صباح كل شي حلو على ضمضم ومتابعاتها

نبدى بالجموح الي ماهي راضيه تهجد

جميح ترى قايد زوجك مهو عدو تبين تنتقمين منه

حجرني وحجرني حجره تفلق راستس

قايد ماحجرتس انتي الي حجرتي عمرتس والا حرمه تناطحين الرياجيل تستاهلين من يدق خشمتس

اذا فيه لوايم لومي ابوك هو الي حجرك والا قايد ترى مافي يده شي

يعني لو زوجك ابوك لواحد ثاني من الي خطبوك وش بيسوي قايد بيطلقتس منه مثلآ

والا بيقول زواج الجموح من ...... با طل

ومصيبه اذا انتي موعارفه سبب تمسك قايد فيك

وتبين تعاقبينه بعد

الضعيف يشرق بغلاتس لكن الشرهه ماهي عليتس

على قايد الي منغرف قلبه عليتس

وانتي مير للحين ماطاح الي براستس تبين تقهرينه

والله تستاهلين ها الاحراجات الي يحطتس فيها عساها بزود وكل شوي حاشرتس بزاويه

الدانه والتذبذب الي حاصل بوضعها مع ماهر والصدام الي صار بينهم

هو الخط الفاصل الي بيثبت لها قدام نفسها رغبة ماهرفيها

كزوجه وشريكة عمر ماهو زواجه منها كان شفقه بسبب الحادث

و علشان تنفض عنها الشكوك الي مقلقتها

ماهر جدآ غلطان برفضه لطلب دانه وهو ماعليه قاصر..

اذا هو فعلن يحبها وشاريها بيحقق لها طلبها

هو ماهو شايف سبب انه يستقل في بيت له ولها زوجته متفاهمه مع اهله ومافي مشاكل تجبره على الاستقلال عن اهله

لكن الدانه صار ها القرار مصيري با النسبه لها

ليت ماهر يفكر ليش مااحقق رغبة الدانه في سكن مستقل

هذا قايد كتب للجموح عماره ما استخسرها فيها


اذا قايد عوض الجموح بتحجيره لها بعماره انت لاتنسى انك كنت سبب بالحادث اعتبر ها البيت من ضمن التعويضات

ودانه ماتبي عماره لو شقه مستقله ومع الايام اذا جو عليكم اطفال هي من نفسها تقول رجعنا نعيش مع اهلك

مثلك خابر هي امرأه عامله والحين ازمة شغالات <<فيس كلآ على همه سرى

يعني خلها تستانس كم شهر بها البيت الي قاطع قلبها ..

ماندري وين بتودينا معك ضمضم

الله يستر من عنادك يا ماهر وبرودك

وشخصيتك الي ماترضخ بسهوله ...


حاتم الله يستر من ها الشفقه بديت اخاف من كثر شوقك

حتى انك توصل ليلة العرس بسلام

ليلة الملكه صارت مذبحه عندباب بيت اهل العروس

اجل يوم العرس وش بيصير

اتوقع فهد بينتحر قدام القصر

تكفين ضمضم خلي حاتم يبل كبده بشوفة وجه الثريا

الرجال مثل الي يتقلب على نيران

يمكن شوفتها تهجده شوي

الثريا عازمه وجازمه على انها تبدى حياه جديده ودعاءها خير دليل

انه مازال لفهد توالي غلا بقلبها لكن دام فيه اصرار من الثريا على دفن الماضي بتدفنه

وفهد يستحق ماجاه مافي شي يحدك تفرط بزوجتك بعد مامر سنه جيت تدورها

لو انك صادق كان ما خليتها تطلع من بيتك العصمه من هي بيده

بعد ماطاب خاطرك من رزان تحسب الزمن موقف ساعته على شانك

طارت الطيور برزاقها


جاي الحين تبي الدنيا على كيفك خلك تذوق ماذاقت الثريا

ليت بعد بيوم تتصادف انت وحاتم بمكان وتشوفه ماسك يد الثريا

وتطيح منصرع من القهر هذا اذا ما انتحرت ليلة عرسها ...

نجد ماني ابد مع انها تحجر نفسها لزوجها المتوفي وخصوص انها بسن صغيره

يعني مثل ماقلت برد سابق اذا جا لها شخص مناسب مطلق او ارمل او حتى شخص ماسبق له الزواج

توافق عليه

اكره تقييد المرأه الي لها تجربه بالزواج انها لازم تتزوج رجل سبق له تجربه

ترى الرازق الله واسع العطاء

ابو طلال اشوف انه خيار مناسب خصوص انه مطلق زوجته طلاق نهائي وماراح ترجع

علشان نقول في امل عشان عياله >>>مدري ليش جا في بالي ان ابو طلال يمكن يكون اخو قايد من الرضاعه


وصايف وعمق الوجع انها تشوف الي اخذت زوجها مكسوره قدامها وتحت يدها وماعاد للانتقام فايده

الي تسبب بها الجرح توارى تحت التراب ماعاد شي له معنى

شعورها اعتقد لو اكتب عنه روايه ماراح اقدر اوصف ولو جزء منه

لــ فهد
لا تقول المفارق من سبايب حسد قول ماكنت أصلاً تستحق فزّتي ..

ماتموت الكرامه لو يموت الجسد غالي لكن الأغلى نفسي وعزّتي

لـــ حاتم

اللي يقول .[ الشوق ]. ماهوب غلاب أَنٌـآا اشهد انه مايقول الحقيقه

مايدري ان الشوق ترخص له ارقاب وانه على قلب المولع حريقه


ابدعتي ضمضم

با الانتظااااار

السلام عليكم

ماشالله عليك ضمضم ادهروا البنات وصاروا أحزاب وكلن يجيب من راسه صوت
تسلمين ام اليزيد على الإبداع
نجي لقايد والجموح عزالله انه اسم على مسمى والظاهر انه بتصير عقب الطموح
انا معها بحرقة قلبها من قايد بس الخبال انها تبيع العمارة برخص خلاص مدام
انها لك وباسمك خليها ولا تنسين الإيجار وأولهم قايد
بس مدري وش جاني عقب معروض طيف الي سدحته عن الجموح تراجعت وأنا نصيرة
المراءة دائماً وأبدا ظالمة أو مظلومه بس فيه نقطه الحين هي دكتورة وهو محامي
ولا واحد منهم قدر يعرف مشاعر الثاني على الأقل انتي يالكموخ رجال يشد به الظهر
ومحامي وسنع ليه ما أعرس وخلاك معلقه ما فكرتي ولا شوي ان لك غلا بقلبه غريبه
بالعادة الحرمه لو هو مايحبها يخايل لها انه ماينام الليل من غلاها
قايد وش بيضرك لو حكيت لسانك لها وانتم يا الرجال مهنا اشطر منكم. شغلتكم اللعب على الحريم
يوم جتك ليه ما غيرت المود وتبسمت وخذيت وأعطيت وطيحتوا الحطب إلا شوك يا كافي
يأخوفي لا أعرستوا تلاقطتوا وشالت الطموح شلايله وزعلت ان قايد يشوف له شوفه
ثانيه وبعدين تجين على منكس قرونتس حريم عزامات ندامات
ماهر والدانه والله جتك الشجاعه مره وحده مافيه تفاهم طلقني صح انتس اول دابلتن كبدي
بوندقتس ودموعتس وضعفتس بس عاد ماهو هالشكل يا طخه يا أكسر مخه
الحين لا أعرست الجنون مدري الجموح وحاتم جاب أختس الثريا تقدرين شوي شوي
تقنعينه ان حاتم يبي يكون على راحته بالطلعات والدخله خاصه ان رهان مسافر
مع أني احب اسكن مع الأهل علشان تروحين وتجين تعلين وتسفلين والبيت ممسوك
يعني تطلعين من الدوام تروحين عند اميمتس تقعدين مرتاحه ماهو تقل تلحقين
وبعدين متى مابغى يهضل من برانه واستراحاته يجي الباب مفتوح
ماهر الظاهر انه مأخذ من حبوب الضغط حقت امه
لو انه بيسوي روحه ما هو مهتم بس المشكلة انه حار وعنيد
يأخوفي لا يكون من عشاق مبدأ اضرب النسا بالنسا والبل بالعصا
عاد هنا الصيحه والدموع صدق ماهو دميعات تال الليل لا يجي
المشاخر والمشاهق والقهر عاد الحين وش السواة دنو

مدري العلم عند ضمضم

حاتم والثريا والله توقعت فهيدان يسوي شي لو يطيش خالد ويجي يصيح
ويخابط ويلابط عند امه بس شكله ما درى اشوى
الثريا انسفي فهد والي جاب فهد ورا ضهرك من باعك برخص بعه بتراب
لو ان الحين التراب صار غالي ويشرى
مدري ليه متشوقه أشوف ردة فعل حاتم لا شاف الثريا اتوقع بيصنم له ساعه
الله يكفيه شر هال طيرة والشفقه

نجود الظاهر الحلم يوم محمد يقول لا جيت وافقي ان أبو طلال حامى
لولدتس كنه أبوه والعالم لاهين عنه والولد بيتعلق به كنه ابوه لا جا عند قايد
المهم انتم لبعض وخلي قمصان الريش لتس ان بغيتي تركبين جنحان
وتطيرين بحب أبو طلال بالسماء بس حلوة رجا <<<اثر كل العالم مثلنا لا شفنا
قميص أطرافه وكمومه ريش ذكرناه >>>>

فهد وينه ليش ما عزمه قايد نسيبه وأبو ولد اخته ويا ليت مخلينه هو الشاهد
لجل انه يذوق حر ما ذاقت الثريا من عرسه

مي يارب لا تطيحلي حظ ولا نصيب اول العمر عرس على شايب ولا ومن
زود الحظ حملت ومات والرجال .......الثاني يرقل ....والاخوان قرطاس بعجاج طر واطير
يعني لا ذي ولا بنت اللذي
وعند ناس ما يدانونه والله يلوم الي يلومهم وهي جاهله وخبله ولا هنا دبرة
وأتوقع انه هي الي بتوجع الدانه والله يستر

وسلامتكم

وننتظرك ضمني بكل الود والشوق

مسائك ريحة مطر
مسائك ريحة جمر

ملكة الحرف ام اليزيد سلم لنا قلما تملكينه

ثرثره رائعه

قايد
ما عرفنا لك مرة تبي توجعها ومرة خايف عليها والله ان حبها معمي عيونك
كنت في لحظة غضب يوم تهدده والا ماكنت ناوي تأذيها قلت اقرص أذنها شوي عشان تتأدب وهذه تتأدبت ومستحملة طاحت عليها مريضه
وما حصلت انت الا معاتب نفسك ولومها وتبي تسوي وتبي تعتذر بس من
تبي تبين لها ان في أشياء تمنعك من الشئ اللي في بالك وهي تستهز فيك لانك صدق في حضرة جنابها تتهور وتنسى اللي تبي تقوله وتسويه

ابتعذر
ياحليلك والله ياقايد هي خلتك تتعتذر والا حاجه زي ماتقول لسانها متبري منها
وش استفدت الا انها عصبتك وتهدد
تبي هدنه من مين من الجموح ما عرفتها والله
هي تشوفك بسبب في وجعها وتأخر زواجها
وانت تشوف العكس
مدري بتنحل ذا المعادلة الصعبه


الجموح
من لقاء وتهديد طحت ذا الطيحه بكره اذا صرت بين يده وش بتسوين والله ان قلبك رهيف بس تكابرين
انت شايفه وشلون وضعه هو من دفه بسيطه طاح يقوم يسوي لك شئ بس هذا دليل انك قدامه ما تقدرين تسوين شئ شاطرة بس بتهديد من بعيد لبعيد
قلبك مليان عليه والله ما يستأهل كل ذا الحقد انت اللي حديته على الشئ وتحملي عنادك
ونتائجه


الثريا
الحين صارت حلوه يا فهد وصارت ذكريات معها تجي في بالك وينك قبل سنه والا لما تأكدت انها خلاص راحت منك قلت أجرب اعزف على لحن الحنين بس الثريا غير داست على قلبا يحبك واختارت قلبا يحبها
أنسى خلاص وعيش حياتك اللي فضلتها عليها
وخالد بكره بيكبر ويعرف ان اللي سوته صح توك في عز شبابك
الدانه كلامها معك خائفة على خالد من الزمان ومن العيشة بين زوج ام ومرة اب
موب كره في حاتم تحسب ان نقطة ضعفك خالد وبتتراجعين عن قرارك ما عرفت انك الثريا اللي يصعب على فهد الوصل لها
بكره تعرفين انك انت ملهمة حاتم وعشق طفولته وحلم مراهقته وإذا تأكدت من الشئ هذا بتحبينه أضعاف حبه لك

حاتم
والله حالتك صعبه بس تملك عليها وصارت حلالك طار عقلك
اذا ضميتها بين ضلوعك وش بيصير فيك ربي يثبتك بس


ام قايد ومي

صادقه يام قايد الرجال عملي والمرأه حساسه
وجلسته عندك في بيتك صرت ام صاحبة الفضل عليها ولازم ماتنسى الشئ هذا
ولا بعد بتجلس عندك باقي العمر اذا تفركشت زواجها زي ماتقول فمعنى هذا ان قايد بخليها عندك وانت عاد تقدرين تقتصين لنفسك من نايف
الحقران هذا اول شئ تسوينه
وخليها عايشة بروحها لاتخلتلط بأحد عشان تعرف ان وجودها غير مرغوب فيه وترجع لأهلها
كأنها حرمة ملقوفه وعله

الدانه وماهر
والله وقدرت تتركك أسبوع موب يوم يالمدلل
تتحداها على تركك يوم والله قلت لك من قبل ما عرفت الحريم
تحب اهتمامه فيك والعناية اللي محاوطتك فيها ولما طلبت طلب من حقها زعلت وقومت الدنيا عليها ليش طيب ما تطلع معها في بيت
لانك ما تقدر تهتم فيها بروحك
انت مطمن عليها وهي عند اهلك تطلع وتدخل وتسهر على كيفك بس اذا كانت بروحها بتحاتيها وترجع وتترك جميع الملهيات اللي تلهيك عنها طيب وش فيها اذا عطيتها من وقتك شوي وقسمت بينها وبين طلعتك وسهرتك
بس انتوا ياالرجال انانين اهم شئ انتوا وبس
غيركم ابد ماله حق يعيش ويحب ويحس بحريته
نشوف بتطلق والا بتحن وتوافق على شرط الدانه

ابو طلال
بعد الموقف اللي صار له مع ولد نجد يمكن يفكر فيها بجديه يمكن يتقرب من ثامر ويحبه ويتقدم لنجد من باب نسب قايد موب من باب عطف وشفقه
لان نجد بترفض اذا كانت الدعوى شفقه على يتيم

ام اليزيد

يسعدَ مســـــآكَ ضمضمَ ..

إبداعَ وشَ أقولَ ياقلبيَ واللهَ ماسجلتَ بالمنتدىَ إلاَ عشـــــانكَ ..

كنتَ متابعهَ منَ خلفَ الكواليسَ لـــبعضَ العيونَ ..

والحينَ قلتَ إحزميَ أمركَ وسجليَ ..

وثرثرهَ أكثرَ منَ رائعهَ وبنفسَ الوقتَ موجعهَ ..

ومتحمسهَ حيييييييييييييلَ للبارتَ الجـــــآايَ ..

إعذرينيَ يا إنيَ فرحانهَ ومدريَ وشَ أقولَ ..


وَدَيَ لَكَ ..

دمت برضى من الرح ــمن

لك خالص احترامي ..