مضى الزمن ولابد ترجعه الذكرى
أفا أفا و أنا الي قاعدة اقرأ الي فات احسبه كل شيء؟
وافكر و اقول جزء ثاني لأيش!!
اتاري أنا الي أقرأ الجزء الأول و فيه تكمله؟؟؟؟؟؟؟؟؟
عاد توي افهم

شباب مثل الورد فيهم
عذرا ... منهم ذولا؟ يعني أي واحد تقصدين؟
أنا والله ما شفت الا تقل بعارين تقاد بلا حول ولاقوة
رجوله وصلاح و خوف من الله
طيب نعدي الورد كل له ذوقه
مخافة الله وينها والكل يزوج و يحل ويربط بلا شرع و لا مشاور
تقولين قاعدين يسفون خوص!!
بندر وبدر وولد عمهم ياسر
بندر وبدر موظفين بندر بالجيش وبدر بالحرس
اما ياسر فهو توه تخرج من الثانوي وحلم حياته يدرس الجامعه


في جمعه عائليه يوميه اجتمعو الاعمام
وتكلم ابو بندر :يا خوي ان شاء الله الخميس الجاي بنتمم اتفاقنا و نملك لعيالي بندر وبدر على بناتك حصه ومنيره
تهللت اسارير ابو عليان : هذي الساعه المباركه ومتى تبي العرس ياخوي

ابو بندر : بعده باسبوعين

واستمرو في كلامهم ولا كأنهم قررو مصير عيالهم

من دون مايشاورونهم او ياخذون رايهم
بندر تقبل الموضوع عادي وابتسم برضا
اما بدر ما حب اسلوب ابووه بفرض رايه بهذي الطريقه على الاقل ما يفاجأهم فرضاً انا ماعندي نيه اتزوج الحين

وسكت على مضض وتمم كلام ابوه
يعني يابدوري ياوليدي لو حكيت وش يبي يصير
يا مثل أمي ترقعك عين تقل كوبرا تجمدك و تقول شي مافكرت فيه
يا يبي تجيك قرارة ابوك و تطيح شماغك
الا اسكت ابرك لك
من يطول عرس بلاش


اللي كان جالس ويتأملهم ياسر
بعد ماقامو الكبار وانفض المجلس فكها ضحك
ههههههه ياحليلكم بتعرسون ههههههههههههه
اكيييد انت يا بندر الدب بتاخذ حصه لانها الكبيره
وانت يالساكت بتاخذ منيره
ههههه صراحه ما اشوفكم
ابد لايقين لبعض فرق شاسع
اقول بس لا يكثر قرقك
يبي يجيك الدور ياسندباد
مير هم قاعدين بديارهم و معيلين مو مثلك مطاير بين جدة و الدمام
الا كملت داستك والا اشتغلت بالثانوي
مالله شكلك مو وجه دراسة بس تدور عذر


انت بتاكلك منيره بلسانها
وانت بتاكل حصه بلسانك
بدر فز واقف واخذ شماغه ونسفه فوق متنه
وطلع بعد ما عطى ياسر ظربه على راسه
الله يشفي غليلك مثل ماشفت غلي فيه
بس ياحسرة بتاخذ شينة الحلايا منور وع وع ماحبيتها


اما بندر ناظر بياسر : وقال ضحكت انت اليوم علينا تذكر انا بنضحك عليك ياا يسوور
ويالله قم رح لامك بقفل المجلس واروح انام



توجه ياسر لبيت عمه ابو عليان
وبنفس الوقت بيت خالته شيخه
اكييد امه عند جدته
الحين زيتهم بدقيقهم كلهم ومن الاجداد بعد
صايرة هالزيجات صبرة والا تحيير


سحب السلك وفتح الباب ودخل داخل البيت

عاد أنا قعدت احوس بهالسلك!!
سألت زوجي الغالي و كالعادة قال اتركي هالخرابيط و روحي زيني بحثك ابرك لك
ورحت لأمي قالت ما افهم بكلامكم كثير تقولين جايتن من امريكا
واتصلت على حبيب قلبي اخيي الله يقومه بالعافية و قرأت له المقطع
وفطس من الضحك( والله أني دعيت لك ذيك الساعة الي وسعتي صدره)
وقال ان الولين من شدة الأمن حاطين سلك حديد يربط كيلون الباب بثقب ويخرج السلك برا اي واحد يشد السيم (السلك) ينتفتح الباب!!
طيب ليه مايحطون عروة و يفتكون (سؤالي البريء لأخوي)
مابعد وصلوا للاختراع!!! جواب اخوي
يعني يا ام رنا قصتك بادية قبل اختراع قفل الباب؟؟؟؟؟؟؟؟؟؟
ياليتهم ما اخترعوه وحنا الحين بس صك وصكيك بالبيبان تقولين حديق حيوان والا تجوري!!

للصاله لقى حصه تدهن رجول جدته بالفازلين
هذي الجدة الي منجلطة لها سبع سنين؟
يوم هي بصحتها يدهنون رجليها
والله مدلعات انفسهن هالعجز
وش وراك تدهنين؟

سلم على جدته
وسأل عن امه : وين امي؟
ردت ألقف خلق الله عنده
عليا : راحت تنام وانت هنا مزعجنا
عليا المعلمة؟!
وه ياملحنا بصغرتنا
فز بسرعه بيظربها
بس هي اسرع دخلت غرفة امها
وصكت الباب بقوه بوجهه
وعمى من ذاك الحين مهبل بالبنيه!!
سدت جدته اذنها وقالت : ياربي سترك
انت وهالبنت كبريت وقاز اهبوو عليكم
ما تهجدون لا بليل ولا بنهار
والله لو عينك حارة كان خمدوا من هالدعوه

قال :بغيض جده انتي شفتيها
ما قلت شي وهي اللي بس مناشبتني
ضحكت حصه : هههههه
بصراحه منظركم يفطس ضحك

قام ياسر وتمسخر
بضحكة حصه .:ههههه مايضحك
هههههه واضح أنك مدلل نفسك غصبن على اهلك

يالله جده انا بروح لأمي



طلعت راسها عليا : ذلف
ذلف يذلف فهو ذالف أي خارجون
الجده : عليا عويذ الله من شرس
وش لس وللولد ما تستحين بس مقاشرته
افا افا هذي جزات التدهين بالوازلين الي تقل باكر عرسك؟؟؟

ردت وعلى فمها ابتسامة رضا
: جده هو اللي مناشبني وكل
ماشفاني ظربني والا اذاني
فقلت آأذيه قبل ما يأذيني

والو منتب سهله يا عليون؟؟؟؟؟؟

بعده بيوم بلغ ابو عليان ام عليان
تتجهز وتبلغ بناتها بالخطبه

وبدت ام عليان التحضيرات
وش دعوى!!
تراه عرس مو كيك
طيب شاوري البنات
لا لاتشاورينهن عطيهن خبر بس!

حصه قعدت تبكي لما بلغتها امها
: يماه ابي اكمل دراستي
ام عليان بإبتسامه : نشرط عليه تكملينها
وانتي في بيته لا تخافين

عمرها ١٨سنه وتدرس في معهد المعلمات
باقي لها سنه
وهو يبي يعيي يعنتي على الاقل تصرفين عليه
اما منيره كانت وضع ثاني

عمرها ١٦كانت ما تحب المدرسه وتحب الزين
وتهتم لشكلها كثير
وتميل كثير لبدر وكانت تتمنى تتزوجه
وربي حقق لها امنيتها
سبحان الله!!
مادري ليش ماحبيتها!
خبله مطيوره مفضية فارغه مادري بس الحب من الله
عسى ماتطلع نسرين مثلها؟

لما بلغتها امها بغت تحب راس امها
ههههههههههههه
والله يا انا اسدحت من الضحك

على البشاره الحلوه
بس اضطرت تمثل الثقل والتمنع مثل حصه
بس ما قدرت تحس نفسها مفضوحه
فلتت منها ضحكه
وقرصتها امها برجلها : يا مهنى جاك ماتمنى
وضحكت ام عليان على ردة فعل بنتها
تفاجأت منيره ان امها كاشفتها
كل العالم كاشفينك
بس ياويلك اذا اكتشفتي وشوا هالزواج الي فرحتن فيه

ام عليان : انتبهي لا يوقف قلبس من الفرحه
فزت منيره هاربه من احراج امها لها
.
.
.
.

دخل عليان

يماه جدتي وينها
شيخه :اكييد عند خالتك قمرا
عليان ابوي يقول ناديها
ولد خالتها جاي ويبي يقابلها

:طيب اصبر
وتوجهت لشباك بالصاله يفتح على صالة
ياملح البساطه والله
مو مثل الحين لو تتكلم بس لازم ثلاثة ارباع الفاتورة مجاملات
بس ياحليلك يالوتس أب مريحين العالم

ام ياسر

:ياقمرا
ردت بسرعه : هلا شيخه
شيخه : امي وينها
قمرا : هذي هنا تسمعس
شيخه : ولد خالتس جا عند ابو عليان وطالبس بيسلم عليس

الجده : وقامت وهي مستغربه زيارته في هذا الوقت
غريبة ماجر السلك ودخل؟
الا يتغطون عنه!!

*****
دخلت المجلس واستقبلوها عيال اختها واحفادها
وسلمو على راسها

وسلمت على ولد خالتها خلف ابو ساري
المصارع ابو شيشه؟!!
دارت السلامات المعتاده
وبعدها تكلم ابو ساري
انه بيخطب قمرا وانه مايجوز تقعد
بعد ابو ياسر الله يرحمه من غير رجال
يستر عليها وانه اولى بها من الغريب
وهو مطلق زوجته
ويبي من تراعيه وعياله
الله اكبر!
تستر عليها
ومطلق بعد
و تربي عيالك
الا خدامة بالمجان

سكتت الجده وسكتو من بالمجلس
بس نطق ياسر وبكل عصبيه :تخسى
ما تاخذ امي و انا حي
وااااوه وش ذا؟
وراه يبه يا ياسر؟
باكر تعرس و تروح و تخليها
أو تقول مثله مايصير تقعدين لحالك و تحيبها تربي عيالك
كلكم عجينة وحده

مسكه عمه ابو بندر
: بس يا ولد قدر الرجاجيل واحترم المجلس
و بس مير؟
يقدر الرجاجيل و المجلس والا أمه مهب شي عندكم!!
نفض اكتافه من يدين عمه
ووقف عند باب المجلس :والله ما ياخذها
ولا يحلم بها


وطلع ولحقه بدر

ابو ياسر : انا عارف ومقدر مشاعره
والله ما تقولون له شي
الله عليك مسوي نفسك حليم!!
وهو بقلبه " والله ان اخذ امك وانت تشوف يالبزر

وبهالعقول بتاخذها بتاخذها
تكلمت الجده : يصير خيرر وقامت وهي مضفيه غطاها وعصاها بيدها اليمين
: لاصار عندنا رد كلموك العيال
وطلعت عنهم

بعد زين الي معبرينك و اخذين رايك
*************

راح ركظ لبيته ولقى عليا بوجهه لقى من يفرغ فيه غضبه
وصفقها كف وشد شعرها بقوه
: انقلعي عن وجهي لاعاد اشوفس بالشارع
ياحوووووووووول ماطلع الدلو رمى الرشا


طبعا عليا صاحت بعالي الصوت
وماخلت من السبات والشتايم ما سبته فيها
شافت بدر واشتكت ياسر وهي تصيح
:شف ياسر ظربني وقطع شعري

بدر حنون جدا ماقدر على دموعها

: معليش علوي امسحيها بوجهي

وناظر فيها : ليه حافيه و ين نعولس
ايه هك عليها و غير السالفه
ولا يقولون باكر تضارب مع عيال عمه بسبت حرمه
والا بزر تلعب بالشارع
انحرجت عليا ونزلت راسها وصارت تلعب بالتراب برجلها : اخر مره المره الجايه ألبس نعول
اتركيهم و تمتعي
باكر الامريكان يقولون المشي حافي صحي ويركضون وراهم
.
.
.
.


دخل مثل الثور الهايج يمااه يماااااه
ردت قمرا : هلا ابوي هلا حبيبي
: يماه ابيس هالحين توعديني
قمرا : بأيش
:ما تزوجين عقب ابوي
تبسمت قمرا : وقالت بــــس ابشر اوعدك
ما اخذ عقب ابوك الله يرحمه
اصلا ما يحتاج انا اوعدك لاني
ما عندي اية نيه للزواج بعد ابوك الله يرحمه
ايه؟ و اكتب بعد عليها منتهيه الصلاحية كـ أمرأة!!

وفتحت ذرعانها تبي تضمه وهو اقبل يضمها
: تكفين يمه لا تقهريني
قمرا وهي تشد عليه اكثر
: ماعشت ولا كنت ان قهرتك
يا قلبي
وبس مير؟ لا تقهرك
والا هي عادي تنقهر و يروح شبابها مافي مشكله هي حرمه مو آدمية!!

:يماه ابي اروح معس
ام عليان : لا اجلسي خلي منيره تروشس
كخخخخخخخخخخخخخخخ
وش كبرها الحين عليون؟ 7 أو 8 !!
شوفيها تستناس وتجهزي
بنروح للعشا في بيت عمس
عليا على وشك البكاء : لا بروح معس
الله يخليس يمه
يا عمري والله يالهبزران
الحين حاطين ثيابنا فوق روسنا عشان نوديهم حضانات وينكم من امهات اول
الا والله مبحلين اخياتهم فيهم
حنا والله الي رايحتن قريشاتنا و سمعتنا سلح عندكم

تطلع حصه وعباتها طايره وراها
:اقعدي شلون بتروحين والحنا على شعرس
عليا بحده وطولة لسان : مالس دخل انتي
انا اكلم امي
وتمسك عباةامها وتترجى اكثر
: تكفيين يمه الله يخليس برووح وبدت تبكي
دخل ياسر وشاف البغيضه عليا
وهي تترجى خالته تبي تروح معاهم

قال : خاله اذا هذي تبي تروح
دورو احد غيري يوديكم للسوق
قالت ام عليان : لا مهي رايحه
ويالله ادخلي داخل
وطلعت ولحقتها حصه من باب البيت
وكانت بتلحقهم عليا
بس وقف لها ياسر بجسمه على الباب
: انقلعي داخل
هجمت عليه وهي تصيح
وشاتته بقووه على ساقه
: وخر ياكلب ابي اروح مع امي
ياقلب امك انت بس

تعوور بس كابر ومابين ألمه
اكيد باكر ينفضح طقته بنت
كخخخخخخخخخخ
ومسكها مع شعرها وغاصت يده
بالحنا
وع وع وع
عسى مو اصلي و تصير ايدك برتقالية
قرف منها ودفها بقووه وهو متقرف قلت ادخلي داخل
وده يكفخها شوفتها ترفع ضغطه
راح للمغسله بطرف الحوش
وغسل يده وطلع يوديهم للسوق

والله ياهم متمدنين هالعايله؟
مغسلة بالحوش!!
عرضت الموضوع على اخيي الله يعافيه يقول يمكن قصدك بازان
وش انت يا بازان؟
مكان للوضوء فقط
والله عز منتب سهلين يالولين!!
امنكم تحكون على الوضوء بالحمام؟!!!


**********


بعد صلاة العشا
تجمعو في بيت ابو بندر

وكان عشا عادي كل اربعا يسويه يجمع فيه العايله
ومن ذاك الحين والجمعه يوم الاربعاء؟!!
بس الليله ما كانت ابدا عاديه

الليله كانت ملكة العيال


بالاتفاق بين ابو بندر وابو عليان
وكالعاده ما بلغو احد
جحيد و بعيد
سكتم بكتم!
من تبي تغبون عنه كلكم معجونين على بعض خوالكم عمامكم!!


الشيخ جالس وطلب هوية بندر وبدر وتمم لهم الملكه
وسط تفاجأهم وابتسامة الشيبان
واكييد ياسر بعد كان مبتسم
نغز بدر وقاله مبروك عليك منيره
بدر بنفسيه : قسم بالله لو ماتنكتم لا وريك شغلك
اصبر يامالك من النفسيات مع منور
سكت ياسر وهو كاتم ضحكته من شكل بدر

فجأه تكلم ابو بندر :اقوول يا ابو عليان
ما تعطينا بعد عليا
رد عليه ابو عليان : تأمر يا بو بندر
اشق اهدومي أنا؟!!
وش البو؟

لمن؟؟؟؟؟
للبنقالي الي يكنس

قال ابو بندر : لياسر خله يفرح مع عيال عمه
خل يسوري يفرح بابن الحلال
وش عاد بنت توسع صدره بدل ماهو يتطمش على عيال عمه
قمة العدل يابو بندر
حسبي الله عليكم

وبعدها وجه الكلام للشيخ
: يا شيخ املك له واشر على ياسر

على اختهن الصغيره


طلب الشيخ من ياسر اثباته
وانت ياشيخ مخفه الحين؟
والا آله كاتبه
ماتسمع و ش يقولون؟
ماشاوروها
البنت ماتدري
وين الشور للبنت!!

ومثل المنوم مغناطيسي نفذ وعطاه وتمم الشيخ له الملكه
منوم هاه!!
امك يوم جاها المعرس صار تقل ماسكك سلك كهرب تنافض على الرجاجيل
وانت منوم!!
صحى على صوت عمه



يقول : بالمبارك يا ابو عليان الليله ماشا الله
زوجت بناتك كلهن
عقبال ما تفرح بعليان
يالله اليوم البيع بالكوم!!
باركو له من بالمجلس
وقلطهم ابو بندر على العشا
اشوى بعد الي ماطبخن هن


وياسر مصدووم ومومصدق ماصار
حاس انه بكابوس
مابعد صحيت من التنويم الى الحين
وكابوس بعد ؟؟
""وش ملكته وش زواجه هالحين
وبهذا الوقت بالذات ارفض
ارفض ولا عندي اية استعداد
وذاتا علياا
وش ترفض؟!
الرجل زوجك و تعشى و لحس ايده و يمكن اقفى بعد!
وطبعاً استلمووه عيال عمه تريقه وضحك بس هو سكتهم بنرفزه وطلع وخلاهم
ماسويت سويبكم

************




ابتدت التحضيرات الفعليه للزواج

وياسر لازال مصدوم وبدر مكتم ومجبور وبندر مشاعره مشاعر عريس ممللك ينتظر ليلة الزواج

والله شكله ياسر يب يسوي شي
نواياها واضحتن بوجهه


************

الجده صافنه وتفكر بعمق في عرض ابو ساري
صافنة تصفن فهي من الصافنات
لايروح فكركم بعيد
مو فرس بل من السرحان و التفكير مع التدبير
والله ياعندنا مطلحات تخسي عندها اسماء الماركات!!
فعلا بنتها صغيره توها
لا؟
توك تفطنين؟
ومحتاجه لرجال ولازم تجيب لها
عيال وبنات غير ياسر
ليش تبينها مكينة تفريخ والا فقاسة بيض
والاخ يبيها حاضنة
يا حيل الله يا الحريم كل هالمشاغل و اذا طق عودن حصاة قالوا اسكتن انتن اكثر حطب جهنم

بكره ياسر يتزوج ويلهى في حياته
وهي تقعد بعده
لازم أقنعها بخطبة ابو ساري
طيب دوري رجال اسنع منه
والا لازم من الحموله؟!!

وقامت رايحه لبيت بنتها وهي طالعه
تعلقت فيها عليا :جده ابي اجي معس
الجده تعالي يابنيتي

ياملح الجدات مايكسرن خواطر احفادهن أبد
دخلت الجده على بنتها قمرا
وقالت لها ضبطي لنا براد شاهي
ابي اشرب معس فنجال

قمرا سوت الشاهي وجلست
عند امها وطبعا عليا بينهن

قالت الجده تصرف عليا : قومي يا عليا العبي هناك
كخخخخخخخخخخخخ
من عمر الدنيا هالتصريف

وهناك عند عليا يعني بغرفة ياسر !!!!

هالمقروده !!
تدور الغثى بذنب الكلب!!

بعد جلسه ماستمرت دقايق

طلعت الجده من بيت بنتها قمرا

وتركت وراها قمرا منهاره من البكا
وش هالاقناع ياجديدا!!
هذا ارهاب ابتزار تقوي على الضعيفين
وعليا بغرفة ياسر
ويستمر برنامج الدمار لمن أبى الاعتذار و اصر على الاستكبار
نيهااااااااهاي
دخلت قمرا غرفتها منهاره
بعد حلف امها عليها انها
توافق على ابو ساري
وشرطت رضاها بموافقتها
ولا عطت قمرا فرصه تتكلم
فرضت رأيها فرض
الاستغلال النفسي لللتدين


دخل البيت ولقى امه بغرفتها نايمه

وراح ينام وراه شغل الصباح

دخل الغرفه لقاها منكوشه فوق تحت
ومافيها شي في مكانه
ياملحك بس ياعليون!!
وطبعا مستحيل يكون احد ثاني غير


عليا

والله لأربيس يا عليا

رتب السرير ونام وهو يخطط كيف يعاقبها
الله يستر من الي يبي يربيك أنت
******


اصبح الصبح على قمرا
وهي ما غمض لها جفن
هوه ..؟
مو الولد داخلن عليك لاقيكي نايمه!!
لبست عباتها وراحت لامها
ولقتها تفطر بالصاله ومشغله الراديو

الجده : ياساتر وش بلاتس يا قمرا
ميتن لتس ميت !!!!
روحها ياجدها ماغير العزاء بروحها
نزلت لرجول امها وحبت عليها
: يمااه يرحم والدينس اعفيني
من السالفه كلها تكفين يا يمه
الجده :ياخبله والله اني ابي صالحس
وانا خلاص بلغت ابو عليان يبلغ الرجال
انتس موافقه
الصالح صالح مين ياجديدا!!
كلن مسوي نفسه مصلح و العيال بين ايديكم تقل براغي تفك و تركب بالكيف؟!!
انهارت قمرا تبكي : يمه انا ما وافقت
حرام عليس تغصبيني
وش حرامه انت بعد؟!
هذا لو كانوا يحكمون على سنة محمد صلى الله عليه وسلم
لكن منهجهم و عادتهم تسمعين و تاكلين تبن و تحبين ايديك وجه وقفى
الجده : بكره لا صار عندس عيال وبنات
بتدعين لي
قمرا : يمه ياسر مابيرضى
والا انت عادي لو رضى يسوري؟
الجده عصبت :رضه ا ن شا الله
انتي امه وانتي اللي تمشينه ماهو هو اللي يمشي رايه عليس وخلصنا
والله لا هو و لاهي انت الي تدربينهم تقل كفرات

شيخه واقفه عند باب المطبخ وتسمع الحوار
بس عارفه امها لا يمكن تلين
اذا صممت على شي
وهي اليوم مصممه
الشكوى لله!

ياسر راح يقضي اشغاله وشاف ابو ساري
بطريقه وتميلح يسلم على ياسر ويستظرف سحب عليه ومشى تاركه بعد ما صرفه
حلوه يا ياسر ضاربن بأم الاتيكيت
انسدت نفسه ورجع للبيت متعكر المزاج
الا تنبله و بس
ايدور اي شين يغثه

بس وصل لبيتهم تذكر غرفته
ياحبك للنكد!!
وراح لبيت خالته

يدور شينة الحلايا
المدام؟!!
بس مالقاها رايحه مع خواتها عند الخياطه
الا مير هي درت والا مابعد؟!!

سلم على جدته وفاتحته بموضوع زواج امه
قال بغيض مكتوم : جده الله يرضى عليس
انا قلت رأي قبل كذا ماني موافق
مااااااني موافق
وطلع وصفق باب الحوش وهو طالع

وما وراه الا صفق البيبان!!


********





العصر طلع مخنووق امه ما طلعت من غرفتها
ودخل عليها لقاها رابطه راسها
ومطفيه النور واشرت له اطلع ما اقدر
اتكلم مصدعه
ياقليبي انت؟!!
وقف قدام باب البيت
ويتابع السيارات
سمع صوت عليا بالحووش
راح لبيت خالته ودخل عليها
وجاك يامهنا ماتمنى
فش غلك فش!!
:تعالي هنا يا حيوانه
وقفت بكل ثقه ومتخصره : انت الحيوان
مسكها مع شعرها
:ليه يوم تخربين غرفتي ليييه

وصفقها كف
يامال الكسامير ورجليم يدخل فيهن مسامير
طبعا عشانها مذنبه ما بكت
ظربها مرره ثانيه
وهي ياجبل ما يهزك ريح
احسن!!
تنرفز يبي يبكيها
كفخها لين بكاها
رجولة قرطاس
وتركها بعد ما خلى خدودها حمرررر


عليا شافت ابوها داخل : وركظت له ابويا
شف ياسر ظربني كفوف
ناظر ابو عليان نظرة عتاب : افى يا ياسر
ليه كذا يا ولدي
وبس مير؟!
ماتصكه كف يتربي و يتعدل!!
انحرج ياسر : يا عمي امس داخله غرفتي
وقالبتها فوق تحت متعمده تخرب
ابو عليان : ولو يا ولدي اجل لصارت في بيتك
وش بتسوي فيها
ماتحملها والحين هي بزر
الله يصلحكم

الله يصلحكم

آمين
ياسر طلع وزااد كررهه لها اكثر الي حطته بموقف المذنب. قدام عمه ابو عليان
لا والله يالبريء يالحمل الوديع







قبل ليلة الزواج
بلغت الجده قمرا ان زواجها بكره وانها بتروح لبيت ابو ساري
خير البر عاجله!
سألت امها : وياسر ؟؟
من ضمن القافل الي تمشي و هي تدربي دمايجها وماتدري وين الله حاطها
الجده بكره يدري ومصيره يرضى
يرضى والا ينرض


قمرا : يماه والله ان يجن الولد ويهج

الجده: لا بيزعله يومين وبعدها بينسى
ليش؟ تحسبينه بندر والا بدر!!
.
.
.
.
.

ليلة الزواج كانت مختلفه باختلاف مشاعر العرسان والعرايس
الزواج كان في بيت ابو بندر في حوشهم الواسع وفي ساحة المسجد بنو بيت شعر كبيير للرجال واضااءو ماحوله بعقود اللمبات
ياملحكم لا قصور و لابوفيهات و لاهدايا و لا .... راس مالها ذبيحتين ورز
لا وبعد العريسات يقومن يطبخن
شوفتوا العز يا معلمات يالي تشربن القهوة بكاسات ورق!!
وتجمعو الحبايب من اقارب وجماعه واصدقاء وجيران
كانت ليله صيفيه جميله و مزينه بعقود الانوار والمكان ممتلي بالحريم الكبار والشابات والصغار الكل. يجي. ويجيب. عياله
واللي مايجيب. عياله. ينزعل منه وينشره عليه
كخخخخخخخخخخخ
وحنا نبحل بالعيال وين نوديهم واخرتها نقول ام البزران ماينشره عليها
بس والله احسن
شوفوا عاد اذا رحنا مع البزارين للعروس
وش يانت ياتكاليف يا ملابس
وكله كوووووووووووووووم و لخس هالعجز لو يكب احدهم شي
ماتربوا امخلين عيالهم
وتبدا الحلبطة و النكد
الا بس نوموا عيالكم و اقضبوا ارضكم




وكان المسجل بعالي الصوت
ونوره مبارك تغني


انا البارحه مامسيت والمسلمين رقود
حسبي على من كان هذا من اسبابه
هذي اغنية و ناس عرس والا مناحة!!


الوحيده اللي كانت بحالتها الطبيعيه

عليا بفستانها السكري المنفوش
مع حلقها اللولي على شكل دمعه
عمى و انا اقول ليش متنكدة!!!
لابس لولي يوم العرس
ام النكد!!
فال شين يالخبله!!
يطلعونه من البحر مساكن الجن

وشعرها اللولبي الطويل
وعيونهاالمختفيه من الكحل اللي اصرت على امها انها تحطه مع انه شوه ملامحها
الا انها تحس انها اجمل من الاميرات
والا داريه انها تبي تعرس!
اتعس انسانه كانت قمرا
تحس انها منقاده للموت
ياقلب امك انت
والا منين لمك قلبك
الا ياقلبي انا ياقمووووووووووووور

تمت الملكه العصر وبدون علم ياسر
بس ودي ادري
اجل من الي ملك لها؟
مو ولدها احق
وهو القيم ؟
وين القوامة بعد؟

وامها حلفت عليهاما تعلمه
الى ان تكون في بيت ابو ساري
جدته بتعلمه
جحاااااااايد

وكان هذا القرار هو سبب بعد ياسر عن امه ١٨ سنه
افااااااااااااااااااااا
بين الجزء الثاني و الاول 18 سنة!!
يعني لو عمرها عليون 8 ذاك الوقت
الحين 26 !!
غرابيييييييييييييييييل والله

شكلي حست الرواية

الجد ماتت مالها بينه!!!

والي منجلطه بفراشها أم عليا

كذا ارتب افكاري افكاري