البارت الخامس (5)





أنا حبيبك أو حبيبك هو أو مالك حبيب
.................. ولا تحبيني أنا ويآه وأمرك من سعه
طيب من أول من سكن قلبك أنا ولا الغريب
..................... يعني تخونينه معي ولا تخونيني معه
ولو خيروك يظل منا واحد و واحد يغيب
.................... من فيه منا غيبته لو غاب غيبه موجعه
انا اذكر ان البنت فيها رقه وطيبه وطيب
..................... واما يجي فيها دلع ولا تجيك مدلعه
والبنت هذي أمرها من كثر ما أشوفه غريب
....................... سألتها يا الفاتنه قلبك قبل ما أودعه
وشلون خلانا كذا اثنين يجمعهم نصيب
................... قالت لي قلبك لا عصاك اعصه واذا طاعك طعه
قلت ومن اللي بين هالاثنين لك حبيب
...................... قالت اذا تبغى الصراحه ؟ كلكم يا الأربعه !
فهد المساعد






ابو فيصل : ليه وش قاصرك عشان تأخر عرسك سنه ؟!
ابتسم عبدالله : لا و الله مو قاصرني شي ، و لو ناقصني شي مانيب مستحي منكم جعلني فدوه ، بس البنت صغيره و عادها تدرس .....
ابو فيصل : أجل الله يوفقك ي ولد عبدالرحمن
قلت بمرح ،، حمد: احلا ي عبووود طلع فالقلب عشقن مدفون هاه
عبدالله و هو يضحك : انت شايف وجهي وجه حب !
بندر دخل عرض و قال : أجل قل من تبي ؟!
عبدالله هز راسه : لا م راح اقول يمكن الله م يكتب نصيب ،، و انا بخلي الموضوع لين البنت تخلص دراسه و اخطب عطوني جعله مبارك م عطوني عاد مهيب آخر الدنيا
نايف بنبره خبث ، حسيت من كلامه ان ينغز فيه بندر : بعدي الرجال اللي يعرف السنع !
شفت وجه بندر كيف بان عليه القهر من كلام نايف اللي فهم انه ينغزه
بعدها جلسنا حنا الشباب ع جنب
قال بندر : عيال شرايكم تاخووني لدبي هاليومين ؟!
قلت : و دوامك ؟!
بدر قال بهمس : تركته ، بس اسكتوا لا تقولون لابوي شي لين اجي من دبي عشان م يخرب علي وناستي
عبدالله : و ليه تتركه ي الخبل ، انت زين انك لقيتها بعد طلعت الروح
بندر بقهر : اسكت تراني منقهر ، المدير متحطط علي له فتره ، و اليوم عاد قفلت معي و تهاوشنا
قلت له : أنا بحاول اشوف لك شغل بالشركه اللي انا فيها
عبدالله : و انا بعد ...
بندر بفرح : و الله تفكون ازمه ، راضي لو بسكورتي ، المهم من يروح معي ؟!
طرا ع بالي فكره مجنونه ... دبي يعني بنمر اكيد ع بيت عمي هادي نسلم عليه فبوظبي ، يعني .... فيه احتمال اني ممكن اقدر اشوف بنته و احكم اذا شينه مثل م تقول هيا ولا حلوه مثل م تقول امي ..
قلت بابتسامه : انا باخذ اجازه و بجي معك ،، هاه عبدالله شرايك
ابتسم عبدالله وقال : والله مهيب شينه


و اتفقنا بكره المغرب نمشي مع بعض للإمارت ...


-------
الجبيل




وين أنت !؟ نآديتك ولاّ جيت يآمآ
يآجوّد صبري يآشحيح الموآصيل !


كـنّ المشآعر لآ ذكرتك ،،، يتآما
عن وحشة فرآقك يلهيهن ،،، الليل !








كنت جالسه ع السرير في غرفتي ، الحمدلله وجع ظهري و حوظي خف شوي ، و اضححك ع الخبله عواطف هي و سوالفها اللي تفطس ضحك
قلت و انا امسك ظهري و انا اضحك : وجع عواطف م اقدر اضحك بقوه ظهري يعورني
عواطف بمرح : ههههه عادي صبوحه خففي صوت الضحكه يعني كذا " هاهاهاها" و م عليك شر ان شاء الله ، كلش ولا الضحك و انا اختتس لا تكتمينه
روان اللي جايه اليوم تزورني مع عواطف خالتها ضربت عواطف ع كتفها : ووجع عواطف اسكتي البنت تعبانه م تقدر تضحك !!
عواطف اللي بوزت : اف خلاص بسكت ي النفسيات
ابتسمت لعواطف اللي تمثل الزعل و التفت لروان ، روان من جات و هي فيها شي أحسها تبي تقول شيء بس مستحيه مدري ليه
قلت : روان وش فيك ، أحسك بتقولين شيء ..
روان بتردد قالت : بصراحه اي
عواطف بلقافه : احم انا اعرف
ابتسمت لروان و قلت : جل شوفي ان م قلتي بخلي 'توووفي' تعلمني
ضحكت روان بخفه و قالت : لا بقولك اصلا هم جايبيني اليوم عشان اقولك
قلت بستغراب : هم ! من هم ؟!
قالت : أمي و متعب
انصدمت التفت لعواطف ابي افهم وش دخل امها و متعب فيني .. بس غمزت لي و بوجهها بابتسامه ،، للحظه دب الخوف بقلبي لا لا ي رب مو اللي فبالي ، م يصير صعبه والله صعبه
قلت بخوف : ليه ، وش فيهم ؟!
قالت بغمزه : ابد بس يبون اجس نبضك ..
قلت و انا منزله راسي م ابيها تلاحظ توتري : بوش ؟!
عواطف و هي تضحك ع شكلي : ههههه تستهبلين صبوحه م تدرين بوش ؟! يعني كل هالغمزات و التلميحات م فهمتي ؟!
روان و هي تضحك : جب تووفي ، خلي البنت تستحي ع راحتها ،، شوفي ي بنت الحلال امي تبي تخطبك لمتعب اخوي ،، و انا جايه اسألك شرايك ؟
عضيت شفايفي ، لا لا لا و عبدالله اقطع املي منه خلاص ،، طيب انا احبه كيف آخذ غيره ،، م يصير م اتخيل نفسي زوجه لغيره ،، و بندر !! ، بندر بينجلط اتزوج ولد اخته ؟! ، صعبه ، مع اني م قد عطيته وجه ولا عبرته بس بعد قويه اخذ ولد اخته ..
عواطف و هي تضحك ع شكلي : ي ويلي ع اللي يستحووون انا ..!
روان قالي و هي تحط يدها ع فخذي : هاه صبوحه شرايك ؟؟
قلت و انا ابلع ريقي : روان الموضوع حياه بعيشها مع انسان طول عمري ، فلازم افكر عدل ، و بعد لازم استشير امي في موضوع زي كذا ..
روان ابتسمت لي و قالت : خذي راحتك حبيبتي ، بس لا تطولين اخوي منجن يبي يعرس .. و آمي بصراحه حطتك براسه ... عاد تعرفين امي تموت فيك
ابتسمت بالم : ابشري ي قلبي ، بفكر و اعطيك رايي ...


--------
بو ظبي




-----: قسسسسم بالله تقهر هالانسانه ...أمل رغم أني ضد أنك ترتبطين بواحد مثل زايد ، بس بعد ضد انك تاخذين ولد عمتي هيا ، بس تدرين ودي اروح ابوس راس ابوك برررد حرتي
أمل و هي تضحك : ههههه حرام عليك ليه ضد أني ارتبط بزايد
قلت ببساطه : لأنك تستاهلين اللي أفضل منه
أمل قالت بتنهد : آه ي العنود .. قلبي قلبي م قدر يتقبل غيره ، متعلق فيه و بشده ،،، الحب ، جعلك تذوقينه مع واحد يستاهل
قلت : قولي الله يرزقني بواحد يستاهلني ، و يحبني ايه ، لكن أحبه لا و الف لا ، الحب م يجيب إلا وجع القلب
تنهدت مره ثانيه و قالت : انشهد ، بس م علينا ،،تدرين لو زايد م دخل السجن كان انا متزوجته وكان الحين عندي بزر و حامل بالثاني ، ي لبيه عيال مني و من زايد ،، بس يلا اللحمدلله ع كل حال
ضحكت ع تفكيرها ، و قلت : الله يخلف عليك ، احد يعيف العزوبيه ، قسم انها جنه
أمل : لأنك م جربتي الحب !!
قلت باندفاع : و جعلني م اجربه ، و لا اصير مثلك احب لي واحد م يستاهلني ! .. و لا مثل صباح الخبله اللي تراكض ورا حب طفوله ماله اساس ! ... و لا مثل المسكينه مها اللي تعلقت لها بواحد ابوك رافض عايلته بكبرها !.. و لا مثل نوره اللي علقوها أهلها بولد عمها و لما جاو يعرسون ابوه زعل عليه و حرمه منها !! ... بالله عليكم وش الحلو فالموضوع ،، اتعب قلبي ليه
أمل قالت باستسلام : صادقه ؛ بس الفاس طاح فالراس ، الواحد لا حب م يقدر يتراجع بسهوله شي اصعب مما تتخيلين
قلت و انا حاسه اني زودتها معها : آسفه أموله بس تدرين كل ذا قهر عليكم لأنك تدرين أنكم أغلى من روحي ، و حالكم يحزني كثير
قلت بصوت مرح : ادري فديتك ، م علينا وش عليك أختبار بكره ؟
قلت : عربي ،، خلصته فظرف ساعه لانه سهل و قلت أكلمك أشوف أخبارك
أمل : أي عاد شدي حيلك أنتي آخر سنه و ذي أختبارت نهائيه يعني م فيها مزح ، لو تشوفين مها كيف تدح تكسر الخاطر
قلت : هههه حليلها مع أن باقي لها سنه ع التخرج مشتطه ، إلا تعالي ،، متى تبدا أختبارتكم ؟
أمل : بعد أسبوعين تقريباً
قلت : أها يعني بعد م أخلص باسبوع تبدا أختبارتكم


--------
بو ظبي :






احاول انساك محتاجك تساعدني ،،
شف كيف حتى وانا بنساك محتاجك ..!






عمي مسفر اليوم جا عندنا و قال آنه يبيني بموضوع ، نزلت و سلمت عليه م كان فيه إلا أنا و أمي سعيد و سند فدواماتهم .. بعد م سألني عن أحوالي و سألته أنا بدوري بعد ،


عمي مسفر : اسمحيلي ي أم سعيد أبي بنتي نوره بكلام بينا
الفت لامي بصدمه اللي كانت كذلك منصدمه من كلام عمي يعني وش الموضوع اللي يبيني فيه و بيني و بينه بس ،
أمي قالت : أبشر ي أبو فهد
طالعت أمي و تركتني مرتبكه ، أنا أحب عمي مسفر واجد أصلاً هو أحسه يهتم فينا أكثر من عمي ابو فلاح اللي دايم تصير بينه و بين أخوي سعيد مشاكل بسبه طبع سعيد الحاد و طبعه هو المتسلط و اللي يحب يتحكم بكل صغيره و كبيره


عمي مسفرقال بحنيته المعهوده : شوفي ي بنتي أنا طلبت اقعد معك لحالك عشان أعرف رايك من غير م أحد يأثر عليك ..
بلعت ريقي و قلت : رأيي بوش ي عمي ؟
عمي مسفر : أنتي تبين ولد عمك فلاح و لا لا ؟
نزلت راسي مستحيه ، صح ابيه و ابيه بقوه بعد بس ابوه ابوه بيرفض ..
تنهد و قال : ي ابوك الموضوع م فيه شي تستحين منه .. انا بس ابي اعرف ان كنتي تبين ولد عمك فابشري باللي يزوجك اياه


دموعي صارت تنزل بهدوء ع خدي ابيه والله ابيه


قلت بصوت يرتجف : سعيد أخوي بيرفض أكيد
عمي مسفر بحزم : انا م نشدتك عن راي سعيد أنا نشدتك عن رايك أنتي تبينه مثل م هو يبيك ؟!
هزيت راسي بضعف بمعنى " ايه "
عمي مسفر و هو يضم كتوفي لصدره .. قال : أجل ابشري باللي يزوجكم
قلت بخوف : طيب ابوه بيعصب
قال بنبره بحزم : م عليك من عمك ابو فلاح انا اللي بزوجكم ، عمك طول الموضوع كبره ولده و غلط ذي م فيها شك لكن خلاص يزعل عليه شهر شهرين سنه بالكثير مو 3سنين !! .. ووش ذنبك انك تصيرين معلقه بولد عمك المحجوره له و ابو اللي رافض يزوجكم !!


ابتسمت بأمل ع كلام عمي مسفر .. و أخيراً في أحد بيتحرك و يقرر مصيري مع فلاح


----------


اليوم الثاني ..


الجبيــل :


----- : آسف بندر أنا غير سيارتي م أركب
بندر بقهر مني : ي ولد أقولك م فيه إلا أنا و أنت و سالم و عبدالله و ش له سياره ثانيه
قلت بعناد : شوف سيارتي م استغني عنها بتاتاً ، فلا تجادلني بهالموضوع ، أنت و خويك تعالو معي بسيارتي
بندر و هو مازال مقهور مني : ي غبببي مريحه أكثر من سيارتك و أنا بصراحه م استغني عن سيارتي
قلت بعناد أكبر : ولا أنا !! أجل تدري شلون خلك أنت سوق بسيارتك و أنا بسوق بسيارتي
بندر : ي سلااام ،،، آجل ليه رايح معنا ي ابو الشباب وين اللي يبي سفره و جمعه شباب
قل ببساطه : و مازلت أبي السفره و الجمعه .. بس سيارتي م استغني عنها ،، انت خل سالم معك و أنا آخذ عبدالله لا جا بعد شوي من دوامه
بندر باستسلام : طيب خلاص سو اللي يريحك مالت على اللي يعزمك تسافر معه
طالعته من طرف عيني و سكت عنه ، أنا م اقدر اسافر مكان من دون سيارتي ، و بندر تنح بعد إلا ياخذ سيارته ، خله يزعل شوي و يرضى من نفسه
انتظرنا شوي و جا عبدالله من دوامه و هو متحمس للسفره ، استغرب بالبدايه اننا بسيارتين و جا بيعترض و انه شلون كذا و حلاتنا بسياره وحده و من هالكلام بس سكتناه انا و بندر اللي بالعناد محد قدنا ، بالنهايه استسلم و ركب معي بس الكلب قاهرني أحس م بقى شي بالكبت م جابه جايب شنطه وش كبرها كأنه بيقعد شهر مو أسبوع ...


------


وين الفراق اللي لو أمشيه ماألقاك؟!،
تعــبت أدوّر درب مــا ينتــهي لك،


تذكر مكان أول لقا ؟!خذني هنـاك،
بأنسى الليال اللي قضينا ..دخيلك




مشينا و صرنا ع طريق الحساء ، كنا نسولف انا وحمد و بعدها سكتنا ، بصراحه أنا مالي خلق للسوالف ، من أمس قافله معي و قلت أروح معهم و أغير جو لأن من بعد سالفة أمس مع الشيبان و لما عرض علي أبو نايف اتزوج صباح بنته ، وو انا قلبي موجعني ، أمس بكلمه مني كان ممكن أنها تكون لي بس نظره الخوف اللي شفتها في عيون بندر اخرستني ، أحبها أيه ، و م تركتها إلا لأني أدري أن بندر يبيها ، و أنا مالي حق اوقف بوجه ولد عمها ، كنت أبي اتزوج بنت عمي و انساها ، بس للأسف بنت عمي رفضتني رفض قاطع ، و صباح آه ي صباح ، دايم أسمع بندر و هو يتكلم عنها و يتفدى فيها أحيان أحس ودي إقوم أكسر وجهه من الضرب ، بس اللي مريحني انها م عطته وجه ،، أحسن !! لاحت في بالي ذكرى اليوم اللي قالي بندر فيه أنه يحب صباح كيف انجنيت و رحت لها





قبل 5 سنوات


كنا فالبر مخيمين ، كنا ورى الخيام اشوفها و هي واقفه جنب العنود مستحيه و منزله راسها و شعرها طايح ع وجهها و مخفي ملامحها عني


العنود اللي ماسكه يد صباح : عبدالله قول شتبي يلا نبي نرجع نلعب مع البنات
قلت بعصبيه : صباح انتي تدرين أن بندر ولد عمك يحبك ؟!!
العنود شهقت و صباح طالعتني بصدمه
قلت بصراخ : تدرين ولا لا ؟
قلت و دموعها صارت تنهمر : والله م ادري ، من قالك هالكلام ؟
تنهدت بآلم : بندر اللي قالي ، صباح بياخذك مني !!
العنود قالت بطفوله : قولة انك تحبها و خلاص
قربت من صباح و مسعت وجهها بين يديني و مسحت دموعها بطرف اصابعي
و قلت : طيب أنتي تحبيني
نزلت عيونها بخجل و م ردت ، بست خدها و بعدت منها ، و رفعت اصبعي قدامها
و قلت : شوفي ي ويلك ي صباح لو عطيتيه وجه و حتى لو جاك و كلمك عطيه ظهرك و روحي عنه
فاهمه؟!


كنت اشوف صدمتها بعيونها من كلامي ، م ألومها طفله م تفهم وش معناة الولد يحب بنت عمه و يبيها ، أنا صح أحب بندر و هو و حمد أقرب الناس لي بس بعد أحبها هي ، م أنسى كيف لما قلت لتركي اخوي عن هالموضوع كيف ضربني ضررب ،، كان يقولي
" استح ع وجهك تقابل هالبزر و تحب فيها وولد عمها يبيها ، هذي آخرتها ! ، تحب و تقابل وحده من أهلك و جماعتك بالسر ! ، لو تقولي بزر ، ليه هالبزر وش ذنبها تدنسها بنيتك الوصخه ، الحين هي م تغطت بكره باتغطى ، و بتقابلها بالسر و باتكلمها بالسر ، ليه ابوها وش ذبنه ، اخوانها ! م فكرت بان ممكن خواتك الله يرحمهم لو كانو عايشات كان ممكن يصير فيهم كذا، أنت و انا وش موقفنا ، اترك البنت و ترى دام ولد عمها يبيها لو تحب السما م خذيتها ، و فكر ببنت عمك اللي أنت مالك غيرها !"


و خلاني أحلف ع القرآن أني م عاد أقرب منها ، كنت أحترق أحبها و ابيها و تحبني و تبيني بس لمجرد أن ولد عمها يبيها خلاص انحرمنا ؟! ، فالبدايه كرهت بندر كره ، كنت لما أشوفه كأني أشوف أبليس ، كذا مرة تهاوشت معه بسبب أشياء تافهه م تنذكر بس لأني أبي أفضي غضبي منه ، بس مع الأيام و السنين رجعنا زي قبل بس للحين كل م جاب سيرتها و خصوصاً أنه م قال لأحد غيرنا و غير أخوه زايد ، فكان يجي يقول المواقف النادره اللي تصيرله معها ، بس اللي يفرحني أنها للحين م عطته وجه ، حلو يعني للحين تحبيني ي صباح ...




نهاية البارت ...

لا تنسون التعليقات ع البارت و ابغى توقعات

ودي

الظبي

(رضيت بالله رباً و بالاسلام ديناً و بمحمد صلّ الله عليه و سلم نبياً و رسولا )

تعالي يالظبي

تحج يمناك على هالروايه

صدق صدق وااااقع

عجبني فيهااا البساطه. والواقعيه. لا طيارة خاصة ولا مربيات ولا طباخات تصور لنا حب المراهقين وعيال العم وتعلق البنات

حبيبتي. بالنسبة لتهمس زايد ادري انه السلاح بس وش صار بها لسلاح مصوب احد ولا مسروووق هذا قصدي

أمل الله يعينهاا. بس تدرين البنات أعمارهم صغيرة بس ماشالله تفكيرهم اكبر من أعمارهم

الي ما جايزلي تساهل أمل في مكالماتها مع زايد المفروض أعقل من كذا.

نورة انشالله ان الفرج قرب وعلمك بيصير واسطة خير بينك وبين فلاح

الله يستر من سفرة الشباب عسى ما يجبهم حادث ولا شي

مشكووووورة الظبي على هالروايه الممتعة

حبيبتي انتي ي نجلاء

وش هالدعوة الحلوة

اشكرك ع رايك و تحفيزك لي قشم انك شي جميل

سالفه زايد هو انه بالفعل السلاح مسروق

أمل خل ندعي لها ربي يهديها خصوصاً ان معدنها طيب

ههههههه الشباب يمكن يصير لهم شي ،، بس مو بالضروري حادث


اشكرك ع توقعاتك فديتك

و ان شاء اكون قد الثقه اللي عطيتيني اياها

البارت السادس (6)


​


آحسب آني معہ بقطع مشآوير السنين !
وأثر الطريق يضمنآ بس الخطى متخآلفہ*

* لا للوفآ لا للغلآ لا للرضآ لا للحنين '*
لآ للدموع آللي تبي تسقى آلعروق التآلفہ

أنا هويت ! ومآدريت آن آلهوى طفل حزين*
بكى من أول مآحكى ومآ أتم السآلفہ

(م،ن)

اليوم كان عندي اختبار كيمياء خلصته و قالت لنا مدرستنا الانجليزي اللي بكرة بنمتحن فية نجلس بعد م يطلعون الطالبات عشان تفهمنا كيف بتكون فكره الامتحان و المواضيع المطروحه في كتابة التعبير فالامتحان لان الوزاره تختار مواضيع من برى المنهج ، بس للأسف جاني الهبوط زي دايم و دقيت ع امي و قالت انها بتجيني توقعت تميم طلع من اختبارة بدري اليوم ، بس انصدمت لما طلعت مع أمي من المدرسة و شفتها تقودني لسياره أبداً م تشبة سيارة تميم ،
التفت لها بذهول و هي ساندتني بيدها : يمه من سيارته هذي ؟*
قالت ببساطة : سيارة ولد عمك حمد*
قلت : حرام توهم واصلين امس و متأخر بعد ، فشله ..
م ان انهيت كلمتي كنا واصلين للسياره فتحت لي الباب أمي و جلست فالمقاعد الخلفيه ، و أمي ركبت قدام جنبه *،
*قلت بصوت يدوووب ينسمع من الحياء و التعب لاعب دور بعد: السلام عليكم*
رد علي من دون م يلتفت و هو يرفع عينه للمرايه ،، حمد : و عليكم السلام ، سلامتك يا العنود ما تشوفين شر ؟*
ارتبكت من نظرته و نزلت عيوني مع انه م يقدر يشوف مني شي لاني متغطيه بشيلتي اللي حاطتها ع وجهي*
قلت : الله يسلمك
بعدها *أمي قالت باندفاع وهي منقهره مني : أنتي و بعدين معك كل يوم مجرجرتنا لمدرستك دايخة عليهم أقولك تعالي اسوي لك تحاليل تقولين لا مالي خلق انتظار المستشفى و ريحته !!*
استحييييييييت من حمد اللي أمي افضحتني قدامه ، ي ليييل الحين وش بيقول عني ولد عمي العزيز *ذا*
حمد ضحك ضحكه خفيفه : أخاف ي خالة أنها خايفه من الأبرة*
قهررررني قهررررني ، من هو عشان يقول كذا ، وش أخاف من أبرة بزر أنا !!*
قلت بنبرة مقصوده عشان أسكته حسافه توقعته جنتل مان مالت عليه : يمه الله يهداك خلي سوالفك في البيت هاوشيني لين تقولين بس ، بس عاد لا تخلين ضحكه لكلٍ *
شفت جنب وجهه اللي بان عليه انه استحى هههههه احسن يستاهل وش له يتطنز علي ، اما امي فآنا متأكده *م سكتت إلا لأنها مجهزه لي محاضرة فالبيت ، كيفهم أجل يبوني أسكت و هو يتطنز علي الشيخ !!*

بس صح هذا كان وش متنه فجأة ضعف ، وييييين من زماااان عنه ولد العم ذا ، كم سنه مرت م شفته ؟!


--------

قهرررتني م توقعت تقول كذا ، الحين أنا وش قلت عادي مزحت ليه ترد علي كذا ، يمه منها ذي أم لسان والله ي هيا أول مرة تصدقين في حياتك ذي عوبا بقوة ، بس عليها صوووت بنت الذين ، ناااعم من جد صوت يدل ع نعومه صاحبته بس ليتها ساكته ولا قالت كلامها السم ذا !!
م قدرت أشوف منها شي قصيرة صح ، أصلاً حنا بالعايله معروفين بالقصر ، فما استغربت هالشيء ، رغم أن طولي زين و أحسن من زايد و بندر و أما عبدالله حليله فأنا عنده طويل واجد ههههه ، و شكلها نحيفه مع أن عبايتها وسيعه بس هالشيء واضح ، قهرتني رغم أن فيه شي صدري تحرك لها ، بس مستحيل حب ، إذا من أول مره ضحكت معها سوت كذا الله يستر بعدين لا خذيتها ،،،لا وش آخذها مستحيل لازم أشيل الفكرة من بالي خلاص لازم ...
مالت عليها امس ما قدرت انام و السبب هو أنه المكان لما يتغير علي م اقدر انام أول يوم مع أننا أمس وصلنا الساعة 1 الليل و قابلنا عمي هادي اللي حلف أنه يذبح ذبيحة لنا و يسوي عزيمة عشاء لنا اليوم الليل ،قعد معنا شوي و طلع و تميم فرش لنا ع الارض المقلط التابع لمجلس عمي الكبير اللي منفصل عن البيت و ماشاء الله عليهم بندر و عبدالله من حطوا روسهم ناموا و انا صرت اتقلّب لين الصباح و جاني الطباخ يقولي أن خالتي أم تميم تبي احد يوديها لبنتها العوبا لانها تعبانه ، و انا مالت علي شقيت الحلق و فزيت و قلت زين جت من اولها كذا بس آه ي القهر قهرتني بأسلوبها الغبي ذا هذا و هي تعبانه اجل لو صاحية وش سوت ؟!!


----------

عسااك تبقى في حشاا صدري حبيب
وعسااني اابقى ،، في خفوقك ي منااي
حتى لو اانك ب االجسد *م اانت بقريب*
يكفيني ااغمض واحس*انك معااي*



نقزززت من مكاني أحس بطير من الوناسة : قول والله !
ضحك علي بقوة و بعدها قال بألم : أمل حبيبتي ، ترى م نزل قرار العفو للحين ، بس انا قلت لك يمكن ..
جلست ع السرير باحباط و قلت : لا إن شاء الله زايد هالمره بيشملك العفو و بتطلع*
قال : بإذن الله ، اقول تدرين أن العيال رايحين دبي ؟!*
قلت باستغراب : أي عيال ؟
ضحك بخفه : بندر و حمد و عبدالله ، شفتي الخونه !*
قلت : تو دريت ، يلا ان شاء الله تطلع و تسحبهم معك غصب و تستانسون مع بعض*
قال بنبرة خبث : لا وش ابي فيهم لا طلعت ، انا ابيك انتي آخذك و الف فيك شوارع دبي و ايدي بيدك و.....*
قلت اسكته بنبره حازمة و انا انا وجهي احسه تفجر حراره من الحياء اعرف نبرته هذي اللي تجر كلام م احب اسمعه: خلاص زايد ترى والله اسكر*
ضحك بقوه و بعدها قال : طيب خلاص بسكت ، الله يصبرني لين ذاك اليوم ، طيب م قلتي لي اخبار عمتي و رجلها الحين ؟*

و كملنا سولفنا زي عادتنا لين خلص رصيدي اللي اشحنه خصوصاً له

-------


تبقى الحقيقه شوف وشكان حاصل*
اموت وحيا وانت مأهتز بك شي*

كنت اطلبك لو تفتكر بتواصل*
وانتا على ما انت يالميت الحي*

(عبدالله الوتيد)


.....: طيب أنتي ليه متضايقة كذا جايك انسان مثل متعب م راح تلقين مثله فالعايله توه مخلص دراسة من بريطانيا و متوظف باحسن شركه فالسعودية و اخلاقة لا يعلى عليها هذا غير ان أمه تحبك*
نزلت راسي بحزن و قلت بصوت متقطع بسبب العبرة الواقفة فنص حلقي : طيـ...ب يمـ...ه و عبـ...د الله ؟!*
قالت بصوت يتخلله الحنية : ي يمه عبدالله لو يبيك كان خطبك ، و بعدين اللي م تدرين عنه أن أبوك عرض عليه يتزوجك أمس و رفض !!*
رفعت راسي بصدمه لامي : ابوي قالة يتزوجني!! و رفض !!*
امي *قالت : شوفي ي حبيبتي عبدالله لو صدق يبيك كان قال لابوك انا ابي بنتك و تعرفين ابوك ساعتها ما راح يسأل لا عن بندر ولا عن عيال عمك كلهم لأن مثل م تعرفين عبدالله عزيز عليه و حتى نايف أخوك يحبه ، بس الولد رفض ياخذك ، فيا بنتي ارضي بمتعب لأنه خيار مناسب لك*

قلت بيأس من بعد كلام أمي : طيب و بندر تهقين بيوقف بوجهي*
قالت : و تهقين أن أخته بتخطبك لولدها من غير لا تقول لأخوها ، أكيد أن ما عنده مانع و لا ما كان فكرت تخطبك*

معقولة ! ، بندر يدري أن متعب يبي يخطبني و راضي ، يعني ممكن يكون انا اللي كنت اتوهم انه يحبني ، بس مو هذا المهم .. المهم أن عبدالله اللي كان يحبني باعني كان بكلمه منه اقدر اكون له بس هو و بكل بساطه رفض ! يوووووه ي عبدالله شكل محد متعب نفسه غيري و لا أنت هذاك عايش حياتك لدرجة انك رايح لدبي تستانس م احترقت اعصابك مثل م احترقت اعصابي و لا انكسر قلبك مثل م انكسر قلبي

قلت بكل برود يعكس القهر اللي بداخلي :خلاص أجل أنا موافقة بس كلمي أبوي و شوفي وش رايه*

ابتسمت امي بفرح و ضمتني لحضنها و صارت تبارك لي و تدعي لي من كل قلبها ، أما أنا آه قلبي مذبوح آحس بقههر كبييير من عبدالله انا كل هالسنين متعبه نفسي البنات يضحكون علي لا قلت لهم أني للحين أحبه يقولون لي ذا حب طفوله و هو كبر و نساك ليه انتي م تنسينه ؟! ، و انا مصره ع موقفي لكن لا لازم الحين كلٍ يعيش حياته انا خلاص اخترت و بكون ان شاء الله قد اختياري ، اما انت ي عبدالله فالله يسعدك وين م رحت*


---------


تعبت من كثر التمنّي بـ لقياه ..
البعد قاسي / والليالي طــويله ..

تدري وش اكثر شي صرت أتمناه !
أني أعيش ولا أتمناه ( لـيله ) ..

(ثامر شبيب )



هالايام راجع لي وجع في معدتي من لما كنت ثالث ثنوي و هو معي يروح فترة و يرجع بس هالمرة احس بطني منتفخه و مضايقني هالانتفاخ ، الوجع مو مخليني آقدر آكل شي ، أظن لازم اروح المستشفى يشوفون وش فيني ، بس أنا متأكده أن القولون هايج بسبب نفسيتي التعبانه من موضوعي أنا وفلاح ، أحس أني م عاد أبي شي كثر ما أني أبي أن يبان وضعي و يصير واضح هل راح آخذ فلاح أو لا ، صحيح أنا ما أنكر أبيه و بقوة بس *اللي فعمري و اللي اصغر مني تزوجو و بعضهم صار عنده طفل او طفلين وانا على حالي ! كل هذا عشان اسمي مرتبط باسم ولد عمي اللي ابوه رافض يزوجنا ! ،*
و كلام عمي مسفر بدال م يرحني احسه زاد تفكيري بالموضوع ، ادري ان اخوي سعيد ما يحب عمي ابو فلاح و بعد م يستلطف عياله الاثنين ! ، مدري ليه احسه م يبيني آخذه مع انه م صرح للحين ، من جا امس من الدوام ما قال شي ، مع اني متأكدة أن عمي مسفر تكلم معه لأني دريت من أمي أنه م طلع إلا لما جا سعيد من الدوام و شي أكيد أنه كلمه ، حنا الحين صرنا فالليل و لا تكلم و لا فتح الموضوع ،، أحس بموت من القهر .. أشوفه قدامي قاعد يتقهوى مع أمي وودي اجره من جيب ثوبه و أقوله ي أخي تكلم قول وش رايك موافق ولا لا ؟ أنا ما طلبت شي صعب بس أبي أعرف أنا وش وضعي !!*
قطع حبل أفكاري صوته و هو يقول لي : نورة*
رفعت عيني له و انا اتصنع الهدوء : لبيه*
قال بحنيه : لبيتي في منى يا قلبي ، قومي هاتي لي ماي لا هنتي*
قمت و انا اقوله : ابشر*
ما أن عطيته ظهري بأمشي حتى سمعته
و هو يقولي بنبرة حسيتها مقصوده : تبشرين بالجنة ، روحي الله يرزقك بواحد يستاهلك و يقدرك*

كل كلمة قالها حسيتها طعنات في قلبي ، يعني ما وافق ! يعني قصتي أنا و فلاح تنتهي هنا خلاص !! صحيح ابي ينحط حد لهالموضوع بس كان شي كبير في قلبي يتمنى أن سعيد يوافق ...
سويت نفسي ما سمعت شي و كملت طريقي للمطبخ و أنا أحس بوجع في معدتي يزداد ..



نهاية البارت ..





لا تنسون أبي توقعات و اللي عنده انتقاد يخليني انمي موهبتي أكثر لا يبخل علي فيه*


أشوفكم على خير في البارت الجاي إن شاء الله*

ودي*

الظبي*

( اللهم صلّ على محمد و على آل محمد كما صليت على إبراهيم و على آل إبراهيم ، و بارك على محمد و على آل محمد كما بارت على إبراهيم و على آل إبراهيم ، إنك حميدٌ مجيد )

روايتك كثير حلوة حبيبتي وفيها من الواقيعة الكثير اتمنى ما تتاخري علينا
واتمنى نصير اصحاب بالموفقية
اختك التوليب الحمر