صباح الخير
حبيت اشارك معكم بالثرثره
الجموح : مافيها قد تجاوز الوجع فقد تحول الى حقد فلا يفعل مافعلته الا شخص حاقد جدا والحقد مرض خطير كيف تريد ان تعيش مع شخص وتنجب اطفال منه وهي قد اوجعته باغلى مايملك ..... المرأه العاقله تستطيع ان ترد جرح الكرامه بطرق اخرى كثيره اذا كان ماتشعر به هو الجرح ..........احذري ياالجموح فهناك شعره بين الحقد والكراهيه وبين الجرح ممن نحب
شكرااااااااااا

السلام عليكم


دايم يَ ليلاس تلتفون حول أقلامنا بدفئ


مَ يميز الثرثره الا أنتم


أشكر كل من بارك وعطر المتصفح بوجوده


والشكر موصول لحبايبي المشرفات الله لايهينكم على أهتمامكم

ضمضم يا عسولة من شفت اسمك انهبلت قلت في بااااااااااااااااااااااااااارت وكان الاب وقع مني شايفة دخولك شو مسوي فينا

صباح الخير ياوجه الخير .....صباح النرجس والرياحين ......مبدعة مبدعة مبدعة وقليل هالكلمة ياضمضم ثرثرة رائعة جدا وشيقة للاحداث القادمة .......بالنسبة لثرثرة واحدة بالاسبوع بالنسبة لي بارت من ثرثرتك مهما كان حجمه مشبع تعودنا دائما برواياتك الاحداث تظل عالقة من اول مانقراها وحتى بعد التعليق .......مامنك قصور ياقلبي ...والله يتمم عليك يارب ويسهل دربك ويسلم يمينك

فهيدان

وجع وجع وجع الله لاكان جاب الغلا على قولة اخواننا السوريين الله ينصرهم نصرا قريب عاجل غير اجل .... اجل كنت مبرد الخاطر ومستتهين بمشاعر الثريا انو بمجرد انك تطق بابها وتتكرم عليها علشان ترجعها بتجيك تركض وبكل رضوخ فاتحة لم دراعها بس لانها كانت لك عاشقة .........يالنذل يالاناني يعني عارف ومتأكد وباصم من عشقها لك لكن انت عادي الوضع كان عندك يوم اخذت البقرة الي شكل من برة ومن داخل ولا شي

يعني تغضب تموت مو مهم عندك اهم شي ترضي غرايزك وشهواتك بزواجك من رزانوه ..... تعترف انو الي حركك لها الشهوة بس ولا لاقلب دق ولا شي مبهر شفته فيها ماشفته بالثريا ........مجرد جسم اغراك ولو الاخت الوضع ماعجبها كان ماامداك شفت الي شفته لدرجة انو ظل بالذاكرة .......ماذكرت انو لما تفاجأت راحت تجري تستر عمرها ولا بدر منها اي ردة فعل تدل على انو الوضع مو مرضيها وكأنها فرصة على طبق من ذهب لها

الرجال اذا بغى يتزوج دور له اعذار مثل وجهه يعني كون زوجته وصفت محاسنها ووصفت جمالها هذا مو عذر بعض الحريم يبالغو بالحاجة يعني عادة شي عادي يسووه قمة الجمال وهو ماقال انو انبهر بجمال وجهها ولا قال انو عندها من الحسن الي مو عند الثريا هذا ان دل على شي واحد انو ماتوصل مواصيل الثريا الي غزت قلب عاشق لها من سنين ومو قادر يلقى لها بديل حتى بعد هالسنين

ومتأكدة انو بنعرف ماتملكه الثريا من مقومات تسلب قلب اي رجال يملكها بس فهيدان ماقدرها زين ......يوم عرف انو في خطاب وموافقة وتقبل من الثريا جن جنونه وجاء يركض لانو كان حاط بباله انها مابتقترن بغيره غروره مصور له اشياء ومعميته عن حقا يق مافكر فيها صح هي عشقته وتفتحت على ايده بس بعد تملك من عزة النفس وكبرياء الانثى الكثير .......والطعنة الي ماتذبحك تقويك وهالشي ينطبق على الثريا

في سبيل شهواته عادي عنده تموت اما في سبيل انها تشوف حياته وتنساه وتعيش مع غيره وتعطيه الي اعطته له مو قادر يتقبل وهالشي للاسف نظرة اغلب الرجال دامها مطلقة ماحد بيخطبها واذا انخطبت بيكون اقل منه هو اغتر بشبابه ووسامته الي مابتلاقي مثلها بنظره لكن الضربة الموجعة البديل افضل منه ........شاب ناضج اول بخته والول تجربته هي الثريا .....ثقافة اسم مركز شهادة ......بديل يفوقه ويبين انتصار الثريا عليه

هو لما اختار البديلة اخذ وحدة اقل منها بالمستوى بالجمال مطلقة من غيره يعني سبقها له غيره ......يعني مافي اي وجه للمقارنة .........بعد مضي سنة عرف التقليد من الاصل عرف انو رزان ماتملك اي جديد ولا شي يميزها عن الثريا الي كانت تبتكر كل جديد بس بني ادم مايملى عينه الا التراب ...... بعد كل الي سواه جاي متوقعها بترضى وبدون شروط اواذا بتشرط اشياء مادية او طلاق لنزوته عادي اكيد عادي الي يرمي ام ولده ويفرط فيها بسهولة بيبقي على الي ماتسواها في شي ....

بس فعلا نقطة لفتت انتباهي من اول بارت وهو ليش الثريا ماعندها غير خالد وهي ماقالت انو احد منهم يشتكي من علة والدليل انها قالت ماتبغي تجيب اخ لخالد بعد ماترجع له وتزيد الهموم يعني مافي شي يمنعها ولو في شي كان فهد استغل هالشي وقال حاتم ماراح يحرم حاله من الدرية .........يعني ممكن هو فيه علة وساكت ولا ليش رزانوه ماحملت مع انها حتى من الاول ماحملت ....... ان شاء الله يكون بس مجرد اتفاق بينها وبين فهيدان وماتطلع لها اي مشاكل هي في غنى عنها


الثريا وحاتم

فعلا جية فهد وكلام نجد جاء بوقته ولصالح حاتم العاشق المجهول ........هي وافقت هالمرة حتى لو مو عن قناعة ولشي ببالها بيضل لبعد الزواج ويمكن ماراح تعرف المعشوقة الا من خلال رواية جديدة تخط حروفها بعد زواج حاتم منها ........هنا ممكن تتفاجئ وتعرف انها مرغوبة ومعشوقة ومعذبة قلب رجل من سنين


حاتم منتظرة ردة فعله من الموافقة بعد هالسنين ......واما ردة فعل امه متوقعة وعادية وهالشي متعارف عليه قليل الي تكون الام فرحانة لزواج ولدها من مطلقة حتى لو كان مطلق او ارمل او بيتزوج وحدة ثانية تفضل له الي ماسبق لها الزواج وكأنو مايحق للمطلقات والارامل الحياة من جديد مع انة في اعمار صغيرة يترملو ويتطلقو حتى ماوصلو العشرين ..........والله يستر مايظهر لنا وجه ثاني لام حاتم بعد زواجه من الثريا


جموح وقايد

مو انا اقول الشهادة الي ماخذتها مانفعتها بشي لابذكاء ولا بتفكير راجح عرفنا انك موجوعة ومقهورة وغرورك مصور لك اشياء تافهة ماهي معقولة ........لانك لو مفكرة بعقلانية كان حطيتي ببالك انو هالسر الي تبغي تخفيه عن اهلك راح ينتشر وينعرف وبعدين بأي مبرر بتواجهين الكل اهلك اخوانك ام قايد وخواته ........مفتكرة بيمر الموضوع عادي وبعد البيع وبعد ماتكسري قايد ...........مافكرتي ايش بينتظرك منه قايد بيوثق فيك زوجة وام لعياله وانتي طعنتيه للمرة الثانية وبكل برود وبدون ماتعترفي انك على غلط دايم انتي الصح وهو الغلط سبحان الله معصومة من الاغلاط انتي .....

طلع لك عذر المعرف وللان مااعتقد انك بتتجرئي تخبري واحد من اخوانك يكون المعرف ولا اعتقد انو بتوصل في واحد منهم يكون نذل وحقير ويشارك بهالجريمة ومايحكم عقله وخصوصا وهو عارف تعب قايد فيه والقيمة المعنوية قبل المادية في هالعمارة

ماهر حتى لو كان مقهور على اخته بس مابيشارك بظلم ولد عمه وبدون وجه حق .........وبعدين الرجال ماتسيرهم عواطفهم مثل عقولهم .........لو راحت لماهر او اي واحد حتى كايد مابيرضاها وهو عارف معنى العشق وحاط اعذار لقايد .........يمكن هالعمارة ماتنباع لهالاسباب ويمكن يصدمنا ماهر ويوقف مع اخته وبما انها بتبيعها بأي ثمن قايد بيشتريها بدون ماتدري وبيسكت لها وبعدين بيصفعها بالمفاجئة .........وبيكسرها بتغير معاملته للبرود ويمكن ابوها لو درى علشان يتعذر من قايد يسحبها بملابسها ويرميها على قايد ولو بغى زوجة غيرها بيسعى له وبنته ببساطة يخبرها انو مالها مكان ببيته بعد مانزلت راسه بالارض بفعلتها

تبغي تنتقمي وتوجعيه اوجعيه لحاله مع انك ماقصرتي من قبل اوجعيه بشي معقول ومليضر احد .........يعني هذا الي صوره خيالك لك بيعصب وبيصرخ وبينقهر ......ماحطيتي ببالك يخليك معلقة ويتزوج ويحرق قلبك او يطلقك بعد مدة طويلة تحيير ومدة قصيرة ملكة .........كيف بتواجهي الناس والمجتمع وماحد بيكون معاك حتى امك لانو الي سويتيه ماتسويه بنت ناس متربية وعاقلة

اما قايد ماادري الي يصير فيه من قلب امه الزعلان عليه ويمكن دمعتها بأخر اليل ماتنشف وهو ماوهامه الا نظرة الناس له وبس

تعامله مع اميرة حلو والخطوة لعلاجها ممتازة والبدء معاها من الصغر افضل من ان ينتظرها تكبر على اساس انها ممكن تتحسن بعدين واعتقد بعد لو لقت لها بيئة كويسة بتتحسن في كل شي لانو تصرفاتها تدل على حب تملك وشكلها فيها عدوانية وامها ماعندها وقت الا للاسواق والفلوس والطلبات .........بس مايعني او قايد يفرط بدلالها ودلعها


دانة وماهر

كلام زميلة دانة تراه ينفع مع بعض الرجال بس بعضهم لا والله ردة فعلهم تكون موجعة بس انا اتوقع انو دانة لما تتامل مع ماهر نفس تعامله راح يحس شوي تهمله نفس ماهو هاملها تتركه بالساعات وتروح لصديقاتها تعطيه بالقطارة وتمتنع عن ارضاء غروره انها تعبر عن مشاعرها وحبها وهو مجرد مستمع لاغير الي يبغي ياخذ لازم يعطي مااتمنى انو يكون توقع البنات صح ويشارك اخته بوجع قايد لانو ساعتها بيخسر احترام قايد له واحترام زوجته كافي حاتم من قبل اوجعه واذا هو عاقل مايكسب قايد عدو


الزين ورهان

الزين هالبنت مو عاقلة خخخخخ اجل ليش ماانخطبت للحين كل شي بوقته اذا جاء النصيب مابيمنعه احد ياختي اريح لك خلصي وتخرجي وبعدين تزوجي اريح .......الزواج والامومة بفترة الدراسة ارهاق خصوصا دوامات الجامعات والانتقال من مبنى لمبنى ومن قاعة لقاعة وتكون الوحدة حامل .....اوف اوف قمة التعب ....وحدة مجربة خخخ هالبنت متوقعة لها مستقبل مع عريس الهنا ماادري كيف بس بتطيح بمواقف محرجة وهالرجة بتختفي ....وبعدين شعندها شهرزاد تسأل عن خوي اخوها لايكون عندها الحاسة السادسة وبيكون لها نصيب اذا مثل رهان لايق عليها بيطلع روحاتها للصالونات من عيونها


اما رهان الله يوفقه فعلا مجسد شخصية اغلب الي يغتربو علشان مستقبلهم تفكير بالغربة والبعد عن الاهل والوطن لاالعادات نفسها ولا الدين الله يحفظ شبابنا وكل مبتعث ويبعد عنهم كل سوء ويرجعون رافعين الراس ويكونو سفراء لبلدهم ودينهم بتمسكهم بقيمه والاخلاق الي حثنا عليها الاسلام وماينجرفون ورى البلاوي السوداء الي يشوفوها وتنسيهم ربهم


في انتظار الثرثرة القادمة وماتحمل

من مفاجأت