كاتب الموضوع :
ام عمشا
المنتدى :
القصص المهجورة والغير مكتملة
رد: رواية سالت دمعتي من عيوني حزينة تشتكي للخدين مر المآسي
@&@&البــــــــــــارت @&@ الـــــثـــــــامــــن @&@&
بنفس الاستراحة بس بمكان ثاني
مشاعل.: يالله نبداء الخطة
منيرة : ايه والله احس اننا طولنا بالمرة
مشاعل : بس لازم نتأكد ان كل الرجال طلعو
منيرة : يالله خلينا نروح قسم الرجال
( راحو لقسم الرجال مالقو احد )
منيرة : الحين تاكدنا ان مافيه احد
مشاعل : يالله خلينا نبداء الخطة
: مشاعلووووه وش ناوية تسوووون
مشاعل : يممماااه متى جيت
خالد : انا طلعت؟؟؟!! كنت بدورات المياه
(منيرة اول ماسمعت صوته راحت بسرعة وتغبت ورا اقرب جدار)
خالد : المهم وش مخططين عليه
مشاعل قالت له الخطة
خالد : طيب انا بدخل معكم
مشاعل : شلون ؟؟؟؟
خالد : اسمعي ....
مشاعل : اصبر بسال راعيت الخطة
راحت لمنيرة
منيرة الي سمعت كلامهم : وجععع ان شاء الله ليش تقولين له
مشاعل : عادي
منيرة : لا موب عادي وش تبينه يقول عني
مشاعل : عادي تراه يعرف كل شي عنك جت على هذي
منيرة بعصبية : ليش عايش معي ؟؟!!!!
مشاعل : لابس دايم انا وحنين نهرج عنك عنده
منيرة : تصدقين انك حمارة انتي وحنين . مشاعل ترا طفح الكيل منك
مشاعل بتعجب : ليش وش انا مسوية !!!!!!!!!! بس علشان قلت لخالد الخطة
منيرة بعصبية وصراخ : لا موب بس هذا دايم تحبين تقهريني واخر شي تبين تفرقين بيني انا وعبد الرحمن
خالد الي سمعهم يتخانقون وكان وده يدخل يهدي بينهم طلع جواله من جيب ثوبه ودق على علياء وقالها تجي تهدي بينهم
طلعت علياء من عند الحريم ركض وراحت للبنات وقالت لهم يجون وراه
طلعو البنات وهم متعجبين ليش تناديهم ولما سمعو صراخ منيرة ومشاعل راحو ركض لتجاه الصوت
وصارو يبعدون منيرة ومشاعل عن بعض علشان مايتضاربون
منيرة : تفووووووووووووو عليك يا حقيره
مشاعل بعدت البنات وببرود مصطنع : والله مالحقير الا انتي
وهي رايحه لقسم الرجال
ركضت منيرة لها سحبتها من شعرها ودفتها على الجدار بقوه
ركضو البنات لها بعد ما بدو يتضاربون
راحت ريما ونادت الحريم لانهم ما قدرو عليهم
جوا الحريم
ام عبد الرحمن بصراخ : مـــــنـــــيـــرة مـــــشـــــــــــاعـــــــل
بعدو البنات عن بعض
ام عبد الرحمن بعصبية : وجع ان شاء الله ما تستحن على وجيهكن هذا كبركن وتتخانقن فشلتوني قدام الناس
مشاعل : هي الي بـ...
ام عبد الرحمن : بس ولا كلمة مابي اسمع صوتك لا انتي ولا هي
وحسابكم معي بالبيت يالله كل وحده تروح تزين شكله
والله شكلي جبت عيال ما جبت بنات
راحت وخلتهم وهي معصبة
مشاعل وهي تمشي لقسم الرجال: تفووووووووووووووو
منيرة بعصبية : هذي الي تبي ارتكب فيها جريمه
سحر : وانتي خليتي فيها شي
روان : ياويلك من الله ما خليتي شي بالبنت
منيرة وهي رايحة لدوراة المياة - الله يكرمكم - : احسن تستاهل حقه وماجاه
عند مشاعل وخالد
خالد : وش فيها اختك معصبة
مشاعل ترتب شكلها بعد الحرب الي صارت : ما ادري عنها اصلا لها كم يوم تعصب بسرررعة زود ما هي عصبية و تزعل كل شوي
خالد : ما حاولتي تعرفين وش فيها
مشاعل : ولا راح احاول علشان تلعنن اكثر من كذا بحريقة
خالد : لا عاد مايصير كذا انتي وياها بغرفة وحده وماتدرين وش فيها
مشاعل : ما احد يعرف شفياها حتى عبد الرحمن مستغرب منها اذا كلمها ازعلت وطردته واليوم انا بعد بنطرد
خالد : ليش ؟؟؟!!!
مشاعل : لازم كل نهاية مشكله انطرد برا الغرفة ولا ارجع الا لما تعتقني
خالد باستغراب من منيرة الي ما عرف شخصيتها بهالطريقة : يمكن فيها شي
مشاعل : مو يمكن الا اكييد
عند هند وعلياء
علياء مستغربة من بنات خالها : وشفيهم خواتك
هند : والله مادري خصوصا منيرة متغيره كثير وصايرة نسخت محمد ما تبي احد يقولها شي وهي الصح وكلنا غلط وصايرة عصبية اكثر من اول
علياء : طيب ليش ما تحولين تعرفين وش فيها
هند : اذا عبد الرحمن ما عرف وش فيها حنا بنعرف
علياء : طيب انتي حاولي
هند : بحاول بس عارفة انها بتمسح فيني البلاط
علياء : الله يعينك
عند ام نواف وام عبد الرحمن
كانو يتكلمون عن منيرة وتغير شخصيتها المفأجئ
وكان كل ثنتين او ثلاث قاعدين مع بعض يتكلمون عن منيرة
عند البنات
اريام بتغير الجو الكئيب الي هم فيه : بنات خلونا نلعب
روان : اوكي بس شنو
حنين : طلبات
سحر : بس نبي كل وحده تكتب طلب بورقة صغيرة وكل وحده تسحب ورقة وهي وحظه
ريما : بس من وين ورقه
اريام : اكيد فيه احد معه
روان : منيرة معك
منيرة : ايه معي جيبي شنطتي واعطيك
سحبت حنين شنطة منيرة بما انه هي اقرب وحده عندها : ايييي ايدي وش حاطة فيهاا منيرة
منيرة : ما حطيت شي
روان وهي تفتح الشنطة : اوف كل هذا فيها وتقولين ما فيها شي
منيرة : مين سمح لك تفتحين شنطتي
روان : لا بس قلت يمكن حاطة فيها بلك
سحر واريام وحنين وريما : هههههههههههههههههههههههههههههههه
منيرة : بلك يكسر راسك والله حرام عليكم خفيفة
اريام : واضح من الشكل انه خفيفه ههههههه
روان : خخخخخخخخخخ
سحر : ياله طلعي ورقه وفكونا
طلعت منيرة ورقة وقصصوها
اريام : والقلم
روان : انا معي قلم
اخذو قلم وكل وحده كتبت شي
ودخلو معهم باللعبة هند وعلياء ورزان ولجين
وطلعو لثيل الي برا وقعدو يلعبون
عند مشاعل وخالد
مشاعل : سامع ضحكهم ولا هميتهم اهم شي منيرة
خالد : الحين قاعده عندي وما مليت عينك مالت عليك من اخت مخلي الشباب وقاعد عندك واخرشي كذا تسوين
مشاعل : بس بس بس خلاص علشان كلمه قلتها اكلتني بقشوري
خالد : لاصدق طفشانه مني
مشاعل : مالي غيرك وشلون اطفش منك
خالد : مالت عليك اجل لو ان فيه غيري رحتي وخليتين هاه
مشاعل : لا مو قصدي ب.........
قعدو سوالف ومناقر الما جاء عبد الرحمن وشاركهم الجو
دخلت عليهم حنين : وش عندكم قاعدين مع بعض ولا تنادوني
عبد الرحمن : انا مالي دخل توني جاي
خالد : لا ترا اول ما دخل قال اشو حنين الدبة مو معكم
حنين راحت وحطت يدينها على كتوف عبدالرحمن وهو جالس على الكرسي : والله لو عبد الرحمن قالهها صدق ما اصدقك
خالد : يجيك يوم وتصدقين اني احسن من عبد الرحمن
مشاعل : اصلا لو نلف الدنيا كلها ما نلاقي مثل دحومي
خالد : افااا يالخاينة هذا وانا قاعد معك واواسيك
على الساعة ثنتين الكل راح وما بقا الا ام نواف يرتبون اغراضهم علشان يمشون
بيت ابو عبد الرحمن
الكل راح لغرفته وهو ساكت اما مشاعل اخت بجامتها وطلعت تنام عند هند
منيرة مادخلت الغرفة الا لما تاكدت ان مشاعل طلعت
دخلت غرفته وطلعت دفترة الي كل ما حست انه ضايق صدره طلعته وكتبت فيه
سكرت الدفتر ورجعته لمكانه ومسحت دموعه
وغيرت ملابسة وصلت ركعتين ونامت
،~،~،~،~،~،~،~،~،~
^_^
،~،~،~،~،~،~،~،~،~
عبد الرحمن ققاعد على سريره ويفكر بمنيرة وليش تغيرت
،~،~،~،~،~،~،~،~،~
^_^
،~،~،~،~،~،~،~،~،~
مشاعل حطت راسة على المخده ونامت ولا اهتمت لاحد
،~،~،~،~،~،~،~،~،~
^_^
،~،~،~،~،~،~،~،~،~
هند فاقده اختها ميادا الي كانت قبل ماينامون يفضفضون لبعض وكل ووحده منهم تخاف على الثانية
،~،~،~،~،~،~،~،~،~
^_^
،~،~،~،~،~،~،~،~،~
بــــعــــد يـــومــــيـــن مـــن الاحــــداث
،~،~،~،~،~،~،~،~،~
^_^
،~،~،~،~،~،~،~،~،~
عند ميادا وسامي بــمـــكــــة
طلعو من الجناح متوجهين للحرم
ميادا : سومي
سامي : ياعيون سومي
ميادا : خل جوالي معك
سامي : من عيوني حياتي ما طلبتي شي
دخلو الحرم واخذ سامي جزمات ميادا وحطهم بكيس
بدو يطفون وهم بجنب بعض وسامي ماسك يد ميادا
ولما خلصو من الطواف اتجهو لسعي
بدو بالسعي وكان سامي بجنب ميادا بجميع الاشواطولما صارو بالشوط الخامس اصرت ميادا على سامي انه يهرول بين العلمين
وافق سامي بعد اصرارها عليه ولما بداء بالهروله ضاع بين الناس وما صارت تشوفه كملت عادي سعيها ولما صارت باخر شوط صارت تدوره بعيونها ولما خلصت وقفت باخر المسعى تنتظر ولما طول ما شافته رجعت للفندق راحت للرسبشن وطلبت منهم مفتاح للجناح واجا معها موظف وفتح لها الباب وادخلت واخذت جوالها الثاني ولما اجت تدق على ساامي طلع مخلص شحنه و شاحنه ضايع اتصلت على الرسبشن وطلبت منهم شاحن للجوال بخلال خمس دقايق وصل الشاحن شبكته بالكهرب وبداء يشحن ولما شحن شوي فصلته وشغلته ولما اتصلت عليه طلع مافيه رصيد
ميادا : يالله الحين وش اسوي اكيد بيذبحني وشلون ضيعته انا افففففففففف
(وقعدت تدور شوي بالجناح بعدين راح للغرفة تغير لبسها ذبحها الحر من الخوف وهي تغير سمعت صوت الباب ينفتح دخل سامي وهو يضحك
طلعت من الغرفة وراحت له واول ماشافها زاد ضحكة )
سامي : والله العظيم شكلك تحفة وانت خايفه وتدوريني
ميادا : ليش انت وين كنت
سامي : امشي وراك يالهبلا
ميادا ببرود : تصدق انك حمار
سامي : تستاهلين علشان مره ثانية ماتغصبيني على شي ما ابيه
ميادا : الشرهه مو عليك االشرهه علي الي ابيل الاجر
سامي : المهم وش رايك فيني
ميادا حبت تقهره مثل ما قهرها : وش فيك ما فيك شي تغير هوانت ماتغيرت طول عمرك شين
سامي : اجل انا شين ليش اخذتيني وبعدين فيه عروس بشهر العسل تقول لزوجها انت شين على العموم كنت ناوي نطلع نتعشى بمطعم بس مدام اني شين اطلع لحالي
ميادا راحت لسامي ومسكت يده وابتسمت : ويهون عليك تخلي زوجتك حبيتك بالفندق لحالها بدون عشاء
سامي لا لا لزم اخليها تراضيني اجل تقول لي شين : ايه يهون علي الا اذا اعتذرتي لي
ميادا تركت يده : على ايش اعتذر
سامي دخل وقعد على الكنب : بسرعة نسيتي هاه الظالم ينسى والمظلوم ما ينسى
ميادا تذكرت : على شان انك شين
سامي : أيـــــــــــــــه
ميادا تستهبل علية : طيب انا ما جبت شي من عندي
سامي : يا سلاااااااااااااااااااام
ميادا : عاد تبي الصدق ولا ولد عمه
سامي: ايه
ميادا : والله انك تهبل قمر ولا لو انك شين ما خذتك
سامي : داري بس ابيك تعترفين ........................قام متجه لغرفة النوم ................يالله انا باخذ شور وابي اطلع واشوفك جاهزه ok
ميادا : من عيوني
سامي : تسلم عيونك بسرررعة خلصي
دخل الغرفة واخذ منشفة ودخل للحمام
دخلت ميادا الغرفة ولبست شي مريح وطلعت لبس لسامي وبعدين اتجهت لتسريحه وعدلت شعره وحطت ميك اب خفيف
ولما خلصت اخذت عبياتها وشنطتها وطلعت تنتظره برا طلع ولبس البس الي طلعت له ميادا ومشط شعره وحط عطر وطلع وقبل يطلع من الباب رجع واخذ مفتاح السيارة والجوال وطلع هو وميادا من الفندق
اتجهو لمطعم وطلبو عشاء وتعشو
،~،~،~،~،~،~،~،~،~
^_^
،~،~،~،~،~،~،~،~،~
الكل بيت الجده
للحين منيرة ومشاعل متزاعلين من بعض ومحد يكلم الثاني
اتفقو هند ومنيرة وروان و ام فهد وام مازن بكرا يروحون لسوق
على الساعة 11:34
وصل العشاء من المطعم
حطو لشغالات اكل وعطوهم
وقعدو يتعشون
دق جوال مشاعل وكان عند منيرة سمعته ولا لفت له
مشاعل : روان بليز جوالي
روان : نيمو عطين الجوال
منيرة كملت اكله ولا كانه تسمع شي
روان ضربت منيرة لفت منيرة وناظرتها برود : عطين الجوال
مدت منيرة يده وسحبته ورمته على روان وكانها متقرفة
انقطع الجوال ومدته روان لمشاعل ودق مره ثانية
ردت مشاعل وهي تقوم : الووو
خالد : هلا والله
مشاعل ابتسمت تذكرت منيرة اذا دقت عليها تقول هالكلمة : هلابك
طلعت برا
خالد : اخبارك ياحلوة
مشاعل : الحمد لله تمام وش عندك داق علي
خالد : من زينك اختي حرام ادق عليك
مشاعل : لابس انت ما تدق الا اذا بغيت شي
خالد : وش قصدك يعني مصلحجي
مشاعل : هههههههه الحمد لله انك اعترفت
خالد : لا تخلين اهون
مشاعل : على ايش
خالد : كنت اباخذك انتي والبنات بكرا العصر اوديكم لوكفي بس طلعتي ما تستاهلين
مشاعل : لا خلاص تكفى اسفة
خالد : يالله بسامحك بس علشاني وعدت البنات ولا ماتستاهلين بعد كلامك هذا
مشاعل : صدق انك مصلحجي لاكن قلبك طيب
خالد : انا اقول صكي السماعة لا اهون بس
مشاعل : لا لا وش تهون ياله باااي
وصكت السماعة بسرعة وراحت جوا
خالد : ههههههاي شف الحيوانه سكرت السماعة بوجهي يالله علشان عين تكرم مدينة
مشاعل دخلت ورجعت تكمل عشاءه سكتت شوي بعدين قالت : ماما بكرا العصر خالد عازمني على كوفي
ام عبد الرحمن : طيب
مشاعل : يعني موافقة
ام عبد الرحمن : قولي لبوك
مشاعل : طيب
كملت عشاه
منيرة وروان وسحر كانو يسولفون مع بعض وريما وام فهد وهند مع بعض وام تالا وام عبد الرحمن وام عبد العزيز وام حمد مع بعض
خلصو من العشاء وضفو السفره وبعدها جابو الشاهي وحليت السواليف
هند غمزت لروان وسحر وريمافمو عليها وسحبو منيرة معهم وطلعو وهند اخذت مشاعل وراحت
منيرة : وش عندكم
روان : لابس نبيكم انتي ومشاعل ترجعون زي اول
ريما : نبي ترجع مقالبكم
سحر : ابي اسمع ضحكتكم عقب ما تجنونا
منيرة : انا ما اخطيت عليها هي الي لازم تجي تعتذر مني
عند هند
مشاعل : لا والله تخطي علي واعتذر منها تخسي
هند : ميشو خلاص عاد انتم خوات والله العظيم وحشتني ضحكتكم
مشاعل : هي تجي تعتذر واسمحها
هند : طيب لحظة
راحت عند روان وسحر وريما ومنيرة
هند : روان
روان : هلا
هند : تعالي
راحت روان لهند
هند : هاه وش صار
روان : معيه تعتذر
هند : حتى السحليه معيه
روان : ههههه اثرت عليك منور
هند : هههههههههه لا شعوريا قلته
روان : مافيه الا نخليهم غصب يرضون
هند : ايه والله انا بجيب مشاعلوه من شوشته وانتم اسحبو الدبه
روان : اوكي
راحت هند لمشاعل وسحبتها لمنيرة
وروان وريما وسحر سحبو منيرة ولتقوا بالطريق
منيرة اول ما شافت مشاعل لفت بترجع والبنات وقفوها ورجعوها
هند الي كانت واقفه ورا مشاعل ضربتها مع ظهرها
مشاعل ومنيرة بنفس الوقت : اسفه
مشاعل ضحكت ومنيرة ابتسمت راحت مشاعل لمنيرة وظمتها
منيرة : اشتقت لك يا دووووبه
مشاعل : وانا اكثر يا خيتي
هند والبنات : هههههههههههههههههههههههههههههه
روان : اقول خلونا من الرومنسيات الي مو لا يقة عليكم وخلونا نروح نرقص ونستانس
راحو رقصو واستهبلو
وبعد ساعة طلعو ام عبد الرحمن وبناته
اول ماراحو ام عبد الرحمن للبيت
ام عبد الرحمن : منيرة تعالي ابيك
منيرة : طيب بغير ملابسي واجي
راحت للغرفة دخلت وسكرت الباب ومادرت الا بالي ترجف الباب بقوة وتفتحه بقوة وظرب بالجدار
مشاعل : الله اشتقت لك يا غرفتي
دخلت وهي شايله ملابسها بيدها رمتهم على سرير منيرة
مشاعل راحت وانسدحت على سريرها : يالله حق رضوتي غسلي ملابسي
منيرة : ماتشتهين بس لفي وجهك مناك بغير لبسي
لفت مشاعل
غيرت منيرة ملابسها وراحت لمها
طقت الباب
ام عبد الرحمن : ادخلي
منيرة : هلا مامو
ام عبد الرحمن : كان نمتي ازين المهم تعرفين ان البنت مارده تعرس وتروح لبيت رجله
منيرة : ايه
ام عبد الرحمن : فيه ناس خطوبك ولد ....................
نـــــــــــــــهـــــــــــــــــاـــيـــــــــــ ة الـــــــــبـــــــــــارت الـــــــــــثــــــــــــامــــــــــــــــن
س1: مين الي خطب منيرة ؟؟؟؟
س2 : وش بيسوي سامي مع ميادا ؟؟؟؟
|
23-11-12, 05:03 PM
جديد مواضيع قسم القصص المهجورة والغير مكتملة
العرض العادي
