كاتب الموضوع :
♫ معزوفة حنين ♫
المنتدى :
القصص المكتمله
رد: بنيت البيت طوبه طوبه لحد ماصرنا حموله ، للكاتبة : غيمة عطر
فيصل
وخالد ومحمد جالسين بالصاله قال فيصل : انت ما لازم تسكت عن حقها تسمع يا خالد ..
خالد وهو يرتشف من القهوه اللي جابها فيصل معاه من برا يبي يصحصح لهالكابوس اللي سواه هو بيده قال : ما راح اسكت .. والله لا ادفعهم الثمن غالي .. من قالهم يهدونها بهالمهدئات .. وممرضتها انا اللي بوريها .. اصلا ما كانت محتاجه لهالشي وانا منبههم ..
فيصل وهو يعاتبهم قال : يا اخي وحده صاحيه وبكامل قواها العقليه حاطينها مع ناس عقولهم ماهي معاهم .. لو بيقربون منها وتفز منهم .. مسكوها واعطوها ابره .. معتبرينها زيهم .. وهذا خطاااك .. وخطى اللي شار هالشور عليك ..وهو يناظر بمحمد ..
محمد وهو منزل راسه والكوب القهوه بين يديه قال : ولله ما عبالي بيصير كل هذا وانا وش عرفني انها بتستخف معهم ولا خوافه البنيه .. واتخذنا هالقرار بوقتها بسرعه ..
خالد يكمل له قال : حتى هي .. هي اللي اجبرتي من طواله لسانها ..
فيصل وهي مستنكر هالتبريرات عليهم قال : ايه بس الله يطلعها من تالي هالشر ..
خالد وهو ينزل الكوب على الطاوله ويرجع ظهره لورا ويحط يده جهه راسه من الصداااع اللي ماسكه ..
قال فيصل مقدر لوضع خالد : يالله حنا بعد نقووم .. لا تفقدنا جدتي .. واعدها اجي مقدم .. وانت ارتاح لك ساعه ..
محمد وهو ينزل الكوب قال : ايه صح .. وقاموا كلهم بيطلعون .. ووقف معهم خالد وهو من جد ممتن لهم .. يعني شلون كان بيتصرف ما يدري لو ما كانوا معاه .. حتى محمد اللي اخطى برايه وشوره عليه كان ممتن له .. لان لو ما طلعت من عنده البنت كان ولله ذابحها ولا مسبب لها عاهه مستديمه على شي يجيها من الضرب ..
قال: اكثر شي حمدت ربي عليه انكم اخواني .. انا من جد ما راح انسى هالوقفه لكم .. وعساني ما اخدمكم ولا آقف معكم الا بالافراح ..
فيصل ومن طبيعته الي ما يحب يسوي شي واحد يشكره عليه او انه يكون تفضل عليهم بش .. مع انه كلنا نحب الشكر .. بس يمكن مهنته معلمته عالشي : استح على وجهك حنا وش سوينا ..
محمد : ايه .. حنا دكاتره وسوينا واجبنا هنا بالمستشفى وانشالله لو بالشارع .. اللي نقدر نساعد فيه بنساعد . ..
خالد وهو يبتسم ابتسامه متعبه قال : لا خلا ولا عدم منكم ..
ردوا عليه وهم طالعين قالوا : ولا منك يالله بالاذن ..
وطلعوااا هو من طلعوو ا راح للكنبه ورمى نفسه عليها مو مصدق اللي صارمعه.. وحس بأهتزاز الجوال عالطاوله .. رفعه شافه شيخه .. سحبه ورد .. وهو يحاول يعدل صوته ..: الوو
شيخه وهي تقوم من بعد ما كانت جالسه عالكنب والخوف مسيطر عليها وابليس لعب فيها لعب ..: وينك يا اخي .. !! نشفت دمي ..
خالد رغم كل هالتعب الا انه ابتسم قال : موجود .. بس عندي جلسه مع حاله عندي . وجوالي بالمكتب وانا عند المريض..
شيخه وهي عارفه انه ما يقول الصدق قالت ما تبي تكدره .. وتبي تفتح تحقيقها لما تشوفه قالت : ما كنت ابي شي .. بس ابي اتطمن ..
خالد : لا تخافين بخير الحمد لله ..
شيخه وهي تتساءل قالت : طيب ما تبي تجي .. ما تغديت .. ؟؟
خالد وتصريفات سريعه كانت تجي معاه قال : لا ولله متغدي .. بس غلط بشي لما قاله .. واليوم عندي شفت ماسك مكان واحد من زملائي .. وبكرا الصبح او بالليل اليوم اجي ..
شيخه وهي تتنهد : الله يكون بعونك .. هذا اللي اقول .. بس هاه طمنا عليك ,, ولما نتصل رد .. لا تيبس عظامنا ..
خالد بأبتسامه : انشـــــــــاءالله .. كاانت ينظر بس يسكرها يبي يغفي لو شووووي بس ..
شيخه : بأمان الله ..
خالد بصوت بانت نبره التعب فيه قال : هلا ولله مع السلامه ..
سكر وهو ينزل يده بجنبه وما عدا ماسك الجوال وهو يتنهد تنهيده كبيره وسكر عيونه مستسلم للنوم ..
ريم من طلعت جدتها للصاله.. دخلت للحمام من جديد وتحممت
لما طلعت من الحمام اعزكم الله جلست تقريبا ربع ساعه عالسرير .. تحس قامت بمجهووود واي شي تسويه تحس يتعبها ويجهدها ..
بعد ما راتاحت قامت للدولاب وفتحت ومن بين ثياب جدتها المعلقه سحبت فستانها الوردي الفاااااااتح .. ولما طلعته انتشرت الريحه منه اللي علقت فيه من قوه ريحه ثياب جدتها .. شمته بقووووه وهو بين يديها وقالت بصوت مسموع : يا علني ما اخلا من هالريحه ..
نزلته عالسرير .. وبدت تفتح بازراره اللي ورا وتحاول تلبسه بشويش .. ما قدرت ترفع يدها اكثر وهو قماشه ما سك شوي ما يتمدد .. نزلته وهي تتنهد وعاقده حواجبها .. خلته على جنب واقامت تنشف شعرها اللي حست ان راسها بدا يصدع من هوا التكييف .. وفعلا ثبتت الاستشوار وظلت تمرر راسها حوله عشان ما يتعبها ..
وحطت كريم على وجهها وقلوووس خفيف .. وعدلت رسمه حواجبها وما حطت ولا زادت على عيونها شي .. والتفتت على السرير تناظر للفستان وقالت : افففف هذا شلون ابي البسه .. فكرت ممن ممكن يساعدها .. شيخه لا توها صعدت البنت والكل ناشب فيها .. عمتها لا تستحي منها .. وحتى البنات .. وجدتها مستحيل ترجعها للدار عقب ما طلعت .. قالت يالله يا بنت الحلال شدي على نفسك شوي .. بلا هالدلع .. وبصوت طالع قال : ايه ولله . وقامت .. فتحت ازراره كلها اللي ورا .. وقالت ادخل يديني بالاول ودخلتهم .. بس مشكلتها ما اتقدر ترفعهم كفايه .. رفعتها يدها وهي شااااده عيلها .. ودخلت الثووب .. وهي من كثر الازاريير اللي فيه دخل بسرررعه .. ابتسمت من هالانجاز اللي قامت فيه .. ومن تصرفها الصح بتدخيل يديها قبل ..
ولوت يديها لورا وبدت تسكر بالازرار لما وصلت للنص بدا يشد وقررت تكمل وهي تشد وتقول هذا كله من مداراتي لها ...صرت ما اتحمل .. بس لما بقى الاربع اللي فوق حست نفسها ضاااق .. رجعت يديها وهي تقلتفت للمرايه تشوف وش بقى وقالت اييه هينه اطلع لجدتي تسكرهم .. وسحبت لها جزمه لبستها وهي تعدل منظر شعرها الاخير وتآخذ الشرشف بيدها وطلعت ..ومن بعد رشتين عطر ..
ومن فتحت باب الغرفه شافت ام فيصل نازله ابتسمت لها وهي بادلتها الابتسامه .. ام فيصل وهي تقول : الله االله شهالحلاه ..
ابتسمت ريم : عيونك الحلوه ..
ام فيصل وهي تضمها من كتوفها قالت : بسم الله عليك .. لا ولله انتي اللي محليه الفستان
ريم وهي تناظر بفستانه بأعجاب قالت : من شيخه وبدلع طفول ي دارت عشان تشوفه ام فيصل ..
ام فيصل بأبتسامه وحب قالت : الله يخلي لنا هالشيخه بس .. بس هاه .. قريتي وردك ..
ريم وهي تحس بأحساسها وتعاطفها معها الدائم قال : افا عليك .. ومشت معاها للصاله لعند الجده ..
واول ما دخلن هلت فيهم الجده كلهم غاليات وذات مكاانه خاصه .. وسيدا ريم قعدت قبال جدتها وقالت : يماااه سكرييه ..
الجده وهي تطالع فيها قالت : وشهوو اللي اسكره ..
ريم بحرج منها ومن ام فيصل بعدت شعرها عن ظهرها وبان للجده الازرار قالت : ازراري يمه ..
ام فيصل وهي تقوم وقالت : وليش ما قلتي لي .. ؟؟ الله يهداك ..
ريم وجهها صار وردي من الحيا تستحي منهم كلهم ومن ام فيصل خاصه لانها معاملتها لها غيرهم : مابي اكلف عليك ..
ام فيصل وهي تسكر لها الازرار كانت تبتسم لها وتقول: اخيييه عليك لا تقولين كذا ازعل منك ..
وكلها شوي ونزلت ليا بعد لابسه وكاشخه لابسه سكري تنوره وسيعه شوي وقصيره .. مع جاكيت رسمي باللون العسلي الفاتح طالعه البنت روعه ..واكسسوارها لولو ناعم ولولو حقيقي امها مهديته اياها .. وجلسوا سواليييف عند الجده .. ولما اذن المغرب ننزلت شيخه بكل اناقتها بفستان طويل وله اكمام بااللون الرصاصي وشعرها رافعته كله فوووق مبين عقلها وثقلها .. ومن نزلت وهي ما غير تدور والبنات وراها .. كأنهم بط ..
ليا واقفه معها بالمطبخ وهي تقطع الحلا .. وريم جالسه عالطاوله ..
ريم : والبنات وينهم .. هاللحين يجون الناس وهم ما نزلوا ..
شيخه بيأس منهم : ولله قبل انزل مريت عليهم .. ندى خالصه وتبي تجلس فوق ماهي نازله .. ورنا قومتها قبل اجي .. وسما طالعه وتوها جت واكيد تلبس ..
..: وشفيني انا ؟؟
ريم وهي تلتفت وراها قالت : هههههه هلا مافيك شي .. اسأل عنك ..
سمااا بابتسااامه كبييره ظربت ريم عل كتفها بخفه قالت : الللله شهالحركااات .. وين مخبيه هالزيين ..
ليا وهي تلتفت قالت : ايه ولله ما شاء الله ..
سما بعفويه قالت : ما عقب ذاك اليوم يوم تلعب فيك ندى وتجرب بوجهك .. بس البسيط احلا عليييك ..
ريم تنحححت شوي وهي تحاول تتذكر متى حطت مكياج او احد سواا لهاا جتت ببتتكلم وتتداركت الوضع شيخه وهي تلتفت وبسرعه قالت : هاااه شرايك بطعم الحلا سماا تعالي ذوقيه .. ليا انخظف وجهها لما فهمت والتفتت للصينيه تتلهى فيها .. وريم من ارتباكهم والموقف ارتبكت
وسكتت .. وحاسه بشي مو طبيعي بحياتها ..
الجده وهي تسمع الجرس ..
...: يا بنات وحده منكم تفتح الباب ؟؟
شيخه وهيي تلتفت وتحمد ربها اللي انرن الجرس عشان يطلعون وتضيع السالفه ..
طلعت بعجله والبنات طلعوا وراها علطوووول متجهيين للدرج ..
ام فيصل وهي تلحقهم قالت : تعالوا تعالوا تعالوا ...وين رايحيين ؟؟
البنات وخاصه ليا قالت : يمممممه تكفيين .. ما احب اسلم تكفيين .. واستحي ..
ام فيصل بحزم قالت : ما قلت اجلسي معهم قلت سلمي واطلعي .. والبنت عييب خوذيها معكم .. وعلا كلامهم هذا دخلوا عبير واهلها ومعهم شيخه اللي مرتسمه بوجهها الابتسامه .. والجده تهلي ..
الجده وهي تقووم : هلا وهلا وثثم هلا باللي لفونا .. يا مرحبا فيكم ..
ام عبدالعزيز : يا هلا فيك .. وهي تبوسها : شلونك وشخبارك ..؟
الجده : الله يسلم لونك الله حيهم .. يا هلا .. ابعدت شوي ام عبدالعزيز عشان البنات يسلمون ..وقالت هذي عبير .. سلمت والجده تطالع فيها ومنبهره فيه .. وقالت / يا هلا ماشااء الله الله يصلح ويخلي يارب ..
امم عبدالعزيز : وهذ جمانه وسلمت جمانه بس الجده لصغرها ما دققت وهي تحي وتهلي فيهم ..
ونزلوا الحريم كلهم وجت ام تركي بعد ما جهزت مججلس بيتهم والشاهي والقهوه للرجال لانهم ببيتهم ..
.
.
. بدريه وهي تطالع بعبير قالت بمحبه لهالبنت : والله تغيرتي علي عبير .. حتى جمانه ماشاء الله ..
ام خالد بأبتسامه قالت : ايه ما شاء الله هذا هم البنات .. كبروا ما شاءالله والله يحفظهم ويخليهم ..
ام تركي وهي تضحك : الله يخليهم بس كبرووونا ..
المجلس : ههههههههههههههههههههههههههههههههه
ام عبدالعزيز بما انها صديقه وفيه لام تركي وهذا سبب تعارف العيلتين قالت : لا ويين بعدك شبااب ام تركي ..
ام تركي وهي تضحك قالت : لاااا وووووين .. بنت بنت هاللحين مره .. شوفيها .. تأشر لسما .. سما ماتت بارضها من الحياا
ام عارف وحده من الحريم : الله يخليهم ويكتب صلاحهم ..
دخلت شيخه على ضحكتهم ومعها تقديم وضيافه الشاهي بعد ما خلصوا من القهوه ورراها الخدامتين ..
ووحده من الحريم ما طاحت عينها من عليها .. وشيخه بكل اناقه وذرابه ودفاوه لسان تقدوم وتبتسم وتهلي بالموجودين ..
وجدتها راسها فوووق منها ..
شيخه وهي تقرب للبنات قالت : اذا تبون تروحون لندى تعالوا معااي ..
البنات كلهم ما صدقوا على الله وقاموا .. واشرت لهم شيخه للدرج وراحوا مع ليا وريم مثل السلحفاه شوي شوي وراهم ..
ولما وصلووا قمزت ندى بفرحه لشوفتها لعبيير وهي تضمها ..
عبير بخفه دم : هههههههههههههه شوي شوي يالخبله لا تنكسر الثانيه ..
ندى وهي تضربها من كتفها مااالت عليك هذا كله من شوفتك .. ووينكم حلت لكم الجلسه تحت وجلسوا وكان محمد بيطلع من الغرفه دق لشيخه وقالت لهم يروحون لدرا ندى كبيره وفيها صاله يقعدون فيها .. وفعلا راحوا البنات .. ونزل محمد ..
طلعت ليا هي وريم لغرفه ليا .. يعدلون اشكالهم .. ودخلوا الدرا وهم يسولفون ..
رريم وهي تدخل غرفه ليا لاول مره : ما شاء الله حلوه غرفتك ..
ريم وهي عينين جايبتها هنا تبي توريها ايها قالت : عجزت منك يالعجوز وانا اتشحذك تجين عندي ..
ريم وهي تضحك : يعني انا اقدر وقلت لا .. الشكوى لله ..
ليا بحماااس : تكفيين نامي عندي الليله ..
ريم وبحيا قالت : لا مستحييل .. اولا جدتي ما اتركها وانتم خوذوا راحتكم اخوك موجوود ..
لما قالت آخر كلمه سمعها فيصل لانه طالع من غرفته .. وهذا نفس نبره الصوت ..استغرب منها ليش تسأل اذا هو موجود ولا لا .. هذا اللي فهمه .. تنتح وطلع .. وهي علطول تخبت ورا الباب لانه واقفه قباله .. وطلع.. ومن بعدها لبيت الخال ابو تركي للرجال ..
ريم بحيااا قالت : الله يقطع لساني ... امانه قولي له فهميه .. لا يفهم غلط ؟؟
ليا بتعجب قالت : وليه يفهم غلط انتي وش قلتي ؟؟
ريم ونفس ما توقعت قال : أخاف ما سمع كل الكلام تكفين وضحي له ..
ليا وهي تضحك قالت / انشـــــــــاءالله .. يالله خلينا نرووح عند البناات ..
خالد وزينه ..
الساعه 9 وربع م .. الشقه خرمممس ما ينشاف فيها شي ..
قمز خالد من النوم مفزووع .. استقعد وهو يفرررك عيونه ..بيشوووف وايقن انه ظلاام قمز للمبات وفتحهم ,, وشع النوور الاصفر وهي صغر عيووونه .. ورفع يده يشوف الساعه لقاها تسع وربع ..
وهو يمسسح وجهه قال : ياااالله .. شلون راح الوقت ..
راح لها بيشوفها يطل عليها ..
لقاها على حطه يده .. قعد بجنبها بالسرير رامي نفسه رمي من التعب .. ولقاها ما زالت نااايمه .. رمى نفسه لورا شوي بيستوعب .. وما درا الا بعيونها اللي غفت من جديد ..
....: ما شاءالله ماشاءالله ..
....: الله يخليهم انشالله ..
الجده للحريم : آآمين ويصلحهم ..
ام فهد من معارف الجده قالت : ولله ماشاء الله عليكم من حقكم لو خبيتوا هالذهيبات عندكم ..
ام عارف : ايه ولله .. الله يخليهم ..
الجده مو سايعتها الفرحه وهي تشوف انبهار الحريم بحفيداتها ..
بدريه وهي داخله قالت : تفضلووا يا جماعه على العشاء تفضلووا . ..
الجده : تفضلوووا الله حيهم ..
وقاموا الحريم دفع دفع .. وهو يمشون يتكلمون وحده للثانيه .. شفت هذي اللي ذكرتها لك ..
.. الثانيه : ما شاء الله احترنا ولله .. بس ام بدله معجبتني حيلها وحياويهم هذا اللي يبي وليدي ..
الاولى .. الله ييسر اللي فيه الخير .. وترا ام زهر حليوه ورايقه ..واحسها دخلت قلبي .. وحده دخلت معهم بالسالفه وهي و راها قالت .. ولله كلهم .. شفتي حفيده ام تركي بعد .. يكفي ادبهم وما ينسمع لهم صوت ..
الرجال عشاهم اسرع من الحريم وبسرعه يخلصون عكس الحريم اللي يروح العشاء سوالف ..
عبدالعزيز وهو واقف عالمغاسل مع محمد ..
عزوز : اييه انا خلصت دراسه وتطبيق بعد بس تعرف الطب ماتخلص دراسته ..
محمد وهو يبتسم قال : اييه وانت صادق اللي يبي يتخصص لازم فوق اللي درسه يدرس بتخصصه .. والله يعينن ..
بنموت وحنا ندرسه ..
عزوز :ههه وانت صادق ..
فيصل من وراهم وقف عالمغسله الثالثه قوال : حتى هنا شغل ..
عزوز وهو يبتسم : ههههههههههه ولله ولا نخلص .. بس والله يا فيصل انا شاايفك وعارفك .. بس مدري وين ..
محمد وهو يضحك : هههههههههههههههه يمكن شايفه بحدا جياتك لي ..
عزوز بتخمين قال : لا ما اعتقد .. بس انت حظرت مؤتمر بقطر عن القلب ومادري ايش .. فيصل ابتسم وهو يقول: ايييه حضرته قبل ثلاث سنيين صح ..
عزوز وتتسع ابتسامته : ايييه بس شفتك هناك كنت حزتها طالب آخر ترم .. وتصدق هاللحين طالبيننا نرووح .. مرسلين دعوه ..
فيصل : ههه الا والله .. جتني بعد الدعوه بس ما اظن ارووح . ..
بس انت طمني .. خلصت .. وومشوا للمجلس مكملين بسوالفهم .. للرجال ..
الحريم جلسوا يلفوون بالاكل ..
وحريم العيال يصبون شاهي بعد الاكل ..
وشيخه فوق روس الشغالات سوو هذا ولا تسوون هذاك ..
ريم بالصاله الجانبيه جلست على الكنب بتعب .. شي مشته اليوم عجييب ..
رفعت يدها للساعه شافتها 12 وربع ..
قالت : يالله سرع الوقت ..
جت جلست جنبها سما .. وهي تعبانه من جد .. العصر كانت بالسوق وجت سيدا بدلت وغيرت وبان التعب فيها ..
حطت يديها ريم على جنوبها بتعب ..
سما وهي تلتفت قالت : اجيب المشد ريم .. ولله شكله اليوم بتتعبين منه الليل ..
ريم ما فيه مجال تعارض سكتت .. وقامت سما تجيبه لها .. وعلمتها شلون تلبسها اياه فا لبستها اياه وشدت شوي بالشمع ..
سندت ظهرها على الكنب وقالت:على تكت هالمشد الا انه اخف ..
وليا بعد جت ورمت نفسها جنبهم .. وعبير نادواها من فوق لانهم بيرحون وطلعت ..
والاغلب من الحريم طلع ..
مرت من الصاله وشافتهم ام سعود وقالت : ولله لو انكم شيخه هاللي تسدحتوا هنا ..
ضحكوا البنات على نفسهم من جد .. ما سوو شي وتعبوا .. شلون شيخه ما شاءالله عليها ..
ولما خف المكان من الناس استأذنت ريم رواحت لغرفه الجده .. دخلت وتسطحت بالسرير بس شوي وبتقوم بس تريح ظهرها ..
خالد تحرك من بعد ما خذته غفوتها الثانيه وظربت يده فيها فا قام متذكر انه نايم جنبها .. وهو يتعدل .. شاف الوقت ..والسيلكون اللي المفروض انه مغيره ..
قام بسرعه وراح للثلاجه واخذ واحد جديد بس كان بارد حطه بحضه عشان يدفى شوي .. وبعدهها نزله للفراش ودخل الحمام توضى وصلى اللي فاته ..
وولما خلص صلاته .. فتح ضو الدار .. واخذ السيلكون اللي دفا شوي .. وركبه بهدووو .. ويدخله بحرص بيدها ..
حست فيه وبالشي اللبارد اللي سرى بعروقها ..
وهو بعد حس انها صحت او بتصحى .. قرب وهو يمسح على خدها بيحاول يصحيها ..
ومن اطراف ايديه البارد على خدها الدافي فتحت عيونها بتعب وبخفه وبطئ..
خالد ابتسم لا شعوري وهويقول : الحمد لله على سلامتك ..
زينه : .........................
خالد وهو يمسح على شعرها قال : زينه .. زينه ..
فتحت عيونها والخدر مالي جسمه .. وعقدت حواجبها فجأه ..
خالد بأنتباه قال : شفيييك ..,,؟؟يألمك شي ؟؟
زينه ببحه وتعب قالت : صدااااااااااع راسي ..وهي تحاول ترفع يدها لراسها .. ولما وصلت راسها شد شعرها لورا بقوووه .. لما انتبه خالد ليدها اللي تشد شعرها فيه مسكها مبعدها .. وهي تألمت اكثر لانها لمست الحرق .. وحتى انه مكان الحرق اللي بالوسط من اليمين فضى مكان الشعر فيه كله طااح ..
خالد وهو يهديها ويطمنها وبصوته الدافي قال : معليه لانك طولتي بالنومه ..
قام بسرعه للثلاجه وفتحها واخذ علبه ماء ..
وراح لها ولما وصل .. لقاعها مرخيه هدب عينها .. دخل يده تحت رقبتها بيرفعها لتشرب شوي ماء .. صحت فيه وهي تقول : لااا مااابي ..
نزلها بهدوء .. ومسك يدها وهو يمسح عليها .. مو عارف شيقول لها ..
حظن يدها الباره والهزيله بين يديه الكبار .. ولما دفوا .. رفع يدها وباسها ..
فتحت عينها بصدمه من حركته .. وشدت يدها اللي بين يديه .. وسكرت اصابعها ..
ابتسم لحركتها وصدمتها .. وهو عارف انها ما راح تتقبل هالحركات منه .. وان رده فعلها بتكون سلبيه وممكن تنفجر فيه .. وهو بمجاله مخمن هالشي .. ومتوقعه نفسيتها انها بتكون زفت .. حاولت تسحب يدها بس ما فيها لا حيل ولا طاااقه .. وهو ظل ماسكها ويناظر فيها .. زينه ما عاد فيها لا طاقه ولا روووح ولا حياااه ولا جهد عشان تجاريه ولا تتقبل منه شي .. الدنيا سودا بوجهها وهو وضعها وضعفها اللي مسيطر عليها اكثر شي مأزمها .. ولما ما قدرت تسحب يدها .. نزلت دمعتها غصب عنها واللي صارت ما تشاورها تنزل على ادنا الدون .. ولما شاف دموعها خالد قلبه ما يتحمل .. قرر قبل لا يبدا يحسن وضعه وصورتها قدامه .. قرر يحتويها يقويها يرجع لها حياتها والامان اللي فقده .. وما يخلي لها فرصه تبعده او تنفر منه .. ويحتويها بحنانه .. ويسيطر عليها فيه .. رفع يده وهو يمسح دموعها .. فتحت عيونها بصدمه اكبر .. وهي تقول من متى اهتم بدمعتي نزلت ولا لا .. من متى وهو كان سببها .. لفت بوجهها وهي تحاول تقوم ..
حط يده على كتفها بيمنعها .. وهي اصلا مو قااادره بس سوت هالحركه تبين له عدم رضاها .. وفجأه قام من عندها .. ورجع
ومعاه فوطه بيضاء صغيره وماء ..
بلل الفوطه وهو يمسح جبينها فيه .. رفعت يدها مانعته .. ومو متقبله حركات الاستعطاف منه ..
بس هو مسك يدها ونزلها وقال : زينه .. ماله داعي كلنا غلطنا .. بس خليني اشوف شغلي ..
بعدت يدها بأصرار .. وهو لما شافها كذا ما حب يضغط اكثر عليها ,, بعد الفوطه ..
وحطها بالماء .. وسمع باب الشقه يطق .. استغرب .. من ممكن يكون يطق هالحزه الساعه وحده الا ربع ..
قام من عندها لباب .. لقى حسب الله ومعاه شوربه بحافظه صغيره ..
حسب الله بحرج : متأسف يا دكتوور .. وربنا عارف اننا تأخرنا اوي .. بس ابني محمد تعب واخدناه للمستشفى واتخضينا عليه ..
خالد بعتب قال : افا وشفيه .. وتآخذه للمستشفى ليه وانا موجود ..
حسب الله : يا دكتور اللي فيك مكفييك .. ومش عاوز اشغلك اوي .. دي الشوربه للمدام حتفيدها انشاء الله ..
خالد؛ شدعوى الله يهداك بزعل منك مره ثانيه ولو ما كنت فيه اتصل وانا اجييك .. ومشكووور ..وما قصرت .. الله يشهد بالللي سويته للمدام .. ما راح انسى جميلك ..
لا يا دكتور ما يصحش تقول كذه قميل ايه الناس للناس واعطاه اياه وراح وهو يدعي له بأن الله يزينها معاه ..
منصور من راحوا الناس رجع للبيت هو وسعود ناوين يبدلون ملابسهو ويطلعون ..
ولما دخل شافهم جالسين بالصاله كلهم بس ريم مو معاهم ..
منصووور وهو يرففع يده للكل وهو يقوول : السلاااااام علييكم جميعا ..
الكل والجده خاااصه وبأبتساامه قالت : وعللللييييكم السلام ورحمه الله .. هلا هلا منصووور هلا بوليييدي .. هلا بالغالي ..
منصووور وهو يتلفت وراه ويمينه وشماله ويقول لامه بتمثيل للدهشه : من .. أنــــــــا ؟؟
الجده وهي تقوم بدريه من جنبها قالت .. قومي قومي خلي الغالي القعده بجنبي ..
منصور طبعا فهم امه بس قال بيمشيها .. وراح وهو مبسوووط وجلس بجنبها ..
سعوود واقف ومسوي نفسه زعلان وقال لامه بمزح : وانتي يمه .. وليش ما تدلعيني مثل جدتي شووووفي بس ..
ام سعووود وهي تضحك قالت : ايه انا ما لقييت لك مره ..
منصوور وهو يمثل طير عيونه وهو يقول بصووت عالي : سعيدااان الهماااام يا ولد وهو يرفع ثوبه ويركض ..
الكل : ههههههههههههههههههههههههههههههههههههههههههههه
الجده وهو معصبه : مااالت علليك يالمقرووود مالك بالطيب نصيييب .. خلها تروح لغيرك ,, وعوووه علليك ..
منصور وهو طالع يضحك يسمعها .. ولف لغرفه امه متوقع ريم فيها ,, ولف معاه سعود ..
منصور وهو بيفتح غرفه امه التفت لسعود وقال : خير يا الاخو مضيع شي ..
سعود وهو بوجهه المستهبل وهو عارف وبيرفع ضغط عمه قال : ايه انا معاك .. انت وش مضيع انا معك ..
منصووور وهو يقووول يلا لا .. ويضربه بمقفى يده قال : هذا اللي باقي رووح ولله لو تجي جدتي وتلمحك ان مهي لك اليوم خضرا ..
سعود وهو ماشي لداره : ههههههههههه وانت صادرق .. يالله لا تأخر ماني بمنتظرك كثيير .. وصعد ومنصور طق الباب مرتين ودخل ..
على دخلته استقعدت ريم من غفوتها .. منصور وهو يطل براسه قبل قال : اوووه نايمه وازعجتك ..
ريم وهي تنزل فستانها على رجلينها بحرج قالت : لا ولله ما نمت .. ما بدلت اصلا وعقدت حواجبها من الم جنبها ..
منصور وهو يدخل ومبتسم قال : هاه شلونك .. فيك شي ؟؟
ريم وهي تبادله الابتسامه : بخير دامك بخيير .. ولله شد اليوم علي جنبي مادري يمكن عشان انا بعد شديت ومشيت عليه ..
منصور وهو يطبطب على يدها قال : ما تشوفين شر .. هاه محتاجه شي ريم عمها ..
ريم بخجل منه : سلامتك ..
....: هاااه انت هناا ..
منصوور : هلااا وغللاااا يممممه هلااا تعالي تعالي .. وهو يقوم يرقع لمن شوي اللي صار ..
ضربته بعصاها من كتفه وهي تقول .. قم قم .. لا بارك الله فيك .. شوف هالخبل يصارخ علينا يدورك ..
منصووروهو يضحك : يكذب عليكم داري اني هنا بس يتلكع عليكم ..
امه وهي تتحلطم قالت : ولله ما غيرك الملكع قممم قممم وهي تضربه بعصاها وهو يضحك ويقووم ويقول لريم اللي مبتسمه على حوارهم ..
كلميني لا بغيتي شي ..
وطلع والجده تسكر الباب وراه .. وهي تلتفت لريم وتنزل شيلتها ويباان لون شعرها الغاااامق اثر الحناء وقالت : يمه وراك ما غيرتي ..
ريم وهي تنزل رجلينها من السرير قالت هذاني بقوووم .. وقعدت الجده على السرير وريم وقفت قدامها وحاطه شعرها كله قدام على كتفها والجده فهمتها تبيها تفتح ازرارها .. فتحتهم الجده .. وراحت ريم تبدل وحتى جدتها .. وجت تسحب رجلينها بتعب .. انسدحت وهي تتنهد تنهده طويله .. وجت جدتها قعدت ومعها دهون ..
الجده لريم قبل تغفي : ريم يمه .. خليني ادهن جنبك من هالدهون زين يلين جنبك عليك ..
ريم وهي معقده حواجبها : لا يمه ما اقدر يألم ..
الجده : يا يمه ولله صدقيني ترتاحين وتنامين .. كذا ا انتي نايمه ولا انا بنام ..
ريم سكتت ماودها :................
الجده بتهديد : ترى ولله ان ما دهنت جنبك انادي عمك يجي يشوفك ..
ريم بأستسلام وهي تقول يالله .. تغطت بالبطانيه ورفعت قميصها لحد ما طلعت جنبها وبدت جدتها تدههنه وتقرا عليها .. وغفت فعلا .. الفولتارين يرخي التشددات .. نزلت قميصها جدتها وغطتها وهي تقرا وتسمي عليها .. وهي راااحت بنوومه عمييقه ..
الصبح الساعه 7 ونص ..
صحى خالد من غفوه اللي غفاها من بعد صلاه العصر .. وهو يشوف انها ما كلت شي ..
التفتت للساعه شافها سبع ونص.. قام وهو يغسل ويلبس ثوبه .. وشافها نايمه .. وسمع الباب يطق .. وفتححه وشاف ام محمد زوجه حسب الله .. للعلم .. محمد مو ولد حسب الله ولد زوجته .. تزوجها بعد وفاه زوجها وهو اللي مربي الولد وحاسبه ولده ..
ام محمد : صباح الخير يا دكتوور ..
خالد وهو يبتسم : يا هلا صباح النور ..
حست ام محمد انه توه صاحي قالت : متأسفه اوي يضهر صحيتك من نومتك ..
خالد : لا ولله جيتي وجابك الله .. انا لازم اطلع .. زين اللي جيتي ..
دخلت معاه وهو يوصيهها .. : ما اوصيك يا ام محمد .. عيني حطيها عليها لا تطيح عنها .. وحاولي فيها تآكل ..
ام محمد : متخفش يا دكتور المدام في عنيا .. انته روح وانته متطمن ..
خالد : معليه سامحينا بنعذبك اليوم معنا ..
ام محمد : لا ماتئول كده .. دا اخدمكو بعنيا دنتوا خيركوا مغرئنا ..
خالد : لا لا تقولين كذا ... وهذا رقمي شوفيني حطيته لك هناك عالطاوله .. بطلع وبالعصر انشالله امر عليكم والليل بعد .. واي شي يصير .. سوا بزينه او بالبيت تكفين علميني ..
ام محمد وهي واقفه وراه لانه جالس يركب الكبك .. قالت : حاضر انته بأمر .. بس عاوزه استأزنك ..
خالد وهو يلتفت ويلبس شناغه قال : آمريني ..
ام محمد بحرج قالت : ممكن اقيب ابني هنا لاني مش حئدر اسيبه بالشئه لوحدوه ..
خالد بتاكيد قال : اككيد وكنت بقولك .. يالله انا طالع وهو يآخذ مفاتيحه .. من الطاوله ..
ام محمد وهي تمشي وراه : بأمان الله .. لا اله الا الله ..
طلع خالد وهو يتنهد متوجه للبيت وهو شااايل هم ما تشيله جبال وكل امله انه ما يشوف شيخه قدامه لانه ما راح تخليه في حاله الا بتشوف شفيه ..
الجده وهي تفزز من قومتها ..
... بسم الله الرحمن الرحيم .. والتفتت لريم اللي نايمه بجنبها بسلام وهي تمسح على راسها وتقول ..
بأمان بنتك يالغالي بأمان .. وبعوينتي حاطتها .. رجعت راسها لمخدتها وهي تناظر فيها وهمها كل يوم يكبر ..
الساعه 9 وربع ..
ندى جالسه بدارها ومن قامت الصبح وهي صياااح الا ما نامت من حست السالفه صدق ..
ورافعه رجلها عى الطاوله قدمها والمنديل بيدها .. سمعت الباب يطق .. وزادت عبرتها بحلقها تدري انه شيخه اكييييد ..
ولما انفتح الباب الا هذا اخوها .. من شااافته وعيونها صارت قزاز من الدمووع .. وعلطووول من دخل وجلس بجنبها ووجه حتى هو الثاني قرب فراقها مأثر فيه ضمها من كتوفها .. كانت بس منتظره هاللضمه عشان تنفجر ..
بالمواقف اللي زي كذا تبين حجم الغلا والمعزه .. من اللحين تبكي فرقاهم .. بتفقد جيته كل ظهر من دوامه وبجلسته بصاله عزلتهم يتغدا .. بقومته العصر وريحه كوب النسكافيه حقه قبل يطلع .. ريحه عوده لما يبي يطلع لصلاه الجمعه .. ومزحه وضحكه معاها .. صار يتردد ببالها كل شي .. ناسيه انها بترو ح لشخص طال انتظاره لها .. ويعد الدقايق والثواني لتكون مله من جد ..
محمد بخرعه : بسم الله شفييك وهو يالله يالله متماسك قدامها ..
ندى وهي تشهق من جدها البنت قالت : فقدتك من اللحين .. وينك امس ما شفتك ماجيت لعندي مثل كل ليله ..
محمد وهو يضحك بيهون عليها قال : اعذريني ندوي .. ولله مقصر .. بس سكت يبلع غصته وبعيون صارت قزاز قال : قلت تركي خذا مكاني وما سألتي عني ..
ما ينقصها الا يقول هالجمله الا وانفجرت بالبكي حتى شيخه اللي طلعت من دارها بتنزل لتحت سمعت صياحه وجت تركض ..
وهي متشبثه فييييه وبقوووه وتصيييح ..
محمد غصب عنه نزلت دمعته من تشبثها فيه ..
شيخه وهي تبعدها قالت : بسم الله ندى شفيك ..
ندى انتقلت من حضنه لحضنها وهي تصييح وتقول : ولله ما اقدر اعيش بدونكم .. ولله من اللحين فاقدتكم ..
شيخه وهي تتنهد قالت : حسبي الله علا بليسك .. خبصتيني .. ولله حتى حنا بنفقدك .. وضحكت .. ههههههههههههههههههه
عادي حبيبتي .. بكرا بس تتعودين خلاص بتألفين بيت تركي وما عاد تبين تجينا خلاص .. وبنصيير تتشحذك تجين وتقولين لا ما اخلي تركي ..
ندى وهي تشاهق بحضنها وشيخه تتكلم عليها وتعلمها وتفهمها .. وشوي شوي هجدت ..
والتفتت وقالت وين محمد ..
محمد سحب نفسه لما كانت شيخه تكلمها ..
ندى وهي من جد زعلت قالت : وييينه ابيه ابيه بشغله ..
شيخه وهي تهاديها قالت: شتبين فيه ندو تراه مشغووول ..
ندى وهي تمسح دموعها وتآخذ التليفون قالت : ابيه شغله ضروريه ..
دقت ورد عليها بسررعه ..
محمد : هلا ندوووي ..
ندى بحيا انها بتكلف عليه قالت : هلا فيك .. محمد تكفى طلبتك ؟؟
.
.
.
.
الى اللقاء بيوم آخر غوالي قلبي ..
.
.
.
..غيمه عطر ..
..
|
21-11-12, 05:17 PM
جديد مواضيع قسم القصص المكتمله
العرض العادي
