محتاره اوافق اولا

انا من رايي انه ما في شي يخليك ترفضي بالعكس ممكن هالشي يحسن النسل

اقصد انه لو كل قصيرة اخذت قصير هاي مشكلة

الطول او القصر م مشكلة المهم الاخلاق والمودة وما دامها بينكم مو مهم اي شي ثاني


اذا ما في مشككلة غير الطول انا من رايي توافقي

تفاءلوا خيرا تجدوه
ليه تتوقعي انه يضحك عليكي ويضايقك
انا متاكدة انك لو قلتي له انك ما بتحبي انه يتريق على الطول ما راح يعلق
انتي اللي عاملة أزمة لنفسك
وصدقيني انا حاسة بيكي ومعقدة جدا بس بموضوع الوزن
بيضايقني دايما وما احب ان حد يقول أي حاجة على وزني رغم انني انا اللي بأتكلم كتير عن الرجيم والوزن
لكن لو جالي حد كويس ووزنه أقل مني أكيد مش هأرفضه عشان السبب ده
وبعدين يا ستي فكري ان أولادك كده ممكن يطلعوا طولهم زي عريسك مش يكون أحسن
على رأي زهرة تحسين النسل ههههه
ولا ايه رأيك؟؟
وبعدين انا أختي طولها تقريبا قدك 143 سم وزوجها طوله 177 سم وكانت فرحانة بيه جدا وأما بتلبس كعب بيكون الفرق بينهم قليل شوية وشكلهم حلو مع بعض
انتي ما تعقديش نفسك واعملي استخارة وربنا يقدم اللي فيه الخير
ومادام بيحبك اكيد مش هيزعلك بمسألة الطول دي
وربنا ييسر لك امرك ويهديك للي فيه الخير
ربنا يبعد عنك الضيق ويفتح قلبك للصواب
وياااااااارب يكون نصيبك مع اللي يحبك ويقدرك وما يزعلك أبدا

حبيبتى انا مش عارفة انتى متضايقة من الموضوع ده اوى كده ليه ... انا صحيح اطول منك بشوية بس برضه اعتبر قصيرة بالنسبة لكل اصحابى واللى حواليا
زائد انى كمان رفيعة جدا .. فده مخلي كل اللى حواليا مش بيبطلوا تريقة عليا ... بس والله انا مش بتضايق ابدا وباخد الموضوع هزار
بالعكس انا مبسوططة بقصرى للسبب ده .. بقولهم انا كده ضامنة ان اللى هيجيلى مؤكد هيكون اطول منى فده مخلينى مطمنة ... طبعا كل شئ بايد ربنا بس اقصد انى متفائلة بسبب قصرى ده ... على عكس اصحابى الطوال بشفق عليهم لانهم دايما قلقانين لو جالها عريس قصير هتعمل ايه؟؟؟ بتبقى صعبة جدا ان الواحدة تقبلها ، بس لما يكون كل حاجة فيه كويسة معقولة هرفضه عشان اقصر منى ...

عايزة اقولك يابنتى احنا فى رحمة ... وبعدين الكعب العالى ماخلاش حد نفسه فى حاجة !!!

بجد والله ماتزعليش نفسك ... وعلى فكرة دى ممكن تكون وساوس من الشيطان مش اكتر ... فانتى استخيرى ولو ماكانش فيه سبب تانى للرفض يبقى حرام عليكى تضيعى انسان زيه عشان مخاوف مالهاش اساس ... وهو لو فعلا انسان كويس وبيحبك عمره ماهيضايقك

بس على فكرة انا بقولك ان اللى حواليا بيتريقوا عليا ... لكن بدافع الهزار مش اكتر وانا مش بضايق خالص ... فحتى لو حد هزر معاكى فى كده ، خلى عندك ثقة فى نفسك وما تتأثريش وردى عليهم وخدى الموضوع بهزار انتى كمان ...

وربنا يكتبلك اللى فيه الخير يارب

مرحبااا حبيبتى

انا مع الجميع .. انا شايفة انك توافقى طالما هو شخصيا حد كويس و بعدين ما شاء الله طولك و وزنك متناسقين مع بعض و دى حاجة المفروض تفرحك احسن ما تكونى طويلة و هو اقصر ده حيحرجه جدا لكن الرجال بطبعهم بيفضلوا يكونوا هما الاطول و على رأى المقولة الشائعة "المراة القصيرة اكثر انوثة" و المقولة الاخرى "اوزعة بس مُزة" و دى معناها قصيرة بس جميلة ... و صدقينى و الله المفروض حاجة زى دى متزعلكيش و فى ناس كتير جدااا مرتبطتين و تقريبا نفس فرق الطول و الموضوع ماشى تمام

انا بقول استخيرى ربنا و لو الموضوع ده بس اللى مضايقك فتوكلى على الله و وافقى :)

و ربنا يسعدك حبيبتى و يوفقك فى حياتك