صباح الخير
صباح الخير يااردن
صباحك مسك وعنبر
صباح الدحنون والزعتر

صباح القهوة بريحة الهيل تتعطر

صباح الخير ع بلادي

مرحبا يا مدونتي

من يومين ....عم تابع حالة الجو بالاردن سواء على النت او من خلال اتصالاتي مع اهلي

الجو حسب الوصف برد موووووووووووت وشتاء متواصل من ثلاثة ايام تقريبا

واليوم كان فيه ثلج

ثلج ثلج عم بتشتي الدني ثلج

المنظقه اللي انا مقيمه فيها قريبه من الاردن تقريبا على الحدود الاردنية >>>>> منطقة تبوك شمال السعودية

عم نتاثر بجو البرد بس مافيه شتاء وامطار نادرا ما تشتي بتبوك الحمد لله على كل حال

ياالله كم شوقي لكون هناك

اشتقت لشتاء بلادي وذلك الزائر الابيض الجميل

اشتقت العب مع اخواني بالثلج

اشتقت لمتنا حول المدفاء

اشتقت لكاسة الشاي بهالبرد والامطار تكتك على الشباك

اشتقت لمنظر البلده من سطوح بيتنا والشوارع الخالية من الناس

اشتقت للشتاء في بلدي اشتقت لكانون وبرد كانون ودفء كانون

بعض صور من منظر الثلج بالاردن

صور للمخيمات السورية والثلج الله يعينهم ويفرجها عليهم يا الله تفرجها عليهم