كاتب الموضوع :
♫ معزوفة حنين ♫
المنتدى :
القصص المكتمله
رد: بنيت البيت طوبه طوبه لحد ماصرنا حموله ، للكاتبة : غيمة عطر
... الطوبه الثامنه ... .
.
.
المستشفى ..
راح طل عليها وشاف غرفتها ظلما .. بس اللمبه اللي فوق راسها تبع الاجهزه هي اللي مشغله ..
دخل وهو يقرب له .. ويحبها من راسها .. صحت عليه .. وهي تحاول تفتح عيونها وتركز فيييه .. بعد ثواني .. و
لما ركزت فيه ..بتعب قالت : من ؟؟
بلع غصه فقدانه لذاكرتها او بالاحرى رجوعها : مسك يدها وابتسم وهو يقول الحمد لله عالسلامه ..
عقدت حواجبها .. يدها اللي مسكها هي اللي اصبعها فيه مكسوره هو انتبه وبعد يده علطووول ..
وقال : آآآآآآسف عورتك ...
كانت بتتكلم ما قدرت من الجرح اللي بافمه .. تمت تراعي له وهو يتحمد لها بالسلامه ويعرفها عليه ويحاول يضحكها .. ومن بين ما كان يتكلم ومنسجم قاطعته وهي تقووول : أأأا بـــ....ـي ابو.....ــي ويـ....ـنــه..وعقدت حواجبها بألم ..
منصووور تصنم وكأن احد معطيه كف على وجهه بلع ريقه وبعد وجهه عنها لا تطيح دمعته .. .. حس ان العبره خانقته وهو يشوف عيونها باديه تدمع ..وتحاول تقوم .. ما عرف شيسوي ..ضرب الجرس مرتيين .. و......,
جااا اخوه عبدالاله بسرعه ...
دخل لما شافته فزت له .. وهي مستنكره منصور اللي عندها ..
قرب لها وهي يمسح على راسها وقال : صح النوم .. كيف صرتي .. احسن انشالله ..
ريم وهي تحاول تركز فيه قالت : ويـــــ.. ـــــن رحــــــــــــ...ـــت مو قلـــــــــ...ـت خللـــــــــ...ــــك جنــــــــ..ـــــبي ..
عمها وهو يجلس جنبها عالكرسي ومنصووور بدهشه من اللي يشوفه : عندك . بس طلعت اسأل الدكتووور عنك وهو يتحسس يدها ويطبطب عليها ..
كانت تناظر في يده وتمعن نظرها فيها .. حتى ان منصور وابو سعود بعد ناظروا ليد ابو سعود ..
رجعت ناظرت فيهم من جديد ودمعت عينها .. حست فيه شي غلط .. وسحبت يدها بهدوء من يد عمها ..
تربطوا ماعرفوا شيقولون .. قالت بهدوووء : وووويـــ....ـــن ابـــ..ـــووي ؟
عرفوا انها صحصحت وشبه عمها لابوها ما خلاها تركز فيه لما كانت تحت تأثير المسكناات ..
كملت وهي تحاول ترفع نفسها لوضعيه الجلوس وهي تمسك جنبها اللي يألمها : وين انا .. تحت اي سماااا وغمضضت عيونها بقوه تتذكر .. مو قادره ..
عمها عرف انها بكامل وعيههاقال : قولي لا اله الا الله .. استهدي بالله يا بوووك ..
طاحت دموعها وبصوووت مرتجف وبأصرار قااالت : ويييــ..ــــــــــنــــــــــــــ..ـــه ؟؟
عمها خلاااص عرف انها رجعت لوضعها الطبيعي وصحت من اللي كانت فيه ولو بيقولون لها اي شي تعرف انهم بيهدونها او بيلعبون بعقلها فا قال بيمهد :هو تعبان شوي وحاطينه بغرفه يرتاااح !!
بعدت اللحاف عنها بتقوووم تشوفه بس رجعها عمها : لا يا بنت الحلال لا تزعجينه ..؟؟؟
ريم بصياااح : شاللي ازعجه ووييينه .. بعدووا عني بشوووفه ..
منصور : ريم ريم .. هدي خليه يرتااااح ..>> ;كمل مع اخوه مع انه موعاررف وش بيسسون بس اللي فهمه انه معتقده انه ابوها ..
ريم : وانا شسوووي فيه .. هو مايرتاح اذا ما شافني بعدوااا عني ..ليش ماتخلوني اروووح له بعدوواا ..
عمها ابو سعود : ما قصدنا شي بس خليــ
قاطعته وهي تقوووم بتنرنح وتقول : لااا انتم وش عرفكم ..وييينننه ..وينننه ابيه ابي اشوفه .. مو من حقكم تتحرموني منه
منصوور : ريييم وهو يرجع يجلسها وقال : ريم ما ينفععع تعبااان اتركيييه ..
رفعت راسها له وهي تقووول : قولواا ليه ماتخلوني اشوووفه ليييه وييينه ويييينه .. لا يكوووون وهي تطير عيونها بصدمه من اللي طرا لها ....تقصد انه بعنايه او بحاله خطره او ممنوع من الزياره وهم فهموها شي ثاني فاقال عمها ..
: لله ما عطى وله ما اخذ ... وكلنا ماشييين على هالطررييق ..
رفعت راسها بصدمممه ودموعها تجمدت بعينها وهي تهمس :وش اللي له ماعطى وشو اللي كلنا على هالطريق وشوووو وحست بخدر يتسرب لاطرافها حتى ارتخت مسكها منصووور ورجعها لسريرها وهي تحاول تستوعب ..
ولما ترجمته ببالها صرخت فيهم وقالت : رااااااح تركنييي .. رااااح .. لا هو اصلا رايييح من زمااان .. لا لا من زماان .. لا لا الا راااح .. شنو اللي راي مااارااااح لا لا لا لا .. رااااح وبدت تضرب بصدرها متناسيه او مهمله المها اللي بيدها وجنبها مسكها عمها بيهديها بس كانت بوضع الـلا استيعاااب باللي قاعد يصيير وبدت احداث تتضارب براسها .. حست نفس الحدث هذا صاااير م قبل .. حست بطعم الم وحسره ذايقته من قبل .. توقف عقلها عن الاستيعاااب .. انشل تفكييرها شلووون كذا شلوووون ... رفعت عيونها لهم وذبذبات صووور تمر عليها .. ابوها .. صور حاسه انه شايفتها بس ماتعرف مين هي .. وجيه أألفتها بس ما تعرفها .. بس اللي متأكده منه ابوها .. حست بسووواد يلفها صدااااع براسها وألم فرقى ابووها همست : لا ماراح ماتركني مااار راااح لا لا لا مااراااح قامت مذعوووره وهي تقووول : تكذبووون ما راااح ماا مااات لااا لااا .. بس من الرضه اللي برجلها طيحتها بالارض رفعها منصوور عن الارض وهي تحاول تستوعب الوضع ماااا قدرت وبدت الدنيااا تطبق عليها حست نفسها بدا ينقطع من الالم اللي تحسسسسه وذاقته للمره الثااانيه ..وبدت خلاياااجسمها واعصابها يخونونها .. وهي تشوووف عمها يرجعها لسريرها وابوسعووود يركككب جهاز التنفس عليها ويكلمهااااا .. : ريييم ..ريييم .. اسحبي نفس اسحبي ..
منصووور اول مره يحضر هالحالات تصنم وهو يشوووف اخوه يحاول يساعدها .. طلع يركض لبرا ينادي احد مع اخووه ..
جاء الدكتور غسااان معاااه وهم يحاولون يساااعدونها تآخذ نفس .. بس ماقدرووا من ضغطها اللي نزل وافقدها وعيهها ..
عمها كان قاعد يزييد بنسبه الاكسجيين .. بسبب ضعف سحبها لنفسها .. وبنفس الوقت الدكتور غسان كان يبدل المحلول الحلو بالمالح ليضبط ضغطها اللي نززل ...
ابو سعووود وهو يسمع لنبضها قال : لازم خالد يجي يشوفها .. ؟؟ وضعها تخربط من جديد ..؟؟ وشكل كلام فيصل طلع صح ..!!
منصصوور بخووف وحاس انه هو مسؤول عنها قال : شاللي فيها .. وشقال فيصل ..؟؟
ولما اعطاها دكتور غسان مهدئ وضمن انها ما تسمعهم تكلم ابو سعود ..
ابو سعود تكلم ومنصور والدكتور غسان يسمعون : هي بحادثها الاول مع ابراهيم الله يرحمه كانت الضربه جايه على راسها .. وومسبب لها ارتجاااج ونسيان (جزئي) لذاكرتها .. ولاننا حنا ما نعرفها وما نعرف طبايعها ما كشفنا هالشي .. ومع مرور الوقت بدت الاشياء اللي بذاكرتها تنمسح لانها ما ذُكرت فيها .. ولما جت الحادثه الثانيه هذي .. استرجعت ذاكرتها ..
منصووور وهو مو مستوعب اللي يصير قال: شلووون كذا ؟؟
الدكتور غسان : ايه كتير معئئول هاد الحكي .. وبتصير احيانا .. وخصوصا ان الخلايا ما حصل لها ضمووور وماتت لا بسبب كدمه او ضربه .. فا الضربه اللي بعدها رجعت لها بعض من اللي نسيتوه ..
ابو سعود مأيد لغسان قال : فعلا .. انا بشوف خالد شيقول هو اخبر وبسأل واحد اعرفه بعد واشوف شيقولون ..؟؟
منصووور بحزن على هالبنت : لا حول ولا قوه الا بالله ..
بجهه ثانيه ..
كانت واقفه قدام الشبااااك ..
ظللما شجر وسووواد وضو اللمبات يتخلل ويتسرب من بين الغصووون الكبيره .. وبركه ماء فاضيه ومغبره وباااين لها فتره ما تعبت وترراب وغبااار .. وكراسي سفنجها متقطع واللي مالها رجلين وطاول طايحه .. نزلت دمعتها وهي تقوووول :يااالله شقد هالمنظر يشبه حياتي ..
من وراها .. : هاه شقلتي ؟؟..
التفتت برعب .. الوقت متأخر وما ظنه انه فيه احد معها بالغرفه ولا حست بدخله احد وهي ترص نفسها على باب القزاز اللي وراها وبرودتها تلمس ظهرها وجسمها من وراء ..
الدكتووور : شفيتشش . .. ؟؟ شكنتي تشوووفييين .. ؟؟ وقرب للواجه القزاز اللي بغرفتها وطل وهو يشوف نفس المنظر ؟؟..
بعدت عنه شوي بخوف منه ..
الدكتتتور : تصدقين عاااد هالمنظر وايد حلو وعجبني ؟؟..
زينه حست بقهر وكره للي حوالينها صرخت فيه لانه حسته يستخف ويستهتر بعقلها : انا مو مجنونه مو مجنونه ..
الدكتور بجد منسجم والتفت استغرب عصبيتها وقال : نعم .. ومنو قال انتش مينونه ؟؟...
زينه منهاره ومو محتاجه لاحد عشان يستفزها وينزل دموعها فا علطوووول صاحت : انت انت .. مو مجنونه عشان تقولي ان هالرعب اللي هنا حلوووو .. مو مجنونه عشان تلعب بعقلي .. ؟؟؟ مو كل من دخل هنا مجنون مو كلهم ..
الدكتور ما عرف شيقول .. بجد هالبنت مو مجنونه بس ليش هنا .. ليش ؟؟..
الدكتور بتأكيد لها : صح انتي بجد مو مينونه .. وان هالمنظر الي تشوفيه كلش مو حلووو ..
بس انا عندي حلوو لما ارسمه ..
وتوجهه للكنب اللي بطرف الغرفه وقال : طيب تعالي هنا وقولي لي .. ؟؟ شاللي جايبك هني ؟؟ وهدي اعصابك وخليني افهم ..
زينه عرفت انه بيسحبها ويجرها بالكلام ظلت مكانها وهي تناظر فيه ومتحذره منه ومن غيره ..
الدكتور وهو يتركى : هاه ما رديتي ..؟؟ وسسكت شوي وبعدها قال : شوفي زينه انا متأكد وعارف انك مو بمرتاحه ولا متطمنه لاي احد هنا .. من حقكتش .. بس ساعديني .. قولي لي ... عشان انا بعد اعرف اسآعدتش ..
.. كانت ساكته وتصيح ..مافيه فايده .. ما تتكلم قام وهو يقول .. زينه لازم تساعديني .. ولا مـ...
صرخت فيه : ولا ايش .. من طلب مساعدتك .. من شكالك الحال .. شبتسوي .. بتعطيني ابره .. بتنومني مغناطيسي بتجرجرني بالكلااام .. لا تحلم لا انت ولاغيرك .. ولا تتعبون نفسكم معاااي ..كلها فتره وبتعدي ..
الدكتور : على بالك بتذكريني .. ولو كنت بسوي اللي قلتيه كان ما شاورتك .. واعتبرتك بجد مينونه ونومتك وجرجرتك مثل ما تقولييين .. بس انتي الظاهر ما تبين تساعدين نفسك ولا تساعديني .. وعشان كذا انا بطلع .. وما راح ارجع هنا مره ثانيه الا لما انتي تقولللين .. وبنفسك انتي تحددين متى تبين تطلعين من هنا
زينه بقهر منه قالت : هييييه شمعتبر نفسك انت .. انا لو ابي اطلع ما شاورتك وطلعت من قدامك الحين واذا فيك خير امسكني ولا رجعني ..
ابتسم من عصبيتها وما حاول يظهرها وقال : عارف انك قويه ولسانك طويل بعد .. عالعموم انا طالع واذا هذا انا اقول اذا حبيتي تسولفين ولا تتكلمين مع حد ... انا بمكتبي ..
طلع وهو يسكر الباب ..
الممرضه برا : شو دكتور .. لا يكون بتطلع واحنا ما بنعرف ..
الدكتور : فتحي عيونك.. ولا تحتكين معها بالكلام .. ولا تصادمينها بشي ..
ومشى ..
الممرضه :بس دكتور هي ما اكلت اشي من لما اجت ..
الدكتور : كل وجبه عشاء ولا غداءولا غيره .. جيبووه وحطوه قدامها وهي بتآكل ولا تقولين ولا كلمه زييين ..
الممرضه بعدم اقتناع : ايه حاضر .. بس مـ.... وسكتت ..
الدكتور : ما شنو .. لا تخربين شغلي .. حذرتك .. ورااااح
وهي جلست على الكنب تصيييح طبعا مالها حيله غير هالدموع ..
الصبح الساعه 8ونص ..فيصل واهله
ليا جالسه تشرب نسكافيه وامها بعد .. طلع فيصل يفرك وجهه ويقول لامه ابي بندول ..
امه وهي تقوم .. : الحين اجيب لك يمه .. بس عشان خاطري يمه خلك بالبيت لا تداوم .. لو يووم .. خل احد يمسك مكانك مثل ما انت تمسك مكانهم ..
ابتسم لحنيه امه ولكلامه اللي كل ما قال لها ابي بندول رددته : قال .. معليه يمه .. ماني رايح مقدم للدوام بحاول انام شوي .. وثانيا زياد مو موجود والقسم مافيه غيري وغيره .. واذا رحت بروح اشيك على الحالات وارجع ..
امه وهي غاسله يدها منه قالت : ايه هين .. كل مره تقول هالكلام ..
ليا من وراهم .. : ايه لو هي انا كان ما قلتي لي هالكلام كان من وراي العصاء اقوم من غير وعيي ..
ضحك فيصل عليها ودخل الغرفه بيحاول ينام ..
سما بعد مخلصه لبس وبتطلع للجامعه .. وتنتظر ليا ورنا ..
ليا جت وهي تجرجر رجلينها قالت : آآآآخ بس .. يا حظ استغفر الله والله بعد لا يبلانا.. ريم وندى .. هذيك بالمستشفى والثانيه ضاربه بالدنيا عرض الحايط .. <<البنات مايعرفووون بعد بتطورات حاله ريم .. ولا حتى اهلهم ..
سما وهي تضربها من راسها : استغفري الله .. وش حظهم عليه .. ندى هالمقروده على خالي .. ولا هذيك بالمستشفى ,, لا ولله شي اهون من شي ..
رنا وهي جايه وتتحلطم .. ياربييييي متى بس متى اتخرج وافتك ..
سما بطنازه : الله يخلف عليك بس .. تفكرين بالتخرج وانتي ما فقستي من البيضه ..
شيخه من تحت تصصوت ..
ما خلص نقاش مجلس الامه اللي فوووق .. تعالوا بسرعه السواق برا .. ترو اذا ما جيتوا طلعت معاه للمستشفى واجلسوا عاااد انتظروووه ..
ليا بخوف : اوووه ولله تسويها بسرعه تعالوا ..
رنا : يالللللليت ..
سما وهي تجرها : لا تقهريني .. شهالتفآآؤل اللي انتي به .. على حالك هذا بتقعدين بالسنه 3 سنين ما تخرجتي ..
نزلن ..
ام خالد عند الجده هي وام سعود .. ونزلت لهم ام فيصل بعد ..
والبنات ركبوا وراحو ..
شيخه وهي تجيهم وتجلس ومعها عباتها ..
ام فيصل .. هاه ما رحتي ..
شيخه بذوق : لالا شوي .. الحين اكيد نايمه ياعيني .. خليني اجيها مصحصحه شوي .. يودي السواق البنات ويرجع لي ..
ام خالد : خالد فوووق وبيروح للمستشفى لا طلع روحي معاه ..
شيخه وهي شاكه بوضع اخوها هاليومين وحاسه بهالشي قالت : ولله اجل اروح معاه الحين ..
الخال وام تركي يتقهون ..
الخال هو نفسه متحمس .. ولا هم دارين اللي صاير هناك بحال البنت .. وبما انه مسلم حالات المرضى لابو سعود اللي ماسك المستشفى بخصوص المرضى وبعض اعماله الاداريه اللي بخصوص المرضى : هاه ما قالوا لكم شي عن موعد الزواج ..
ام تركي : ولله انا كلمتها وقالت مادام ريم كذا ما فيه شي .. والحمد لله صحت .. وانشالله ترد لي خبر ..
تركي وهو نازل .: ايه ولله قولي لها ما صارت ..
ابوه وهو يضحك قال : يقولون صباح الخيير اول ..
تركي : صباكم الف خيير بس اعذرني يبه .. على الاقل يحددون اليوم عشان انتظر واجهز اموري على بصيره ..
امه : ايه انشالله ولله ييكفيك شر هالعجله ..
ابوه " طيب الحين مشغلنا وخابنا ويله ويله وانت ما سعيت ولا سويت شي ..
تركي : مو عشان كذا انا الح .. ابي ابدا ارتب اموري ..
ابوه : شووف يا تركي .. امانه اذا تبي تطلع من هنا انا ما اجبرك .. اطلع واللي ريحك سوه ..
تركي بيعاند ابوه : هاه... وش افهمها هذي .. طرده ..
امه : لا ولله لا تخللينا من كثرك على الحظ بعد ..
ابوه : اتركيه على راحته وعلى اللي يبي يسويه ..
تركي : واللي ابيه واللي ابي اسويه اني بقعد هنا .. الا اذا ما تبووون ..
امه .. ما نبي؟؟؟ .. الا ولله هذي الساعه المباركه ..
زينه اليوم هذا اليوم الثالث لها ..
تعبت نفسيا وجسديا .. ما تنام ما تآكل ما تتكلم ..
عالسرير ما تنام ...عاللي يدخلون عليها ما تأمن .. على كل شي موجود .. خصوصا انها امس كان فيه مريضه برا
تصرخ وتضرب وتكسر .. وكانت بعينها .. وصراخها بأذانها .. فاقالت لنفسها .. بكرا اكيد انا مثلهم ..وبعاملوني مثلها بدون رحمه ولا احساس ..
انفتح الباب وهي ضامه رجلينها لصدرها وجالسه عالكنب .. كانت تسمع خطواته قريبه وما بقى الا يلمسها .. حط يده على كتفها .. كش جلدها وتصلبت يدينها وهي تقول بنفسها يارب قويني يا رب احميني ..
تكلم .. : زينه
رفعت راسها مو مصدقه هذا هو وهذا صوته قامت مو مصدقه .. خالد .. جاء خالد .. ضمته تحتمي فيه .. ضمته بشرهه .. وهي تفجر بالصياح ,, وجهها ذبلان ومصفر وعيونها حمرا ..
خالد ما عرف شيسوي متفآجى .. منصدم .. ما توقع بتضمه .. بالعكس توقع ببتتخانق معاه وتصرخ فيه ..
بعدها استوعبت .. بعدت بكره وهي تدفعه وتقووول : شجايبك .. شجايبك .. جاي تشمت .. جاي تنتقم .. ابشرك .. بكرا بيعدوني من ضمنهم ., مجنونه بلا عقل ..
خالد بيبرر: زينه زينه لحظه افهمي .. خليني اشرح لك .. انا جبتك هنا رحمه فيييك ..
زينه تقاطعه : لاااااا.. لا ولله بك خيير .. رحمه بي .. تجنني .. انا مو ضامنه عقلي بعد دقيقه تقول جايبني رحمه .. اي رحمه هذي اي رحمه ..
خالد بتبرير غبي : اذا انتي واثقه .. اضبطي نفسك وما يجونك ..
زينه ضحكت بصوووت عالي : ههههههههههههههههههههههههههههههههههه . .. ضحكتني ولله .. ودمعت عيونها وهي بس تتخيل نفسها لو تصير حالتها حاله اللي امس شافتها .. انت لو شفت الحاله اللي امس ما قلت لي اضبطي نفسك .. وأأكد لك .. بيوم بتجي بتشوفني مثلها واردى بعد وساعتها .. ذنبي برقبتك ..ذنبي برقبتك ياخالد يوووم الدييين ليوووم الدييين ..
وحست الدنيا بدت تلف فيها .. كملت وهي تقول : حسبي الله عليك يا خالد حسبي الله عليك .. لو راميني بالشارع اهون من انك تموتي عالبطيئ ..
خالد قرب لها .. بعدت عنه بسرعه بترجع وراء ما انتبهت للطاوله وراها فا تعثرت فيها وطاحت ..
خالد قمز لها ..
زينه : أأأأأأأه ه ه.. وهي تمسك يدها المكسوره قبل ..
خالد بخوف : زينه قومي فيك شي .. بعدت يده عنها بقرف وهي تحاول تقوم قامت بتلم نفسها وما امداها وقفت الا وطايحه من جديد مغمى عليها .. منهد حيلها ونفسيتها وجسمها بعد
طلع يركض خالد ونادى الدكتور اللي متوقع اللي بيصصير بأي لحضه ..
وقال الدكتور تعال معاي ..
طلع معاه خالد ..
الدكتور قال بذمه : اسمعني دكتور خالد .. الصداقه شي .. والشغل شي ثاني . .. زوجتك ما فيها شي عشان اعالجها .. انت يمكن جايبها هنا لسبب ثاني .. هذي خصوصيتك وما راح اتدخل .. بس تبقى هالحاله بأسمي .. فا انا اعتذر .. اسحب حالتها مني ..
خالد بعذر اقبح من ذنب قال : انا جايبها بس لفتره .. وبطلعها .. هي اصلا مو متزنه نفسيا .. فا قلت اجيبها هنا عالاقل تلقى من تسولف معه ..
الدكتور بأستهتار : تسولف معاااه ؟؟؟ّ!!! .. اللي مو متزن نفسيا يزوور الطبيب زياااره ما يجيبونه هنااا .. زوجتك يا دكتور من دخلت هنا ما كلت ولا شربت ولا تكلمت مع احد .. النوم وهو النوم ما تنامه .. تقولي تسولف مع احد .. عالعموم انت حر .. بس ياليت وبدون زعل تسحب حالتها مني .. لاني انا ما اقدر اقول هالشي للمدير .. وسلمها لاي احد ثاني بكيفك .. او حتى طلعها ..
خالد بخيبه ولانه عارف انه غلطان ما جادل وقال : خلاص اللي تبيه .. بسحب حالتها ..
منصور من لما نزل خالد شيخه للمستشفى ودخلت لريم .. رجع للبيت بيرتاح شوي ويغير جو المستشفى اللي خنقه .. ويآخذ امه اللي مصره تشوفها ..
دخل للبيت وانسدح عالكنبه ينتظر امه ..
.
.
.
تابع ..
|
21-11-12, 05:13 PM
جديد مواضيع قسم القصص المكتمله
العرض العادي
