عدنــــــــــــــــــــــااا


والله هالتوسونااامي احسه مسوي مفعوووله فينااا ههههههههههههه

الله يغربلتس ياميوووه كان ماخليتي فيناا عقل

الا بسألك ضمضم ..

ألحين الزين ليه ماتفرد شعرهاا ؟؟؟؟>> فيس يفكر فيهاا خخخخخخخخخخ

يعني من كلامك ان شعرها رااااايح فيها .. >> فيس راحمهاا

مع اني احسه زايدها ملح هههه

إمْبرَاطوّرة الحَرْف




محبين ضمضم ادخلو هنوها ع الرابط

صباح الورد .......صباح الاشواق .....ياهلا ببرنسيسة الابداع نور المنتدى برجوعك وطلتك ....ومبروك للمرة الثانية على المولودة وعقبال ماتزفيها عروس انتي وكل غواليك ..... للاسف فاتني التعليق على الثرثرة الي راحت بس شنسوي ضريبة الامومة تتطلب مرض الاطفال يستنزف طاقة كبيرة مننا ....جسديا ونفسيا بس ان شاء الله تكون اخر الغيبات ......الثرثرة هذي قفلتها ابد ماكانت على الخاطر يعني ردة فعل قايد ماتوقعتها

ماهر والدانة

الدانة كانت مصرة على انو قايد يتدخل بموضوعها بس بااعتقادي لو كانت متوقعة انو ردة فعل اخوها الي شافته كان ابد مافكرت مجرد تفكير انها تعلمه .....

صح ماهر محتاج درس يتوبه عن الصفة الشينة الي فيه وهي انو كل ماعصب ايده سبقته بس عقاب ابوه له كان يكفي والموضوع مايحتاج يتوسع دام الدانة مو كارهة لماهر وماتبغي الفراق الي صار بيكبر الموضوع وبيوجع دانة اكثر ماادري متى هالبنت بتعيش حياتها مرتاحة يمكن هالمرحلة الي بتمر فيها الحين بتكون صعبة جدا عليها وراح تستنزف منها طاقة كبيرة لو ماتدخلت وصايف بشكل حازم ووقفت قايد عند الحد الي تدخل فيه

الرجال تنازل عن عناده شوي وهمه يرضي زوجته قبل مايرجع لدوامه ماقدر يتجاهل الي صار منه كافي عليه الايام الي كان بعيد فيها وقلبه مو جعه على حال دانة والسبب هو دايم اكبر مواجعها تكون منه هو شي مو سهل اعتقد سبب عنفه وعصبيته وبروده هو انو يحس حاله مجرم ومايستاهل دانة وانو جنى عليها متأكدة انو الحادث الي سواه هو الحاجز وهو الي مخلي اعصابه دايم في حالة استنفار لانه هو الوحيد من اخوانه الي بسرعة يعصب ويتصرف بحماقة وهمجية مستحيل الي صار لدانة من سنين يكون ضرها لحالها ولا يكون عدى عليه هو من دون عواقب سواء من اهله او من نظرات الاتهام له واحد بسن مراهقة فترة خطيرة يرتكب شي خطير يأثر على حياة انسانة او طفلة تعذبت بالعمليات بدون ماتستفيد اكيد بيكون لها اثر على نفسه

وانا مااستبعد انو يكون مثل اخوه حاتم وولد عمه قايد حمل مشاعر لدانة من الصغر بس الي صار حوله لانسان بارد بالمشاعر ومتهرب من المسؤلية ومجنون بالعصبية

الي صار الحين راح يبعد الاثنين بالجسد بس لكن راح يتقربو بالروح ولما يرجعون بعد تعب ومعاناة وحرمان وسهر ليالي من تزمت قايد بتكون رجعتهم مختلفة للاثنين ماراح تكون عندهم نفس هالتصرفات لانو صار وقت التغير للاحسن


نجد ومحمد

ابو طلال بصراحة فاجأني بتصرفه مضيع مفتاح بيته شهالفوضوية الي عايش فيها مع انو احساسي يقول انو المفتاح موجود بس التشويش الي براسه هو الي اعمى عينه عن شوفة المفتاح

لكن تصرفاته العفوية والي نابعة من قلبه الطيب هي الي بتقرب العيال منه نجد بتشوف الشي الي كانت متجاهلته سنين وهو حاجة عيالها لعاطفة الاب واهتمامه صدق هي ماقصرت بس يضل عطف الاب غير عن الام وان كانت هي تبذل مجهود اكبر بحياة عيالها

هي لانها مو متقبلة ابو طلال منتظرة فرصة تتصيدها عليه علشان تتخلص من قيد الزواج حتى قبل ماتعيش هالتجربة وبما انها شارطة على عمها انها لو ماارتاحت ترجع مطلقة فحطت ببالها عادي ترجع صباحية عرسها متجاهلة الكلام الي بيطلها الارملة غير عن المطلقة فكيف بمطلقة عروس ماكملت 24 ساعة

مااعتقد انو بتعيش هالفترة مع ابو طلال كزوجين على الاقل اول الاسابيع يعني بياخذوها فترة تعارف مع انو كسر الحواجز من البداية هي الي بتقربهم اسرع يعني احس بيكون في صعوبة من اطالة الانفصال بين الاثنين وبتبطئ التفاهم ورمي الماضي ورى ظهورهم

نجد ماراح تندم انها تزوجت من ابو طلال وهو نفس الشي بس الاهم من كل هالامور انو الاثنين يتركو المقارنات بين حياتهم الي قبل وحياتهم الحالية لانو الاشخاص تغيرت ومثل ماعاشو قبل راح يعيشو الحين والخيرة فيما اختاره الله من توكل عليه ماخاب ....ننتظر تطور الاوضاع بينهم


قايد والجموح

الجموح علشان اخوها قدمت تنازلات منها لقايد مع انها لو تستغل هالخطوة لصالح حياتها بتكون هي الرباحنة ...تترك فكرة تضييع عمرها الباقي بالانتقام الي مابيفيدها ولا بيرجع سنينها الي راحت .... وتعيش حاضرها يمكن تأخير هالزواج خيرة لها تشوف بنات عمها الي تزوجو قبلها وتخليهم عبرة وحدة انطعنت من اعز شخصين وانغدر فيها ورجعت مطلقة رغم انها كانت زوجة سعيدة وام

والثانية ترملت وصار برقبتها ايتام وضاعت احلى سنين عمرها ..........والثالثة تعاني من برود الزوج والجفاف العاطفي وتتمنى طفل يغير روتين حياتها .....يعني هي ايش يضمن لها انها لو تزوجت من زمان مابصيبها الي صاب بنات عمها

اما قايد ماحبيت العنف الي استخدمه توقعت بيكون له تصرف قوي يضمن حقوق دانة ويحفظ كرامتها في المستقبل بس بتصرفه الغير عقلاني كبر الموضوع اكثر عمر العنف ماكان حل ........يعني هو متوقع انو تطليق اخته بيكون سبب لسعادتها وبيضمن راحتها بقراره ....الموضوع هذا بس من حق دانة وماهر يقررو فيه ماحد له حق لايسوي لي فيها المحامي الي بيدخل المحاكم مع ولد عمه ويجبره يطلق ويجبر اخته ويحرق قلبها ويدمرها ....

يبعدها عنه ويحرمه من شوفتها او التواصل معاها لفترة كقرصة للمستقبل ....بس قايد عليه شطحات ترفع الضغط هو يوم ضيع عمر بنت عمه كان همه يرضي غروره وماهمه حرقة قلب عمه وعيال عمه على اختهم هو بعد مو احسن من ماهر كل واحد همجي اكثر من الثاني وكل واحد له طريقة اجرامية مختلفة

قايد ماهمه وجع امه وحرقة قلبها في شوفة طبينتها بس علشان يرضي الناس ماكأنو هالعلة الي جايبها لها اخوان وزوج مستقبلي هم مكفولين فيها بس هو مايشوف تصرفاته وغلطاته بس يعرف يحاسب غيره

المصيبة لو مااحد تدخل ووقف قايد عند حده ممكن الموضوع يأثر على حياته مع الجموح وهو مابيهتم وحياة حاتم مع الثريا وحتى علاقته هو مع عمه جد شي ماتمنينه حصوله


ميوه

نجي عاد للعلة قبل ماتسوي فيها الذكية الناصحة تعدل الاعوجاج الي فيها وحدة مايهمها الا التمقل بالرياجيل لاحيا ولا مستحى همها تطلب فلوس وتتشرى بحاجة وغير حاجة .... هوايتها التسمع على الناس لاخوف من الله ولا خجل

هي ايش الي بتستفيده من الي سوته متوقعة انو دانة بتجيها تشكرها ولا بترضى بتدخلاتها يعني هي لو تبغي قايد يعرف بيمنعها شي .... هي اصلا من تكون علشان تحشر عمرها وحدة منبوذة غير مرحب فيها والي سوته بيزيد كره الي بالبيت عليها ومااستبعد يعطوها بوجهها انها تعجل من طلعتها من البيت لانها مو حاشمة الي بالبيت

تتنصت من ورى البيبان وتحشر عمرها وهي ماتمون على احد مجرد علة جالسة على قلوبهم مااعتقد لادانة ولا وصايف ولا الجموح الي عرفت انها من نقل الحكي بتسكت لها لازم تتعامل بالتعامل الي تستحقه وبدون مجاملات ولا لف ودوران يعلموها حدودها مو مطلوب منها تحل مشاكلهم اذا فيها خير تطلع طاقتها ببنتها الي حتى لسانها معووج من سناعة الام وزود الاهتمام حاشرة خشمها بناس ينتظرو فراقها اليوم قبل بكرة وبنتها اخر اهتماماتها بس اللوم مو عليها اللوم على الثور الي جايبها بيته ومسكنها هي بجناحه وبنت عمه عاطيها الملحق ماراح تفارق هالمي وتعجل بزواجها الا من تنكيد عيشتها الى اعظم من عيشتها عند اخوانها بنشوف تحس على دمها وتنقلع لو لا


وصايف

الى متى صبرها على وجود العلة خرابت البيوت ببيتها بالاول كانت سبب بخراب بيتها والحين بتخرب بيت بنتها جالسة ماخذة راحتها ببيتها وتتسمع عليهم وتنقل الحكي اذا ماقدرت توقف ولدها الي ماحشمها ولا عمل لها قدر وهو سبب وجيعتها ومع ذلك ماانبه ضميره وحاول يعوضها بخراب بيتها رايج موجعها للمرة الثانية جايبها تحت عينها الي ابوه ماسواه هو سواه وحقق امنيتها انها تسكن ببيت وصايف

لازم يكون موقفها صارم مع قايد في حياة بنتها وتخليه يكف ايده عنها زعلها كم يوم مامنعه عن الي براسه كان ينام مرتاح البال ودمعت امه مانشفت اي توفيق يطلبه بحياته شهالقلب الي عنده يتحمل وجع امه علشان وحدة ماتسوى
لازم وصايف تستغل طيحتها مو كل الي يبغيه قايد لازم يتنفذ رضى ولا ابى مثل ماهو اوجعهم ومااهتم هم بعد لازم يعاملوه نفس ماعاملهم هل بيرضيه هالشي وبيقبله طبعا مستحيل

في انتظار الثرثرة القادمة