شبية القمر والله أني مثلك جلست احوس وادوس ومالقيت نفسي الا بالثرثره به حاجه تقرقع بصدري من مي ابي ثريا والجموح يعدون هيكلتها وتسنيعها حتى تغدي مره صاحيه وذربه بتقولون ماينفع بعد هالعمر اقولكم بالعكس في من جات من الديره ومن رعي الغنم وتعلمن الايتيكيت وش حلاتهم وش زينهم فهذا ميوه العوبه يربطونها بالكرسي وتعرفون مسطرة زمان حقت الوكيله الطويله خخخخ مدري ليش الوكيله كانت شريره وشديده اكثر من المديره<< اوهو الثرثره عندي اليوم مالها حساب
وثمن حبه حبه كل يوم درس في السنع والركاده خلاص جاها الي يكفيها من الدعاوي ولا أنسى وصايف معكم
هتونه هالصنف من الحريم كل مالهم في ازديد والوحده منهم فيها بجاحه و وجهه وسيع تخش في عينك وتقلبها عليك وطلعك الغلطانه الجاهله مادري وين الخلل من الأم الي تاركه دور التربيه وصارت التربيه على الشغالة والا الدلع الزايد عن حده خلها رخوه وامها مازالت تشوفها صغيره ولاكبرت تعلم ويوم تكبر مايفيد فيها ولا نظلم أمهات يربون ويعلمون لكن على قولت جدتي الصلح من الله
والله ياهتونه إذا عندك وحده انا الله بلاني بعشر منهم لكن صبراً جميل والله المستعان << وحده ماصدقت تفك البقشه خخخخ

أحم عندي ملاحظه على ماهر المفروض يأجل لقائه بالدانه لصبح لما قايد يكون بالشغل لكن يستأهل ماجاه ليش مايسمع نصيحة الجموح بس وش نقول مخفه مابه عقل من بعد ماطرأ أبوه طارئ الطلاق انخبص خايف ان الدانه تركب رأسها وماترضى عليه كأني أشم ريحة حب نفحة من قلبك ياماهر لكن عقب وشو خراب مالطه خخخخ اذا فات الفوت ماينفع الصوت وما ظنتي عقب التكفخ والفضائح بترجع لك الله يسهل عليك روح بس دور لك مره غير الدانه وسكنها بالشقه الا تدري خذ مي والله أنكم من حديد بعض مطيورين بدليل انك صادمها بالبر ومابه زحمه
ياناس انتم خبرتم أحد يصدم بالبر يامال ال ..... اسكت أزين
<< لاحد يفهمني غلط أنا بس اليوم زعلانه يمكن أتراجع بكره عن كلامي

السلام عليكم ورحمة الله وبركاته

تسلم يمينك ام اليزيد لو ان القفله قويه وتقطع القلب بس الشكوى لله

اشوف العالم قايمين على مي اول انا اشد منكم بس رحمة المقروده جاها ماكفاها بنحسن الظن ونقول انها كانت خايفه صدق على الدانه .....بس عجزت عجزت يانا فيني سوء ظن ياهي فيها سوء نيه او قل دبره الله لا يردي لي حظ ولا نصيب
من اول قايله انه اعقل المهبل ولا بعقلك تهجدين الرجال وهو عند مرته تالي الليل اختها عندها واكبر منك لو يبون قايد يدري ما احتروا شورك

مي شخصيه انظلمت بحياتها وتحس ان قايد هو سندها الوحيد وهي مثل البزر الي يعلم ابوه بكل شي يعني شف تراني احبك واعلمك والباقين جاحدين عليك ..........
وفيه كثير من ها الشخصيات بحياتنا يركضون خاطفغين لهم علم ويحسبون من غلاك يعلمونك به ويمكن بعدها يصير خراب بيوت و طلاق وغرابيل ......

الجموح والثريا والدانه الله يعينكم من الي صار والي بيصير ما اظن ان الموضوع بينتهي على خير كل ماكثر اطراف المشكله كل ماتعقدت اكثر ليت الجموح تقوم ابوها ولا عمها قبل لا يتذابحون .......

الدانه جاك يامهنا ماتمنا يالله استناسي اخوك ودرا وبتفرقون بس ودي اشوف عيونك يوم قال قايد ولا تمسكها وانا حي
ماهر اول مره تجي الدانه بكلك وبشوقك ولها وعلشانها بس...... ماودي اتفاول عليكم لكن شكل بدت النهاية والمشكله بعد ما تعلقت فيها الظاهر ان دعاوي الدانه تحققت بتذوق قهر فراقها الي غصب عليك وعليها

محمد ونجد بالعكس يمكن الي صار يوضح لنجد ان ابو طلال مرتبك اكثر منها وهذا دليل انه نقي وصافي
والمفروض من اليوم تبدأ حياة جديدة وتنسى الي راح لأن شرعا ودينا انتهت حقوق ابو ثامر وجاء حق ابو طلال
ولا تتوقع انه مهما كان صبور بيرضى انك تستمرين بجر الذكرى وانتي على ذمته حاولي صح صعب لكن شفتي ابو طلال من الشخصيات السهله الهينة بالتعامل وهذا من حظك


مين الي داخ الجموح وان شاء الله يلهون فيها وتبرد نار هالشر الي ولعت بين عيال العم والنسباء اول وتالي

مي اتوقع انه خايفه وترتجف ماتوقعت ان بصير الي صار وليتها تكلم زوج الغفله وتروح من الخرعه معه وهم مع الجموح

بالمستشفى لاهين عنهااا لأن لو رجعت وصايف ودرت ان هي ساس المشكله وهي الي معلمة قايد اتوقع تطردها من البيت

ننتظر يوم السبت وام اليزيد بكل شوق

صباح\مساء كل شي حلو على ضمضم ومتابعاتها

بارت اليوم المفروض اسمه يبي يكحلها اعماها

وهذا حال ابطالنا بها البارت كل واحد بيكحل الوضع اعماه

مي فعلن تعكس البيئه الي طلعت منها

تصرفاتها الحمقاء جابت مصيبه للعايله الي احسنت لها

الحين ماصدقنا ماهر يجي ويعتذر ويقول له كم كلمةحلوه من الي تتمناهن الدانه

وانتي مدري وش المقصد الاكيد انه عن حسن نيه بس شوفي وش بيصير فيتس

يويلتس يا سواد ليلتس كل حريم العايله بيعلنن الحرب عليتس

لكن خوذيها من قاصرها يا كلمي رجلتس يستعجل بالعرس

والا عودي لبيت اهلتس هم فاهمينتس وانتي فاهمتهم

وخلي الكايديحلون مشاكلهم بمعرفتهم

والله ياشين سويتيه ماينترقع الرياجيل كسرت بعضها برنة جوال منتس

جميح ماشاء الله مبدعه بالنصايح وحل مشاكل الغير ومشاكلك ...........نقط توقفين عندها

ماله داعي ها الفطاير والبرتقال ياليل القلق وبداية المشاكل

انتي عارفه ان ماهر اذا قال فعل ورى ما اخذتي احتياطتس

كان على طول رحتي غرفة النوم وماخليتي فواحه والا شمعه ماشبيتيها ومن دخل قايد

سحبتيه للغرفة ورحتي على التلفزيون وعليتي الصوت لقناة مكه خلي القرآن

يهدي جوكم المشحون واذا في اصوات تضيع مايسمعها

واخفيتي الجوال تحسب للمفاجاءت

مطلعه اي عذرقايله بشحن جوالك وطفيه بدون ما يحس واذا ماقدريتي تطفينه

جايبه فوطه ولافه الجوال عشان مايطلع له حس

ماخفتي الدانه نفسها تدق ماهو مي وش قالت لك الثريا ماقالت ان الدانه ماتبي احد يناقشها

لكن عاد سبق السيف العذل ومي بطت القربه

وكلها بتجي على راسك يويلك ياجميح وش بيسوي فيك قايد بعد ها الحركه بيشوفك نجوم القايله

ولاعاد بيصدقك مهما سويتي له بياخذ موقف انه مايزين لسانك الا اذا بغيتي شي

بنشوف وشلون تدافعين عن نفسك ياحلالة المشاكل ووقفتي عاجزه عن حل مشاكلك

ماهر كم وكم حذرانك وقلنا لك هد اعصابك الحين وش استفدت

كان سمعت نصايح حلالة المشاكل جميح يوم قالت تصبر ومن اصبح افلح

يوم طردك ابوك اخذت بعضك ورحت لشقتك وانثبرت لصبح لكن دوم متهور

شف تهورك وش سوى قايد حلف ماعاد تتل دانه بيدك

والعجوز وصايف طاحت وانصرعت والله اعلم وش طيحتها عليه هي جلطه والا سكته قلبيه

ثم عاد بتقعد بدال العذاب عذابين

فرطت بالدانه وذبحت امها الا صدق ماعاد فيه دانه

الدانه دارين من تشوفين ماهر بتضيع العلوم وش داعيه الهواش والصراخ

كان سمعتي كلام ثريا يوم انصحتك الا وتكبرين السالفه

الحين محد بياكلها غيرك انتي وماهرالمشكله كانت بينكم والحين انتشرت

من عاد يلمها وبكرا الجوال الي صفقتس ماهر فيه على خشتس

بيصيرالوسيله الوحيده لتواصل بينك وبين قالب الثلج

واشبعي من ماهر احبتس وياقلبي وياعمري الهرج الي ماسمعتي وهو قدامتس..

نسمع بشوف وحر جوف

هذي بتكون صوت بس وقايد بالمرصاد ماعاد فيه شوف يمكن ماهر يصور ويرسله صوره لتس

وانتي عاد شوفيها وتمقلي بالصور زين

وغني ياليل خبرني عن امر المعناه


ابو طلال ونجد

كل واحد فيهم عنده من الحواجز الي تبعده عن الثاني مسافات

نجد اذا بتتحسس من كل حركه من محمد ماراح يستمرون محمد ماعاد عنده صبر

اشواق استنفذت كل شي وحتى كلامه لنجد مااتوقع بيستمر با الاتفاق طويل

من ناحية علاقتهم كأازواج احتمال بيكون منه تقدم وها التقدم ما اتوقع بتتقبله نجد

وهي مازالت بدائرة ابوثامر
محمد عاد لاتصير طفق خلك قد كلامك الي انت خابر

اعزل نفسك فتره عن نجد واقبل انك تكون زوج على الورق لفتره

لحد مانجد تتأقلم مع وجودك وخصوص ان الزواج كان بدون تمهيد

اما المفتاح فهذا حفله بروحه اتوقع ضيعه من كثر ما محمد يثرثر على نفسه نسى وين مفتاحه

عسى ما انت ناسيه صدق عند اهل نجد ثم عاد الصباح اذا لقوه وش يفكك من تعليقاتهم

وبدال ما انت تنكت عليهم هم الي بيستلمونك

وكل ماشافوك قالو تكفي محمد انتبه وانت جاي لاتضيع نجد بمكان مثل ما ضيعت المفتاح

وانتي عاد يانجد ترى ماكل الأيام بيـض وسمحـة محيّـا

تساهلي مع الرجال وومثل ماقال قايد اعتبريه ثالث عيالك

وهو احسن من غيره بواجد ضعيف لقى من حياته مع اشواق

الي كفاه اتوقع بتمثلون ثنائي حلو

بيكون الابو لإيتامك والظهر الي تستندين عليه

محمد محلول امره اذا بغيتي يا نجيد

البلا الاعصار القادم الاعصار الشيني (نسبه لحرف الشين الي يجمعهن) اعصار شيخه واعصار اشواق

تجهزي لهن تدافعين عن نفسك ومملكتك الجديدة محمد ماعاد فيه حيل لمعارك النسوان

بتكونين بالمعركه بالحالك

ننتظر القادم ضمضم الي بيكون احلى واحلى

سسسالخير على الجميع..

شهالقفله الاليممممممممممممممممممممممممممه يام اليزيد الله يصلحتس :(
شيصبرنا شينومنا الليل.. بعدين فيني حرههه على هال مي يهبي ماااقواها ياختي وش دخلتس وش لتس
بهالمسسساكين عصافير الحب ماصدقنا يهديهم الله تنكدين عليهم < فيسس فاحط من القهر

والله عندي احساس ان السالفه بتتشربك وماهيب معديه على خير< فيس ودهه يصفق مي

امكن قاايد ماعاد بيرجع الدانه لماهر الا بسسبب شي قوي ..

ههههههههههههههههههههههههههههههههههههههه تسدح ضحك على الحرب والهواش اللي صاير من البنات على مي .

بعدين هالمسيكينه اللي طاحت وصصصايف وش صار عليها ياتسسبدي عنها اخترشت مع هالليل:(

قايد راح ياخذ موقف كبير من الجموح انه ماكانت صادقه بمشاعرها وكانت تسسللك له عشان اخوها< فيس
خابت اماله

ابوطلال

اءء هالانسان احسه طططيب وعلى نياته على وجههه بالله وش متذكر اهو كل شي ناسيهه
نجد ياحياتي عليها خافت على طول وخقت كل الدنيااا

بس لحظه في شي لفت انتباهي وجلست ساعه احاول استوعب *
ابو طلال يقول لنجد ياا اخوك !!!

وش يحس به مهما يكون اهي زوجته<<فيس متنح!!
مادري احس ضم ضم يمكن قاصده شي من ورا هالكلمه !




ومي شوفي لها صرفه تكفين قبل تجلطنااا انا اييد البنات خل يستلمهاا العم كاييددد بعصاااه يلبها بها لين تعرف ان لله حق<:)

ننتظرتسسس على احر من الجمر:(