( 5 )


.. انقطعتْ آنفآسُهآ خلفَ غِطآئهآ السَّميك ..*يدآها تتعرَّق قهرآ وخجلآ و غضبآ ..
.. كآنت ستجلس دونَ انْ تُلقي السَّلآم على آبيهآ .. فقدمآها لمْ تعُدْ تحمِلُهآ .. وتخْشى انْ تقع امآمهُم ..
.. لكنَّ ابيهآ الحنُونْ وكأنَّمآ قلبه ينآجي قلبهآ وقفَ بِرحمه ولمْ يتوانى عنْ حثِّ خطآه لهآ ..
ليركع قليلآ لـِيُقبِّل رأسهآ ..
جفلتْ من فِعل والدها وحآولت النُّهوض وهي تدفعه من صدره لتمنعَه منْ الانحآء لهآ ..*
جلسَ بِقُربهآ ممسكآ ليدهآ ليبُثَّ لهآ الطمأنينه والتأييد ..

.. آخذتْ تجِذب انفآسها قليلآ مُحآولةً استعآدة توآزنَ ضربآت قلبهآ واُكسُجينُهآ ..وتجمع شتآتَ فكرهآ ..*
.. كيف اتته الجُرأه و الثِّقه لِيفعل مآ فعل ..!
وكأنه بالامسْ القَريبْ غآئبا عنهآ رغمآ عنه وعآد ..*
.. منْ اعطآه حقَّ الآقترآب منهآ ومسْ كفهآ ..!
.. لولآ تقَديرهآ لحضُور والدهآ ووجُود ابنآئهآ لعرَّفته منزِلتِه منهآ ..
..ابن عمٍ فقط .. ومنْ اطرآفِ ابنآء العُمومة ايضآ .. شأنه شأنْ اخوآه فهد و محمد ..


.. امَّآ هُو فـ مُغتآضٌ جدَّآ .. جدَّآ جدَّآ ..
.. مآهذآ السَّوآد وتِلكَ الآكفآن السُّمر الَّتي تحْتجِب بهآ عنه ...!
.. وكأنَّهآ تفرِضُ رأيهآ و تُمْلي عليه قرآرهآ انْ شآء امْ أبى ...
.. وليسَ لهُ حقَّ الخيآر او حتَّى التَّفآوُض .. فـ هيئتهآ تِلك تُقْرًئه جَوآبهآ ..
... لكنْ هيهآت هيهآتْ ان تهْزًمهُ بِحِيلِ و مكآئد نُونِ النِّسوة تلك ..
.. وردُّه عليْهآ بالفعل وليسَ بالقُول ...
.. احْتضنَ كفَّهآ بشِدَّه لِيؤكَّد لهآ انْ لآشيء يحُول بينه و بينهآ ..
قبَّل رأسهآ وأحنآهُ نحو شفتيه .. لِيُثبتَ احقًّيته بهآ وانْ لآصُعُوبه في خضُوع هذآ الرَّأس لمآيُريد ..
.. يُسلِّطُ نظرآته الحآدَّه تجآههآ .. يرْقُبُ حركآتهآ و سكنآتِهآ ..
.. هذآ الأب هو منْ اَورَّثهآ ذيلَ الطآؤوس لتختآل به عليه ..*
.. هو منْ آمدَّهآ بجيوش منْ الدَّعم والمُسآنده لتتبطَّر على الخلآئق امثآله ..
.. هوَ من جعلهآ اميره رغَم انْفِ من رضيَ ومنْ لم يرضى ..


.. آمر مُصعب بِنبرة الوآثق ..*
خذْ اخُوك ودخلُ الآغرآض اللي في الحُوش دآخل ..
لآيجي احد ويشُوفهآ ..
.. فهِم مُصعب مُرآد ابيه .. فـ لآيريدهُمآ في تلك الجلسه ..
امَّآ مُثنّى فقد نهضَ بِحمآس والفرحه تمْلأ جنْبيه ..

.. احضرتْ وسم القهْوه لتضعهآ على مهل وتُسلِّم ومًن ثمَّ تجلس بجآنب والدهآ مُتحدًّيةً والدتهآ بحضور ابيهآ ..
همستْ له بتأكيد ..
*/ تراك وعدتني مآتطلع اُمي ..
.. عضَّ ع شفتيه بآبتسآمه ..
وهو يُشير لانفه بذات الهمس ..
*/ على هالخشم ..
لو اقفل عليهآ بالمفتآح مآخليهآ تتركم وتترك بيتهآ ..
بس الحين روحي رتبي الاغراض اللي برى محلهآ ..
.. نظرتْ لوالدتهآ وخرجتْ وهي تمشي على اطرآف قدميهآ منَ الحبُور ..

.. نهض بخفه .. ليحملَ القهوه والآقدآح كُلٌّ في كفَّه ..
سكبَ فنجآنآ ونآوله عمه .. وآخر نآوله لهآ ..
مُحرجآ ايآهآ .. ف انْ تنآولته منْ كفًّه وانْ رفضتْ كلآهُمآ لآيصح ..
همستْ بًبُحه وحيآء ..
/ هآتها اصُبهآ عنك .. الله يعطيك العآفيه ..

والفنجآن لآيزال بيده .. اردفَ مُعلِّقآ ..
/ القهوه من يد آبو مصعب غير ..
ولآهوب بالعآده يقهوي الآ كل غالي ..

تنآولته برعشه .. فقط تُريد اسْكآت غزلِه السَّمْج ..
الَّذي يُلقيه في غيرً محلًّه .. ودُون مرآعآه للضُروف و الآحوآل ..
.. عآد ادرآجه وجلسَ برآحه وهو يُوجه حديثه لـ عمه مُتجآهلآ ايآها ..
/ يآعم .. انآ ابي ام عيآلي وعيآلي قبل البيت ..
والبيت بدونهم مآلي حاجه فيه ..
مآظن في اللي ابيه عيب والآ حرام والآ منقود .. وش رايك ياعم ..

كانت سـ تتكلم بعد انْ عاودت ضربآت قلبهآ النبضَ بِقُوه ..
.. لكن والدهآ تكلم قبلهآ ..
/ هذي الشِّيهآنه قدَّامك .. اللي تآمر به انآ معها فيه ..
شورهآ بيدهآ واللي تقوله نآفذ ..


رفع حآجبه بِسُخريه ..
وجلسَ مُتبجِّحآ ينتظر مآستُغرِّد به بعدَ هذه الامدآدآت المعْنويه المُنقطعة النَّظير ..
.. مُدلَّلـــــه كثيرآ .. واُعطيت ثقةً بلآحدود ..
ولنْ يتوآنى ان يستعمِل معهآ اي وسيله مهمآ كآنت لِيصل لغآيته و مُبتغآه ..

.. تكملت بعد انْ اعآد اليهآ والدهآ الشَّيء الكثير منْ ثقتهآ و هُدوئهآ ..
/ لو تبي البيت هو حقك وحلالك ..
وما طلبت الا اقل من حقك ..
سنين وانت مخليه لنا كثر الله خيرك ..

قاطعها ...
/ قلت قبل البيت من غيركم ما ابيه ..
العيال يبونك تجلسين في البيت مثل ماكنتي ..

اكملت بذآت الهدوء ..
/ لو جلست فيه اجلس بشرووطي ..
اذا قبلت فيها اجلس مع عيالك مثل مايبون وا...

فجأه وكأنمآ شيطآن مرِيد قَدْ تلبسه وبطرفة عين اصبح مُقآبلآ لهآ خآفضا وجهه المُحمر بغضب لوجههآ البآرد ...
.. ارتدَّت للخلف قليلآ .. فـ المسآفه الفآصله بينهمآ اقلّْ منَ القلِيل بكثير ..
وانفآسهُ الغآضبه تِحرِّك غِطآء وجههآ لِقُربه ..
جحضَتْ عينآه مُستفسرآ بآنتقآد ...

/ شرووووط ....!
اناااا تشرطين علي ....!
انا قلت قولي اللي بخاطرك وارضيك ماهوب تشرطين كني طرار على بابك ..!
.. ليه ... منيب رجال حتى تشرَّط علي حرمه وهي حاطه رجل على رجل وتومر علي ..!


انكمشتْ قليلآ وهبَّ ابيهآ واقفآ ..
تلَّه مِنَ كُمِّه وابعده بانفعآل ..*
يُريد آخآفة شيهآنته لِيُرغم آنفهآ على مُرآده ..
.. هتف بهِ عمَّه مُعنفآ ..
/ وش فيك انت .. انهبلت ..!
مابعد قالت شي ونطيت في حلقها .. اجل لو طلبت وش بتسوي بها ..!
بتاكلها وقدام عيني بعد ....!


.. استوى وآقفآ وهوَ يمسحْ على جبينه و رقبته بكفه ..
.. عآد لِمقعده ببرُود ظآهري ..
نظر اليهآ نظْره مُرعِبه حآده تُزلزلْ البدنْ .. لكنْ ليسَ بدنُهآ ..
فـ والدهآ مآدام درْعآ لهآ فـ ليضْرب بنظرآته عرضَ الحآئط ..*
لن تترآجع ولنْ تذِل له .. ورغمَ رعشتهآ حقيقةً*
الآ انَّ تلكَ النَّظرآت المُتوعِّده لنْ تُثنيهآ عنْ عزآئمهآ ..
.. اطبقتْ بكفيهآ كيْ لآيلحظَ تأثيرَ نظرآته الثَّآقبه عليهآ ..
.. تكلَّمت بـ رويَّه ...
/ انت جآي تفآهم معي على حسب مآقالو لي ..
والآ جاي تبي تمشّْي كلآمك والسَّلام وغصب عنكم اسمعوه ونفذوه ...!

.. لحضآت صمتْ لمْ يُجب على حديثهآ المُنتقد ..
.. وهذه عآدته حينَ يُريد قلبَ الطَّآوله على خصمه ..
.. يُطيل الصَّمت ويتريَّث بالآجابه حتَّى يمُهل عقله لِيجد منفذ او حُجةً دآمغه..

.. بعدَ بُرهه اجآب وهوَ مسترخي قليلآ ..
/ وش عندك .. اي شي غير طلعتك منْ البيت وطلعتي منه قوليه ...
.. هذآ خط آحمر .. مآ اقبل النِّقآش فيه ..

وقفتْ بِحدَّه ..
/ مآ استفدنآ شي .. حنا جايين نتنآقش في هالنُّقطه بالذآت ..
واحد منآ لازم يترك البيت .. وانت تركته سنين
والف مره اقولك مآقصرت .. الحين جآ دوري انآ اللي اطلع ..

وقفَ مقآبلآ لهآ .. وبآنفعآل يُضآهي انفعآلهآ ..وبصوتٍ مكتوم منْ بين اسنآنه ..*
/ والله لو تطلعين للثريَّآ وتنزلين سآبع قآع مآتطولين اللي تبين ..
وآشآر باصبعه على رآسهآ بِمُلآمسه .. لِيُكمل ..
/ ويبآس هالرَّآس دوآه عندي ..
سنين وانتي تلآعبين ريشة رآسك لين كُبر ..
وآنا اللي بردّه لحجْمه وآعرّفه قدره ..

وكآنه ليس موجود معْهُمآ ..
فغيضُهمآ حجب الرؤيه عنْ وجوده بينهمآ ..
صرخَ ابيهآ مُتوسلآ .. فـ هو شيْخ لآطآقة له بجدآل هذآن العنيدآن ..
وارضآئهمآ مُحآل .. كُلٌّ يرى الحقَّ معه وله ..


.. امسكَ ابيهآ يدهآ بعد انْ فرِغ صبره ..
/ شيهآنه امشي معي ..
بُكره يجي لم بيتنآ ويتفاهم معي انا وعقاب ..
واللي يكتب ربي بيصير ...

.. اطبق بِكفه على زنْدهآ بقوَّه تفُوق قوة ابيهآ اضعآف مُضآعفه .. وبصرامه ..
/ وعزة الله وجلآله ماتطلع من هالبيت لو على رقبتي ..
.. لاتحدوني على اقصآي تشوفون شي مآيرضيكم ..
.. وبنظره لهآ .. شيهآن لآتخلينِّي اورِّيك وجهي الثَّآني بأعز عزيز تغلينه ..

.. تعْرًف جيدآ مدآه الَّذي وصل اليه ..
وانَّ الضَّرر سيقعَ على كآهل ابيهآ قبلهآ ..
وانَّ عنآدهآ الآن سَيُخلِّف قطيعه لآوصآل بعدهآ بينه وبينَ ابيهآ الذي ربَّآه ..
وتعلمُ يقينآ كم سيكونُ ذلك صآدمآ لابيهآ حآرقآ لِجُوفه ..
فـ ابيهآ رغم كُلِّ شيء يُجلّه كثيرآ ويعتبره عضدً له .. امَّا هو ..*
.. فـ حين التَّحدي وامُور العنآد قدْ يُصبح انسآنآ أرعنْ بلآ مشآعر ..
مُتهوِّر بجنُووون ..
يُحرق الاخضرَ واليآبس ..
وكأنَّ به يقول ( عليَّ وعلى اعدائي ) ..
وقفتْ وهي تُفلت جسدهآ من كليهِمآ ..
وبِـ خُضوُعٍ مُبرَّر .. تلكأتْ ..
/ آنا خلاص بجلس ببيتي .. منيب طآلعه لكن انت ...
حدّك مثل قبل .. المجالس والحوش وملحق اخوك ..
يعني لاتأمل تجي تعيش هنآ بيوم والآ طلعت غصب عن الراضي والزعلآن ..


.. ابتسم وانفآسه لآهثه وهو يغْمز لهآ بِخفَّه ..
/ تعرفيني صح انتي ..
مآحد يفهمني كثرك ..

.. قبّل رأس ابيهآ وكأنّمآ قد استُبدل برجل آخر ..
/ سمعت يآعمي باذنك .. ماتبي تطلع من بيتهآ
تعآل نتقهوى *ونتعشى وندحر ابليس ..*
وحنا اهل مهمآ صار ..*

.. نظر لآبنته يُريد منهآ تعليقآ ..*
لتنحني عليه بهمس ...
/ خلاص بكيفه هو الخسران ..
بجلس ببيته ببلآش وهو مثل الضيف ..
يجي ساعه والا ساعتين ويتوكل ..
وورقته والله لو يعطيني اياها بيدي الحين مآهمتني ..ولآعاد ابيهآ ..*
.. لآ تخاف على الشيهآنه ..*
هزَّ رأسه بتعب .. وهو ينظُر لسآعته ذآت العدسه المُكبّـره ..
/ اجل بروح يابوك ... تأخرت ..
عيالك عندك وبيتي قريب ..
ان بغيتي شي جوالي مفتوح *..
وبكره بجي اتقهوى عندك واخذ العلوم ..

.. امسك بكف عمه مُقآطعا لحديثهمآ
/ تبي المسرآ ي عمي اخذك معي في طريقي ..
.. انا طآلع على كل حآل ودربك معي ..

.. اشار عمه بعتب ..
/ حمدلله اسوق لهالحين ..
مابعد طحت من حيلي ..

.. خرجت الشيهآن مودعة لابيهآ*
وهو عآد لِيكمل قهوته مع ابنآئه وبنآته ..
وفي قرآرة نفسه شيءٌ مآ يُخفيه ..
تظُنُّ هي وابيهآ انَّ الامُور انتهتْ بأن عآدت كمآ السَّابق ..
وانه رضي بنفيه مُقآبل بقآئهآ ..*
.. آشتعل الخُبث في عينيه .. وهو يوسوس لنفسه بـ انَّ هذآ بدآية المُشوآر ..
وقريبآ سيقطع كُل المسآفآت اليهآ ..


.. كآنتْ ستدُخل .. تحتآج لحمَّآمٍ مُنعش بعدَ هذه المعرگه .. ولكن وسمْ امسكت بهآ ..
/ ابوي يقول ابيك دقايق في موضوع مُهم قبل يطلع ..

توعَّدتهآ بنظره خآطفه .. تعلمُ انَّ لـ وسم يدٌ في امرهآ الذي لآيعنيهآ ..
ستؤدبهآ عن التَّدخُّل في شُؤون غيرهآ وشأنهآ هي بالذَّات ..
.. لآ تُريد انْ تسخر منه آمام احدِ ابنآئه ..
لكنَّهآ علَّقت في نفسهآ مُتهكًّمه ..
/ هه الله ومواضيع ابوك هالمُهمه ..
مسوي زحمه والطّْريق فآضي ..

لكنَّهآ اجابت ابنتهآ بٌتذمُّر لم تلْحظه وسم ..
/ روحي قبلي وانا جآيه وراك ..

وبالفعل .. دقآئق قليله حتَّى عادت له ..
وبرسميه منْ خلفً جلبآبهآ المُسرف في السَّتر ..
/ خير ان شاء الله يآبو مصعب ..!
بغيتني في شي ..!

.. أجآل بصره عليهآ وآشار بيده لتجلس ..*
وبلآ مقدّمآت ..
/ سمو جآ لهآ نصيب ..
وانآ سألت عنه .. من كذآ مصدر وكلهم زكُّوه ومدحو فيه ..
.. ويبي يتقدم رسمي ..
( وسرد لهآ كل مآجمعه من معلومات عنه .. عدا بعض النقاط التي اهملهآ عمدا )*

متفاجأه بالفعل ..*
لكنهآ بتأني اجابته ..
/ مدام الكل مدح فيه .. هذي بنتك قدامك ..*
خذ رايها وتستخير .. والله يكتب اللي فيه الخير ..

.. لم تمهلهم سمو .. بل على الفور اجابت ..
/ اناااا مابي اتزوج الحين ..
بكمل دراستي اول .. ثم افكر ..

التفت لهآ والدها ..
/ باقي عليك سنتين ع الاقل وتخرجين ..
والرجال ماهوب منتظر وهو جاهز من كل شي ..
.. تتزوجين وتكملين دراستك وش المانع ..!
هذي امك تزوجت وهي تدرس وكملت وتخرجت وتوظفت ولاضرها شي ..


حركت الشيهآنه شفتيهآ بسُخريه من خلفِ غطائهآ .. بصمتْ ..*
*/هه ايه مررره ماضر امهآ شي من عرسهآ وهي صغيره ...


.. اجآبت سمُو برجآء ..
/ تكفى يبه .. لاتجبرني ع شي مآ ابيه
انآ مقتنعه كذآ ومخططه عليه ..

اردفت والدتهآ بعفويه *..
/ لآ ابوك مآهوب جآبرك ولآ بيغصبك*
هو بس يبي يقنعك او تقنعينه ..
والرآي الآول والآخير لك طبعآ ...

.. علَّقَ شرف بتقصُّد ..
/ البنت اللي مآتعرف مصلحتهآ وين لآزم ابوهآ يوجههآ لهآ ..
مهوب يمشي ورى رآيهآ لو انه غلط ..
ولو آجبرهآ بتزعل يومين وبُكره تدعي له ..

رمشت سمُو بعبره ..
/ يعني كيف ..!
بالغصب اخذه ..!

شرف بهدوء ..
/ للحين .. بكره بقآبله واشوف وش ورآه ..
يعني مقآبلتي له بتحدد كل شي ..

خرجت سمُو باندفآع وعينآها مُغْروْرِقه بالدمع ..
.. ووقف شرف ببرود ..
/ اكرمكم الله .. يالله ياعيال غيرو ثيابكم
عمكم محمد عازمنا ع العشآ ..
بطلع لعمكم فهد لين تخلصون ..

.. اتجه لفهد المُنهمك فـ كلتآ يدآه تعمل بعبث *..
.. احدآهما تُقلب قنوآت التلفآز قليلآ .. والآُخرى تعبث بهآتفه ..
وباطرآف قدمه يتنآول الاشيآء البعيده ..
.. لمْ ينتبه لطرقآت شرف ع البآب ليُنبهه ..
/ هيييييييه ي وووووولد ..
منتب صآحي ..!
كل ذا ولآسمعتني ..!


وقف بـسرعه وهو يلُقي جميع مآبيدآه ..
ويقبل انفه وجبينه ..
/ هلاا ابو مصعب ما انتبهت ..

.. جلس شرف وهو يتأمل مآحوله ..
وش هالوصخ ...!*
وين الشغاله والبنآت وامهم مآينظفون مكآنك ..

اجآب متعذرآ بضحكه ..
/ ههههه والله المغرب وهي ورده ..

بس جلست هنا كم سآعه قلبتهآ مزبله ..
.. وحك حاجبه بحرج .. وهو يحآول ترتيب الفوضى من حولِه ..

.. نهره شرف بغضب ..
فـ مزاجه المُتقلب اليوم لفهد نصيب منه ايضآ ..
/ تعااال اقعد ..
معجبك وضعك كذاا ..!
تحسبك بزر تحتري عمرك تعقل ..
اللي كبرك عيالهم يسوقون به ..

ترا مابينك وبين محمد الا 3 سنوات بس ..
وشف ماشاء الله عياله كم ..!
ومابيني وبينك الا اقل من 7 سنوات .. وولدي حمد لله اطول مني ولو ابي زوجته الحين ..
وبنتي هذا متقدم لها عريس وقريب بصير جد ..
وانت مكانك سر .. لاولد ولآتلد ..

يعلمُ انَّ كلآمه مُوجع لاخيه ..
لكنه بالفعل يُريد ان يوجعه لِيسلك مسآلك الرِّجال ..
ويتَّخذ لهُ زوجه ويُرزق بالولد ..
ذهبَ عُمره هبآء ولم يعُد اللين ينفع معه ..
بلْ لو اضطر لأكرآهه سيفعل ..

كآن فهد سيقلب الموضوع لـسُخريه كالعآده
ويجد له مخرج .. لكن جدية شرف هذه المره*
وشدته ومزآجه الغير رآئق اجبره ع الصمت ..
ف لااعذار لديه يفهمهآ شرف ..
يصعُب عليه الشرح .. ويعلم ان شرف لن يتقبّل اعذاره .. وسينظر لها بانها حُجج وآهيه ..

.. اكمل شرف بحزم بعد اطرآق فهد ..
/ بكره نخطب لك نجلآ ..
بكيفك والا غصب عنك ...

.. خرج من صمته بانفعآل شديد ..
وهو يخرج تاركآ كل شيء خلفه وحتئ هآتفه ..
موجهآ حديثآ غاضبا بلاا مرآعاه لهيبة اخيه الكبير ..
/ لانجلآ ولاغيرهااا ..
منيب بزر امشي ع كيفك ..
ونجلا بالذاات لو بعد مية سنه مانيب ماخذها ..
قال مآيُريد وابتعد بخُطوات اقرب مآتكون للجري ..
في حين نهض خلفه شرف وبصووت واثق جهوري اقرب للصُّراخ ..
/ من ورى خشمك .. موضوعك بينتهي هالاسبوع ..
من نجلاا والا من غيرهآ ..
وابن اُمك تتكلم بحرف .....!



______ تابعوني مع الشيهآنه و صقآرهآ ______

السلام عليكم...

هتووونه ماعليتس من الحريم شرف هذااا جاااي على كيفنا بهالقصه حتى لو الكاتبه ضده حنا معه ويلك ياللي تعادينا ياويلك ويل..هه

طيوووبه لا تشيلين همنا يااا المعجبات بشرف وماراح نكرهه بس انتي خليه يسوي اللي pنا نبي وابشري بمايسر خاطرتس..هخهخهه

لكن انا اتفق معاتس انه كشخصية روائيه ماده راائعه ومليانه احداث ولو كان واقع مستحييل نهضمه..

ونجي الحين للشرف وشيهانته : تبين الصدق شيهانه طلعتي ذروووق اجل هذا سبب تجلسين معه عشانه ..خايفه على ابوتس منه وهو اللي مربيه ؟؟ ماخذتي بيده غلوووه الا وانتي منفذه اللي يبي.. يااويلنا بكره بيقول الحرمه اللي تنام وزوجها زعلان عليها تلعنها الملائكه وماندري الا وانتي ناطه بفراشه ..هخهخهخهخه
اسمعي عاد انتس تجلسين بالبيت معه هذا هوالمطلوب وماراح ادقق بسبب جلوستس بس الاكيد اني ابيتس تلوووعين قلبه وتحرقين فوااده لييين يمشي ويكلم نفسه.. وواثقه ان شرف بيشوفتس بدون حائط الصد اللي انتي مهووله عمرتس فيه ولابسته بوقت بيكون شكلتس قمه على قمه وفووق قمه وهنا بيموووووت من الاعجاب>>فيس دخل جوووو بالقصه..هع

شرف : مهبول انت تهدد الحرمه؟ تبي عاد الصدق لايغرك كلامي اللي فوق و وقفتي معك والتزامي باني اكون من المدافعين عنك لما تقتضيه المصلحه العامه ومصلحتنا الخاصه .لكن تبي الصدق انت وقح وماتستحي على وجهك .. اييييييه وش عندك لا تناظر فيني كذااااا . تراني صادقه .. اجل الحرمه تاركها هالسنين كلها وحارق قلبها وقاهرها وجاي تبيها تنسى اللي انتي مهببه بيوم وليله؟؟ بالله عليك انت صادق بهالشي؟؟ وقال ايش امتس ماضرها شي.. اذا هاللي صار لها كل هالسنين مهوب ضرر وش الضرر اجل عندك يا بطلنا الغالي..>>فيس يبتسم وكنه يقول كل مايجي منك حلو ياحلو..هخهخهخه
المهم عاد راجح ولقائك فيه اتوقع انك ماراح ترتاح له..؟؟ انا شخصيا مو مرتاحه له وانا مابعد شفت ولد الحلال يمكن يكون قشر مني وسماجه لكن الصدق اني ما ارتحت له .هذا اولا وثااانيااااااا مدري ليش الحين خطر في بالي خااااطر ان هالراجح له علاقه بفوز ..سواء من قريب او بعديد بس يمكن يصير من معارفها او له علاقه فيها ؟

فـــهــــد : اعقااااااااص >> فيس الشيخ مصقال..هع.. اثر فيه نجلا صدق؟؟ وانا احسبهم يضحكون عليك ؟ وش هالنجلا اللي صابره كل هالسنين وللحين ماتزوجت تنتظر فهودي على حصانه؟؟؟ وليه ماخطبتها من اول اجل؟؟؟ والا خطبتها وهي رفضت بس انت حاجر عليها؟؟ اممممم.. لا ما اعتقد نك محجر عليها ؟ ويمكن اصلا تكون نجلا هذي صغيره مرره بالسن يعني يمكن تكون اصغر منك بخمس طعش سنه وهي من بنات عمانك؟؟
امممم اللي لخبطني الحين هو رفضك انت لنجلااا .. نجلا هذي يا انها اصغر منك وانت رافض انك تتزوجها لانها صغيره او هي كانت من اصلا مسميه لك بس القضيه اللي صارت لخبطت كل موضوعك.. ويمكن هي تزوجت وتطلقت .. والحين بيرجعون يخطبونها لك؟؟؟؟ مع اني ما اتوقع انك تتزوج وحده مطلقه؟
سالفتك مع هالنجلا فيها شي غريب .والله انك رجالن تهبل بس مدري وش مشكلتك ؟؟

طيووووبه تسلم الاياااادي يااعسل.. ولاتتاخرين علينا بالجزء الجاي... نبي نشوف الصقر وش الطرق اللي بيستخدمها مع الشيهانه عشان تنخ له.. واتووقع انه بيخلي موضوع سمووو مسمار جحا كل شوي بيجي لامها يقول الرجال فيه ومافيه..بس هي بتكون لاابسه كاامل حائط الصد وبتلووع بقلبه وهذا هو عز الطلب..هع

دمتي بود.

السلااااااااااااام عليييكم


هتووووووووووونه يالبي قلبتس من وصلتني الدعوة قلت بشوف اول جزء والباقي بعدين بس ماحسيت بنفسي الا وانا بالجزء الخامس ههههههههههه

ماشاءالله عليتس تعرفين ذوقناا ياأم الذوووق ..

نجي للشيهاانه وشريف مكه هههه .. الحين ماغااضني الا بروووود هالشررف يعني 14 سنه عمرررر موب هين

وشلون طاااوعك قلبك كل هالسنييين تتركهاا .. تدري اللي بيسمع قصتكم بيقول محطوط له سحر ويوم انفك جاااهم يهروول خخخخ

بس والله كسرت خااطري من اللي شفته من زوجتك فوز الحمد لله الذي عافانا مما ابتلاها به .. بس والله قهر الرجااال شي موووجع والرسول متعوذ منه .. الله يكفينا اياهاا

اتوقع لو الشيهانه تدري بالمصايب اللي جت على راسك بتوقف جنبك وبتوااسيك خاصه ان فوز ماتت الله يستر علينا وعلى المسلمين ..

واذا شرف غلط فكلنا معرضييين للغلط لكن خير الخطائين التوابين ..

ومن وجهة نظري غلطتك موب بزواجك من الثانيه .. الغلطه الاكبر تركك لزوجتك معلقه كل هالسنييين ..


نجي ل[COLOR="rgb(178, 34, 34)"]لشيهااانه .. انا معك بكل شييييييييي وماألومك لو تشرطتي من هنا لهناااك ..سنواات العمر لرااحت ماتتعوض

بس لجل عين تكرم مدينه .. ولجل عيالك وابوك اكيد بتضحين .. والانسانه العاقله وانا اختس مالهاا الا بيتهاا وعيالها

تدرين وش توقعت شرطتس ان شرف يجلس بالملحق مكان فهد .. بس كلامتس يفي بالغرض هههه

انتي بس عطي سدااح فرصه ههههه والوعد طااوله الاكل ..هههه احس شرف بيصير لزقه بكل وجبه بيجي وينط لهم

ومع ضغط بناتك وعيالك بترضخين وبتقولين ناكل سواء علشان الترابط الاسري ههههه وانا هناا بقولك كفيتي ووفيتي

بس خلي الباقي لشرفرف هو اللي عجن العجينه وهو اللي يخبزهاا واحناا عليناا ناكل منهاا باستمتاااااع ههههههههه


[COLOR="rgb(178, 34, 34)"] المثنى[/COLOR] هالولد رحمممته احسه الوحيييد اللي ضااايع بينكم ومااحد حاس فيه .. واحسه حبل الوصل بينكم بعد


[COLOR="rgb(178, 34, 34)"]فهد والنجلاء[/COLOR] والله على بالي ان بنت اخووك يوم قالت النجلا يعني اي

حرمه تجي وتستتك في بيتك هههههه مااتوقعت انه اسمهاا ...

عموماا احساسي ان لك يد بسالفه فوووز ..لان القضيه اللي عليك كانت قضيه اخلاقيه ..>>توقع موب بمحله ادري هههه

واتوقع كان عمرك 19 او 20 سنه بذيك الحادثه لان بينك وبين اخوك 7 مدري 6 سنوات واخوك كان عمره 26 سنه

او ان عدو اخوك كان بيورطك علشاان تكون انت وفوز القشه التي قصمت ظهر البعير .. بس ماقدر عليك وما لقوا عليك شي

او بمعنى كاان مجرد اتهام لاغير .. المهم ان سالفه فوووز ماراح تموووت يعني بيكون لهاا جذوور .. وبتطلع للعيااان سواء

منك او من غيييرك


طيوووبه .. تسلم الاياادي .. وبانتظار الشيهانه وصقارهاا .. والاكشن اللي بيبدع فيه شرفرف خخخخخ

هتوووووووونه ..

مشكووووووووره ياقلب على الدعوووه وهذا انا وماما جينا بقهوتناا حياااكم ..ههههههه

ماماااتي ..

نووورتي يابعدي .. ابد مالتس الا اللي يسر خااطرتس من ناحيه شررف >> فيس الكاتبه خخخخخ








[/COLOR]

السلام عليكم
يعطيك العافيه طيوبه على هالجمال والإبداع ولو أنك مع شريف ومايله له وناصرته على الشيهانه << فيس حاقد على هتونه
وهي حنونه أسكتت زمان لخاطر عيالها واليوم لخاطر أبوها والدم الي بينهم وعارفه مابيروح فيها الا أبوها أنا فداالسنعه بنات ارجال صبوره فديت صابرها المزيون < < انقلبت عجوز
لكن ياشريف لصبر حدود وتنفجر عليك واحذر تحطك في رأسها وانت أدرى بدها الحريم ومكرهم وخبرك جربته قبل
👹👹👹👹
لكن هو قليل المرجله الي ماعنده حشيمه ولا مستحى ويسلم لا مابقي غير تاخذها بالاحضان وتكشف حجابها ويقهوي بعد من زين الخشه ثانيا ليش مايبي مره تامر عليه وتشرط دام انك ارخمه وضيعتها وبدلتها برخيص غصبن عن شورابك ترضى بشروطها وخليها تنفش عليك ذيل الطاؤوس ياذيل .......أخاف أقول كلمه تطيرني نجول بكبري
والي صدمني منه رجل أعمال ورزه وتقولين عنده عقل ومماكسه وشطارة التجار وهو يهاوش بطريقه همجيه وشوارعيه مع احترمي لمعجبينك الي ماشافوا غير شين فعولك<< فيس التعجب والحيره منهم
لاتحدوني على اقصاي و تشوفون شي مآيرضيكم وجهي الثاني
والله انت راعي غنم بثوب مهري ومرقع ويخب عليك
وبعدها تعال يعمي ندحر إبليس حنا أهل وانت ابليس راكبك والي قبل وش كان قسم أنهم نفسيه وخايس ويحوم الكبد
ويغمز لشيهانه ومطيح الميانه ماقلت لكم وجهه مغسول بمرق ياصبر الأرض عليك بس
والله ماستبعد عليه بالليل تلقينه يشيهونه راز الوجه في غرفة نومك وقبلك على السرير بمساعدة عيالك الملقف

وسم جاك الموت ياتراك الصلاه اول خطوه في تسنعها تشيل الشيهانه منها الجوال كل ماصارفي بيتهم شي راحت وقالته لابوها ولاتكلمها شهر لين تعرف ان الله حق وتبطل لاقافه

وسمو مايحقله يجبرها دامها تبي تكمل دراستها وهي صغيره ايش استفادت أمها من الزواج مبكر غير الهم والغبن
وراجح أحسه تعبان وراعي مصايب وماهو حق زواج وبيت راسه تجاره وشغل وجمع فلوس مثل صاحبنا ولا في باله الزواج بعدين مو اهو الي خطب أهله بعد ماتفشلو يبون يرقعون لنفسهم بس بيكون مبسوط من الزواج دام طاح على كنز وسمعت شرف في السوق معروفه وشرف له يتزوج بنته

فهد ونجلا هي يابنت عمه أو خاله وأتوقع انها وحده لزقه قليلت حياء وماصخه و اشك انها أهي الي راسلته على الواتس خخخخخ اسم الله علي ذكيه لا تصكوني بعين


طيوبه تسليمن ويسلم من على الطيب رباك بس نبيك تتركين طيبة قليبك يوم وتورينا خبطه على راس شرف هالمغرور ابسطيني وخليني اتشمت عليه بس مره وحده وبعدين لو تبين رجعيه لشيهانه موافقه ما عندي مانع لو يحب يسلم عليها بدون حجاب ومعها المشفر درجه أولى سلام بخربها
لك كل الود