السلام عليكم


موضوع مهم فعلاً جوليانا .....



بدك الصراحة انا بظن السبب أنا صرنا ثقافة تلقي فقط يعني ناخذ بدون ما نسأل المهم المصدر



بنشتري الماركة و بنقولها بالفم المليان يعني العطر بناخدو عشان ماركة مو عشان ريحتو أو اذا بتناسبنا بس اذا صدف وحدا فتح شنطتي أو سألني يشوف انو أنا واو وذوق وبشتري ماركات


وقيسي على هالشي ثياب , اثاث وغيرووووو........



يعني حتى ثقافاتنا ما عجبتنا الا لما بتجي من بره خدي الشال الفلسطيني من يوم يومنا بنشوفوا على اخواتنا بفلسطين ولافكرنا بيوم نلبسوا لحتى ما بعرف مين برا عمل منو خط موضة وهات الاسواق صارت مليانة فيه ومن كل الاشكال والالوان


يعني المشكلة مشكلة ثقافة انزرعت فينا انو الجودة ما بتجي الا من برا والقيمة الاجتماعية بتتعلق بالقيمة المادية الي ما بتظهرها الا الماركات لأن بها الطريقة انت ما بتشتري الشيئ بس لكن بتفرجي قيمتوا المادية كمان بس بدون بطاقة سعر


نحنا لازم نتعلم ان قيمة الشي بتجي من فائدته الفعلية مو من الفائدة الي بتعتمد على التفاخر الاجتماعي الفاضي



بالأخر بحب قلك طرح مميز ومشكورة لأنك عطيتنينا مساحة نفضفض