موعدنا الليله باذن الله
فـ انتظروووني ....

السلام عليكم


*قال رسول الله - صل الله عليه وسلم - :"يا أبا ذر ! ألا أدلك على كنز من كنوز الجنة ؟*
*( لا حول و لا قوة إلا بالله )
___________________
( 7 )


.. طرقآتٌ على البآب تَتْرى اقَضَّتَ مضْجِعه ..
.. كآنَ يضُنُّه حُلُم حتَّى قُرعَ الجرس بلآ تهذيب ..*
.. نظرَ الى سآعتهِ بضيق وانزعآج .. لمْ ينم سوى سآعه الآربع بعدَ مُعآنآه مع مآضيه وحآضره ومُستقبله ..
.. منْ يآتُرى الطَّآرق ..!
فـ قليلٌ هُمْ زوآره في شِقته ..*

.. مشى بِخطوآتٍ وآسعه ليصلَ للبآبِ سريعآ ..
.. مآكآد ينْفرج البآب قليلآ حتَّى دفعه ( الفهد ) بقوه لِيدلِف بغيض*
ويجلسَ على اولِّ مقعدٍ يوآلي البآب ..

.. نظرَ له شرف بتعجُّب ..!
وسأل بحيره ..
/ ووش فيك ...! صاير شي ..
وجهك اسود وجيتك ذا الحزه ماتبشر بخير ..!

.. بمحآوله لضبط اعصآبه مسحَ على وجهه وصرَّ مآبين اسنآنه ..
/ خير .. اي خير ..!
وانت مخليني بزر عند عمي وانت ولي امري ..!
والآ عشان ترضى عنك ام مصعب حطيتني طُعم لرضآها ..!


.. بخطوآت كسلى رمى بثقل جسده على المقعد المُقابل له .. زفر بملل ..
/ الله يهديك خارشني بالباب والجرس وآخر شي تطلع جيتك عشان هالسَّالفه ..!

.. قم صلح لي قهوه تُركيه تعدِّل مزآجي وانا بصلي وآجيك ..
.. وقفَ على مهل دون ان ينتظر منه آجابه ليتوضأ ويُصلي العصْر*
الذي منذ دقائق انتهت صلآته بالمسآجِد ..

.. أما فهد فقد وصلَ مدآه من الضيًّق ..
فـ هيئة ( شرف ) لآتُبشِّر بالخير لِحل مُشكلته ..
وضع ( الركوه ) على النَّار واضاف القهوه والقليل من السُّكر*
ولمْ ينتبه لغيآبه عنْ واقعه الآ بعد انْ فآرت القهوه ..
اطفأ عنها ليسْكُب منهآ فنجآنآ له وآخر لشرف ..
.. الرآئحه الزَّكيه للقهوه نبَّهت خلآيآ عقله لِيشُمَّ رآئحتها باستمتآع ويسْأله بهدوء ..
/ انت وش آعتراضك عليه بالضبط !
ع البنت والآ ع الزواج كمبدأ ..

.. اجاب فهد بعد ان هدأ قليلآ ..
/ كلهم .. اثنينهم مابيهم ..

ارتشف شرف القليل منْ القهوه لِيردف ..
/ اثنينهم مآيصير ..
الزواج ومالك امل تعترض عليه ..
ومفروض منَ زمآن ماخليتك ع كيفك ..
بس يالله لهينا في المآل والعيآل وهالدنيآ الله المستعآن*
والحين مالك عذر .. جآهز من كل شي انت ..
واللي ينقصك حلالي حلآلك .. تآمر باللي تبي ..

أمَّآ عن نجلآ بصرآحه اوآفقك الرآي ..
هالبنت آبد مانزلت لي منْ زور ..
ولآ ودي تختلط ببنآتي ..
.. عوبآ وتسوي اللي تبي مآحدن يردهآ ..
بس الشكوى لله .. خالة البنآت مالنآ حيله ..
ثم عمًّي يحسبك قآعد تنتظرهآ كل هالعمر ..
.. جآني وقآل انا مستحي منك ومن فهد ..
يحتري نجلآ تكبر وهو انتصف عمره بلاولد ولآتلد ..
ومآعطآني فرصه ارد بشي .. ع طول قال هالسَّنه يملكون وبالصيف يتزوجون ..
.. وعآد مآقدرتْ افشَّل عمي واقوله بنتك مآنبيهآ ..
.. قلبتهآ في رآسي البنت مآهيب سيِّئه لهآلدرجه ..*
بس مدلعها ابوهآ .. ويبي لهآ رجَّآل يشْكُمهآ ويمشيهآ الصرآط ..

.. نظرآته البعيده كآنت مصُوبه لـ ( اكليل الورد) في آحدى الزَّوآيا دون تركيز .. اردف بسكون ..
/ شرف نجلآ بالذآت مآبيهآ
انا بعيش معهآ عُمر ماهوب يوم والآ اثنين عشآن اجآمل احد ع حسآب حيآتي ..

.. دون مُبآلاه لتأزّْمه منْ هذا الامر اجآب شرف بِسُلطه ..
/ هالموضوع *مفروغ منه .. مآعاد يقبل النقآش ..
.. عندك شي غيره تبي تقوله قول وانا اسمعك ...

.. بضيييق خآنق حدَّق في عينيه ..*
ليسخر ..
*/ هه وش تسمع لي وانت مقرر عني ومنتهي ...!*
وش فآيدة النقآش معك اذا هو منتهي قبل يبدآ ..
.. ونجلآ ان خذتها ترآها في ذمتك ..
.. ومصير زواجنا معروف قبل يبدآ ..
هذا زواج فآشل بكل المقآييس واحنا بس اللي بنتضرر منه ..
انا وهي .. وانت وعمي اللي رتبتو له وحبكتوه ماهوب ضاركم شي ..
ان صآبت والآ خآبت مآتعنيكم النتيجه ولآ يلحقكم اذيه ..

.. بحدَّه اعترض .. وتبعهآ بلين ..
/ انت اخووووووي يعني مثل عياالي واعز ..
والوجع اللي يوجعك يوجعني قبلك ..
.. انت عضيدي وسندي ومالي بهالدنيا غيرك انت ومحمد*
انتم رآس المال والعيآل من بعدكم ..*
.. والعرس وانا واخوك ماهوب عسل كله ..
الحياه شدَّه ولين .. عسر ويسر ..
وتمشي اموررك ..
ونجلا لو منيب واثق في تربيتها وطيب معدنها مابديتها عليك
ولاجاملت احد على حسابك ..
انت ألزم *علي من نجلآ وطوآيفها ..
.. والبنت مآعليك .. يبي له بس شوية تهذيب وتأديب وتضبط ..

.. بحُزن من فقدآن الامل .. وبتردد ...
/ بس هي اصلآ ماتبيني ..
يعني عآدي عندها تجلس عآنس ولآا تبتلي فيني ..

بآنتقآد المُستفسر ..
/ وووليه ماتبيك ان شاء الله ..!
.. نآقص يد والآ رجل ..!
والآ مشوه والآ معتوه ..!
يحصل لهآ الشرف يوم تآخذك ..
ثم مآعليك من هذرة البنآت وقلقهن ..
سوآلف مابي ولد عمي .. ومثل اخوي .. وتربينا سوى هذي خلها ع جنب ..
بكره لآجت عندك تشرق بريقهآ لانطرآ اسمك ..

.. اغمضَ عينيه بيأس .. وبفضفضه ..
/ مآتعرف نجلآ انت ..!
لسآنها سليط ويجرح ومآيهمهآ احد ..

.. اجابه بتأكيد .. وثقه ..
/ شف .. مافي ايبس واعند من رآس شيهاانه ..
وعلى كل اللي جاها مني .. ماخليتها بخاطري يوم بغيتها ..
برجعها لي برضاها او غصب ..*
.. انت خذ اللي تبيه انت .. وتكتكه على كيفك ..
.. والحرمه ترا سهله ..كلمه تطلعها فووق فووق وكلمه تخسفها سابع ارض ..
.. وانت وشطارتك ..
ونجيلآ غشيمه بالرجال .. بتقودها بسرعه وبترضخ لك ع طول ..

.. اخفضَ رأسه بين يديه بهمّْ ..
وصمتْ ..*
مُقارنه ظالمه بينه وبين أخيه ..
وبين شيهآنه والنجلااء ووضعهمآ ..

.. وقف شرف ليدنو منه ويوقفه ..
وبمصدآقيه ..
/ يافهد التوفيق بيد الله ..
سوآ كانت نجلآ والا غيرها ..
لاتشيل همْ المقدر والمكتوب ..
ولو ماتوافقتو واستحالت العشره بينكم فـ الطلاق شرَّع لهالشي ..
ولا انتم اول ولآ اخر عيال عم يتفآرقون ..

.. انسلَّ من بين يديه وخرج دون ان يُعلِّق ..
لااا احد يفهمه لاا احد ..
لااا احد يشعر بمآ يشعر به ..
ومآ قيد يدآه ان شرف خطٌّ احمر لايمكن تجآوزه ..
ولو وطأ على خدِّه فلنْ يمنعه ..!

.. امآ شرف ..
فجُلُّ حديثه كذِب وافتراء ..
ف هو منْ تعرَّض لخطبة نجلاء واصرَّ على عمه لينتزع منه موآفقته ..
ويضيق عليه لِيدخله دوآمه ضيق الوقت ويحرًّضه على ( الملكه ) مبكرآ ..
مُستغلآ ملكة ( وسم ) ..


.. هُنااك تُقآم منآحه وبلْبله ليسَ لهآ اول ولآ اخر ..
.. بُكآء ودُموع وتهديد *ووعيد وتحدي ..
.. دخلتْ والدتهآ بخطوآت مُتأرجحه وهي تنهرهآ بغضب ..
/ قطع الله حسك اللي وصل لسابع جار ..
وجع يوجع عدوك ياطويلة اللسان .. اهبي اهبي يالفاهررره ..
والله لو انا ذابحين حدا والديك ..!
قوووومي قامت عصبك وتثنت ركبك .. ياقليلة الحيا ..
فضحتينا بين الله وخلقه ..

وقفت النجلاا خوفا وتفاديا لعصى والدتها المُصٰوبه اليهآ ..
/ والله !!
تبون ترمووني في كبد الشايب العاايب واسكت ...
يخساااااا والله مايمس طرف اصبعي لو ينثر دمه علشاااني ..
ماااا ابيه مااا ابيييه فكووني منه لااا والله ان اخليه عبره ..

.. اتَّسعت عينآ والدتهآ منْ شدَّة وقآحتهآ وصوتهآ المُرتفع بنشآز ..
/ اااااااعقبن ياالبناات العووب ...!
هذا حووف دلع ابوك لك ياحمارة القايله ..
اقطعي اقطعي مااابي اسمع لك نفس ..
خلي عقاب يجي ويسفَّك الترااب ياقليلة الحيا ..
ماتبينه في ابليس .. انتي الخسرانه ..
تحسبينه ميت على زينك والا ملحك ..
احمدي ربك اللي خطبك ..
الله يكفلك .. لاسناعة مثل هالبنات الجيدات ولازين ..
ولسان طويل وقشرا .. عزتي لمن انتي في ضوه ..

.. رفعتْ انفهآ بشموخ بعد انْ اخرسهآ غضب والدتها ..
/ عاد هذي انااااا .. بكييفي*
ينقلع ماا ابيه .. زينه والا شينه ماله خص فيني ..

.. دخل والدهآ بعد انَ جذبَهُ العويل والصُّراخ ..
/ وش فيكم عسا مآشر ..!

اشارت ام عقآب باشمئزاز ..
/ هه تعال شف دلعك لبنتك*
انا ماعلي منكم .. توافق ترفض عساها في ابليس ..

.. ما ان خرجتْ وانتبهت لًقُرب ابيها
الآ واعادت مُوشَّح البُكآء والتَّظلُّم والقهر والغلبه ..
تعلم يقينآ ان دموعهآ سلآحٌ ضدَّ ابيهآ ..
وانَّه لنْ يقهرهآ ولنْ يُرغمهآ على مالآ تُريد ..
فـ هو احنُّ بكثير منْ والدتهآ الواقعيَّه ..*
.. جلسَ بجآنبهآ بابتسآمه رقيقه وهو يُمسك بيدها بدفء ..
/ من يقوووول انآ بنغصبك على فهد وانآ ابوك ..'
لافهد ولآغيييره الزم مآعلي رضآ بنتي ..
ولو زعَّلت كل النَّاس مني على شآنهآ ..
.. وذآ التّحليل ابد مهوب لازم وانا ابوك كآنك ماتبين العرس..
وبيت ابوك ترآه مفتوح لك اليُوم ودوم ..*
وبحنْكة منْ علَّمته الحيآه دُروسآ اشكآلآ والوآنا .. اردف بتلآعب على مشآعرهآ الابويه تجآهه ..
/ انتي شيخة عمرك ..
ولا نيب جابرك على فهد حتى لو اني وافقت بالغلط بدون لا اشاورك ..
احسب انك تبينه وماتردين ولد عمك ..
لكن مادام ذا هواك ومرادك فرضاك الزم علي من رضآ عيال اخوي اللي في ذمتي ..
.. وبضعف متقن ..
.. ادري اني لآرديتهم عقب ماعطيتهم رخآمة مني ..
وادري آني مآعاد اقدر اقعد معهم في مجلسٍ وآحد ..
ونظرتي بتنكسر ولآ اقدر احط عيني في عين وآحد منهم ..
.. اللي مهوب قد كلام مجآلس الرجآل لآيجالسهم ..
ابدخل دآخل في مجآلس النسوآن لعيونك ..
.. ولاهمني آحد كثر ان بنتي مآتقهر ولآتغصب على شي مآتبيه ..!


.. هي تجهل كثيرآ في اعرآف الرًّجال ..
ومآيجب ومآلا يجب ومآيصح ومآلا يصح ..
.. لكنْ مآ ابكى قلبها بصدق وشفآفيه هو جبين ابيهآ المُتغضن بحُزن ..
والخُذلآن المُترسم على تقآسيم وجهه التي عرَّآها الزَّمن ..
.. اخذت يدآهآ ترتعش وقلبهآ يدُقُّ بشده منْ تفآعل المشآعر بدآخلها لآ ابيهآ ..
لآتدري اهوَ رحمه امْ حُزن امْ شفقه ام ضعف ام مآذا ...!

ضمَّت يدآه المٰجعَّده يداهآ النَّاعمه ..
ليُردف بابتسآمه حنوونه ..
/ قومي وانآ ابوك ..
مآعاش من يبكيك ورآسي يشم هوآه ..
.. واخرجَ هآتفه باستغلال ..
/ يالله هالحين بكلم شرف واقول هونت ..
دموع بنتي تسوى مجالس الرجآل كلها ..
.. امسكت بيده التي تحمل هآتفه وبتردد ودون تفكير ...
مسحت عينآها بتمثيل وهي تتصنع الفرح ..
/ صدقت يبه ..!
انا بس اتدلع عليكم ابيكم تلزمون علي ..
وانت على طوول صدقت ..

.. اردف ابيهآ بضغط ..
/ لاا يا ابوك هقوتي انك وافقتي علشاني بس ..
ترا انتي في كفه وكل الناس بكفه ..
ولا عليك مني ابد .. انا اعرف ادبر عمري ..
لاتوافقين عشااني .. ترا ما اسمح لك ابد ابد ..

.. مسحت عينآها بظآهر كفهآ وهي تحآول ان تمنع الدموع المُسترسله بسخآء ..
/ لااااا يبه ..
ولد عمي وكبير وعاقل واعرفه ويعرفنا
وين بلقى افضل منه .. انا موافقه بكيفي ماهوب عشانك والا عشان امي..
انا مقتنعه فيه اصلاا ..

.. سينتهز هذه الفُرصه قبل انْ تذهب السَّكره وتأتي الفكره ..
ليلعب مرةً اُخرى على ذآت الوتر ..
/ يالله اجل وانا ابووك نروح للمستشفى ..
انت تسوين تحاليل الزواج ..
وانا احلل الضغط والسكر احس اني منيب بالحيل ذا الايام ..
.. اقتربت منه بربكه ..
ابكلم عقاب والا نايف يودونااا ..
لاتسوق انت وتتعب ..
.. هزَّ رأسه بنفي ..
/ لاا طيب انا بس عجلي علي البسي ..
احتريك في السياره ..
لاتأخرين علي وانا ابوك ياكلني الحر وتضربني الشمس ..


التقطت عبائتها وهي تتعثر خلفه
ولاشيء يشغلهآ سوى انآنيتها في مقآبل عطاء ابيها ..
كآنت ستخذله وهو يسعى لان يُذِل نفسه في سبيل رآحتها ..
.. منْ عساه يكون الذي يقف حجره عثره في طريق ابيهآ لمجآلس الرجآل ..
وهو الذي آعتآد ان يكون مجلسه عآمرا ليلآ ونهآرا للصغير قبل الكبير ..!


.. كم هي سآذجه محدودة التفكير سطحيه انآنيه ..
تلك صفآت نعتت بهآ روحهآ وهي تستوي جآلسة بجآنب ابيهآ مُتجهين للمستشفى ..!


.. رفع حآجبه بِسُخريه اتبعها بضحكه صآخبه وهو يُقآبل ابيه ..
/ ههههههههههههههههه بالله ....!
اجل بدلو لي العرووسه ..!
شر البلية مآيضحك ..

وباستمتآع اردف ..
/ اهاا وتقولي ليش بدلوهآ ..!
لايكون عشآن ضمنو موآفقتي بيبلشوني بمعتوهه والآ معلوله ..!
ترا وجهي مغسوول بمرق ..
ولايهمني الا نفسي .. عآدي اطلقهآ ع الكُوشه لو شفتهم لآعبين علي..*
وعاد للضحك من جديد ..

تحدث والده بجديه ..
/ الله يهديك بس وش ذا الكلآم
ابوهآ كلمني واعتذر ان الكبيره تبي تكمل دراستهآ*
والصغيره مآعندها مانع تعرس الحين ..

.. بسخريه اجاب ..
/ يااااحبيبي ..
وانا ابتلش ببزر اربيها ..!
تصحيني قبل المدرسه اسوي لها فُسحه وامشط لهآ شعرها واحط لهآ شبَّاصه ..!

ثم بآين ذي وحده فآشله درآسيا
اللي تبي العرس على الدرآسه ..
لاااا للااا .. قل له الكبيره والآ نبطل ..
.. ع البر لساا .. بلآش مجآملات ع حساب حيآتي..*

.. بغضب ضرب والده على سطح المكتب ..
/ خييير .. تتبي تفشلني ف الرجال ..!
انا قلت له مآفيه فرق كلهن فيهن البركه ..

.. اجاب بتسليه ..
/ ممممم اشوفهآ قبل ..
اذا بزر ورآعية مهآيط وسوالف مبزره مآبيها ..
انا ابي وحده وآعيه عآقله ثآبته تحآورني برقي وتفهم ..
مو بزر بكره تبكي عشآن مآجبت لهآ شوكولآ والا شيبس ..!

.. ابتسم آبيه بقلة حيله ..
/ كلم عمك وحدد معه موعد تشوفها واحكم بنفسك ..
وحط ببآلك انك بتآخذها لو هي قشعه .. فااااهم ..

.. ممم مقدمآ ماظنتي بتعجبني ..
اكره حركآت ودلع المُراهقات ..*
يكفي هنادي اختي عيفتني هالعُمر ..


.. استيقضت برجفه ..
لاول مره تنآم في هذا الوقت السيء ..
نومهآ كآن قلقآ جدا .. كوآبيس واضغاث احلآم ورُعب ..
لآزالت تُحس باختنآق انفآسها من تحت ( النقآب ) ويدآه تطوق وجههآ ..
.. ضغطت على وجنتيهآ تتفقدهآ ..
للآن تُحِس بثقل كفآه عليهآ ..!
.. اخذت نفسآ عميقآ وحرَّكت رأسهآ برفض ..
وكأنه امآمهآ تمآمآ ..*
لنْ تسمحَ له بالآقترآب منهآ مرَّةً اُخرى .. اطلآقآ ..


نظرت لسآعتها .. عشر دقائق ويؤذن المغرب ..
للتو استوعبت انهآ على فرآشها وبغرفتها وليست في منزل والدها ..
وضعت يدها على صدرها تهدديء من روعه .. وحمدت الله ع كل حآل ..
.. ماهذا الاهمااال فيهآ اليوم ..
وكأنها مراهقه لآ مسؤوله عن بيت واُسره لتنآم لهذا الوقت المتأخر ..

.. غسلت وجهها وقلبهآ لايزال يخفق ..
حمدت الله انها صلت العصر قبل ان تنآم ..
اخذت هآتفها المُغلق وخرجت تتفقد اوضاع بيتهآ ..
قابلتها سمو بابتسآمه لتسالها بتعنيف ..
/ ليييش ماصحيتوووني ..!
تركتوني لهالوقت نايمه اعوذ بالله ..

اجابت سمو ..
/ البيت كله نااااايم ..
وسم*ومثنى وانتي ..
ومصعب راح لابوي ..*
وعمي موب في الملحق ..
ملل لحاالي بغيت اروح لبيت جدي بس خفت تفقديني وترتاعين ..

ربتت ع كتفها بضيق ..
/ جهزي قهوه وانا بصحي العيال نصلي وننزل ..*
راسي مصدع ومغتثه من هالنوومه ..



.. في ذآك المقهى الذي يعُبق برآئحة القهوه والنِّسكآفه والقرفه الزكيه جلسآ ..
هو و يُقآبله ابنه الَّذي كآلظل له ..
لآزالت السآعه السَّابعة مسآءٍ ..
.. اخذ قطعه صغيره من ( التشيز كيك بالتوت البًّري ) واتبعهآ برشفةْ من كُوبه ..

.. لِيُرهفَ سمْعه لحديثْ ابنه وهو يُجيب على والدته ..
انتظره لِيفرغ ليسأل ..
/ هذي امك ..!

اجاب على الفور ..
/ ايه ..
اردف ابيه ..
/ ووش تبي ..!
.. هزَّ كتفيه بلآ مُبالاه .. عادي .. تسأل وين آنا ..
يوم درت اني معك تطمنتْ وسكرت ..

سأل مُجدَّدآ ..
/ اخاف محتاجتك في شي ..!
ما سألتها ..

/ لاا هي بس تبيني اتقهوى قهوة المغربيه ..
يصير عمي فهد برا .. وفرصه لها تجمعنا كلنا وتقهوا *معنا ..

/ اهاا .. وعمك مايجلس بالبيت دايم ..!
وين يتغدا مهوب معكم ..!

/ الا الغدآ انا وهو ومثنى سوا ..
وامي والبنات غداهم سوا ..
والفطور عمي يفطر بالدوام بس احنا لااا
تجبرنا امي ع الفطور من وحنا صغار لحد ماكبرنا وتعودنا عليه ..

.. واكملَ باسترسآل ..
/ والمغرب قهوه وحلا وشاهي وحاجه خفيفه معه ووبس ..
يعني مافي عشاا ..
اللي يجوع يآكل زبادي بيتزا ساندويتش سلطه مافي شي رسمي ..

/ اهاا وليه ان شاء الله ماتعشيكم ..!
.. كسل والا اهمااال ..!

نفى مصعب ..
/ لاااا والله بس احنا نشبع من خرابيط المغرب ..
وهي تقول افضل لو ماتتعشون عشان السمنه ..

.. بِمفاجأه اقترب منْ ابنه ليهمس ..
/ طيب كلم امك الحين وقولها ابي رز برياني ..
ابيه ع 9 يكون جاهز جوعان ماتغديت ..

.. اتصل بوالدته بحرج ..
وطلب منها انْ تُعدَّ العشآء دونَ تكلُفه كما طلب والده دون انْ يُخبرها من امرَ به ..
.. هي ذآتُها مستنكره لطلب مُصعب في هذا الوقت بالذآت ..
ولكنَّهآ اتجهت للمطبخ بحمآس ..
رُبَّمآ مُصعب قد دعآ احدآ مآ منْ رفآقه ..
كمْ تشْعُر بالفخر حينَ يدعو الرًّجآل على وليمة مآ ..
يُشعرهآ بأنه بآتَ رجُلآ سويَّا ..

.. شمَّرت عنْ سوآعدهآ لِتبدأ بالعمل بزهُو ..
وابنتيهآ تُسآعدنآها ..
لتنتهي في وقتٍ قيآسي .. وتبدأ التحضير لتقديمه ..
وضعت الملح والحآمض وزيت الزَّيتون على طبق ( التَّبوله ) المُفضل لابنهآ ..
جمَّلت الاُرز المُلون والمعطَّر بنكهة الهيل النَّفآثه والقِرفه وورق الغآر الزَّكي*
بوضع المُكسرآت المُحمَّصه فوقه وفوقَ اللًّحم المُحمَّر ..
نثرتْ قليلآ من البصل المقلي كَمنظر ونكهه والقليل منْ البقدونس ..
.. بآتَ منظُر الطَّبق خُرآفيآ شهيَّآ ..*يسِيلُ لهُ اللُعآب ..*
.. في انآء من الخزف وضعتْ ( الصُوص الحآر ) كـ مُكمِّل للسُفره ..
.. اعدَّت طبقا آخر منَ السلطه الخضرآء الاعتيآديه ..*
وشُوربة الحريره المغْربيه الَّتي تُجيد صُنعهآ وتتميز بهآ ..
.. رصفت الآطباق على طآولة الطَّعآم بِعنآيه وذوق ..
وبالقُرب اللبن والمآء وعدد منْ الاكوآب ..
.. خرجت بعد ان تأكدتَ ان السُفره لاينقُصها شيء لتتصل بمُصعب .. وهي تهمس ..
/ يالله العشا ع السفره قلط ضيفك ..
وكلم عمك يمكن يكون قريب ويتعشا معكم ..

.. اغلقتْ منه ليعود بعد دقآئق رافعآ صوته ..
/ وووووسم سمووو تعالو تعشو مع ابووي يبيكم ..
.. لثوآن نسيت عيناهآ وفآها مفتوحآن منْ الدَّهشه ..!

.. ابعد كٰلًّ هذا التَّعب يذهب الضيف بلآ عشاء ويحضر شرف بدلآ عنه ..!
وقفت مُتسائله ..
/ وضييييفك وين راح .. راح ماتعشا ..!

اجابها وهو يدعي عدم الفهم ..
/ اي ضيف يوومه ..!
مامعي الا ابوي بس ..

.. كآدت انْ تنفجِر بوجهه وتسُبَّه وتسُبَّ اباه على خديعتهآ ..
لو اخبرها فقط من البدآيه انَّ الضيف ابيه ..
قبضت يديهآ بصبر وهي تُردف ..
/ عواافي عليكم*
اذا خلصتو خل البنات يشيلونه ويسوون لكم الشاهي ..
انا شبعانه بصلي واكمل شغلي وآنام ...


.. أما هوَ فكآن نَهِمآ جدَّا في اكله ..
وكأنه لليآل وايَّآم لم يذق الزَّآد ..
لا يعلم سبب نهمه .. اهو الجُوع فعلآ .. ام لِلذَّة الطعآم .. ام نفسيَّا يعتقد بطعآمته لانها هي من صنعه ..!
علَّق مُمازحا لأبنائه ..
/ لاتشرهون على ابوكم ياعيآل ..
لقى عيشةٍ زينه ماهوب كل مرَّه بتحصل له ..

اردف مُصعب بذوق ..
/ طيب تعال كل يوم هنا تغدَّا وتعشَّا معنا ..
هذا بيتك وحنا عيالك .. وخيرك واجد ..

وكأنمآ راقت له الفكره كثيرآ ..
ستكون تمهيدآ لمآ هو آت ..
/ والله انك جبتها .. خلاص احسبو حسابي معكم كل يوم ..
وتراي شاايب مايغطني النوم الا بعشآ ..
حركآت حلا وفطاير وشبعنآ ماتمشي عندي ..
.. بكره قولو لامكم تسوي لي مرقوق ..
من زمآن مشتهيه .. ولآتحط لحم مثلج بجيب طآزج ..
وترا اليوم سمحنآ لهآ ومن بكره سفرتنآ وحده الآ لاصآر عمَّكم موجود ..

.. استرخى قليلآ بعد العشاء ..
واستأذن بعد ان أحس بالخدر والنُّعاس يدآعب جفنيه بعد هذه التُّخمه التي لم يفعلهآ منذ أمد ..


.. في الغدْ نبَّه اكثر منْ مره على مُصعب الاَّ يخرج من المكتب قبل الـ 1 مسآءآ ..
بينمآ هو خرج في الـ 11 صبآحا ..
.. احضرمؤونة البيت من فاكهه وخضآر وذبيحه بالاضآفه*
لكمآليَّات اُخرى ..
.. اتَّجه لمدرسة الشيهآن قبل وقتَ خُروجهآ بدقآئق ..
.. اتَّصل بهآ ليأمرهآ بأنَّه في انتظآرها في الخارج ..
سألته بربكه وخوف وتوتر ..*
/ عيااالي فيهم شي ...!
مصعب جايه حادث ..!
ابوووي والا امي صاير عليهم شي ...!
حلفتك بالله قولي وش فيهم ....!

.. لم يأخذ ويُعطي كثيرا .. اجابها ..
/ تعوذي من ابليس يابنت الحلآل
كلهم بخير ..*
بس انا بغيتك في شي ضروري مايحتمل التأجيل ..
يالله انا برآ انتظرك ..

.. لازال قلبهآ يرجف ..
الامر ليس بتلك السُّهوله ..
لآبُد انه يخفي فآجعة مآ ..
يداهآ تنتفض والغطاء يسقط منهآ كُلَّما التقطته ولم تستطع ان تلبسه بالشَّكل الصحيح ..

.. تُحس بثقل في قدميهآ ..
تكآد تجثُو على رُكبتيهآ منْ الخوْف ..
.. استوت بجآنبه بعدَ ان فتح لهآ باب الرَّاكب الامآمي وهو في مقعده لم ينزل ..
/ نظرت لعينيه مُبآشره تُريَد ان تستشِف منهآ ايُّ المصآئب قآدم ..!

.. ضحك قليلآ وهو يُدير مُحرِّرك سيَّارته بِخُيلآء .. وباسترسآل ..
/ والله كل الشعب اللي يهمونك بخير وطيبين ..
بس انا عزمت راجح على الغدا*
وقلت امر اجيبك تجهزينه بدري ..
ابي الساعه 2 وهو ع السفره ..

.. ابي غدآ يبيض الوجه مثل عشآك امس ..
اطبخي اللحم مفطح لاتقطعينه و ......
واسترسل في توجيهآته وكأنَّهمآ زوجين طبيعين ..

بينمآ هي لمْ تُجبْ من هولِ الصَّدمه ..
فتحت حقيبتهآ وتنآولت عُلبة المآء الفآتر لًتفرِغَهآ في جوفهآ ..
علَّ هذه الآجهزه الَّتي اعلنتْ الاستنفآر في جسدهآ تهدأ ..

عآجزه عن كُل شيء ..
.. عنْ الكلآم وعن الغضب واللوم والعتآب وحتَّى الصُّراخ ..

.. ارخت جسدهآ على المقعد خلفهآ
وهيَ تُصآرع نوبآت الآغمآء بمقآومه ..
وطنين في اُذنيهآ يكآد يصيبهآ بالصَّمم ..
اغلقتْ عينآهآ باستسلآم بعد انْ بآتتْ لآترى سوى دوائر ملوونه وظلآم دآمس ..


.. اردف بهذيآن .. ولم يلتفت بعد لهآ ..
/ وبعد الغدآ الرَّجال يبي يشوف وسم
حاولي تفهمينهآ تركد وتعقل ..
ولاتدري انَّه بيشوفهآ .. فهمتي ..


لم تكن المدرسه بذآت البعد عن المنزل ..
ظنَّ سكُوتهآ مآهو الاَّ مُقدمه لثورآنها ..
او اعلآن العًصيآن عن تصرفَّه معهآ ..
وصلآ الى المنزل ونزل قبلهآ ..
خطوآت فقط والتفت لهآ ..
لم تلحق به ...!
وعلى ذآت الوضعيه لم تتغير ..!
رأسهآ مآئل لليمين قليلآ وجسدهآ مرتخي برآحه ..
اتٌَجه لهآ مُستغربآ وتخمينآت تطرأ على عقله ...
مآ ان فتح البآب الموآلي لهآ وهزَّهآ ليوقضهآ حتَّى سقطت باتجآهه بثقل ..
تلقَّفهآ بخوف على صدره كي لآتقع .. حملهآ واتَّجه بهآ نحو سآحة البيت ..!

وضعهآ على اقرب اريكه وهو يُبعد غطآئها كي تتنفس برآحه ..




____ تابعوني مع الشيهآنه وصقَّآرها _____

أتوقع ان شرف بينصدم من تغير ملامح شيهانه ونضوجها وبيكون هذا إصرار له لترجع له واتوقع خطيب بنته بيعجب فيها وبيغير نظرته لها وبيصر علي الزواج منها وبارت رائع الله يعطيكي العافيه ودمتي

آآآآآآآآآآوويلي على القفله


هههههههههه شرف راح فيها راح فيها

اتوقع انها مغمي عليها اغما بسييييييييييط جدن وراح تقوم بالسلامه وتشوف نفسها في حضن شرف


راجح مو مرتاحه له


نجلاءءء عوبه بس فهد راح يكون ند لها


وبالانتظار الخميسس الجاي <<<ما ابعده

اي صح يعطيك العافيه