صباح النرجس ....صباح العطور الفواحة على ضمضم وكل متابعاتها سواء الي يمتعونا بردودهم او من خلف الكواليس ... وتسلمي ياقلبي على كلامك الي جد يخجلني ... والردود ماتجي شي عند الابداع الي نستمتع فيه من خلال كل حرف نقراه .......بالنسبة للقفلة انا بالنسبة لي توقيتها حلو بعد كل هالاجواء المشحونة في البارتين الاخيرين نبغي نستمتع مع حاتم ونعيش الجو عند اول لقاء له مع الحبيبة والله يستر ماتقلب ليلتنا لليلة ظلمة هههه


ماهر ودانة

انا سبق وقلت بيجي يوم على ماهر بيتذكر كيف بغروره وبروده ومكابره ضيع احلى لحظات عمره مع الدانة وبيجي الوقت الي يتمنى وجودها معاه مع كل الاشياء والصفات الي انتقدها فيها

الحين يتمنى لحظة تجمعه فيها وتكون بقربه للاسف حال الكثيرين سواء رجال او حتى حريم اذا فقدو الشي حسو بقيمته والبعد احسه بيكون من صالح الاثنين لانهم بيكونو بفترة اختبار حقيقية بتحدد مشاعرهم ورغبتهم

دانة كانت واضحة من الاول ماعندها مراوغة بس ماهر هو الي كان نحتاج لقرصة تخليه يغير مسار اسلوبه مع دانة قبل يخسرها بشكل نهائي الفترة هذي بتكون على ماهر صعبة جدا وبيتحول لشعلة نار من الاشواق واللهفة والبرود كله بيروح والمستفيد دانة صح هي ماتقدر على فراقه وبعده بس لما تسمع من ماهر الي عمرها ماسمعته وتلتمس حبه وشوقه لها راح يفيدها شوي ويصبرها على هالبعد والاهم بتضمن انو ماهر مو بسهولة بيفرط فيها وبتنسى مخاوفها واعتقد حتى ثقتها بنفسها بتكبر

انا مااعتقد انو في حال دانة طلعت حامل قايد بيهتم او بيغير رايه عادي عنده تطلق وعندها ولد مثلها مثل الثريا مازلت اعتقد انو في طرف او حدث مختلف بيصير هو الي بيغير راي قايد

يااما كايد بيتدخل في وقت غير متوقع او وصايف مع اني استبعد انو قايد يحط وزن لرايها او كلمتها والدليل وجود مي ببيتها للان وغصب عنها

يمكن ماهر يصير له شي غير متوقع ودانة تتأثر بشكل غير طبيعي وهالشي يوضح لقايد مدى عمق الحب الي بقلب هالاثنين ويحس على دمه ويتنازل عن الي براسه اما لاحمل دانة ولا حتى ولادتها بتغير رايه او يمكن دانة في حال طلعت حامل نفسيتها دايم بتكون تعبانة وبتتأثر وبتولد بوقت غير وقتها وبتكون بحالة حرجة وقايد اذا شاف اخته بين الحياة والموت ساعتها بيصحى ضميره وبيندم انو حرم اخته الي ممكن يفقدها من اجمل لحظات ممكن تعيش مع الشخص الي تتمنى قربه

ننتظر ونشوف ايش الي ينتظر الاثنين ومدة العقوبة كيف بتنتهي ..... مااعتقد ببساطة راح تعدي هالفترة


الجموح وقايد

هذا عيب الي يتزوج وواحد من نفس العيلة يكون متزوج كبدل بين الاثنين ....... اي مشكلة تصير من طرف اثرت على حياة الطرف الثاني حتى لو متفاهمين سواء اثنين اخوان متزوجين خوات او اخ واخته متزوجين عيال عمهم او اي قريب .......

اذكر يوم ماهر كان مقهور على اخته ورافض انها تتمم زواجها من قايد وهي رافضة قايد ماعجبه ولا ارضاه دفاع ماهر ولا قدر مشاعره وهو يشوف ضياع سنين عمر اخته قدام عينه ابوه يوم وافق قايد على التحجير وثق فيه لكن قايد ماهمه هالشي ولا همه عمه الي وثق فيه والي كان واقف معاه لاخر لحظة وعلق الجموح سنين ومفكر سكوت عمه رضا منه مافكر بمشاعر هالشايب الي يرد الخطاب عن بنته وي ضيع عمرها علشان ثقته بولد اخوه هل كان متوقع من عمه يجي يطلبه يتمم الزواج وينزل من قدر بنته اكثر ليش هو حس بحرقة قلب ومارضى على اخته بينما مافكر بحرقة قلب عمه وعيال عمه وهم يشوفو بنتهم تكبر والشيب خط شعرها علشان يرضي غروره

ولو ماابوه تدخل بموضوع مي كان تزوج ويمكن كانت اميرة بنته بينما الجموح معلقة لازوج ولا ولد الحرمة تكبر وفرص الانجاب تقل والصحة تتغير عكس الرجال بس للاسف قايد مثله مثل الجموح في هالنقطة معميين عن اغلاطهم ويعرفو يحاسبو الغير على اغلاطهم بس

كم تصرف من قايد ضد اقرب الناس له في طعنات ومواجع مااهتم لهم ولا عمل لهم وزن ولا همه بالعكس يحط راسه على المخدة وينام مرتاح البال .... والحين جاي يحاسب ماهر وهو مايقل عنه ترى مو بس الضرب يوجع حتى التصرفات وبعض الكلمات توجع اعظم من الضرب

لابد بيجي يوم والجوح بتقدر عليه مثل ماهو بيقدر عليها ساعتها بيصحى من كل العناد الي براسه وبيقدر مشاعر غيره بس اتمنى مايكون فات الاوان خصوصا بالنسبة لامه شراح يفيده الي يسويه اذا فقد امه وراحت بسبب المواجع الي ماعادت حملها وهو كان السبب الاكبر فيها ........هذي الام الي مايعوض عنها اي شي ولو بكاها عمره كله مابترجع ولا بيمسح وجيعتها ...... الي يرضى انو امه تنام ودموعها مغرقة وسادتها وهو سبب فيها سواء من زواج ابوه بمي الي كان بسببه او بعد مافضل راحة مي على امه الي تعبت وشقت وبالاخير هذا الحصاد الي اخذته منه مااتوقع ثورته وقهره على ضرب دانة حب لها وخوف الي مافيه خير لامه مابيكون فيه خير لخواته بس هو لانه حس حاله مستغفل مو اكثر من هالشي

محتاج شي يوجعه بقوة يمكن يفكر بعقلانية اكثر ويحاسب نفسه على اي خطوة يخطيها في المستقبل


نجد وابو طلال

نجد كانت متسرعة بخطوتها ومبادرتها وهي مو مستعدة لهالشي الكلام غير الفعل ....مازالت في بدايتها مع انو كسر الحواجز لصالح الاثنين بس كل تأخيرة وفيها خيرة لانو مو بس هي مو مستعدة حتى ابو طلال

بس اعتقد انو ليلتها راح تكون مع ليلة الثريا يعني مااعتقد ابو طلال لو شاف عليها هاللبس وهالزين راح يظل على نفس توتره ....بس ناقدة على نجد في اهمالها لنفسها صح ماقصرت ببعض واجباتها بس اللبس الزين والمظهر الحسن حق من حقوق زوجها ي عني اذا قصرت في شي تعزوض بشي يعني لازم محمد ابو ثامر يجيها ويكون بوضع مرعب لها علشان تتغير اذا ماتعدلت علشان الانسان الي عامل لها قدر ومتعلق بعيالها وعيالها نفس الشي مافي فايدة من كل الي تسويه .......ماقلنا تلبس لبس مغري بس بلاها الالوان الي تجيب الكتمة والشعر الي مو مهتمه فيه خلي الرجال يشوف حرمة سنعة من جميع الجوانب ........بالتدريج راح تتقبل محمد كزوج

يعني عند الناس قدرت تكشخ وتلبس الوان سنين مالبستها وعند زوجها ماتقدر تلبس بيجامة لونها زاهي شوي حتى لو كانت ساترة ... اتمنى تعيد النظر في بعض الامور وحتى ابو طلال ينتبه ويصحى الي قدامه نجد مو اشواق العوبة يعني امه واخته مثل اشواق مو هم بعد حريم لازم ينسى الي سوته اشواق ويبتدي يعوض نفسه بجو اسري ماعاشه قبل ...


مي والزين

مي مستحيل بتحس او بتعترف بغلطتها ....طالما تشوف انو الي تسويه صح ....مع اني مااشوف الا انها تبغي تكسب قايد وبس ولا مثل ماقالت لها جموح هي مابتحب دانة اكثر منها ومن اختها لانهم اقرب لها منهم .........وماراح توقف لقافة مي عند هالحد ومااستبعد انها تبلغ قايد انو دانة قابلت ماهر بمساعدة جموح طالما شغلتها مراقبة الناس والوقف عند النوافذ والتقزز بالرجال الاجانب عنها بعد هنا لها عذر وهي محسوبة على رجال او ثور المفروض بيتزوجها ......

اما في حال هالزواج تفركش وانا مااستبعد هالشي بسبب تصرفاتها وكلامها يعني تلاقيها متكلمة في رجاجيل العيلة ومادحة كم واحد عند خطيبها مو تقول عن حالها عفوية ........والي ماتستحي من هالنقطة وعادي تتكلم عند الكل عادي تتكلم عند خطيبها بس هل بيفيدها او بتتعلم طبعا لا

\بيصير لها موقف والجموح ساعتها راح تعطيها كلام يوجعها حد الصميم من باب العفوية وحتى لو ماتم زواجها ماراح تتمسك بالجلوس عند ناس تتمنى مفارق وجهها بأسرع وقت

الثريا وتزوجت ونجد نفس الشي ودانة ماراح تكون قريبة منها وهي سبب خراب بيتها .......مين عندها بالبيت غير وصايف والجموح الي مايطيقوها ....واي تصرف غبي منها بتكون محاسبة عليه وحتى تقزز الرجال بيكرهوها اياه بنشوف العفوية والتدخل في شؤن الغير لوين بيوصلها ماغير تكسب اعداء بتصرفاتها

اما الزين مااستغرب انها تصاحب اي احد واكبر دليل الشلة الفاسدة الي كانت تماشيهم ...... هالشي مايسمى شعبية او اجتماعية يعني مااجلس مع كل من هب ودب واخذ واعطي واقول انا طبيعتي شعبية لانو ممكن هالتصرف يدخلنا بمشاكل احنا في غنى عنها بسبب العفوية والانفتاح الزايد مع الناس


حاتم والثريا

الثريا جاء الوقت الي تعيش فيه لحظة كانت تشجع نجد عليها بنشوف هل بتكون احسن من نجد ويكون تصرفها قول وفعل وتعيش لحظاتها مع حاتم بدون اي تدخل من الماضي والا بتضعف مثل نجد

اتمنى انها تكون مختلفة وماتكسر فرحة حاتم الي موقادر يصبر من فرحته ......لازم تبرهن لفهد ولكل الناس انها فعلا قادرة تعيش حياتها بكل كبرياءوقوة وبدون ماتلتفت للماضي ابد

اما فهد اتمنى اعرف كيف بيقضي ليلته وهو عارف انو الثريا صارت بأحضان حاتم هل بيحس بالوجع مثل ماحست هي ليلة زواجه هل بيقدر ينام والحسرة والغيرة مالية قلبه وكيف بيكون تقبله لرزانوه بعد مافقد الثريا بشكل نهائي

هذا هو خسر اخر ورقة كان متوقع انها بتمنع الثريا انها تكمل حياتها وهو خالد الي الحين بيكون له تأثير بس بعدين لما يكبر ويفهم مابيكون لكلامه اي فايدة


رهان

ماادري حاسة انو خويه بيتعرض لشي مو زين او يمكن يفقد حياته بتجربة من تجاربه وهالشي بيأثر بقوة على رهان ويمكن يكره هالدراسة ويلغيها ويرجع يدرس ببلده او انه ياخذ عهد على نفسه يكمل الي طراد ماقدر يوصل له ويحقق حلمه ننتظر ونشوف ايش الي بيغير حياته او بيأثر عليها


متحمسين وبقوة للحظة اللقاء بين الثريا والعاشق

وبين نجد وابو طلال بعد التغيير

في انتظارك

قسم متحمسه لحاتم مع اول اللقاء دائم يكون بارد مافيه حماس
متحمسه لحرب جموح ومي
مي بيطير عريسها وتبحل فيها ام قايد