السلام عليكم

تسلمين والله يهون عليك وترجعين لنا بالسلامه

ثرثرة . وترتنا. حزنتنا. فرحتنا زعلتنا. ارضتنا

يعني عشنا معها كل إلا نفعالات ولا شبعنا ...........

دانه وماهر .... دانه اول كنتي تستاهلين ماجاك ليش لأنك ضعيفه
وزعلك بس علشان تختبرين غلاك عند ماهر
تحترين بس كلمة زينه ولا مسكة يد
وتشحذ ين وتطرين عواطفه وتحاولين تميلين قلبه بدموعك
كنتي مفضوحه له وعارف أن كل زعلك بيروح بسمه
وضمه وكذبه ولا صدقه من كلام هالرجال كان متأكد انك ماتقدرين على فراقه وانك تموتين بالثرى الي يمشي عليه
حتى وهو بارد معك
بس الحين لاااااااا انتي صدق تبين تعرفين هو لك ولا عنك ......
وهذا الي خلاه ينفعل ويرميك بالجوال حس انك بديتي
تفلتين من يدينه كان اول يلاعبك مثل ما يلاعب الصقر الحبارى
وهو رجال راعي قنص ماهو على طول يذبح لاااااااا
يجيبه من هنا ومن هنيا لين ماتتعب وتطيح
وبعدين عاد أما يذبحها وياكلها او يطيرها ولا يخليها لوقت ثاني
ما درى انه ماهو كل طير ينوكل لحمه كل فترة زواجكم وانتي ما عندك إلا
صب هال دموع لين ما مل وصارت مثل الضحكة عنده
لكن يوم شاف ثقتك وكلامك وانتي ماتصيحين وتبكبكين
وتهلين العبيري عرف انك فعلا بديتي تبعدين. وتملين
وان الي قدامه بايعه ولا عاد يحرك فيها شئ ولا عاد تطلب الا الفراق
واول دموعها تهل بس من الطاري خوف يصير صدق
هو فقد شعوره وطلع من طورة ورمى الجوال يوم شاف الدانه بايعه
وأول تشري رضاه بدمها ودموعها
شاف الدانه مقفيه عنه وبايعه ولا همها حطت عينها بعينه
وطلبت الطلاق وشاف أنها عازمه وجازمه
مدري عاد راعي البران بيصمل على سفرته
اجل أخوها معرس والبيت فاضي وبيسافر وبيجرجر ابوه علشان ينام عندهم
هالسفره الله يستر منها والدانه بين كرامتها وجرحها واعاقتها
قرارها وش بيكون وهو يتغير اتوقع
لو سوت الدانه العمليه وصارت تمشي طبيعي
هو بيتخلص من الشعور بالذنب وهي من شعور النقص
بتكون عواطفهم واضحه
هي تحبه بس هو !!!!! أتوقع انه بيعيش معها حب جديد بعد ما يرتاح من ذنب عرجتهاا

الجموح وقائد
سبحان الله حتى عرسكم مثلكم عاصفة مرت على الجميع
الدانه وماهر ضرب ودم وطلاق
نجد احترق كنزها ورجال تكرم عليها علشان قايد وحموله
الثريا وتكتيك جديد من فهد بولدها خالد وضرب رزان

ما قلتلكم عرسهم زوبعه كلن مرت عليه وقلبته فوق تحت
حيلكم كلن يوجع الثاني وتعافروا مدام بكم حيل
دام العقل غايب عنكم والتفكير مغيب بغطاء الانتقام
يا حياة الندامة
الجموح ما متوجع إلا قليبك اول وعرفتي بمي
وصبحية عرسك بشارة قهر وغبن نجد
ولا تدري وصايف أن غلاك سكت قايد عن عرس أبوه على مي
ولو يدرون بعد انك شارطه عمارته لك ونويتي بيعها بخسارة
أن تصيرين من الخاسرين
كم عمرك ؟؟؟؟؟؟الحقي نفسك وتهني بعيشتك وانتي شفتي غلاك عنده
اربطيه بالغلا يجازيك بالدفا وربطيه بالطيب يصير لك حبيب
عطيه الراحه يغدي لك واحه
كم عمرك تدرين علميا وانتي دارسه وعارفه أنه علميا ثبت أن كل حرمه
عندها عدد محدد من البويضات وكل ما تأخر زواجها قلت فرص الحمل
لهالسبب الفلسطينيات من أعلى نساء العالم خصوبه حملها تحتفظ
ببويضات وإرضاعها بعد وتكرر الحمل فتزيد عدد البويضات المخزونة

وانتي للحين تعافرين ترا مصخ الموضوع
أوجعك صح
حجرك صح
راح عمرك صح
والمقابل
عمره راح. حجر نفسه قبلك
جاب ضره لامه علشان مايضرك
ولا ممكن يأخذها ويطلقها بس
لا توجع امه حتى بغيابك وحضورك حافظك
شقا عمره حطه بخيط وربطه برقبته وعطاك اياه
بس انتي ما كنتي كفؤ للحشيمه
ما شفتي فهد وش سوى بالثريا
وأخوك ماهر واطباعه الشينه مع الدانه
تأكدي لو طولتي بالنكد لو هو يشرق
باسمك بيقفي ولا هو متحسف

مي
الله لا يجعلني ولا حبيب لي
مثلك
الظاهر أنها ما تدري أنها لقايد اول
ولا كان ما حطت عينها بعينه أبد


ضمني بين الأهداب
الله يرزقك بالعبد الصالح اللهم احفظه من بين يديه و من خلفه و عن يمينه و عن شماله و من فوقه و من تحته . اللهم أنت خلقته و سويته و نفخت فيه الروح و أسكن التوحيد في قلبه و أعنها على تربيته كما تحب و ترضى ، اللهم أجعله من المجددين لدينك و المحيين لسنة نبيك صلى الله عليه و سلم ، اللهم أحفظ له دينه و عرضه و عقله و بدنه
والسلام عليكم ورحمة الله وبركاته

سؤلة اليوم هل استطيع ان اتوقف عن قرائت الثرثرة قلت انني ناويه هذي الفترة اوقف وارتاح من الزخم الي فيها

والله قصة نجد المتني كثير كثير احيات الطفلة الي فيني وخلتني اتاثركثير والله انا مو عاطفيه كثير بس ضم ضم باسلوبها هزت الاحساس الي داخلي ولاول مرة في حياتي اضعف عن المواجهه ماني قادرة الفترة هذا اواجه المي

لكذا ربي رحيم مسبب الاسباب جعلك تتوقفي يا ضم ضم

منها ناخذ نفس والله اشعر كانك ترقصي قلبي على كلماتك
هذا ان دل دل على براعتك بوصف المشاعر وتعمق بها لدرجة خلتنا نتعلق كثير بها

ارجو من الله ان يهون عليك الطلق <<<مجربه
ويرزقك ساعة سهاله
ويحسن الله خلقه وخلقته
ويجعله من عباده الصالحين
لا تنسينا من دعاك ان يثبت الله قلوبنا على دينه <<<<ترى دعاء وقت الولادة مستجاب

السلام عليكم ورحمه الله..

صباح الرضا والرحمه م رب العالمين..

الله يجزاك كل خير يا الوليد على تواصلك معنا...

وام اليزيد جعل ربي يهونها عليك ويسهل لك ذيك الساعه وتقر عيونك بشوفة ضناك
سالم معافا وجعله من الصالحين والبارين فيك...

ياعمري على رغم من تعبك والامك الا انك مو مقصره معا باي شيء جعله بموازين حسناتك..
بارت بالرغم م كمية الالم والمشاعر والوجع الي فيه الا انه روعه بروعه قلبك الطاهر...
واعذريني على ردي الي مو من مقامك بس ماحبيت تقفل الروايه وانا مارديت..

الجموح وقايد..
مدري هي وين تبي توصل له بطريقة تعاملها المستفزه هاذي خلااص ياماما اتي اللحين رب رزقك بزوج ولاا اروع منه عيشي حياتك واتركي عنك الماضي بكل مافيه من سيئات وحسنات...استمتعي بحاضرك وابني لك مستقبل حلو مشرق يتكون من بيت وزوج واولاد...

انتي ياحبيبتي جالسه تلعبين بالوقت بدل الضائع..تستغليه انك تكسبين زوجك لك وتنجبين لك كم طفل قبل لاتروح ايامك وانتي في حرب داحس والغبراء ...بعدين تتحسفين وتقولي ياليت الي جرا ماكان ...انتي مانتي صغيره ولا جاهله عشان تجلسين تتمنعين وتتدلعين عليه وتقولين الوقت قدامي تراك بالثلاثين ويالله تلاحقين تجبين...

والا لو على قايد بيقدر انه ياخذ غيرك ويجيب بدال الواحد عشره الرجال مايحكمه سن عشان الانجاب بخلاف المره الي لها زهوه وتنتهي...يعني انتي المتضرر الوحيد بكل السالفه..

وبالرغم من انك عرفتي شقد ضحى قايد عشاك وتعذب ..وهذا هو جالس يعوضك بحنانه وحبه الي انتي يخيلك عقلك الصغير انه تمثيل وخداااع...

ويوم عرفتي انهكان من الممكن انه يضيع من يدك ويروح لوحده ثانيه متي وحييتي عليه ..ومو خايفه اللحين انه يروح من بين يدينك..ويلقى له عش ثاني يستقر فيه بدل المحارب وياك والمناحر على قل سنع..ياريت تستفدين من هالشهاده والدراسه الي قطعتي عمرك عشانها وخذتيها واللي اشوف انها ما فادتك في حياتك العائليه
كثر مافادتك بعملك...

قايد يالبى الاخوان جعل ربي يخلي لي اخواني وابوي ويخلي لجميع المسلمين ...ما كذبوا بوم قالوا ان الاخو عزوه وسند لاخته وهو حاميهابعد رب العالمين ومقويها علة نوايب الدهر وصاد عنها اذى الاس وكلامهم...
وهذا قايد ضحى بوناسة ووساعة صدره المزيفه بس عشان يظل مع اخته ويكون بجنبها بمحنتها...ولانها عارف شقد هي متاثره بالي صار لبيتها موعشانه احترق لااا لانه خلااص اثار محمد زوجه كلها راحت بهالحريق...

ويازين ماتسوي مع هالجموح الي رافعه خشتها ياريتك تادبها عدل بدال ماهي شاطره تغربل فيك اول وتالي وشالعه قلبك... تراه تتمنع وهي راغبه

ماهر وداانه...
هذا وات ولد ضمضم المدلل وهذا سواك حسبي الله ونعم الوكيل...انا دائما اقول الرجالالي يستخدم يده يكو ضعيييييييييييف .. اللحين فوق شينك قواة عينك احمد ربك الي دوين صابرة عليك وعلى برودك واهمالك لها ولمشاعرهاا..تجي بعد تكمل عليها بضربك لها ..

لااتقول استفزتني ومدري ايش..اذا هي على كلمة استفزتك وضربتها...وانت ببرودك وتجاهلك لها طول هالسنين ولاا مبالاتك يبي لك الذبح اجل مع سواد وجهك بس دواك ا قايد يدري بفعايلك باخته ان يعلقك بكراعينك ويادبك عدل..

وترى بعد ضربك لها لاتفكر انها بترجع لك ....وحتى لو ارجعت بتكون بارده معاك مو بروده تمثيل لاا بارده عن حق وحقيق..وبتعرف ساعة شعور الالم ا لم يكون شريكك بارد ولاا مبالي وياك..

بو طلال ونجد..
انا مع ان بو طلال ياخذ نجد اثنينهم مروا بتجربه صعبه ومؤلمه...واثنيهم قادرين يعالجون بعض ويداوون جروحهم..
انا من زمان توقعت انه ياخذها لان هم اثنيهم انسب لبعض....والله يهديه قايد لييه معترض لهالدرجة موواثق بصديق عمره ..وخايف على اخته انها تتعذب والا تتعب معها ماتدري يمكن يكون هوعلاجها وهي علاجه من عقدته...

ههههههه ياحليلك يابو طلال جالس تهدد قايد انك تعلم عمه بسالفة العماره يااااااريت والله عشان يادب جميح ..

ضمضومه جعل من جابوك بالجنه..وتحرم يدينك عن النار

مساء معطر بالورد والريحان

الله يهون عليك الطلق ويحسن لجنينك الخلق ياراقيه ياضمضومه ))))))فيس يقولك بشرينا اذا قمتي بالسلامه

الجموح تكفين عاد ترا مصخت خلي عنك كثر التشره والغيره من مرة ابوه لأن خلاص مامنها خوف ماتحلله ابد

وتلاحقي على عمرك مثل ماقالن البنات وجيبي لك اطفال يملون دنيتك ابرك لك وقايد لا تنكرين انك ميته بدباديب عيونه

توقعت فهد يتواجه مع حاتم بالعزومه بس خيره لا يتعكر مزاج حاتم

ماهر يمه منه هذا وهو بارد شكله كسر سنون هالضعيفه يعني يبي يشوها بعد ويقعد يتأنيب ضمير جديد

مساءالخير جميعا
الله يعافيك ام يزيد على البارت ممتع
فعلا قفله اليمه
اولا احب اتكلم عن مي مي بصراحه الله يعينك الجموح ابد مومعتقتك
اكيد بتعاملك بقسوة الانها بصراحه قويه اجل كانت القايد صدمه ...........اكيد بتشد عليها وبتحن وبترحم اميرة
وكل تصرف من مي بذات من قايد بتفسره الجموح على هواءها
بس عندي احساس قوييقول ان وصايف بتتغير معاملتها المي وبتعتبرها وحدة من بناتهاااااااااااااا.............
قايد الله يعينك على الجموح والله البارتات القادمه بتكون اكشن ابطالها قايد ومي والجموح
ابوطلال اكيد بتكون شديدعلى ام ثامر الله يعينها عليك .
اخوفهد اتوقع انوة بياخذ الزين
حاتم اليوم ماله طاري
ومفتقدين كايدوبقوة .
يعطيك العافيه ام يزيد
ترجعين بسلامه ان شاء الله
اللهم يا مجيب الدعاء يا سميع يا عليم يا قدير يا رحمن يا رحيم... أسألك بجلالك وعظمتك ونور وجهك وسعة رحمتك أن تسهل عليها ولادتها وأن تعافيها... اللهم آمين

اللهم أرنا من كرمك ورحمتك... وأخرج المولود سالما سليما عافيا متعافا... لا شر فيه ولا ضر... اللهم واجعله من عبادك الصالحين وجنبه الشيطان واجعله نصرة وذخرا وخيرا للإسلام والمسلمين.

اللهم وأتم نعمتك على عبادك وازرع الفرحة والسرور في قلوبهم وقهم من شر الحاسد والحاقد... اللهم أنت الكريم وأنت اللطيف.. أسألك من لطفك... يا رب... يا حي يا قيوم ... يا ذا الجلال والإكرام... اللهم خفف عنها واجعل قيامها بالسلامة وطفلها من نعمك علينا... اللهم آمين... وصلى الله على نبيه محمد وعلى آله وصحبه أجمعين اللهم آمين