التبولة


سلطه لذيذه مشهورة ببلاد الشام الافضل بين السلطات

المقادير :

برغل ناعم , منقوع بماء ساخن






الخضراوات :

بقدونس من 1-2 ضمه , خس , خيار من 1-2 حسب الرغية , بصل اخضر >>> لعدم توفره حاليا استعنت ببصله عادية . بندورة من 1-3 لااكثر , ليمون , سماق





الطريقة

سهله ومابدها شي بعد مانحضر المكونات .
بنفرم بالاول كل شي اخضر فرم ناعم , وبعدين البندورة واخر شي البصل .





وبعدين بنضيف كمية البرغل ( كاسة شاي او اقل بقليل تكفي بعد النقع اكيد )




واخر شي السماق والملح وعصر الليمون وممكن نضيف رشة فلفل اسود

اها ولاتنسو زيت الزيتزن اهم شي ونخلط المكونات جميعا مع بعض

صحتين وعوافي










تحياتي من قلب المطبخ

امس عملت محشي ورق عنب وكوسا نزلت الوصفه قبل راح اكتفي بالصور

كيك سهل وسريع ولذيـــــــــــــــــــــذ





المكونات

1- 1.5 كوب طحين , 4 بيضات , كوب حليب , كوب سكر , كوب زيت ذره , فانيلا وباكنتغ باورد وملعقةمسحوق الكاكاو





الطريقة

نضع السكر والزيت ونضخفهم بالخلاط الكهربائي اواليدوي وبعدين نضيف البيض , لحتى يتجانسو ويصير
لونهم اشبه بالبياض

وبعدين الحليب والفانيلا واخر شي الطحين والباكنغ باودر


وبنضعهم في القالب , باستثنا القليل من الكمية نضع عليها ملعقة الكاكاو ونخلطها وبعدين نضعها بشكل دائري فوق الخليط او انشاء قلب او اي شي حسب الرغبة


ونضعه بالفرن على نار هادئة

وهيك شكله بعد الاستواء






,وهيكك شكله النهائي





عوافي

لاتحرمونا ردوردكم يالغلا

تحياتي من قلب المطبخ

المجدرة


المجدرة اخت الكشري المصري : بس الله على الزمن اللي فرقهم

المجدرة من الاطباق المفضلة لدي اعشقها بيسموها عنا >>> منسف الفقراء

مابيعرفو ان كيلو العدس مع كيلو رز وشوية بصل وزيت زيتون بدها ميزانية صارت بالغلاء يعني اللي طابخ مجدرة بهالايام ابو زيد خاله خخخخ الله على هذيك الايام

بلاش يابنت مشي مشي احسنلك >>> كله طبخ بطبخ واحنا اللي ماكلينه

نرجع لموضوعنا >> لطبختنا المميزة

فيه خلاف بسيط بين مجدرتنا والكشري المصري اللي اتشرفت واتعرفت عليه بمصر ولولا طبق الكشري كان متت من الجوع >>> عم امزح بس لانه قريب من معشوقتي


ياريت لو اخت من اخواتنا اللي من مصر تعمل كشري وتنزله لنشوف المفارقه


ابطال مجدرتنا المتواضعه

اممممممم

ارز صنوايت , عدس حب , بصل والبهارات (ماجي و فلفل اسود , ملح, )
زيت زيتون مع موسم قطف الزيتون والشتاء هالاكلة رهيبه >>> حنيت

ملاحظه : كمية الارز لازم تكون ضعف كمية العدس

ننقع الارز بماء دافي ونسلق العدس لحتى يقترب من الاستواء

وهيك شكل الارز والعدس بعد مانصفي عنهم الماء






بعدين في طنجرة الطبخ نضع 3 اكواب مغلي ونضيف عليهم البهارات وبعدين نضع الارز

وبعدين نضع العدس ونتركهم على نار هادئة

حاولت التقط صورة لهم اثناء الغليان بائت بالفشل بسبب البخار خخخخخ مشاهير صعب تصويرهم



هيك شكلهم بعد الاستواء فينا نضع فوقهم ملعقة صغيرة من السمنه البلدي بيعطينا طعم ولا اشهى





والان نقلي البصل بزيت الزيتون ونضعهم فوق المجدرة وبالهنا والشفا

بنقدم معهم سلطه ناعمة او لبن روب




ربي يديمها نعمة ويحفظها من الزوال

تحياتي من قلب المطبخ

صدور دجاج بالبصل

ما احب انوع بالاطباق عادة لما اطبخ باليوم بس ابو الشباب عامل رجيم عدنا لصدور الدجاج

لهيك استسلمت للامر الواقع ولاني ما احب اكل الرجيم بحسه باهت فقررت اضيف لمساتي السحريه

القليل منها ماياثر >>> الله يعينه


المقادير

3 صدور دجاج

بصل شرائح والبهارات ( ملح , فلفل اسود و بهارات دجاج , بهار هيل ) وسماق وزيت زيتون

نضع صدور الدجاج في صينيه مع وضع البهارات بالفرن وعلى نار هادئة كالعادة

نقلي شرائح البصل بزيت الزيتون وبعد ما يحمرو نضيف عليهم البهارات والسماق ونخليهم ليتجانسو مع بعض شوي






وبعد مايستوي الدجاج وقبل التحمير نضع عليه البصل

اممممممم الريحه تشهي وطعم روعه >>> ورجيم عادي







وهيك شكلهم النهائي





صحتين وعوافي

تحياتي من قلب المطبخ