مساآآء وصباآآح الخيير ..

مساء وجد واماني .. مساء امنيات يارب ما يطول تحقيقها ..

مساء انسانه عزيتها.. من غير ما اشوفها او التقي او اتكلم معها ..

مساء روحها النقيه .. فكرها الانيق ... مساكم اخلاقها وأدبها ..
مساكم بأذن الله امل رجعتها ..

تعصيني كلماتي .. ترفض وتخجل الترتيب والاصطفاف اما حضره سموها ..
حاضره غايئبه ..املي بالله لـ لقآئي بها كبيير ..

ربي مثلما اضويت شمعتها هنا أعدها بنور اقوى ..

ربي احببتها فلا تحرمني شرف متابعتها وومواكبه ابداعها ..

ربي انت تعلم وانا اعلم .. ربي خفف وييسر .. اجبر وأسعد ..

ربي هي غاليه .. فلا تحرم قلوبنا حضورها وعودتها ..
.
.
.
.
بأنتظارك ............ ..


حبايبي قبل الطوبه.. حبيت ارد لكم الشور بخصوص التنزيل ..
يضايقني انتظاركم وعمري ما استمتعت وانا احرقكم .. واشوف ترجياتكم بتقديمه ..
ظروف الانسان مو بيده .. اليوم يحصل لي اكتب بعده ما اعرف ..
الطوبه توني بس انهيتها .. ولما شطبت عليها ههذا نا جيتكم سريع انزلها لكم ..
ما اعرف شاللي يرضيكم في التنزيل ..
حددت قبل الموعد بس ما حبيت اعتذاراتي وانا شوفكم متلهفين ..
قلت لكم اول ما يجهز انزله وافقتوا والكثير منكم منزعجين ..
ماني عارفه شلون ارضيكم ويتناسب مع رضاكم وقتي ..
اتمنى ما تتضايقون .. ولا يزعجكم تأخري ..
ما قررت انزل ما كتبت وانا بمن عليكم فيه ..
التمسوا لي العذر .. مثل مو انا ملتمسه العذر لكثير اشخاص غابوا وانتظر رجعتهم ..
اللي خلف الكواليس حبايبي .. سعيده جدا بطلتكم علي تقييم او خاص .. او حتى عالعام ..
اللي معاي بالنور .. سعيده جدا بجودكم قربي عسى ربي ما يحرمني هالحضور ..
واللي ضايقتهم ظروفي وسكتوا .. أعتذر لكم حبايبي ..


الطوبه الرابعه والثلاثون ..
قراءه ممتعه .. .
.
.
دخلت بهدوء وتوتر .. كان المكان سكوون .. وما فيه احد ..
توسطت الصاله الصغيره حتى هي الثانيه تفز من سريرها لما حست بالصوت ..
فتحت الباب لتنصدم بتواجدها .. ما توقعت ابدا ..
شيخه وهي تقرب لها ومن دون وعي وخوف وعصبيه قالت : شقومك من سريرك .. شاللي جايبك هنا ؟؟ انتي عايفه اللي ببطنك؟؟
ماحست الا باللي مرتميه عليها وتبكي وتضمها .. وتشد وتتكلم بنفاذ صبر وشوقها انهكها :اشتقت لك شيخه .. ولله انا من دونك مقدرر اعيش .. لا تخليني تكفييين ..!!
شدت عليها بضمتها شيخه وهي تبوس راسها وتكلم بحنيتها وبتنهيده راحه من بعد خوف : ياروحي.. وهي تمسح على ظهرها ومن قال بخليك .. والله غصب عني لهيت عنك حياتي انتي ..
هدي هدي مو زين لك .. ولا للي ببطنك ؟
ندى وهي تتعدل حتى تحاوط رقبتها وتضمها بشوووق واصل لأقصى مراحله وبكلام ابد مو مرتب وتلقائي من قلب صادق : شيخه والله العظيم ما اعيش بدونك .. لا تركي ولا غيره بيغنوني عنك وان حاولو .. شيخه انتي حياتي .. مـ..
قاطعتها شيخه وهي ترفعها عنها وتنهرها بفزع من كلماتها الغير مقصوده .. ومفهومه بس عند شيخه و بمحاوله شرح وتوضيح قالت : لا يا ندى .. لا ياروحي .. مو كذا الحب .. مو كذا .. تركي حياتك .. تركي يموت فييك ..
وانا مثله ويمكن اكثر ..
بس انا شيخه .. وهو تركي .. انا اختك .. امك اذا حبيتي ..
بس هو زوجك .. حبيبك .. ابو ولدك و بنتك .. تركي نصفك .. افهمي هالشي ..
ندى بحيره وعدم معرفه للتفسير قالت : عارفه .. احبه واموت عليه .. وجفاه هاليومين عذنبي والله العظيم ..
وانتي بعد اموت فيك .. ومقدر اكمل معاه دونك .. والله مقدر وهي تنفجر ببكاها وترتمي بحضنها ..
ابتسمت شيخه على حيرتها وهي تحظن جسمها اللي ارتمى بحضنها وقالت : ندوشي .. حياتي .. هدي .. مو معناه اذا حبيتيه تتركيني .. او انك تخنتارين تظلين معاي وتهجرينه .. لا يا عمري ..
انا لي مكاني وحبي .. وهو له مكانه ..
هو حبيه مثل حبك لنفسك ومثل ما تدارين نفسك داريه ..
مثل ما تهتمين لوجعك اهتمي فيه .. بأكلك بشربك نومتك لبسك بكل حياتك .. هو معاك وله النص ..
وانا لا ... انا اختك .. تدارين خاطري اداري خاطرك..
اوجهك اسولف واضحك اخانقك واعصب عليك واوجهك بس بالنهايه انا اختك ..
وتركي ما يوصل لي .. ولا انا انا بوصل لمكانه بقلبك .. هو غير وانا غيير .. لازم تفهمين هالشي .. !!
ندى ببرائه روحها قالت : لااا لا تقوين كذا .. انتي والله شي كبير بحياتي .. شيخه انتي انا شفييك ..
ضحكت شيخه وهي تضم اكتافها له وتبوسها من راسها قالت : اووك .. ما يوصل لي .. بس روقي وهدي .. هو وينه عنك .. شلون جيتيني هنا وشلون مريتي من عند العمال ..
؟؟ ليش طلعتي من البيت .. ؟؟ ولدنا نبيه .. بنشوف عيونه .. ليش مو قاعده تهتمين فيه ..
ندى بتعلق قالت : كلهم لرضاك وعيونك يهونون شيختي ..
شيخه صدق مشاعر ندى واصلها قالت : يا عل ربي يخليك ندوش .. حياتي انتي .. بكرا بس يجي هالنتفه .. بذكرك بكلامك ..
ضحكت ندى وهي تمسح دموعها .. وشيخه توقف لتوقف معها قالت : يالله تعالي .. خلينا نروح .. اللحين يفقدونك .. والله ان يشب فيك تركي حريقه ههههههههههه ..
ندى وهي تتعدل وترفع شالها من اكتافها على شعرها قالت : يالله .. طلعت بعد ما اخذت شيخه المفتاح وشال وطلعن ..
.
.
.
.
بألاجواء الصقيعيه .. كانت جالسه بالسرير .. وعلى اكتافها شال رصاصي ثقيل .. وججهها الذبلان بين يديه محتضنه ..
يلمس وجنتها وجبينها .. لازلت الحراره .. بس اخف بكثيير من قبل .. تكلم بهدوء : الحمد لله .. اخف بكثيير ..
كانت تناظر فيه ودموعها مو قادرين يوقفون .. :........
ابتسم لها وبحنانه المعتاد قال: يكفي عبير .. خلاص .. انا جيت وبحل الموضوع ..
عبير وصوتها تحسه مو قادره تجذبه من الكلام وزحمه الحكي داخلها .. شلون تقوله وتفهمه .. شلون تقوله انها من جد ما تدري .. تدري انه يعاملها هالمعامله لتعبها .. وبكرا بس تتحسن بيستجوبها وبيعرف وما بيخلها ولا بيخليه .. مهمها حن .. ومهما رفق فيها ..ما يرضاها مهما كان .. : والله العظيم انا مدري عن شي .. والله العظيم غدروا فيني ..
امي وابوي وهو بعد .. حتى جمانه والله والله ..
عزوز تنهد .. عارف ان هالسالفه تآكل وتشرب معها وتبي توضح وماهي عارفه شلون قال : وبعدين عبير .. قلت لك انا عارف السالفه كلها ..
عبير بضيااع قالت : شاللي تعرفه .. وشو عزوز .. يقول تزوجني .. ابوي مزوجه اياني .. شلون وليه ؟؟وليه ما اخذ راييي .. امي ليه ما قالت لي .. ؟؟ ليه تسلمني ياه .. وبخفيه شسويت .. عشان يتزوجنيي بهالطريقه .. يآخذني ويهيت فيني من ديره لديره .. ليه .. ليه ؟؟ شالي خايفه منه امي لدرجه انها تتجرأ وتهربني معاااه وشووو ؟؟
عزوز بقهر وغبن وبتأكيد يريحها ويعذبه قال : ابوي مزوجك اياه .. وما اخذك الا وهو ضامن ان محد بيمنعه .. بس شلون وكيف هذا اللي ما نعرفه .. ؟؟
بسخريه ضحكت قالت : ما استغربها من ابوي لو رماني رمي .. مو عاد يزوجني ياه ..!!
بس امي .. وججمانه ليه كذبوا علي .. ليه يآخذوني ويقدموني له وانا مثل الهبله .. ليه ..؟؟
عزوز بيوضح لها باللي يعرفه قال: لا تظلمينهم .. جمانه كانت بتجن .. ما تدري وين اختفيتي . .
وامي هي اللي رتبت هي وخالتي ام ناصر وهو معاهم ..
رمت نفسها بتعب من التفكير عالسرير وهي تمسك راسها بألم وهي تتوسل :راسي .. راسي آآآه آآآه راسي بينفجر خلاص .. والله مو قادره اتحمل .. تكفى .. تكفى عزوز عطني حبه ..
رفعها بتصميم وتأكيد وبعصبيه ما قدرت ما تطلع قال : انسي الحبوب ومشوار انتهينا منه ما راح نعيده تسمعيين ... انتي تتوهيمين ووهمك هذا هو اللي بيزيد عليك الم راسك وصداعك ..
سمي بالله وسكري عيونك بيخف ويهدا .. يالله سوي مثل ما قلت لك ؟؟
هزت راسها برفض .. وهي تدفن راسها بالسرير بمحاوله لتخفيف الصداع ..
تحسس ظهرها وهو يقرا عليها .. ويطمنها .. لحد ما هدت بتلاوته وسكنت لتغفي ..
.
.
.
.
كان طالع من غرفه احد المرضى .. طلع جواله من جيبه وابتسم من شاف الاسم ..
رفعه وبترحيب قال : هلا .. هلا وغلا والله بالنسيب ...
فيصل وهو يضحك من نبرته ومن استهتاره ومن غيضه بعد : هلا فييك ..هلا بالنسيب .. هلا باللي غلاه توه بيبدا يوم اني بعطيه روحي ..
زياد بضحك قال : الله يقرفك يا رجال .. ما بيها كان هي روحك ..
فيصل وهو يطير عيونه قال : اوك .. اجل سلام عليكم .. لا عاد اشوفك ولا اسمع لك صوووت ..
زياد وهو يضحك : هههههههههههههههههههههههههههههه.. كانك بترد بكلمتك هذا شين ثاني .. عطيتني ياها يالحبيب .. والله ما عاد اتخلى عنها ..
حسبي الله على عدوك من رجال .. شبيت فيني حريقتك ورحت .. ما اقول الا الله يصبرني ..
فيصل وهو يتلذذ فيه ويتشفى فيه قال : ههههههههههههه .. يا خسارتها عليك اقول ..
زياد بغييض من استفزازه قال : الله يجيبها يار جال .. الله يجيبها .. والله يا فصيييل اني لا اخليك تمناها ..
فيصل ميت ضحك عليه ومكيف قال : ههههههههههههههههههههههههههههههه اشوا اللي علمتني ان هذي نواياك ..
زياد عصب من جده ومن تخربطه قدامه ومن يجيب طاريها قال : طير عني يا رجال .. حسبي الله على الحاجه .. مع السلامه .. وسكر ..
.
.
رفع جواله من اذنه وهو ميت ضحك لما سكر زياد الخط ..
جت لعنده لابسه بنطلون جينز فاتح .. وبلوزه ورديه رايقه مطلعتها فتنه قدامه قالت وهي تجلس جنبه : يا ويلك من ربك .. بكرا ربي بيردها لك ..
مال عليها بجلستها حتى يدخل يده ورا اكتافها ويضمها له وقال : ما عاد يمديهم ولا يقدرون .. خذيتك ولا بتركك لهم .. وان حصل ينسونك ما هي بشينه ..
رفعت حواجبه على ثقته قالت : ينسوني .. يا ثقتك ههههههههه ..
ناظر فيها ووجهها قريب له وقال : وتشكين بثقتي .. والله ان يبطون .. ؟؟
خجلت وهي تنزل راسها وقالت : ولا انا بخلي لهم مجال ..
صدمته بدلالها وهي تقولها وعلى خجلها وتلقائيه كلمتها اللي عكست خجل اكثر واكبر قال : ربي يخليك ولا يحرمني منك ..سكت حتى يكمل كلامه بأستفهام : تدرين ؟؟
ما تخيلتك بهالشكل هذا .. قالت لي امي ووصفتك ؟؟ وتكلمت عنك ليا ومدحتك .. بس ما كانوا يشوفونك صح .. متأكد ..
عقدت حواجبها مو فاهمته قالت: يعني مدحوني وانصدمت .. ولا ما انصفوني وعجبتك ..؟؟
فيصل بأبتسامه على اسلوبها قال : لا ذي ولا ذيك .. هم ما كانوا يشوفونك مثل ما انا اللحين اشوفك ..؟؟
نزلت راسها بخجل وجت بتقوم .. حتى يشد بيده على اكتافها اللي تحت يده يمنعها لترجع بهدووء وتحس حرارتها بدت ترتفع .. قرب منها وهمس بأذنها قال : لانهم خايفين علي منك ..
التفتت له بصدمه وهي تضرب صدره بقبضه يدها وهي تقول : سخييف ...
طير عيونه وهو يضحك على زلقتها بالكلام اللي كساها حمره حتى تنجر تتخبى بصدره عنه.. ضحك عليها وهو يضمهااا وما خفاه بكا خجلها ..
.
.
.
.
جالسه قبالها وتترجاها ..
سما بطفشش : اففففففف .. ليووه طيري من قدام وجهي لا يجيك شي ما يعجبك .. قومي ..
ندى منزعجه منهم .. وتحس بخاصرتها تألمها قالت : هي انتي وياها .. بالله كلكم طيروا من قدام وجهي انا ..
ليا وبقهر ومن الملل ما تدري وش تسوي قالت : شرهتكم عاللي بيغير جوكم .. كششش عليك منك لها ..لهالمنسدحه و لهالمتنحه بهالزاويه وساكته ..
كانت تقصد ندى وسما ورنا ..
ندى شطفتها ولا ردت .. وحاولت تتسطح تريح ظهرها .. وسما قامت منهم وهي ترمي الخداديه وراها بمكانها .. ورنا تناظر فيهم بطفش ..
تنهدت بضيق ليا وهي تقوم قالت : اللحين انا اللي اخوي مسافر واول مره يروح ويغيب هالمده وما سويت سواتكم .. الحمد لله .. واذا قمتوا وقعدتوا قلتوا الدلوعه ..
مين الدلوووع اللحين ؟؟؟
ندى وهي تحط يدينها على راسها من هذرتها قالت : ليوووه .. شفيييك بالعه مسجل انتي اليوم .. ؟؟ اطلعي انتي وياها ببيجي تركي اللحين ..
ليا وهي تطلع قالت : اييييييييييه قولي كذا من البدايه .. ما غير تتأففون .. والله محد بيوسع صدري غير منصوري وينه بس .. وقامت رايحه وتاركتهم ..
لتتبعها رنا بصمت طالعه ..
ندى بسرعه تكلمت : مصمم .. وما يبي غيرك ... ؟؟الظاهر انه نصيبك .. وما بيدنا حيله ..
دمعت عينها رنا .. ولا ردت حتى تطلع ..
.
.
.
.
الجده بتصميم : اللي عندي وقلته .. انتهينا من هالسالفه .. والبيت نجزوه ابي ارجع بيتي ..
ابو تركي : افا والله .. مليتي يا خيتي ..
الجده بكدر : لا ما مليت يا خوك .. بس الديار تطلب اهلها .. وانا ما عاد فيني حيل وبرجع بيتي ..
ابو سعود يهديها قال : ولا بقى بالبيت شي كثيير .. اسبووع بالكثير ونرجع,, واذا ضايق صدرك من الجدران يا يمه . نطلع كلنا للاستراحه شرايك ..
الجده بضيق ومالها هوا لكل شي وببال مشغول قالت : يا وليدي مالي هواء بالروحه والجيه .. ابي ارجع بيتي وبس ..
ام تركي تهاديها قالت : تعوذي من ابليس .. ندري مافيه شي مثل بيتك .. وبترجعين له ان شاء الله .. بس ما يمنع نروح ونتوسع بالاستراحه يومين ونرجع .. وبأذن الله ترجعين لبيتك علطوول ..
الجده بقل اهتمام قالت : الله تبون سووه .. انا مالي حاجه ولا رغبه بشي ..
ابو تركي طبطب على رجلها وقال: الله يهدي بالك يا وخيتي الله يهديه ..
.
.
.
.
كان طالع بسيارته ومتوجهه للمطار ..
وهو يفكر ويحسب ولا هامه احد .. وكلمات ابوه قبل عشرين سنه تتردد بباله .. وحاس نفسه رغم كرهه لتصرفات ابوه قبل الا انه صار نسخته ..
هذا هو هارب منهم ومن مواجههم .. ومعه حلالهم واللي ركضوا سنين عشانه .. اغضبوا ربهم وباآعوا ضميارهم رواه ..
وقف بمواقف السيارات حتى يقابله شخص ..
.......: بترووح يا بو ناصر ..
ابو ناصر : ما عاد فيه شي ينشفق عليه..
.....: يمديك ترجع وكل شي يتصلح ..
ابو ناصر وهو يفتح باب سيارته الخلفي ويطلع شنطته قال : ما عاد يمدي .. اللي خرب من 20 سنه ماني مصلحه بيومين ..
ويبي لي عمري مرتين عشان اقدر اعدله ..
......: وبتترك اهلك.. عيالك وزوجتك ..
ابو ناصر بقرار صارم : مالي عيال .. ولا يبوني .. ربيته وهذا هو واقف بوجهي عشان امه ..
......: حذرتك يابو ناصر .. وقلت لك صحح غلطتك .. بس غرك اللي غر ابوي وابوك ..
ابو ناصر بغبن قال : لا تزيدني .. هذا انا جالس ادفع الثمن .. تارك لهم الديره كلها ..
سكر باب السياره برجفه قويه .. وصافحه وقال : هذي السياره تصرف فيها .. واشوفك على خير ان ربي كتب ..
صافحه اللي معاه حتى يسحبه يضمه بوداع .. ما يدري بيلتقي فيه ولا لا .
.
.
.
.
بمكتبه وبنقاش حاد بينه وبين غسان قال : مالكم شغل فيها .. تسمعووون .. انت وزياد مالكم شغل .. انا بتحمل المسؤووليه ؟؟
غسان بحرص ودقه قال : لا ما حزرت يا اخي .. عم بنضبط الووضع من هون بتجي بتخرب كل اشي من هوون ..
ماعم تتحمل هادا الشي كلياتو .. التنفس مش ولا بد .. وعم يتعبا هالشي كتير .. حتى الاكل ما بتآكول متل اول .. ومن كثر ما تستفرغ صار عنده ارتخاء بالمعده بتعرف هالشي ..
خالد بعصبيه ويهز راسه بحده يقنع فيها غسان قال : ادري .. وعارف .. وجزاك الله الف خيير .. وارفع يدك لو سمحت واذا تحب اعفيك بعفيييك منها ..
بس خلوها .. انا اعرف اتصرف معها ..
غسان بنرفزه قال : لكان هلاأ وئدامي بتئوووم تسحب الحاله مني .. ما راح اتحمل مسوليه انتكاسات جديده ..
دخل ابو سعود على نقاشهم وحدته سلم حتى يسكت كل منهم :السلااام عليكم .. خييير عسى ماشر ..
غسان ناظر لخالد .. وخالد صد ...
قام بتعزيم للامر قال : هلا عمي .. جيت وجابك الله .. ما شر .. بس حاله زينه بسحبها منهم ..
ابو سعود وهو يستفسر : ليه .. عسى ماشر .. جاك قصوور منهم .. ؟؟
خالد بأحترام لهم قال : لا ابد حاشاهم .. ما قصروا بس حالتها وابي اسحبها ..
ابو سعود بعدم اقتناع قال : يا سلام .. اجل وش اللي جد .. لازم يكون فيه سبب .. ومعقوله بتظل بدون اسم الحاله ..
غسااان طلع من وسطهم معصب منه ..ومن جديته ومن اصراره ..
التفت ابو سعووود وهو يتوجه لخالد بالكلام وبحده قال : شفيييكم ؟؟
خالد بتبرير لنفسه قال : ما فينا شي .. زوجتي وبسحب حالتها منهم .. شفيها ..؟؟
بتقول مايصير لازم تكون مسجله بأسم طبيب .. بقولك سجلها بأسمي وانا بتحمل المسوؤليه ..
عمه بحده وعصبيه قال : ايه طيب اقتنعني ... شالسبب .. شايفها زينه بحقه اسحب الحاله منه ..
وش السبب ..؟؟ولا واسلمها لك وبأسمك وانت مو نفس الاختصااص ..

خالد بقهر قال : لانهم يتدخلون باللي ما يخصهم ويحطونها براسي .. تتنكس يقولون بسببك وبعد .. تتعب يحطونها فيني .. تمـ......
عمه بحده وصوته ارتفع شوي قال : لييييه انت تنكر هالشي ..؟؟؟
خالد بقهر قال : ما انكره .. لما حست بغيري جنبها ويقدر يساعهدها بعدت عني .. انتم شعرفكم بهالاشياء .. لما كانت تحت يدي ووضعها تمام . تاكل تشرب وبصحه افضل من اللحين ..
ابو سعود بعدم اقتناع قال : واللحيين ؟؟
خالد بأصرار : اللحين ابي استلمها انا .. وكلها اصلا ان طولت اسبوع وانا مطلعها ..
عمه بخناق : بكيفك هي .. هذي مسوؤليه ما نقدر نسلمك ياها ..
خالد : وانا قلت لك لكم بتحمللل كل المسوووليه .. بس اطلعوا انتم منها ..
عمه بقهر قال : تعال وقع اجل .. ومن اللحين اقولك .. المسوليه لو بيصير شي بتتركبك كلها من اولها لآخرها ..
خالد : تم ..
طلع عمه ليرووح وراه .. يسحب حالتها ويسجلها بأسمه واسلوبه الجديد معاها بيبتدي من هاللحظه ..
.
.
.
.
.
.
جلس عالمكتب وهو يضحك بنفسه وهو يسمع للسكرتير :.......
وبينه وبين حاله قال كنت متوقع هالشي .. ويسمع لتبريرات السكرتير واصطناعاته بالخوف والكلام قال بهدووؤ من بين كومه اعتذاراته ليقاطعه بصوت بين استهزآئه فيه قال : مر عالمحاسب وخذ حقوقك .. !!
السكرتير وهو يجمد مكانه منصدم وعيونه مفتوححه عالاخر .. : .................................
ناصر وهو يتقدم للطاوله شوي ويرتكي عليها بذراعه قال : سمعتني وش قلت .. يالله امسك البباب ..وهو يأشر براسه لجهه الباب..
السكرتير بذهوول : بس انا مالي دخخل .. انا بساااعدك .. انـ....
ضرب الطاوله بقوه بيده ليسكته قال : سمعتني شقلت ... ما تلزمني نفووس دنيه تشتغل معااي .. واللحين ورني عرض كتافك ..
السكرتيرر برجاا قال : لا طال عمرك .. لا تكفى الله يخلييك .. لا .. انا اصررف على بيتين وامي وابوي .. خاف الله فيهم لا تقطع رزقي ..
ناصر بعصبيه وهو يوقف قال : وووين خوفك من الله وانت تعاونهم عالغلط .. وينه .. ليش ما صنت امانه حطتها امي برقبتك .. اللحين جااي تقول خاف الله ...
كنت حاس وقلبي مو متطمن لك .. بس مقيوله .. يد فوق يد ويد ربك العليا ..
واللحين عشاني خايف من ربي اقولك اذلف وخذ حقوقك ولا بستين داهيه ..
السكرتير بمحاولات اخيره : تكفــ .....
وقف ناصصصر بععصبيه ليتصل بالتليفون : جمييل .. خلهم يجون يسحبونه من قدامي ..
وماهي الا دقايق حتى يدخلون امن الشركه يسحبونه من قدامه وهو يحلف ويتعذر ويترجى ..
.
.
.
دخل ناصر ومعه شنطته متنحي عن الباب لييستمع لسيل الترجيات والاعتذارات ..
دخل وهو يسكره ويتقدم حتى يوصل لناصر اللي جلس علىالكرسي بحواجب معقوده من العصبيه ..
واول ما جلس تكلم بعتب : مو قلت لك خلك عندهم لحد ما ارجع .. ليه جييت ..؟؟
جميل بثقه قا : وش يقعدني عندهم وانت هنا بمصايبك لحالك .. ما عليها خوف .. عندها اخوها وطلعت من المستشفى ..
ناصر وهو يستفسر : شلون تطلع .. مو حامل وحالتها صعبه .. شلون سمحوا لها ..؟؟
جميل بأعجاب قال : ولد عمك ابد مو سهل .. اخذها منهم وطلع للفندق .. ما عليك لا تخاف عليها وهي عند اخوها ..
خاف على حلالكم اللي راح نصفه ..
ناصر وهو يتنهد ويرجع بظهره للكرسي قال : بسلامه راس الغاليه .. يروح باللي ما يرده.. ما يقوم القرش ويقعد عند صحتها وغبنها .. وعند اللي سواه ..
جميل : قلت لك بيهرب ما بيجلس ..بايع كل الاملاك اللي بأسسمه ومحول كل ارصدته .. حتى ارصده عمك بعد ..
ناصر وهو يطير عيونه . طيب امه واخذ اللي يبي منها اخوه يغدر فيه له .. وابتسم بسخريه وهو يقول ضحى بضناه مو عجزان عن اخوه :................
جميل يكمل : اللي باقي من راس لمال واللي ما قدر يصرفه لازم نستخدمه بحذر لانه اي زله سقطه بتنهار الشركه بكبرها ..
ناصر وهو يتنهد قال : لا تخاف اللي لعب فيه .. مو كثر اللي مجمده وما يدري فيه ... اسمعني .. بأسس المشروع اللي قلت لك .. وبندعم هذي .. كل الاوراق اللي تحتاجها دبرها لي قبل اروح .. يومين بالكثير وانا مسافر لهم ..
جميل بهمه قال : ان شاء الله .. احاول بكرا او بعده اجهز كل الاوراق .. وقام من عنده مستعجل ليتركه وراه بهموم جديده تضاف له .. وخيبات كثيره بكل استططاعته حاول ينكرها .. ليشوفها اليوم تنصف قدامه وحده ورا الثانيه ..
.
.
.
.
.
كانت مصدومه من كلام امها .. يعني ايش هالكلام.. خلاص وافقوا .. هذا اقناع ولا نصايح ولا مقدمه ولا ايش ..
ام فيصل : وهذي سنه الحياه .. ربي مثل ما حرمني شوفته بالبشت متزين .. ما يحرمني اشوفك بشرعتك مكتسيه ..
ليا والدموع تجمعت بعيونها قالت : يمه مو من جدكم .. شفيييكم ..؟؟
امها وهي تضمها وتمسح عليها قالت : ههههههههه يا روح امك .. زياد ردتنا له والله حرام علينا .. رجال ما ينعاب .. وصاحب لاخوك ..
وعارفينه وعارفين اخلاقك وطباعه .. وحسبه ونسبه وادق اموره ..
ليا وهي تحاول تترجم كلام امها مو مستوعبه: .........................................
ام فيصل وهي تهزها تنبهها قالت : شقلتيي يمه .. ؟؟
ليا :.....................................
ام فيصل بضحكه فرحانه قالت : الله يجعله من نصيبك يارب .. ولا يحرمني شوفه ضنااك ..
فزت من حضن امها مفزوعه وقالت : يممممممه انتي من جدك ..
امها وهي ترجع تضمها بضحكه لتنفجر هي بصياحها المومستوعب ..

.
.
.
بعد ما تعشوا .. وكل من راح لغرفته يريح ويخلص آخر اشغاله لينام ..
طق الباب عليها بخفه ليدخل وهو يشوف خفوت الضوء بالغرفه ..
وما كانت فيه كعادتها .. تقدم ليجلس على طرف السرير ويطلع جواله من جيب بنطلونه ويتصل عليها ..
حس بالصوت قريب منه .. حتى تدخل عليها بروبها السكري المربوط من قدام بشده وحرص .. وشعرها مرفوع كله لفوق بأهمال معطيها روعه بحضورها ..
دخلت وجهها يتقلب .. حتى يوقف لها ويمسك يدها بخوف : شفييك ؟؟؟ وين كنتي ؟؟
ما ردت عليه وهي واقف كانت بس تبي توصل السرير .. وصلته وجلست بتعب قالت : عند امي ..خاصرتي توجعني وهي تحط يدها عليها وتنحني لقدام بألم ..
بخوف واهتمام رفعها بشويش قال : من وين .. ؟؟ علميني ..
ارتفعت معاه ومو قادره تعتدل .. همست له يبعد عنها لتمدد.. بعد وهو يحط يده على خاصرتها ليدلكها ..
غمضت عيونها بتعب .. تحس ضغط مو طبيعي على خصرها .. حتى تدخل امها عليهم تسلم وبيدها زيت مقري فيه ..
تركي وهو يسألها بأهتمام : شفيها ؟؟ ليه يوجعها شايله شي هي .. طالعه لمكان ..
امها بأهتمام وبهدوء طبيعي قالت : لا ان شاء الله ما فيها الا العافيه .. بس هي تتدلع .. طبيعي بطنها يكبر وتمددات بطنها بتكبر .. عادي ..
بدهن خصرها بالزيت المقري فيه ومالها الا العافيه ..
تركي وهو يقوم وبحرص قال : لا لا تدهنينه .. بوديها المستشفى ..!!
خالته : لا يمه وش دعوى عادي ... ما تحتاج مستشفى .. هذا طبيعي ..
تركي وهو ينحني لها ويمسك يدها قال : ندى وهو يمسح على شعرها .. قومي معاي بوديك المستشفى .. نتطمن ونرجع ..
هزت راسها بلا .. وقالت : لا مابي .. خلاص امي تدهني بالزيت وبرتاح ..
خالته حطت يدها على كتفه وهي تطمنه .. :والله يا وليدي ما فيها غير العافيه .. بس خلني ادهنه ..
بعد عنها لتجلس امها جنبها وتدهن خاصرتها وتقرا عليها .. وهو جالس جنب راسها يكلمها لحد ما غفت غصب عنها لما ارتاحت من الاألم شوي ..
قامت امها وهي تغطيها باللحاف .. وهو قام من جنبها ..
خالته وهي تضحك قالت : يا يمه مافيها شي .. تعرفها وتعرف دلعها ما تبيي تتوجع من شي .. وهذا طبيعي يا يمه .. والله اني شوف نفسي بحملي فيها ..
كنت مثلها بالضبط .. وعسى الله يفكها بعد من طلوق كل شهر ..
تركي بخووف وهو يفتح عيونه قال : وش طلوقه بعد ...؟؟
خالته وهي تهمس عشان ما يصحونها قالت : كنت كل شهر موعد جيتها لي وانا بحملي يجيني الم مثل الطلق .. وكان الله يرحمه ينهبل .. وكل شهر اقول هالشهر بولد ..
وربي ثبتها وجبتها بشهرها .. والحمد لله ..
تركي بخوف قال : لا ان شاء الله عدينا من هالشي .. نهايه الرابع ولا لا ؟؟
خالته : ان شاء الله .. انها عدت من هالسالفه .. لانها بد معاي من شهري الاول وهذا اللي خلاني اعرف بحملي فيها .. يالله يا وليدي تصبحون على خيير ..
تركي وهو يمشي وراها قال : وانتي من اهله ..
التفتت عليه مستغربه : وشفييك وراي ؟؟
بقهر قال : وانتي ما تعرفين عمتي ..!!!
ام محمد : هههههههههههههههههههههههههه .. تمزح معك .. خلك ما عليك منها .. ماهي بنفاس يوم تمنعك .. يالله تصبح على خير ..
ضحك بفرحه وهو يقول وانتي من اهله .. ليسكر الباب ويرجع بشووق اللي كل قلبه اكل ..
فتح اللحاف حتى يدخل بجنبها ويدخل يده تحت اكتافها وليسحبها وهو حاط يده على خصرها يقرا عليه ويدعي ان ربه ما يجري لها ما جرا لامها ..
لحد ما غفى معها وينامم ..




الصبح الساعه 8 ونص ..
دخل غرفتها كان الصمت مالك الجو بقوه .. من بعد غسان مانع احد يدخل عندها يأثر عليه او تتعلق فيه وتستنجده منه ..
الجهاز لا يزال عليها ما شاله ..ووقف عن الابر امس بالليل لانه يبيها تصحى .. يكفيها اللي نامته وارتاحت فيه .. يكفيها هروب وضعف .. يكفيها اختناقات وتعب ..
كان جاي وناوي يقول لها كل شي .. يبيها تكون على درايه ... مو جاي مشاور لها بقد ماهو مقرر ويبي يبت بالموضوع ..
ما كان بيصحيها بنفسه .. يبيها تصحى من حالها .. يبي كل شي يصير بأرادتها وقوه وعزيمتها .. يبي يبنيها من جديد ..
وقف عندها وبخفه منه حاول يفك ربطه الاكسجين ليرفعه عنها بسهوله .. وما يزعجها لما يرفع راسها ويطلعه ..
فك المطاط بسهوله .. وصار يرفع الاكمام بخفه وشوي شوي حتى ما تستنكر شي ..
وبعد اقل من خمس دقايق تحركت لأختلاف الووضع عليها ..
لما يحطونه عليها ما تبيه .. وبالموت تتعود عليه .. تحسه يخنقها وما يدخل رئتها .. وبس تتعود عليه تستنكر الهواء الطبيعي .. ولا يدخل بتلقائيه بعد الاكسجين ..
وما كانت هذي الا اوهام بنفسها تبنيها من عدم مقدرتها وخوفها .. هو كان يشوف هالتفاصيل ومراعي لخوفها .. بعكس غسان اللي همه ما تفقد نسب كثيره من الاكسجين ويجبرها تتنفس هالاكسجين بشكل او بآخر .. ليضن انها معه ماشيه بطريقه اسرع وتجاوب اكثر .
اشياء ماكان يشوفها بتصرفاتها وخوفها .. خالد كان مركز فيها ..
لما شاف حركتها .. وتلقائيه يدها اللي رفعتها لصدرها ... همس بخفه لا يخوفها بـ: صبااح الخير ..
فتحت عيونها بنعااس لترد طرفها مرتين تستوعب وتنفض بقايا النوم من اهدابها :.................................
تحسس خدها بيد .. وماسك يدها الثانيه بيده قال : صح النوووم ... كيف حالك ؟؟
تحركت بخموول وهي تحاول تبلع ريقها الناشف .. وعقدت حواجبها وهي تتحس حلقها ..
قام بسرعه واخذ علبه الماء وصب لها بالكوب .. هو عارف ان حلقها يمكن مجروح من محاولتهم لانعاشها بالتنفس ..قربه لفمها وبهدوء قال : سمي بالله ..
سمت بقلبها وهي ترتشف قطرات منه وبمحاوله بس محاوله لبلعه اوجعها حلقها وبعدت ..
رجعت راسها لمخدتها وهي تسكر عيونها بألم ..
نزل الكوب شوي .. وهو يرفع السرير لوضع ششبه جلوس ..مسك يدها وهو يتكلم بهدوؤ قال : زينه .. حبيبتي .. اسمعيني ..
فتحت عيونها تطالع فيه وبهدووءه .. وقلبها يرجف منه ومن اللي وراه ومن هدوءه ..
تكلم وهو يشد على يدها ليدعمها : لازم اللي صار ما يتكرر .. يكفيك اللي تعبتيه .. هذا اللي بحلقك مو اول مضاره عليك ..
مابيك تنفعلين تنزعجين او تتنرفزين .. الكل هنا يبي مصلحتك .. والافضل لصحتك ..
حاولت تعتدل تحرك ظهرها ما قدرت .. لساته خمول النوم مستوطنها بشده ...
كمل :عارف انهم يزعجونك .. وكثير اشياء نسويها ما تبينها .. بس حنا نبيها لك لانها لمصلحتك لو رفضتي هالشي .. !!
انتظر يشوف ررده فعلها ما كانت غير هدووء تكلم : كل اللي نسويه لك .. لو تألمتي وزعلتي ورفضتي ..
بكرا بس تتشافين بتحمدين الله اننا ما تركناك براحتك ..
سحبت يدها منه بس هو شد عليها مانعها .. ناظرت فيه بتعب واستفهام ليه شفيه .. وشاللي يبيه ؟؟
رد عليها وبفهم للي حاولت تقوله بنظرتها قال : شاللي تبينه .. وهو يشوفها مستنده بيدها الثانيه اللي محرره وكانها بتسحب نفسها لفوق شوي عشان تعتدل بجلستها ..
ترك يدها لما ما شاف رد ليقوم ويوقف جنب سريرها وبألتصاق ليبعد شوي اللحاف ويدخل يديه تحت يديها وقريب لصدرها ويرفعها لففوق شوي بحيث تكون بوضعع جلوس ..
زينه بخووف وصدمه من حركته وجرأته اللي تكبر يوم عن يوم : آآآآه ..
بعدت ظهرها عن السرير تحسه يحرقه ... وكانت جالسه تماما ..
بعد شوي عنها لتنحني لقدام وودها لو حتى القميص مو عليها لمسه لظهرها يحرقها ,,
مد يده خالد ليبعد شعرها النازل لاكتافها شوي عن فتحه قميصها الخلفيه .. ويطل على ظهرها .. كان احمر .. ومحترق من جلد السرير رغم سماكه اللحاف اللي حاطته شيخه ..
تضايقت منه ومن قربه السريع وجرأته الزايده .. تقدمت لقدام بجسمها العلوي بزياده لحتى تنفلت حرده قميصها من يدها لتخبي ظهرها ..
بعد عنها مقدر حرجها منه .. وهو يضرب بالجرس لسهى لتجيه ..
بتبرير لنفسها مو له قال : انا مثله دكتور ... بحط لك مرهم عليه .. وبكرا بس نطلع من هنا بترتاحين اكثر من هالسرير وتقيده ..
ما ردت عليه وهي تشوف سهى داخله مبتسمه وتسلم عليها وهي مو بحالها .. ظهرها يوجعها وانحناءها لقدام بزياده يتعد مقدمه افخاذها بعد ..
تسمعه يكلمها وودها لو يخلصون بسرعه مو متحمله هالشي .. ويدينها خدرو من كثر مو شاده عليها ..
خالد وهو يحط يده على كتفها ينبهها : طالع عشر دقايق وراجع لحتى تكونين بدلتي .. اوك ..
هزت راسها بأيه بس ليخلص ويطلع .. ومجرد ما طلع تحركت سهى وطلعت لها قميص واللي يلزمها لتساعدها تبدل ..
زينه وهي تنبهها :تكفين لا تلمسين ظهري ..
سهي وهي تطمنها قال : لا حبيبتي تطمني .. هي الست شيخه فاتحتلك ياه من ورا .. ما بيجي عـظهرك كثيير .. وهلأ دكتور خالد بيحطلك مرهم بيخف باذن الله ..
زينه بحرج منه قالت : لا انتي حطيه ..
سهى تذكر تحذير خالد قالت : ما تشيلي هم .. تعي بألاول نبدل ملابسك ..
ساعدتها سهى وهي تلبس .. رفضت بالبدايه تساعدها كليا بس لما عجزت فتحت لها سهى الازرار وقالت البسيه وانا بسحب لك ياه .. وفعلا لبست واحد عالثاني وسحبت الاول سهى .. وقدمت لها الماء ومسحت لها اجزاء من جسمها .. وزينه بتموت من حرجها منها .. لدرجه احساس سهى وحرجها هي الثانيه رغم انها تقوم بشغلها ..
دخل عليهم خالد ومعاه علبه طبيه فيها المرهم وقطن واغراض يحتاجها .. ناظرت زينه بسهى .. وفهمها خالد ..
وتقديرا منه لها وعشان ما تهابه زياده قال ... اعطيني يدك زينه ..
زينه تناظر فيه ما تدري شيبي .. ولا ليه .. ولا وش بيسوي ..
تقدم هو وأخذ يدها .. سحبها شوي ليجلسها .. ويمسك يدها الثانيه ويشد عليهم وهو يقول نامي على جنبك الايمن وانا بمسكك ..
فهمت شيبي .. بس وهو ما سكها كذا ما تقدر شلون تخاف تطيح .. سحبت يدها وهي تقول : انا بعتدل بس فك ايدي ..
ابتسم وقال : ما راح تقدرين .. الا اذا انتي حابه اساعدك ..
فلتت يدها الثانيه وقالت : لا بقدر .. تركها وهو يشوفها تجلس وتنام على جنبها الايمن وجسمها لا يزال مو منحني معها بتناسق يريحها ..
مد يديه لخصرها ليرفعه وهي شهقت بحرج .. :..................
تجاهل ووكأن ما سمع .. وهو يأشر لسهى هي تحط لها المرهم .. عدلت قميصها لها .. وفتحت ازرار القميص اللي فتحته لها شيخه مخصوص عشان يساعدهم هالشي لما بيبدلون لها وركبت فيه ازرار .. وبدت تحط على ظهرها المرهم وهي تحاول تبعد بظهرها لما يحرقها كثرته عليه ..
دمعت عيونها بألم وهي تقول بصوت يرتجف من شد الحرق : خخـ ـلاص ..
عشان يليهيها قال : خلاص خلص .. مسك يدها وشال الابره الوريديه وهو يقول ما تحتاجينها من اليوم ورايح ..
ووقف ليشوف شسوت سهى .. هز راسه برضى لتبدا تقفل الازرار ..
مسح على شعرها .. وهو يشوفها تمسح دمعتها بسرعه لا يشوفها وقال : ارتتاحي شوي اللحين .. وبس يجف المرهم وتهدين .. بنفطر سوا ..
تكلمت بسررعه مماابيي ..
ما رد عليها .. وهي عارفه انه ما بيرد .. حست بسهى تطلع .. حتى هو اضفى باللحاف عليها وطلع ليتركها شوي تهدا ..




طلع بالممر يكلم .. شاف المتصل شيخه .. رد عليها وهو يطمنها انها بخير ..
شيخه بأهتمام : طيب .. انا ورنا حابين نجيها اليوم ..
خالد بفرح قال : اوك تعالوا .. تغيرون جوها شوي بعد ..
شيخه وهي تستعد تسكر قالت : خلاص ان شاء الله ... توصي شي محتاج شي .. زينه ناقصها شي ..
خالد بأمتنان : لا مو ناقصنا شي .. ربي ما يخلينا منك ..
شيخه وهي تبتسم .. : ولا منك ويقومها بالسلامه .. يالله مع السلامه ..
خالد : مع السلامه ..
.
.
.
.
.
.....: والله يا وخيتي اني ما ملا عيني غيرها .. قبل زواجها وعقب طلاقها ..
الجده بتمني : ولا بيدي حيله .. ولا عادت صغيره .. مير ابشري والله لا نجتهد.. وكان نصيبه عندنا يأم حازم .. فهو بيآخذها ..
.....: وانتم الله يهداكم .. ما يصير تتركونها على هواها .. شبابها وعمرها يروح هذا كله بذمتكم ..ومهما كبرت وقلتوا شورها بيدها بتظل بتظل امها وابوها ادرى بمصلحتها لو بخصتها ..
الجده بتحسرر : وهو انتي هاقيه انه معجبنا حالها .. الله يعلم فينا .. بس ما نقول الا عسى فرجنا بقرب حازم ووقربكم يكون .. ونفرح وتفرحين ..
تنسيه وينسيها ما جرى لهم ..
ام حازم بطلب من القلب وأماني : يالله يا عسى يا وخيتي .. علـــــه وعساااه ..
,
,
,
كانت تسمعها وتسمع امانيها ودعاها.. بس مو قادره تفكر بحالها ابد مو قادره ..
دخلت عليها بأبتسامتها قالت : جده بروح بيتنا شوي وراجعه ..
هزت رااسها برضى الجده .. وعارفه انها سمعتها .. بس فقدها للامل ما خلآها تفتح الموضوع معها ..
طلعت شيخه لبيتهم بعد ما خذت الشرشف والمفتاح تجهز وتقول لرنا ..
.
.
.
.
شافهم طالعين من عيادات النساء القريبه .. وهو يكلم أشر له يوقف وشافه وهو يأشر لندى تجلس وجا له ..
خالد بأهتمام : السلام عليككم ..
تركي وندى وراه جالسه : وعليكم السلاام هلا والله ..
خالد بأبتسامه واهتمام : عسى ماشر يابو ناصر ..
تركي بأبتسامه : ماشر ماشر .. بس مراجعه ..
خالد وهو يخزه قال : مصيبه لما تكون تكذب عيني عينك .. البلا لو ماني شايفك قبل كم يوم جاي مراجعه .. عسى ما شر .. جد شي جديد ..
تركي وهو يبتسم قال : باللي خبري خبرك ما جد ومسيطر عالوضع . بس هذا عارض بسيط وجينا نتطمن ..
خالد براحه : الحمد لله .. ما تشوفون شر ..
تركي : ما يجيك .. وانت شلون اهلك .. ؟؟
خالد تنهد وقال : ان شاء الله انهم بخير ..
تركي ما حب يحرجه قال: عساه دووم .. يالله توصي على شي ..
خالد : ابد سلامتك ..
تركي وهو يصافحه : يالله سلام .. سلم خالد وراح تركي وهو يمسك يد ندى يقومها ويمشي معها طالعين ..
تنهد وهو يقول الله يبلغني اليوم اللي امسك يدها تمشي طالعين من هالمكان .. التفت حتى يفتح الباب داخل لها ..
مثل ما توقع.. اكيد بتمثل النوم لترتاح ..
قرب لها وهو يشوف ليله اللي ما طال كفايه متناثر وراها ونايمه عالجنب ويدينها ضامتهم لصدرها بتلقائيه ومسكره عيونها ..
اخذ الكرسي وقدمه لعندها حتى يجلس فيه وهو يتأمل وجهها.. رغم صفاء بشرتها وتوحّد لونها الا انه الراحه مختفيه من عليه ..
حواجبها معقوده تحسس شعرها حتى يتناثر من تحت يده بنعومه للجهه الثانيه عاكس اتجاهه ..
همس بخفوت : طيب اغفي شوي بسمحلك .. وابتسم لما شاف تنهدها براحه ..
.
.
.
.
.
مو فاهمه وش ورا امها .. ولا اي اختبار بتحطهم فيه .. ولا شاللي تبيه بالضبط ..
قالت بخوف من تصرفاتها : يمه انتي من جدك بتروحين معنا ..؟؟!!
امهم : ايه من جدي .. مو جالسه اخذ اذن انا .. انا احط عندك خبر فقط لا غير ..
شيخه وقلبها طبول قالت : يمه تكفين ترا البنت اللي فيها يكفيها ما تتحمل ..
امهم بعصبيه قال : وانا رايحه سانه سكاكيني عليها .. زوجه ولدي وبروح اشووفها ..
رنا تطالع بشيخه وساكته .. وشيخه مو عارفه شتسوي .. تتصل بخالد ولا شلون ... تقوله تخليه هو يتصرف ولا لا ..
امها بتحذير قالت : جيبي عبايتي رنا .. وانتي شيخه اياك تتصلين بخالد ..
شيخه بتأكيد لشكها قالت : وليه يمه ؟؟
امهم وموال براسها بتغنيه قالت : لان ما بقى لي غيره .. اخسره عشان وحده لا قامت ولا قعدت .. مصيره بيعافها من نفسه .. وبتجي منه مو مني ..
شيخه وقلبها مو مطمنها ابد .. ما عادت تفهم لتصرفات امها .. جت رنا بعباه امها .. ولبست هي عبايتها وطلعوا .. لحتى تنصدم باللي بيرافقهم مع امها ..
..
.
.
.
طول ماهم بالسياره ويدها تقلب الجوال بخووف ..
مستحيل بتضر البنت اكثر من الي هي فيه ..
كتبت رساله وارسلتها وهي تدعي ربها يستر من اللي جايهم ..
وصلوا ونزلت لينزلون البقيه معها وهي تدعي ومتوتره .. ومتأمله بأن خالد بيتصرف وبيقابلهم ويمنعهم ..
مشت ومشت ومع كل زاويه تقول هذ هو جاء.. اللحين بيطلع .. بعد هاللفه . بالممر اللي عقبه ولا جاء ..
حتى يوصولن لغرفتها .. وتطق الباب امها بقوه بأصابعها حتى تفز من غفوتها بخووف ويوقم خالد بعصبيييه للباب بيلعن خير من طق هالطقه ..
حتى يفتحه بأندفااااع وتطيير عيونه ويتجممد من اللي يشوفه :....
انتهى ..




انتظر بصماتكم عالطوبه بشووووق ..

سبحانك اللهم وبحمدك .. اشهد ان لاآله الا انت .. استغفرك واتوب اليك ..

الى لقاآ قريب بأذن الله ..
غيمه عطر ..

البااارت بكرا باذن الله ..
وهذا كلام الكاتبة ..

ليش ماكملتي القصه