ليش صار البارت كل سبت ؟
أحسن يومين بالأسبوع

ممبروك التثبيت روايه بقمة الرووعه
كفيتي وفيتي باارت طويل ومشبع بالاحاسيس
واذا علي بارت واحد معذوره اهم شي راحتك

جمووح اتوقع ان خطتك ماهي ناجحه مع قاايد
هو الاا بيشتريه منك
اخيراا حاتم الثريا صارت علي يمناك جعلك تهنا بس اتوقع
ان علي ماتفهم انها المقصوده بيلقاا منها البرود شكله بصير عكس
اخوه ماهر وبتبداا الغيره بين الخوات وبتغير بعدها الدانه

والله يعطيك العافيه

مساء كل شي حلو على ضمضم ومتابعاتها

الف الف مبروك على التثبيت

توقعت تتثبت من البارتات الاولى لما تحمل الروايه لموضوع رائع واحداث لشخصيات لايكاد يخلو بيت منها

ام اليزيد صاغتها لنا با اسلوب شيق وغير مبتذل

اما عاد العجوز المراهقه ماعليه ياام زيودي

ما اتوقع احد بيجيب اقتراحي

ما كنت اتمنى انك تحرمينا من بارت الاثنين

لكن الظروف تجبر

راحتك اهم وحملك عسى الله يعينك عليه والكل عارف ان الكتابه تبي مجهود نفسي وذهني وجسدي

مغامره بصراحه انك تنزلين روايه وانتي بها الوضع ..


تسلمين على البارت رائع

ماشاء الله وانا اقول وش عند قايد بكل سهوله حط العماره با اسمها لاو يوضح لها انه سجلها لها بدون شروط

اثاري الرجال مزبن عمره داري انها ماراح تنفذ تهديها

ولو بغت تنفذه بيصير عنده خبر

طيب يا قايد وش الدبره وان راح ماهر وصار معرف لها وخصوص ماهر مدبوله كبده عليك وهو بصف الجموح من البدايه



الجموح انتي اسمك من اليوم جميحه الدواجه

بكل قواة وجه رايحه لمكاتب العقار تبين تبيعين حلال الرجال وانتي عارفه تعلقه فيه

مالتس والي يدوس على حلقتس على هالسواه

خطوة الجموح هذي بتكون لها تبعات بتأثر على الكل

لو ماهر وقف مع الجموح وتممت البيعه خصوص انه يشوف انها كثير انظلمت من تحيير قائد لها

مستحيل دانه بتسكت عن ها الضربه الي لقايد بالصميم وبتأثر على حياتهم تأثير قوي ومباشر

او يمكن قايد يعلق زواجه من الجموح كم سنه ردة فعل للي صار

يارب يا جرئتك يا جميحه على هالخطوه الجباره

لكن الحقد وما يسوي ماقدرتي سواة قايد سجل المكتب بدون محد يدري من اهلك وكان با امكانه يسحب عليك ويتزوجك

وخلى حلاله حلالك العماره بكل عوايدها وفوايدها لتس وبا اسمك

بها السهوله تبين تغدرين فيه

مهما كان عارف قايد انك ماراح تتصرفين بدون علمه وانه مسيطر على الوضع الا انها طعنه قويه له بصراحه

ليتك صليتي ركعتين استخاره يمكن هجدت شياطينك الي توزك


حاتم وجاك يا مهنا ماتمنى

كل الطرق تسهلت لك امك وقدرت تقنعها بزواجك لو اني اشك انه بيكون هناك حروب من تحت الطاوله بينها وبين الثريا

لكن الاهم انها وافقت على زواجك وهذا الي انت تبيه

وحضور فهد با الوقت المناسب كان دفعه قويه لثريا انا توافق عليك

فهد وبعد ماشبع من نزواته جاي يقدم الاعذار

وش عقبه بعد ما كسرت قلبها وخليت القاصي والداني يشمت فيها

ماتنفع الاعذار مهما زينتها وضربت على اوتار الغلا القديمه

ترى الماء للعطشان حياه بس لما يقدم بكاس من ذهب حرام شربه وخصوص ان فيه بديل افضل منك بمراحل

على الاقل شاريها وتحدى المجتمع بنظرته المكسوره للمطلقه وخطبها

لكن انت وش سويت بعد زواج استمر سنين مجرد نزوه وانت اعترفت فيها انها نزوه جاي نادم

اجل وش فايدة الحب المشكله ان الموضوع ماهو فوق طاقتك علشان نقول معذور

رزان ما تبلتك انت الي عينك طويله ومرخي اذانك تسمع علوم الحريم وعشقت الحرمه بالسمع

رزان انا ما اشوفها غلطانه ابدآآآآآآآ

الغلط مشترك بينك وبين ثريا لكن انت غلطك اكبر واعظم من ثريا

ثريا حسن النيه ضيع حياتها معاك

الرسول صل الله عليه وسلم نبه الي هذا الشي ((فعَنْ عَبْدِ اللَّهِ بْنِ مَسْعُودٍ رَضِيَ اللَّهُ عَنْهُ قَالَ : قَالَ النَّبِيُّ صَلَّى اللَّهُ عَلَيْهِ وَسَلَّمَ : ( لا تُبَاشِرُ الْمَرْأَةُ الْمَرْأَةَ فَتَنْعَتَهَا لِزَوْجِهَا كَأَنَّهُ يَنْظُرُ إِلَيْهَا ) رواه البخاري


قال القابسي : الحكمة في هذا النهي خشية أن يعجب الزوج الوصف المذكور فيفضي ذلك إلى تطليق الواصفة أو الافتتان بالموصوفة .


وهذا الي صار ان ثريا فتحت عينك على صديقتها

رزان انا بصراحه ما الومها

اول شي القانون لايحمي المغفلين

ثاني شي هي ماطقت فهد على يده هو جا برجوله وشافته فرصه ثمينه ليش تفرط فيها

انا ومن بعدي الطوفان

لكن الخوف ان الطوفان يلحقها فهد ماكان عنده سبب قوي لزواجه منها

يعني على جريف وضعها معاه

هذا هو انجن يوم سمع بخطبة ثريا جا يهابد يبي يرجعها

الي يخون مره بيخون الف مره صدق خيانه مشروعه

لكن تظل المرأه الشي الي عندها لانقاش فيه هو مسألة التعدد حتى لو كان في اسباب والموضوع ماهو عااااااام يظل فيه اعتبارات اخرى

المقصود هنا وضع فهد وثريا كان زواجه بدون مبرر

مجرد اعجاب عابر بصديقة زوجته سرعان ما تحول ها الاعجاب لزواج وخراب بيت وانبنى بيت على انقاض بيت

وهذا فهد ماعنده مانع يضحي برزان لرجوع ثريا

حياة فهد ورزان بانت معالمها بيعيش معاها وهو في حلقه غصه من تفريطه با ام ولده

ورزان مجبوره تجاري حياتها وتدفع ثمن انا نيتها وانها باعت صديقتها ورضت تكون بمحلها

خالد اتوقع انه ماراح يكون عقبه في حياة ثريا وحاتم القادمه عمره مناسب ان امه تتفاهم معاه وتبدى حياه جديده وحاتم متقبله في حياته

فماراح يأثر كثير

المشكله بتكون بثرياء نفسها شعورها انها وجه اخر لرزان

واخذت حاتم من محبوبته المجهوله حتى لو اختلفت الطريقه بالزواج يظل ان انثى اخذت مكان انثى حتى ولو عاطفيآ

حاتم وثريا حياتهم القادمه اتوقع المجاملات بتطغي عليها

لحد ما ياكشفون شخصيات بعض

هو حب ثريا الطفله

وهي وافقت على حاتم الخيار الامثل


دانه والنصائح النسويه بتجيب مع ماهر نتيجه والا بتخرب بيتها وتتمنى الي جرى ماكان

تمنيت انها تحاول تفهم نمط شخصية ماهر وتحاول تعرف تدخل له

ماهو كل نصيحه نقدر نطبقها النصيحه الي تنفع مع شخص يمكن عكسها ينفع مع شخص اخر


الزين وش معجلك على العرس

والا خايفه تلحقين اخوانك انه تأخر زواجهم

شوفي دراستك والعرس ملحوق عليه

بنشوف من هو الفارس الي بيفوز با الزين

شعور رهان طبيعي تجربه جديده تحمل مخاوف مجهوله ولا هو شرط انه بيصير له شي با الغربه

لو كل من سافر رجع بمصيبه ما كان احد سافر

طبع البشر التخوف من المجهول


تسلمين ضمضم في انتظارك كل سبت اذا ربي كتب لنا حياه

السلام عليكم ورحمة الله وبركاته بالبداية احب اهنيك كاتبتي على التميز فانت بصدق استحقيته عن جداره فان روايتك من الروايات المميزه بفكرتها وروعة احداثها ,,,,اما بالنسبة لثرثرة اليوم فانا اتوقع ان الجموح لن تستطيع بيع المكتب لكن سيعرف قايد بنيتها ولا استطيع التكهن عن ماهية لردة فعله,,,بالنسبة للثريا وحاتم اهم شيء هو موافقتها وانا متاكدة اننا سنتمتع كثيرا ونحن نستمع لثرثرات حاتم والثريا خصوصا انها لاتتصور انها هي المحبوبة القديمه بانتظار جديدك كاتبتي دمتي بالف خير::::

السلاااام علييييكم

اولا ..كل عام وانتم بخير >>بدري

ثانياا ..الله يحفظ بلادنا وامننا وجميع المسلمين

ثالثاا ..مبروووووووووك التثبييييت والتميييز ياغلا النوووري

عااااشرااا ..ان تأتي متأخراا خيراا من غيرك اللي ماجااا ابداااا>>هههههه



ضممممممممممممممممضم ..يابعدهم وحشتيييييييييييني ووحشوووني ابطاالي >>فيس قااط معك خخخخ

تعااالي ضمضم هالجمييييح يبي لهاا كسرر رااااس ألحين هذا وهي تحبه حد الثمااله تبي وجيعته ؟؟

بس ظنتي هذاا اقصى انوااع العشق الازلي ..اذيقه من سموم قلبي التي تسممت بحبه >>فلسفه النوري لاتدققون هههه

بس ترى انا معهاا ولو ينفع لبست ثوب رجاال ورسمت بالشمااغ وقلت انا محرم لأوجعهاا >>فيس مناصر للمرأه

بس عااد مايهون علي قييييودي صحيح هو مجرووح بس هو رجاال ويتحمل والا هي اااااااااااااااااه من هي ..

حكاياااة وجع لاتنتهي ..

هي ..

ترى قمة اوجاعهاا حين استوطن قلبهاا

واغلقت عليه الابوااب ..

و بنشوة الحلم ..اهداهاا سهماا تشرب من دمه

ليغرس اوجاعه بعمق قلبهاا

فتختلط الدمااء

ويكون الوجع واحد

والالم واحد

والجرح واحد

والعشق بينهماا واحد

لكنهماا يترجمانه بلغه اخرى

لايفهمهاا الا العاشقوووون .. >>فلسفه النوري بعد الانقطااع ...بعد لاتدققون هههههه


.................

ضمضم .. انا اتوقع ان قااايد يعرف بتحركاات جميييح جعلهاا الصلاااح واحتمال هو يرسل من يشتري العماره منهاا في حاله

اذا لقت محرم ..

بس والله موب هييينه مستعجلللله مررره على خراب عشهاا هالخبله .. الغريب انها ماصبرت لحد ماتتزوج ؟؟

يعني ماحطت ببالهاا انه ممكن يعلق امر زواجهاا مثل ماعلق امر خطبتهاا ؟؟؟

انا اللي استغرب منه هالعقل والرزاانه والحكمه وووووو كلهاا تتبعثررر لصاارت قداام قاايد وذكرى جرح قاااايد ..

مدري الحرمه عاطفتهاا تغلبهاا او ان كبر الجرح يذهب بالعقل ؟؟؟




ضممممممممممممممممضم ..

يشهد علي الله ان كل كلمه وكل جمله اتمعن فيهاا واذكر الله عليك فيهاا ..

احس اني اقرأ مقطووعه ادبيييه مترررفه الجمااال .. الله يحفظك يااارب

بالنسبه للتوقعااات اممممممم والله مايحضرن شي ..ماغير شد انتبااهي سؤال الزين عن فزااع وحسيت انه عريس الغفله

لهالخبله هههههههه

انا مدري لييه بناتنا حلمهن واحد مهما تعددت المستوياات ؟؟؟ يعني مافيه طمووح مافيه هدف ..يدرسن ويدرسن

ويدرسن تقولين طموحهن يوصلن للقمر والا بينافسن فيلكيس يوم يجي مدرعم على وجهه ..واخرتهاا .. تقول

متى اعرس ؟؟؟

اجل هالسنواات اللي رااحت والشهاداات اللي قضيتي فيها نص عمرك ترووح بشرقة رجاال ؟؟؟ ابووك يابو فنيله كانك ماكل بعقلنا حلااااوة خخخخخخخخ


ضمضم ..

ألف لابااس عليك انت فصلي واحنا نلبس .. سوي اللي يريحك ياقلبي اهم شي راااحتك ..

وباارت كل سبت نعمه الله يزيدك من فضله يااارب ..

واعذري انقطااعي ترى هو دلللللع لاغييير وعلى قولة ام عبدالرحمن فين اكتئاب نتي هههههه بس ان شاءالله ان الحاله

ماتطووول وارجع النوري المزعجه على قليباتكم مثل العسسسسل ..ههههه >>ابوك يالثقه هههههههههه


أسأل الله ان يزيدك راحة باال وعاافيه وسعااده في الداارين ..