صباح\مساء كل شي حلو على ضمضم ومتابعاتها

بااااارت رائع ابدااااااع ومفصلي ضمضم بيعدي فينا مع الابطال الي مرحله جديده

اول شي جميح يامال الوجع حشى بسه ما انتي حرمه

اعوذ بالله وش ها الحقد تعضينه فوق نغزات الاصابه الي فيه

واميمته يا النذله ما فكرتي فيها كل ما اوجعتيه اوجعتيها

المفروض يوم شفتي مي وزينها حمدتي ربك ان ربي قلعها عن وجهك

و ها الزين من يصده اذا الشايب الي تبرع ياخذها بداله طاح ونخ لها

وهو عنده مره وماهي اي مره وصايف

اجل انتي يلي هجيتي وخليتيه وش حاله بيصير

الا بيدورلتس رجل ويزوجتس له ويفتك من حتى طاريتس

لكن البلا ان غلاتس يمشي بالعروق وشيختس على قلبه

وهو الي خلاتس تسوين ما بدالتس

لكن ماعليه تجبري يا جميح جايتس يوم بدال ماتعضعضين قايد وتدورين القصاص

بتعضين اصابعتس ندم على سواياتس بقايدوتدورين الي يرضيه

قايده لك الله منين يلقاها هم الحريم الي برقبته والامن الزوجه الي تدور للي يشقيها

حاصره مخها بالسنين الماضيه وبتضيع السنين الجايه الي فات مات يا جميح لا تموتين بعد الي جاي


فهد ضارب رزان ياترى وش السبب

ليه فقدت اعصابك يا فهيدان الحين

مو هذي رزان الي من لمحتها ماعاد تنام الليل وضحيت في حرمتك ام ولدك عشانها

تعوذمن ابليس ورح راضها ترى مالك غيرها الضرب ماهو با اسلوب

متى اشوف وجهك وانت تنفجع بخبر زواج ثريا

بيشيلونك للمستشفى منصرع من قو الصدمه

ثريا صارت ابعد من الثريا عنك انتظر خالد يركب معك ويعطيك العلم الي يرضيك

اعجبتني يوم ماعطت مجال لخالد ينقل لها اخبار بيت فهد

الحياه مع فهد اندفنت من طلعتي من ذمته وربي عوضك بحاتم

لكن ماحبيت انك قلتي لخالد يوصل الخبر لفهد كان يوم ثرثر خالد سكتي

والخبر بيوصل اذان فهد

الي رحمه ربي من مصادفة حاتم

مي والله ودي اكرها بس في شي يخليك تحن عليها

هل هي ظروفها الي خلتها ارملة شايب رغم جمالها الباذخ الي كان بطاقة عبور لحياه زوجيه كامله مع نايف

و مع هذا ما قدرت على نايف انها تخليه يأمن مستقبلها هي وبنتها على الاقل في بيت يضفهم عن منة خلق الله

ثرثرة مي ان نايف كان موجوع من وصايف يوم صدته

عرفنا انه من صفاته العناد ولايحب يبرر الي يفهم يفهم وجهت نظره والا بكيفه

شكل الجموح ماجابت العناد من بعيد عمها نايف

وش بيضرك يا نايف لوجيت وبررت موقفك لوصايف يمكن بيكون فيه زعل وملامه لكن ماراح يتطور الوضع

ويوصل الي ما وصل له

براسك انك رجال واتخذت قرارالزواج وابعدت مي عن ولدك

نسيت ان المرأه عاطفيه

وصايف ماتعلم الغيب وانت ماقدمت مبرراتك

مجرد انك خبيت خبر الملكه خفت ع مشاعرها ولما اعلنت زواجك صدتك وصايف

كان عندك فرص يا نايف و لكن

كلمت ليت ماتعمر بيت ولا ترجع الي جرى وكان

ماهر ودانه الشرهه عليك انتي يا الدانه انتي عارفه طبعه ما ينتحارش

خلاص تعالي له بالمسايس والله متوقعه صفقتك من زمان بس ماجا في بالي الجوال

توقعت مسباح مفاتيح لكن جوال ماجت في بالي رجلك وتعرفينه يده تسبق لسانه

الحين انتي حالفه تكبرين الموضوع بعدين وش بيلمه اذا هدت اعصابكم والرجال سافر

وابعد عنك و لو جاه شي من دعاويك ان الله يهده وش بتسوين

المفروض ماوصلتوالي ها النقطه وفي مداخل واجد لماهر تقدرين تدخلين عليه منها وتسوين الي تبينه

لكن اعماك عن التفاهم مع ماهر اخذتي عنه فكر ه وحده ولا غيرتيها انه عنيد ما ينتفاهم معه

نجد رب ضارة نافعه يمكن الحريق رحمه فيك وبالذكريات الي مثل السياط تجلدين فيها روحك

الحياه ماشيه با ابوثامر وغيره

انا اشوف ان الحريق جا من صالحك

وابو طلال رجل ماهو سيئ لكن حظه كان سيئ

فشل بتجربته الاولى واكيد بيحاول ها المره يتلافى اخطاءه السابقه مع ام طلال

وانتي من حقك تشوفين حياتك ماعندك الا اخو وحيد وولد وحيد

شوفي حياتك يكمن ربي يرزقك بعزوه تشيلك

شوفي ام محمد وش صار عليهايوم راح وحيدها انتي الي ضافتها وانتي حي الله حرمة ولد

وهذا حال الدنيا مرتحل ومقيم

بنشوف عقب ها العناد ورفض فكرة الزواج كيف بتقنعنا ضمضم
بزواجك
وانا مع البنات الي يقولون المعرس اسمه محمد

فهل ابوطلال اسمه محمد

والا بيجي شخصيه جديده من اقاربهم او اقارب ابوثامر اسمه محمد ويخرب خطبة ابو طلال

وجهت نظر قايد بابو طلال اشوفها صائبه اخته ماهي لعبه ولا حمل تجربه معرضه للفشل

لازم يكون في تفكير عميق با الارتباط من شخص مثل ظروف ابو طلال

طالع من تجربه فاشله بكل المقاييس ..

الزين يعجبني فيها لقافتها

والله يخارج رهان من ها السفره

كان انثبر بديرته وشبع كبسات وايدامات ودرس

في بلاده


مشكوره ضمضم على البارت

والله يقومك بالسلامه ويعطيك لحد مايرضيك

ننتظر القادم بشوق

بس لايطول غيابك

صباح الورد .... صباح كل ماهو جميل على ضمضم ومتابعاتها ......الله يقومك بالسلامة ويسهل ربي عليك يارب ....وتقر عينك بالمولود وتفرحين فيه وبسلامته .... نجي للثرثرة وكم الاحداث الي فيها ......جد ثرثرة متعوب عليها ماشاء الله تبارك الله تناسق وتسلسل واحداث رهيبة

نجد وابو طلال

نجد قطعت قلبي على خسارة ذكرياتها مع محمد كل شي تحتفظ فيه بهالغرفة صار رماد مابقى لها الا الذكريات الي بقلبها وعقلها وعندها هالثمرتين الله يخليهم لها احلى ذكرى منه

ردة فعلها واصرارها انها تتأكد من حجم الخسارة واملها انها تلاقي شي لو بسيط مبعثر وسط ركام الحريق جد اوجعت قلبي منظر بشع ومشاعر حسيتها رجعتها لاول يوم سمعت فيه خبر موت محمد .......يمكن هي ماشافته ولا ودعته وهو ميت بس هالركام خلاها تحس بالوجع يتجدد من جديد ......

ربي حفظها هي وعيالها يروح كل شي بس ماتخسر واحد من عيالها لانهم ريحة محمد وبشوفتهم تحس بوجوده واذا كبرو بيكبر هالشعور اكثر .......

الي صار لها خيرة علشان تطلع من القوقعة الي صار لها سنين حابسة عمرها ربي كتب لها تترمل بهالعمر وماتدري ايش ربي كاتب لها ولعيالها باقي عمرها كل شي وله حكمة ومالنا الا نحمد رب العالمين على المكتوب

الى متى وهي تجدد احزانها بالروتين الي معيشة نفسها فيه يمكن الحين بتتفرغ لعيالها اكثر ولنفسها ....

خطبة ابو طلال لها ماادري ردة فعلها كيف بتكون اكيد مو بسيطة وخصوصا بعد انهيارها بس الحلم بيرجع لها وبشكل يمكن يرعبها وبيتواصل عليها لدرجة انها بتصر تعرف المغزى صعب نجد تقبل بالزواج بسهولة ولا حتى علشان عمها اعطى كلمة لابو طلال صحيح مابياخذو على ردها من اول مايخبروها بالخطبة بس مابتقبل الا بعد حروب وجهادات مع نفسها واحلام متكررة

ابو طلال واتخاذه لقرار غير محسوب وعلشان فزعة بس بعدين بيحمد ربه على هالخطوة وانها خيرة له وبيعرف انو الغلط من الاول مع طليقته عليه لسوء الاختيار والتعامل .......وان شاء الله يكون الاثنين عوض لبعض اتمنى ثنائي عاقل ومتفاهم يكسر توترات الي عايشينها مع الباقي .........ننتظر ونشوف

قايد والجموح

مافهمت الحين قايد تمتم بعد مارفضت الجموح الملكة وقررت السفر وهو من قهره مافكر في النتايج ولا قبل هالوقت وهذا الي خلى الجموح تجن وتختار السفر بدون ماتبين لاحد ومنها تنتقم من قايد

اذا كان قبل ليش تمم وهو قلبه وعقله مع الجموح الزواج لاهو مجاملة ولا رد دين ولا خجل من رد اي رجال يهدي لانو الضحية في النهاية البنت .....في حال هو ماتقبلها او تدمرت حياته الي مخطط لها بيحط اللوم عليها وبيكرهها بينما كان هو قادر يمنع كل هالمهزلة وحتى لو بعد قرار السفر بيكون فيها ظلم لانو متأكد انو مابيتقبل غير الجموح زوجة خصوصا انو شخصية مي لاتطاق لانها ماعندها اسلوب ولا ذرابة بيتقبلها شخص مثله ولا حتى اهله يكفي قزقزتها للرجال بدون اي خجل

الجموح اعتقد انها سمعت هالشي بالصدفة من حوار بين ابو ها وحاتم واعتقد بسبب ردة فعل وصايف الغير متوقعة

اما الجموح وتصرفاتها الطايشة وماغير بتنتقم وبتسوي ليش ناوية تجلس ثمان سنين زيادة في الحروب والانتقامات تراها مو قد قايد ولا بتقدر عليه هو بعد كرامته وكبريائه اذا حدته مابيوجع غيرها بكلمة يقدر ينهيها ويرجعها بيت ابوها ويكمل حياته ماتقول لي اذا حرقت قلبه وزرعت الكره والوجع فيه على ايش بيخليها معاه ماتقول لي الامومة الي تقول تبغيها كيف بتحققها وهي داخلة الحياة الزوجية وبراسها مواويل ......

هي بس مسموح لها تحاسب وتعاقب وهي بس الي لها حقوق واولويات وهي بس الي تحس وتنجرح وتتوجع وهي بس الي تصرفاتها على حق وصحيحة وهي بس الي انضرت بالتحجير طول هالسنين وهي بس الي طلع لها الشي ...وهي بس المظلومة الي ماضرت احد ....وغيره وغيره تراها مو خالية من العيوب ولو قايد ماتزوجها وتزوجت غيره من اول مارجعت هل متوقعة الي بتتزوجه بيستحملها وبيصبر عليها وهذا اسلوبها

هل متوقعة بيكون لها خروف تقوده مثل ماتبغي وتتحكم فيه والي تشوفه صح هو الي يصير وتهمش الرجال بكذا بنظرها بس انو رجال عادل ومحترم اهم شي كل رغباتها تصير بغض النظر تناسب الزوج او لا ...

الجموح فيها الكثير من الانانية واستفزازها لقايد يرجع عليها بالمواجع من الكلام ورد قايد عليها تبغي تحرقه بكلامها وسمومها وتصرفاتها وهي يسكت لها وينزل راسه ويبين انكساره ........هل هالشي بيرضيها وبيسعدها ......

في نظري هي ماتبغي رجال هي تبغي واحد خكري تكزن هي الرجال وهو الحرمة ينفذ لها طلباتها وهو ساكت ....

والا وحدة ماصار لها يومين ببيت زوجها تعضه وتطول لسانها وتعانده ومقهورة ليش ما تمم زواجه منها من سنين اذا الحين بهالعمر وتصرفاتها مو ناضجة اجل قبل كيف بتكون اعظم من مي بدرجات

الصبر له حدود وفترة ولاتتوقع انوقايد بيتحمل حركاتها فترة طويلة ولا تلومه بعدين لانها هي الي بتندم وبتتمنى الزمن يرجع ورى واذا شوفة مي وزينها حرق قلبها ترى في الي ازين من مي واصغر ويتمنو نسب قايد لو عنده ثلاث حريم ومثل ماانهدى اول مرة يمكن ينهدى من جديد وساعتها لاتلوم الا حالها ليش ماتثبت له ولنفسها انها تملك الي مايملكه غيرها من الحريم بدل تضييع الوقت على احقاد وانتقامات مابتطلعها سليمة بدون اضرار


دانة وماهر

ماهر هذا الي فالح فيه العصبية ومدة الايد ......يابرود يقتل ياعصبية بدون وعي ماعنده حل وسط .....وماجات هالضربة الا بوقت سفره شهر ......اعتقد هالشهر وهالموقف هو الي بيقلب حياة الاثنين ياتتعدل الحياة ياتنتهي خلاص

انا مااستبعد على دانة تكبير المواضيع وانها توصلها لقايد لانها صفة فيها وسبق وصلت لماهر موضوع العمارة والجموح ....بس هي اذا كبرت الموضوع بتصير اشياء هي ماتبغيها ......الانسان في حالة الغضب مايدرك الكلام الي يقوله ولا تصرفاته اعتقد ماهر بيصير عليه شي بهالسفر ودانة بتندم على دعاويها وبتلوم حالها

يمكن دانة تستغل غياب ماهر وتسوي العمليه .....وبتتغير شخصيتها وبتكون واثقة من حالها مو الشخصية الي رافضها ماهر الحين وبيسعى بكل الطرق انو يسترجع له ويمتلكها لكن دانة مابترضى بالقليل ولا بماهر القديم لانها ماعادت ناقصة مثل قبل حسب تفكيرها

الثريا وخالد

اجل فهيدان للحين مصر على الثريا واسترجاعها وضربه لرزانوه اعتقد بسبب هالموضوع يمكن الاخت مو عاجبها اصرار فهد على انو يرجعها يعني هي ماتقبل بشريكة مع انها قبل وافقت على هالشي واتوقع استفزته ولذلك مد ايده عليها والحين بيعرف من خالد جواب الكلام الي قاله وبيحترق اكثر

بيحس بالنار بقلبه وشوي من الي حست فيه الثريا وخصوصا ليلة الزواج وهو يتخيلها بحضن حاتم ....بس هي راح تعيش وتتهنى مع حاتم وبتنساه عكسه هو الي مل من رزانوه وابتدى يكتشف عيوبها

والحين تصرفها مع خالد وعدم اصرارهم انو يبقى مع امه بيأكد له انو خالد ورقة ضعيفة والثريا اهتمت بزوجها اكثر من رجوع خالد لها ... وبكذا بيترك خالد يرجع لها بدون اي ابتزاز منه

الزين ورهان

ملح الرواية بصراحة .....والزين وطفاقتها على الزواج بتتغير اذا جد الجد وانخطبت وبيحل الخجل محل الرجة لانو الكلام غير الفعل

مي

دامها عارفة انو غير مرحب فيها ولا احد متقبلها ليش ماتكون خفيفة بضيافتها وتهجد وتحاسب على تصرفاتها تبطل رزة الوجه عند الشبابيك كل ماحست انو في رجال بالمجلس تراها مو مراهقة وعيب الي تسوية ....اذا كان هالشي عادي عند اخوانها وراضيين فيه تراها الحين عند ناس اقل تصرف منها بيحاسبوها عليه ......تجلس بأدبها الين تطلع من عندهم على الاقل بسمعة طيبة واذا اليوم الثريا ونجد ناقدين عليها بكرة الجموح بتحطها براسها وكرهها لها مضاعف حتى عن وصايف ........يعني بتكون عند ثنتين يتمنو فراقها .... خصوصا الجموح الي حستها ماخذة مكانها وهو مو من حقها مستحيل الجموح تتركها بحالها وهي كانت متخوفة من وصايف وماعندها فكرة انو حربها بتكون مع الثريا يمكن هالشي بيخليها تعجل بالزواج والطلعة من البيت بكرامتها


في انتظارك والله يرجعك لنا بالسلامة

السلام عليكم
متابعي القصه ابشركم ضمضم ولدت الحمد لله
وجابت بنوته. الحمد لله
على سلامتهم والله يجعلها من عباده الصالحين
وباره بوالديها
عاد خلال هاليومين راح نغلق القصه لحين عوده ام اليزيد