعته يقول "مسفهه البنت" بس ما شئ ما لي مزاج له مول..وقفت عند عدول وقلت :انتوا ما قومتوني انا ابي اكل يوعانه
جاف علي: حشاج ساعه بس مرت وانتي يعتي.. اسمع انج ماخذه المطبخ وياج بعد تبين غيره
دزيته:كيفي بطني انا انت شو حارقنك ها (دزيته)وخر عني بشتري انا
يلست اختار جنه الدرب طويل مينونه في الاكل ترا اخترت ونقيت جيز ولبنه وخبر خخخ ياخي افكر في الريوق وجي ..جفت ابوي يطالعني مستغرب جنه يقول هاي كان نايمه شو مقومنها..حشا خايفيين على بيزاتهم..حطيت سلتي عند الكاونتر وقلت :اتريا اغراضي بالسياره يلا سلام ..
كملت طريقي طالعه من الشيشه ابي اكمل رقادي توي اقول يوعانه ..يلست في مكاني وغمضت عيني ..سمعت دق الجامه ..جفت عليه كان لؤي والله مو ناقصه انا صراخ بطلت الباب وقلت:لؤي ممكن اتوخر عني والله موب ناقصه مشاكل..
سكرت البباااب بالقوه كنت تعبانه ونعسانه وماا ابي مشاكل عسب جي يعني كلمته بنبره شديده اشوي بس والله موب ناقصه انا كافيني يالي يصير ..طالعت حولي اذا جافت نوير مو قاصرتنها هاي الفتانه بعد..ارتحت لما جفتها بعدها في الشيشه وامي بعد ملتهييين..فغمضت اعيوني براحه ورقدت صج ..كنت اسمع صوته في رقادي يقول:مشترييين لها ومخسريين اخرتها ترقد
ابتسمت وانا راقده فقال:ابويييه هاي شلاخه موب راقده طالعها تبتسم عاد ما رقاد عليج حشا تسمع عدل وياه ويهج
....
دشت حجرتها وسكرت الباب من الخوف كانت ترجف..جافت علي الساعه يالي اشارت 12 ارتجفت اكثر وسمعت دق على الباب خافت ومسكت قلبها من الخوف..يلست على الارض وحضنت عمرها وهي تدعي ربها انه يحميها منه ..بعد ما خف الصوت..قامت توقف..سارت صوب الباب تبطله جافت يمينها ويسارها وما لقت احد ..مشت خطوتين الى اتجوفه يي صوبها فركضت بكل قوتها لحجره العيوز وسكرت الباب وراها ..حسيت به يندق بس بعدت عن الباب وسارت صوب العيوز يالي قامت من رقادها..
العيوز:انتي شو تسويين عنديه ها؟؟
قالت بخوف:برقد عندج يدوه خيفانه
العيوز:شو ترقدين عنديه سيري حجرتج شو ما عندج حجره؟؟ عيل حق شو مخلتنه لج؟؟
طاحت دموعها غصب:يدوه اترجاج برقد على الارض بس خليني عندج اترجاج
العوز تطالعها بعين:زين زين بس لا تشاخرييين اقول لج انا ما احب الازعاج وان سمعت صوتج بالخينزرانه
ابتسمت الخنساء ومدت جسمها على الارض البارده ..حطت راسها وغمضت عينها براحه ..بس ما مرت دقايق الا وتسمع شخير العيوز ..فتقوم تضحك بصوت ..العيوز تقوم مفزوعه وخايفه:بسم الله شو صاير ولدي ابوي ولدي رد ولا مارد
جافت على الخنساء مستغربه:انتي يالخايسه شو اتسوين اهينه؟؟
ابتسمت الخنساء وقالت:انتي قلتي لي ارقد عنج
العيوز:هييه تذكرت قلت لج عسب اتجوفين الفيران لا طلعت
شهقت الخنساء وقامت من على الارض:الفيرااان!!
العيوز اتقوم من السرير:ابويه وليدي رد (جافت على خنساء)جفتيه الولد ولا؟؟
هزت راسها بكذب:لا ما جفته ممكن رد ما ادري
مسكت عصاتها وقامت تجوفه اذا ياه حفيدها يالي تعتبره بمثابة ولدها يالي توفى في ريعان شبابه ..وهو نفسه يكون ولد خال الخنساء..قامت الخنساء تطل من الباب وتسمع الحوار يالي يدور بين حسين والعيوز
حسين:هلا الغاليه شحالج عساج ابخير
ابتسمت الخنساء ..ها حسين مرات يكون زين مرات يستوي له حالات غريبه ما تعرف سببها..بس الغالبيه شخصيه زينه وطيب ومن يي الليل تنقلب حالته وها الشئ يالي يغمض الخنساء..
العيوز:هيه ليش ما مخبرنيه انك ياي
حسين:عيوزي فديتج رديت متاخر لاه وما كنت ابي اوعيج..(مسك ايدها وباسها)سيري الحينه رقدي وارتاحي ولا تحاتيني يلاا
العيوز:يلا عيل ابويه انت بعد سير ريح ولحف عمرك زين عن تمرض ابويه انت الغالي ولد الغالي
حسين:من عيوني فديت قلبج
سحبت خنساء عمرها وطلعت من حجره العيوز بعد ما تطمنت ..دشت حجرتها وقفلته رمت عمرها على السرير وغطت في نومها..
....
حسيت بها تقومني عموه اريام:شهدووووووه قومي موصلييين احن
حضنت نفسي وانا راقده:بررررررررررررررررررررد بناام انا سكتوا
اريام تضحك:قومي وصلنا يلا بنسكر السياره ترا
فجيت اعيوني ويلست اتلعب بها عسب اصحى جفت الجو برا غااايم بلقوووه كانت السااعه12:30بالليل..بررررد احسني بموت من البرد
طلعت من السياره ركض لبيتنا يالي في الشرقيه وقفت اترياه ها القوم يبطلون الباااب وصرخت:بررررررررررررررررررررد فجوا الباب بسرعه
ياه عدول وضربني على راسي:سكتي فضحتنا
بعدت عنه وقلت وانا مبوزه:اووف متى تعرس انت ونفتك منك
عدول:بعييييييد بعده شو اعور راسي بزواج توه النااس
صرخت اكثره:زززززين احكي لي قصه حيااتج وقت ثااني برررررررررررررررررررررررررد بطل البااب
فج الباب وهو يضحك علي دخلت ركض لين حجرتي يالي اتشارك فيها وياه ريون ونوير ..ما تريت احد سرت سريري وانخشيت فيه زين مرتبين البيت بعد لاني شميت ريحة دخون وجي ..طوفت ورقدت على طول ..
.
.
.
..رغبت بي ام لم ترغب..فيا دنيا ..انا هنا وسوف ابقى..وسوف نرى من منا المنتصر..
جميع الحقوق محفوظه لدي ..لا احلل نقله ونسبه الى غيري ..ليوم الدين..
*ان وددتم نقل الرواايه يرجى اخذ الاذن مني وذكـــر اسمي كــ مصدر
*ولا تلهيكم الروايه عن الصلاة..ثم الصلاة..ثم الصلاة..اللهم اني بلغت اللهم فشهد
30-01-13, 08:51 PM
رد: بكيت على عمري يالي ضاع مني
جديد مواضيع قسم الارشيف
العرض العادي
