السلام عليكم

حنون. وش ها الزين شئ شئ

ههه أحلى ما بالموضوع أن عجز المقلط جن مدرعمااات من سمعن طارئ عرس وجوار وطباين تعرفين القلب يرقع والدموع والعباير تهل

عفرااااا خبله خبله خبله لا تخافين لو صبرتي زود سنه كان هو جابه على راسك ويمكن تسكن بيتك ورضوتك قروش حياتك وقلبك وسعادتك

ثمنها فلوس قهرك ودموعك يحسبون الذهب يجلاه

ليه تفرطين برجلك ليه تفتحين عينه الي بتفتح أو يجي من يفطنه أم ولا أخت ولا عمه ولا خاله عاد بخراب البيوت فيه حريم تخصص

واستعداد لطي الصحاري والقفار لجل يخطبون أو يذكرون عروس لرجلك وتعجبني ام الوليد طيف

ليه ألزوجه تضحي والزوج ما يضحي ليه كلنا لحم ودم وش زودهم علينا مثل ما اصبر يصبر

ياليتس قدامي يا عفوووور عز الله أن الخبال معشش برأسك لا تقولين احبه هو يحب روحه أكثر لا تخافين

يمكن هو بس غافل أو بيرتب أموره

ضحي بقروش بذهب بأي شئ لكن رجلي عز الله الي ما تنازلت

كان الأمر بيدي بس لا اهتوى هو الشكوى لله بس بنكد عليه واطلع هال عرس بمره

الله يهديتس حنون هيضتينا قمنا نقط خيط وخيط من خرعة العرس ومن خبال عفراء

بزعمه انه يحبه ولا هو ناسيه وتاركه. لا الرجال يمسي مني ويصبح مخلي

وكان انتي ارخصيتيه هو بيرخصك وبيقولك انتي الي زوجتيني وهاك الساعه غني

يالليل ماطولك

نصيحه بس تميرضي وطيحي عليهم وفوتي عليه شوفة بنت خالته وتعنقطي به بيديتس وسنونتس

وخلي عنتس التضحيات والخرابيط الرجال لا اقفى اقفى ودوريه هاك الساعه


المهم لا تطولون علينا


عوافي حنو

السلام عليكم ورحمة الله وبركاته*

ألف شكر حنو ع الرسالة*
فرحتيني فيها*
انا من البنات اللي مايحب يعلق ع الاجزاء*
لاني باختصار ماعرف اتوقع*
وماحب اقرى الروايه غير مكتملة بس لوعيون حنو قريتها*

الحين نجي للروايه*
بسم الله*

اول شي الاسلوب روووعة وحيل بسيط وسلسل يعني مو معقد بالكلمات الثقيلة*
واحب النوع من الاسلوب*
وانتقاءها للكلمات تجنن*
وفكرة الروايه ممتازة*
عفرا :- *ليش لازم المّرة هي اللي لازم تضحي*
وتسعد زوجها شخصيتها غثتني ورفعت ضغطي دامه ماتكلم عن العيال ولا جاب سيرتهم ومرتاح ومستانس معاج ليش تفتحين عيونه ع هالموضوع*
وفترة زواجكم صغيرة*
بس انتي الظاهر مستعجلة ع رزقج*
وفقدتي الامل بالله *لو انا منج مسكته بيديني وضروسي دامه يحبني *ويغليني*

ترى الدنيا قسمة ونصيب واذا هو يحبج يرضى بنصيبه بس انتي الخبله*


حنو حبيبتي دامج خليتني اقراها واتعلق فيها لاتطولين علي والا راح ازعجج بالرسايل هههههههههههه

وقولي حق رفيجتج انتي كاتبه رووووعة واستمري وغير تفكير عفرا شوي *
خلينا نحس انه الرجال بعد يضحي ^^


يلااااا ناطرينها*
وبالتوفيق*

السلام عليكم

ياحي الله حنوو و " قريبة " حنوو ..

انا مع هتوونه احس سبق وقريت لكاتبه مثل هالاسلوب .. بس من يالنوووري ؟؟؟ >>الزهايمر شايفه شغلهاا فيني ههههه

نجي للسنفونيه الراااائعه وللنغم الرااقي اللي قدمتيه لنا في جزئيه انهكتناا حد الوجع ..

اسلوب دمج الفصحى بالعامي من اروع الاساليب اللي افضلهاا واللي تحسسك بأنك امام كاتبه متمكنه

نجي لسالفه " ومن الحب ماقتل "

قصه عفراء وفارس لاتتكرر الا في حوااء .. وحواااء بقلبهاا الضعييييف تكون اقوى من ادم في هذا الامر

يعني مثل ماقالوا البنات لو الرجال بوه عيب مستحيل بيقول لها روحي وشوفي رزقك مع غيري لانه بالمختصر اما اناااني

مايحب الا نفسه والا يخااف من كلام الناس ..

عموماا ماعليناا منه >> خليني ساكته احسن

نجي لعفراء ..احس الكل شايل عليهاا مع ان قرارهاا صااائب .. >>لحظه قبل تحذفوني مع الشبااك خخخخخخخ

صحيح الحب ماله مقياااس بس خلونا بعيدين شوي عن العوااطف .. الله ماكتب شي الا وفيه خيير لبني ادم مهما تصورناا قساوه الامر ..

وحااله عفراء وانها انسانه مريضه بالقلب وماتقدر تتحمل الحمل ومتاعبه فخيار ان زوجها يتزوج شي من صالحه ومن صالحهاا

ليش نشوف الموضوع من الجانب السلبي وانه ممكن يميل للثانيه ووووو ليش مانقول ان هي بعد راح يجيها عيال بدون

ماتنجبهم يعني نتفاائل بان قرارهاا فيه خير لها وله ..

وفعلااا سمعناا قصص كثيييره ومنها امرأه لها ابنااء ولما كبرت تركوهاا ومااحد اهتم فيهاا الا ولد زوجهاا ..

وقصة امرأه اعرفها شخصياا لاتنجب وتزوج زوجهاا وانجب والان اهتمام اولاد زوجها بعد وفاة ابوهم وحتى من قبل

يفووووق اهتمام اولادها من صلبها لو كانت جايبه اولاد ..ماشاءالله تبارك الرحمن

الله سبحاانه مااحل شي ولا ابااح شيئ الا وفيه خيييره لبني ااادم ..



حنوووو

قولي للكاتبه يالبي " السين " ومن حكى به وهـ بس هههههه

ترى من تكلمت بالعاامي وهي دااخله القلب من اوسع ابواابه ..

قولي لها الله يحيييتس الوحي منزلتس ومكااانتس ..تو ماتباارك ليلاس بتس ..وكلناا معتس ..>>اظهر وبان وعليك الاماان ههههه


تكفييين حنوو لاتطولين عليناا تعرفين الاجاازه ناس رايحه ونااس جاايه يعني بننشغل حبتين

متحمسه حيييييييل لمعرفة من الكاااتبه خخخخخخ



وألف شكررر على الدعوة حنوو ..

السلام عليكم حنوووو
اول شي بوصف لس شعوري وانا اقرا عورني قلبي والله ما احب التضحيه بهالشكل
ان كان هو راضي وساكت وشو له تحرثين على خراب بيتس
الاسلوب سلس راقي اختلطت الفصحى بالعاميه المحببه وتداخلت المشاعر والاحاسيس بالحوارات

اسلوب يشد خلاني حاقده عليس حنو اللي ماكملتي لنا الجزء الثاني


ان كان هذا الجمال في جزئين كيف بيكون في روايه طويله متعددة الاجزاء ماشاء الله تبارك الرحمن

السلام. عليكم. حنو. البنات. علقو. ووفو. ماشاء الله. قصص. وحكم.

اما. من. رايي. فهي. تصرفت من حبه. له. لكن. لو. صابره. تبي. تلاقيه. خاطب.

اما. الاسلوب. ماهو. غريب. هي. قريبتك. اكيد. او من. بنات. المنتداء. الي. نعرفه.

ننتضر. نشوف. النهايه. مثل. ماتوقعنا. او. فيه. احداث. ماخطرت. على. البال