مسائگ كالَماء العّذبْ يَغسِل گل مَايَعگرْ صفُو أيَامگ

ضمضم ثرثره فاقت الوصف سلمت الأنآمل

طلال ونجد

موقف ابو طلال جد محرج معقوله التوتر ينسيك مفتاح بيتك والله ان نجد اصلب منك
لها حق تخاف منك ولا فيه واحد ينط على بيت الجيران ويقول لها متعود انا وجيراني على ذا الشئ ما وضحت لها من البدايه ان البيت اللي جنب بيتك بيت اهلك
لاحظت كيف المره عقلها كبير ماهمها المظاهر والا النوم في فندق همها الكبير الأيتام اللي تزوجت رجال يحميهم
اشواق هذه سببت لك عقده كبيره من النساء
لدرجه انك من طلقتها ما دخلت غرفة النوم
كرهتها وكرهته اي شئ يذكرك فيها
بس ما فكرت ان نجد عروس ولازم تغير غرفة نوم زوجتك الأولى قبل ما تأثث غرفة العيال
علاقتكم بدأت متوتره شوي وهذا في مصلحتكم عشان تأخذون وقت تتعودون على بعض ومع وجود العيال بيقربونكم
وبتعرف طيبة قلبك

الدانه وماهر
كلم زانت جد علما جديد
مادامك تحبها ومصر على ارضاءها ليش العناد والا الواحد مايحس بقيمة الشئ الا قرب فقده
اول المشاكل كانت بينك وبينها وتقدر تراضيها بس المره تدخل اكثر من شخص وعرف بالمشكله وأبوك أولهم عشان تعرف ان لها ظهر
وشفت كيف الكل واقف ضدك
الحين هي رضت لما حستك صادق في اعتذارك ولاحظت حبك اللي انت مخبيه
فيه نوع من الرجال ماتعبر عن حبه بالقول بس أفعاله تدل علو مدى حبه مثل ماهر
وفيه حريم تبي التصريح بالحب ماترضى بالأفعال زي الدانه

من الأول كنت مصره على تدخل قايد في الموضوع الحين وش رأيك في ردة فعله على ضربك
كان بيسوي أكثر من كذا لو انت اللي جيتي وقلتي له
وبعد بيعتب عليك في الشئ هذا

ماهر وشلون بتتصرف اذا منع الدانه عنك
ًمعقوله تقهر ولد عمك وتصير المعرف لاختك
مع اني اعتقد ان الجموح بترفض خوفا من تطور المشاكل
وبتنقم انت عاد بطريقتك وتقول لابوك عن خبال ولد عمك وأختك


الجموح وقائد
هدوئك اللي هو ملاحظه كان خوف على اخوك وعلى قايد لا تصير بينهم مشكله
وانت تعرفين ماهر واحد عصبي
وقائد ما راح يرضى عن ضرب أخته وفي بيته
صدق ان مي هذه قبسه على قولتهم
خربت كل شئ مادري هي لقافه والا حب للمشاكل يعني اثبري وإذا سمعتي هواش وطبعا هذه هوايتك المضله التصنت ذيك الساعه دقي عليه وقولي الحق اختك
بس شايفه الوضع هادي ليش تنكدين على الجميع
بعد المعركه اللي صارت بين قايد وماهر
وإغماء وصايف إن شاء الله تنطردين عند إخوانك
والا عريس الغفله يعجل بالزواج خلينا نرتاح منك

اعتقد ان ابو تركي بيكون له تصرف من قايد وماهر وهو اللي بيحل المشكله

وطبعا قايد ماراح ينسى ان الجموح تعرف ويعتقد انها واقفه مع أخوها
وراح يفسر هدوئها معه وتقبلها له بانها راضيه عن تصرف أخوها


ام اليزيد


سلمتِ

السلام عليكم ورحمه الله وبركاته
مساء الخير....مساؤك نفحات من ذكر الرحمن
الف الحمد لله على سلامتك يالغاليه..وربيتي ماجبتي وعساك تذوقين برها هي واخوانها..جد فرحت بطلت الحلوه علينا من جديد..يانا مشتاقه لها مررره ...ومشتاقه لثرثره اعيالك وهبالهم...

ماهر والدانه

انا دائما ضد الضرب مهما كانت اسبابه.......يعني مو من حق ماهر يضربها مهما سوت يعني بس عشان استفزته بكلامها وعاملته مثل ما يعاملها بكل برود ولا مباله ......يفقد اعصابه ويرميها باللي بيده فرضا صابت عينها والا نحرها واذتها من جديد ويسبب لها عاهه جديده مو كافيه رجلها اللي الى الان هي مو قادره تتخطا عرجتها ومسببه لها الم نفسي ......يعني هو من حقه انه يعاملها برود ولامباله وهي لاا هو من حقه انه يفقد اعصابه ويضرب وهي المفروض انها تتلقى كل انفعالات بصدر رحب وتسامحه على كل هفوات هي بعد انسانه لها مشاعر ولها طاقه معينه تقدر تتحمل بس بعدين تنفذ هالطاقه وتنفجر من اقل موقف...

انا ما اللوم دانه انها مصرة ان قايد يتدخل بالموضوع ...لانها تبي تحس ان عندها سند وعزوه يدافع عنها وياخذ بحقها من اللي قهرها...هي اللي قاهرها انها حاسه ان ماهر يقدر يتطاول عليها لانها يتيمه ولان ابوها مو موجود عندها بياخذ حقها حاسه بيتم فضيع .......وتبي قايد يحل محل ابوها ويرد لها كرامتها وعزها من ماهر...

ماهر تسلم يدين ابوك انا اشهد انه رجاااال وكفو اللي عز بنت اخوه اليتيمه وخذا حقها من بين عيونك ....انت كنت من زمان محتاج لاحد يوقفك عند حدك لانك تماديت كثير بقهر دانه....وعشان تتادب مو كل عصبت حطيت حرتك بهالفقيره ومديت يدك عليها ...اللي ماترضاه لاختك لاترضاه على بنت الناس...
واتوقع ان دانه عقب ماشافت ردة فعل قايد تجاه ماهر والعراك اللي صار بينهم تحسفت انها فكرت تخبر قايد لانها اكيد مابتتحمل الليبيصير بين الاثنين والقطيعه الي راح توقع بينهم ...ويمكن يحتم الموضوع انها تجلس بيت اهلها وخاصة اذا اصر قايد على عدم رجوعها لماهر هنا راح تتعب كثير خاصة انها متعلقه كثير بماهر ولاا تستغنى عنه مهما ادعت وقالت ويمكن تتعب كثير من الي راح يصير

وماهر بعد مهما كابر وبين ان مشاعره تجاه دانه محايده فهو كااذب عندي احساس انه يكن مشاعر كبيره لدانه ..والا وش يحده انه ينفذ لها طلبها بسكن المستقل اللي جالس يسويه مفاجاه لها....والا اصراره على انه يراضيها قبل لايروح لدوامه هو مايبي الفجوه الي بينه وبين دانه تكبر وجالس يطمها ...بس لانه هو مو من النوع الي يبين مشاعره عشان كذا هو تعبان ومتعب دانه معاه..

جموح وقايد

قايد قايد قايد ....لام الله الي يلومك بالعكس ردة فعل قايد جدا طبيعيه مافيه رجال حر يرضى ان اخته تنهان والا تنضرب ومن قبل زوجها وهي تحت ظله وفي بيته....اكيد انه حس بالقهر والغبينه بتقولون هو محامي والمفروض انه يمسك اعصابه ومدري ايش لاااااااا هو اللحين الي يسيره مشاعره مو عقله في لحظه تخلى عن العقل والمنطق وصارت مشاعر الاخوه والابوه اللي تقوده انه ياخذ حق اخته ودافع عنها...

يمكن عشان انا عايشه تقريبا بنفس المجتمع وعايشت نفس الاحداث صارت عندي ردة فعل قايد طبيعيه...لانه مافيه احد يرضى لاخته او بنت المذله والاهانه...
واللي ذبح قايد هو ان الكل عارف باللي صار لدانه ولاا حد خبره ....وخاصة انه ماخذ دور الاب لاخواته وامخ وهو السند والحامي لهم بعد الله وحاس انه ماقدر يحمي خواته مثل ماهو متامل ...اولها ترمل نجد وثمن طلاق ثريا وبعدها
احتراق بيت نجد يعني كل شيء تلاابعضه....وهذا غير مشاكله مع الجموح وانه تعب على ماحصل عليهااااا...انا هنا ما ابررتصرفه او انه راضيه عنه بس حاسه بضغوط اللي عليه ....

بس اذا راحت السكره وجات الفكره بيحس قايد انه تسرع في هواشه مع دانه ...وخاصة بعدطيحة الجموح الللي الله يستر منها...وهو كان المفروض انه يتخلى عن عصبيته وانفعاله في هالمواقف ويحكم عقله ويقدر يرد لدانه اعتبارها بانه يحرمه من شوفتها ...ويخليه يتحرمص عليهاا...بس عسى اللي صار مايسبب أي حساسيه بينهم..

الجموح تنازلت عن عنادها وغرورها بس عشان تغطي على افعال اخوها....يعني لو فرضنا ان ماهر ماتخانق مع دانه وطلب فزعة اخته انها تسهل له ....كان سمحت لقايد انه يقرب من هالكثر والا ياخذ ويعطي معها ...اكيد لااااا

اتوقع ان وصايف هي اللي راح تحل هالاشكال وبحكمتها بتحاول انها تلم الموضوع وتحله قبل لايكبر اكثر من كذاااا

محمد ونجد
شر البليه مايضحك والهي انك يامحمد مضيع عقلك ...اجل فيه رجال ينسى مفتاح بيته وبوكه واغراضه يوم ملكته هههههههههههه الصراحه موقف لايحسد عليه....
صحيح ان نجد كشت من موقفه وفكرت فيه تفكير خاطيء بس حبيت العفويه والتلقائيه اللي تعامل فيها محمد مع نجد عشان يكسر حاجز الرهبه والخوف...وتمشي الليله الي شكلها موراضيه تمشي

عندي اساس انه طيبة قلبه واحساسه الكبير تجاه اعيال نجد هالشيء بيكبره حيييل بنظر نجد وهالشيء بيقربهم من بعض اكثر....وخاصة انه محروم من اعياله ومحروم من انه يتعامل معهم على راحته وشكله راح يفراغ عاطفة الابوه الي فيه بعيال نجد...وهي بتقدر هالشيء وخاصة ان العيال بحاجه الي عطف وحزم الاب ...صحيح هي مو مقصره معهم بس برضو بحاجة الابو اللي يقوم ابهم ويعلمهم الصح من الخطا ويحميهم من أي اذى خارجي...

نجد ...موراضيه تتقبل الواقع وان ابو ثامر الله يرحمه ...وهي اللحين بذمة رجال المفروض انها ماتفكر الا فيه وتقوم بواجبه....بس هي حاطه فكره وحده ببالها الطلاقمن بو طلال اذا ماعجبها الوضع وخاصة بعد ماخذت كلمه من عمامها انها تنفصل اذا مارتاحت..وهي تمسكت بهالكلمه
حاسه انها بتتعب كثير معاه وبتعبه على بال ماتتاقلم مع الوضع ...

مي
ياعسى مافيه مي...في مثل يقول يا غريب كون اديب...انتي ماحترمتي خصوصية البيت اللي انتي ساكنه فيه ولاا احترمتي حالك...اللحين وشدخلك بدانه ومشاكل ومن عيينك مراقب لها عشان تروحين تخبرين قايد...هم لو يبون يعلمونه ماهم بعجزانين تراه اخوهم واقرب لهم منك...بس هم مايبون الغثى والاذيه له ويبونه يعيش ايام زواجه بهنا وسعاده...مو مثلك همك بس نقل الاخبار والتجسس على خلق الله...

الي مو قادره استوعبه صبر وصايف عليك وعلى رفالتك...بالله الشايب نايف شلقى فيك عشان يستمر معك والا ويبتلون اعياله ببنت منك ...هي تحسب بتصرفها الهمجي ذا انه بتحل مشكلة دانه وان دانه بتركض لها تحب راسها..هم لو يدرون بس انها السبب باللي صار بين قايد وماهر والله لو يضربونخت ويرمونها بالشارع ماحد بلايمهم....سوسه تنخر فيهم وتزيد عليهم المشاكل...بالله وش مستفدين منها غير المغثه والمشاكل الي هم في غنى عنهم...

بس اللوم بعد على قايد ووصايف اللي ماوقفوها عند حدها وعلموها ماتتدخل بشيء مايعنيها ...وانها مجرد ضيف غير مرغوب فيه ويوم المنى طلوعها من بيتهم...

ام اليزيد جعل من جابوك في الجنه بانتظارك ياعسل

السلام عليكم

بنات انتم شايلين على مي. صح هي غلطانه

بس انا مدري البيت لنايف ولا لقايد ......اذا لنايف ترا لها ولبنتها نصيب ولها حق فيه وتجلس بكرامتها بلا منتهم اما اذا كان لقايد فشي ثاني

حللوا شخصية مي .........

بنت لعايله اقل شي ينقال عنهم انهم الله يستر علينا وعليهم......
الابو رماها لقايد هديه اما لانه حامى عنه او عن حدا عياله بمصيبه ولا عنده شي يعطيه الا بنته

تخيلوا نفسية بنت جميله وحلوه ابوها يهديها او يعطيها كعوض عن ماده مايملكها او يبي يتخلص منها ....وقايد يعافها ويتلقاها الابو وهو شايب وهي

بعز جمالها وشبابها ومع ذلك عاشت معه لانه عزها وشافت معه الي ماشفته من اهلها بس الله ماطول لها والمقرود مقرود مات نايف وجتها صكات بقعا

ارمله بعزوعز وعز شبابها ومعها طفله اهل الام ماهنا تكانه ولا يعتمد عليهم واهل بنتها اكره مايشوفون على وجه الارض هي ...... وقايد بين النار والغار

يرضي امه ويترك مرت ابوه. واخته ولا يرضي ربه ويمكن الابو موصي ويضف اخته ومرت ابوه وهي للحين الله حق قبل مكالمتها لقايد تصرفاتها

مقبوله لعمرها طفاقه ولقافة حريم. ويمكن بتشوف وتسمع الي ماشافت ولا حست فيه وحتى زواجها الثاني كأن الرجال راجع حساباته والأكيد بسبب ا

اخوان مي ان مماشيهم ماهي زينه........

. انا ما أتعذر لمي لكن هالظروف تهقون راعيتها بتكون نفسيتها صحيحه وواعيه وهي تحس انها منبوذه ومكروهه

من الجميع الكل يحسسها انها سرقت فرحة واستقرار البيت وانها اخذت نايف من وصايف وفرقت شملهم ........

السلام عليكم ورحمة الله
هلااوغلاا نجوول....الا بالله عليها الملامه وكبيره بعد...
امنابالله انها كانت مرت ابوهم ....واتوقع ان البيت لوصايف او اذا كان لنايف اكيد ان قايد معطيها نصيبها وهي فسفست على هبالها...او اخوانها خذوه منها...يعني اللحين تعتبر غريبه عنهم وخاصة انها صارت بمة رجال ثاني....ووجودها بيت قايد ماله دااعي وهي تعتبر عاله عليهم...

لاا تقولين هي ماهنا عقل ولاا تكانه...لو مالها عقل كان ماراكضت واعرست من جديد...هي وحده انانيخ همها نفسها وبس وكيف تونس عمرهاااا.....ماحسبت حساب لاهل البيت الي ضافينها ببيتهم وحاشمينها جالسه اكل ومرعى وقلة صنعه...بس فالحه تتصنت عليهم وتنقل اخبار..مع ان قايد محرها من قبل ماتتعدى جناحه...والثريا كذا مرره منبهتها
بس هي عمك اصمخ...والله اذا كانت هي طالعه من بيئه الله يستر عليهم وش ذنب وصايف وبناتها يتحملون رفالتها وقلة ادبها....

ولاا تقولين ابوها رماها لواحد كبير ومدري ايش هذي هي وهي صغيره قدرت على نايف وفرت مخه بخبثها ودلاعتها
وقدرت تجيب راسه...يعني مايقدر عليها الا ربها..

وقايد غلطان والغلط راكبه من راسه لساسه...صحيح ابوه وصاه على بنته وزوجته بس خلاص ميوه اللحين صارت على ذمة رجال رخمه وهو مسؤول عنها ...وماله دخل فيها يجيبها لبيت امه ويحر قلبها ويجدد جروحها وهي تشوف غدر وخيانة نايف لها تصول وتجول ببيتها وقدام عينها.....واخته بس اللي المفروض يقوم ابها وهي المفروض بس تعيش معهم...

ولو انها حاسه او حتى عندها ذرة احساس بالنبذ صح كان انثبرت بغرفتها ولاا تدخلت باللي مايعنيها