يسير خير 😇

البـآرت 12



بعــــد 6 شـــهـــور


في بآريس
في الصــآله

عساف .. بضحك : بسرعه قولي ولد ولا بنت
سمر .. ضحكت بخفوت , لتردف بتعب : ماعليك ولد ولا بنت , بس وش تبغى اسميهم ؟
عساف .. بتفكير : اكيد اذا جاء ولد عساف والبنت فيروز
سمر : الولد انا بسميه واكيد انه ناصر , بس البنت بيسميها اخوك كذآ اتفقت مع سلطان
عساف .. ارخى جسده على الكنبه : متى كلمتيه ؟
سمر .. بللت شفتيها الناشفتين بطرف لسانه : من اربع شهور
عساف .. تنهد : تراه يتغلى ولـ
سمر .. تقاطعه : والله ماجلست مع اخوك الا علشان اللي ببطني مآ أبغاه يتشتت , وياخوفي لما اولد ياخذ اخوك ولدي مني
عساف .. عقد حاجبيه : سلطان مو اناني لذي الدرجه
سمر .. رفعت حاجبها : شوف انانيته وصلته لوين
عساف : انا بقول لك حاجه , انتي مو راضيه تتنازلين وهو مو راضي يتنازل شلون بتنـحل مشاكلكم بعدين , يعني لازم واحد يتـنازل علشان تعيشون
سمر .. بأندفاع : من الغلطان ؟ انا ولا سلطان ! , لو انا غلطانه اعتذرت له , بس هو اللي مخطي علي , وسلطان فاهم ان الاعتذار يكسر غروره , يبغى له وحده تلحقه وتدوره , بس هذي ماهي انا
عساف : طيب , ليش انتي ماتتنـازلين عن حقك , يعني مو لازم اعتذار انتي خليه يعتذر لك بطريقتك
سمر .. باستهزاء : عشتو , انا اللي ماغلطت مازعلت وهو الغلطان وزعلان , وتبغاني اروح اقوله تعال يا سلطان ننـسى اللي صار ونعيش , لا يا بابا ان تنازلت هو بيـتمادى , لا ولدت ذاك اليوم ان شاء الله سيده لـ السعوديه وهالمقرود خله يقعد بغروره
عساف .. بابتسامه : جعلي مآ أتزوج على وحده مثلك قولي امين
سمر : ليش ؟
عساف : وبعد تسألين ؟
سمر .. ارادت الوقوف لـ تصرخ بـقوه ووجع
عساف .. وقف بخوف : شفيك
سمر .. عضت شفلتها السُفلى بقوه , لتردف : مافيني شئ بس اذا جيت اوقف يوجعني ظهري
عساف : خوفتيني , ترا هذا شئ طبيعي لانك قربتي تولدين , يعني لاتخافين , وانتي في بداية التاسع يعني ممكن تولدين بكره ولا اليوم لأن بعض الأمهات يولدون بالسادس نفسي انا والدتني امي بالشهر السادس
سمر .. ابتسمت مجامله والوجع ينهـشها : ما شاء الله دارس وضعي
عساف : تبغين اساعدك تصعدين ؟
سمر .. مشت بوجع : لآ , اخوك ماقصر حط لي مصعد
عساف .. جلس حتى اختفت سمر من امامه , اخرج هاتفه , لـيضغط رقم سلطان , اتآه صوت سلطان النائم : هلا
عساف .. بغضب : لا هلا ولا مرحبا
سلطان .. استعدل بجلسته : شفيك معصب ؟
عساف : منك , يعني فيه احد غيرك ؟ , تارك زوجتك لحالها وهي قريب بـتولد والحين تعبانه وكل ماجلست صرخت وكل ماجات تقوم صرخت وانت نايم بالعسل
سلطان : وليش تصارخ ؟ , كله دلع بنات والله اول مره اشوف حامل تصارخ لاجات توقف وتقوم
عساف .. زفر : ياخي بتطق السنه وما شافت خواتها جالسه علشان ولدك ومتحملتك علشان ولدك , وانت معطيها اشكل
سلطان : ماشاء الله مفضفـضله لك اجل ؟
عساف .. تنهد : ماعليك , ادري بتعصب بس بقول لك ترآ انت الغلطان والسآلفه ماهي مستحقه كل هالوقت والزعل والحاله القشرآ
سلطان .. ابعد عنه الفراش ليقف : اسمعني عدل , هالسالفه انت مالك دخل فيها هالسالفه بين زوج و زوجته يعني انت مـالك دخل
عساف : الحق علي اللي متصل ومآ أبغاك تهدم حياتك وحياة ولدك .. أغلق الخط وهو يزفر بضيق على حال سمر وشقيقه سلطان كلآهما معاندين , ولكن المُخطأ هُنا سلطان , مع اني ارى خطأ سلطان كبير , ولا اعرف كيف سمر الى الآن تجلس في هذا المنزل , ولكني اٌقسم بأن لها غايه اُخرى من جلوسها , مع الايام والاشهر عرفت شخصية سمر وطبعاها الحاده , ومع حد معرفتي بها " ان عقدتها ماهي لوجه الله " , و سلطان ان لم يعد ويعتذر سيـخسر أمـرأه لن تتـكرر مرتين , صحيح بأني اسهل الامر على سمر وأبين لـسلطان بأنه مخطأ , لكن سمر ترآ بأن مافعله سلطان يقلل من احترامها , رغم ان سلطان لاذنب له , لكن ذنبه الوحيد سُكوته وكأنه رآضي عن ماتفعله تلك الملعونه .. وقف ليتجـه لـغرفة وآلدته لـيرآهآ



,



في الرياض


في فلـه متوسطة الحجم , وبالتحديد في غرفة فرح + الفتاة

فرح .. تعدل لثمتها : تحت هو
الفتاة ( شوق ) : ايه
فرح .. بلعت ريقهآ , خوفاً من لقآء هذآ الـخلف : كم عمره , يعني صغير ولا كبير ؟
شوق .. تنهدت : يا فرح عجلي ترا بيته مو هنا بعيد شوي عن هالحي
فرح : طيب بنزل .. فتحت باب الغرفه , لـتتجه لـ الدرج , نزلت الدرج وصوت كعبهآ [ تكرمون ] يعلن عن وصولها ومجيئها .. نظرت لـ الرجل الذي يعطيها ظهره ولكن من لون شعر الاسود و الناعم والكثيف بأنه ليس كبير , اردفت بصوت خافت : السلام عليكم
الشاب .. رد عليها السلام ولم يلتفت
فرح .. بلعت ريقها: وش تبغى فيني ؟
الشاب.. التفت لها , ليردف : مانيب ماكلك تعالي اجلسي
فرح .. بخوف من الشاب العشريني الذي التفت , توجهت للكنبه لتجلس امامه : هذا انا و تبغى ؟
الشاب.. بابتسامه : ليش متغطيه افتحي وجهك
فرح .. شهقت لتردف بخوف : انت صاحي ولا شارب ؟
الشاب.. اتسعت ابتسامته : صاحي
فرح .. وقفت بخوف : وشوق كل ماقالت قالت خلف , حسبتك رجال كبير على الاقل بالثلاثين يقدر يسوي شئ , بس انت بزر وصغير وشكل توك تدرس بعد وماعندك ماعند جدتي , ولو تموت مافتحت لك وجهي ياقليل الحيا .. مشت بسرعه والخوف والغضب والرجفه يُـسيطران عليها
الشاب .. وقف , ليلحق بها ويمسك بذراعها : مانيب خلف , خلف بالمجلس





,




في الشرقيه


في غرفة الطعام

حور .. تأكل بغضب
امل تُكمل : عندي لك بشاره ياسيف ولك بعد ياحور
سيف .. رفع رأسه : وش هالبشره , عساها خير
امل .. بفرح والضحكه تكسو وجهها : خير خير
حور .. وبرآكين تتفجر بداخلها , لن تستطيع الجلوس اكثر مع امل ومازن الذي اصبحت طباعه مثل والدته في منزل واحد , اردفت حور : قولي
امل .. نظرت لحور لتردف : انا حـــامل " نطقت كلمتها الاخيره وهي تمدد الحروف "
حور .. كادت تسقط منها الملعقه ولكنها تداركت نفسها , لتعود وتشغل نفسها بالطعام
سيف .. بــفرح , وقف ليـضم امل متنـآسي حور : واخيـراً بيجيني ولد ثاني منك
امل .. تبادله الحضن : ادري ياروحي ماكنت تبغى عيال من غيري , بس لكل شئ حكمه , يمكن زوآجك هذا علمك قدري
حور .. وقفت والدمع يتـصادم بـمحاجرها , لتخرج بهدوء من بين فرحتهم , لا تنكر ماتحمله من فرح قليل تجاه سيف الذي يُريد ابنـآء , دخلت غُرفتها , لتفتح الدرج وتخرج منه ورقـه تحليل من المستشفى , شدة على الورقه لـ " تتـعفط ' تتجعد " , ليس لي حظ معك ياسيف , تلك السنه ولا انكر اني كنت اتمنى طفل , تحت الحاحك بي بأنك تريد طفل وتريد مني ترك الموانع , لم تكن تعلم بأني تركتها بعد 5 أشهر من زواجنا , عندما قررت تركها كُنـت اتخيل طفل يحمل اسمك , كُنت اتخيل طفل صغير احمله بين ذراعيّ , يأخذ سمارك وملامحك القآتله لي , لا أعرف كيف أُخبرك بأني لن انجب لك اطفل ولا لغير , لكن رُبمـآ هذا هو الوقت المُنآسب بمآ ان طفلك سيـأتي على الدُنيا قريباً , لم اود اخبارك من قبل , لأنك تضع كل آمـآلك علي , كُنت دآئم تُكرر [ عيالي كلهم بتـصيرين امهم مآعآدآ مازن اللي انتي خالته , نفسي بـبنت تشبهك , وتشـبه عيونك الوسآع , وفمك الصغير , وملآمحك الحاده ] بيـنمآ كُنت انا ارد عليك قبل ان اعمل تحليل وكشف واشاعه بـيوم واحد [ عاد كل ثانيه جوالك يدق يـبغون هالبيت اللي تشبهني ] , ليتني لم ابنـي احلام , ليتني لم اتخيـل , ليتني لم اقل ولم افعل , ليتني وليتني , وليت القدر الذي جآء بك لي , يبعدني عنك لتعيش مع زوجتك وابنآئك برآحه , فـبعد ان سمعت هذا الخبر الذي قلتني وشطرني نصفين شعرت بأني لست سوآ فرد زآئد بهـذآ المنزل , هذا الخبر قتلني , لكنني فرحت به لـأجلك يآسيـف , ولكن في كل مره افرح بيها ولو قليلاً , لاتكمل تلك الفرحه ابداً , و ربمآ القدر الذي آتى بك سيـأخذ مني وسيأخذني منك وسيجمعك مع عآئلتك والتي سيـزيد بها طفل صغير , ستزيد بهذا الطفل فرحتك وبهجة هذا القصر الذي لايأتي به سوآ مشآجراتي مع أمل وشقيقتها مريم التي لاتُفارق المنزل .. قطع هوآجيسها صوت صراخ مازن , فتحت الباب لتتجه بخوف نحو غرفة الطعام , ولكنها تجمدت وهي ترا الباب مُغلق , ومازن يصرخ بفـرح , وامل ستتـفت من فرحتها , ولكن فرحت امل مختله عن الجميع , ففـرحتها بـقدوم ابنها وبقهري , ماذا لو علمت بأني لن انجب اطفال ؟
مروه : في شي انسه حور ؟
حور .. بخرعه : روعتيني الله يهديك , لا مافيه شئ .. تركت مروه المستغربه من هدوء حور وطيبتها الزائده معها بالاسبوعين الاخيرين
مروه .. تمشي , لتردف :عجيبه هالانسانه , مره عم بتعيط متل المجنوني ومرآ كآنآ ملك عم تدعي الله يهديك الله يصلحك , ايه شو صار بهالعالم
امــآ في غرفة الطعام

سيف .. والفرحه تُعميـه : بُكره بغديهم على قعـود
امل .. بفرحه وهي التي لاحظت خروج حور : ماله داعي هالكلافه ياقلبي , اعزم اهلك على ذبيحتين وخلاص ماله داعي قعود
سيف .. اخرج هاتفه , ليردف : بـبشر امي , واما هالذبيحتين مافيه انسي مافيه الاقعود وبعزم كل ربعي ومن حظي بعد بُكره ماعندي رحلآت
امل .. قبلت خد سيف بدلع , لتردف : الله لايحرمني منك , بروح انسدح احس ظهري يوجعني شوي
سيف .. بسرعه : يوجعك مره ؟
امل .. تمشي : مو مره بس تعرف الشهور الاوله .. خرجت لـتتصل على مريم , وصلها صوت مريم المنزعج : وش تبغين بهالوقت بعد ؟
امل .. بضحك : انا حــآمل
مريم .. شرقت بالماء الذي تشربه , لتردف : والله
امل : وقسم بالله
مريم .. بفرحه : والله كنت حاسه , قايله لك شكلك حامل وتقولين لا
امل .. دخلت غرفتها , لتقف امام المرأه وهي ترفع شعرها تاره وتنزله تاره : روحتي لأمريكيا بدون هالسحليه اللي جمبي مبآركه حملت فيها , ياخبلي اترك مازن معها ذيك السفره
مريم : قصدك كندآ ؟
امل .. بندم : ايه , احسها مسويه بولدي شئ , مازن متغير طبعه
مريم .. جلست على الكرسي بالمطبخ : بالعكس امس لمآ كنتي عندنا كان وش حلاته وش زينه , وطبعه ماتغير ولا شئ , حتى امي تقول مازن كبر مازن ومازن
امل .. بابتسامه : لو تشوفين يوم قلت هالقنبله عند السحليه , على طول وقفت والصيحه فيها
مريم .. بحماس : امانه , الكلبه ذاك اليوم تتكلم وهي بتنفجر وبدقايق شوي الا بتصيح , خليناها تعرف قدرها , مسويه رافعه خشمها
امل . بضحك : هههههههه ايه , تصدقين من خمس شهور وانا احسها متغيره , تهقين اللي خذها ذيك المره سوالها شئ مره ثانيه ؟
وأستمــر حديثهم حول حور والطفل الذي ينمو بأحشآء أمــل




,

في قصر ابو حمد \ في غرفة سهام وخالد


خالد : ياختي افهمي قلت مافيه روحه يعني مافيه روحه لاتزننين على راسي وطيعي كلام زوجك
سهام .. والعبره تخنقها : طعتك حتى قلت بس , صرخت علي ومعاملتك لي كأنك تعامل خدامه , انت تنام بجهه وانا انام بجهه , بس تامرني , وانا مو أأمرك انا اطلب منك وترفض , طلبت منك شوفت ابوي وامي ورفضت , انا غلطانه عليك بشئ ؟ , انا حتى ارميت نفسي عليك ولا اجبرتك علي , انت اللي جيت وبرغبتك وخطبتني
خالد .. بغضب : ماهو برغبتي برغبت امي ماشافت عيال عياله خلها تشوف ولدها وبنت اختها مع بعض
سهام .. دموعها تخونها لتعـلن استسلآمها : طيب , انا وش ذنبي ؟ , حطيتك بين عيوني , ودآويتك جروحك , وجبرت كسرورك , وانت تصد وتتحاشى الكلام معي والمكان اللي اجلس فيه , هذي ماهي حاله .. اردفت وهي تتقطع من داخلها : طلقني وارتاح انا وترتاح انت
خالد .. تم تم : الموت اقرب لك
سهام .. انهارت : وش تبغى فيني اذا انت ماتعتبرتي زوجه ؟ , تبغاني اجلس لك خدامه , اذا انت تحسب ماوراي رجال فـ
خالد .. قاطعها : روحي قولي لأبوك , يبه خالد يعاملني مُعاملة خدامه مو زوجه وشوفي وش بـيقول لك
سهام .. مسحت دموعها , وهي تعرف درت فعل والدها , فـعند الذم بخالد خط احمر , خرجت من عند خالد لتهمس : الله باعد بيني وبينه كما باعدت بين المشرق والمغرب .. تدعوآ وهي التي لاتريد فراقه , لكنها لاتتـحمل العيش وهو يُعاملها كـخآدمه , اما والده تُصبح ملكه وامام ندى وحمد الذي اخجل منه كثيراً اُصبح عبده وخادمه ومملوكه ايضاً , انا التي اعتدت على الدلع والدلال , اُصبح خادمه لمـن احب ؟ , مُهمـتي ارضاء زوجي واعطآئه رغباته , ومن ضمنها خدمته ولكن الخدمه لها حدود , فـحالي يختلف معك ياخالد , ان قلت لك الطلاق " تم تمت لي : الموت اقرب لك " , وان قلت لك لاتُعاملني كـخادمه " تم تمت لي : ماهيب انتي اللي بتعلميني كيف اعاملك " , ضننت اني سأكسبك بعد موت خالتي , وقلت بأن موت والدتك خير لي ولك , ولكنه لم يصبح هكذآ يوماً ..


في الرياض



فرح .. توقف الدم في عروقها , لتلتف له : وينه
الشاب .. اشار لها على الجلس الكبير
فرح .. بلعت ريقها , لتدخل المجلس , لتجـد مجهـولنا يـشرب تلك القهوه الجنوبيه , اردفت بـبشاشه وكأنه يريد ان يُزيل ذاك التوتر الذي يتملكها هذه اللحظات : ياهلا ومرحبا , اجلسي
فرح .. بخوف جلست : وش تبغى ؟
المجهول [ خلف ] : بقول من الاخر , باقي لك سنتين وتروحين لـ الشيخ يطلقك من زوجك
فرح .. تُقاطعه بأندفاع : ما ابغى اتطلق , من انت علشان تجي تطلقني
خلف .. تنهد وهو الذي يعلم مدى حُبها لـ سلمان عن طريق اليتيمـه شوق والتي تشتغل لصآلح خلف : اجل ماراح نقدر نسوي شئ الا اذا تطلقتي
فرح .. وقفت : انا لما دخلت هالفله على اساس اني بشوفك بعد يوم ولا يومين , بس تفآجأة اني ماراح اشوفك الا بعد 6 شهور , قلت يالله نراعي الرجال يمكن عنده ظروف , وبعد ما انتظر وتركت الدراسه , تجي تقول ببرود تطلقي !
خلف .. عقد حاجبيه : احسن طقيني بعد , وهذا حقي اللي كشفت لك حقيقة هالرجال الفاسد ؟ , وانا كلامي مابعد كملته يوم تقاطعيني كني بزر قدامك
فرح .. بلعت ريقها , وهي تُحس بأن من يقف امامها لديه شخصيه قويه : وش كلامك اللي ماكملته
خلف .. زفر بضيق : اخوك نايف حاولي تتحاشين الكلام معه
فرح .. تُقاطعه : على اساس كل يوم متصل , اذا اتصل بالشهر مره زين
خلف : حلو , وثاني شئ طلعه من البيت مافيه الا بعد شهرين , لأن من 4 شهور وزوجك يدورك وبيلقاك بسهوله لو طلعتي
فرح .. بأنكسار : مافيه امل يتعدل سلمان ؟
خلف .. هز كتفه : هو رجال وفاهم وعاقل ويعرف وش الصح و وش الخطأ , وان كان بيتعدل فهو بـيعدل نفسه
فرح : وريان ؟
خلف : ريان بيسـكن هنا معك انتي وشوق بهالفله , لأني مالقيت واحد كثره اقدر اامنه عليكم , بكلمه بُكره بأي طريقه واشرح له كل حاجه
فرح .. بصدمه : معنا ؟
خلف : ايه , فيه مانع ؟
فرح : لا , بس يعني لو يقول لسلمان اني هنا
خلف .. وقف : ماهو اللي مطلعك من القصر ؟
فرح : الا هو
خلف .. يخرج : خلاص اجل , وباقي الكلام ماينقال الحين , لا جاء وقته تكلمت
فرح .. تنهدت , لاتعلم لماذا لم ترتاح لموضوع ريان , لم تتقبل فكره ان ينام وياكل ويشرب معها ومع شوق , لايوجد رجل معهم , على اني اثق قليلاً به , ولكن الشيطان لم يموت , يجب ان ادع هذا الخلف ينام معنا بدلاً من ريان , يجب ان اقول له قبل ان يكلم ريان ويُخبره بمكاني



,


في الشــركه المعروفه والتي يجهل صاحبها ابوحمد رغم ان الجميع يعرفه



في مكتب نايف


نايف .. بغضب : لا يعني لا , تفهم عربي انت ولا انجليزي
السكرتير : افهم طال عمرك , بس الرجال مُصير يدخل
نايف : الظاهر انك ماتفهم كلامي .. اغلق التيلفون بغضب : كل اللي بهالشركه انهبلوا .. اخرج هاتفه ليتصل على ندى التي تغلق الخط ولا ترد , اردف بغضب : طيب ياكلبه ان ماسودت لك ليلتك ما اكون ولد ناصر .. رن تيلفون مكتبه , ليرد : نعم !
السكرتير : طال عمرك مندوب شركت ابوحمد موجود
نايف .. ابتسم بخبث : طيب راح الرجال اللي قبل
السكرتير : ايه طال عمر
نايف : دخل الرجال .. دقائق حتى دخل صقر والذي اصبح يُشبه شقيقه بـغموضه واسلوبه , اردف صقر : السلام عليكم
نايف .. بابتسامه , صافح صقر ليردف : زارتنا البركه , وش تشرب
صقر .. بهدوء : والله مستعجل طال عمرك ابغاك اوريك هالاوراق وتكون على بينه لأن الاجتماع بيكون بشركتنا وابو حمد وحمد بيكونون موجودين لأنهم يبغون يتعرفون عليك , مع اني مستغرب انهم مشتغلين مع واحد مايعرفون الا اسمه
نايف .. لم يرد , ليأخذ الاوراق من يد صقر الهادئ , قرأ اسمه المزور [ احمد بن محمد ] ضحك بقوه , ليردف : متى الاجتماع ؟
صقر : بعد يومين
نايف .. بابتسامه : لاتسميعه اجتماع سميه قلنبه
صقر .. رفع حاجبه : عسى ماشر ليش اسميه قنبله ؟
نايف .. بابتسامه : اول مره تشوف وجهي انت ؟
صقر .. والذي كان يشك من اسبوعين : اذا مانيب غلطان فأنت نايف بن ناصر
نايف .. بضحك : عليك نور , ولأني نايف الاجتماع سميه قنبله او خساره لأنك بتودع وظيفتك وبتودع الشركه ابو حمد اللي فرحان فيها
صقر .. تنهد : ممكن توضح ! لأني مافهمت حاجه
نايف .. يقرأ الاوراق بكره بتفهم



,



في شركة ابوحمد


في مكتب ابو حمد

حمد .. بابتسامه : اوه ندى تسلم عليك
سالم .. بهدوء : احس علاقتها مع بنات عمي ناصر ماهيب ذاك الزود
حمد .. بكذب : لا والله تو فرح جايتنا , من وين تجيب هالأفكار انت ؟
سالم .. هز كتفه : مُجرد احساس لااكثر ولا اقل
ناصر .. وقف : سالم امس نطلع
حمد .. نظر لــناصر السارح طوال تلك الاشهر , ليردف : فيه شئ مشغل بالك يا ناصر ؟
ناصر : ولا شئ
سالم .. بضيق وهو الذي لم ينسى مرام ولا يعلم اين ذهبت ماتت ام زالت تشم الهواء الذي يتنفسه , مرت سنه وهو لا يهنأ بنومه دآئماً تأتي مرام وهي تصرخ وتطلب مساعدته , ولكن دائما يُردد " من الشيطان هالاحلام " : يالله مع السلامه
حمد .. صافحهم : بحفظ الرحمان , سلموآ لي على عمي عبدالله
ناصر : يوصل ان شاء الله



,



في قصر ابو ناصر
في غرفة حنان

حنان .. بخوف : فاطمه وين تتوقعين مرام فيه ؟
فاطمه .. ببرود : اكيد ماتت , يعني من تروح لها , ولا تلاقينها باستراحة شباب يسلون نفسهم فيها
حنان .. والتي ستتـقيأ من افكار فاطمه : الله ياخذك , ماعمرك تفاولتي فال زين , مابلا ماتت راحت مع ولد باستراحه , خليك اجابيه شوي
فاطمه : الله ياخذني ! , تدعين علي بالموت علشان لقيطه ماتستاهل من ينزل جمعه علشانها ؟
حنان .. وقف بدفآع عن مرام : ماهي لقيطه , وانتي عارفه زين ان ابوي يعرف اهلها , وانتي ولو تبغيني احلف انك تعرفينهم , ونفسي اعرف خوفك من ها ونفرك منها على ايش ؟ , يعني وش سوت لك ؟
فاطمه .. وقفت بانزعاج من أسألة حنان المتكرره " وين مرام ليش تخافين تتوقعين ابوي مخبيها وش سالفه حمد ووش دخله بمرام , انا سمعت ناصر يقول لابوي حمد ومرام ليش وش علاقة هالاثنين ؟ , يمكن حمد مخبي مرام عنده " , اردفت : انا بطلع واذا جاء ابوي وناصر هم بيجاوبون على اسألتك اللي ماتوقف
حنان : يمه , لاتروحين وربي لاجلست لحالي صرت اتخيل مرام , واصير اشوفها والله
فاطمه .. بخوف : بسم الله عليك , يعني انتي تشوفين مرام قدامك
حنان .. وتود لو تنفجر من الضحك : ايه , اذا طلعتي جاتني تكلمني
فاطمه .. بلعت ريقها , بالتأكيد بأنه بسم الله : انا بنام مع امي
حنان .. بضحك : وابوي وين ينام فيه ؟
فاطمه : معك , في سرير وانا بروح مع امي
دخلت ام ناصر , لتقطع حوارهم : وش فيكم ؟
فاطمه : حنان تقول انك اذا طلعتي جاتني مرام تكلمني
ام ناصر .. نظرت لـ حنان بغضب : وانتي يالخبلا صدقتيها , يايمه تكذب عليك بس تبغاك تخافين
حنان .. وهي ترا فاطمه ترتجف بقوه , لم تتوقع بان مزحه مثل هذه ستقلب حالها : انا والله يعني اكذب عليك .. وقفت لتتجه لـ فاطمه : اكذب م اشوف شئ
فاطمه .. وصدرها يرتفع ويهبط : والله انا شفت الحين مرام تدخل مع الشباك , شوفوا شوفوا والله جاتني .. صـرخت بقوه : لا تلمسيني ابعدي عني
حنان .. بخوف , نظرت للغرفه : مافيه احد فطوم مـ
ام ناصر .. دفعت حنان , لتمسك فاطمه التي بدأت تصرخ كالمجنونه
حنان .. بلعت ريقها بصعوبه : يمه , والله ماكان قصدي اخوفها بـ
ام ناصر .. اشارة لـحنان بأن تسكت , لتتـلوآ ايات القرآء بخشوع وسكينه
بعد نصف ساعه
ام ناصر .. مسكت معصم حنان بغضب , لتخرجها خارج الغرفه وتغلق الباب على فاطمه : ليش تخوفينها وانتي عارفه انها تخاف
حنان : شفتها تقول لي بسم الله عليك قلت يعني ماخافت بس خافت علي
ام ناصر .. زفرت بهم : يايمه ياحنان , ماودي اعصب عليكم ولا ارفع صوتي عليك , بس انتي تخليني اعصب , اختك فاطمه لاتضحكين معها , لو انها طيبه كان الحين شفتي معها ولدها وبنتها , كل زميلاتها تزوجوا الا هي , اختك مدري وش بلاها قرينا عليها عند الشيوخ ويقولون مافيها شئ
حنان .. بندم على انها دائماً تقول لـ فاطمه " الله ياخذك " : طيب يمه , خلينا ناخذها لدكتور نفسي , يعني احس فيها حاله نفسيه
ام ناصر .. جلست على الارض بهم وتعب : مرام والله ماهيب تغيب عن بالي لحظه لاسهيت سهيت فيها ولا فكرت فكرت فيها , هالبنت مدري وش جاها وخلاها تهرب من البيت , لها سنه الحين لامن شاف ولا من درآ , والله اعلم انها ودعت الحياة , مالها احد بهالدنيا , وهالوقت ماعاد فيه احد يفتح بابه لبنت من الشارع والله اعلـ
حنان .. تقاطعها : لاتتفـآولون عليها يمه , لاانتي ولا فاطمه ولا ناصر كلكم تقولون ماتت ولا مع اولاد يتسلون فيها
ام ناصر : اعوذ بالله من هالفال الشين , والله ان الموت اريح لها من انهم يلعبون بهالضعيفه
حنان .. سكتت وهي ترآ باب غرفة مرام المهجوره والتي لم يدخلها احد بعد خروجها من هذا المنزل ابداً


,


في قصر خلف


في غرفة خلف


صقر : خلاص ياخي عاد حس فيني , ما اتحمل اذا أمرني حمد ولا ابوه , احس اني عبد عندهم
خلف .. طبطب على كتف شقيقه : حاس فيك انا , بس صدقني تعبك هذا كله بيروح لاعرفت السبب
صقر .. عقد حاجبيه : انت قلت لي من قبل اني لاسويت اللي تقولي عليه بتقولي هالشئ اللي ماتقدر تسامح امي عليه وهالشئ يخصني بس للحين مدري وشو , والفروض اعرفه لأنه متعلق فيني
خلف : كل شئ بوقته حلو , الحين ياروحي بنآكل ونمر على امي ونكمل الشغل
صقر .. وقف : بقول لك حاجه بس لاتعصب
خلف .. هز رأسها بمعنى " وش "
صقر .. ابتعد عن خلف , ليُردف : من فرح وشوق ؟
خلف .. رفع حاجبه : وش عرفك فيهم ؟
صقر .. ابتعد وهو يريد الخروج : ماعليك , بس منتب قايل منهم ؟
خلف .. هز رأسه باستهزاء : جالس تلحقني ولا مخلي لك جاسوس يتجسس
صقر .. بسرعه : لاوالله , بس صدفه وانا جاي لك سمعتك تقول فرح وشوق ومدري وش
خلف .. وقف : يعني جلست تتـسمع وتتـجسس
صقر : خلاص انسى
خلف : اطلع وانا بلحقك
صقر .. خرج وهو يعلم بان هدوء خلف ليس الا هدوء يسبق العاصفه


لاتلهيكم القرآءه عن ذكر الله , لاتنسوآ التقييم , والردود السنعه , وفقكم الله لمآ يحب ويرضآ



واللي مآ قرآ وش قلت من قبل



انا ودي لو اقفل الروايه واذا كملتها ارجع افتحها واخبر كل من علق بالروايه وطبعاً راح اعطيكم نبذه مختصره عن القصه يعني لو تنسون , بس احتمال اني اسحب عليكم او انسى هذا مستحيل اذا ربي قدرني وعطاني عمر , وقلت من قبل ماراح اوقف شئ انا بديته , يعني احس لو ان الروايه مكتمله بيكون أفضل للكاتبه وللقرآء\ه , يعني راح تكون البارتات طوآل , وغير كذا راح انزل يومين بالاسبوع او ثلاث ايام بالاسبوع اذا كانت الروايه كامله يعني السبت والاثنين والخميس راح انزل فيها بارتات وبساعه محدده , وكمان فترة الاختبارات ماراح تكون فيه بارتات , يعني بتصير فيه شوي حوسه ... لو اكمل الروايه واذا كملت ارجع انزلها واعطيكم خبر عالخاص وتكون البارتات طويله , وتنزل البارتات بـثلاث ايام اللي هي السبت والاثنين والخميس وبـساعه محدده بيكون افضل لي ولكم , واقول لكم مره المليون ماراح اوقف الروايه او انساها اللي بديت فيه بنهيه , وأبغى من جميع المتابعين من خلف الكواليس وغيرها يقولون رايهم معي ولا لا !

وطبعاً الى الان مافيه احد عارض الأغلبه يقول نقفل الروايه واذا اكتملت ارجع افتحها واعطي خبر للجميع , وطبعاً اللي تبغى اخبرها تعلق لو تعليق بسيط , لأن جميع من علق على الروايه راح اخبره حال فتحها

البارت رووووووووووووووووووعه
خلاص ماشي الروايه تتقفل

فكره حلو تقفلينها واذا اكتملت تنزلينها ويستحن تبدين من الحين لانو بدة الاختبارات والمراجه وتسلملي هل الايادي ☺