وارحم احبتي واجعل مثواهم الجنه

يارب تكون نومتي هادئة ورااايقة

الدنيا ماترحم ضعيف كل يوم عندي هو معركة مثل جندي يشحذ كل قوته لينتصر او يموت

معركة الحياة متى نرتاح متى ؟

ليه بعض المدونات حزينه وملهوفه ومجروحه

مساكين هالبشر ياليت عندي دواء لكل محزون


لكني املك الدعاء لي ولهم يارب اهديهم واشرح صدرهم واغفر ذنبهم واحسن خواتمهم يالله

يالله يالله اميييييييييييييييييييييييييييييييييييييييييييييييييييييييييي يييييييييييييييييييين

ومرت سنه وتمضي ايام العمر وتتساقط اوراق الحياة

ومرت سنه و الروح في معركتها بين كر وفر

والعقل لازال سيد المواقف والقلب لازال في محراب الحب لله

مرت سنه والنفس في دربها تمضي حزينه والوجوه مازالت باردة والعيون حاقدة بمكرها تغرق سفينه


مرت سنه و ومازلت لا انتمي لهاك المدينه حتى الصداقة صار فيها لفت نظر

مثل جندي حرب ينتفض تحت الركام يشد عزمه

موت ربعه ما علمه الانكسار

الكرامه له مبتغى وروحه لطاعة الرحمن رهينه

ومرت سنه وسنين واحبابي تحت الثرى

والدمع في عيوني تحجر اقول ابكي ولج مني اللي تبينه

مرت سنه والعقل للبنت زينه وظلت روحي تايهه بين ارواح البشر مجروحه وحزينه

كل عام وانتم ارقى كل عام وانتم للرحمن اقرب

في مدينه اهلها ذووووووووووووق

اجتمعنا انا واعز الصديقات ( ابشركم لا زلت احتفظ بصديقات العمر مو مثل صديقاتي اللي انغشيت فيهم


هذولا غير هههههههه)

اجتمعنا في اجمل واروع كوفي شوب كان كوفي شوب نسبة النساء 99 % نادرا نشوف فيه رجال

واذا حضروا يكونون واحد اواثنين مع عائلاتهم واعمارهم متوسطة الموووووووووووهم

كانت المساحة صغيرة والاماكن اللي فيها ساتر قليلة وكان ذاك اليوم زحمة وانا تعبانه حدي من المشي

قلت حق البنات نطلب قهوتنا ونجلس يم الدريشة ونطلع بسرعة ولاني مستبدة رضوا وطلبت القهوة ورديت

مكاني وشفت اروع منظر ممكن عينك تشوفه رجل كبير بالسن شعره ابيض بدون شماغ ويقرب راسه لزوجته

مرة كبيرة بس مرتبه عبايتها ومحترمه وكأنه يبي يسمع كلامها بمزاج يبتسم ويتكلم ويبتسم لها ويكمل

حديثه سرقوا قلبي بمنظرهم الراقي منظر فيه الفه وطيبة و كرامة وكبرياء

كأنهم يقولون للعالم ايييييييه نعم نجحنا وكان مشوار العمر كله معزة ووفاء

شربنا القهوة وصديقاتي ينكتون على هالشايب وزوجته بس ماضحكت هالمرة لان المنظر راح يبقى على


طووووووووووووووووووووووووول في ذاكرتي

عن جد يستاهلون ال ههههههههههه