في بيت ثاني بنفس الليله


:يمه الله يخليس لي والله اني عارفه بس ما اقدر ما اقدر

ام فهد بدموع وحره :طيب ان كان قلبس يرضى عيال اختس
تربيهم وحده غريبه

طلعت وتركت فايزه بهم كبر الجبال
هذي المعلمة الثانية؟


تذكرت اختها لولو الله يرحمها
مضى على وفاتها سنه
وعيال اختها عندهم في البيت
وزوج اختها يوميا يزورهم
قبل شهرين تكلم مع امها انه يدور له عروس
وهي اولى انه يتزوجها حتى ما يدخل مرة اب على عياله
وان خالتهم احن عليهم من الغريبه

اولى؟
والا تبي الفكه تحطهم بحلق خالهم و تهج يمين ويسار
افطني يا ام فايزة باكر
هذا وجهي ان طب عليكم



رفضت في البدايه ولازالت رافضه

زوج اختي هو اللي مربيني من وانا صغيره كنت اعده اخوي الكبير
كيف اتزوجه
هو اصلا كيف فكر انه يتزوجني انا
كــــــيف
****************


سلطان : طيب انت متضايق ليه
على فكره انت السبب
تارك حياتك ملخبطه هناك
ياخي رح لمره وحده
وخلص امورك ولا عاد ترجع لهم ابد


ياسر يغطي راسه باللحاف : سلطان ياخي انت ما تمل
من هالسيره
رجعه للديره ذيك ولأهلها ما انا براجع
سلطان : طيب بعطيك الشور وانا والله ناصح لك
قم توضأ وصل ركعتين استخاره وشف وش ربي يختار لك
ياسر من تحت اللحاف
اقول : اطلع وصك الباب وراك بنام وراي دوام

طلع سلطان بعد ما ارضى ضميره بنصيحه لصديق عمره
ليتك تحكي و تعلمن وش سالفته!!


نفض اللحاف ياسر وجلس ومسك راسه بيدينه
وشد شعره
يالله ياربي ان تريحني من هالهم اللي لي سنين وانا شايله

وشو بس طق جولي و انا اتحرى و ش عندكم!!
*******

في غرفة عليا

عليا تدرين ابوي من كلم البارح
عليا: من ؟؟
نسرين : هذاك
عليا بنرفزه: وجعة جدي له وللي يجيب طاريه
نسرين: عليا لازم تسمعين وش قاله ابوي
عليا لوت بوزها اقوى شي :ما ابي اعرف
نسرين: الا لازم تعرفين
عليا : هاااه وش قولي لا تموتين ماقلتي
شكل نسرين مثلي يقرقع الكلام بصدرها لما يطلع!!
نسرين : قاله ابوي غبت بما فيه الكفايه وراك امور مهمه لازم تجي تشوفها

رفعت راسها بحده والكلام
شد انتباها وحفز حماسها: اي وش رد عليه ذاك الغبي
نسرين هزت كتافها بمدري
:بس اشوف ابوي انبسط

عليا: عاد الي يشوف حماس ابوتس بيقول
اني موافقه
نسرين :خاله تكفين وافقي
عليا : نسرين حبيبتي ذا الموضوع ما احب
اعيد وازيد فيه انتي عارفه رأي فيه
وان عدتيه علي مرره ثانيه تراني بزعل واتضايق
نسرين نطت تحب راس خالتها
: لااااا تكفين الا الجنونه بتاعت الزعل
مش عاوزينها تبان
ضحكت عليا : ماشاء الله عليها سعديه
اثرت فيس ههههه
نسرين : تدرين بنت اللذينا تركت فراغ يوم راحت مصر
عليا : ماتدرين متى ترجع
نسرين : مدري ابوي ماقال شي
بس اكييد مو اكثر من اسبوعين
عليا نامي ورانا بكره يوم طويل
اه شكل هالياسر رابطن عليا بشيء وشلووووووون؟



*************

:اف اوووووووف متى تخلصين

قطعت الخيط باسنانها وعطته الثوب
:هاك جهز ثوبك اللي كل ما زعلت قطعت ازاريره

رد بوقاحه :انتي السبب عارفتني ما احب احد يساألني وين انا رايح والا منين جاي

وطلع من غرفتها الصغيره دون ان يشكرها
او يقدرها لو بنظره
خرج من البيت وبيغيب عنه اسبوع او اكثر كالعاده
دون ان يتفقدها او يطمن عليها ولا رجع يكون باسوء حال
مخمور فاقد لعقله ولدينه

هذا حال ام احمد ولدها الوحيد
وش ذا بعد؟؟؟؟؟؟؟؟؟؟

*********

ياسر جالس في سريره ويفكر بعمق

"مخنووق وضايق سلطان نكش موضووع كريه كنت اتناساه

لمتى وانت تعاقبها !!
لازم تروح وتشوفها
هز راسه بالرفض
طيب كلمها حرام عليك مهما سوت
ما تستحق ان تحرمها صوتك طول هالسنين

تحسبني مبسوط وانا هاجرها.
ترى زعلي على قدر شرهتي
اعوذ بالله من الشيطان الرجيم
انا احسن حل اسويه اقوم اصلي ركعتين
استخيير ويارب ارتاح من هالهاجس
الي ما خلاني انام
مين يقصد؟
امه او عليا؟؟؟؟؟؟؟

اخر الليل

دخل عليان البيت وهووو منهد حيله
وحالته حاله محتاج ترويشه عاجله ونومه مريحه
وراه بكره اهم يوم في حياته
دخل الصاله عادةً بيتهم ذا الوقت فااضي
اخته عليا اكييد نايمه
ناظر ساعة الصاله لقاها 2 ونص راح لغرفته

وفتح الباب وتفاجأ بالبنت اللي في غرفته
وقف ثواني غير مستوعب
قربت منه وهي تحط
شعرها الاسود الفاحم على كتفها بدلال
وبهمس :أليان (عليان )
بقلبه تعوذ من الشيطان وبصوت مكتوم
: ا نا كم مررره قايل
لا تدخلين غرفتي برى يالله يا حيوانه
وقف برى الغرفه وهو ينتظرها تطلع
صدمة عمرها ما توقعت انه بيصدها اذا تزينت وسلمته نفسها
ناظرت فيه بعيون غايمه من الدموع
I love you:

حبتك القراده يامالا البرص!!
امن الرجال يتصدد
واكيد ما اعرس الا عشان يتحصن منك و امثالك

مسكها بتقزز من شعرها ودفها برى الغرفه وصك الباب
وهي مصدومه من ردة فعله
طلعت تركظ لغرفتها
استغفر عليان وتروش وبعدها
راح لعليا بغرفتها دق الباب عليها


طلعت عليا وشرشفها للصلاه على راسها
هلا عليان
عليان :شوفي لي حل مع الخدامه
ما ابيها تقرب غرفتي سمعتي لاتدخل
عليا : وش فيه يا خوي
عليان : تعوذ من الشيطان
بس كذا ما ابيها تدخل حايسه اغراضي الله ياخذها
عليا : فاقد شي
عليان : لا خلاص بدخل انام يالله تصبحين على خيير
وراك ماتعلمها و تخليها تكرف بدل ماهب صايعه بالدار لا شغل ولا مشغله


نزلت بعدها للمطبخ وجهزت صينيه
وحطت فيها الاكل المهروس والادويه
وتوجهت لغرفة امها
شافتها نايمه
صحتها بهدوء ومحبه يمه يماااه حبيبتي
جبت لس علاجس قومي يا كل دنياي
فتحت ام عليان عيونها الذابله ومحاجرها الغايره

عدلت مناير وضع امها ووجلستها بشكل مريح
وبدت تأكل امها وتسولف عليها
:يمه بقولس شي
نسرين قالته لي تقول ان ابو عبد الاله
اتصل على هذاك وقاله لازم تجي تنهي
امورك المعلقه
نزلت الملعقه ومسحت فم امها بنعومه
وابتسمت لعيون امها الغرقانه دموع
:يمه حبيبتي تصدقين احيانا اقول عساه للموت
واحيانا اقول ليته يجي ويريح ويرتاح
وينهي هالوضع البايخ
يمه بالله عليس عاجبس وضعي
و عمري اللي راح
احياناً اقول حلو الوضع اللي انا فيه
اني عندكم واني معاكم واهم شي
اني قريبه منس يمه
واحياناً اقول لا هذا وضع ما ينسكت عليه
انابوضع صعب معلقه وبيد من !!
بيد الخايس
اللي هاجر امه وتاركها تعاني من هجره
يمه ذا الانسان مريض
ياحرام يا خالتي قمرا والله تحزن
وين تلقاها من زوجها الشرس
اللي كنه ملاكم ويبقس فيها حارمنا منها
والا من ولدها اللي ما يسأل عنها
ارحمها كثيير وينه ما يجي
يعز امه ويكون لها سند ويوقف بوجه ابو ساري
سكتت شوي ورجعت تكمل
عليا : يمه حبيبتي لا تزعلين مني تكفين
اعرف ما ترضين عليه ولد اختس
بس انتي الوحيده يمه اللي اقدر اقولها
كل اللي بخاطري
باست راس امها وقامت يالله يمه حبيتي بقوم انام
شكل زوج قمرا مو هو ابو ياسر؟؟؟؟؟

وشكل عليا مربوطه به
وشكله هااااج من الديرة بسبب زوج امه
بس وش دور امه عشان يزعل؟
و هالضعيفه الي رابطها معه الى متى!!!!!!!!!!!!!!!

وخلصت
ارجو الا اكون اثقلت عليك

المعلومات
الكاتب:
muslema13
اللقب:
ناقد مميز جداااااااومن عندي الا ناقد سنااافي وتحطه على يمناك
إيبالله صدقوا ياعين الحي والميت مميز وشقردي
من اليوم وطالع ولا عليتس امر بعد كل بارت. تعليق من هاللون.وجااي يعسا. الحزن ينسانتس بأبعد حيي
الله يوسع صدرتس اول الامر قلت وش عنده هالبنت الوكاد انه غلطانه. تنسخ وتلصق. بعدين عسى عينتس ماهي للعمى شفت
الردود الي بين السطور وخص. نص الفزواا مناديل. وحوموا سبدتس. تنهزمون

خلاص ولا عليتس امر نبي بعد كل بارت لصاحبة الزمن الجميل ام رنو تعليق منتس يبرد الخااااطر وحطي على رجال هالوقت
وطلعي كل الي بخااطرتس. وحنا معتس قلبن وقالبااا.

بس اسمتس يختي غبص عجزت أقراااه بسميتس طير شلوى

سلمتي*

السلام عليكم ورحمة الله وبركاته

صباح الخير...صباح السعاده...صباح المحبه....صباحك رياحين

ام رنوووووو منوره بقوه يالغلاا وبدايه جدا رائعه كروعه قلبك الطاهر...دائما رواياتك تاخذنا
لذااااااك الزمن الجميل شوق جارف وحنيييين لتيك الايام الله يذكرها بالخير
بس ترانا طماعييييين ونبي بارتات اطووول

ياسروعلياء
ضحية اهل وقراراتهم المتسرعه...يعني ابي اعرف اهم موشاييفين انهم توهم على العرس ومسؤلياته
حتى لو كان ياسر رجال تظل علياء بزر تراكض بين الحواري يفومون يزوجونها واحد مو طايقها من اول
والا بعد من غير شوره ولاا رايه كنها هم يبون يفتكون منه
بس يا ياسر مرررت سنين ماهي بهينه واكيد علياء الامس غير علياء اليوم البنت اكبرت واكيد تغيرت ملامحها
وبرزت انوثتهااا ياترى اذا شفتها راح تغير رايك والا تصر على الانفصال
علياء بدال ماتدعين على الرجال طلبي ربك يهدي سركم ويوفقكم وترى هو ماله ذنب خذوه على غفله وزوجوك
اياه وكملوها بتزويجهم امه حسبي الله عليهم يعني الرجال انضرب ضربتين على راسه
والمفروض تلوم ابوها الي رماها عليه من غير شور

الجده
تدرين كرهتها ..ولاا ودي ادعي عليها لانها ميته بالله وش استفادت يوم انها اغصبت بنتها على العرس هذا بنتها
عايشه بمذله ومهانه لاهي من ولدها زلاا هي من زوجه الغفله الي مخليه مثل اشغاله ولاا اخس بعد وشدربها
على البنت تجبرها بعد لو انها مختاره لها واحد سنه يضفها هي وولدها كان قلنا معها حق ...
بس تمنيت انها تكون عايشه عشان تعرف أي جحيم رمت بنتها فيه

ام ياسر
بين نارين نار الزوج الظالم...ونار فرقى ولدها بس ليييه صابره عليه ليه ما اشتكت عليه وتطلقت منه
من زينه والا كم زين معاملته عشان تصبر عليه...وينك يا ياسر تشوف حالة امك الكسيفه وتاخذ حقها
من سجانهااا
فايزه
الصراحه موقفها صعب جدااا ..صعبه حيل انها تاخذ رجل اختها...والا صعب انها تخلي اعيال اختها يعانون
من ظلم زوجه الاب هي بين نارين

عليان
حسبي الله عليها من خداامه جالسسه تلاحق الرجال الله يقصف بعمرها الوسخه
جعل ربي يخلي كيدها بنحرها ويكفي عليان شرها ..بس المفروض انه يصارح اخته ويعلمها مدى خباثة الشغاله
عشان يا يسفرونها او يوقفونها عند حدها

ام رنووو جعل يمينك ماتمسها النار يالغلااااااااا