ببيت الجده .. هذا المؤذن يقول الله اكبر .. ومن يقولها تصلي صلاتها تقرا اذكارها وتطلع لصالتها لاهل البيت بعد هالقيلوله ..
وقتها ولدها واحفادها يا ناس مسلمه الشغل يجون يتغدون عندها ويروحون ينامون .. يا ناس بتستلم .. يجون يتقهون عندها ويطلعون ..


نزلت ريم لهاا .. تنتظر فيصل بيجي هاللحين من دوامه .. وراحت تجيب غداه عند جدتهاا ..
الجده : وشووو ..
ريم بسواليف .. : ايه والله صادقه .. وهو وعدني .. ووقبل زواج ليا بعد عشان ما نروح كلنا وتجلس خالتي لحالهاا ..
الجده بضيق : وانتي وش تبين بالسفر وبطنك هالطوول ..
التفتت ريم لبطنها وحضنته بيدينها : ويين يا زيينه بطني شوفي صغره يجنن ..
الجده : ووووين صغره ويجنن ما ينقال لك باقي لك شهرين وتولديين ..


.........: الظاهر انه امي تبيه كبيير كبر هالمركى وراك عشان يكون شهمم وشجااع ..
ابششري هالبطن يمه ما بتشوفينه الا عندي انا وزوجتي ان الله احياناا ..
الجده مميله وجهها عنه ولا تراعي له : لا حجت البقر هلسنه يا وليدي .. ايه لا حجت البقرر ..
ريمم : هههههههههههههههههه .. ايه والله وانتي صادقه يمه .. خلهاا تجي عشان نشووف لهاا بطن ..
منصور: ضاحكه بلا سنون قولي امين .. عاجبتك علبه النيدوو هذيي .. هذي ولا بسسس اللي فييك ..
ريم شهقتت بخووف : عمممي.. استتغفر رببك .. اصلا هذي الدكتور تقول البكر دايم حملها رشيق ولا لهاا بطن كبيير ..
الجده بأستهزاء ..: اجل هييي تقووول كذاا ..!! ......... يالله لك الحممد .. ايييه ميير الله يقومك بالسلامه بسس ..


.....فيصل من وراهمم دخل .. : السلاام عليكم .. مساكم الله بالخيير ..
ريم ومنصور والجده : هلا والله الله يمسيك بالنور ..
حب راس جدته : كيف امسيتي يا جده ..
الجده برضا عليه وصوت هادي : بخير ونعمه من رب العالمين ..
فيصل : اللهم اجعله دووم ما هوو يوممم ..


وشوي شوي الي يروح من الجده واللي يجي .. لحد ما انتصف العصرر بوقته .. وجت ام خالد وجهاا مشرق ..
: السلاام عليكمم ..
كل البنات والحريم موجودين .. : وعليكمم السلاام ..
الجده بفرحه : ما شاء الله .. الوجهه ينور اشووفه ..
ام خالد بفرحه وهي تناظر فيهم : ايه والله الحممد لله وش يبي الواحد غير راحته وراحه عياله ويشوف سعدهمم ..
الجده : الف حمد وشكر لك يارب ..
ام خالد تزيدها : لا وابششرك .. شيخه جت ليوم من السفر توها مسكره مني مكلمتني ..
وتقول ان حصل لها بكرا تجيناا تسلم عليناا ..

ومن قالتها الكل ابتهج وفرررح ما يدروون لييه .. مجرد طاريها وذكرهاا فرحهمم ..
الجده : ززززين ما شاء الله .. الحممد لله على سلامتهاا .. الله يجعلها دووم سالمه وغانمه ..
لله لا والله لا تجي خلها عند ححمولتهاا ..

لتجيهاا اعتراضااات البنااات بقوووه وشششده على كلمتهااا ..

الجده بعصبيه : اقول اقطعي واخسسي انتي وياهاا .. ما بقى عاد الا هي .. تخربون البنت .. على اساس انها بتطيعكممم ..
ندى بدفاع واحتجااج : امااا عاد ما تجيناا ولييه عاااد ..
سما بقهر : يعني بسس عشانهاا عند حمووله .. مو هي لها جناح كامل ويطلع للشارع ما تعتبر عندهمم ..
بدريه : ايه بس بوسطهمم ..

الجده : ولاهمم معيين عليهاا .. مير السنع والواجب ..

رييم بفجعه : سسسنع وواجب انها تسسسلم على اهلها عقب جيتها من السفرر بالتليفوون ما تشووفهمم ..!! هذا السنع والواجب ..!1
البناات تداخلت اصواتهم مأيدينهاا ..

لترفع الجده ععصااها : ورا ما تلفووونها وتنثبروون انتي وياهااا .. هاااه ..!!
حسسسكن عييينكن اسمعكن تقلن لهاا هالسوااالف لتلف على لياا اللي انخرششت ..

: اسمعييييني يا بنيتي .. تراك حالك حالتهاااا اللحيين .. وعننند حمووولتك .. قبل تطلعين من البيت خطوه وحده احسبي حسابهم واحشمييهمم ..
وان شفتي ندى مهبهبه .. ولا رناا .. ولا ريمم .. فهم مننا وبناا .. ولا هم عند اغراب ..
ولا حمايلكن غراب بس واجب السنع لهمم .. لتنقلين عيشتك اللي عشتيهاا وتريبيتك عندنا ووبييتنا حنا وحمولتناا لهممم ..

ندى بغباء شوي : يعني انا اللحين ما احسسب حمموله .. قبل افككر اني اجيكمم .. القى خالتي يالبى سابقتني هي وويوسف ..
لتللفت الجده وتكش عليهاا بوووع كببير ومن قلبب : ما قووول الا عوض تركي على الله ...
ندى تتخصصر : لااااااااااااا .. هاللحين عوضه على الله .. وانتي اللي زوجتيناا ..
ام تركي : هههههههههههه الا والله يا سعدي . رجعتي الحياه لبيتنا عقب الهدووء ..
سماا تخز جدتهاا : وانا ما يكفيكمم لجتي .. ولا كلت الجوو ندى ..

جدتها بدوون قصصد : لا والله انتي مانتي دايمه .. وام يووسف هي اللي عندي .. باكر تنشغلين عنا بالرجل ولا نشوووفكك ..
كمششت سسماا .. لتتذكر الجده : اييه والله .. هو وينه اليووم ما شفته خويلد ..
سماا تخززها وش خويلد .. والبنات على خزت سما كلهم ناظروا لهاا وماتوا ضحكك ..
لتتعجب الجده : هه .. شفيييكمم ..!!

رييم : لا والله مستغربيين وينه خالد ..!!
الجده : هاتووا هالبليه اتصل علليه ... اشوفه وينه .. طولها وهي قصصيره هو وهالبيت ..
ام خالد ..: لا تتصلين خالتي .. مكلمته اناا .. الله يعينه على ما بلااه .. ما يدري من وين يلفقهاا هالبلوى اللي عنده .. وقال يبي يناام ..
سكت الكل.. محد يقدر يتكلمم ..دام وصلوا لهالخصوص .. وفيه طرف يخصه بالموضوع ..

لتلتفت ام خالد على ام سعوود : مادي متى تبونها تصيير رسممي يام سعوود ..؟؟
ام سعود ما ردت ولا بترد لانها ماهي راضييه .. : ..............................
لتقوم ام تركي : متى ما كتبها الله .. البنت بنتكم والولد ولدناا ..
من قالت جدتها هالكلمه .. انقبضض قلبهاا .. وكأنه السالفه صارت جدد ..


ام تركي .. : بس مو لازم ابوه وعمهاا يحضضر ..
ام خالد تهب فيهاا : ما زوجته برضاي للمره الثانيه يا خالتي .. وانا بنحررم من حضوري لزواجه ..
الجده : لاا ابببد .. هذي انتي قلتيهاا للمره الثانيه ماهي الاولىى ولا هو بيآخذ منه شور ولا يبي منه موافقه ..
وخيير البر عاجله ..
ام سعووود بانفلااات ما قدرت تتحمل : لاااااااااااا عااااد .. ووشرايكمم بعد ملكه وزواج بييوم واحد ..
وهنااا بالبيت .. ولا من شااف ولا من دريي ..
الجده دخلت راسهاا تحسبها من جد وحماس كلامهااا : والله راييك مبرووك .. والله انـ.......
لتقطعهاا ام سعوود بغضضب : وعلى جثتتي ما يصييير .. بنتي لاهي بايره .. ولا طاييح حظه عشان يصير زواجه بهالشكل ..
وحده مالي غيرها .. بتزوجونها غصب علي وبعد تكرفتونها لبيت زوجهها سكاااتي ..

الجده بغضضب : هه .. وش هالكلاام يام سعوود ..
ام تركي تحاول تسكت بنتها : ام سعووود قولي لا اله الا الله ..
ام خالد بحده : لييه .. خالد اللي ينقصه شيي .. ولا متعايبته بششي يوم ما ترضينه لبنتكك ..



ومن احتتد النقااش بينهمم .. اسحبت سماا من بينهممم طالعه برااا عنهم وعن مناقشاااتهم وتحس بأذنهاا يدور كلامهمم ..
غضب امهاا .. وزعل ام خالد .. دفاع جدتها ..وتعزيز جدتها الثانيه لهاا ..

اي ذنب .. واي مصييبه سووويته .. يااربي .. يااااربي ..
طلعت من الباب الخلفي للفله هايمه على وجهها ماتدري شتسووي ولا ويين تروووح تحس بقههر .. قهرر ووجع بقلبها يكببر ويزيد يوم عن يووم ..



.
.
.

بـألامارات ..

ماارضي الدكتور يطلعها من المستشفى .. وهالشي خوف ناصصر زيياده عليهاا .. ليش ما يطلعهاا ..!!
اما هي تحس التعب من بعد الولاده ما راحح .. كل اللي تعرفهم وتشوفهم يومين والثالث الحمد لله ما فيهم الا عافيه ربهمم ..

حتى بنتها عيوا يجيبونها لهاا اليوم ..
كان يجلس عندهاا شوي .. ويروح الحضانه لبنته شوي .. ما يدري وين يجلس ولا يصبر نفسه على وشوو ..
والمستشفى متعب للمريض وللي معه .. يزيد هم المريض هميين .. وهي تشوفه رايح جاي ..
متضايقه من كل شي.. ومحتاااجه شششي واحد بسس .. ورغم سهولته الا انه ممنوع عليهاا ..

قبل يروح للبنت .. ترجته : تكفى ناصر .. ابي اكلم صديقتي ..
ناصر بسوؤال : ندى ..؟
عبير ما استغربت .. هذا هوو ناصر اللي ما تعرفه هي هو يعرف فيه .. ولا يخفاااه شي ابد ..
تنهد وقال : شوفي .. بعطييك الجوال .. وكلميها على ما ارجع .. تراني دقيقتين وراجع .. وبثثق فكيك وكوني قدهاا .. ولااا
قاطعته : اعرف .. ما يحتاج تهدد .. عطني ياه بسس ..
ناولها اياه .. وطلع من عندهاا .. وهي بسرعه اتصلت بأرقام حافظتهاا زيين ..

رن مره .. ومرتيين .. ولا ردت .. رجعت اتصلت مره ثانيه ..
وبالرنه الاولى رفعت الخط .. : الووو ..

ليجيهاا الصوت التعبان .. رغم تعبه عرفته .. : الوو
ندى بفرحه : هلااا .. هلااا والله وغلااا .. وييينك .. شفييك .. ليش صوتكك كذاا ..
عبيير والدموع تجمعت بعيونهاا .. والعبره تخنقهاا .. : ندووش .. انا وولدت ..
ندى مو مصدقه .. تحس شي بصدرها وفقع من الفرحه : صدددددق .. قووولي والله .. الحمد لله على سلامتك .. وش جبتي .. عسااها عرووس ليووسف ..
وبلحضه انتباااه وخوووف .. تذككرت : عبيروووه .. مو كأنك بدريي ..!! قبل وقتكك ولدتتتي . .!!

عبير انهارت .. هي محتاجه تتكلم .. ومن سألتها ندى ما تحملت .. ووصلها بكاهاا .. اما ندى ارتخت رجلينها وجلسست ..
والخووف صب عظامهاا صبب : شفيييك .. فييك شي .. اللي جبتيه فييه شيي ..!!
وهي تشهق جاوبتها : لا .. مافيني شي الحمد لله .. ولا بنتي ..
ندى صرخت : هههههههه احلفيييي ببنننت ..
ابتسمت رغم البكاا على صديقتهاا : ايه بنت ..
ندى بتذككر : وووشفيك .. ليش تصصيحيين .. كل هذاا شووق ليي .. كان تككلميني كل يووم ماله داعي تخرعييني ..
عبيير تاخذ نفس وتتنهد .. : مشتاقه لك يالشينه ..
ندى بفرحه وشووق بعد : ورررربي يششهدد اناا بعد .. شلوونك .. كيف الوولاااده شللون التصرييخ ههههههههه .. ووش سميتيهاا .. شسوويتي بزووجكك ..
عبيير بتكدر .. : الله لا يورييك اللي شفته .. احسب اني بولد لا بالارض ولا بالسماء ..
ندى بخووف .. البنت مماهي طبيعيه : شلوون هذي ما فهممت .. يعني من قوي الطلق .. ووشلون اصلاا ولدتي قبل وقتك لييه ..
عبيير : سالفه طووويله ملها اول ولا ادري وش نهايتهاا .. انا مو في السعوديه .. وولدت من الطياره .. قالتها كذاا لانها ما تبي تشرح وتزيد وتعيد بالكلام ..
ندى شهقتت : اههههيييي .. وينننك اججل .. وخبله تركبين طيياره ..
عبير : بالامارات ..
ندى .. : بعذذرك والله لو ولدتي .. وش الله حااادكك .. ومتى ولدتي .. ومن عندكك ..
عبيير : يمكن قبل ثلاث ايام مدري اربع .. مادري .. اللي حدني ششي اكببر مني .. وبدمووع .. شي اكبر مني ..
ندى قلبهاممقبوض عليهاا وش هالالغااز اللي تتكلم فيها ولا تبي تقوول وما يمديهاا .. : ومن اللي عندكك ..
عبيير : محد عندي .. بسس انا وناصصر .. وراح يشوف البنتت ..
ندى بتعججب .. : شلووون لحالك .. ومن يقووم فييك .. من يراعيك بنفااسكك .. وين امكك .. ليش مو عندهاا ..
عبير بكتت .. ماتدري وش تقول لهاا .. تقول لها عن ابوهاا ووفاته .. ولا عن جيتهاا .. ولا تجاوب وين امهاا .. من وين تبدا ولا من وين تخلص ..
بس سكتت وتصييح ..
ندى فهمت .. : بس يا قلبي .. الف الحمد لله على سلامتكك .. يعني انتي بالمستشفى ..
عبير بهممس مبحوح : ايه ..
ندى : ومتى يطلعوونك ؟؟
عبيير بتعب : والله مادري ..
ندى شالت همهاا .. والبنتت .. من يراعيهاا : وبنتك وينهاا عندكك ..
عبيير خلاص التعب وصل فيهاا .. وصوتها بدا يوضح عليه : لا مو عندي .. اليوم ما جابوهاا لي ما شفتهاا ..
ندى بضيق عليهاا : يا روحيي انتي .. ياليتكك عنندي .. وعشاان تفحرها وتخفف عنها .. حاولت تمزح معهاا : ووش سميتي عروستناا ..!!
ابتسمت عليهاا وبصوت خفيف .. والبحه ترجف فيه : حـــور ..
ندى بأبتسامه اتسعت على وجهااا .. : حووور ويووسف .. الله الله اسامي كششخه .. نتشرف بدعوتكم لحضور حفل زفاف كريمتنا حوور على الشاب يوسف تركي الـ...
عبير رغم الوجع والتعب والهم الا انهاا ضحككت ..
وممممحد يسسسعد قد الصديقه شيي .. !!
بعزز التعب تقلب لك الجو..
تعرف تطلعك منه وتمنعك تدخل فييه ..
تبدل نظرتك .. هممكك .. ومشكلتك مهما كانت واللي انت فيهاا لشي يسعدكك ..
تخففه .. وتحد من شده وطأته على قلبكك ..
تسعدك بكلمه وكلمتين .. حرف او يمكنن بس احساس المعرفه .. والمعرفه وانها قاسمتكك فييه ..
هي كذا الصديقه .. نبض .. روح .. واحسايس ..
انقسمت بجسديين .. مهما ابتعد المكاان .. ومهما طال الزماان ..
يجتمعوون بمكاان واحد بمحبه مركزهاا القلبب .. ومصدرهاا خالق هالقلب ..


ندى مكمله معها سواليف .. وتسمع لهمساتهاا .. لتلتفت على وراهااا .. : فتح افمه شييخ الشباب .. يصييح ..
برووح له بسس اسمعيني قبل نسسكر .. اول ما يجيبون لك بنتك صوريهااا ووريني اياهاا .. راسليني على رقمي هذا اذا عندك واتساب ..
وانا بكلمكك ان شاء الله ..
عبير بأبتسامه .. وكأن الهم والجبل اللي على قلبهاا طاح نصه: ان شاء الله ..
ندى سلمت عليهاا .. ووصتهاا .. وسكرت منهااا .. وتحس نشوه وحياه انبعثت فيهاا من جديد من سمعت صوتهاا .. وراحت تشووف يوسف اللي يصييح شفيه .. وبتلحق خالتهاا لبيتتهممم ..


.
.
.

اما عند عبيير.. من سكرت .. دخل.. تدري انه موجود ومن زمان بس ما دخل لانها تكلمم ..
وبس دخل ... همسست له : وينهااا ؟؟
ناصر جلس جنبهاا : بالحضانه وينها يعني ..
عبير بدمووع : ليشش ما جبتهاا معكك .. شفيني اناا ما فيني شييي ..!! اقدر اشيلهاا امسكهاا ..
ناصر بهدووء : ادري وما فييك شيي.. بس هي تبي رعايه .. واحنا نبي راحتتك ..
ليتفآجأه فيهاا تشيل اللحاف بتنززل .. : بعدد عنيي ..
ناصر وقف .. ومن جنونها مسكهاا : وووين .. وووين بتروحييين ..!!
عبير .. والدموع بسرعه تتجمع وتنسكب : بروووح اشوووفها .. بمسسكها شووي .. ماني مشلوه ولا مافيني حييل يوم ما يجيبونها . بسس بشووفهاا شوووي .. ويآخذونهااا ..
من قالت هالكلامم .. : طييب ارجععي مكانكك .. انا اجيبهاا لكك ..
عبيير تمسح دموعهاا : بعدد عنني .. انا قمممت .. برووح لهاا بآخذهاا ..
رجعهاا غصصب عنها وهو يشششد على عضدهاا : قلتتت لللك ارررجعي انا بجيبهاا .. خلااص عااد ..
رجعتت بتعب .. ما تبي توضح له .. ليقول لهاا : يا ويلك تقوميين .. وترا ان رحت اجيبها دقيقتين وارجعهاا ..
عبيير بضييق : دقييييقه بسس ..
ناصر ضحكك .. يشوف شلون زعلاانه ..: ههههههههه طيب .. دقيقه دقيقه .. كنت ابي بيها لك دقيقتيين تشبعيين منهاا ..

بقلبهاا تستهتر فييه : ايييه هيين بس انت جيبهاا ..
ليقول لهاا : وياويلكك تغدريين فيني .. ما ردت عليه وهي تقوول بسسم الله حس .. وراح يجيبها .. وهي سحببت منديل من جنبهاا تمسح وجهها ..



ببيت ابو تركي ...
كانت بالحديقه الخلفيه للبيت .. مطفي كل الانوووار وجالسه عالارجوووحه ودمووعها بصمممت تسري على خدهاا ..
تهز بالارجوووحه بقوووه تبي تنفسس وترتاااح .. ماهي قااادره ترتااح .. وكأن كل هواء تدخله لصدرهاا بارتفاهااا ونزوللها يثقلهااا اكثثثثر .. اكثثر واكثثثررر ..

فجأه انمسسسكك حديد هالارجوووحه .. واهتزت بقوه بطريقه معاكسه ومتمااايله لتتهاااوووى بتطييح .. حتى تمسكهاا الايديين مرجعتهاا مكانها عن الارضض ..




انتهى ..
سبحانكك اللهم وبحمدك اشهد ان لا اله الا انت .. استغفرك واتوب اليك ..
سبحان الله وبحمده .. سبحان الله العظيم ..