صباح الخير

لااله الا الله محمد رسول الله

جميل جميل جدن

اممممم وسم طاحت في مطب

راجح ليه طلق بشرى واهي على قدر من هالجمال
انا اظن يمكن لانها فظه وفيها شي من الوقاحه <<<يمقن يمقن يعني طلقها


مو مهم جمالها اهم شي الاخلاق
وسم على بساطتها وحياتها اللي عايشتها وروحها المرحه اظن راح تحبب راجح فيها بس بعدد مشوااار طووويل

فهد ونجلاء ههههههههه صراحه ملح الروايه فهد ماشاء الله عليه فاهم ودارس تصرفات نجلاء
راح يخليها تنشوووي شوي من الغيره وراح تحبه بالحيييييييييييييييل <<اذا ضل كيذا فهيدان يعني

شررررف هههههههه تصرفاته وحركاته بدات تاثر على الشيهانه بشكل كبيييييير وفظييييييييع

عزه وش تحس فيه <<<تفكر راح تاخذ شررف ،،
الله يهديها بسس

خاااااااااااااااااااااااااااااااااااااااااالد <<<هل هو ولد شرف او لاءءء مسكييييييييييييين والله

عقاب اظن اظن نور بتكوون من نصيبه

وبسس في انتظارك

السلاااام عليكم..
طيووبه شكل ربي استجاب لدعوتي وبدا مرض قصر الاجزاء تطيبين منه..هخهخهخه
يعني اشوف ان هالجزء اطول جزء قريته للحين بالقصه..
المهم متشوووووقه مرره مررررره لقصة نووور ..احسها قصه بتنتهي بشكل ثاني .. فيه حقااائق بتنكشف واوضاع بتتغير وعلوووم بتطلع ....

حزنتيني قصة عايشه.. يعني وكانها ماعانت من الغربه والحقران والفقر وبعد متزوجه ابو نور اللي ماشافها شي ولا كان يراعي مشاعرها.. انساانه حياتها كلها معاناة مسكينه..الله يعظم اجرها واجر كل من كان حاله مثلها.

نووور: والله يااشيخه حبيتس ومتعاطفه معاتس والله يكون بعونتس على الايام المقبلات.. بس انتي باذن الله قد هالمواقف وقدود يعني ..الوضع صعب والشغل نفسه اصعب ..بس يمكن هذا بدايه النهايه لحياتكم المتعبه وبتشوفون ايام كلها خير وراحه..

خالد :لـــك الله..

وسم: وضعتس يابنت مايبشر بالخير انتي يبيصير لتس شي من اثنين ..يا انتس بتصابين بالكئابه.؟؟اوانتس بتنتفضين على وضعتس وبتحاولين تتغيرين شوووي وتصيدين هالراجح بشباكتس..
او انتس مانتيب عارفه مفتاح هالرجال لين تموتين..
بس اتوقع انتس بتقدرين عليه وبتعرفين وين تلقين مفتاحه وبتدخلين عليه وبتقدرين تتعاطين معه وتقربين له ويمكن بعد بمساعده من الشهانه شخصيا.. ولو اني استبعد انتس بتقولين لها شي عن موضوعكم لكن انتي بتلقين حل لوضعتس مع راجح..
والحين نجي لقليلة الحيا بشرى ..مع اني ما شفت منها كثير باين انها وقحه واول وقاحتها جايه تقولتس وبكل وجه وسيع انا طليقت راجح .. وعلميه اني مختفظه بهديته؟؟ ويمكن هذا السبب الرئيسي لطلاقها .. قله حياها وتفتح الكبير.. يعني يمكن هي متحرره واجد وماتتغطى وهالشي راجح مايبيه ويبي وحده محتشمه ..
وعموما حركات بشرى باين انها اولا واخيرا كيد نساااا تبي تقهرتس ياوسم وتحرق قلبتس وتسوووي بينتس وبين راجح مشاكل ..الطلاق كان من جهة راجح وهي يمكن عينها للحين في الرجال وتبيه لان فيه مواصفات فيه تبيها لكن ماراح تتنازل عن حرياتها عشانه وكانت مفكره انها بتقدر تغيره وتخليه يتعود على وضعها بعد الزواج ....
اعتقد ان اسلوووب البرود اللي استخدمتيه بالكلام مع راجح اليوم بنشووفه كثير بينكم.. لين يصير الانفجار الكبير يااااا انكم تتفاهمون عقبها يا ان كل واحد يروح لاهله.. والصدق انه لازم يصير بينكم كذا عشان عقب تصير الحياة حلوه..

عـــزه : الله يكون بعونتس يااابنت.. الوضع كله صعب ان كان الصحي والا النفسي والا العاطفي .. المشكله انتس للحين ما اتخذتي موقف جاد لوضعتس ..واهلتس ياحرام يزيدونتس بعد عن هالموقف بطنازتهم والحاحهم عليتس حتى لو كانوا يعتقدون ان الكلام هذا لمصلحتس ..هذا هو اصلا اللي يزيد الوضع سوووء بالنسبه لتس...
اعتقد انتي لازم لتس علاج نفسي اووول .. لان هالشراهه بالاكل ناتجه من وضع نفسي .. واذا ماحصلتي علاج نفسي لابد من علاج جسدي والرياضه هي اللي بتساهم بشكل كبير بعلاجتس.. بس انتي مشكلتس لاتبين تحركين ولا تبين توقفين بلع.. يعني مدري متى بنتبهين لروحتس ؟؟ لما تسدد شرايين القلب عندتس ويجيتس ذبحه صدريه؟؟
مايحتاج اقولتس ان تفكيرتس بشرفهذا خبال له اول وماله اخر.. وقفي عنه.. وغير كذا الرجال مايصلح ابدا وانتي اعرف الناس بهالشي.. والشي الثاني يعني معليه انتي شفتي الشيهانه متوقعه انه بيتركها عشانتس يااا الضعيفه..
وبعدين عزه اذا انتي طالبه جامعيه بتلقين لتس ناس ممكن يساعدونتس... ويمكن تتلاقين انتي وسمو وتتصاحبين معها لو كنتوا تدرسون بنفس الجامعه....وهنا بتعرفين انه مستحيييييييل تتزوجين شـــرف .. ويبدأ يطلع من راستس وافكارتس وتحولين على مصعب..هخهخهخهخه..>>> فيس عارف انه فشنك..هع
الصدق انتي بحاجه لعلاج ويمكن تسوين عمليه تحزيم او هذي العمليات حقات التخسيس..وتنفع معتس.. لكن الصدق انتي توتس صغيره على هالعمليات ولابد من رياضه وحميه .. يعني لو تفكرين تتابعين واحد من هالبرامج اللي بالنت وتساعد على تخفيف الوزن اتوقع بتنفع معتس.. ويمكن تبدين بشكل سري بدون محد يدري عشان ماتواجهين ضغط او تكونين تحت مجهر المراقبين ؟

الفهد ونجلاء: هههههههه مزدي فيها ياا فهود احشرها واحقرها وخلها تنقهر وتطق من الحره..ماينفع مع هالعوبا الا هالطريقه.. بس كلامك عن العريفي موتني ضحك اتاري كل الرجال عندهم هالفكره..؟؟ يطالعون زينه ممهوب عشان حديثه.. ؟؟ والله ضحكتني ياافهود..
شكلك ماشي معها مضبووووط وعندك خطه من خطوات كل ماخلصت خطوه شطبت عليها وبديت باللي بعدها.. قواك الله...

شرف والشيهانه: ننتظر مواقف تعبر اكثر عن وضعكم الغير طبيعي..واتوقع ان هالصباح بيكون فعلا غير شكل عليكم انتم الاثنين بالذات..
\طيوووبه. تسلم الايادي وبانتظار الجزء الجاي بكل شووق اذا الله احيانا فلا تتركين انتظارنا يطول
دمتي بود

السلام عليكم

وش هالبارت الي ابتدى بخشة نجيل حنا مالنا راحه من خبالها أنا استغرب مبدأ الحريم ذا من تزوج ماتصدق تقول محبوسه ومحرومه وتخلع كل عادتها الي كانت في بيت أهلها العبايه الملابس وتشخلع
هو ماجى وخطب حباً في خشتك جاي خاطب لنسب الطيب ولتربية اهلك والصلاح الي كان ظاهر عليك
شوفو عندي توقع جميل يقول أن نجيل كانت تحب فهد وهي صغيره الين صار الموقف وبعدها قلبت وحقدة عليه
وإلا شين الحلايا ليش راحت لرسايله مباشرة وتستعرض قدامه وتلبس وتكشخ عنده
بس والله برافو عليك يافهد عرفت تجيب رأسها الخبله ويالله هانت ما بعد صبرك عليها إلا الفرج وتجيك وتقول شبيك لبيك جوجو بين يديك خهخهخهخه
أتوقع انها مقهوره منه لانه ماعطاها وجهه وكيف وهي النجلاء على سن ورمح فهز ثقتها بنفسها فما أرضى غروره في انها تصده مثل ماهي متوقعه

وسم وراجح وبشرى الي جات تستعرض بنفسها هي والتذكار ليش تلاحق وسم وتستظرف هي وخشتها تبي تذكر راجح فيها وتقهره
هل طلاقها من راجح بطلب منها وما تحملت طباعه عند إحساس أنه كان يحبها وهذا سر شخصية راجح العمليه والرسمية مع الناس في التعامل
إحساسي الي يقول انه شوفت وسم لبشرى ومقارنتها بنفسها وبساطتها بتكون نقطة التحول في شخصيتها و شكلها وبتكون أكثر تمسك براجح

عزه الله يعينها على نفسها وش ذا الشفاحه وش الي مكدرها ومضيق خلقها انقهرت من الشيهانه وكشختها وأنها أزين منها ويمكن درت ان شرف رجع لشيهانه وطار منها عريس الغفله

الشيهانه يمدحون الثقل وش مضيقك ركبتي معه في سيارته كم مشوار خلاص خربت الدينا لارحتي مع مصعب والا وش يهمك من تركه لك غير أنك مشتاقه تجلسين فيس تو فيس مع عنتر
وليش الأخت مستهمه ودور عليه دوره هيا افرحي أنت وخشتك ويا حضك وبختك تصبحتي على خشت شرف

طيوبه تسلمين ومن إبداع إلى إبداع الله يعطيك العافية وتدرين عاد أحسن مافي الموضوع ان خشت شرف ماهي موجوده كثير هالمره وعقبال الحادث الين الحين انتظر التريله تشيله خخخخ
أخف هتنتن تعلن علي الحرب إلا صدق هو مايمرض وإذا مرض من بيداريه لا خلاص لا يمرض ولا يصير فيه شي خليه لعياله والشيهانه لا تستخف علينا
ننتظرك بكل ود

مسائك أُمنيات محققه
يعطيك العافيه طيوبه

نجلاء وفهد
تستاهل نجلاء من يعاملها بالطريقه هذه والا فيه وحدة عاقله تلبس لبسك
ليش كنتي تفكرين الزواج يعني سفور وتعري على كيفك ماصدقت أتزوج عشان افتك من أمي وعقاب
لا ربي طيحك في واحد بيمسك لك على الوحده لين يربيك على كيفه

راجح وسمو
سمو شافت فتنه كانت حلالك وتخليت عنها بس وش سبب طلاقها معقوله بسبب بجاحتها وقلة آدابها
انت شخصيه جاده وعمليه ويمكن طبع بشرى ما ناسبك وتخليت عنها ببساطه لان الجمال ابد موب هامك والدليل سمو وتقبلك لها وهي اقل جمال
سمو ماراح تتركك في حالك راح تسألك مره ومرتين وثلاث لين تعرف سالفة بشرى
بعدين بشرى ليش جايه لـ الحفله ومن دعاها
اكيد انك الى الآن في بالها وناويه تخرب حياتك وترجعك لها

نوره
من وصف خالتهالامها انها فتنه وأكيد ان البنت مأخذه من أمها
وبتشتغل خادمه عند ام عقاب
اذا عقاب شافها معقوله يتعلق فيها ويحبها وبكذا تبدأ خيوط لغز خالد في الحل

عائشة
ضحا ابوك فيك عشان زوج اختك وبنتها ومع كذا ما حبك ابد مع انك صبرتي عليه وعلى عقمه بس ما الحب الا لـ الحبيب الأولي

شيهان
ليش العصبيه اللي انت فيها عشانه راح وخلاك والا تعودتي على اهتمامه وفجأه فقدتيه
وهذا اللي هو يبيه عشان اذا قرب مره ثانيه ما تصدينه وهذا اللي بيصير
جية الصبح هذه موب لله ورآها بلى ناوي عليه
ونشوف كيف بتتصرفين

عزه
حاله نفسيه تعيشها وتنفس عنها بالاكل
السمنه مرض الله يكفينها
وهي ماعندها اي استعداد عشان تنزل من وزنها لو كان عندها دافع ممكن تفكر بس هي ابد ماتقكر كلام أمها صح وإذا استمرت كذا ما حد طاق بابها ابد


طيبوبه


جعل ايديگ ماتمس النار

رائعة جدا شيهانة بدات تحن لشرف اهتمامه وقربه الدائم لها جعلها تشتاق له