السﻻم عليكم ورحمة الله وبركاته،

وصفتي اليوم عملية وسهلة كتير ومفيدة ومغذية .

طبق الدجاج بالصينية

رح فوت بالتفاصيل ع طول

بقطع البصلة حلقات

والبندورة كمان حلقات

فليفة حلوة لو بتحبوها كمان حلقات

بطاطا مقطعة دوائر وسط مو سميكة وﻻ رقيقة

ودجاجة مقطعة ل 8 قطع طبعا بتكون متبلة قبل بالبهارات اللي بتحبوها.

بجيب صينية تيفال أو أي وحدة من تبعون الفرن

برص فيها الخصروات ببدا بالبصل وفوقه البطاطا

وبعدين الدجاج وبعدين البندورة والفليفة.

وبحط عليها بهارات وملح حسب الذوق.


بغطيها بورق ألمنيوم وبفوتها عالفرن الساخن وبخليها من تحت اﻷول لتستوي بدها تقريبا 1/2 ساعة

وبعدين بشيل الغطاء وبخليها ع الشواية لتحمر منيح.
وبعدين بطالعها .

أكلة مفيدة ومغذية وﻻ بدها دهون وﻻ زيوت وﻻ حتى مي بتستوي بالبخار تبعها.


وممكن تنعمل بدون فرن عالغاز من فوق بنحطها وبنغطيها منيح وبنخليها تستوي بدون تحمير عادي كمان لذيذة للي بحبو اﻷكل الصحي .

بتمنى يكون طبقي عجبكم وتجربوه ويظبط معكم .


Sent from my موبايل☆using Tapatalk.

تسلم ايدك حبيبتي مايا تقريبا عرفتها الوالده دائما تسويها
والاكله بتشهي


تم الإرسال بواسطة iPhone بإستخدام Tapatalk

الله يسلمك ويسلم والدتك ويحفظك وياها.
وهادا من ذوقك يا عسل.

آه هاي أكلتي المفضلة أنا كمان بسويها.

Sent from my موبايل☆using Tapatalk.

وخيز طازه من المخبز يكون ولا اروع
يعطيك الف عافيه


تم الإرسال بواسطة iPhone بإستخدام Tapatalk

مو هيك بلله ؟؟!
يمممييييي

الله يعافي قلبك وبدنك يا الغلا...

Sent from my موبايل☆using Tapatalk.