السلام عليكم ورحمة الله وبركاته*

الحمدلله على السلامه ومبروك العروسة الله يخليها*
عن زواج الأرمله حقها سواء كبيرة او صغيرة ولو وراها سرب بزران بس فيه نقطة مهمة
انها تختار بزواجها من يعينها على تربية عيالها وماتلهى عنهم ويضيعون واغلب الرجال مايتحملون عيال حريمهم الا من رحم ربي. وكل ارمله لها ظروفها فيه الي تتزوج لحاجه لرجال
يتولى امورها... ومنهم الي لحاجات نفسيه ومن حقها ... وفيه للمادة خصوصا الحياة الحاليه ومتطلباتها... وفيه حريم ضعيفات وماهم قد الحياة القاسيه
لكن المهم انها مايطغى اهتمامها بزوجها على حق عيالها*


* * نجي للبارت*

الدانه .....بالنسبه للدانه الأمر موجع وخصوص ضرب الوجه والرسول عليه الصلاة والسلام
نهى عن ضرب الوجه ....وفيه هدر للكرامة بس انا متأكدة لو ان هالضربة صارت قبل سنة تحملتها وسكتت ولا علمت احد ...بس هي الحين بمرحلة أكون او لا أكون يعني ياا اعيش زي ما أنا ابي اعيش ولا خلاص ....مع انه بالحقيقه تبيه يندم ويتعذر قبل لا يدري قايد لأن لها يومين لو بتعلم كان علمت بساعتها ....بس محاوله منها لنفسها اني اقدر اخذ بكرامتيً واوجعك كان قلتي ماهر ضربني ليه الكذب وتقولين طايحه ...تهوشين انك بتعلمين قايد وانتي تدعين بقلبك ان قايد لا يدري بس عناد الحريم وجلافة الرجال خربت وضيعت بيوت وبيوت بس الحمدلله ان الثريا موجوده وعقلتها لأن اكيد قايد ماهوساكت عن حق اخته ابد خصوص انها اصغرهم وعرجتها مخليه تعاملهم معها غير ....

الجموح ......يوزن عقلك بذهب الا عند قايد مايسوى جمع نحاس .....
الحين عرفتي ترقعين لأخوك وتصفصين الحكي وتسوقين الأعذار
وهو ضارب البنت علو وجهه بيت اهله منقود ومنقود ومنقود وعليه شهود السفيه ما يعمل عملته
بس اقديتي يوم علمتي ابوك عزالله انه عصابة راس لعيال اخوه ولا لو غيره كان طمطم السالفه
وأن أن اوجع روحه قال له كلمتين على الطاير عسى يمينك تحرم على النار
بيبرد خاطر الدانه وبيوجعه قلبه

والوكاد ان قلبك بيوجعك لا دريتي ان عمك ضرب ماهر علشانك قدام قايد وحاتم وتتمنين ان الجموح ماعلمت عمك*

مي ......الظاهر انه اعقل المهبل طايرتن بعجة زين ماهر وتخيله رومنسي وحنون
الا رجلها وينه طولت خطبتهم كلن اخطب قبله واعرس وهي تحسب ذنوبه عند وصايف
اجل تشوفين ان الدانه رخمة اجل نشوفك يالشيهانه وش بتسوين

نجد....الله يعينها انا مع الي سواه عمها لأن اذا تركت ماهي معرسه وهي صغيره ولا لها
ظهر الا قايد الي مايدري من هو بيده ام ومرت ابو وخوات واخت صغيره ومرتن براسه حب ماطحن وعناد يناطح الجبال ......والسبب الأهم ان الرجال سنع وشاري وعارفينه وان ماحبها حشمها من حشمة قايد وابو حاتم *ويمكن تحبه مانقول تنسى ابو ثامر بس بيكون له غلا وعشره تركن ذكرى حب ابو ثامر بزاويه بعيده والي يشجعك زود ان ابو طلال مطلق مرته يعني لا جاره ولا وجع راس
العم قيس ال كايد .....تنصح وانت ماضيك يشهد عكس حكيك بس اكيد يوم شفت روحك لا ولد ولا تلد تحسفت على نفسك بس خلاص الطيور طارت بارزاقه*

مااهر ...
حاس انهاماعاد هي حريصه عليك زي اول وش كسبت من المداراة وهل الدموع وانت ابرد ماعندك
كأنك تسمع موسيقى ماهو شهاق بعدين مدري وشي الشغله المهمة الي خلتك تسافر وانت هاذا وضعك مع الدانه لو خناق زين تسافر لين تهدون ...بس انت ضاربها وموسم بوجهها يمكن واثق ان دانه بتسكت وتجحد عملتك
وهاذي مصيبتها فيك تحشمك وتمادى *بس وشي رضوتها !!!!! بيت مستقل ماله طعم بعد الضربه*
المهم ان جاك ماجا الدانه ضربه على الوجه وبنفس المكان ووسم بوجهك*
غرورك وصلك ان حتى ابوك بيصير بصفك و ان الموضوع مايستاهل زعل الجموح*
ياليت قايد يدري لأن الدانه ضعيفه وانت تماديت بتلاعبك بمشاعر الدانه*


الجموح ..... لا تعليق الظاهر ان عقلها يطير لا شافت قايد ويرجع لها لا بعدت عنه*

عجزت افهمها*


*ننتظرك يام اليزيد بكل الشوق والود

السبت له كم اسبوع كئيب من غير الثرثرة*

* * * * * * * * * * * **

يامرحبا بام اليزيد والحمدالله على سلامتس اشتقنا لتس وللثرثره كثير ب راسي كلام وش كثر بس ططار

اي شسمه انا صراحه وحده احب اقرا الروايات بعد ماتنتهي بس معتس انتي والمتالقه انفاسس ماقدرررررت اقاوووووم هههههههههههههههههههههه وظهرت من خلف الكواليس.

سجليني متابعه جديده متشوقه للثرثره . واهنيتس على هالابداع تسلم يمينتس


مابعد قريت البارت جيت طايره ابي ااقول اللي ب قلببي لاني اول مادريت عن الروايه حصلتها مغلقه:(

قايد والجموح ...
متشوقه وش بيصير معهم (:

راجعه اعلق ان شاءالله بعد ماقرا البارت




[/SIZE]

السلاااام عليكم
الحمدلله على سلاااامتك انتي والعرووووسه تتربى في عزك وعز ابووووهاااا
خسسسااااره كنت احسب اني انا اول من توقع انه ابو طلال اسمه محمد >>> فيس محبط
ماهر والدااانه ,,,
صحيح هووو غلط ...وغلطه فااااااااادح بس الله يهديه ابوووه كااان المفررروض ما يحذفه بفنجاال القهوووه في مجلس ريااااجيل وقداام عمه واخووه الكبييير ....الحركه هذي كبييييره على اي رجاااال ...فما باالك بشخصيه مثل شخصيه مااااهر
انا اتوقع انه بعد حركه ابوه فيه رااح تاخذه العزه بالاثم ....وراح يعند وماااايرضي الداااانه بالعكس بيحقد عليهاااا انه خلته في الموقف البااايخ هذااااا .....وانه كلاامه للجموووح انه بيرضيهاا خلااااص طاااارت لانه فعلت ابووه كبيييره ,,,
ابو طلال ونجد ...
اعجبتني الرووح الحلووه اللي بين قااايد وابو طلال الله يديمها عليهم ....وياااا نجوووده يااااقلبي وعسى ان تكرهو شيئا وهو خيرا لكم ....خذي بنصيحه امك والثريا والجمووووح فكري بعقلك وصدقيني راح تعرفين محمد وترتااااحين معه ...واكسبيه لانه هو بعد موجوووع ومتعقد من الحررريم ...بس ان شاااء الله ما تطلع ام طلال واتنكد عليكم ولا تطري عليه انه يرجعهااا ....ان شاء الله تكوون تزوجت عشان تفك نجوووده من شرررهاااا ......ضمضم ......ابدااا ابداااااا ابدااااااا لاتفكرين انك ترجعينها لمحمد ....كفاااايه فلك للان قاااااهرتني حيااااتها مع الغبي بتيل ,,,,
منى ....
يااااااكرهي لهاااا قاااعده بس ترااااقب وتصنت ....وتشووف عيوب الناااس وهي كلهاااااا عيوووب متى تزوج خلاااااص طولت في بيت وصاااايف وغثتناااا ,,,,,
قااايد والجمووووح ....
الجمووووح عاااد خلااص مصختهااااا ....خلااص يماما انسسسسسي ...قاااايد عداه العيب يحاااول انه يرااعيها ويدااريهااا ويبين غلااااهاااا ...بس هي غثيثه ....يااااخوفي انه وحده من اللي مااسك قضيتهااا تدخل في الخط ,,,,
حااتم والثريااا .....
ياااارب النصيحه اللي قلتيهااا لنجد ...انك تتبعينها وان شاء الله تسعدين حااااتم تراه يستاااهل كل خيير ,,,
ضمني ....يعطيك العاااااافيه على البااارت ,,,,

صباح\مساء كل شي حلو على ضمضم ومتابعاتها

ياحي الله ضمضم مابغت ترجع لنا الثرثره

الدانه وردت فعلها من سواة ماهر

والله هو يستاهل ان قايد يدري بفعايله عشان يحط حد لهباله

لكن المشكله ان العصبيه طبع بماهر رجال طبعه حار مهما سويتي بيرجع لطبيعه

عشان كذا الامور ماتنحل بمعرفة قايد لأن الثاني بعد اجن منه وخصوص انه يعتبر نفسه اب واخو لخواته
يعني كل ردت فعل بتكون مضاعفه منه
بتكون ردت فعله زي مايتخيل ابوه وش بيسوي لو صار لدانه كذا على حياته
مع ان كثير من الآباءيعالجون هالمواقف بحكمه وبدون مايهدمون بيوت بناتهم

تعوذي من ابليس يادانه ولاتركبين راسك وهذي فرصه انك تجبرين ماهر يرضى بكل شروطك
وانكم تستغلون في بيت زي ماكنتي تحلمين
انتي للحين معك فرصه ..

مي كني اشوفها تهز راسها وتقرص بعينها يوم سمعت كلام الجموح والثريا

تعوذي من ابليس يامي لاتشبين النار زود ماهي مشبوبه واذا بيدينتس حطب انتبهي ترمينه بالنار

هم عايله ويتفاهمون بينهم

ياداخل بين البصله وقشرتها ....

وزود على هذا كله جميح ماتداني زولتس مع العرب

اكتفي شرها لاتحفرلتس ومع طول الايام قايد ماعاد يعطيتس وجه

انتي ماتعرفينا يالحريم اذا بغينا نكره الرجال بشي دافع البلا قصف بري وبحري وجوي لين نحقق الي نبيه

انتي خوانتس مغسوله اليد منهم على الاقل حافظي على مكانتك عند قايد يصير لتس ظهر

عند رجلتس الي مدري متى يزين العرس ويريح الي شوفتهن لتس مثل الرمد بالعين

على اني مستمتعه بهبالتس انتي والزين قدر ولقى غطاه مكملات لبعض


زواج نجد من ابوطلال اشوف انه زواج متكافئ

محمد يعتبر ارمل زيها حتى ولوكان مطلق

طلاقه كان بالثلاث يعني رجعتها بتكون مستحيله الا اذا فيه محلل

وما اعتقد ان ابوطلال بيرجعها مهما صار عقب مشاكلها

بتكون البدايات اكيد صعبه لكن مثل ماقال قايد اعتبريه ثالث عيالك

خصوص ان شخصية محمد ماهو بذاك العسر

وطالع من معارك مع ام طلال وفي اصابات وجروح مجبوره انك تعالجينها

اذا انتي تبين الحياه تستمر بينك

واذا سهلتي الامور هي بتمشي سهله

اتوقع بيكون حواجز بينهم بسبب ماضي كل واحد فيهم

ماضي نجد مع ابوثامر الي كان يمثل حياه ورديه مليئه بالتفاهم الي قريبه للكمال بمقاييسنا البشريه,

وبين ماضي ابوطلال مع ام طلال الي كان كله مشاكل وتعقيدات

فكل واحد منهم اتوقع بيعامل الثاني بشئ من ماضيه

لحد مايتعدون ها المرحله,

اعجبني جدآ وقفت كايد وتركي بوجه نجد واقناعها بالزواج

كايد تكلم عن تجربه هذا هو وش استفاد وقف حياته على نوف

ولا ولد ولا تلد غير ان ربي عاضه بعيال اخوانه

وتركي نجد مثل بنته ابغض النظر ان قايد زوج بنته وبيخفف عنه الحمل

لكن هو ابخص بالرجال وشاف ان محمد رجال كفو


موقف تركي من ماهر انا اشوفه طبيعي

عم وحس ولده انه كسر بنت اخوه اليتيمه فكان يبي يعاقبه بدون مايحسس الي حوله بالموضوع يكفي ان ماهر فاهم ليه جاه الفنجال زي القذيفه بوجهه

ماهر ما اتوقع انه بيحمل دانه ذنب ضربته بالفنجال الي اتوقع انه يحتاج لمستوصف عقبها

بالعكس بيحاول بيدينه ورجوله انه يرجع دانه

وانا ودي دانه ترجع وماودي عشان يذوب الجليد الي ماهر حابس نفسي فيه
ويكون لك الزوج الي تتمنينه
بس الخوف ان البعيد عن العين بعيد عن القلب
بنشوف ضمضم وين بتوصل فيكم


ماهر حسيت بوجع الفنجال تراه بالضبط مثل الجوال الي حذفته بخشة دانه

تستاهل ماجاك والا تحسب ان دانه تقرا الي في قلبك

كان شرحت الموضوع بهدوء وعذرتها
الذنب موذنبها الذنب ذنبك انت الي ماغير هاج عنها

ياخوفي عقب كمخة ذالجوال تقعد تسوهر الليول

وتمنى تحلم حلم فيها مايحصل لك

نجي للجموح وقايد

والله قايد الضعيف مامنه خطا التحجير وعدى خلاص هذا الرجال اعرس عليتس

البلا منتس يالدواجه يلي منتي مرتاحه الا وتخربين بيتك بيدك

الحين وراتس تحفرين بسالفة العماره

بتبردين كبدك اعرضيها عليه يشتريها منتس بنفس طيبه

اما بوجه قوي قدامه قاعده تخططين وش بتسوين فيها

والله لو كان ماهر انه لايشق حلقتس شق

ماهر الي تدورين له الاعذار عشان ترجع دانه المضروبه

الله يستر من عنادك وين بيوصلك

عسى ما تبتلين بالعقم جزاء منتي مبهذله بها الضعيف الي ابتلى بغلاتس قايد وماغير تهددينه بحلاله

فعلن كثير حريم حكيمات ويبدعن بحل مشاكل غيرهن لكن يخفقن بحل مشاكلهن

ويكابرن والي يطلبن من غيرهن يطبقه هن يعجزن عن تطبيقه

وهذا الي اشوفه بالجموح

مبدعه ضمضم

ننتظر القادم الي اتوقع انه احلى واحلى

اهداب احبببببتس
البارت يجنن مهوب انا قلت ان ابو كلال عريس نجد
ودانه لقت عضيدها