السلام ام رنااا

وقسم أني ارتعت يوم قال ياسر دخلتي بعد يومين مغصني بطني
وشلون علياااا ولا من الزود توه باغية تروح مراح أبو جدتي الي تقول انه راح ولا جاا

يااااوك أقوله صادقه ام رنو ليه هالعمله يااااسر كل شي بالعصب إلا العرس
يعني هو بيحطه أمام الأمر الواقع وهي بتحطه تحت الصواااقع والشر النااااقع

ام رناااا لي عوده بس أفتر راسي من قولة يااااسر عسى ماياسر وش هالعرس الاقشر اول وتالي .......

السلام عليكم و رحمة الله و بركاته

مساء الخير و المغفره .. ربي يعطيج الف عافيه على البارت



علياء ... اظن انه رفضها لزواج لانها مجروحه من ياسر حيل و ترسبات الماضي للحين

عالقه فيها و فوق هذا نا تبيالبعد عن امها ما تنلام وش اغلى من الام بهالدنيا و

هذا و هي ما بعد عرفت انها بتسكن بجده يعني البعد بعدين !!!



ياسر ... جابك الله بالوقت المناسب و لا راحت فيها علياء من السكران الاهبل و سبحان

الله و عشان يكون لك حجه و موقفك اقوى و توافق علياء على العرس بس يومين ؟؟؟

مو كانك مستجعل حيل ياولد و لا بعد ما شفت الزبن ما عاد فيك صبر على بعدها !!!




بندر ... احسه يحب زوجته و علياء ماهي الا صوره من الحبيبه جت بحياته بوقت هو

فاقد اغلى الناس عنده و علياء مجرد سراب يسلي نفسه فيه انه حصه بعدها موجوده ما

ماتت !! بس ماله داعي يمنع المرأه تعالج و تشوف نفسها مو كل الحريم دجلات

فيه حريم ماشاء الله يفهمن احسن من الف طبيب و ربي مسخرهم لغيرهم ...

بس عساها ما تركب رأسها و تروح من وراه لانه وقتها اكيد بيلومها حيل ...




و سلمتي يارب


.........

السلام عليكم
عندي انكم تتقولون
يمه!!
وش جابها الحين ذي!!

هالحين اغيب والا احضر كله واحد!!
لا سؤال و كيف الحال؟؟؟؟؟؟؟؟؟؟؟؟؟؟

لا وبعد تبي تعرسون وانا ولا حس ولا خبر

والله اني ادعي بسلامة الشيخ جوجل كروم
والله و النعم
شهم
ويوم فتح لي باب المنتدى خربت بنتي الجوال!!!!!!!!!!!

انا ما ادري النحس ليش راكبني بهالمنتدى!!
راجعه ان شاء الله بتعليق

صباح الورد ام رنو ........تسلم ايدك ياقلبي ...... انا مع البنات انو البارت قصير بس اكيد لانك مضغوطة لاني من خلال متابعتي لروايتك زهرة ضامية كانت بارتاتك اطول وكنتي بعض الاحيان تنزلي اكثر من بارت على حسب الظروف ..شنسوي الاحداث بدت تحمى واعصابنا معاها متشوقة اشوف هل بتنقلب الاحداث بشكل غير متوقع وايش ينتظر ابطالنا ....الله يسهل امورك يارب حتى تقدري تطولي البارت


عليا وياسر

عليا تتعذر ب18 سنة الي غاب فيها ياسر وهجر اهله فيها والا هي من هالسنين متى نضجت وصارت بسن مناسب للزواج طبعا مو كل ال18 سنة وهالشي كان من صالحها درست وتخرجت وتوظفت .....
حتى لو ياسر ماغاب هالسنين بالبداية كانت لازم تنتظر كم سنة علشان تكبر وتفهم الحياة وماادري لما كبرت ونضجت اكيد صار الحادث لامها يعني ظروفها كانت موكويسة لو ياسر جاها قبل ست او خمس سنين لانو بيكون الحادث صار واختها ماتت وامها انشلت

طيب لو تطلقت على قولتها هي موضامنة عمر امها يمكن تطلق بيوم وامها تموت بنفس اليوم يعني عذرها مو من صالحها وغير كذا امها زعلانة منها حيل لو ماتت وهي زعلانة شبتفيدها تضحيتها انا معاها صعب جدا تترك امها ولو كانت بنفس المنطقة اهون مو من بعد بيت خالتها عنها لا والمشكلة حتى قمرا بعد هالسنين بتنجبر على الغربة يمكن وجودها يخلي عليا تسيطر على عنادها لانها بتخجل تسوي حركات سخيفة قدام خالتها ولا بتقدر تنام بغرفة بعيد عن زوجها مع اني اعتبر هالحركة سخيفة من بعض الزوجات لانو الشرع يحاسبهم عليها وهي بنت ناضجة مو صغيرة

لو تطلقت الناس مابترحمها الحين تقول مو مهم بس لو عاشت هالظروف بتتعب نفسيتها .......عنادها ماله حل الا اجبارها على اتمام الزواج ووضعها امام الامر الواقع

بس حتى انا مستنكرة انتقالها لجدة يعني هي موظفة وحابة شغلتها مو من حق ياسر يحرمها من هالشي بدون ارادتها ويضيع سنين تعبها ودراستها

وبعدين يومين شبيسوون اقل حاجة يخليها بوقت اجازة المدارس والبنت تجهز لعمرها هو خلاص حطها امام المدفع ماتقدر تنكر ومافيها شي لو اعطاها وقت تدبر امورها وتنقل لجدة

وفعلا لو تطلقت بيلصقها ابوها ببندر فياسر افضل لها وبيجي اليوم الي بتحمد ربها على انها انجبرت على اتمام الزواج بس تترك العناد لانها مو طفلة هي بنت ناضجة لو بشي يخص حقوقها ماقلنا شي تدافع عنها وبقوة بس اذا الحبل مرخي لاتدخل حالها بدوامة مثل المراهقات الي تصرفاتهم متهورة

بندروه وسعدية

دام ماتشكي من شي وهو سبق وجاب عيال من حقها ينحرق قلبها على الحمل لانو عندها امل كبير وبعدين دامها مو مقصرة معاه ليش مايخليها تجرب مو خسرانة شي
اعتقد بعد زواج عليا بندروه بيزودها مع سعدية واتمنى من قلبي تسافر عنه وخليه ينقلع لين يحس بقيمتها هو اختارها وتزوجها وحصة صار لها سنين ميتة خلاص اجل يرضى بنصيبه ودامه ماشاف منها اي شي ينفره منها يخاف الله فيها دام عندها جمال وتعرف تلبس ومو مقصرة بواجباتها شيبغي يعني

عليا ماهي حصة لايمشي ورى سراب مابينفعه


فايزة وسند

مازالت حياتهم هادية مايعكرها اي شي ومازال سند محترم ارادة فايزة بس كل ماتقدمت الايام والشهور راح يلتفت لها سند ووالرجال الي داخله بيتحرك وبيكون له متطلبات مثل اي زوج واتمنى فايزة وقتها تكون لانت شوي وتعطي حالها فرصة لانها انثى وتستاهل تعيش حياتها ......اتمنى حياتهم تظل للاخير معتمدة على التفاهم والعقلانية على الاقل مانعيش مع كل الابطال بينهم حزازيات ومشاكل

في انتظارك ياقلبي

مرحبا جميعا
كيف الحال؟
يلله خلونا نبدأ بحق السنة الماضية
الجزء7
فيلا صغيره
من دور ارضي وحديقه صغيره
مبنيه من حجر الرياض
(وش انت ياحجر الرياض!!)
وقف سند امام الفيلا ونزل من السياره ونزل الشنط
(بداية خير.. اشوى الي ماخلاك تشيلين معه.. يسويها ابو سروال وفنية مايقصر!)

سند
(والله اني حاسك انك و النعم.. وانك لايق لها!! بس لازم هالمغاث)

"فتحت الباب ودخلت والعيال وراي
(عمى!! ما امدان امدح ! وشلون تدخل و تخليها وراك!!)
وفايزه تتبعنا وهي شايله منال
(امحق عرس!!.. اجل اذا حملت و ولدت و ش تبي تشيل!!)
قلت لها تفضلي البيت بيتس
دخلت بهدووء
(حاستن بك.. خوف .. ترقب .. حسرة .. فشيلة و كأن اختك تناظرك و تتحسب عليك
الا مالت عليها الي ضفيتي رجلها و عيالها
اه .... نسيت المرهم يته الله يرحمها)
قلت : بطلع اجيب الشنط من الحوش
وطلعت واخذت وقتي كله ابيها ما تتضايق من وجودي
(طيب و باكر و عقبه!!
الا اضرب الحديد و هو حامي
يعني مالقيت تراعي شعورها الا بهذي!)
دخلت البيت ومعي شنط الاولاد
نزلتها بغرفتهم

طلعت للصاله لقيتها واقفه ولازالت شايله منوله وبعباتها وغطاها
قلت لها :خذي راحتس
(طيب انت وراء ماتعطيها اياه؟!)

بصوت مخنوق ردت علي: شكرا
(وش عليه تشكرين ياقليبي انت
توك .. اصبري الفاتورة طويله)
وتوجهت مع العيال لغرفتهم
وانا طلعت بر البيت
طلعت رحت للدكان باول الحاره
اخذت خبز وبعض الاغراض
(انا بس ودي ادري و ش قصت الخبز الي يشرونه هالسعودين و يزقلونه للبيوت يعني ارخص شي والا فتنه و الا جايزلهم منظره بالفريزر .... نعن ابوكم البقاله جنبكم اول مايولم الايدام ينط حدى البزان و يجيبه!!)
ورجعت للبيت بس رجلي ما طاوعتني انزل قعدت بالسياره
(وذي عاد المعضلة الي عجزت احلها
وش يحسون به وهم قاعدين بالسيارة لو هي براد قلنا متحسفين بالدفا ولو هي حر موت قلنا متحسف بباقي برادالمكيف
والبيوت والحمدلله فيها كل ذا ...)

*******
بيت اختي كل شي فيه جديد ومتغير مأثث البيت اثاث جديد
بس احس ان ريحتها فيه روحها موجوده لمساتها انفاسها حتى تهيأ لي اني اسمع صوتها
تعوذت من الشيطان و
(ايه تعوذي و اعقلي المرة تحت رحمة ربها ولو ماجيتي جت غيرك .. وهالمشاعر ذي مو وقتها دوسي عليها و فحطي وشوي تتعلمين التطعيس ولا يهمك)

نزلت عباتي وخليت طرحتي علي
تحجبت زين حتى منابت الشعر ما بانت
كنت لابسه تنوره سودا واسعه وقميص اسود واسع باكمام طويله
(فرح اسود! .. تعكسين مشاعرك!! والا تتوقين شماتة اختك الميته)
جلست مع عيال فوزه الله يرحمها في غرفتهم الصغيره
دولاب كبير مع سريرين خشب
غرفتهم جديده باكياسها المراتب فتحت الدولاب لقيت اللحف الجديده
(والله اني منغثة من هالسند!!
وراه ما خلاك انت الي تنقين الاثاث ؟
اقلها يبعد عنك التوتر )
بديت احضر سراير الصغار
وماجد يساعدني
و منوله فراس يلعبها
(شكل هالفراس تنبلي من ربعنا)
بدت تبكي وتصيح منول : ننااا ننااا
جوعانه تبي رضاعتها
شلتها واخذت شنطتها اللي فيها الحليب
ناديت ماجد: تعال حبيبي امسك اختك خليني اسوي لها رضاعه
(ماقلت لكم!! لو فراس فيه خير كان مسك البنت مو يصيحها و يروح)

توجهت للمطبخ ونفسي ضاق مطبخ فوزه هو هو ما تغير
بدواليبه الخشبيه وارضيته البيضا : الله يرحمس يا فوزه
(حرام عاد يا فايزه.... الا المطبخ عاد باكر يجيب شغاله ولا تطبينه بلا دلع عا
تراك مدوره غثا و نكد)
سويت الرضاعه لمنول واخذتها من ماجد ورجعنا لغرفة اخوانها
جاني فراس وضمني بقوه وبنظرة برائه وطفوله : انا احبس يا خالتي اكثر شي
دمعت عيني من مشاعره الصادقه
(الا والله يخسا... بس مايبيك تعاقبينه على التنبله)
الاطفال لا يمكن يجامل او يزيف مشاعره
(ماعندك خبره يا حبيبتي ... الا هالوغدان يلعبون بك لعب يدخلونك من هنا و يطلعونك من هنا
ماسمعتي سعديه مرة تقول يعملوها الصوغار و يوقعوا فيها الكوبار)
: وانا بعد احبك يا حبيبي
(وهذا الي حط حظك تحت رجلين سندوه لو انك موريتهم العين الحمرا مافكر فيك)
و يله يا بطل غير بيجاما و تعال تنام
:ماجد يا قلبي قبل لا تنام غيرر ملابسك
شفها طلعتها لك من الشنطه

ماجد : طيب وهو نايم اصلا
بعد مانامو العيال كلن بسريره احترت وين انام انا ومنوله
فرشت بالارض لحاف خفيف ونومت منوله ودفيتها زين بدى الجو يبرد
وغيرت ملابسي بقميص واسع
طلعت شرشف صلاتي وتلحفت فيه ونمت
(ياربييييييييييه ودي اصيح ..)


********