كاتب الموضوع :
اسطورة !
المنتدى :
القصص المهجورة والغير مكتملة
رد: تضل سجني لو قدرت وتحررت و تضل ناري لو تصاعبت ناري ، الكاتبة : ظميانة عشقهy
أسعـد الـله صبـآحكـم بكـل خيـر..
**27**
دخـلت ولآيـف وهي تضحك:وربي نـآنـآ صـآيـره مشفووحـه..تقـل قطووه..تشمم ريـح آكـل الجيـرآآن..
قـآلت عمتي بصدمـه:وشهي تسووي؟..
قـآلت ولآيـف بضحكـه وهي تـصب لهـآ فنجـآل قهوه:انهبـلت على ريحـه طبـخ جيـرآنـآ..أقوولهـآ أدخلي
تقول م اقدر..لو م أكلـت منه اليووم بمووت...
انتفضـت عمتي برعـب:شيهـآنه يمـه اتصلـي على ام مطلـق..هم اللي عندهم العشـآ..
ثوآني واستوعبـت الموضوع..شكـل سلطـآنه حـآمل..وأكيـد تتوحـم..هالآخت خبـله وربي..اتصلـت على
ام مطلـق وأنـآ معصبـه منهـآ..الحيـن لهـآ اكيـد ثلآث شهور أو أكثـر..وم أدري متى كانت نـآويـه تخبـرنـآ
او تخبـر رجلهـآ..طيب ي سلطـآنه..واللـه لآكون مربيـتك بس خل أتـآكـد من حمـآلـك...كلمتها عمتي
وطلبت منهم يودون لنا من طبخهم..دخلـت سلطـآنه ووجههـآ أحمـر وهي تجلـس..وبضيق:ي عسى أم
مطلـق تودي لنا من أكلهم..شكلهـآ متفننه به البطـه..
قالت عمتي بهدو:عيب عليك..أحشمي الحـرمه كبـر أمك..استحي على وجهـك..
قـآلت بضيـق وهي بتحـك بطنهـآ:اشتهيـت أكلـهـ..
صرخت أنـآ وعمتي مع بعـض:لآ تحكيـن جسـمك..
نـآظرتنـآ بصدمه هي وولآيـف:بسم الله..علآمكن؟..
قـآلت عمتي بغمووض:حكـي الآرض لآ تحكيـن مكـآن بجسمـك..وام مطلـق تقول هالحين أودي شغالتي
تودي لكـم...
قـآلت سلطـآنه بفرح وهي تقووم:اللـه ونـآسـه..برووح اجـل أتحـرآآهـآ..
وطلـعت تركـض برآ..وانـآ وعمتي ننـآظـر لبعـض..استغفـرت ربي..وأنـآ أنـآظر ولآيف وجوآلي
بيدها..نـآظرتهآ بنص عيـن:وصدق انتي ويـن جوآلـك؟..اتصل عليـه مغلق..
قـآلت بملـل وضيق:عبداللـه الغبي أخذآآه..ي زعم يبغـآني أدرس..
قلت بحده:وجـع يووجـع العدوو..أنتي م تعـرفيـن تحتـرميـن احد..هالزوآآج طيرك بالمره...لآ عادت عندك
حشيمه لأحد...وبشمـآته..وزيـن م سوآ بـك عبداللـه..جزآك واقل من جزآك بعد...
قـآلت بعصبيه وهي ترمي جوآلي بالآرض:م شـآ الله عليك..هذآ بدل م توقفين بصفـي...وآقفه بصفـه..
جيت بـآرد عليهـآ بس قطـعنـآ دخلـه سلطـآنه المشفوحـه بالجدر..وفرحانه فيه..وهي تحطـه على
الآرض..وتفسر عن كموومهـآ..وتـآكل..جت ولآيـف بتـآكل معهـآ..بس صرخـت عمتي فيهـآ:اتركي أختك
تـآكل برووحهـآ جيعـآنه..
قـآلت ولآيف بدلـع:ي سلآم..ويعني حنـآ م نـآكـل..
قـآلت سلطآنه والآكل بفمهـآ:عـآدي تعـآلوآ كولووآآ..أممممم يجنن...وبضييق..ي بعد عمـري ي
أبوي..لو أدري بيجي لنا أكل..كنت م خليته يتعشى وينام..
قلت بحده:أبوي لآ تقربين له هالآكـل..بـروحـه صحتـه تعبـآنه..وهالدهن بيضـآيقه..
قـآلت بحزن:ايه ي عمري..يكـآبر المرض مكـآبـر..حتى وجهه نحفـآن...
قلت ولآيف بقرف وهي تنفض يدها:يمه أحس بطني قامت توجعني...كله دسم ووووع..ونـآظرت سلطآنه بقرف..وووع شلوون تـآكيـنه انتي..واللـه يذبح...
قالت سلطانه وهي تكمل آكـل:وعوووعووه توعوع قلبك ي الكذآبه..أنقلعي م تبين لآ تآكلين..أحترمي
النعمـه..
قـآلت ولآيف وهي تقوم تعدل تنوتهـآ:كـش عليـك ي الوصخـه..ي البطه ي المفجووعه
وطلعت تغسل..وهي تقوول لنا بضحكه:تعـآلن كلـن معي..
قلنـآ بصوت وآحد:كـلي أنتـي..وكملت أنـآ..عمتي بيغثها الدهن بهالليوول...وانا م احب آكـل دسم بالليل..
جلست تاكل بشآهه..لما تعبت وهي تنسدح وهي تلهث..وبتعب:ي حلآت النومه الحين..عجزآنه أقووم
أغسل الحين..
سكتنا شووي..وقلت بحده:كم لك الحيـن؟..
تجمدت ملآمح وجهها وهي تجلس بفزع..وبـرعب:كم لي بـآيش؟..
قلت بعصبيه:بحمالك ي محتـرمه...تتوحميـن ولآ حنا ندري ولآ أبووه..مخبيه الخبـر..ليـه ي بنـت
أبووك؟..
قـآلت بعصبيه:ومن قالك أنا حـآمل مـآنيـب حـآمـل؟..
قلت بعصبيه أكبـر:ألآ حـآمل..شـآيفه شكلـك..شـآيفه نوومك..شـآيفه شفحتك على الآكل..كـآنك م شفتي
ألآكل من سنيـن..القهوه وكـآهتهـآ..وأنتي اللي قبـل من تصبحيـن لحـد م تمسـين ودلتك جنبـك...والدوره
مو انتي بنفسك قلتي لي متاخره علي حيل..ولآ تقولين مو منتظمه...الدوره تتـآخـر يوم..يوميـن.. أسبوع
بالكـثير..مو شهـر...
قالت عمتي بعصبيه:شيهـآنه علآمك على أختـك؟..
قلـت بعصبيه:علآمي أني مقهووه..أسنع بهالخوآت وماهوب نـآفع..يبغن يتخيرن بين الـريـآجيـل..ويبدلن
بهم كانهم ماعجبوهن...ذي شهريـن وفووق..وهي مقـآبلتكـم..تـآركـه رجـآلهـآ وتـآركه أهلـه..وتـآركـه
النـآس تنقـد..ولآ قلنـآ لهـآ قالت مسـآفـر..وبحده...مسـآفر م تنثبـريـن عند اهلـه..والأآ دآمه مو موجود
طقـآق بـآهلـه..على الآقـل رووحي لـهم كـل أسبوع مـره..أرفعي جوآلـك عليهم كـل يوميـن..اسالي عن
امه عن ابوه..هذآ الوآجب وهذآ المفــروض..ي بنت عقـآب...بس هالعـرس خــربـك..ماعاد انتي اختي
اللي أعرفها وم تتـرك للنـآس درب منقـآد عليهـآ....دخلـت ولآيـف المصدومه..وكملـت
هجومي..وهالثـآنيـه بعـد مـآهيـب بـآحـسن منهـآ..مفشلتني بالنـآس..لآجت مقـآبله جوآلهـآ
وتضوحـك..لآتحشـم لآ عجوز ولآ حـرمه حمـى..جيتها كل أسبوع..ولآ جت منثبـره ومقابله جوآلهـآ..لآ
سالفه ولآ معونه لآحد..
قالت ولآيف بعصبيه:أيـه يعني شنو أسولف معهم؟...م أعـرف..وهم ساكتين..
قلت بحده:أنتي بالذآت تنثبـرين..لأني وآصله حدي منك..وعبدالله كانه م عدل حالك..والله ابشـري بعقـآب
يعيد تــربيـتك من أول وجديـد..فحطـي عقلك بـرآسك..وبـك خيـر..أسمـع أحـد عـآيب عليـك فعل والآ
كلـمه..والله ليكون كل شي عند أبوي..واتـركه يطلع هالدلآل والخبال من عيوونك..
قالت عمتي بعصبيه:شيهـآنه..علآمك وآلعتن على خوآتك؟..وطلعتينا من سـآلفه ودخلتينا بسـآلفتن
ثـآنيـه؟...
قلت بضيق:ي عمه والله تعبت..الحريم وحولهن أهلهن وعزوتهن ويبغن ظل لــريـآجيلهن
حولهن..وبنـآت أخوك م غيـر تدلـع ومصاخه على رياجيلهن..ومـآهن حمدآت ربهن..كـآن عندهن عشر
آخوآن..وابوهن على حيله وبطوله...ماهوب هاده المـرض هد...ولآ كان مالنا الآ هالشايب
المريض..ويبغن يذبحنه بطلآقهن...الرياجيل م عاد يتحملون هالدلآل..والحريم ملي البيوت...ورياجيلهن
كاملين والكامل الله..بكـره يملون..ويـرووحون يدورون الـرآحه عند غيـرهن..
استغفـرت عمتي الله...ونـآظرت ولآيف اللي معصبه ولآويه وجهها عني..وسلطانه منزلـه
رآسهآ..وترجـف من العصبيه..قلت بحده:م توقعت هالفعل منك ي سلطانه...حامل ووحامك بدى..وأهل
ولدك وابوه م عندهم خبـر به..ليـه نغل والآ ولـد حــرآم اللي مخبيه علمه عن أهله وحتى عننـآ..
قالت بصدق:وخالقي م أعـرف اني حـآمل..والله م ادري...
وانبح صوتها وعجزت تكمل...ونزلت دمووعها بصدق..فتحت عمتي يدينهـآ بحنيـه وهي تقوول:تعـآلي ي
خلـف جدآآني..تعـآلي بحضنـي..
ارتمت بحضنهـآ وهي تصيـح:والله عمـه م أعرف ويمكن انا مو حـآمل..والله لو كـنت أدري كنت
قلت..والله..
قالت عمتي وهي تمسح على شعــرها بحنان:أدري ي بعد عيني..خلآص لآ تصيحيـن..
وتمت تهدي فيها..وانا منفجـره من اسلوب عمتي مع خوآتي..تدلعهن..وهن مو وجـه دلـع..حتى سلطانه
خـربانه..وماهيب نفس قبل..واللي غاثني انها م تشكي..وم غيـر م ابغاه وبس..مالها عذر باللي
تسويه...لآ شديت عليهن قعدت تـرضي فيهن وتدلعهن علشان يــرضن...وانا لولآ اني مـآبغى اجيب
الوجيعه لأبوي وأغثه..كنت قلت له وعدل حالهن المايل..الحـرمه الحين تبي ظل رجال وخوآتي عايفات
كل شي..ومدري وش هبل بهن كذآآ؟؟...
زفت بضيق..وانا أقول بهدوو:باتصل على رآشد اذآ فاضي ياخذنا للمستشفى..نفحص..ونشوف كم لك؟...
قـآلت بحده وهي تقوم:حلو وجهي رجل أختي موديني أحلل كاني حامل والآ لآآ..عمه بـرووح مع رجلي
اليووم..
وطلعت وحنا نزفـر..اتصل عبدالله على جوآلي وعطيته للهبله الثانيه...سكرت منه بسرعه وهي تعطيني
جوآلي..لبست عباتها وغطاها بملل:وهذآ انا بعد غلطانه..ماخذ جوآلي ويكلمني من جوآلك..كاني
ناقصه..
جيت بارد بس مسكت يدي عمتي وبحنيه:الله يهديك ي يمه..ولآ تخافين الجوآل ماهوب منقص منك
شي.. روحي لـرجلك لآ تتـآخـــرين عليه..
بـآست رآس عمتي وطلـعت..وأنـآ أزفـر..قـآلت عمتي برجـآ:ي يمـه هونك على خوآتك..توهن صغـآ..لآ
تجينهن بالقووه..بيعاندك وقتهـآ..
قلت بتعب:وش صغار ي عمه واللي يعافيك..والله البلآ من الدلآل اللي مصغـر عقولهن...وبضيق..قسم
بالله ي عمه رآفعات ضغطي..وألبلآ م يقولن ليه يعملن كـذآ؟...والجوآل أحلف ان ولآيف مسويه مصيبه
لكذآ حــرمها عبدالله منه...والآ لو ماخذه عبط والله ولآيف م تسكت عنه..وبضيق..أول عــرسهم طار بها
طيـره..حتى امه كانت تعصب عليه..وحتى م يجينا..والحين مقابلنا..وحتى م يعطيها وجه لآ جانـآ..قبل
كنت أخاف عليها من عيونهم..والحين تبدل حاله..يجيبها كل اسبوع من الصبح وما ياخذها الآ تالي
الليل..
قالت عمتي بضيق:الله يهديها ويعقلها..ويــرزقها مع رجلها..
ربع ساعه ودخلت علينا سلطـآنه بعباتهـآ..ووجهها أحمـر..وبصوت مبحوح:بـروح الحين جــرآح
بـرآ..شيهانه الباب اتــركيه مفتوح بينكم..وأمانتك أبوي وعمتي..
قمت وانا أحضنهـآ:تسهلي ي عمـري..ولآ توصيني عليهم..بعيووني من غيــر لآ تقولين..وحتى بـآنـآم
عندهم..
قـآلت بــرآحـه:أيـه أحسـن..
قلت بهمس:لآ تزعليـ..
بـآست جبيني بـــرقـه:لأآ تعتذرين..معك حـق بكـل اللي قلتيـه..بعدت عنـي..وهي تنزل على رآس
عمتي..وتقبلـه بعمـق..بـآفقد حضنـك اليوم ي عمـه..
قـآلت عمتـي بضحكـه موجوعه:بيغنيـك حـضن جـرآح عن حضنـي..
قـآلت بصدق وهي تقبل يديـنهـآ:واللـه ولآ يجي ربـع حضنك..عسـآني م انحـــرم منه..ي الله أشوفكم
على خيـر بــروح اسلم على أبوي..
قـلت بســرعه:مو تصحيـنه..لآ صحـى م نـآم بعـدين..
قـآلت بهدوو:لآ م بـآصحيـه ولآ بـآزعجـه..بس م أقدر أطلـع وأنـآ م سلمـت عليـه...
رآحت له..وثوآني وأطلـعت..أتصلـت على رآشـد وقـلت لـه بـآتم اليوم عند أهلي..وم مـآنع..خـآصـه انـه
دوآمـه ليلي اليوم الحمدللـه..ي ب انك توفقني انا وخوآتي..وتكبـرنـآ بعيون يـآجيلـنـآ.. رضى علي آشـد
بعـد تعـب..وبعـد م صحـت بحضنـه...وانا الومه والوم حالي..وهو شــرح لي ليه كذب علي؟...والحمدللـه
تصـآفينـآ..واللي صـآر الحمدللـه قــربنـآ أكثـر من بعـض..وبين لنا اننا اثنينا غلطانيـن..سوآ انا أو
هو...الغلط اثنينا رآكبنـآ..وكفتنـآ تسـآوت بـه,,,وعسـآ اللي رآح خيـه..والله يعووضنا خيـر...
@@@@
استغـربت رسالتها لي..اتصلت عليها بس وقفت عند بيتهم..وسكــرت بوجهي..وثوآني وطلـعت..متشحـه
بالسوآد وهالشي أكـثــر م احبه فيهـآ..ابتسـمت وهي م معهـآ الآ جنطـه يدهـآ...وتذكـرت ان أغـــرآضهـآ
ببيتنـآ..فتحـت البـآب..وركـبــت جنبي ببـروود..قلت بضحكـه:وعليكم السلآآم..السلآم للـه ي
حلو..مـآهوب دآخلـه على كفـآر..
همست بالسلآم وسكتت..قلت بضحكه:وعليكم السلآم رغم اني م سمعت..بس المهم اخبارك وش الدنيـآ
بك؟..ووش هاللي طيح اللي بــرآسك وخلآك تتنـآزلين وتــرجعين لي...وتهديدآتك خبـر
خيـر...وبعيـآره..لآ يكوون الشووق رجعـك..
قـآلت بحده وهي تضغط على الحـرووف:جـرآح واللي يـرحم وآلديـك..اسكـت واتــركـني بهمي أحسن
لـك...لآ نتفاضح بهالشارع..
التزمـت الصمت وانا مستغــرب من نبـره صووتهـآ..معصـبه الآ فـآيـــره ومنطبخـه من العصبيه...ومو
من مصلحتي أتحــرش بهـآ بالشـآرع..وننفضح..نوصل للبيـت وأعــرف كـل شي..يمكن أبوهـآ جبـرهـآ
على الـــرجـعه..لكـذآ معصبه..صحيـح هي طولـت السـآلفـه كثـيــر..قد لهـآ شهـــرين مقـآبلتهم..وأبوهـآ
من النوع الشديـد..أكيـد عطـآهـآ كم كلمـه أوجعتهآ..تستـآهل..من هالحـآل وأردى ي سلطـآنه..أجل انا
تهدديني...دخلنـآ بيتنـآ الهـآدي..قـآلـت بهمس:أمك ويـن؟..بسلم عليهـآ..
قلت ببروود:طـآلعه مـآهيب هنـآ...عند جميله..
صعدت فوق وانا ورآهـآ...دخلـت جنـآحنـآ ورمت عبـآتهـآ وغطـآهـآ على الرآض..وجلست على
الكنبـه..وهي حـآطه رآسهـآ بين يدينهـآ بضعـف..كســرت خـآطــري..وانـآ أحسهـآ كـآرهه
لـلــرجـعه..,ووجهها شاحب كثيــر...جلست جنبهـآ..وبهمـس:وش رجـعك؟...أحلفك بالله تقولين الصدق..
تنهدت بووجـع..وبآلم: رجـعني الهم لـك.. رفعت رآسهـآ لي وعيونهـآ ممتليـه دمووع..بقوولك وش
رجعني؟..بس أرجـآك لآ تووجعني بكلمـه...
نـآظرتهـآ بصدمـه وأستغـــرآب من غموض كلآمهـآ...وهزيـت لهـآ رآسي..وكملـت بضعف ودمعهـآ
سـآل..وهي تمسك يدي وتحطها على بطني..:شكل ولدك ببطني....فتحـت فمـي بصدمـه وقلت
بصدمه:كيـف؟..هزيـت رآسي بصدمـه..مو معقول..ومن متى؟..وقمت بسـرعه..قوومي للمستشفـى...
صـرخت بعصبيه وهي تصيح:وليه تبغاني اروح..تبغى تحسب كم يوم لي حامل..والآ تبغى تحلل اللي
ببطني كانه منك او لآ...وبنحيب...والله هقيتهـآ منك..واللـه هقيتهـآ..جــرآآح لهنـآ وبس..م أتحمل الشك
أكـثــر..
قلت وانا أحس اني ملسووع:قوومي نشوف..كم لـك وبعدهـآ نتفـآهم...من متى انتي حامل..وليه م قلتي
لي؟..
قلت بعصبيه:من متى حامل؟..أكيد هالحين لي شهــرين وفوق بعد...
جلست عند رجلينها وانا أحس بنيــرآن الدنيا كلها تلسعني من كل صوب واحـآسيسي ملخبـطه:قوومي
وجـآريني بخبـآلي..نشوف كـم لـك..واللـه مـآنيب شـآك..أدري انك م طلعتي من البيت..ولآ أحد دخـل
بيتكم...بس تكفيـن قوومي معي..والله غصب عني..
قالت بوجيعه:بآروح معك..بس تعطيني عهد الله..انك بهالولد مالك صـآلح..ولآ فــرق الله بينـآ بعوون
الله...يتم معي..لمـآ اموت..
قلـت بثقـه:عسـآنـآ م نتفـآرق..ولك عهد الله مني..أنه لـك..وبيــربى بينـآ بعوون اللـه...
قآمت بـآنكسـآر..وهي تلبس عبـآتهـآ..وتغطـي وجههـآ وتمشـي معي..وانـآ مسـرع..ووآلـع..مليوون
شعوور مقتحمـني..فـرحـآن وخـآيف.. رغم ثقـتي انهـآ شــريفـه..ورغم ثقتـي انهـآ م تعـدت عتبـه بـآب
بيتهم..وم احد دخل بيـتهم...بس يتم شعـوور الشـك ملآزمـني..ي اللـه عسـآهـآ حـآمل..بتتغيـر أشيـآ
كثيـره بينـآ..دخلـت لمستشفى خـآص..ودخلـنـآ على الدكتوره..طلـبت منهـآ تعجـل بالتحليـل..وتمينا ننطـر
سـآعه..وانـآ أفتـر..متـرت قــآعه الآنتظـآر..من كـثـر م ادوور فيهـآ..نـآدوآ اسمهـآ ودخلـت
قبلهـآ..جلسنا قبـآل بعـض..قـآلـت الدكتوره المصــريـه:مبــرووك..المدآم حـآمـل..وتقـريبـآ بالشهـر
التـآني..وكم أسبوع وبتدخـل التالت...
شهـقت سلطـآنه بووجيـعه..وكمـلت بفــرحـه وأنـآ الدنيـآ كلهـآ تلونت بعيوني:أللـه يبشــرك بالخيـر..بس
طيب دكتوره..هو لآزم مــرآجـعـآت ومدري ايش؟..كيـف الطـــريـقه يعنـي؟..
ضحكـت المصـريه:بصى ي سيدي..المدآم متآخــره ولآزم لهـآ شويـه عنـآيـه..وانـآ بـآئـدر أفتح لهـآ ملف
هنـآ..وتتم متـآبعه الحمل بتـآعهـآآ معاي...أو مع أي وحده من الدكتورآت هنـآ..
قلت بثقـه:لأآ عنـدك خلآص..
قـآلت سلطـآنه بتعـب:جــرآح ودني للبيـت...وبعدهـآ يصيــر خيـر...
نآظــرتهـآ وشفتهـآ تعبـآنه..استآذنت منهـآ..على اسـآس أجيبهـآ بـآقــرب وقـت..وطول الوقـت أعبـر لهـآ
عن فـــرحتـي..وهي صـآمته..ولآ انطـقت بحـرف..وصلنـآ للبيـت..ونزلت على م ابـــركن سياتي..نزلت
وشفتها تسلم على امي وخوآتهـآ..دخلت وانا اسلم وهم يتحمدون لي بالسلآمـه..وهي تناظــرني بنص
عين..وبعدهـآ قعدت امي تعتب على سلطـآنه انها م تتصل عليهـآآ..وسلطـآنه تتعذر ولآهيب
ملحقـه...وتناظرني بعيونها بعصبيه...وبعدهـآ استلمتني انا اني م اتصل عليهم....قلـت بضحكـه:هوونـك
ي الغـآليـه..أبغـى أبشـرك ببشـآره تدمـح خطـآي وخطـآ حـــرمتي..
قالت باستغــرآب:وش هي؟...عساها خيـر..
ضحكت بسعـآده وانا أحضنهـآ:بعد سبع شهور بعون الله بتشوفين ولدي حولك...
صاحت امي وهي تحضني..وبسعاده:عساه يلفي عليك وعلى امه وعلينا بالخيـر..والله انه دمح خطـآكم
ي وآلدينه..ي الله يتمم هالفــرحه على خيـر..بالمبـآرك ي يمـه..بالمبـآرك..هذي البشاره اللي تستاهل..
وقامت تسلم على سلطانه وانا فـرحـآن وطـآيـر من الفـرحـه..شووي وجـآ ابوي..وبـآرك لنـآ وفـرح
كثـيـر..وبعدها طلعت سلطانه فوق..وأمي صعدت لها عشـآهـآ فووق...خلصت من عشاي مع
ابوي..وصعدت فوق..شفت العشا بالصاله على ماهو... مو منوكـل منه شي...دخلـت غــرفتنـآ...وشفتها
بالسـريــر وتحت اللحـآف وصووت نحيبهـآ الخافت..حسيت بالقهـر منهـآ..كـل هذآ كـآرهه أنهــآ حـآمل
بولـدي..نكـدت علي فـــرحتي وانـآ اللي عمــري م فــرحـت بحيـآتي..كـثـر م فــرحـت اليووم..شلـت
اللحـآف عنهـآ..وبحده:وشلـه هالصيـآح ذآ؟..
قـآلـت بصوت مخنوق:جــرآح أطلـع بــرآ..م أبغى أشوف وجـهك..وم يخصك فيني شي..
قلت بحده:كلآم جديـد ي بنـت أبووك..طول م أنتي تحت عصمتي فـكلـك تخصيـني..وقوومي هالحيـن
كوولي لـك شي..ولـدي م أبغـآه يتـآذى..
قـآلت بعصبيـه:عسـآه م يجـي..وش بيلقى لآ جـآ للهالدنيـآ..أبوو بيتمنـى انه م كـآن ولآ انه أنولـد وهو
بـآسمـه...والآ بيلقـى أم كـآرهه لجيتـه..والله ي لولآ خوفي من الله..كنت نزلـته..بس عسـى الله يكـتب لي
الخيـره فيـه..
قلـت بعصبيـه وانـآ الوي ذرآعهـآ:أنـآ أشـرفك وأشـرف مليون من شكلـك..وواللـه وهذآني حلـفت
يصيــر بولـدي شي..واللـه انك تلحقينـه..لو يجيـه شي من الله ..والله م يفكك من بين يديني
شي...وقوومي الحيـن كوولي لك اللي ودته امي..
قـآلت بتعـب وهي تبعدني عنهـآ:بعـد عني قــرفـآنه حتى نفسي..ومـآكلـه ببـيت أبوي...ولآ تخـآف على
ولـدك..مـآهوب جـآيه شي..ومآهوب خوف منك..خوف من ربي..لو أبغى أنزلـه..كـنت نزلـته..ولآ جيـت
وقلت لـك اني حـآمل...
تخيلت انها مسويتهـآ صدق..وانهبلـت..قلت بحده:والله لو انك مسويتهـآ..كـنت لحقـتك بـآخوك
بوقتهـآ..وهذآني حذرتك..والآكل انـآ طـآلع...عندي شغـل..بـآرجـع والقـآ الصحوون فـآضيـه..
وطلـعت تـآركهـآ بعـد م وصيت أمي عليهـآ..وطلـعت أخلـص شغـلي...والله لو أربطها على ظهــري..بس
أهم شي ولدي م يجيـه شي..
|
14-02-13, 05:24 PM
جديد مواضيع قسم القصص المهجورة والغير مكتملة
العرض العادي
