لو كانَ قلبك مثل ما كنتَ بالاولَ
ما جيتكَ آركض واطيح احيان من دونكَ
ماني فقيركَ ولاني فيك متسوّلَ
القصد كله مابيك تبيع مجنونك
تعبت انا ارقى على المرقاب واحوّل
ماكنيَ الا اخيل الكوووونَ بعيونكَ
بالله تكفى اذا بتغيبَ لاتطـوّل
اخاف من شلة ٍ فيني يعزونكَ
وتروح كنك من اللي صااار متهوّل
مع ان موتي على ( يديك وطعونكَ )
سو ما بدالك على ما تشتهي مخوّل
مافيه قلب ٍ يعيشك (حب) ويخونكَ
دايم وانا اللي اغض الطرف واتأوّل
انخى لك العذر ( يا لبيه يَ عونك )
الظاهر اني معك مسجوون ومطولَ
مابي فضاء الناس شد اوثاق مسجونكَ
خذ راحتك كيف ما ودك بي اتجوّل
دام المحاني ( تضمك والغلا كونكَ )
ياكثر ماني نبضت الشوووق وامـوّل
بالله طلبه ترفق بي على هونكَ
صوّرت واقع حياتي فيك ماهوّل
كل المشاااوير يوم اقفيت يبكونكِ
ماتذكر انك تشيل الصوت وتموّل
واهتز كلي اجاوب هزة امتونكَ
لو المشاعر مع الايام تتحوّل
ماجيت انا اشكي واشيل الجرح وكفونكَ
يلعب بي ( الهم ) لامن رحت لمنوّل
واتذكر انه حلاة الوقت بجنونك َ
لازلت انا ارسم بك ( الاحلام ) واعوّل
يا منتهى الحلم خذني داخل عيونكَ
ولو كان قلبك مثل ماكان بالاول
ماجيتك اركض واطيح احيان من دونكَ
للمبدع ، محمد العسكرَ
01-10-12, 07:36 AM
لو كان قلبك مثل ما كنت بالاول
جديد مواضيع قسم الشعر والشعراء
العرض العادي
