قصه خالد وزينه

اما بالسعوديه من جو من المستشفى .. رشتهم بدريه بالخبر .. ام خالد مشت ولا همها .. وما كأنها بنتها .. متلبسها احساس تبلد اعماها عن لحضات بحياتها ما راح تنساها لا بفرحها ولا توترها ولا تعبها وحلاوتها ..
والجده اكيد انبسطت لو انها قالت ليه مستعجل وينتظر عيال خواله لين يجون ..
شيخه ما رجعت معهم ظلت عند خالد وزينه اللي وضعها ما تطمنت له من شافت كيف ظهرها وكيف تكابر عليه ..
اما رنا وقفت متنحه .. وهي تسمع كلامهم وشلون قرروا وخلصوا ..
انسحبت من وسطهم تحس بتختنق .. تمشي لبيتهم بعجله مو مهتمه لا بالعمال اللي يشيلون باقي اغراضهم من البيت ولا بأبوها اللي واقف معهم ولا حتى بمحمد اللي لمحها طالعه ..
دخلت غرفتها سكرت الباب وراها بخووف.. ماعاد حكي .. ولا هو اختبار منه لسماء وردود فعلها .. كل شي بيصير رسمي وواضح واكيد ..
للبعيد والقريب .. مو قادره تستوعب تكلم حالها بعدم استيعاب للجديه والسرعه : مو على كيفهم وافقوا وخططوا وبيملك وانا ما اخذ رايي بشي ..
مو بكيفهم .. ما ابي .. مو مستعده ولا متقبله .. ماراح اصير الضحيه له ولها .. بيختبرها فيني وبيقهرها فيني .. مو مستعده اخسرها ولاني كبش فداء له ..
مسحت دموعها وتراجع عقلها : وش كبش فداه واختبار ما وعدها . ولا تكلم .. حتى ترد وترجع تقول "" بس رضى وسكت ودخل باله الموضوع واللحين بيحرها فيني .. رفعت رراسها لفوق تدعي ..
يالله يارب ساعدني .. يارب من اشكي له غيرك .. يالله مين ممكن يساعدني يالله ..
سمعت طق الباب .. ما ردت .. تعرف انها سماء .. وشوفتها لها كذا ما بيزيدها الا غبن وقهر عليها ... بس تفآجأت بنعومه الصوت ..وعرفته ..
فتحته بدون تردد .. محتاجه اي احد تتكلم وتفهمه وتشكي له .. كانت ليا حست فيها وبأنسحابها .. وجت وراها ..
تفآجأت من دموعها ووجها المحمر .. ليا بأبتسامه : رنو .. حياتي فيك شي ..
رنا بدون مقدمات ارتمت عليها تضمها لتشد عليها ليا بخووف : بسم الله الرحمن الرحيم ..
دخلتها ليا بسرعه وسكرت الباب وراها لا يسمعونها اللي تحت ..
مشت معها لتجلسها عالسرير وتهديها .. : رنو حياتي .. هدي الله يهداك .. شفيك خوفتيني .. !!
رنا بضيق وتحس انها بتنفجر من كثر الكلام والعتب اللي داخلها هلى اهلها : امي تعاقبني عشان اعرف بزواج ابوي وسكت ..
وخالد يجبرني ويبي سبب لرفضي .. وذاك يطلبني من ابوي قدامهم ضامن قبوله ..
ويخططون ويوافقون ولا حتى ردوا لي راي ولا شور بالموضوع مو كأنها حياتي الباقيه ..
ليا تمسح على ظهرها قالت : ياروحي هدي .. امك مو بس عليك عالكل ومحد يلومها .. وخالد معاه حق .. مافيه سبب ترفضين فيه محمد .. ولما طلبك من ابوك قدام الكل .. شلون كنتي متوقعه مثلا طلبه .. بالخش والدس يعني ..
رنا ارتكت بأكواعها على رجلها و تغطي وجهها بقل حيله : مو فاهمتني يا ليا مو فاهمه .. هو بيحرها وبيختبرني فيها .. بيشوف رده فعهلها مو حب فيني ولا نقوه ..
ليا طارت عيونها قالت : استغفر الله .. وش هالكلام يا بنت لا يسمعك احد والله ان يكرفتونك بعباتك له الليله وش اللي بيحرني مدري بيختبرها ..
رنا بأقتناع باللي في بالها قال : هذا اللي يصصيرر ومحد راضي يقوله او متجرء اصلا يقوله ..
تفرح وتضحك وانا اشوفها قدامنا .. وبس تختفي عنه اسمع نوحها .. والله ما يتم هالزواج .. ما بيه .. نفسي مو رايدته .. مو مرتاحه لهالزيجه كلها ..
ليا واول مره تمد يدها على احد ضربتها من كتفها تسكتها : هششش قصري صوتك لا يسمعون والله والله ان يدفنونك .. وش بتقولين لهم وش بتبررين سبب رفضك .. بتقولين يحر ويخنتبر بيضكحون بعقلك ويدفنون ذيك يالخبله ..
شدت على رقبتها بيدينها ترفعها لفوووق قهر وهي تدعي : ياربي فكني ودبرني .. يالله وكلتك امري .. يالله يالله ..
تضايقت عليها ليا بس شتقول الكلام اللي يدور بينهم واللي هم يعرفونه ما يقنع وقله حياء يعتبر عند الكبار ..
ارتمت رنا على سريرها وهي تبكي .. وقالت : تكفين ليا اطلعي بنام شوي.. .
ليا قامت بضيق عليها : تامرين .. وسعي صدرك وصلي ركعتين استخاره .. وربي بيدبرك على الزين والصالح لك ..
هزت راسها لها .. وطلعت ليا لتقوم هي للحمام ...
.
.
.
.
من بعد ما وضح لها كثير امور .. ومن بعد ما صلح كثير افعال لابوه وجده وعمه .. ومن بعد ما نفض كل اعوانهم اللي بالشركه من حلال امه ..
كان جالس معها يحكيلها .. ليتفرغ لسالفته ..
............: حسبي الله ونعم الوكيل فيهم.. حسبي الله ونعم الوكيل ..
ناصر بجمود : لا تتحسبين على الميت .. الله يعينه لا قابل ربه .. وابوي هو من خسر بالسالفه هذي كلها .. من اولها لتاليها ... كم قرش معاه دمر فيهم سنين واعمار صدقيني ما بتفتح لها بقاله بالديره اللي راح لها ..
امه بغبن : ياجعل الفلوس تطير وبحريقه عندك يا يمه .. ياعل يسلم راسك لي لا ابي لا فلوس ولا غيره ..
سكتت لتتكلم بعد فتره .. : المره بدالها مره يمه والـ..
قاطعها وهو يقوم بنفوور : وما بدال عبير احد يمه .. ما بدالها احد .. انتم مصدقين ليه مدري ..؟؟!! شي ما يدخل العقل .. انتي يمه .. وخالتي وين احساسكم وينه ..؟؟
امه بقهر وتبرير : وش بيعرفنا يا يمه .. بكريه لا انا ولا هي .. حناننا عليككم وفوجه اللي اقبل مره وحده مو بس كان بيكفيكم بيكفى عشره معكم .. يا يمه وانت لساتك لحمه حمرا بين يديني يآخذك جدك عنده بالمجلس بالساعات وما يجبونك الا لرضعتك ونومتك .. حتى فيك ما خلوني اتهنى .. جدك يا ناصر ماهي هذي اول سواياه ..
اللي سواه واخفاه اكثر من اللي احنا نعرف .. جدك يا ناصر رمى عمتك وما سأل فيها بس لانها عصته .. حرمها امها وشوفتها حتى بوجعها .. ماتت جدتك تتحسر عليها .. بيرحمني انا يا بنت الناس .. احساس مالنا حق نحسه عنده ..
بتأكيد واصرار : ولو .. احساسي وقلبي يقولي ماهي اختي .. ما تصير اختي .. شلون اختي وابوي وعمي بيزوجوني جمانه شلووون ؟؟
امه بتقنعه وتحاول تخفف من اصراره حتى تخف عليه وعليها قالت : وش الدليل .. وش اللي بيثبت لنا يا يمه..
ناصر بأنفعال : مليون طريقه وطريقه تثبت لنا .. الـ دي ان أي .. وابوي وعمي .. الرضاعه بعد ..
امه بيأس : شيل الرضاعه يا يمه.. ارضعتك انا رضاعه كامله وارضعتها خالتك .. وابوك وعمك .. اصلا لو فيهم خيير وعندهم ذمه ما عملوا هالعمله ..
ناصر بتمسك وبأمل : لا تكسرين مجاديفي .. عندي احساس واحساسي عمره ما خاب .. قام وهو يتنهد ويطالع بساعته .. رحلتي لهم الفجر .. رايح اجيبها وبسوي زواج وبفرحك وبفرحها .. لانها مو اختي مو اختي ..
وبتوعد وامل قال : وألا ما القى لهم ثغره وهفوه ونكشفهم فيها .. قام من عندها صاعد لغرفته .. وهو يردد بباله : ما راح تكون اختي .. ولا راح يكون اللي ببطنها انا خاله .. ما راح يكون .. آآخ يا يمه لو تدرين بحفيدك اللي جاي .. آآخ بس كنت انتظر هاللحظه اللي بفرحك فيها بولي عهدي وجيته .. دخل غرفته يضبط اللي باقي من اغراضه ويتصل على رجاله اللي تاركهم هناك عيون له ..
ردوا عليه من اول رنه وهو يسمع لتقريرهم وتحركاتهم ...

جالسين بمطعم .. يفطرون وابتسامته بتشق وجهه من فرحهه واستيعابه انه مسك لها طرف ..
وهي بوجه ذابل شوي كانت تبتسم له بين فتره والثانيه وحاطه يدخها على بطنها تقاوم غثيان وحرب اللي ببطنها ..
تكلمت بشوق : مشتاقه لها حييل .. مو مصدقه متى ارجع لها .. واختفت بسمتها عتب عليها ..
عبدالعزيز وهو يمسك يدها من فوق الطاوله قال : وهي والله العظيم .. ماسكه علي التليفون الا بكلمها وكل مره تكونين يا نايمه او مو موجوده عندي ولاهيه ..
وبوله تسأل : وجمانه ؟؟ شلونها ؟؟ اكيد زعلانه علي .. تركتها ورحت ..
عزوز بتذكر قال : لا مو زعلانه .. ياحرام كم مره اجيها تبكي وتلوم نفسها انها تركتك وغفلت بلحضه عنك .. وللحين تفسر وتتوقع شلون رحتي ..
عبير بتبرير : غصب عني والـ...
عزوز بمقاطعه : هشششش مابي مابي تعيدين شي راح .. خيرتنا بنعرف بس نرجع السعوديه .. وبيتوضح كل شي .. من امي وخالتي .. وابوي وناصر ..
نزلت راسها تتذكر شلون كانت معاملته ومدارته وشاللي يحده ومن معطيه الحق حتى بحدود الله .. تحسست بطنها بخوف من هالاحساس اللي فيها من يومين ومقلقها ..

هز راسه بسماع المكالمه وبرضى عن حالها .. وبتنهد من كثير اشياء طاحت من ظهره .. حس بقوه تدخل جسمه وتمسك اقوى فيها .. سكر ليدخل الحمام يتحمم ويستعد ..
.
.
.
.
من لما جت من المستشفى وقالوا لها وهي تطق الباب عليهعا بتكلمها ومو راضيه .. تقصيرها تجاه اخوانها يذبخها ..
حتى ندى جاتها وطقت الباب وبتوقع 99% انها تفتح ما فتحت ابد ولا اهتمت ..
كانوا كلهم جالسين بالصاله اللي قريبه من غرفتهم ..
وتركي حارق جوال ندى تنزل ويتوعد فيها ليه تطلع وتعدي من عند البيت والعمل والشغل .. وهي ساحبه عليه ولا ترد .. وتقر بكلامه ورسايله
( وينك حبيبتي ..!! )..(وين تاركه جوالك انتي ..!!)..( الووو .. ).. ( ادورك يعني .. ابشري بس يا ويلك ان مسكتك ).. ولا فيه ولا رد منها رغم انها on line..
اتصل مره ومرتين وثلاث وهي حاطته صامت ..
ليا راحت مع امها يرتبون بعض من اغراض ريم وفيصل ويكملون جناحه ورجعت وهو على حالهم .. اما سماء مختفيه عنهم ..
..
..
..
..
بعد صلاه العشاء بشوي .. وهم على حالهم اتصل جوال امها اللي كان معها وقال لها يالله اطلعوا انا انتظركم ..
لبست عبايتها وتسلحت بكل ما فيها من قوه وطلعت ..
.
.
.
.
انتهى ..

اعذرونـــي عالتقصير يالغوالي ..
اشوفكم على خير ..وبكل خير يارب تكونوا ..
..(سبحانــك اللهم وبحمدك .. اشهد ان لا آله الا انت .. استغفرك واتوب أليك )..

الله يعطيك العافيه حنون على النقل متابعه معاك اكيد كل جزء بجزءه

يعطيك العافيه معزوفة حنين



روايه كاتبتها اسلوبها سهل وسلس بحيث وانت تقرا ماتمل مهما طال او قصر البارت


كل بارت يزيد الغموض بين علاقة ناصر وعبير وحقيقة عبير

بس حسب توقعي تصير عبير بنت اختهم الي تبراء منها الجد يعني تصير بنت عمة ناصر وعبدالعزيز واخت عبدالعزيز من الرضاع



ريم وزينه تصرفاتهم غريبه ريم يرجع لفقدانها الذاكره بس زينه وش وراء تصرفاته



ابو خالد وام خالد عقب هالعمر فككتو اسرتكم وشتتو افكار عيالكم كل واحد يبحث عن مصلحته وايهم يفوز



بانتظار التشويق وفك الغموض