باارت روووعه تستاهلين الشكر عليه !

مرام : صدددددمة :| الله يكون بعوونها
ريان : وش عندك قاط معهم :p
سلمان : ياكرررهي له بس احس له سالفه < بالله !
سمر : ياعمري عليس الله يصبرس على الشيون لا من ام ولا من بنات عم !
حوور : صصدمة ان زوجس متزوج قلبس يمكن عشر حسبي الله على اهله

وتستاهلين اطول تعليق بس السموحه

ننتظرك الاثنيين ،
لاهنتِ

متابعيني , اعتذر وبشده , مارآح اكمل روايتي بمنتدى ليلآس , لضيق وقتي ,

البآرت الرابع :




في قصر ابو حمد


دخل ابو ناصر ( العم عبدالله ) القصر , غير مصدق بأنه لم يرحم تلك الطفله الصغيره , كيف له ان يقول لهآ هذه الصدمه في وقت غير مناسب ومكان غير مناسب , غضب من شئ تافه , فالجميع يعرف ان ابو ناصر لآيحب لأحد ان يكسر كلمته او يرد على كلامه بكلمه اخرى , ولكن تلك الفتاة الصغيره كيف ستعيش بعد اليوم ؟ , كيف ستعيش بعد ان بآح لهآ ابو ناصر وزف لها خبر مثل هذا , قلبه يتقطع لمجرد ذكر قسوته عليها , ماذا سيقول لهم ان سألوه عنهآ ؟! , هل يقول انها لقيطه ؟ , ان قال لقيطه فالكل سينظر اليهآ باستحقار وقرف , ليتني مسكت لساني تلك الدقيقه فقط دقيقه واحده , مجرد مايتخيل شكلهآ وهي تبكي يعتصر قلبه عليهآ , ربمآ تغير تعامله معها بالأوقآت الاخيره لأنهآ تحسسه بان ليس له فضل كبير عليهآ , ولكنه يعلم انهآ لم تتخيل ان تكون لقيطه يوما مآ .. تسند على الجدار وهو غير مستوعب لما قاله للفتاة ..
حنان .. رأت وآلدهآ وكأنه متعب , ذهبت له تركض , مسكت كف وآلدهآ , ثم اردفت : يبه فيك شئ ؟
ابو ناصر .. لارد منه
حنان .. بلعت ريقهآ : يبه وش صار ؟ , وين مرآم ؟
ابو ناصر .. ودمعة تبرق في محآجره , اردف : مرآم بتنام عند فرح
حنان .. ضحكت : غريبه خليتها تنام
ابو ناصر .. ودمعه أخذ مجرآه على خده المتجعدين , صامت لايستطيع اجابت حنان
حنان .. تنظر لأبوها بخوف : يبه فيك شئ ؟
ابو ناصر .. وقف : مافيني شئ
حنان .. ودمعها يتصآدم بمحآجرها : مرآم فيها شئ ؟
ابو ناصر .. هز رأسه بالنفي : مافيها شئ , يالله روحي مع بنات عمك
حنان .. بصوت عالي : يبه انت فيك شئ , قل وش ؟
ابو ناصر .. بصرآخ لم تعتآده حنان : قلت مافيني شئ
سآلم + ناصر .. خرجوآ من المجلس على صرآخ وآلدهم
حنان .. تنظر لوآلدها بهدوء
ناصر .. بوصته الفخم : وش فيكم ؟
حنان .. بتأكيد : مرآم فيها شئ , بس ابوي مو رآضي يقول لي
سآلم ونآصر .. التفتوآ لوآلدهم بسرعه وكأنهم عرفوآ ماذا بوآلدهم
حنان .. تنظر لأخوآنهآ , وبدأ تتكلم كالمجنونه : صح فيها شئ , صح , ردوآ اختي وش فيها ؟ .. وبصرآخ عالي , اردفت : مرآم وش فيها ؟
ناصر .. يسد فم حنان : وجع , الرجاجيل يسمعون صراخك , ومرآم مافيها شئ وش بيصير فيه يعني ؟
حنان .. تبعد يد ناصر : ودوني لها طيب
ابو ناصر .. بقوه : بوديك بكره بس اليوم لا
ساره و ندى .. ينظرون لحنان مع فتحت الباب , اردفت ساره : يمه خوفتني حنان , تهقين مرآموه فيها شئ ؟
ندى : مجنونه انتي الثانيه , الحين توها معك تضحك , ولو فيها شئ قاله عمي
سالم .. ينظر لأبوه , ويدعي بدآخله ان يكون احساسه خآطئ , اردف : حنان ادخلي
حنان .. ضغطت رقم مرام امآم انظآر وآلدهآ واخوانهآ , وبدأت تفرك يدهآ وتدعي ان تجيب مرآم , ولكن مرآم لاتجيب , ضغطت رقم فرح ولم تجيب فرح
حمد .. تنحنح
ناصر .. دفع حنان لـ الدآخل , ثم اردف : تعال مافيه احد
حمد .. بصوت خافت : وينكم جلستوا فيه , يالله تعالوا العشاء جآء
ابو ناصر واولآده ذهبوا للعشاء وبعدهآ ذهبوآ للمنزل



,


باليوم التالي


في قصر فرح وسلمآن

فرح .. فتحت عينهآ بتعب , تحسست مكآن سلمآن ولم تجده , جلست ثم التفت لتجد ثياب سلمان كمآ هيا الدماء عليها, قامت لتصلي الفجر وتذهب لترى مرآم المسكينه , ولكن هناك شئ يشغل بالها الدمآء الموجوده على ثوب سلمان , قال لها انهآ دمـآء خروف ذبحوه ولكنهآ لم تصدقه ابداً , توتر ريان ونظرآت سلمان لاتبشر بالخير ابداً , غيرت ثيابهآ ولبست بنطلون اسود وآسع قليلاً وبلوزه شيفون ليظهر ترابيه , توضت وصلت الفجر , وخرجت لمرآم , طرقت الباب لارد , طرقته مره اخرى , لتفتح لها مرآم وعلى ثغرهآ ابتسامه واسعه
فرح .. باستغراب , اردفت : صباح الخير
مرآم .. بسرور : صباح النور والسرور والعنبر المسرور
فرح .. باستغراب من ابتسامه مرام الوآسعه : وش فيك تضحكين ؟
مرام .. ضحكت بقوه , ثم اردفت : يالمجنونه , ياحسافت دموعي بس
فرح .. دخلت غرفة واغلقت الباب , ضربت مرام كف على رآسهآ , ثم اردفت : شاربه شئ ؟
مرآم .. تضحك : لآ , اصلا ابوي قال ذاك الكلام علشانه معصب , واحنا الخبلات صدقنا وطرنا بالعجه
فرح .. بلعت ريقها : وش درآك ؟
مرآم .. مسكت كتف فرح : ابوي واعرفه
فرح : طيب اتصلي على حنان
مرآم .. تعدل البجامه التي اخذتها من فرح : وهذا اللي بسويه
فرح : ولا اتصلي على فطوم , من سنه ماشفتها خليها تجي معنا اليوم ويا حنان وبقول لساره وندى
مرآم .. بحزن كبير : والله العظيم انها ماتطلع من الغرفه ,و اذا شافتني صارت تصارخ مدري وش بلاها علي
فرح .. باستغراب : يمكن سويتي لها شئ من زمان
مرآم .. تتذكر , ثم اردفت : والله يوم كنت صغيره هي اللي تذبحني بالطق وانا اكل تبن ولا اقول لها شئ
فرح : اصلا هي كانت كبيره , هي كانت كبر فهد اخوي الله يرحمه
مرآم .. بتافف : بتصل اقول تعالوا خذوني
فرح .. بضحك : مليتي مني الحين , تخسين مافيه روحه امس مجهزه حلآ وكل شئ اجلسي وبناكله مع بعض
مرآم .. تضغط رقم حنان : يصير خير .. دقائق حتى وصلها صوت حنان النائم ..
حنان .. وعينها مغلقه : نعم
مرام .. تنظر لفرح , وتضحك : نَعمِين , للحين نايمه يالبطه
حنان .. سرعآن مافتحت عينهآ , ثم اردفت : مرام , فيك شئ ؟
مرآم : مافيني شئ , وين ابوي ؟
حنان .. تنظر لأختها الكبيره فاطمه : دقيقه اطلع
فرح .. بهمس لمرام : وش تقول ؟
مرام : بتطلع
حنان .. تغلق باب الغرفه على فاطمه , اردفت : امس حسبتك توفيتي
مرام .. بسرعه : فال الله ولا فالك , ليش حسبتيني توفيت ؟
حنان .. بتطلع على ابوها بالصاله العلويه , وتوقفت لتسمع كلام ابوها الذي لفت انتباهها
ابو ناصر : بس انا قلت لها انها مو بنتي
سالم .. تنهد : يا يبه مستحيل البنت تصدق بكلمه , ارجع جبهآ ولا انا بروح
ابو ناصر .. هز رآسه بنفي : مرام لآزم تعرف كل شئ , هي ماعاد صغيره
حنان .. وضعت يدها على قلبها
مرام : حنان وينك ؟ .. مرام لاتسمع سوآ انفاس مرام المتسارعه ..
سالم : يايبه .. لاتسمع كلام ناصر
ابو ناصر .. بغضب : اصلا انت مو محرم لها علشان تجلس تشوفها طول عمرهآ , كفايه اللي رآح , انت لااخوها ولا ابوها ولاعمها ولا خالهآ , ومع ذالك انا تساهلت معك انت واخوك وعلشان ما احسسها بشئ قلت خلهم يشوفونها , بس خلاص البنت بعدين بتضيق وبتتحسب علي ..
حنان .. سقط منها الجوآل ليتفكك على السراميك البارد , صدمه لن تستطيع ان تسوعبها
ابوناصر+ سالم .. التفوا بسرعه , نحو الصوت ليروآ حنان جامده بمكآنه لاتتحرك ولا يرف لهآ جفن
سالم .. وقف , ثم اردف : وش فيك ؟
حنان .. بهمس مجنون : مرام
سالم .. هز رآسه , بمعنى وش
حنان .. ودموعهآ تنزل بهدوء : مرام اختي صح
سالم .. مشى ليضم حنان , ليردف : اختنا كلنآ
ابو ناصر .. بغضب : ماهيب اختكم و لاهي بنتي ولا بنت امكم لاتجلسون تخربطون على راسي
حنان .. تنظر لوآلدهآ وكأنها تترجاه ان يسحب كلامه
ام ناصر .. دخلت : الله يهديك يابو ناصر العيال نايمين لاتقومهم
حنان .. ابتعدت عن حضن اخيها , لترتمي بحضن من انجبتهآ , بحضن من تعبت عليها , بحضن من حملتها تسع اشهر , بحضن من سهرت ليالي لأجل ان تعيش بهنآء وسعادة , اجهشت حنان بالبكآء كالطفل الرضيع الذي يبحث عن صدر امه
ام ناصر .. بخرعه , ضمت حنان بقوه , واردفت ودموعها تجري على خديها المتجعدين لتبلل شعر حنان : يمه وش فيك ؟
حنان .. ضمت وآلدتهآ وكأنها ستضيع منها , اردفت ببكآء يقتل من يرآهآ ويسمعهآ , وبحروف متقطعه اردفت : مـ مـ رآم اخـتي
ام ناصر .. نظرت لأبو ناصر بغضب , من اين له بتلك القوه ليكسر بقلب انآث , كسر قلب ابنتهآ وقلب من ربتها وتعبت عليها حتى وان لم تكن ابنتها , مسكت ذقن ابنتهآ ورفعت وجههآ , لتتصآدم عيون حنان المحمره والدموع بمحآجرها تلمع , اردفت بصوت مرتجف : اهدي وبنقول لك القصه , ومرام بتعيش هنا غصب عنهم كلهم , بس البنت لازم تعرف اننا مو اهلها علشان تدور عليهم , مابقى بالعمر كثر ماراح وانا امك
دخل ناصر .. اردف بهدوء : حنان , صياحك ماينفعك ولا ينفع مرام , قومي توضي وصلي لك ركعتين وتعالي
حنان .. وقفت وتشعر ان الدنيا تدور بهآ , كيف لا وهي تلقت صدمه لن تنسآهآ ماحيٌت , اردفت ببحه ووجع : طيب .. ذهبت لتصلي لعل هذه الركعتان تطفئ نار قلبها وحرآرة جسمهآ ..
سالم .. تنهد , وجلس : شفت يبه وش استفدنا
ابو ناصر .. بضيق على حال ابنته , اردف : اقول اسكت عني
ام ناصر .. هزت رأسها : مرام بتجي هنا وبتعيش هنا زي اول بس اللي بيتغير ان سالم وناصر مايشوفونهآ
ناصر .. : وفاطمه ؟ , انتي عارفتها حالتها تتأزم اذا شافت مرام
ام ناصر .. بحرقه على حال ابنتهآ , لو انها تخاف من رجل لتوقعوآ الف سبب لخوفهآ , ولكن خوفها من مرآم لم يعطيهم ادنى فكره لما تخاف منهآ , نفور فاطمه من مرآم يسبب لمرام الضيق ايضاً , اردفت ام ناصر , بحزن كبير : والله حال بنتي انتكس من بعد ماكبرت مرام , اول فاطمه هي اللي تطق مرام والضعيفه تسكت , والله انهد حيلي من كثر ما افكر وش اللي يخوفها من مرام وعجزت اعرف
سالم .. بتفكير : يبه
ابو ناصر .. التفت لسالم , ثم اردف : نعم ؟
سالم .. وعينه بالأرض : وين لقيت مرآم فيه ؟ , يعني وهي صغيره شلون لقيتوهآ وجبتوهآ ؟ , كل شئ اعرفه الآ هذا
ابو ناصر .. اردف : ماعندي لسؤآلك جواب
ناصر .. وقف : يبه بروح انا لشغلي
فآطمه .. دخلت وتحت عيونها هآلآت سودآء , وجهها خالي من علآمآت الحياة , اردفت بهدوء وعيونها بالأرض : مرام رآحت ؟
حمد + سالم + ام ناصر .. نظروآ لبعض , ليردف ابو ناصر : وش تبين انتي تجلس ولا تروح ؟
فاطمه .. وعينآهآ الذابلتآن تحمل اسرار , لم تستطع اجابت وآلدهآ , تحس بكتمه كلمآ ذكر اسم مرام , وان خرج الاسم من فمهآ تحس بالموت يقترب تاره ويبتعد تاره اخرى ..
ناصر .. مشى وتوقف عند فاطمه , ليمسكها من ذراعها بقوه
فاطمه .. وكأن كهربآء لمست جسمهآ .. رفعت رأسها بسرعه , لتتصادم عيونها الوآسعه , بعيون ناصر الغاضبه
ناصر .. امام اهله ماعدآ حنان , اردف من بين اسنانه بغضب : ليش تخافين من مرآم ؟
ابو ناصر .. يكره لأحد ان يتطآول على بنآته امامه , وبصرآخ اردف : ابعد يدك عن بنتي
ناصر .. التفت لوآلدها , ليردف هو الاخر بغضب : ماراح اتركهآ الا اذا جاوبتني
فاطمه .. وقدمآهآ لاتستطيع حملهآ , اردفت وعرقها يتصبب من جبينهآ : اتركني
سالم .. ينظر لعرق اخته , اي شئ فعلته مرام لتخاف فاطمه كل هذا الخوف , او انها رأت شئ ولا تستطيع بوحه لنا , اي شئ تخفينه في عينيك يافاطمه , لدي فضول لأعرف ماذا تخبئين انتي ومرآم , ان كنتي تخافين منها فبتأكيد مرام تعلم حتى لو لم تتحدث , ليتك تنطقين يوما لأساعدك حتى ولو قليلاً , اردف سالم بهدوء : اتركها
ناصر .. ترك ذرآعهآ ليخرج غاضب
ام ناصر .. وقفت , لتمسك ابنتهآ , ثم اردفت : لاحول ولا قوة الا بالله , وانا امك تقدرين تمشين ؟
فاطمه .. مسحت عرقهآ بكفهآ , لتردف بتعب : ايه , بس امسكيني
ابو ناصر .. بحزن لحالة ابنته , لو كان يعلم ان مرام ستسبب ازمه لأبنته لمآ اخذها ورعاهآ , تنهد , ثم اردف : بروح اكلم مرام
فاطمه .. نظرة لوآلدهآ وشفتيهآ تترآقص معلنه نزول قطرآت مالحه على خديهآ الناعمين
سالم .. ينظر لفاطمه , لم يفهم هل تريد جلوس مرام ام ذهابها , اردف : فاطمه , مرام تبينها تجلس ؟
فاطمه .. ودموعها تشق طريقها , شدة على كف وآلدتهآ وخرجت من الصاله متجآهله سؤال سالم , فتحت ام ناصر باب الغرفة لتجد حنان سآجده وتبكي , تنهدت , ثم اردفت : يالله وانا امك , ارتاحي ونومي
فاطمه .. وصلت لسريرها لتجلس , اطالت النظر في حنان وهي ساجده اكثر من ربع ساعه , ألهذه الدرجه مرام تعني لها الكثير ؟ , مرآم وجهها يذكرني بشئ لم ولن يرآه احد غيري , انتي يامرآم مصدر رعب لي , لا أستطيع ان اقوي جسدي وقلبي كلمآ رأيت وجهك , لااريد جرحك حقاً , بخوفي منك , ولكن هذا رغما عني لآ استطيع السيطره على نفسي ولهذآ اعذريني يآ أختآه ...






,





في قصــــــــر سلمـآن ( فرح )


مرآم .. وقفت : يمكن خلص شحنه ولا شئ
فرح .. مسكت يد مرآم , وخرجت بها من الغرفه لتنزل بالصآله
مرآم .. وعيونها طالعه : وجع انتي , زوجك وولد اخوه هنا بروح البس عبايتي واغير ذا البجآمه
فرح .. ابتسمت , لتصرخ : سيـــتي
دقآئق حتى جآءت سيـتي , لتردف : ايوه مدام
فرح .. رفعت حاجبها الايسر : وين سلمان ؟
سيتي .. بدأ تشير باعينها على الارض
مرآم .. صـرخت بقوه
فرح .. وقفت بخوف : وش فيك ؟
مرآم .. تأشر على قدم الخدامه : شوفي رجلها محروقه
فرح .. رجعت للخلف , لتردف : وش صار برجلك ؟
سيـتي .. نَظرة بأنكسـآر والحزن يفيض من عينيهآ , اردفت : زيت طيح ويحرق رجل انا
مرآم .. ابتسمت رغم تقرفها من قدم سيتي المشوهه : ليش ماعلجتيها ؟
ستي : بابا سـ .. ثم سكتت ..
فرح .. لفت برأسها , لتردف : كملي وش فيه سلمان
سيتي .. ابتسمت ولكن دمعتها تخونهآ لتسقط
مرآم .. مسكت كتف سيتي برحمه : كملي لاتخافين , قولي كل شئ لفرح علشان تقول لسلمان يعالجك
سيتي .. تنهد , ومسحت دمعتهآ بأصبعها الاسمر : بابا سلمان , استغفر الله , بابا سلمان كويس معي وانا كمان كويس وبابا ريان كويس , بس انا خربي مطبخ هوآ وأشآن ( علشان ) كيدا ( كيذآ ) هو مايودي انا
فرح .. شهقت , اي قوة قلب يملكها سلمآن ليترك قدم هذه الأمرأه بهذآ الشكل ؟ , اردف بغضب : طيب , وين سلمآن ؟
سيتي .. بخوف وترجي : الله يوفق انتي مدام , مافي قول حق بابا سلمان
مرآم .. سكتت , ليس لها الحق ان تتدخل بشؤون هذآ المنزل ابداً
فرح .. بغضب : وين سلمان ؟
سيتي : في برآ سوآ ريان مع صديق , في حديقه يسآر
مرآم .. مسكت يد فرح : وين بتروحين يالمجنونه ؟
فرح .. ابعدت يد مرآم بقوه , ثم اردفت : وجع ذا مايحس ؟ , بخليه هو يوديها لنفسه
مرآم .. جلست , لتردف : هذي مشكله , وبدآية الغيث قطره
سيتي .. ذهبت مسرعه , للخدم وتعطيهم تعليمآت
فرح .. ذهبت بأتجآه الحديقه الواقعه على يسار القصر , مشت حتى اقتربت وهي تلمح 4 اشخاص واحد ريان واخر سلمان ولم تعرف الباقي , كيف ستنآدي سلمان ؟ , اقتربت حتى بدأ حديثهم يصلها فكلآم يتهامسون به واخر يقولونه بصوت عالي , لم تفهم اي شئ من حديثهم الذي يشير الشك والفضول
.......... : ههههههههههههههههههه , ايه متعب بن بندر

فرح .. لم تسمع سوآ هذآ الاسم , ان لم يكن تشابه اسماء فهو صديق فهد اخي عليه رحمة الله , ولكن مالذي سيأتي بمتعب لهنآ ؟ , لااتذكر ان فهد ذكر اسم ريان او سلمان , اطآلت وهي تنظر لهم وحديثهم يشير الشك , عن اي شئ يتحدثون ليتهامسون هكذآ ؟
, عآد الى القصر وتفكيرهآ كله بالخارج مع زوجها والشباب ...
مرآم .. وقفت بسرعه : وش قلتي له ؟
فرح .. تنهدت : ما قدرت اناديه معه ربعه
مرام : كأن فيه شئ مضايقك
فرح .. بسرعه : لآ , ثم صرخت : سيتــي
سيتي , بسرعه جآئت : ايوه مدام
فرح : جهزي فطور , وبعدين اكلم بابا سلمان
سيتي : اوكِ , مدام دقيقه فطور هنا
دقآئق حتى جآئت الخادمه الثانيه , لتضع الفطور
مرآم .. نظرت لقدمي الخادمه لتجدها محروقه , تمآلكت نفسها لكي لآ تصرخ وتزعج فرح السارحه , التفت لفرح لتجدها لم تلاحظ ان الخادمه الثانيه محروقه , شدة على يدها , وقفت مرآم , والتفت فرح , لتردف : وين ؟
مرآم .. ابتسمت مجآمله : بروح للمطبخ
فرح .. لم تهتم , وبدأت تأكل بسرآحن تود لو انها تخرج لتسمع لو بعضاً من حديثهم
مرآم .. وعلى ثغرها ابتسامه , دخلت المطبخ , وهي تصب لهآ كأس مآء , تنظر لأقدآم الخادمآت لتجدهم محروقه , سقط منها الكأس ليتكسر , من المستحيل ان تكون هذه صدفه , ولكن من فعل بهم هذا ؟ , اي قلب هذا ؟ , التفت لتمسك خادمه
الخادمه .. انحت لمرآم : تفضلي
مرآم : مين سوي كذآ في رجل انتي ؟
الخادمه .. هزت رأسها , وهذه الخادمه تجيد التكلم باللغه العربيه : هذا من زمان مره
مرآم : انا قول مين سوي ؟
الخادمه : هذا انا صغير جمر طيح وبعدين رجل صير كذآ
مرآم .. هزت رأسها , بأنكآر , اي تناقض هذآ , واحده تقول زيت واخرى تقول جمر ؟؟ , سأل خادمه ثالثه والجوآب سأعرفه لأن بالتأكيد وحده من الخادمتين تكذب , والثالثه ستكون صادقه وتقول لي كل شئ , وسأعرف من الكاذبه والصادقه , تركت الخادمه لتتجه لخآدمه فلبينيه , صافحتها مرآم , لتردف : مين سوي رجل انتي كذآ ؟
الخادمه .. باحترام : هذا مدام نار , انا كنت مره صغيره والعب عند البيت وبعدين نار جات على رجلي
مرآم .. رفعت حاجبها باستغراب , لماذا يكذبون ؟ , كل وآحده تخترع لها كذبه , الفاعل واحد اما ريان او سلمان , ولكن كيف سأعرفه وانا سأذهب لمنزلي
فرح .. بصوت عالي لتسمعها مرآم : تعــآلي كلي
مرآم .. خرجت من المطبخ , لتردف : باكل علشان خاطرك
فرح .. ابتسمت : مو لآزم تاكلين اذا علشان خاطري
مرآم .. جلست لتأخذ الخداديه وترميها على فرح : وجع , يآ أختي سلكي
فرح .. اخذت الخداديه , لترميها على مرآم : لاترمين علي شئ
مرآم .. اخذتها لترميها على فرح , ولكنها اتجهت لتضرب سلمان بوجهه
فرح .. لم تستظع مسك ضحكهآ , لتنفجر ضاحه وضحكاتهآ تضج بالقصر الهادي عكس اول اسبوع لها فيه , كان سلمان يشبعها بالحب ولكن الغيره لآ , ولآكلن الان لاغيره ولا حب ولا غيرهآ ..
مرآم .. بسرعه دخلت للمطبخ
سلمآن .. ابتسم رغم عنه , على شكل فرح الضاحك والبرئ , ليتجه للأعلى ولم يكلمها بحرف
فرح .. توقفت عن الضحك وهي ترآ سلمان ذهب , وقفت ولحقت به , امسكت كتفه , لتهمس : ليش ماتكلمني ؟
سلمان .. ابعد يدها , ودخل الغرفه
فرح .. لحقته لتدخل خلفه : اكلمك انا , ليش ماتتكلم معي ؟
سلمان .. التفت لهآ , اريد ان اخرجك من حياتي قبل ان تدخلينها تماماً
فرح .. تكتفت : تسمع ولا انا اكلم جدار ؟
سلمان .. اخرج ملآبسه , ليردف : انا اكلمك , من قال ما اكلمك ؟
فرح .. وصوتها بدأ يرتفع : لا ماتكلمني , وبعدين دم الخروف اللي تقوله مامشى علي , الدم مو دم خروف
سلمآن .. بغضب , اعطى فرح كف , ليردف من بين اسنانه : وش تقصدين ؟
فرح .. بصدمه , وضعت يدها مكان الكف , ونظرت لعيون سلمان الحاده السودآء , لتردف : ما اقصد شئ .. خرجت وهي منكسره حتى لو قلت اي شئ , ليس لديه الحق بأن يمد يده ..



,



ببآريس ( سلطان - سمر )


سلطان .. بهدوء : سمر , لاتهتمين بكلام امي
سمر .. بغضب : لا والله , بنت عمك تضحك وشوي هي ويا اختها يتفصخون , وانت تضحك معهم , ويوم جابت امك طاري انها تناسبك سكت ولآ كأنك فهمت كلامها , وانا مثل الأطرش بالزفه
سلطان .. تنهد : طيب , وش تبيني اسوي ؟
سمر .. رفعت حاجبهآ : ابيك تعتذر مني
سلطان .. ابتسم على جمب : احلفي
سمر : والله
سلطان .. وقف : لاوالله , اطلبي شئ ثاني
سمر .. وقفت : طيب , لاتدخل ذيك ذكرى لذآ البيت
سلطان : استغفر الله , هذا بيت امي مو بيتي علشان ادخل الناس واطرد الناس
سمر .. عضت شفتها السفليه بقهر : انت دكتور , وتقدر تستأجر تقدر تبني لك بيت , ليش جايبني مع امك ؟
سلطان .. اقترب منها : احسن طقيني
سمر .. كشرت : اعصابك
سلطان .. وصوته الرجولي تحول من استخفاف الى جد : اول حاجه انا ابيك مع امي بنفس البيت رضيتي ولا رضيتي , ومتى اعمر عماره هذا شئ يرجع لي انا , وبعدين بطاقتك فالدرج حقت الصراف خذيها واصرفي , وش تبين بعد اكثر ؟
سمر .. تنهدت : بس من شروط عقد الزواج , ان يكون بيت لي لحالي ولا انا غلطانه ؟
سلطان : الباب يوسع جمل يا بنت ابوك , اذا ما اعجبك الوضع روحي الله معك , واذا تبين تجلسين عين لك فراش وعين لك لحفاف
سمر .. اغمضت عينيها , وعآدت تفتحهآ مره اخرى , لتردف : لا والله ماحزرت ياسلطان , اذا قصدك تهيني واجلس هنا بعد ماقلت ذا الكلام , انا بطرح اللي ببطني وطلقني وبرجع لديرتي ..
سلطان .. لم يفهم : وش تطرحين انتي ؟
سمر : ولدك يا ولد امك
سلطان .. وبرآكين تتفجر بدآخله : وليش ماقلتي ان حشرتك حامل ؟
سمر .. وضعت يدها على خصرها : فقعت راسي , ليش تعبانه ياسمر , مين تعبك ياسمر , وش ماكله علشان ترجعين ياسمر , الله الله يعني ماتوقعت اني حامل ؟ , مير الشرهه على اللي زوجني اياك
سلطان .. وغضبه يزداد : لا يا روح الماما , اللي ببطنك ولدي مثل ماهو ولدك , والمفروض انك لما عرفتي انك حامل قلتي لي , وبعدين من وين اعرف انك حامل ؟ , ماشالله عليك ما امدى نجلس تحملين ..
سمر : لاتحسبني ميته على ولد منك , بس هذا اللي كاتبه ربي , وبطرحه وبتطلقني وبرجع لأهلي
سلطان .. باستهزاء : لاتحلمين , ولدي هذا ماراح تطرحينه لو على رقبتي .. وبصرآخ .. فـــآهمه
سمر .. جلست على السرير بغضب , وتحرك رجلها بتوتر , وكأنها تريد الهروب من منزل ام سلطان , لن تجلس بمنزل يجمعها مع ناس كرهتهم اول مآ رأتهم , يجب ان تقنع سلطان بأن يجعلها ببيت مستقبل , سألوي يدك بأبنك ياسلطان ..



,



في الشرقيه ( قصر سيف - حور - امل )


امل .. تغير ملابس مازن : يالله روح قوم خاله حور علشان تفطر مبكر
مازن .. عدل بلوزته الزرقآء , ليردف : طيب , وبعدين نلعب مع مروه
امل .. ابتسمت لوحيدها , وروحها , لقطه من سيف ومنهآ , اردفت : ان شالله
ذهب مازن مسرعه لغرفة حور , طرق الباب , لتجيب حور : ادخل
مازن فتح الباب بطرف اطآبعه , لقصره وطول المقبض : رآح طق بابا .
حور .. التفت لمآزن , لتردف بهمس : جعل يده الكسر ان شالله
مازن .. بل شفتاه بطرف لسانه : تعالي كلي فطور مبكر , علشان نلعب مع مروه
حور .. ابتسمت مجامله : ان شالله
مازن .. اقترب من حور , ليمسك كفهآ ويقبلهآ , ثم اردف : لاتبكين , بابا كذآ , يطق يطق بعدين يقول آسف
حور .. بأدلته القُبله :ان شالله , اسبقني انت وماما وانا جايه
مازن .. اتسعت ابتسامته , وخرج من عند حور
حور .. مسكت هاتفها , وضغطت رقم شقيقتها الصغيره , لتجيب فرح بصوت باكي : هلا
حور .. بسرعه : تبكين ؟
فرح : يا احتي قولي السلام عليكم
حور : السلام عليكم
فرح .. تمسح دمعتهآ , وبجآنبها مرآم : وعليكم السلام , ايه ابكي
حور : وليش ؟
فرح .. بكذب لكي لاتقلق اختها : طحت من الدرج
حور .. بتأكيد : متأكده ؟
فرح : ايه , واذا تبين تتأكدين هذي مرام عندي
حور .. ابتسمت : ياحبي لها , عطيني اكلمها
فرح .. اعطت الجوال لمرآم وذهبت لغرفتها
مرآم .. ابتسمت : هلا وغلا بالمعرسه
حور .. وبدآخلهآ , اي معرسه يرحم امك , الآ متكفخه : هلا فيك , اخبارك يالدب ؟
مرآم .. بضحك : الحمدلله يسرك الحال , انتي كيفك ؟ , وكيف العريس معك ؟
حور .. تتصنع الفرح والسرور , ووجهها خالي من الابتسآمه , وملئ بالكدمآت : الحمدلله تمام , اخبار عمي وفطوم وحنان
مرآم .. تنهدت , لم يذكروهآ , لم يكلفوآ انفسهم ليتصلوآ عليها , لم يأتوآ لأخذها اي اهل هؤلآء لايهتمون بفتاة ناضجه مثلها : الحمدلله ماعليهك
حور .. بأستغراب : ليش تبكي فرح ؟
مرآم : طاحت من الدرج قدآم زوجها وقدآمي , وتفشلت وصارت تبكي
حور .. ابتسمت : ان شالله قريب رآح اجي الرياض واشوفكم
مرآم : ايه والله اشتقت لك , تعالي نفلها
حور .. تسمع امل تنآديهآ : ان شالله , يالله ما اطول عليك , وسلمي لي على حنان وفطوم
مرآم : يوصل ان شالله , بامآن الله .. وغلقوا الخط ..

حور .. خرجت بسرعه , لتدخل الصاله : تأخرت عليكم
امل .. بأبتسامه : لا عادي , عساك احسن
حور .. ابتسمت : الحمدلله , تعبتك معي الله يعافيك
امل .. تصب الشاهي : تعبك رآحه , المهم انك بخير
حور .. تنظر لمآزن : ليش تاكل بسرعه يا بابا
مازن .. رفع عينه من على الصحن ليردف : علشان العب مع مروه
دقآئق حتى نهض مازن ليلعب مع مروه
حور .. رفعت رأسهآ لأمل , لتردف : مروه لازم نطردها من البيت
امل .. انزلت مابيدها : ليش ؟
حور : احس ورآ ذا اللبنانيه شئ كايد , خلينا نطيرها قبل ماتسوي لنا شئ
امل .. قامت : اذا خلصتي تعالي بغرفتي
حور .. تقطع خبز : طيب



,


ب شركة ابو نايف


نايف .. خبط المكتب بغضب : وينها حور والتبن سمر ماوقعوآ , وذي الحماره فرح ماداومت ,بس انا اوريكم يامدهونات الصير .. اخذ جواله ليتصل على سمر ومقفل , اتصل على حور لتجيب : هلا
نايف .. بصرآخ : لا هلا ولا مسهلا يا قوية الوجه
حور .. عقدت حاجبيها وبانت تجاعيد جبينهآ : وش سويت بعد ؟
نايف : ماجيتي توقعين , ولا تر باخذ كل حصصك لي
حور .. بقوه : تخسى تاخذها , وبخلي فرح توقع عني
نايف .. باستهزاء : والبزر الثانيه وقعت وماداومت , لاتكون حامل بس
حور .. بنبره قويه : استح على وجهك , وبعدين مالك دخل فيها , وانا بقول لها تداوم انت لاتكلمها
نايف .. تنهد بغضب : واذا ماداومت ؟
حور : وش دخلني عاد .. وغلقت السماعه بوجه نايف , اصيبوا بالملل من احترامه وهو يقابله بالسوء , احبوآ امه وقابلته بالسوء , فقآبلوهم بالسوء , يعطون الناس قد مايعطونهم



,


بالمستشفى


ام حمد .. تمسح دموعها : يعني لآزم يادكتور اخبر عيالي علشان اسافر
الدكتور : والله يام حمد , هذا شئ راجع لك بس الافضل انك تخبرينهم
ام حمد .. ودموعها تزداد : حصل خير , هذا المكتوب , بقول لهم اذا تحسنت نفسيتي وعلى الله
الدكتور .. ابتسم : فيه مفآجأه رآح تطلع لك قبل وقت العمليه بلندن , ورآح تفرحين بها كثير
ام حمد .. باستغراب : وش ذا المفآجأه ؟ , ومن جايبها ؟
الدكتور .. يريد ان يجعل ام حمد تنسى المرض وتفكر بشئ اخر : وآحد هنآ , بتشوفينها وبتفرحين , فكري وبتعرفين من هو
ام حمد .. تنهدت : يالله يادكتور ما ابي اطول واشكك عيالي .. ووقفت ..
الدكتور .. وقف , وفتح باب العياده : الله معك يام حمد
خرجت ام حمد من العياده منكسره , ذابله , لن تعيش كثيراَ , لن ترآ احفآدهآ , كم هو مألم هذا الشعور , صرفت ادويتها ورجعت لبيتها ...
......... : هاه يادكتور عسى نفسيتها تحسنت
الدكتور : ان شالله , مانقدر نقول شئ , غير اننا ندعي لها
........: مارآح نقصر بالدعاء , بس ان شالله يستجآب
الدكتور : ان شالله
......... : ولدها يدري ؟
الدكتور : على كلآمه , انه محد يدري من عائلتها بمرضها , ورآح تخبرهم قبل ماتسافر للندن تتعالج وتسوي العمليه هناك
...... ابتسم : كويس , توصي يادكتور على شئ ؟
الدكتور : سلامتك
...... يطلع : مع السلامه
الدكتور : الله معك





يوم الاثنين القادم او اللي بعده رآح انزل بارتين مع بعض علشان ايام العيد ماراح اكتب شئ , ورآح اعوضكم عن قصر هذا البارت بالأحدآث الشوقه بالبارت القادم

البارت الخامس




في قصـر ( المجهول )


فتح اول صفحه , ومسك قلمه ليسطر بعض الحروف والكلمآت , وكتب [ أشفقت ان يرد الزمان بغدره او ابتلى بعد الوفاء بهجرهِ ] , تذكر ان سفر ام حمد بعد ايام قليله , وضع القلم واغلق الدفتر , وخرج من مكتبه ليقآبل اخوه
الآخر : وين بتروح ؟
المجهول .. وضع شماغه على كتفه , ليردف : بروح انام , وقول للخدامه تجي لغرفتي تجهز شنطه لي , مابقى شئ على السفره
الآخر... عقد حواجبه وبانت تجاعيد جبينه : وين بتسافر ؟
المجهول .. تنهد , ثم اردف : للنـدن
الآخر ... وكأنه تذكر : ايه , ام حمد ؟
المجهول ... طبطب على كتفه , ومشى : عليك نور
الآخر : وقف وين بتروح ! , اول نبدأ مع ابو حمد ولا حمد ؟
المجهول .. وقلبه يتفجر من الكره والبغض لابو حمد وحمد : اول ابو حمد , لأن ابو حمد اذا طاح مافي عياله يقومون مره ثانيه
الآخر : بس لانستعجل , اذا رجعت من السفر يصير خير , يعني ماراح اسوي اي شئ الا اذا رجعت
المجهول : انت عارف ابو حمد دقيق بكل حاجه , تكفى لاتحسسه بشئ , اول شئ بنزور لك بطآقه الاحوال والجواز وكل حاجه , وبعدين بتروح وتشتغل بشركته ومن هنا راح نبدأ
الاخر .. تنهد : والله شغلتنا معقده , واللي تبيه انت بيطول , لأن ابو حمد مايثق بأحد بسهوله
المجهول .. صر على شفتيه بقهر : لأنه الحمار , عارف انه مخطي على ناس كثار , وماصار يوثق بأي احد يخاف ان الرجال يبغى ينتقم
الاخر : طيب , فرضاً رحت وشآفتك ام حمد الله يعافيها ويشفيها , وقالت لأبو حمد ؟ , والله يدفنك اليوم الثاني ويدفني معك
المجهول .. ابتسم على جمب , ليردف : مايخسى الا هو , اصلا هو مايدري لاعني ولا عنك من نكون , بس تكفى وانا اخوك لاتفضحنى عنده ولا يزل لسانك , وام حمد جعلني ما أفقدها ماهيب معلمه ذا الكلب
الاخر .. جلس على الكنب ليردف : ارحمنا عاد , كل ذا ثقه بأم حمد
المجهول : ايه كل ذا ثقه
الاخر .. تغيرت ملامح وجهه , ليردف : وامي ؟
المجهول .. تنهد , ليردف : امي , الله يسلمك , انت وانا كل يوم عندها , وبعدين انت عارف هالقصر يعتبر لأمي خَطر , وانت عارف بعد كم ناس بنتمشكل معهم , مافيني أأمن على امي هنا , خلها فيذاك البيت , لين يفرجها ربي
الاخر .. بضيق : انت عارف امي عايشه بذاك البيت , وبحارة فقرآء ووصخه تجيب الهم , وهناك بعد مافيه لها امـآن , البيت مكسر
المجهول .. صعد الدرج , ليردف : خلاص اجل , روح معها في فترة سفري , واذا رجعت بشوف حل , وباب البيت بجيب عامل يصلحه اليوم
الاخر .. بتكشير : اجل بجيبها هنا اصرف , من فاضي يروح بذاك البيت الضيق
المجهول .. التفت بسرعه , وغضب : اقسم باللي رفع سبع ونزل سبع , لو تجيب امي هنا والله مانت اخوي ولا شئ
الاخر .. رفع حاجبه الايسر : على اساس ميت على الاخوه اللي كلها مشاكل مع الناس , وبعدين لاتحلف مانيب جايبها ياخي كلتني بقشوري , اعوذ بالله من شرك
المجهول .. وملامحه احتدت , صعد لغرفته لينآم , فالأفكار تدآهمه , والارق يلآزمه , والهم صاحبه , لايعرف كيف له ان يريح رأسه من المشآكل , ولكن رغبته بالأنتقام قويه , ماذا فعل ابو حمد لينتقم منه هذا المجهول ؟ ولماذا المجهول يثق بأم حمد ؟ , يحب كتابة الشعر , لايعرف كيف يرضي امه , رغم غضبه منها , ولكن مهما فعلت فهي تبقى امه وام اخوه الاصغر منه , يرفض فكرة ان تأتي امه بالعيش في هذا القصر القصر الكبير , الخدم يملؤون هذا المكان , ولكن لايعتبر هذا القصر أمآن لكي يأتي بوآلدته , فكون امه تعيش بحي فقير ومنزل هزيل , يبعد عنها اي شبهه بان تكون امه , لايعرف كيف ادخل اخوه بنار انتقامه , ولكن اخوه سيكون اليد اليمنى له , هز رأسه وكأنه يبعد الافكار عنه , وضع رأسه لينآم قليلاً , فهو ينتظر ذاك اليوم الذي سيجمعه مع ام حمد بغرفه واحده ....


,




في قصر ابو محمد ( العمه مزنه )



ساره .. تقلب بالقنوات بملل
محمد .. نَزل , وجلس بجانب اخته , ليردف : الحلوه ضايق صدرها
ساره .. بتكشير : على يدك وسع صدر الحلوه
محمد .. ابتسم , ثم اردف : وش اسوي علشان تستانس الحلوه !!
ساره .. بحماس عدلت جلستها لتتربع على الكنب , ثم اردفت : وش رايك تتزوج
محمد .. تغيرت ملامحه لضيق : كم مره يا سوير قلت لك هالموضوع قفليه ؟
ساره .. بتكشير : تكفى واللي يسلمك , يعني علشان تجي زوجتك معي وتوسع صدري , امي فالحه تكلم العجايز وانا اطفش
محمد .. ابتسم : قولي لأبوي يتزوج ثانيه بنوته , وخلها تجلس معك , يعني ماعند ابوي الا بنت وولد , اكيد يبغى عيال , اقترحي عليه
ساره .. تعالت ضحكاتهآ بالقصر , لتردف : تبي امي تفغصني , اقول لاتسمعك بس , والله تعد ربي ماخلقك
محمد .. اتسعت ابتسامته : والله راحتك اهم و اذا تبين اقول لابوي عادي
ساره .. تنظر لأمها القادمه لهم , وبهمس اردفت : يالله قل لها , بقول لأبوي يعرس
محمد .. بهمس : طيب
العمه مزنه .. تمسح يديها بالمنديل , لتردف : زين قمت , توني بقول لساره تقومك
محمد .. يتصنع الثقل , قبل رأس وآلدته وعاد يجلس بجانب ساره , ليردف : يمه عندي فكره
ساره .. كتمت ضحكتها
العمه مزنه .. نزلت للأعلى , لتردف : عساهآ خير ذا الفكره
محمد .. ابتسم : خير ان شالله
العمه مزنه : يالله هات اللي عندك
محمد .. تنحنح : يمه , ابوي كل بنت تتمناه ,وماعنده الا بنت وولد , يعني حرام مسكين , لو يتزوج ويجيه عيال
العمه مزنه .. تقاطعه وكأنهآ لم تهتم : ابوك عجوز الله لايبلى بنت الناس فيه , مابلآ ياكل ويشرب ويطلع
محمد : خلاص اجل , بقول لابوي يتزوج بنت , علشان تستانس ساره معها
العمه مزنه .. اخذت علبة المناديل لترميها على محمد , ثم اردفت بغضب : ياللي ماتستحي على وجهك , زاد انت ورآك شَين زين , انت ماورآك الا الخرآبيط , فالح تتدخل بيننا , انت اللي اعرس و ورنآ شطآرتك
ساره .. ضحكة , لتردف : ايه والله , اعرس امي تبي تصير جده , وانا ابي اصير عمه
محمد .. فتح عيونها عالأخير : الحين قلبتي علي هين اوريك
ساره : يمه , صح تبين تشوفين عيال محمد قبل ماتموتين الله لايقدره
العمه مزنه .. وقفت : انا ماولدت اوآدم انا وآلده شياطين , انت تقول ابوي يعرس وذي تجيب طاري موتي الظاهر انكم مالين مني
محمد .. ضحك , ثم وقف ليقبل رأس امه : الله يهديك الحين انا شيطان , والله اني امزح ابوي ماهو لاقي ازين منك لو يحب الارض
ساره .. وقفت لتقبل كف وآلدتها : اوه يمه , على طول زعلتي
العمه مزنه .. مسكت يد محمد , لتردف : ولدي ازين منك كلام ياطويلة اللسآن .. ثم مشت وهي تمسك محمد , وكأنها تفتخر بأبنها متجهه للمطبخ ..
محمد ..وبحركه عفويه نظر لسآره ومد لسانه..
ساره .. جلست على الكنب , وبدأت تكلم نفسها : ايه هين هو ازين مني كلام , ومسوي نفسه يوم يمد لسانه لي جعله ماعدني قايلتها



,



في قصر ( سلمآن - ريان - فرح )


مرآم .. تنهدت , لماذآ لم تتصل حنان كل هذا الوقت ؟ , لماذآ لم يأتوآ ويأخذوني ؟ , سأتصل من جوال فرح لعلهم يجيبون على الهاتف , ضغطت رقم منزل عائلتها , لتجيب ام ناصر : السلام عليكم
مرام .. وعلى ثغرها ابتسامه حزن : وعليكم السلام
ام ناصر .. بفرح : حي الله ذآ الصوت , وينك وانا امك !ظ
مرآم : انا ببيت فرح , بس انتوا ماجيتوا تاخذوني
ام ناصر : متى تبينهم يجون ؟
مرام : الحين
ام ناصر .. تنظر لحنان الباكيه : ان شالله , بشوفهم اذا فاضين وبخليهم يجيبونك
مرآم .. حكت جبينها , لتردف : طيب , شسمه يمه اتصلي على جوالي اذا بيجيني احد
ام ناصر .. ضمت حنان , وهي تصارع دمعتها : ان شالله وانا امك
مرآم : يالله مع السلامه
ام ناصر .. ودعتها تخونها لتسقط على خد حنان : في امان الله .. واغلق كل منهم الخط ..
حنان .. ببحه , ودموعها لم تتوقف ابداً : بتجي ؟
ام ناصر : غصب عنهم كلهم بتجي , وفاطمه ان شالله ربي يرحمها ويتعدل وضعها , مافينا نرمي البنت عند وحده تو متزوجه
حنان .. ضمت امها بقوه , لتردف : الله لايحرمني منك , لو انتي مو فيه كان مرام بتضيع
ام ناصر : بروح اقول لـ السواق يروح لها , ولا اخوانك مَحد رايح لها
حنان : وسالم بيروح , يعني يمه مو زينه تركب مع هندي لحالها
ام ناصر : خلاص انا بروح مع السواق , وانتي روحي مسحي دموعك وغسلي وجهك
حنان .. مسحت دموعها بأصبعها النحيل : ان شالله


,




في قصر ( حور- سيف - امل )



في غرفة امل


امل .. مسكت كف حور بيدها , لتردف : اول لازم نعرف وش ورآهآ , وبعدين نطردها , احس وراها شئ مانعرفه
حور .. بللت شفتيها بطرف لسانها , ثم اردفت : اوكِ , بس سيف وين راح ؟ , يعني انا ماقلت شئ علشان يعصب مره
امل .. تنهدت : لازم تتعودين عليه , وقبل ما انسى ترآ خالتي ام سيف , بتجي اليوم معها بناتها
حور .. بارتباك : طيب , اذا قالت ولدي وينه وش نقول لها ؟
امل .. وقف : بنقول بالشغل
حور .. بانزعاج : سيف لازم يكون اليوم فيه
امل : لا مو لازم
سيف .. فتح غرفته مع امل , على كلمة امل الاخيره
حور + امل .. التفتوا بسرعه وخوف نحو الباب , ليجدوآ سيف واقف ووجهه خالي من العابير
امل .. بلعت ريقها : متى جيت ؟
سيف .. لم يرد على امل , وكانت انظاره موجهه لحور
حور .. رفعت عينها لتتصآدم بعين سيف , ولكن سرعان ما انزلتها , اتجهت للباب لتخرج , ولكن سيف لم يجعل لها طريق الا مسافه ضيقه , اردفت بهدوء : بطلع
امل .. ساكته تنظر بعيونها فقط
سيف .. نظر لأمل ودمعتها تبرق بعينيها
حور .. تنهدت : ابي اطلع وسع
سيف .. التفت لهآ , ليرفع حاجبه الايسر : تبين تطلعين اطلعي
حور .. مرت وجسمها يحتك بجسم سيف , وخرجت مسرعه لغرفتها
امل .. مسحت دمعتها بسرعه قبل ان تنزل , وبدأت تلهي نفسها بترتيب الملابس
سيف .. انسدح على السرير بتعب , ليردف : وش عندكم مجتمعين ؟ , ولا بعد بغرفتك
امل : وش تبينا نسوي ؟ , نتشالخ ؟
سيف .. ابتسم رغم تعبه : ايه , ابيكم تقلبون البيت حرب
امل .. سَفعَت شعرها بيدها , لتردف : تو جاي من عند امك ولا انا غلطانه ؟
سيف : ايه , ليش ؟
امل .. بأسف : والله اني عارفه انها جالسه تعبي راسك , حسبي الله على العدوا
سيف : اقول تراني صابر عليك علشانك بنت عمي , ولا قسم بالله انك الحين مطلقه
امل .. فتحت اعينها بصدمه , كيف له ان يقولها بوجهي ! , لمآ لايهتم بمشاعري ؟ , يالله ماذا فعلت كي تعاقبني بسيف , بمن لون حياتي تلك السنين وكانت من قبله بلا الوان , كنت انعزاليه لدرجة انني لااخرج من غرفتي , ليأتي هذا السيف ويلون حياتي , ويجمعني مع الناس , لأرى انواعهم هناك ناس فاسده وناس حاقده واخرى محبه و لطيفه , يالله ان كنت عصيتك بشئ فاعفوا عني , فاني عبدتك الضعيفه , لو اعرف اين نمت ليلة البارحه , لارتاح عقلي , اعلم جيدا انك لم تنام عند والدتك , و مع قلقي عليك , وتفكيري بك , الا انك يا ابن عمي لاتهتم بمشاعري مثل سابق عهدك , نعم سأسميه بعهد , لأنه ربما لن يعود ...
سيف .. بجفاف : طلعي لي بنطلون وبلوزه
امل .. التفت لتخرج له لبسه , لتخرج دموعها معها , كُلما مَثلتْ القوه رجعت لغرفتي باكيه , لماذا لا استطيع اثبات قوتي وثقتي بنفسي ؟ .. اخرجت له بنطلون وبلوزه , ووضعتها على السرير , وخرجت من الغرفه , والحزن يكتسيها
سيف .. وقف , ليغير ملابسه , ولكن اوقفه رنين هاتفه , ليجيب : هلا وغلا
ام سيف : هلا والله بولدي
سيف .. ابتسم : امري يالغاليه وش عندك ؟
ام سيف : والله قلت لأمل اننا بنجي لهآ ويا مرتك اليوم مير ماعبرتنا اعوذ بالله
سيف .. عقد حاجبيه وبانت تجاعيد جبينه : وش قالت ؟
ام سيف : ماقالت الله يحيكم ولا شئ , مير علم مرتك الثانيه اننا بنجي اخاف السوسه ماتقول لها
سيف .. تنهد : ان شالله , والبيت بيتك يمه , لاتشاورين احد ولا شئ اذا بغيتي تجين , مروه بتفتح لك الباب
ام سيف : الله لايحرمني منك , ولا من مروه
سيف : آمين , تبين شئ قبل ما اسكر
ام سيف : سلامتك وانا امك , في امان الله
سيف .. اغلق الهاتف بطفش : مع السلامه .. لبس ملابسه , ووضع العطر , خرج ورآئحة عطره تسبقه معلنه قدومه
مازن .. يلعب مع مروه وامامه امل السارحه بأفكارهآ , ولكن سرعان ما رفعت انظارها بعد ان استنشقت رآئحة عطره
سيف .. دخل , ابتسم وهو يرآ ابنه , ليردف : مازن
مازن .. نهض بسرعه , ليضم وآلده , ولكن سيف , مسك مازن وبدأ يرميه للأعلى ويعود ويمسكه , وكلآهمآ يضحكان , تحت انظار امل ومروه ...
امل .. بخوف : سيف , نزله لايطيح
مروه : ماراح يصير شِي , ليش هالخوف كِلو ؟
امل .. بهمس لاتسمعه سوآ مروه : من كلمك انتي ؟
سيف .. ينزل , مازن وعلى ثغره ابتسامه , ليردف : بكره مدرسه , روح ادرس
مروه .. بدلع : يالله مازن تعآ ( تعال ) لهون , مشان نروح نُدرس
مازن .. هز رأسه بنفي : مابي
امل .. ابتسمت , لتردف : تعال عندي اشوف
مازن .. اقترت من وآلدته , ليردف بحزن : مابي اروح مع مروه , ابي اجلس مع بابا , علشان بابا مايجلس كثير هنا
امل .. رفعت عينها لتنظر لسيف , وكأن ابنها نطق مابي قلبها , ابتسمت ابتسامه واسعه , لتردف : يالله روح مع ابوك .. رفعت اعينها لمروه : وانتي يا مروه لاتجلسين مع الولد كثير علشان مايمل منك * اردفت جملتها والابتسامه تزين ثغرها *
سيف .. رسم على وجهه ابتسامه خفيفه , كأن مروه ضرتك وليست حور , حور تجلسين معها بغرفة نومك , ولآ اعلم ماذا تقولون لبعضكم "ان كيدهن عظيم" , بنشوف اخرتك انتي وياها مع ذا الصداقه
مروه .. والكره يسمم جسدها , والخبث يلاحقها : ولو , انتي بتطلبي امل خانو
سيف .. رفع حاجبه الايسر : وين حور ؟ , وكأنها طولت داخل
امل .. وقفت : مروه , خذي مازن حطيه بغرفته , وسكري الباب ورآك
مروه .. والفضول يأكلهآ , لتعرف عن ماذا سيتحدثآن , حملت مازن وخرجت , واغلقت الباب
سيف .. جلس على الكرسي , ليردف : سمعينا محاضرتك ياست الحسن والدلال ظو وش عند عطينا
امل .. ومآ زآلت وآقفه : لو اقول لك ان حور حامل وطرحت اللي ببطنها بسبب ضربك لها
سيف .. بسرعه : ليش هي حامل ؟
امل .. لم ترد عليه , عرفت الآن , حملت حور في احشائها طفل من سيف , لذهب لها سيف ونسيني
سيف .. بصوت عالي : اكلمك انا , هي حامل
امل .. هزت كتوفها : وش دراني عنها
سيف .. هز رأسه بغضب : اجل ليش تتكلمين ! .. وقف متجه لحور , دق الباب , ودخل ليجد حور ترتدي فستان كُحلي , لنص الفخذ , وترتدي كعب ( يكرم القارئ ) , وشعرها رافعته بطريقه تركيه , وتضع القليل من المكياج , وتضع احمر الشفاه الصارخ
سيف .. ابتسم , ليردف : ليش متزينه ؟
حور .. جلست على الاريكه : امك بتجي اليوم مع خواتك , ولازم اتزَين
سيف .. تنهد : قالت لك امل
حور .. الا شعوري , اردفت : لا جدتي قالت
سيف .. رفع حاجبه الايسر : عفوا
حور .. بلعت ريقها , ولكنها لاتريد ان تضعف امامه , بعد ان ضربها لاتنكر انها تحقد عليه , لاتريد العيش مع رجل وآلدته تدخل بنه وبين زوجته , أقسم لك ياسيف بأنك ان مددت يدك مره اخرى , لن ترآني , سأذهب الى قصر ابي , حتى لو اهنت هناك واصبحت خادمه , تبقى كرآمتي امام الناس , لو اخي فهد هنا , لما زوجنا من ناس لانعرفهم , لم يزوجنا بهذا السن , ولكن عمي لا يرحم ابداً , وسأدعي بان يرآ مافعله بنا , بأقرب الناس على قلبه , لعل قلبه يُحرق قليلاً , قليلاً فقط , اردفت , وهي تتصنع القوه : ماقلت شئ
سيف .. يرى آثآر ضربه على عنقهآ , اردف : الظاهر ان ضربي لك مارباك يابنت امك
حور .. وقفت بأنفعال : ومن متى انت تربيني ؟ , ليش ماني بعينك مربيه ! , وبعدين امي لاتجيب سيرتها على لسانك
سيف .. الذي راق له أن يغضبها : ايه , انتي ماتربيتي , وبعدين اي امك تتكلمين عنها انتي ؟ , انتي امك هاربه وتاركتكم مع انكم كلكم بنات , لو انها ام صدق , وكفو كان ماتركتكم ورآحت عنكم , والله يلعم اذا هي عندها عيال وعايشه حياتها , وناسيتك انتي وخواتك
حور .. وكلمآت سيف , أتت على الوتر الحساس لديهآ , أحقاً امي تركتنا وتعيش الان عيشة الامرآء ! , لن اسامحها ان كانت تعيش برَغد , ونحن نصارع هذه الحياة , بدأْتْ اسمع الاهانات من كل من ارآهم , بدآية من خالد الذي لايتوقف عن شتمي ونهايه من سيف , حتى انتي يامي , جعلتي الناس تشمت فينا , بسبب رحيلك عنآ فجأه , ذهب اخي الى من خلقه ومن أخذ روحه , فأخي امانه الله , ونعلم انه توفي , لكن انتي يامي اين تسكنين ؟ , وهل حقا لديك زوج واطفال , وتعيشين بسعاده و ود اُسَري , لن اتمنى لك الشر يآ أمي , ولكني ايضا لن اسامحك على مافعلتيه بي انا واخواتي , ان كان لامبرر لك ...
سيف .. ويحس انه قسى عليها , ولكنه لم يتنازل ليعتذر , اردف : انتي حامل ؟
حور .. التفت اليه بسرعه , متفآجئه من سؤاله : لآ , على بالك ميته على عيال منك
سيف .. ابتسم على جمب : بتتمنينهم
حور .. وقفت : وبعدين من وين جآ السؤال على بالك ؟
سيف : كذآ , قلت مسكينه , يمكن تبي تضمن مستقبلها لولد
حور .. وجسمها اقشعر من كلامه : ليش على بالك مرميه لحضرتك ؟ , لا ياقلبي الولد مايضمن المستقبل , بعد انا اخاف اجيب لك ولدي وتطلقني , يعني الولد مو مستقبل , واذا تبي لك اولآد لا تلفق القصص علي , وتقول تضمن مستقبلها , ياقلبي اذا انت متزوجني علشان اجيب لك ذر ...
سيف .. يقآطعها بقوه : لاتظنين اني متزوجك علشان بزر ولا ثلاثه , انا لي اسبابي الخاصه اللي خلتني اتزوجك
حور .. احتدت ملامحها البريئه : وش اسبابك الخاصه ؟ , لايكون علشان تحطني خدامه
سيف .. ابتسم ابتسامه واسعه : يمكن , لاتستبعدين
حور .. وقفت : ترآني ساكته لك بعد ماضربتني , لاتحسبني على ضربك بضمك بين الاحضان , غلطان اذا تظن اني بسكت وباكل تبن وبسامحك , انا ألزم ماعلي كرآمتي , ياولد الناس ...
سيف .. بلل شفتيه بطرف لسانه , ليردف : ميت على حضنك انا ؟ , ولو ابي اخليك تضميني ورجلك على رقبتك .. وبقوه , اردف : فاهمه
حور .. بتتكلم وقاطعها رنين الجرس
سيف .. مسكها من ذرآعهآ بقوه : هذي اكيد امي , بس والله لو تغلطين عليها ولا ترفعين حسك عليها , اعتبري قبرك محفور
حور .. نظرة اليه , بنظرة خوف من كلآمه , لاتريد ان تضعف امامه , اردفت : اي اوآمر ثانيه
سيف .. انسدح على السرير : لا , انقلعي استقبلي امك
حور .. بتقرف من كلامه : ماراح تسلم على امك ؟
سيف .. شغل الآيبآد : لا , توني جاي من عندها
حور .. طلعت , واغلقت الباب بقوه معبره عن غضبها
سيف .. التفت للبآب , وطفى الآيباد , ودخل بالمفرش وغط بنوم عميق



,


في قصر ( سلمان - ريان - فرح )


مرآم .. لبست عبايتها , وعدلت لثمتها , واتجهت للبآب لتنتظر بالحديقه , فتحت الباب , ليردف الحارس : ممنوع الخروج يآ أنسه
مرآم .. بأستغراب شديد , وكأن هذا القصر عباره عن فلم : اقول ابعد , اهلي بيجون الحين ياخذوني
الحارس .. وعيونها بالأرض : اسفه يا أنسه , الاستاذ سلمان مانع الخروج من القصر
مرآم : طيب اتصل عليه , وقول مرام بتطلع
الحارس : لاحول ولاقوه , اسف يا اختي مافيني
مرآم .. بغضب : اقول ابعد بطلع بالحديقه ووجع
ريآن .. من خلفها : اعصابك طيب
الحارس .. انحنى احترام وتقدير لريآن , ثم اردف : طال عمرك الاخت تبي تطلع , قلت لها اوامر الاستاذ سلمان بس معآنده
ريآن .. بهدوء : اهلك عند البوآبه ؟
مرآم .. هزت رأسها بنفي , لتردف : لا
ريآن .. بأسلوب رآقي : لو سمحتي لاتطلعين , اذا اتصلوا اهلك على العين والراس بنطلعك
مرآم : طيب , الحين وش الفرق اذا طلعتني الحين ولا بعدين ؟
ريآن .. اغمض عيونها وعآد يفتحهآ , ليردف : لو سمحتي , يعني لاتكثرين اسأله مآراح اجاوبك عليها
مرآم .. اردفت بضيق : طيب .. عادت لتجلس على احد الكرآسي
ريآن .. خرج للحديقه المصممه بأتقآن , والدآل على ذوق المصمم الرفيع , جلس على احدى الكرآسي وامامه نآفوره , تُذكره بوآلده , وآلده من اختار هذه الالوآن , وآلده من بنآ مستقبل ابنه , ولكن ابنه هدمه , هدم مابنآهـ وآلده بكلمه وفعل , يود لو يعود ابوه ليعتذر منه , ولكن هذا مستحيل , كبريآء ريآن , دمر عآئلته , عادت به الذكريآت قبل سنتين بالضبط
ابو ريآن .. بأبتسآمه : هاه وانا ابوك , متى تفرحني فيك ؟
ريآن .. وعيونها بالجوآل : الله المستعان , بتطول مافرحت فيني
ام ريآن .. ضربت ابنها بكتفه : اعوذ بالله من فالك الخايب
ابو ريآن : ولدك ذآ مايعرف يتكلم , مابلآ يتشآئم
هتون .. بآست خد ريآن , ثم اردفت : ان شالله نشوف عيالك وعيال عيالك بعد
ريآن .. التفت لهتون : اقول وانا أخوك , بتعرسين انتي وبيجيك عيال وانا عزآبي
هتون .. مسكت اذن ريان بخفه , لتردف وعلى ثغرها ابتسامه طآهره : ليش عجوز عندك انا علشان اعرس قَبلك ؟ , يا بابا لسآ عمري 19 , وبجلس عند امي ومآرآح اتزوج الا اذا انت تزوجت
ام ريآن .. بضحك : والله اذا جآء الخطيب , طيرتك معه
هتون .. بضحك : انتي زوجي ذا العجوز اللي قاعده , بعدين يصير خير
تغريد .. تنظر لوآلدها الغاضب من كلآم ريآن : يبه , مايسوآ تزعل علشان ذا المخيس , عمره ماتزوج
ابو ريآن .. التفت بغضب : وليش عمره مايعرس ! , اللي كبره معهم عيالهم
هتون .. مدت لسآنها , لتردف : الله يهديك يايبه , عاد مو معهم عيالهم , بس تو متزوجين
تغريد .. بأندفاع : الا ابوي صآدق عيالهم معهم , وذآ اللي شآيف نفسه مايبغى يتزوج
ريآن .. أدخل جواله بجيبه : احلفي بس
تغريد .. ضحكت بقوه , لتردف : ياخي ابوك , يجيب الهوايل , تو مابعد تخرجت ويقول اعرس , لاحول ولا قوه , بس نجاريه وش نسوي
ابو ريآن .. وقف بعصبيه : مامنكم فايده لا انت ولا خواتك , مابلآ كثرة الكلام اللي فالحين فيها .. وذهب غاضب ..
ام ريان .. وقفت , لتردف بعصبيه : يالله هذا ابوكم عصب , وش استفدت انت ويا ذا العجوز على قولة هتون .. وذهبت مسرعه لأبو ريان ..
تغريد + هتون .. بآسو ريآن بقوه كل وحده مع خد , لتردف هتون , بدلع : فديت خدود حبيبي
ريآن .. بضحك : زوجك وانا مدري
تغريد : ويآ حلآتك من زوج والله
ريآن .. ابتسم على جمب : اوه , اعوذ بالله من تفكيرك
تغريد .. جلست بمكان وآلدتها : وجع ان شالله , انت وتفكيرك المنحط
هتون .. بضحك , تغني : يا تفكير طرررن , ياتعبان طرررن
ريآن .. وقف : لو اجلس معكم رآح الوقت , بروح انام واذا اذن صحيني انتي ولا هي
هتون .. وقفت , ووضعت يديها على خصرها : يا عيني , شغالآت عندك , عن نفسي ماراح اروح فوق علشانك
تغريد .. تصب لها مآء : روح انا بصحيك
ريآن .. يتثآوب : لو تنسين فَرشتك فاهمه
تغريد .. وقفت وبيدهآ كوب الماء , رفعت حاجبها لتردف : بعد !
ريآن .. يحك انفه , والنعاس يغلبه : لايكثر كلام بس
هتون .. بصرآخ : ريآن , ههههههههههههههههههه
تغريد .. تركض بجانب ريآن , لتسكب الماء عليه , وتدخل للقصر وهي تضحك
ريآن .. بغضب : الله يلعن ابليس , والله لو اشوفها بطريقي لأذبحها
هتون .. بضحك , تدخل القصر : والله يذبحك ابوي قبل ماتذبحها , روح نام دام النفس عليك طيبه

ابتسـم على ذكرآهم , طيوفهم تمـر امامه , مهمآ فعل ومهمآ ارآد ان فعل , لايمكن له ان يعيد الماضي , يتمنى لو يرآ امه لو يرآ وآلده واخواتهآ , يشتاق لهم كثيراً , وليت المشآعر تُعيد من نشتاق اليه ...
الحآرس .. وقف امام ريآن , ليردف : ياطويل العمر , فيه سياره برآ , تنتظر الآنسه مرآم
ريآن .. اشر للحارس اما البوابه الداخليه للقصر , ليخرج مرآم
الحارس .. دخل , ثم اردف : آنسه مرام , السياره تنتظر برآ
مرآم .. نظرت لجوآلهآ , لتجده صامت و7 مكآلمآت من ام ناصر , وقفت بسرعه , لتخرج
آمـــــــــآ بالسيــآره
ام ناصر .. والخوف يجتآحهآ , من القصر الكبير , والواضح انه يقع وسط حديقه , ولكن مايجعل قلبها يتسارع في نبضه , الحرآس و الأسوار والبوابات التي تحيط بالقصر والتي لاتفصل بينهم سوآ 4 امتآر فقط
مرآم .. خرجت من القصر بأكمله , لتجد سيارة السآئق , ركبت السياره , وقبلت رأس امها , لتردف ام ناصر : الحين فرح بنت ابو نايف ساكنه فيذآ القصر ؟
مرآم : ايه , ليش ؟
ام ناصر : وش ذا القصر ! , والله لو فيه حرب يوم يسور القصر بثلآث اسوار وبوآبآت كبر الزمان وعمان , ولآ ذا الحرس اللي مالين الشارع ,
مرآم .. هزت كتفها : والله مدري , هذا بيته وحر فيه , ويمكن فلوسه مضيقه عليه وحط حُراس
ام ناصر : ما اقول الا الله يهدي ابو حمد , رآح يزوج بنات اخوه من ناس مايعرفهم ولا شئ
مرآم : والله الشرهه على اخوهم , اللي ذابهم ومآخذ الشركه , ومتبختر مع امه بقصر عمي
ام ناصر : ان شالله خير لذآ البنيآت
مرآم .. التفت لأم ناصر بأستغراب : شلون عرفتوآ القصر ؟
ام ناصر : والله اني مدري , حنان دخلت رقمك في برنامج وطلع لنا مكانك , والله ذا الزمان ينخاف منه , اجل يحط رقمك ويعرف مكانك
مرآم .. ابتسم : كان اتصلتوآ ورآح اقول لكم المكان ولآ بخلي احد يدلكم , المهم اخبآر ابوي واخواني وفآطمه !
ام ناصر .. بلعت ريقها : ماعليهم , الله يهديك , اللي بيسمعك بيقول جالسه شهر عنهم
مرآم .. ضحكت بقوه : والله فقدتكم فيذآ اليومين
السوآق : مدآم , انزل هذا بيت
ام ناصر .. تفتح باب السياره : بسم الله .. ونزلت ..
مرآم .. لحقت ام ناصر بسرعه , ليدخلوآ القصر , وحنان تستقبلهم ودموعهآ تخونهآ لتتنآثر على خديهآ الناعمين
ام ناصر .. هزت رأسها بغضب من حنان : اللي يشوفكم بيقول جالسين سنين عن بعض , ترآ كلهآ يوم واليوم الثاني هذي مرآم هنا
حنان .. تحضن مرآم بقوه
مرآم .. بخوف : حنان , فيك شئ ؟
حنان .. وشهقاتها تتعآلى , اردفت : لآ
مرآم .. ابعدت حنان عنها , ومسكت وجهها بكفيهآ الصغيرتين , لتردف : ليش تبكين ؟
حنان .. رسمت ابتسامه على ثغرها مجامله لـ مرآم , ودموعهآ تأخذ مجرآهآ , أردف : فقدتك
مرآم .. بعدم تصديق : وانا بعد , بس بعد شوي بتقولين ليش تبكين
حنان .. تمسح دمع لتسقط دموع : تعالي فوق , غيري ملابسك وخلينا نسولف
مرآم .. ضحكت , لتردف : اوكِ , دقآيق بس .. صعدت الى الاعلى , فتحت الغرفة لتجد فآطمه نآئمه على سريرهآ , عقدت حوآجبها وبآنت تجاعيد جبينهآ , وبنفسهآ [ وش نومهآ بسريري ؟ ]
الخآدمه .. اردفت من خلف مرآم : مدآم مرآم , غرفة انتي مافي هنا , اغراض انتي في غرفة مدام فاطمه أول
مرآم .. بأستغراب : ليش ؟ , من اللي قال شيلوهآ ؟
الخادمه : بآبآ عبدالله قول
مرآم .. بضيق .. فتحت الغرفه , دخلت لتجد ملابسها مجهزه على السرير , اغلقت الباب , ولآ تعرف لماذا نقلوآ غرفتها في غرفة فاطمه , مع ان فاطمه انعزآليه , قطع افكآرهآ , رنين هاتفها , اجآبت دون ان ترآ الرقم : هلا
فرح .. ببكآء : ليش رحتي ؟
مرآم .. وقفت بخرعه : انا قلت للخدآمه تخبرك , وبعدين مايصير اجلس عندكم
فرح .. تنظر لنفسها بالمرأة , لتردف : ايه الخدآمه قالت لي , بس خلاص انا مليت من حياتي , مافيني اتحمل اكثر
مرآم .. بسرعه : يعني وش تبين تسوين ؟
فرح .. تنهدت : بآخذ اغراضي وبروح لبيت ابوي
مرآم .. شهقت , لتردف : مجنونه انتي , على بالك ولد الناس بيلحقك يقول ارجعي
فرح : والله العظيم , انه ينوم بس جمبي , الكلام مايكلمني , واذا صحيت مآلقآه , واذا قلت وينه محد يرد علي
مرآم .. بركآده : اسمعي , ممكن عنده ضغوطآت شغل , وبعدين اكيد شغله كثير وكبير , يعني من القصر والحرآس يبآن ان الشغل كثير , ولا وش يكفي من الفلوس لذآ الحرآس وغير السوآقين والخدآمآت , اصبري شوي وبتنفرج , واذا على الكف اللي اكلتيه , انا لو مكآنه ذبحتك بعد , بكلآمك له كأنك تقولين انك ذآبح احد او شئ زي كذآ , يا حلوه اصحي على نفسك , وثمني كلامك قبل ماتنطقينه
فرح .. بضيق : ان شالله , بس لمآ جيت بطلع بالحديقه رجعوآ يدخلوني , انا انكتم من البيت , بس خل سلمان يجي بقول له ليش يدخلوني , وريان عمي جآلس برآ على كيفه , وانا يدخلوني الحمير
مرآم .. والخادمآت يأخذون نصف تفكيرها , اردفت : والله حتى انا دخلوني , بس يمكن يخاف عليك .. وبضحكه , اردفت : ولا يغار عليك من الحرآس , يعني لاتفكرين تفكير سلبي
فرح : وش دعوى يغار ! , انا بطلع لو يبي بعبايتي ولثمتي , بس يطلعني من كتمت ذآ البيت , من تزوجته ماطلعت الا لـ الشركه بس
مرآم .. تغير السالفه : آوه .. صدق وش صار بالشركه , للحين نايف ماخذها ولا وش السالفه ؟
فرح : لآ .. كل وحده لهاحصه , بس هو اكثرنا لأن خالتي باعت حصتها له , وقعت على حصتي بس للحين انا مادومت ويمكن فيوز نايف , اما حور وسمر مدري عنهم , من تزوجت ماكلمت سمر
مرآم .. بأستغراب : ليش ماكلمتيها ؟
فرح : وش درآني عن رقمها , بعد الظاهر ان ماعندها رقم ولا كان اتصلت هي , تعرفين سمر
مرآم .. ابتسمت : ياحبي لهآ , ذا العصلآ
فرح .. وقفت : بلبس عبايتي , وبقول لريآن يخليهم يطلعوني , طفشت من جلست البيت
مرآم .. تنظر لحنآن , واشآرة لها بالدخول , لتردف : ايه وش ورآك , الا كم عمر ريآن ؟
فرح .. تبعد شعرهآ عن وجههآ , لتردف : يقول سلمان 23
مرآم : آمآ .. بصرآحه احسه اكبر , وبعدين ما شفته يدرس ولا يداوم كل وقته بالقصر
فرح .. تلبس عبايتها : مدري عنه , يمكن ماخذ اجازه نفسي , انا باقي اسبوع وادرس
حنان .. بأبتسآمه , اردفت بهمس : من ريآن ؟
مرآم : فرح , مآ أطول عليك , بروح اتروش
فرح : مع السلامه , انا اللي طولت عليك
مرآم .. رفعت حاجبها الايسر لحنان , لتردف : مع السلامه .. وأغلق كل منهم الخط ..
حنان .. تصآرع دمعهآ , لترسم ابتسآمه : من ريآن ؟
مرآم .. تأخذ المنشفه : ولد اخو زوج فرح , يعني فرح تصير زوجة عمه
حنان : وش كبره ؟
مرآم .. بضحك : وش عليك فيه
حنان .. امآلت شفاهها بطريقه مضحكه , لتردف : احسه خقـه
مرآم .. تدخل الحمام : والله وسيم الكلب
حنان .. وقفت : لا تتأخرين ابوي واخواني بيجون بعد شوي .. وطلعت ..
مرآم .. بدآخل الحمام , تحس بشئ يضيق صدرهآ , تحس بعآصفه قآدمه , لتعصف بحيآتهآ , لاتعرف لمآذآ , ولكن شعور الخوف يتخلخل لدآخلهآ , تعوذت من الشيطان , تروشت على السريع , خرجت وجففت شعرهآ , وخرجت لحنان وام ناصر