همست بمحاولة ترميم ..\ أبوك لو حي ماعاد زاد على ضربة تركي لولده..شوف وش في خاطر أختك و لآ توجع ماهر

فوق ضرب أبوه ومضاربتكم قدام الحريم...ودانه أختك تراها ماهي مثل خواتها ماتجزم في البعد والله ان يصير فيها شي و

لآعاد يفيد حزتها الندم..!





كان صامت ...لكنها أشارت بيدها بعد حديثها ان يأتي الى جانبها....نهض بتثاقل يسايرها فقط.....


وجلس بجوارها.....


شدة كفه...



وعينيه تنشد لـكفها الذي احتضن كفه من ثم بدأت بفتح اصابعه..!


وبصوت مبلول بدمع..\ أنت وعمك وعياله مثل أصابع الكف..أن أنقطع واحد نقصت وأن أستوجع واحد أستوجعت لآتحسبه ماهو مستوجع

بعد ولآهو متفشل منك ماأجبره على مراضاتها بليل وأنت ماتدري الا انه يبيها بس متفشل يجيك ويقول ياقايد انا ضربت أختك ورجعها

لي ..ومتفشل مني لآنه داري اني بوجعه..وعمك ماضرب ماهر الامن حر وجعته انه مد يده على بنته..ياولدي أذكر

صنيع عمك يوم مسك البنت ولآزوجها غيرك حتى وانت موجعه بوقفت حالها ..أدمح زلة ولده ..وهونها تهون...!



وصايف رغم وجعه على بنته بس اثبتت قوته بمثل هالمواقف

وهي اصلن تحب ماهر وماخذه عليه بحكم اقامته بعض الايام عندهم




لـ أفرض فرضية..أنني توفيت...!


وبقيت دانه على ذمة ماهر...ومن ثم ضربها مرة أخرى و أخرى...وهي تصمت ولآتخبر أحداً وأن أخبرتهم


دارو الوضع كما كان...وحتى لو أخبرتهم...أنا متوفي...من يأخذ حقها....عمي...؟


والله انه صادق بعض الرجال ماينفع معه الا مثل هالمعامله علشان يعرف بالنعمه الي بين يديه

وماعليك ياقايد شد عليه علشان يقضب ارضه بعد مويهر يبيله طولة بال على مايتسنع






من ثم بحرف متزن تكلمت \ أيه...أنا الي علمت أبوي وأشوف
تصرفه كوى الوجع...أنت تترافع عن أختك من ساعه وتستكثر علي ان الموضوع ينلم قبل لآيوصلك عشان اخوي..
أنا وصلني الموضوع وكنت بنهيه بعقلانيه لكنه لما وصلك أنت أججته...

من ثم أردفت \ المشكله ياقايد عنصر المبالغه في الوجع عندك ماتخليه..لآزم توجع وتكسر العظم عشان تنفس عن غضبك...

وش أستفدت الحين..أمك تعبت ..و..ولد عمك تضاربت انت وهو.. وأختك هذي هي منهاره بغرفتها...!


والله انك تكلمين ياجميح وانتي تتنافضين

ياسلام ليه هو بس الي ينفرض عليه العقلانيه وغيره يدور له العذر


والله ماعرفتي له ياجميح لقايد كان مسايرته علشان اخوتس وقايلتن انتي الصادق ومعك كل الحق


مي وهي تقف..\ ماكنت أظن بيصير الي صار لآتقولين شي ماهو في بالي وقتها ...أنا أسفه منكم..


الجموح تقف أيضاً..وبصرامه \ تتأسفين من دانه وتقبل أسفك هذا شي راجع لها هي...لكن يامي انك تحاولين أقناعي

ان العفويه مصدر ردات فعلك هذا شي انا ما أخذه على محمل الجد..بعتبرها مثل النكته البايخه...وبقول لك بطريقه

مباشره أذا تأذيت منك بطريقتك العفويه هذي صدقيني بيجيك رد عفوي بعد مني ويمكن يوجعك ولآيعجبك..!


والله يامي بالجبهه على قولتهم

مايعرف لك الا الجموح بمعاملته هذي بتطبخك وتعلمك السنع





أغلقت الكبك...وبهدوء \ صلح أشاعه...يمكن صاير في كفك شي من الباب...؟

نفض كفه من بين أناملها وبحفيف...\ جداً أهمك انتي والتمثليه البايخه تدارين على أخوك وأنتي بحضني..باالفعل جباره

يا الجموح في المكر والكيد...!


اوه ياجميح خذ عنك والصق فيك صفه المكر والكيد محامي يعني بيفصصك الله يعينك لما يرجع يثق فيك




حريم ذا الوقت مامن ذرابه...!


دورهم عند التسدح والتبطح ....الله يخلي الخدم حالين لنا مشاكل ومعمرين بيوت..!


الوحده فيهم ماتقوم الا العصر..والنفس زفت والبيت أخر همها...!


والجوال أخر موضه وكلمتين ذربه على بعض ماتقولها...وتجهل حتى السلام الذرب على الناس..!

والمناكير والروج والشعر المقصوص وطقطت العلك والاظافر الطويله...وثوب الرجال نظافته وكويه أخر همومها..!

و يرقد أخوها اورجلها جوعانين..وهي تمسك لي ها الشبسات والبايسون وطقتها ينقال لها فتفوته ماتاكل كثير..!


قال تبي تصلح قهوه..قال....



هههههههههههههههه


الله يقلع ابليسك علشان خذيت لك وحده طلعت عيونك بالدلع تحسب كل الحريم مثله



محمد با أصرار..\شوفي السمك هذا لذيذ جداً...ذوقي كيف طريقتهم في تصليحه ماراح تقاومين..؟


آبتسمت ب أرتباك...من ثم مدت يدها لـ السمك...وأكلت بهدوء...ماهي الا ثواني...ويلآحظ أن وجها أصتبغ بلون


الاحمر...من ثم نهوضها بشكل سريع متجها لدورة المياه...وأناملها تعانق شفتيها...!


والله الي ماعينت خير رجال متناقض يقول الكلمه ويرجع يبرر لنفسه زين الي ماماتت المخلوقه وانت حاطن رجل على رجل



.


أنسحبت هي لمطبخ...وأحضرت كأس العصير الدافئ وضعته بشكل أجباري أمامه كي يشربه... رضخ بشكل

عفوي وشرب الكأس دفعة واحده...


من ثم عبست ملآمحه بعد ابتلاع العصير \أم ثامر ..العصير هذا أيش مكوناته...!



بهدوء وهي تجلس بـ المكان الذي يقابله على بعد خطوات \بعافيه...عادي شرايح برتقال وشرايح زنجبيل طبختها شوي

على النار..وأضفت عليها ثلاث ملاعق عسل...وحطيت باقيه بقاروره لأنه لآزم تشرب منه ثلآث مرات بيوم...عشان

يعطي مفعول ونتيجه...



تراجع على الاريكه...\ ماقصرتي..لآتشغلين نفسك فيني مثل ماقلت..أهتمي بعيالك أهم شي..!


الحين بتسنعك نجيد وتصير صدق ولدها الثالث الي مايستغني عنها



وصلها تهكمه المغتاض وشفتيه قريبه من أذنيها ..\ يا حنونه صدقتك بس نامي..!

يؤلمها بتهكمه...لـذا..\ بتكتمني أنت وحبك الزايد..!

شدها أكثر ومن بين أسنانه بسخريه..\ أجل انكتمي ونامي ياحبيبتي..!


هذا بداية الغيث ياجميح التهكم فيك بس اصبري عليه لما يرجع ويثق فيك وتهداء ثورته



الزين تبتسم بخبث\ صدق مي متى تتزوجين وتفتك منك خالتي..؟


مي بحزن\ انا وهو ماعاد نكلم بعضنا من فتره شكل الزواج كله بيتفركش عادي يتفركش الحين احسن من يتفركش وعلي بزر


ثاني...حظي واعرفه..,


الزين بتصير لك مي اذاعة البي بي سي

والله يامي شكلك انتي بتفركشينه جايزتن لك الجلسه


همس قبل أن تهم بنزول..\ أسمعي دانه...!


شدت انظارها له...


ماهر بجديه ..\ لآترهقين نفسك في التفكير..أنا مستحيل أطلقكـ...وقايد بيرضى اذا مو اليوم بكره...قوي نفسك شوي

وآفتحي جوالك...مايصير أدق ومقفل...!


الله اكبر عقب ماكنت ماتعرف وش كان يرهقها الحين صرت تعرف زين نفع معك بس يبيلك بعد كم درس





همست بوجع...\ مدري يا أمك...والله أني صدق مدري...لكن آنتي يمكن أشجع مني كثير...!



يالثريا لا تنبشين المواجع بليلة عرسك خليها تعدي للمسيكين الي قعد يثرثر ولا يكفيه مجلد بلاغه لثرثرته فيك

يعني ماتذكرتي ابو خالد الا الليله وخلك شجاعه على قولة امك وقوي قلبك




يعطيك العافيه ضمضم وبانتظار التشويق والحماس والرومناصيه :)

بين ثنايا الحروف نجد للمعاني صوت يوقظ الإحساس

ويأخذنا معه لعالم الجمال والرقي
صباحك نقاء ضمضم

مدري ثرثره جميله جدا اكثر شخصيه حبيتها من الاعماق على كثر ماقريت مامرت على شخصية حاتم مثقف واعي من العيار الثقيل جمع بين رهف الاحساس والخجل والعقل. ياليت من ينسخ منه كم نسخه ههههه قلوب تنبض له على هالصبح تدرين هو بلسم الثرثره لجيت عنده فهيت وتنحت ههههه

ضمضم طلبتك نبي جزء صغيرون حرام تعلقين العاشق الولهان ورى الباب يطلطل وينتظر والله راحمته من الشفقه لايطب ساكت ادري مايردتس الا جهاز الاب توب فوق راسي هههه فاضيه اطلب

الثريا ايه يالثريا وش ناويه رفقا بحاتمك كبرت في عيني اكثر من حبي لها اعجب بالناس واحب الا اذا قدمت له الطيب صار اكرم منك برده وهذي ردة فعل الثريا بمى انه اختارها وهي مطلقه ماهيب مخيبه ظنه فيها بتكون اجمل النساء في عينه وهي اجمل مايحتاج. سوالها لامها معقوله سمعت كلام وشوشة الحريم وبتشوف وش ردة فعل امها لو كانت في مكانها بس انتي غير وصايف غير

ههه ياربي رباه من حش الحريم ونقول ورانا اكثر حطب جنهم من والله قرضنا بالخلق
ماوردت الحش ضمضم كيذا اتوقع هو سبب سوالها لامها والا علمها بالحش الخريش مي
مي ياربي لاتبلني قلته واقوله ربي لاتجعلنا من ردين الحظ والنصيب الله يغفر لتس ياميمتي انتي وهالدعوه
حتى لوتزوجت بيفشل زواجها ماكل الرياجيل نايف ولا حنية وحلم قايد يبي لها كف وتقويم للشخصيتها ويخوفي قرصة الاذن ماهيب جايتها الا ممن الجموح. ويحظها ان طاحت بين يدين الجموح والسبب بالاخبار الا بثتها للزين وعساها ماتنقلها لابوها الزين عاد وقتها بتكبر السالفه قايد بيصممم ماترجع الدانه للماهر وبيزعل العم وهنا بتثور ثورة الجموح وبتصير هي الذباح الصلاخ للمي مير الله يعينها من هالحين اعلن موزرتي وشفقتي عليها ويجعل ثورة الجموح برد وسلام على الضعيفه ههههه

هههه والله ياشلع قلبي الضعيف ماهر يقطع الحب شو بيذل وهو ينتظرها في السياره هههه اما لو مكمل المقلب لتمسي الجموح وراسها معلقه على كتفها اشوى انه هالمره فكر بمنطق


ياضمضم وانا اقراء جزء نجد ومبادرتها لابو طلال اقول غريبه صارت ضمضم اليفه وحليوه فجىه ههه واقول لا بتثور اكيد ومخاب ضني ههههه لا ن كل منهم فيه ترسبات الماضي لازم ينفضه ويبدى بداية صحيحه وكل واحد فيهم ماهو حمل جرح
ابو طلال وبدايتة مقارنته وريحة غيره من ابو عيالها وطريقة تعاملها معه

في سوال محيرني شوكه مدري شوقه كانت من ربع البي بي وتصور اكلها ههه وتحطه مدري حسيتها من هالطقه الله لايبلاني




الجموح وقايد ياربي رباه ودي احطهم ببخلاط واخلاطهم ذكروني بكساب وكاسره في رواية انفاس فيهم من العناد ويباس الراس لو وزع على بلد كفاهم ههههههه يمغثوني قسم



ضمني بانتظار المزيد والمزيدمن حرفك



ف عز الكلام سكت الكلام

السلاااام عليييكم

ضمممممــضمممممم

لو برد بعشره ردوود حرتي من هالخبله ماراح تبرد ..

احس هالمي ساااذجه ..عليها قل صح والا على قولتهم قربة منشقه .. مدري غباااء والا سذااجه

والا قل دبره ..والله العالم ان كلهن فيهاا .. بس تدرين احس هالنوعيه مايصحيها الا شي كااايد

اما انها راح تفقد شي عزيز عليهاا او بتجيها مصيبه تعلمهاا الصح على اصوله

يعني بالعربي بتجيها صدمه تسنعهاا .. >> وعلى قولة جدة هتونه جعلنا موب من رديين الحظ والنصيب يااارب

واحتماال ان وصايف هي اللي بتعلمها السنع ..

خااصه انه الى الان ماصار بينهم اي احتكااك .. والاروع ان ميووه مابعد شافت وجة وصااايف ..عاد هناا احسهاا بتخر مغمى

عليهاا لشافت جمال وصايف حتى وهي بهالعمر ..وبتعرف مي انهاا رغم صغر سنهاا مستحيل تكون ند لهاا وبتدري ان نايف

ماات محرووق قلبه انه فرط في ام عياله >> فيس متحمس لهاللحظه بفارغ الصبر .. وفيس ثااني شرير يبي يقهر ميوووه
خخخخخ


نجي لمااهر .. تدري بعد التفكير المنطقي والغير منطقي ..حسيت ان قاايد ابو قلب رهيييف مستحيل يسعى بطلاق اخته

منك .. بس هو بعد سوااتك يبي يعطيك درس كيف تتعلم الحب .. خااصه انه يشوف هالياسمينه تذوووب عشقاا عليك جعلك

تذوقه وماتبرى منه قل ااااااامين خخخخخخخخخخخ

نجد وابو طلااال .. والاحمريكااا هههههههههههههه >> لاتعليق .. مانبي نحرق الاحدااث >>فيس مصدق نفسه هههههه

وفيس ثااني يخااف يشطح بتوقعاات خارقه وتنسفها لنا ام اليزيد اللي يبي لها قرايه هاليومين هههههههههههههه



رهااان وهالخبل اللي اسمه طرااد .. ياخووفي انه بيتورط بقضيه ارهابيه بسبب هالطراد وافكاره ويصدق كلامه وتصيير صرااع دولي من يسجن هالمهبل .. الله يستر

صباح\مساء كل شي حلو على ضمضم ومتابعاتها

بارت اليوم اول ما فتحته تروعت لايكون ماهر طايح تحبحب با ايدين دانه

وين قايد عنه الا يطق ويموت بمحله من القهر وخبال اخته الي يبي يخلي لها هيبه عند رجلها وهي تلعب من وراه

ياشين المشاريه اذا خاب ضنك بغالي والغالي غلاه ماله حدود

وهذي شرهة قايد على ماهر حس انه هو المقصود بضربة دانه

وهذي ردت فعله وهو مادرى عن علومك ياماهر معها

وانت ياماهر اختك ما تعطيه وجه وهو القايد بكبره راكع لها بس هي بعد تبي لها صقعه على راسها تصحيها

وانت كنت تصدد عن دانه وهي تموت بترابك

بيجيكم مايرضيكم ياعيال تركي من عيال نايف

وهذا اولها اللقاء الاول بعد الهوشه داخل السياره والحبيبه كاشخه كشخة عرس ماهي لعب

يويلك ياطول ليلك ياماهركلن طالع من العرس معاه حرمته الاانت يامسيكين

لا وبعد بتفتح الجوال وتهرج معك لا بالله الا كملت عليك

ها الاسبوع مافي دوام

خذ اجازه عرضيه وينك وين الدوام الليل ثرثره مع الدانه مايجي الصبح الا وانت ماعاد ترفع راسك من النوم

وخلها اجازه ورى اجازه لين يحن عليك قايد ويرجعها

تذكر يوم دانه تنتظرك وحالتها حاله وانت ماغير طلعة بران واستراحات وطيور

يا الله عاد ذق ماذاقت
والله كل ماتذكرت شفقتك عليها وانت بالسيارة لا وتبي تشوف لبسها اضحك وانا بالحالي

وانتي عاد يا الدانه الحين دورتس خوذي حقتس من ماهر

الي من اول تشفقين على كلمة حب وهو احترام واحترام

عاد الكوره خلاها قايد بملعبك تغلي عليه وريه قدرتس

اجل خايفه يطلقتس ياقلبي على قلبتس الي كنه قلب عصفور ما اسرع ما طار لماهر

ونسيتي سواياه الي ختمها بكفختس بالجوال

انتي عاد كل ماكلم دقيقتين وسكري قولي قايد اخاف يدق ويلقاه مشغول وانا استحي منه

عاد هو بيستجن لين يرجعتس والله يعين ا ثنين ابواب اهله الي كل مامر باب صفقه يبرد حرته

وجموح الي بيجننها اتصالات

مي ولقافتها وتصرفاتها الي ماتقدر توزنها

وهي تحسب نفسها تسوي الصح وانها الوحيده الي تفهم

شفت نوعيتها كثير والغريب ان ازواجهن مبسوطين معاهن

ويشوفونهن ضعيفات وعلى نياتهن لكن محد فاهمهن

جموح بدت تفلت اعصابها والله يستر من القادم على مي من الجموح

ياحياة الشقا يا ابو طلال الحرمه بغت تروح من غداك

سبحان الله لحظة يحس الانسان ان الموت قريب منه تمر لحظات حياته بثواني

تاريخ حياته من انولد الشريط يمر بأدق تفاصيله وتتعلق صورة اقرب الناس لروح والخوف عليهم

اما قميص الريش هذا حفله بالحاله

اذكر صديقه لي الله يسعدها تقول ما ادري وش ضربني على راسي واشتري قميص ريش

ولبسته تقول صحيت الفجر على صراخ زوجها يقول هذي غرفة نوم والا حظيرة دجاج
قومي لمي ريشتس..
حياه جديده لنجد مابين واجبات وحقوق ويوم فتحت المحاضره مع ابوطلال

قلت هذي مهي نجد لدرجة اني اندمجت بكلامه وفزيت متروعه من بكاها مع انه هذا الطبيعي
ردت فعل نجد الكلام غير الفعل
ابوطلال تعامل معاها بطبيعته رغم ان تأثير اشواق واضح عليه المقارنات نازله ترف بكل حركات نجد

نجد من حظها مع ابوطلال ان اشواق ماكان فيها ولا ميزه تحسف محمد على طلاقها

وبيشوف اسلوب نجد ومعاملتها له مع انها اي زوجه طبيعيه بتسوي كذا بيشوفه شي عظيم

وهذا الشي الي بيخليه يجاري نجد بصدها له ويعذرها

وهي بتكون ممتنه له انه معتبر عيالها مثل عياله ..,


الوشم يا ثريا يشيله ابشرتس الليزر

والليز ر هو حب حاتم لتس انتي اتخذتي خطوه جباره والله محد يقدم عليها

حتى امتس نفسها عزلت نفسها عن نايف لكن ما تطلقت ولو بغت الطلاق حصلته

ماعاد فيه تراجع

كلامنا لك وانتي ماتدرين مكانتك عند المتيم قيس بن الملوح حتومي

الماضي بتفاصيله ماهو تحت الرجلين لا والله

الا احرقيه وذري رماده بليلة عواصفها تشيل الارض

وها الليله العاصفه هي ليلة زواجك

فهد راح با اوجاعه وجروحه

كم ليله وفهد نايم جنبك معطيك ظهره والفكر عند الصديقه

يفكر بوحده ماهي بحلال عليه وراكض وراها لين حطها على راسك

وانتي تفكرين وشلون تسعدينه وهو يفكر ويشلون يذبحتس وانتي حيه

انتي جاك ولد عمك وبالحلال واقدمتي على ها الخطوه

خلاص لاتشغلين فكرك والا ترى بتضيعين ولا ترتاحين

ماتركتي بيتك من فراغ وكنتي مقتنعه بخطوتك

ترى غيرك كثير اصبروا وبلعوا سوايا رجالهن ويمكن يكونن على حق

لكن انتي مشيتي بالطريق الي شفتيه صحيح

و الطبيعي انك تتزوجين وتكونين لك اسره ثانيه

وبما انك ما تقبلتي تعيشين مع شريكه لك بزوجك

وفهد اب كويس وما عليه خلاف لكن انتي كان الخلاف معاه انك كنتي رافضه الطعنه الي جاتك من الصديقه الي فتحتي لها بيتك

وهي ردتها لك بمنتهى الانانيه وبكل بساطه اخذت زوجك

خلي الماضي دروس وعبر لك

مع اني اشك ان عقدة فهد بتعدي بالساهل عليك السنين الي عشتيها معاه لابد مايكو لها تأثير

رهان ما ادري ليش انا يجي في بالي ان دراسته بتمر عادي كأي طالب اما أنه ينجح بدراسته

او انه ماقدر يكمل ويرجع لسعوديه ويدرس هنا

ماراح يكون فيه مشاكل زي ما اشوف بردود البنات..

واخيرآ

يارب احفظ لي اوخيتي ضمضم حاصده الا لقاب

هنا امبرطورة الحرف وقراءها بالجوار ملقبينها ملكة الضاد

وانا بسميك شهرزاد ملكة الرومانسيه

وبعد ها المدح عاد تكفين ام اليزيد طالبتس بقرا ليلة حاتم قبل تنزل ماعاد بي صبرانتظر مع البنات

مبدعه ضمضم

ننتظرك على احر من شوق حاتم لشوفة الثريا ...

مساءٌ يحمل في طياته تلك اﻷمنيآټ الصغيرھ المتطآيرھ نحﯜ السّمآ۽ ღ
سلمت لنا أنامل تخط الإبداع
إمبرطورية الحرف
لحرفك لذة گ لذة قهوة الصباح
لا عدمنه
الا بسألك ضمضم انت وراثه القفلات من انفاس قطر الله يذكرها بالخير
مسكين ذا الحاتم احس ان قلبه بيوقف
ارحمي حاله
الثريا ملكه على عرش قلبه وهو مابعد شافها حبها متمكن منه لدرجه فظيعه
تعجبني شخصية الثريا امرأة قويه مابكت على الأطلال ولا ندمت على طلاقها وتركها لولدها
في حريم كثار زي ماقالت تفضل العيش مع رجال خائن بس عشان عيالها ما يتشتتون
ام الثريا غير فضلت تشتري كرامتها على حساب حبها هي تشوف عمرها ماقصرت معه كيف يكفأها بزواجه من صديقته
واللي نزع حب فهد من قلبها قادر يزرع حب حاتم في قلبها خاصه انه بتشوف كيف هو عاشق لها وراح تستغرب الشئ هذا وليش ما تكلم قبل ما تتزوج
سؤالها لامها هي تبي تطمن اذا كان قرارها صح وما حد بيأكد لها الشئ هذا غير أمها اللي تعتبرها قدوه لها
وبعد أكيد سمعت بعض كلام وحش الحريم
اكل لحوم البشر لو الواحد يتخيل المشاهد هذا كان تاب عن التقطيع في أعراض الناس

الدانه وماهر
اللي سواه قايد من حرة مافيه هو شاف انه مستغفل من الجميع والكل يشق ويخيط من دون مايأخذ رأيه في اي شئ وهو معتبر نفسه المسؤول عنهم وهم أمانه في رقبته وكيف ما حافظ عليها وهو يبي يقرص إذنك
عشان تعرف قيمة الدانه والا مافيه اخو يتمنى لأخته الطلاق حتى لو قاله وهو معصب
اذا هدأ راح يحاسبك اكثر من حساب الضرب


الحين صرت مشتاق لها فوق ماتتصور
الواحد ما يحس بقيمة الشئ الا اذا فقده ليش البرود معها قبل ليش ما عمرك قلت لها أحبك والا عيب هذه عندك
اعتقد ان الدانه حامل و هذا الشئ بيساعد في رجوعها لماهر


نجد وأبو طلال
اول وجبه بغت تموت الحرمه بين يديك
صدق ان اشواق عقدتك من الحريم في ثرثرتك تتمسخر على كلامها عشانها تبي تسوي قهوه هذا انت عشت وشفت وش هي من الحريم والظاهر ان عقدتك انفكت وتبي شئ اكثر من الاهتمام بالاكل والملابس تبي اهتمام روحي وهي ما مانعت بس تبي وقت ولو انك حاولت مره ثانيه ماراح ترفض لانها تعرف ربها ولا راح تمنعك بس اللي صار في اول مره انك تحسها هي اللي تبي علاقه زوجيه وانت ماكان عندك استعداد بس الحين واضح كيف هي عاجبتك وخايف تحاول ويصير معك مثل اول مره
بس اذا شفتها بالأحمر ما راح تقدر تقام

مي
اذا زي ماقالت الريم ان البيت بيت ابو قايد فلها حق فيه ام كان بيت قايد فهذا شئ ثاني بس اللي اذكره ان ابو قايد معطي ولده الأرض اللي عليها عمارة المكتب
تصرف عفوي منك شب في عائله كامله بس زي ماقالت لك الجموح اذا غلطتي معها راح تتصرف معك بطريقتها وعاد هي ما تطيقك من وقت ماعرفت انك كنت لقايد قبل ما يأخذك عمه
الحين من تصرفاتك العفويه رحت وقلتي لـ الزين عن اللي صار بين عيال العم والزين عساها تكون أعقل منك ولا تروح تقول لابوها او أمها وتكبر السالفه اكثر
وبعد تقولين ان عريس الغفله بيهون من العرس يعني قاعده على قلوبنا

الجموح وقايد
هي تصرفت زي اي اخت خايفه على أخوها ماكانت تبي المساله تكبر
بس انت كبرتها أكبر من اللازم
بإمكانك تحرمه من اختك بس باطريقه ثانيه غير الضرب والهواش
اختك روحها متعلقه في زوجها حتى لو كابرت
وانت ذات في العجه وحرمتها منه بس قلبك طيب اذا كانت الدانه حامل ماراح تحرمهم من بعض
الجموح شكلك تعودتي على النوم في حضنه بس الكبر مخليك تقولين من القهوه والا اول من أمسك هجدتي
انت وماهر من نفس الطينه عيب عندكم تبينون الحب
اوجعتيه واوجعك معادله وانتهت خلاص خلى عنكم الهبال
حالتك صعبه
أتخيل شكلك وماهر مأخذ الدانه كيف بتواجين قايد وهو محذرك من التدخل في الموضوع وانت ابد ما عندك مدبره لهم لقاء العاشقين
بس ماتصيرين الجموح لو ماتعاندين

رهان
مدري ليش جاء على بالي قضية الشاب السعودي خالد الدوسري هو بعد طالب يدرس كيمائي
واتهم بتصنيع قنبله لعمل تفجيرات في ولاية تكساس الأمريكية
وحكموا عليه مؤبد
فطراد صنع علبة تونه وانفجرت وناوي يسوي أكبر
انتبه لنفسك انت عند ناس همه الأكبر القضاء على المسلمين و وأد العبقاره
اللي ما ينضمون لهم


ام اليزيد

سلمتِ