السلام عليكم و رحمة الله
صباح الفل

مررحبا روبي ، يسعد كل أوقاتك يا رب
يـــــــــــس ، اول مره اسبق سلافه و احجز قبلها
يا مفاجآتك الحلوه ، ربنا ما يحرمنا منها أبدا :)

وااااااااو عجني الفستانين ، بحب قوي لون فستان الحنه ده بس خوفني الكعب << فيسي المتعقد من الكعب العالي
أوعي علا تقع و هي لابساه ، أما الزفاف فموديلي المفضل
نقش الحنه بقه أنت عارفه انا ضعيفة قدامه ههههههههه و خصوصا علي ايد علا القشطه ، دا كدا مازن عنيه هتزغلل من البياض

الله على الفيديو ، جميييييييل و حبيت الزغاريت في البداية ، عشت جو الحفل و أجواء الزفاف بجد
عند الله لا تموت الأمنيات ، الله الله
لسه مازن بيسأل ! معذور ما هو وقع و لا حد سمي عليه
تسلم ايدكم روبي انت و دودو ، مش شغل هواه أبدا بالعكس ما شاء الله عليكم ، انا واثقه ان لو توفرت إمكانيات اكبر هيطلع منكم تحف فنيه
الأغنية كمان عملت جو جميل لأنها مفضله لدي أساسا

بداية مع غيرة عاصفة و غير مبررة من رندا ، برأيي حين تصل المرأة لهذه المرحلة يكون سببها عدم الثقة في نفسها قبل ان يكون في زوجها ، فحمزه لم يعطها أي مبرر لذلك
الغيرة مطلوبة لكن لو زادت عن الحد اللازم تتحول لقيد يخنق صاحبه و يصح المثل ( من الحب ما قتل )
أتى ردها عليه يحمل حمقا و غباء بصراحة ، أنا لو مكانه مكنتش هقول لها عن مكاني عشان تتعلم تثق فيه

هكذا زادت عن حدها و أصبحت تمتحن صبري ، مالك و مال علا يا ست رندا طبعا واضح انها بتغير منها ، ماذا أقول سوى ان الإنسان يرى الجميع بعين حاله ، ربما كانت تتصرف هي على هذا النحو للإيقاع بحمزه لذلك تظن علا مثلها ، أظن ان القادم سيء لو ظلت على هذا الحال الأعوج
فرق السماء و الأرض بينها و بين منار

هههههههههههه معلش هخرج عن السياق روبي كلما قرأت " عمو عزيز" بفتكر فيلم أين عمري ، و ماجده متألقه و بتقول بصوتها المميز عمو عزيز هههههههه بموت في الفيلم ده

عدنا بعد الفاصل :)
جميل جدا هذا التجمع العائلي و الدفء الذي عوض علا عن أسرتها و أمدها بالدعم و انها ليست وحدها
و أقول لمن يتعجب ان أنجيل أخت علا في الرضاعة ان هذا الشيء عادي جدا و طبيعي ، و قد أحببت هذه الجزئية من روبي لأنها توضح طبيعة مجتمعنا السمح و التعايش بيننا خلاف عن الصورة السلبية التي يحاول البعض إظهارها للخارج
و ليس هذه ما يفرضه المجتمع فحسب بل ديننا الحنيف الذي أباح للمسلم أن يتزوج من الكتابية و تصبح أما حقيقية لأولاده و شريكة لحياته و عليه احترام دينها و أن ييسر لها ممارسة كل تعاليمه
ما تقرءوه هنا هو الواقع الحقيقي و كم أعجبني ان يتم إبرازه من خلال الرواية
طبعا حفلة الحنه و جمعة البنات لا تفوت

اهو كدا هي دي الخيانة و لا بلاش هههههههههه تعرفي يا روبي انا كان ممكن يجرى لي حاجه لو مشفهاش بالفستان ده << فيسي ابو حواجب
صلي على النبي يا عم و كبر في سرك ، هتنش البنت عين تروح فيها ههههههههههههههه

هههههههههههههههه جبتي الأغنية دي منين يا روبي ، يا بنتي دي أسرار متطلعش بره هههههههههههههههه
خلاص بقه ما دام هنقلبها شعبي يبقي " ياللى ع الترعة حوِّد ع المالح
وشوف الحلوه اللي عودها سارح
رجلى بتوجعنى ... من إيه ؟
رجلي بتوجعني من مشي امبارح
ياللى ع الترعة حوِّد ع المالح
راسى بتوجعنى ... من إيه ؟
راسي بتوجعني من لف امبارح
ياللى ع الترعة حوِّد ع المالح
وسطي بيوجعني ... من ايه ؟
وسطي بيوجعني من رقص امبارح
يااللي ع الترعة حود ع المالح
و أدي ام ترتر العلمه كمان احنا عندنا كام علا يعني

ايوه أنا عارفه حركات الأمهات النص كم دي ، فرصه و جت له من السما
لا لا يا سيد مازن الاتفاق اتفاق و انا شاهده عليه ، اثبت كدا و روووق ليلة الزفاف يحلها ربنا

وصفك للمشهد رائع يا روبي ، لقد رايته كامل ، مصائب قوم عند قوم فوائد و لو انها مش مصائب قوي يعني
ههههههههههه اذن كل حلفاؤك خانوك يا ريتشارد
يا كسوفك يا ريتشارد قصدي يا علا
و تختمها لنا الست نانسي الي لا عارفه و لا فاهمه تمام زي علا بالضبط

س سؤال مهم جدا لفيسي الفضولي ، هو مازن نام ازاي و ليه ؟ و دا سؤال خبيث جدا على فكره
طيب خلينا نرجع لورا معاها يمكن نعرف ، انا عن نفسي بقول شربته منوم ههههههههههه

ايوه بداية مبشره جدا ، طلبات سي مازن أوامر ، بيحب الحنه تنقش له حنه ، احم احم بس أنا مشفتش غير النقش الي علي ايدها بس يا روبي ، فين صور الباقي ؟ فيس بريء جدا

لولولولولييييييييي حقل زفاف جميل ألف مبروووك
فين ماما تريز عن مودي ، راح فين تسلط الأمهات دلوقت ؟!!! سبحان الله << فيس بيخبط كف على كف

إيه دا لا طلع فيه منوم و لا نيله يا دي الفضيحه ام جلاجل يا دي الجرسه ام حناجل ، لا لا أنت فاهم غلط دا إحنا صعايده يا عم و التار و لا العار
ربااااب ، انا فاكره انك فضحتى كاسر و جرستيه عشان ساره أتأخرت في الحمل شويه فاكره هااا ، ان كنت ناسي أفكرك
على الأقل ما نامش ليلة الدخله ، يا شماتة ابله ظاظا فيه

طيب معلش نديه فرصه تانيه أهي فرجت ، احنا هنقضيها ذكريات ؟!!!!! ما تقوم يا عم و تصحصح يا دي المصيبه
ضاع الفصل يا ولدي ، عليه العوض و منه العوض مازن ابن المعلم زناتي انهزم يا مينز ههههههههه و حياتك عندي لأجرسه في المنتدى كله ، و البادي اظلم يا ست روبي خخخخخخخخخ ، اه ايون أنا قلبي اسود هه بس

خلينا من عريسنا الى مش نافع و نطير لبيت منار نشوف الشخصيه الي ظهرت جديد دي ، ايه حكايته عم سيف دا كمان ؟ ماله داخل فارد علينا قلوعه كدا ليه و نافش ريشه!!!
لا أقف عوج و أتكلم عدل كله الا رأفت أنا بقولك اهه ، الزم حدودك يا راجل أنت << ملكه زرار استايل

شوفي يا روبي يا اوختي عشان ميبقاش مازن و سيف ههههههههه هدي للكابتن فرصه للفصل الجاي يمكن يلحق نفسه و يتعدل عشان قد أعجب بيه

تســـــــــلم ايدك بجد بجد الفصل رووووعه و أمتعني جدا ، عشت الأجواء كأني معهم و حسيت فعلا ببهجة الجو و سعادة الزفاف
ما نتحرم من فصولك و لا حفلات زفافك روبي أحســــــنتي

ربنا ييسر لك كل أمورك و يزيدك من فضله
بانتظار القادم بشوووق

دمتِ بكل الحب و الود ♥ ♥ ♥

وانا كمااااااااااااااااااان
حجزززززززززززززز

لووووووووووووووووووووووولللللووووولى

يسلموا على البارت قفله رهيب رباب فكرنه التي في الباب كانت الى مازن ولكن يسلموا على الفستان الخطوبه الرائع وفستان الزواج ولكن يوم الزواج مع مودي واو منتظريك على الاحداث الف شكر

فصل رائع وظهور لشخصيات جديدة نتعرف عليها