في مدرسه ثانويه للبنات في مبنى حكومي جديد
رن الجرس معلن عن بداية الحصه الخامسه
دخلت الوكيله بهدوووؤ وسمت ووقار : يالله يا معلمات كل وحده على حصتها لو سمحتن
وخرجت بهدوؤء مثل ما دخلت

غريييييييييييييييييبه!!

الوكيله!!
مو مراقبة النظام ولا الضعيفه الكاتبة الي سبع صنايع و البخت ضايع

قامن المعلمات للحصص وبقي معلمتين ودخلت الثالثه
معلمه عليا معلمة اللغه العربيه
:السلام عليكم من عليها القهوه اليوم راسي ييتصدع من الوجع

الحصه الخامسة تسألين من عليه القهوه؟؟؟؟؟؟
وينك من الفجور؟
والا ياحول حيث انك لغة عربية لازم صكة 24 حصة!!

امينه:علي وابشري هالحين اصب لتس
طيب ورا ماتقوم هي و تفك الخلاخيل الي برجليها و تصب؟
كيف كذا الي لازم الي عليها الدور تصير النفله القرمه!!

وقامت وصبت بكوب ورقي : تفضلي ...سلامتس وش فيتس مصدعه

افا؟!! كوب ورق!!
وراه ماتقدرن تغسلن فناجينك يامالا الكسامير!

عليا: ابد ما نمت زين البارح
والليله عند ابوي عشا وبكرره زواج عليان
لاتنسووون انا بكره ماني جايه انتن عارفات حوستي
الله يمضي بكره على خيير
ياحيل الله يالبنيات
شفتي اخرت الصب هه تدبسكن بالانتظارات باكر!!

فايزه: اييييه وش صار على فستانس
اخبرس تقولين ماطلع من الخياط
عليا وكأنهاا تنبهت.:تصدقييين اظاهر انه هو اللي خلاني ما انام
من كثر ماقهرني الخياط
عساه ينشك بإبرره على قد ماقهرني
يومه يماطلني وهو عارف اني مستعجله
اهيء اهيء اهيء
مشكلة العالم.. هالخياطين ياليت اقدر استغني عنهم

امينه : لا تدعين قولي حسبي الله وكفى
صادقه والله وش لنا بهالدعاوي يمكن المسيكين ما يستاهل و تصكك الدعوة وانت ماتدرين!!

عليا: الا والله حسبي الله عليه هو واللي في بالي
منهو؟؟؟؟؟؟؟؟؟؟؟

فايزه لوت شفايفها :بس بس كفايه تتحسبين عليه
واضح أنه اثن ابون عقبها .... منهو .. انقهرت حسبي الله عليك!!


عليا و هالموضوع يثير عندها عرق الجنان
انا الي طرت من هدومي !!

: الا بدعي وادعي واحمدي ربس ما ابتليتي نفس بلوتي
طيب علمينا يمكن نساعدك ونواسيك تراي احب السوالف مووووووووووت

ردت فايزه : انتي اللي احمدي ربس منتي مثل حالتي
وبعد وشبك انت ؟
خلوني ساكته لا اتنكد وانكد عليكن

عمى عمى وش هالكادر؟
الا راحن بناتنا وطي!!

ودمعت عيونها واختنقت بغصه ومراره
امزح امزح لاتصيحين
وقامت تتوضا وتصلي الضحى
وتدعي ربي يفرج همها


امينه بلوم لعليا : افى عليا انتي عارفه ان فايزه وضعها متعبها ومتعب نفسيتها المفروض ما نكشتيها
الا انكشوها و خلون انكش معكم ودي ادري وش الي صار

عليا حست بالندم فايزه صديقتها الحبيبه وانها ماقدرت وضعهاواحساسها
لا تلومين نفسك الواحد الي فيه كافيه
يكفي ياعمري انك تدرسين عربي و راجعة الحصة الخامسة ماتدرين منهي عليه القهوة
اكيد كبدك يابسة من هالبني و لا افطرتي بعد!!
ولي عووووة

الساعه 4 العصر

يابوي ترى كل شي جاهز بس عليان ماجاب الذبايح
ابو علي : اكيد على وصول بس الله الله بالعشا الزين
مثل ما عودتينا يا عيني
عليا بإبتسامه : من عيوني يا عيوني انت
نعم؟ وش هالحكي!!
تبي تطبخين بالبيت!
بعذرك لو طقيتي
بس شكله مو ذا الي مضيق صدرك؟
شكلك تونسين بكذا


ابو عليان : امتس واعيه
عليا : أي يا بوي توني عطيتها علاجها وفتحت لها اذاعة القران

ابو عليان :طيب يا عيني هاتي لي الشاهي حقي عندها مشتهي اسولف معها لي عنها من الصبح
ايييييييييييه يابو عليان راحوا الطيبين
احنا رجالنا يا بالاستراحات يا على الايفونات

عليا : هالحين يجيك احلى شاهي دقايق
تكفين كثري النعنان و خلي السكر على جنب احب ابربس بالشويهي

"جلست بجنبها بعد ما حبيت راسها
تأملت حالها وتتبعت عيوني اثار الزمن
وخطوط المرض والتعب
سبع سنوات وهي على هذا الحال
ممده على سريرها ما يتحرك فيها الا عيونها
دليل انها واعيه معانا
اكيد هو الغثا ينهج عنه!!

يدها بيدي وعيوني تلتمع بدمعها
:ايييه يا شيخه الله يعظم لتس الاجر يا روح الروح
تلالت دمعتها بعيونها ورفعت نظرها لفووق
قلت أأيدها: صحيح الحمد لله ...الحمد لله
ودخلت علينا نوارة بيتنا عليا
قلت: ياعلني ما افقد زولس يا عيني
الا عسى الله يرزقها بالرجل الي يزقفها من عندكم
مهب غثا تدريس الصبح و مصالى العصر و طبخ ذبايح بالليول
والا انت ما اقول الا راحو الطيبين
ما اعرست!! غريبه!!

نزلت الشاهي وجلست على طرف سرير امها مقابله ابوها
:ابوي ممكن طلب صغييير
: ابشري
عليا :ابي نسرين تنام عندنا الليله
وش انت يانسرين؟

ابو عليان : حك دقنه امممم والله يا بنتي ان تنام عندس
غصبن عنها وعن ابوها
ولا يهمس انا اكلم ابوها الليله لا جو للعشا
وش يصيرلك ابوها حتى تمون كذا؟!!




سمعو صوت سياره داخله الحوش وقفت عليا وناظرت من الشباك
ابوي هذا عليان توه وصل انا رايحه اخذ منه الاغراض
كلوووووووووووووولييييييييييييييش وصل المعرس
وع سدو اخشومكم جت الذبايح و هه يا هالروايح
هش هش هشو معي هالذبان

يلله ابروح اكمل

بعد المغرب.
:عليا همممم
جت خالتي منيره بسرعه بسسسرعه تبغاس
قامت عليا وغسلت يدها وتوجهت للصاله
وشافت منيره كاشخه بتايير اسود ضييييق مفصل جسمها المتناسق
وعقد ذهب جديد وكعب اسود دقيق
ناظرت بـ عليا: عسى بتستقبلين الناس بهالشكل
عمى! من اولها طنازة
المرأة جايتن مصالية بنات الثانوية و كادر المعلمات الي تقل من مصحة نفسية و مكملة مع هالشيبان و تطنزين!!

عليا ببرود : لا طبعاً بس توني افضى وانتي ونسرين
توكن تهزن طولكن وتجن
ولا وحده فكرت تجي بدري تساعدني
نسرين بإحراج :والله ابوي رفض وقال لارحت تروحين
وش اسوي يعني
منيره: لا تقعدين تحلطمين هذانا جينا وش تبين نسوي
عمى و صمم و قطع لسان
ماحبيت منور ابد
وش دعوى هالكبر؟!!

عليا : ما ابي شي شكراً خلصت كل شي بس بطلع ألبس
واتجهز لإستقبال الناس
مادمتي مخلصة وشوله صدق الحلبطه و التشكي


**********************

جالس ويشيش وعيونه على التلفزيون يتفرج
شريط مصارعه

جلست بعيد عنه وقالت بتردد تكرر محاولتها اليائسه
: ابو ساري اتجهز للعشا الليله
رد بتذمر ونرفزه :اووووهو بس يا مرره فكيينا قلت لا
دمعت عيونها: بس ابو عليان طلبك وانت وافقت

حذف لي الشيشه من يده :اقول تبين تقلعين من وجهي
والا انتي خابره وش بيجييس

هوه هوه هوه منين جايبتهم ذولا؟
هذي من تصير بعد!!

طلعت من دون اي كلام عارفته مصارع مايفكر الابيده
مستحيل يستخدم عقله ولا كأنه انسان متعلم ومدير مدرسه محترم
قهرررررررررررررررررررررررررر
الزين للناس و الشين لبيوتنا
الله لا يحللكم

ضحكت من كل قلبي " هه قال محترم قال
مفارقه هو وخشته المعفنه المروح
الله لا يسامحك كان من يوم اخذتك وانا في مرار وعذاب.
وش مصبرك!!
الله يسامحس يا يمه ويرحمس
غاصبتك امك عليه؟
وين ابوك؟


**************

اذن العشاء و تجمعوا قدام باب مسجد الحاره
ابو عليان وازواج بناته ابو عبدالله وابو عادل
مع عليان وعبدالله وعادل وابو ساري وبعض الجيران
يعني منه ابو ساري لهم؟

:ابوعليان بعد الصلاه انتظركم جميع في مجلسنا
لا يتأخر منكم احد الصغير والكبير
وناظر بابو ساري وشدد بالكلام
أحلى يا هالنظرة
والله يا امي منول اذا ناظرت كذا ماندري حنا نصب القهوة والا نرحب والا نغطي .......... لا عيب عاد مو من اولها الفضايح
الا ياخيتي ليش ما نعرف نحكي بعيوننا احنا؟!!!!
اكيد من كثر البحلقة بهالاجهزة!

:ام ياسر تجيبها الليله يا بن آخي خلها تفرح وتشوف الناس
ابو ساري بضحكه باهته : تجي ان شالله تكلمني وكأني انا اللي امنعها عنكم!!!
هي اللي ماتحب الطلعات ولا الجمعات ذبحتني الله يهديها
ابو عليان يهز راسه يمشي له كلامه مع انه عارف حالهم
عساك لأبو حريمه يالمضي انت!
صدقك ان لم تستحي فاصنع ماشئت!!
غرابيل والله

دخل عليان غرفته بيغير اتفاجأ بالشغاله سوليسترا بغرفته
صرخ عليها: يا زفته كم مرره قايل لس ماتدخلين هنا
وفتح الباب: وقال براااااا
شالت سلة الغسيل وطلعت بهدوؤء
عمى وقل نمى
حيث انها متغربه تسوي بها كذا
يلعن ابو الحاجة ياشيخ


تعوذ من الشيطان وقفل الباب وغير ونزل بسرعه يوقف مع ابووه
اووووووووه فيها تعوذ؟!!

اقرب عليان و فضفض ترى سرك ببير


*****************
دخل عليها وهو محترق من الغيض مايقدر يقول لابو عليان لا
:يا هييه وينس
الله ....... وش اقول بس
صرنا هييه حسبي وهو يكفي

وقفت باول الصاله وهي صاده عنه : نعم
قال بنرفزه : نعامه ترفس وجهس وافتك منتس
بالضبط عشر دقايق ابي تجهزين وتلبسين احسن ماعندس
بنروح للعشا
عسى بس عندها شي تلبسه؟!!


من دون اية كلمه كأنها طفله صغيرره
تبدلت دموعها من الحزن والقهر لدموع الفررح
واخييرا من سنتين ماخلاها زوجها الظالم تزور احد
او تستقبل احد
لا تعليق عيوني طلعت بس!!
جهزت في دقايق في النهايه مابتنزل عباتها
وهي طالعه من غرفتها شافت نفسها بالمرايه
"كبرتي يا أم ياسر والهم كبرتس زياده
الله يحنن قلبك علي يا ياسر الله يحنن قلبك
ونزلت دمعتها غبن وقهر وشوق وحنين له
والولد بعد لاحقن ابوه
صدق العرق دساس والا الطبايع تطبع

***************


اخر اللمسات على سفرة الرجال واقف معاها عليان ونسرين
:عليان اعجلي يا عليا ابوي لا يعصب علينا
عليا : خلاص كل شي تمام
نسرين: خالي علوي وش انت مسوي بنفسك كأنك محلووو
عليان بغرور مصطنع : محلوو!!!!
انا حلو من يوم خلقني ربي بس انتي اللي ما تشوفين
كخخخخخخخخخ
ايه لقيتك انت نسرين بنت اختها؟ يعني منور المغروة اختك يا عليا المقهورة


ولفها مع اكتافها ودفها برى المقلط :يالله برى بسرعه بنقلط الرجال
************



تعالت الاصوات في الصاله
" دخلت الصاله واشوف منيره اختي
تسلم على حرمه وضامتها وتصيح قربت وانا مستغربه منهي ذي
رفعت راسها وانصعقت ما توقعتها تجي من سنتين ما شفناها

حبيبتي خالتي وركظت لها اضمها واسلم عليها

جارتنا ام احمد جت تتهادى بمشيتها
حرمه كبيره وثقيله بثوبها الروز الاحمر المنقط
وطرحتها السودا القطن لكنها تجمع حنان الكون كله
الله قمت اتشمشم ريحة دهن العود بالحنا و العلك الامي!!
:علامتسن تبتسن
يحب الناس للنكد وقت الفرح
اذكرن ربتسن (ربكن )
وكملت وصلة الضم والسلام على خالتي قمرا


مسحت قمرا انفها بطرحتها وقالت بصوت باكي : ابي اشوف اختي
وراكم كذا ماعندكم مناديل لفزوا اويلاه ولو تلصقونهن على الجدران
خامت كبدي
اخذتها ومن اقبلت للغرفه وزاد صوت بكاها
وقفتها قبل لا تدخل عند امي
:خالتي تكفين امسكي نفسس امي تتأثر وتتعب كثير

ووقفتها قدام المغسله : غسلي وجهس واهدي شوي
نفذت خالتي وتنفست بعمق وهفت على وجهها
غصب عني رجعت احضنها بقووه وهمست لها
: والله نور بيتنا يا خالتي
وردت لي الضمه باقوى منها : يا بعد عيني ياحبيبتي انتي

اهيء اهيء اهيء ياشين اللقاءات هذي تقطع القلب


"دخلت على اختي ام عليان اختي الكبيره الغاليه
اخر من بقى من ريحة اهلي
واحس اني اطير ما امشي لين جلست على سريرها
وشلتها في حضني وضميتها
وكأني متوقعه من شوقي لها انها بترد لي الضمه
:ياحيبتي ياحبيبتي
ونسيت وصات عليا لي اني اتمالك نفسي
ولا انهار قدام اختي
:يا ريحة اهلي انتي يا بعد هالدنيا
يا علني ما اذووق حر فرقاس ياختي
الا ياختي اله يختار لها مايصلح
نعنبو داركم المره منجطله 7سنين ادعو لها بالراحة

مسكتني عليا واخذت امها من بين ايدي
ورجعت سدحتها على السرير بحنان ورتبت الغطا فوقها

وقالت بإبتسامه : يمه شايفه خالتي قمرا جت تفرح معانا بعليان

ومسحت دموع امها: يمه اكييد هذي دموع الفرحه
من قدس يأم العريس
والله ماقاله قلبي الا حاسة بنكد اختها

ورفعت كف امها وباسته بحب ورحمه



"سكت بحلقي غصه كبر هالكون واحساس مر علقم
على عيني ياختي اقطعس والا اغيب عنس ساعه الله لا يسامحك يا خلف الله يريحني منك
آميييييييين هو ومنور بعد

قبل بليله في جده

ياسر قم بسرعه ولد عمك يبيك
ولد قمرا بجده؟ اجل هم وين فيه؟!!
جلس ياسر وقال :اصلا ما نمت وتوجه للتلفون
ماعمري شفت احد يقوم العصر الا مانام

: هلا والله يا ابو عبد الله
بندر :هلا بك وينك يا رجال
لي كم يوم و انا ادورك واتصل على بيتك ما ألقى رد
ياسر بإحراج :والله يا بندر كنت بالشرقيه عندي دوره لمدة اسبوع والبارح وصلت
صاير سندباد مو ياسر

بندر : اقولك عمي ابو عليان كل يوم وهو يتصل عليك بعد

ياسر اعتدل بجلسته :خيير صاير شي

بندر : ابد بس زواج عليان بعد بكره ويبيك تجي
واعتقد انك غبت بما فيه الكفايه
وتارك وراك امور مهمه لابد تجي وتشوفها

ياسر بضيق : ان شالله خير بس والله مضغوط ما اقدر اجي

اشوف اقرب فرصه واجي ان شالله
بندر بإلحاح : ضروري يا ياسر
الله يهديك رح شف امك ترى الاجر فيها مو ببحر جده و الشرقية
وش فيها رمالنا الصفراء؟!!

ياسر بضيق : قلنا ان شالله يالله يالغالي تعبان بريح ووراي بكره دوام وقفل السماعه بعصبيه


ناظره سلطان وسكت لانه لو تكلم الان قامت الحرب العالميه الثالثه



*********


انتهى العشا وراحو الناس وما انتهت مشاغل عليا
اهيء اهيء اهيء بعذرك لو قدمتي بالغياب

لبست عباتها منيره وقالت لعليا

: بكرره الكوافيره اجيبها معي الظهر
نامي واشبعي نووم ورانا بكرره الف شغله
ماحولك شي تصكينها فيه!!

ابتسمت نسرين وقالت : ههههه تبين خالتي عليا تنام ووراها شغل مستحيل
قالت منيره : وش عندها سوليسترا تسوي كل شي
ردت عليا وهي تلم فناجيل الشاهي : أي ماشالله سوليسترا
الرجل الالي حقنا اللي ما يتعب
من تقوم الى تنام وهي تكرف حرام لازم اساعدها
والله حيرتونا بهالشغاله
ترى امي من اول يوم كان عندي شغاله شوي و تقسم لها ليلة معي!!


شوفيها منهد حيلها المسكينه

قالت منيره لنسرين : تراهنين انها بتقول لسوليسترا روحي نامي
وهي بتكمل الشغل عنها

ردت نسرين : ما يحتاج اراهن ياخالتي لانها قالت وخلصت
وانا بتسحبني معاها نكمل شغل الاميره سوليسترا
شكلها تقرب لأمي؟!!
:ياولد

دخل عادل بعد ما تنحنح

ركظت نسرين تتخبى في المطبخ عن ولد خالتها وولد عمها

:يمه يالله اخواني بالسياره بس باقي انتي
والتفت لخالته عليا ودنق يسلم عليها بود واحترام
:هلا بخالتي عليا الحلوه
ضمته عليا بحب: هلا حبيبي وضربته بقبضتها
: انت ياولد كل ما اشوفك القاك طولان اكثر
بس وقف وين ناوي توصل

عادل بضحكه خفيفه : ناوي اوصل للقمر


منيره : ابوك راح
عادل : لا واقف مع عمي بندر
تغطت : يالله بكره لا تنسون الظهر مو اجي القاكم نايمين
وطلعت وباقي عادل
:خالتي لا تنسين مشوارنا بكره الصبح ضروري
عليا : لا ما نسيت الساعه 10 انتظرك
وش عندكم!!!!!!!!
هذا الي مغيبك اجل؟!!!
*************