السلام عليكم و رحمة الله و بركاته ..
لا اله الا الله محمد رسول الله .. سبحان الله و بحمده سبحان الله العظيم ..

القصة الثالثة و العشرون .. لا تلهيكم عن الصلاة .. قراءه ممتعه ..


جاسر واقف قدامها بعد ما حررها من حضنه الدافي .. / إن شاء الله أن سلمان بخير ..
جلست على الأرض .. عيونها فيها لمعة فرح .. بعد ما سمعت كلام جاسر .. اللي أثلج صدرها ..
لكن دموعها ؟؟ .. تنزل و بغزاره .. ليه مؤ راضيه أنها تصدق كلامات جاسر ؟؟ ..

وقفت و هي عارف مبتغى عيونها الدامعه .. بـ صوت شبه مبحوح .. / بشوفه ..


هز رأسه بـ الإجابه لها .. مشى يجلس على الكنبة و هو يشوفها بعد ما شافت إيجابته .. تمشي مهروله لـ باب المجلس ..

سند رأسه على طرف الكنبة و هو يتنهد بـ عمق ..
و يسحب قدر كافي من الهواء .. حمد ربه ..
أنها ما انفعلت و لا صارخت .. و قدر أنه يهديها لما ضمها له .. و كأنها تبغي أحد يساندها و يسرق الحزن منها و يعطيها الحنان ..


غمض عيونه .. و هو يتخيل ردة فعلها لـ شافت سلمان أو تعرف أن جميله اللي كانت معه بـ الحادث اللي ما قدر يخبرها عنها ..

خاف أنها تنصدم مثل ما هو أنصدم من وجودها مع سلمان ..


هل الميت يرجع لـ الحياة ؟! ..
أو أن سلمان خبى جميله عن أحبابها بعذر الموت ؟! ..
أو أن فيه سبب خلا سلمان ينفي حياة جميله مع بناتها ؟! ..


هـ الاسئلة أوجعت رأسه .. لأنه بـ بساطه مالقى لها جواب كافي لـ اسئلته ..

فتح عيونه الحمراء من الهم ..

كان حاط بباله أنها ما راح تحزن على سلمان ..
لأنه عارف كيف هم يعانون منه و من قسوته ..


دخلت لـ غرفتها و هي تشوف لارين بـ حضن مسك و محمد متسند على تاج السرير و
مشغول بـ الآي باد ..


بلعت غصتها الموجعه .. و هي خايفه أنهم يصيرون أيتام ..
ليه هم مؤ أيتام ؟! ..
و سلمان عايش ..
أرتجف قلبها .. و هي مؤ راضيه تدعي على سلمان بـ الموت ..

محمد و مسك !! ..
هم آخر شخصين دعوا على سلمان بـ الموت ..


مشت لـ دولابها و سحبت عباءتها .. البستها على عجل .. و هي ترفض فكرة موته ..
حاطه بـ بالها أنه راح يتغير بعد ما شاف الموت بـ عيونه !! ..


سمعت صوت مسك القلقان .. / أيش اللي صاير ؟؟ .. جدتي صاير لهـ.. ..
قاطعتها و هي تجاوبها و تجاوب شمس الجالسة على الكنبة بـ صمت .. / أبوي سوا حادث ..

أرفعت عيونها و هي تتمنى تشوف الحـزن بـ عيونهم و بذات مسك ..
لكنها ما شافت الا الفرحه و البرود بـ عيون مسك ..

شافت الخوف و الحزن بـ عيون شمس .. اللي أرفعت جوالها لـ اذنها تكلم فيه و الخوف بأن بـ صوتها ..


بلعت غصتها و هي تمشي لـ الباب ..
قبل لا تنفجر فـ مسك ..


مشى بـ الممر الطويل و هي وراه بعد ما نزل سكر جواله من خالد ..
و رائحة المعقمات و المطهرات منتشره بـ المكان الهادي ..


وقف يحتريها تجي جنبه ..
شافها واقفه جنبه .. و السواد مغطيها بـ كاملها ..
حس بيدها اليمين تشد على يده .. سمع صوتها الهادي اللي نبرة الحزن تميزه بهـ الوقت .. و حس بـ رجفت يدها .. / وينه ؟؟ ..


مسك يدها و مشى و هو يحسسها بـ وجوده جنبها ..

مشت معه و هي تحس أن رجليها يالله تشيلها .. بلعت غصتها و الهم مالي قلبها على سلمان .. تخاف أنه يموت و هو ظالمهم ..


مات !! ..
مات !! ..


هـ الكلمة ما تبغي تسمعها من الدكتور ..
تخاف أنه يروح و هو ظالم الكــل ..
ما أبشعها من نهاية .. يتوفى و هو ظالم !! ..
يتوفى و هو كاره بناته و محمد ..
يتوفى و هو ما عرف أن بناته أحسن من عشر عيال ..
يتوفى و هو مؤ مقتنع أن بناته و محمد نعمه من الله رزقها له و غيره محروم من الضنا ..


يمشى و هو ماسكها من يدها .. تنهد ما يبغي يشوف الحزن بـ عيونها بسبب فراق سلمان ..
مؤ حب لـ سلمان لكنه يكره الفراق ..
و بذات فراق الموت ..


غمضت عيونها و هي توقف قدام باب الغرفة .. شدت على يد جاسر ..
رفع رأسه لها و هو يحس أنها بـ تضعف لو شافته أو شافت جميله ..
سألها و هو يبغي يتطمئن عليها .. / تبغين تدخلين له و الا لا ..


هزت رأسها له بـ الإيجابه و هي تحس أن لسانها يخذلها بهـ اللحظه الحزينة ..
ضرب الباب و هو عارف مين داخل الغرفة غير سلمان ..
فتح الباب و هو يتقدم و يقدمها معه ..
و هو يشوف أبوه و سالم جالسين حول سلمان ..


تقدمت لهم و هي تمشي لـ سلمان ..
منسدح على السرير الأبيض .. مغمض عيونه .. وجهه كله كدمات بـ الوان موجعه حيـل ..
يده ملفوفه بـ شاش أبيض ..
لابس لبس المستشفى الأزرق ..


تقدمت له و قلبها موجعه على حاله .. مسحت على شعره الكثيف ..
بأست جبهته .. و هي تهمس له بـ اذنه .. / لا تروح محتاجينك .. حتى لو أنت ما تبغانا ..


مؤ متخيله أنها بـ تعيش بدون أب و لا أم ..
ما لها سند و لا أحد بهـ الدنيا الا جاسر ؟؟ ..
و هي مؤ متطمئنه من جاسر ..
هو يوم طيب و يوم يقلب عليها ..
سلمان سند حتى لو هو ما يبغاهم .. كفايه أنها هي تبغاه حتى لو هو يكرهم ..


سالم الجالس بـ الجهه اليمنه من السرير جهت الباب .. عيونه تتفحص قوت ..
ما عنه مؤ شايف الا سوادها لكنه متذكر كيف هي كانت بـ جمالها الرباني و بفتنتها الجميلة ..
أكيد انها صارت أجمل من قبل ..


طاحت عيونه على جاسر الحارقه بـ نظراته .. واقف قدام قوت .. اللي منعه أنه يشوف حتى سوادها ..
مغطيها بـ جسمه العريض .. و هو ما يبغي سالم يتتطفل و يشوف شي مؤ حلاله ..
وقف و هو يحس بـ حاله و يستغفر الله مشى لـ برى المستشفى ..


* * * *


بـ بيت أبو جاسر ..


سالم مسك رأسه بـ يديه و ضغط عليه بـ قوه ..
قوت لحد الحين بـ قلبه ؟! ..
هو محاها من عقله .. لكن ايش صار فيه لما شافها ..
ليه قلبه دق بـ عنف و ذكره بـ جمالها ؟؟ ..
فتح عيونه بسرعه و هو يسمع صوت بكاء بنته ..


مشى لـ غرفة شيهانه اللي بـ جانب الصالة .. ابتسم و هو يشوف شيهانه جالسه على سريرها و تلف بنتها بـ مهادها ..


كيف يفكر بـ قوت و هي خالة بنته ؟؟ ..
ما راح يقدر يبعد بنته عنه أو عن شيهانه .. لـ أجل شي بـ نفسه و هو تخلا عنه من قبل ..
لـ أجل عيون بنته يبعد حبه لـ قوت ..


أخذ بنته من بين يدين شيهانه و ضمها لـ صدره .. جلس على طرف السرير ..
ابتسم لـ بنته النايمه بعد ما عطتها شيهانه حليبها .. و كأن الفرحه ما تعرفه الا أذا جاء لها ..


شافته كيف دخل و الهم كاسي وجهه و من شالها تغيرت ملامح وجهه لـ السرور و الفرح .. / تحبها ؟؟ ..

سالم ابتسم و هو يرفع عيونه لها .. / أكثر من ما تتصورين ..
شيهانه همست له بـ عذوبه .. / حبني مثل ما أنت تحبها ..
أرجعت لـ تاج السرير و هي تسند ظهرها عليه ..
رفع رأسه لها متفاجئ من كلامها .. ما كان متصور أنها تطلب منه هـ الطلب ..


شافها تفرك أصابعها بـ توتر و وجهها أحمر ..
بلع غصته و هو ندمان أنه خانها بـ تفكيره بـ قوت .. فـ هو اللي ما يرضاه على نفسه ما يرضه على غيره ..

ابتسم لها و هو يأخذ عهد على نفسه أنه يمحي قوت من باله .. رفع بنته لـ شيهانه .. / تغارين منها ..

شيهانه أرفعت حاجبها له قالت بـ استنكار لـ قوله .. / و من قال ؟؟ .. لو تبغي بعدي انسى بنتك ..


بـ قلبها شي مؤ قادره تخبيه عن عيونه لكن بـ كلامها تقدر ..
هي مؤ حابته بس تبغي الاهتمام منه بسبب أنه زوجها !! ..
هي مؤ كاره حبه لـ بنتها لكنها كاره اهتمامه الزايد فيها ..


عقد حواجبه .. و هو يشوف ملامحها الشبه غاضبه منه .. بأس خد بنته الأحمر .. / بنتي ما راح تعيش الا بيننا ..

ترك بنته على سريرها بـ هدوء ..
ضمها لـ يهديها من غضبها منه .. و هو يمسح على شعرها المفتوح على اكتافها .. سمعها تتنهد بـ راحه ..


بكت على صدره منه و من سلمان اللي أرفضت تروح له .. أو بـ الاصح أنها ما تبغي تذكره بـ حياتها ..
كفايه اللي سواه فيها ..


حس ببلل على صدره .. حط أصابعه على ذقنها و رفع رأسها له ..
مسح دموعها بـ طرف أصابعه ..
قالت لـ سالم و هي تبرر نزول دموعها عنده .. / أبوي أيش صار عليه ..


جلس جنبها و هو يطمئنها على سلمان ..


* * * *


مشت له بـ خطوات بطئه .. جلست جنبه على الكنبه .. أرفعت عيونها لـ وجهه ..
ملامحه حزينة ..
بلعت غصتها بـ ألم .. حطت يدها اليمين على صدرها ..
يدق و بقوه !! ..
أرفعت يدها بسرعه تتحسس خدها ..
ما في أي دمعه !! ..
ما عندها احساس ؟؟ ..
قوت و شمس عبروا عن حزنهم على سلمان لكن هي ؟! ..


ليتها تقدر تتصنع الحزن عليه .. لكنها أبد مؤ قادره ..

حتى ملامحها بارده و لا هي قادره تقلبها لـ الحزن لـ أجل شخص يعتبر أب لها !! ..
سمعت كلمته اللي زلزلت مشاعرها ..

ناظرها و هو ينتظرها متى تتحرك لـ أجل يروحون لـ المستشفى .. / مالك قلب ؟! .. ما تحسين أبوك طايح بـ المستشفى و لا هامك ..

مسك وقفت و هي تحرك رأسها بـ النفي و القهر بأين بـ وجهها .. / لا تتكلم عنه و أنت ما تعرفه .. روح له و سلم عليه لو أنت خايف تفقده ..


عناد وقف لها و هو يبغي يشوف الحزن بـ وجهها أو الدموع بـ عيونها لكن ما فيه الا البرود و الجفا .. مسكها من ذراعها .. / هذا أبوك يا عديمة الأحساس ..

مسك أبعدت يده عن ذراعها .. / قلتها أبوي فلا تتدخل بـ شي مالك علاقه فيه ..


فتح عيونه متفاجئ منها و من كرها لـ سلمان .. مشى لـ الباب بعد ما أخذ جواله و مفاتيحه من الطاولة اللي بـ جانب الكنبة .. لكن قبل لا يطلع التفت و قال لـ مسك .. / لـ جيت من المستشفى القاك جاهزه ..

تكرهه .. حاقده عليه .. هذي مشاعرها لـ سلمان ..


* * * *


بـ بيت منصور .. بـ غرفة بلقيس ..


جالسه بـ الظلام .. العرق يصب من جسمها .. الاكسجين بداء يقل بـ الدولاب ..
سدت اذنيها من صوته الغاضب ..


يبغي يقتلها ؟؟ ..
ما يبغالها جواب .. صوته الغاضب يدل على اللي يبغي يسويه فيها ..


أرتجف جسمها بـ عنف .. أسمعت صوت الباب يضرب الجدار ..
اكتمت شهقاتها العاليه .. عيونها ملأتها الدموع .. الخوف مسيطر عليها ..
ما أحد عندها يفكها من منصور و غضبه ..

أرفعت رأسها لـ فوق و هي تدعي أن الله يفكها من منصور و قهره ..


قدر يكسر الباب ..
دارت عيونه بـ الغرفة .. دور عليها ما حصلها .. مشى لـ التسريحه يمكن أنها متخبيه جنبها ..
مالقى لها أثر ؟؟ ..


ضرب التسريحه بـ قبضة يده .. و هو يصرخ بـ اسمها ..
ما يبغيها الا قدامه لـ أجل يتلذذ بـ تعذيبها و يربيها .. أو يطلقها بعد ما يريح قلبه منها ..


التفت و هو يسمع صوت شهقاتها .. أخذ نفس و هو يمشي بـ خطوات سريعه لـ مصدر الصوت .. فتح باب الدولاب ..
أبعد الملابس بسرعه على الأرض بـ إهمال ..


شافها ضامه نفسها .. و حاطه كفها اليمين على فمها ..
منصور سحبها له و هو يهزها بـ قوه و قهر .. / اعجبك اللي سويته يا بنت أبوك ؟؟ ..

بلقيس خبت وجهها لا يجيه شي من منصور .. قالت و هي ودها أنه يصدقها .. / و الله أني ما كنت أدري أنه هو .. و الله هـ.. ..

قاطعها و هو يرميها على الأرض .. / يالكذابه شايفك بـ عيونه .. تخونيني يا بلقيس ؟؟ .. و الله لـ أوريك ..

رماها على الأرض ..


وقف و هو يتنفس بسرعه .. أبتعد و هو يشوفها شبه فاقده لـ الوعي .. رفع اكمام ثوبه الأبيض ..


أخذ عباءتها و هو يرميها عليها .. ضمت عباءتها لها و هي تشد عليها ..
طلب منها تلبسها ..
شدها من شعرها و هو يسحبها معه ..


يسمع شهقاتها العاليه .. و هو يشوفها تلبس عباءتها و تغطي نفسها منه ..
مشى و هي مشت وراه ..
مشى على الرصيف و هي وراه ..


جسمها كله ينطق بـ الألم .. ما رحمها و لا صدق كلامها ..
ضربها لين بغى يكسر عظامها ..
مشت معه و هي عارف المكان اللي بـ ياخذه له ..


يمكن أنها ترتاح فيه أو أنها بـ تتعذب مؤ مهم المهم أنها ترتاح منه و من فيصل ..


وقف قدام بيت الجده .. ضرب الجرس .. أبعد عنها قبل لا يجرم فيها أكثـر ..
و هو يشوفها تتقدم لـ الباب ..
الشغاله افتحت الباب ..

بلقيس تقدمت لـ الباب وقفت و هي تسمع اسمها ..
ناداها لـ ينبه اللي يبغيه يقوله .. تنهد و هو مفروض يقول هـ الكلمة من قبل .. / أنتي طالق ..


مشى تاركها وراه بدون لا يلتفت لها ..


شهقت من كلمته .. التفتت له تبغي تقوله و تاكد له أنها مظلومه و أن فيصل هو السبب بـ اللي صار لها ..
لكنها ما شافته الا عاطيها ظهره يمشي مكان ما جاء منه ..

مشت لـ داخل البيت .. مهروله لـ غرفتها تخبي خيبتها عن الكل .. و دموعها تعبر عن ألمها و حزنها ..


* * * *


بـ شقة بتال .. الساعة عشر فـ الليل ..


شدت اللحاف لـ جسمها و هي تحس أنه ثقيل و أن أحد يشاركها فيه ؟! ..


فتحت عيونها و هي تحاول ترجع اللحاف على جسمها ..
شهقت بـ خوف و فزع و جلست بسرعه ..


و هي تشوفه منسدح جنبها على السرير بـ هدوء ..
انتفضت و هي تتحسس ملابسها بـ يديها المرتجفه ..

تنهدت و هي تحمد ربها أن ما جاءها .. و أن ملابسها مثل ما هي ..


أرتجف جسمها بـ عنف .. كشرت ملامحها و هي تتخيل أنه بـأسها أو سواء أي شي لها و هي مؤ حاسه فيه ..

وقفت تلبس الروب فوق بـ جامتها الناعمه القصيرة .. الدموع ملأت دموعها ..


كيف يبغي يقترب لها و هو ظلمها بـ شرفها ؟؟ ..
لو يذبحها ما راح تسمح له يقترب لها .. لو ضربها .. لو غصبها ..
لو سوا أي شي لها ..
ما راح تخليه يسوي اللي هو يبغيه ..
لو دفعها هـ الشي حياتها ..


كيف دخل هي متأكده أنها مسكره الباب بـ المفتاح ؟؟ ..

بلعت ريقها و هي تشوف الباب مفتوح و مقبض الباب و المسامير على الأرض ..


مشت لـ الشماعه أسحبت عباءتها البستها فوق بجامتها .. و هي تسحب شنطتها ..


ما راح تتحمله .. لو جلست عنده يمكن أنها تنتحر .. و هي ما تبغي تغضب ربها بسبب بتال ..
حطت يدها على فمها لا تشهق و يصحى ..
شافته منسدح على السرير و متلحف بكل جسمه ماعد وجهه ..
وجهه مسود و شفايفه بـ المثل .. معقد حواجبه و كأنه مؤ مرتاح بـ نومته ..


مشت لـ باب الشقة .. فتحته بـ هدوء و هي تلتفت وراها .. و تتطمئن أنه مؤ موجود ..
مشت لـ الشارع تحاول أنها توقف لها تاكسي يأخذها لـ بيت جدتها ..


هاربه منه و من ظلمه ..
هاربه منه و من علاقته بـ سلمان ..
هاربه منه و من تهاونه بـ اداء الصـلاة ..
هاربه منه و من ماضيه بـ السجن ..


هاربه لـ الحياة و السعادة ..
هاربه لـ خواتها ..
هاربه تبغي الراحه و الحياة المستقره ..

لكنها خايفه أن سلمان يرجعها لـ بتال بسهوله ؟! ..


* * * *


بـ المستشفى ..


فتح عيونه ببطء شديد .. التفت حوله بـ عيونه و هو كأنه يدور شي ضايع له .. قال بـ صوت تعبان مرهق .. / جميله .. جميله ..

قوت و شمس اوقفوا لـ سلمان ..

قوت قربت عنده و هي تقرب اذنها له تحاول تسمع كلامه ..
يمكن أنه عطشان أو أن يألمه شي بـ جسمه ؟؟ ..


أرتجف جسمها من الاسم اللي نطقه سلمان ..
هي ما صدقت أنها تتناسها ..

حاربت نفسها أيام و ليالي عشان بس توهم نفسها أن جميله متوفيه و ترتاح من التفكير فيها ..

و بسهوله اسمها من سلمان يثير مشاعرها الدفينه لـ أمها الغاليه ..

مسحت على شعره .. / وينها ؟؟ .. قالت تتأكد من شكوكها .. / هي اللي كانت معك بـ الحادث ..

هز رأسه بـ الإيجابه اللي أوجعت صدرها كثيــر ..


جميله حيه ..
جميله ما ماتت بـ الحادث اللي كان من قبل كم سنه ..
جميله موجوده لكنها مؤ بينهم ..
جميله تتنفس الهواء اللي هم يتنفسونه ..
جميله !! ..


بلعت غصتها .. أحتر جسمها من الخوف .. و هي تربط الأحداث بـ رأسها .. هي الحرمه اللي مع سلمان ؟؟ ..


جميله حيه و الا متوفيه ؟؟ ..


انتهت القصة الثالثة و العشرون ..
لا اله الا أنت سبحانك أني كنت من الظالمين ..


إذا صليت صلاة لاتجد قلبك (منتهياً) عن الفحشاء والمنكر ..
فـ اعلم أنك لم تصل إلا صلاة (تبرأ) بها الذمة فقط ..

حي الله فيتاااااامين
منووورة