مساء كل محب و عاشق إبتعد عنه غاليه..
جميع من هنا عاشقون ولكن محرمون
احدهما حرم نفسه بنفسه
والآخرى حُرم بسب غدر وخياته
وتلك حُرمت من حبيب غاب للأبد
جميعهم موجوعون لحد الثماله

ثريا
لا للعزله إذا كانت لابد منها فلتكن قصيره تسترجعين فيه نفسك وثقتك فيها
لا تخلينه يعرف انك ميته عليه اللي تمرين فيه شئ طبيعي وكل هذه بتكون آثار للماضي اللي لازم تطوينه ونشوف الثريا تسطع في السماء

الجموح
فيه بقايا حب لذاك المتحجر ولكن الكبر ركب رأسك ولا بترضين انه يكون لك قائد حتى لو رجع يطلبك لزواج بترضين مره ثانيه وإلا بتحطين شروط عشان تشفين غليلك منه

قائد
موجع جداً كسر الرجل وخاصه من حبيبه
هو شاف أنها فضلت العلم والشهاده عليه فتركها للشئ اللي تحبه
بس ليش راح عمره كذا ولاتزوج مدامه موب قادر يسامحها
قضايا التحجير كثير نسمع عنها لدرجه أن البنت تموت وهي ماتزوجت والرجال يتزوج ويعيش حياته
بس باقي في قلبك لها معزه ولا انت قادر تبدلها بغيرها

حاتم
لازم تتحرك لأنك تشعر بالذنب في حق أختك
وتكلم قائد عشان ترسى السفينه على ميناء
أم انك تخاف انه يزعل منك زي قبل ما اعتقد ان طلبك بيزعله
يعني التخمين صحيح هو يحب واحده من بنات عمه
نجد ميت زوجها لها فتره لو كانت هي ليش ماتقدم لها
بس ثريا هي الأقرب عندي والحين هي تطلقت فتحرك قبل لا تندم
ما عرفنا عمر حاتم هو قريب لقائد وإلا لا
وبعدين ليش تزوج ماهر قبله وهو الكبير

ماهر والدانه
إحساسك بالذنب في حقها هو اللي مخليه تحس انك تزوجتها شفقه مو حب
باقي نعرف وش طيش المراهقه اللي وصلها للحاله هذه

لولو
حبيت البنت هذه ^ ^

ضمضم بالفعل انت ملكة الضاد
سلمتِ

السلام عليكم ورحمة الله ..

اسعد الله اوقاتك بالخير والمسرات ,,
حبيت اشكرك ع المجهود الروائي الرائع

نبدأ بتحليل الروايه :

عندنا قايد من الله دخل قلبي على انه مضايقني بتصرفه مع الجموح وفي نفس الوقت مره مره متشوقه للأكشن الي بدور بنهم ..

حاتم حاتم حاتم هذا الكأن تحت راسه حب كبير واتوقع انه بيتزوج ( ثريا ) ..

نجي لزين سبحان الله السخره من الله وانا الله ماسخرني لها ما احب الدلع الزايد حلات البنت بثقلها ,,

ماهر وزوجته ( ضيعت اسمها ) الله يديم عليهم المحبه ..

رهان اه اه منه هذا بيقلب مسار الروايه عندي احساس كبير بأنه بتحصل له مصيبه ,,

ثريا يالله بكيتها في هالخيانه يالله قديش انا موجوعه من وجعها طعنه في الصميم ,,

كايد هذا الكأن مثال للوفاء والاخلاص ليت في هالزمن منه الكثير ,,

نجد الله يكثر من امثالها فعلا مضرب للمثل باالخلق الجميل والتصرف الحسن ..

خوات زوجها جابو لي الضغط يحمدون ربهم ان الله رزقهم بوحده مثل نجد ,,

ام الجموح تصرفاتها تذكرني بحبيبت قلبي جدتي ترفع ضغطك وتضايقك وفي نفس الوقت تلقين فيها قمت الحنان والامومه

الجموح يالله يالله منها احبها وفي نفس الوقت احسها مزودتها حبتين ( يالله عاد تزوجي كحيل العين عشان نشوف الاكشن على اصولها ) ,,


ملاحظه ::::

للحين ما قريت البارت بسحبيت اعطي ان طباعي قبل ..

لـــي عوده ان شاء الله ..


بالتوفيق غالـــــــيتي ..

ضمضومه الحلوه كيف هي أحوالك ؟

ثرثرة اليوم حرمت علي أكتب أي توقع ليييييييييييه ؟

لأنه السي ماهر طلع مشفق على الدانه ؟
تدرين شي يا ضَمَضْمَضْ ^^ أنا أسحب كلامي الأولي أني بصف رجلين لييييييييه؟
لأني إتأكدت إنهم أشرار فيسي اللي يفهم التحليلات الصح

يعني يا حبيبتي قصتك علمتني شيئين إثنين ؟

أولهما إني ما لازم أعطي تحليلات سريعة للأشخاص
و ثانيهما إني و من اليوم سأعادي جميع رجال القصة ما عدا الشايب كايد لأنهم بسرعة البرق يظهرون الجوانب السيئه فيهم و اللي من ضمنها عدم إحترام المرأه
أختك مؤسسه جمعيه إحترام حقوق المرأه الليلاسيه لقصص من وحي الأعضاء أنا رئيستها و العضوه الوحيده فيها ^^

نجي للثرثره بعد ثرثرتي الخاصه فيس التقليد خخخخخخ

يا مجررررررررم يا ماهر
و أنا اللي من يومي أدافع عنك و أقول إنه بيحبها و مهتم لها أثاريك طلعت مشفق عليها
مو من حقك أبدا أنك تشفق عليها لأنه أنت السبب في حالتها اللي لازم إنك تحسه تأنيب الضمير وبس
لا تحسب إنك فعلت خير و اتزوجتها و تخليها تحس بأنك متفضل عليها

لأنها لولاك كانت إتزوجت سيد سيدك يا بايخ قال إيش قال مشفق عليها تلايط بس ولا تتكلم ؛
دندون حبوبة لا تهتمي صديقتك أم الدحمي راح تنتقم لك من ماهر ( بالتعليق بس لأنه هذا هو السلاح الوحيد اللي أملكه ههههه) إرتاحي لي إنت بس ....


القايد و الجموح نفس ما هم عليه يعني مركبهم لسه ما قام بشي ينذر بقدوم عاصفة غير إنه الأسباب اللي أوصلتهم لهالحاله هي اللي تظهر لنا حاليا

موقف أبو الجموح ما عجبني كليا وين إحنا عايشين فيه
خلي عليك القوانين فيس يخاطب أبوها
يعني هالشي موجود في شرع الله
تحبس بنتك و متعرض لها علشان خاطر ولد أخوك
عمرك ما سمعت إن الله ما يحب الظلم
و هذا إنت اللي معيش بنتك فيه فوق الظلم بمقاييس الله يسامحك إنت و من كان السبب

الزين هذي حبوبه ملح الروايه هي و كلامها
بليزز ضمضم خلي لنا روحها كذا مرحه بلا ما تتنغص هي الثانيه

حاتم موقف سلبي له مع أخته أبيك أكثر إيجابية

ثريا تعجبني حالتها و اللي هي إعادة تهييئ النفس يعني هي مرحلة تعيد فيها حساباتها و تقوي فيها شخصيتها لحتى تخرج للناس بالشكل اللي يرضي و منها تنسى شوية الألم و الحزن

و كأني لطشت كذا كلامك مع المتألقة ضحكتك في عيوني عن رزان إنها لازم تظهر إنها طيبة
ليه بالله عليك إنت تريدين تخلينها ملاك
لآآآآآآآآآآآآ أنا معارضه و بقووووه لها إضافة إلا أني كرهتها حتى قبل ما تبان خطافة الرجالة
( شوفي ضمضومه أنا آخذ راحتي لأني أدري إني الشخصيات خياليه و ما فيه إثم علي خخخخخ)
نجود كالعاده إنسانه طيبة و خدومه مع إنتظار إنكشاف لنا جوانب من شخصيتها

ضمضومه الحلوة منتظرينك مع أروع ثرثرات في هاللكون

تقبلي مروري ٱختك أم عبد الرحمان ^^

صباح الخير ....... تسلم ايدك ضمضم ثرثرة رائعة رغم مازلنا في بداية الاحداث ولسى مااشتدت ووصلت لمستوى يوترنا فيه مازلنا بالبداية .....ومازلنا نتعرف ونكتشف الشخصيات ومايخفوه من مواجع واسرار قديمة ...

تشوقنا وتحمسنا للشخصيات الي اكيد بيكون لهم دور فعال بالاحداث بس مومستعجلين بيطلعون من كراتينهم بوقتهم مازلنا ننتظر نتعمق اكثر ونتعرف على الشخصيات الموجودة حاليا مازلنا نجهل الكثير والكثير ........

هموس من الحين شادة الحيل وموقومة الهمة على الشخصية المستفزة ياختي انتي ماتدري هي انثى لو رجل يعني الا بتكوني معاها ....الله يستر مايطلع لك هذاك الافطس الاصلع ابو سنون سوده وثوب مغبر عاد خاطري اشوف الحماس وين بياخذك ساعتها ههههههههههه ....

انا اتوقع هالمرة الشخصية انثى وبيكون لها دور مو هين يابحياة دانة وماهر ياقايد وجموحه ......ويمكن غيرهم ننتظر ونشوف والله يعين هالشخصية على الدعاوي الي بتهل عليها ...فيس مايعني حاله


قايد وجموح

جموح شكلها ابتدت تحس بالملل من الروتين الي مافيه جديد بحياتها وبدت تحس انو التدريس مااغناها عن الكثير من متطلباتها ........يعني هالشي حقق لها حلم وطموح وشهادة ومنصب بس وبعدين بحياتها الخاصة والفراغ والاحتياجات الي بداخلها كيف تغذيها وتشبعها والى متى بتظل تكابر انو قرارها ونجاحها الي وصلت له ماحقق لها سعادة داخلية لانو حرمها من هدف كان بيقدم لها الكثير وبيغنيها عن الكثير ...

هي انثى تحتاج للي يغذي عواطفها للي يحسسها بنجاحها في حياتها الخاصة يعني ناجة في المجال العملي بس على صعيد حياتها الخاصة وين النجاح الي حققته .....وخصوصا كل ماتقدم فيها العمر الخطاب راح يقلو وراح تقل المؤهلات الي تناسبها من ناحيتهم ....

غير هالشي هي بداخلها مقهورة انو قايد ماتحرك مثل ماهي تبغي ولا تنازل عن الي براسه يمكن هي توقعت انو بيزعل بس دامه متمسك فيها مجرد رجوعها بيرجع يتمم الي هي قطعته بدون مبالة منها دامه ماتزوج غيرها وتمسك فيها وهي بتكون ماخسرت شي واذا بتمم الموضوع بس على كيفها هي وبشروطها هي بس قايد خذلها وخلاها ماتقدر لاتقدم ولا تأخر في حياتها الخاصة

اما قايد حاط بباله سنين معينة يضمن فيها انو الخطاب ينقطعو عن جموح ويعاقبها بينما هو يعاقب نفسه معاها يمكن العمر مابيضره هو كرجل بس هي كأنثى يعني الكثير .......بس ماراح يطول الموضوع ويوصل للسنوات الي هو محددها لانو بيحدده ويتممه غصب عنه بسبب ظرف غير متوقع للاثنين

بس مين خلود الي واثق انها بتوظف هالحرمة .... هل بيكون لها دور بالاحداث ......وهل بيكون ايجابي ام سلبي او مجرد اسم عابر ؟؟؟


ابو حاتم

هو معاه حق انو مايكسر خاطر ولد اخوه خصوصا بعد الي سوته بنته بس بعد دامه وافقه مايعني انو يسكت للي يسويه قايد .......يعني هو ضامن عمره انو بيعيش الين بنته تتزوج وتشوف عيالها او ضامن عمر بنته او قايد الي يمكن يظل حارم الجموح سنين ويموت ويكون فات الفوت على جموح ومالها فرص للزواج ساعتها ايش بينفعه موافقته لقايد ......او لو مات وهو حارم بنته من الي حلله لها ربي بأي عذر بيقابل ربه

يااما قايد يصير مثل الخلايق ويترك العناد ويتمم الزواج وبكيفه يعاقبها وهي ببيته بأي شي غير الاهانة والعنف طبعا او يترك غيره يتزوجها لازم يتحرك كلام زوجته صح الى متى وهم يسايروه بعناده وكبريائه ماحد جبره ياخذها دامها كسرته .......ولو ماتحرك تركي الام لازم تتخذ موقف هذي بنتها ومصلحتها بالمقدمة


ماهر ودانة


مع اني اشوفه يحاول يبين اهتمامه لدانة وماهو بارد معاها يعني يبدي رايه في شي يخصها هالشي ايجابي يمكن الحادث القديم هو الحاجز بين كشف المشاعر الحقيقية .......مااعتقد انو ماهر مجرد يحس بالذنب بدون مايحمل شي بداخله بس هو مو متأكد وماراح يتأكد الا اذا صاب حياتهم شي كبير وقوي ممكن يطلع المشاعر المدفونة ماادري ليش حاسة انو بتدخل شخصية انثوية بينهم وهي الي بتستغل الي بدانة كنقطة ضعف وبتهد الحصون مااعتقد حياة دانة بتكون على روتين واحد ولا بنفس هالهدوء


الثريا

موجعة الاحاسيس الي تمر فيها ومو بأيدها انها تمنع الحزن لايمر بحياتها هذي عشة عمر ومشاعر قدمتها لانسان ماراعى حق هالعشرة طعنها بدون دراية منها ......بصراحة انا اشوفها قوية لانها صامدة وتعاني بسكوت ...من حقها تاخذ فترة عزلة تلملم شتاتها وتبني لها شخصية ترضيها .........كلام الناس ونظراتهم تمرض وتحتاج لانسانة لها شخصية نموذجية تستفز اي احد يحاول يقهرها ويتلذذ على حساب مواجعها

اعتقد هي بتكون قد كلمتها وبتنتصر على مواجعها وبتبني حياة جديدة بشخصية جديدة من خلال الصدمات الي تعرضت لها ....وبيجي اليوم الي بترد الطعنة لفهد وخاينته رزانوه .......وراح تعيش حياتها مابتظل على ذكرة رجل مايستحق الوفاء


نجد

حتى نجد مااعتقد بتستمر حياتها بس على مناوشاتها وحروبها مع عمات عيالها بيصير لها شي قوي بيغير موازين حياتها وبيجبرها تدخل رجل ثاني وماتستمر بذكرى محمد لانو مهما كانت قوة المرأة الا انها ماتقدر تحارب وتنتصر دايم ...

اما هاللولو تنأكل صدق حركات البزران وحدة اي شي يطيح بأيدهم صار حقهم ذكرتني بموقف للحرامي الي عندي ههه مايخلي شي الي يسرقه واعجز الاقيه في مرة سرق مفاتيح ابوه عاد مفاتيح شكثرها للبيت والسيارة والعمل وعجزنا ندورها وهو ماناخذ منه لاحق ولا باطل ماغير مفاتيحي وحقتي ...عاد انا حطيت جوالي على الطاولة قدامه عارفة انو بيشيله وهذا الي صار طبعا رنيت على الجوال وتتبعت الصوت وعرفت المخبئ السري ههههه حاط مسروقاته في السيارة الي الكرسي حقها ينفتح ومخبي الغنايم فيها ماخطر ببالي هالمكان ههههه ...يخوفو جيل هالزمن هههه من قريت هالموقف تذكرت السالفة

حاتم

بعض الاحيان اقول انو الحب القديم وحدة من بنات عمه طيب اجل ليش ماتزوجها او حجر عليها اذا كان ذاك الوقت مايقدر يتزوج ليش ماسوى سوات كايد وقايد دام هالشي بالعيلة عادي عندهم

واحيانا اقول انها وحدة ماقدر يحجر عليها لانها مو من بنات عمه يمكن من عيلته بس من بعيد .......بس ربي بيكتب له نصيب وحب مع انسانة غير الي حبها قبل ........ماادري مااعتقد انو لازم الي بيتزوجها حبيبته القديمة يمكن يصير شي قوي يجبره يتزوج من باب النخوة او اي سبب غير الحب بوحدة من بنات عمه او شخصية من الي في الكرتون خخخخخ


الزين

ياهالزين الي ماادري ليش هي مخالفة اسمها هههههه خبلة يعني الشعر رايح فيها تروح تزيد عليه بالاصباغ الي معروفة انها تتلف الشعر اكثر من ماهو عليه .... الله يستر بكرة ماتغسل عمرها بتيزاب وتكمل الزين الي فيها ... ياختي هذا الي ربي عطاك اياه غصب بتبيضي والله ماعرفنا لهالناس الابيض يحرق نفسه يدور السمار والسمر يدورو اي كذبة علشان يفتح لونهم وماهو مستفيد الا شركات المستحضرات بنصبهم وسحب فلوس العالم


العم كايد

هالعم انا مااعتقد بس بيكون دوره ينام ويشرب بيرة ههههههههه لابد بيكون له دور بس ينتظر الضوء الاخضر من ضمضم وبيطلع الي بجعبته بس ياترة في حياة مين هل بيحياة قايدة بس ولا غيره


رهان

والله صادق انو الكل بيفقده اذا سافر من كبيرهم لصغيرهم ........خفة دمه تجنن ان شاء الله مانخسر خفة هالدم اذا سافر وتعرض لاشياء من الي متخوفين منها اهله


في انتظار الثرثرة القادمة بكل شوق

السلام عليكم ورحمة الله وبركاته
مساء الخير...مساء الاشتياق...مساء المحبه...مساء الرياحين
مسااااء مايليق الاب احبابي ...ياحي ذا النور ويا حي ذا الشوف من جد يام اليزيد مشتاقين لك
ولإبداعك وحرفك وقلمك الرائع الله لايحرمنا منك يالغلاااااااا
واعذريني لغيابي القسري عن رائعتك بس لو تعرفين وشكثر فرحت يوم شفت اسمك منور بغرام وما جاورهااا

نجي لروايه حلو طرحك لقضيه التحجير بالرغم من التطوروالتعليم الا ان هالقضيه مازالت متاصله عندنا
سواء حضر والا بدو و اتوقع ان اغلب القبايل و العوائل عاننوا منها ..وانا ضد حركة التحجير قلبا وقالبا
لان فيها ظلم للبنت وشذنبها او وشو الغلط الي سوته عشان يخلون مستقبلها بيد ولد العم ويجلس يتحكم فيها على كيفه
بعضهم يعنسون ويوصلون لسن متاخره الى ينقطع نصيبها ثم يتركها عناد لانها عافته... مثل مانت لك حق الاختيار
هي بعد لها حق الاختيار لانه هي الي بتعيش معه

قايد والجموح
من اسمها تبينت لنا شخصيتها جموح جاااامحه على عادات وتقاليد بائده صدقيثن من قريت اسمها وانا متخيله
شكلها وطريقة تفكيرها وفعلاا عقب ما قريت البارتيين تبين لي انها مثل مارسمت لهااا...
شوفي انا مع جموح في انها لها حق الاختيار بشريك حياتها وحق انها تكمل تعليمها بالطريقه الي هي تبيها
مادام انها ماخالفت الشرع ومو من حق أي احد ان يوقف يوجها والا يمارس حقوق اكسبه ايه مجتمعه عليها

وهذا هي الجموح جالسه تحصد نتيجته جموحها على عادات قببيلتها بانها وصلت اى مرحله حرجه من العمر وهي
لازوج يحسسها بانوثتها ويشبع عواطفها ولاا ولد تمارس معه عواطف الامومه ويكون لها سند والسبب ولد
العم ال يرافض انها يحررها من قيوده الي فارضها عليهاااا...والخاسر الاكبر في هالمعركه هي البنت لانها
هي الي بتتحمل تبعيات هالعناد ..صحيح انها كونت شخصيتها ووصلت لمرحله متقدمه في عملها واثبتت جدارتها
الا انها تحس بفراغ كبير لايمكن لشهاده او عمل او أي شيء ثاني يقدر يمليه ...وهي جالسه تنتظر خطوه ايجابيه
من قبل قايد عشان ينتشله من الفراغ بس شكل الاخ في الله ما عنده نيه حاليا

قايد وهل لك ن اسمك نصيب شكلك تبي تكون القايد الوحيد بحياة حموح ولاتبي تكون الشخص الوحيد الي يغذي
مشاعرها وتفتح عيونها على الحب ويكون السند والعزوه..وشكلم بتاخيرك في الاقدام على الزواج لانك جالس
تعاقبها على جموحها عليك وانها اكسرت كلمتك وسافرت وكملت تعليمها غصبا عليك وانت ناوي تادبها على اغلاطها
تجاهك ...بس ياخوفي انك تتمادى في عقابك وتجني عليها ...ياخي العمر يمضي والبنت لها زهوة عمر وتخلص
حراااام عليك تجني عليها وتحرمها حقها الطبيعي في الحياه
بالرغم من برك بامك واهتمامك بخواتك ...الا ان العقل عندك والحكمه من توصل لجموح يخترب السستم مدري ليه

نجد
سبحان الله ياضمضم احس اختيارك لاسماء الشخصيات ما جاء عبث لك شخصيه نصيب من اسمها
مثلاا نجد فعلاا هي مثل نجد شامخه ومعتزه بروحهااااا...اعجبتني شخصيتها حيييييييييييل...مثل هالشخصيات
الواحد يقف له وقفه احترام وتقدير...بالرغم من انها غير مجبره انها تتحمل غثاثة خوات زوجها المرحوم
الا انها حاشمتهم من محبتها لزوجها وتقديرا لعيالها...ومعاملتها الراقيه جداا لام محمد كبرتها بعيني حييييييل
ما اقول الا ربي يعوضها بعيالها خير ...وتاكدي انك راح تحصدين نتيجة اخلاقك وتربيتك ببر عيالك فيك

دانه وماهر
يااااالله والله ان دانه كسرت خاطري صعب جدااا انك تعيش مع واحد ...اغلب مشاعره تجاهك هو الشفقه
وتانيب الضمير...بس ماتواقع انه راح يستمر حالهم على كذاا ومو معقوله بيصبر على حالته معاها
اتوقع انه راااح يدور على زوجه ثانيه يعيش معاه بحب بعيد عن مشاعر الشفقه وتانيب الضمير

الثريا
كوني كالثريا تزيغ الابصار ويصعب الوصول اليهاا... صدقين جداااا زعلت على سالفتها حسبي الله ونعم
الوكيل على امثال خويتها وصدق المثل الي يقول>>خاويني واخاويك اخذ رجلك واخليك<<
ما اقول لاتهتمين ولا يضيق صدرك في ابليس اثنينهم لانه كلام لايودي ولا يجيب وجرحك من اعز
اثنين عندك عميق واثاره راح تبقى معك للابد ..بس اقول خلك قويه وخلك منل النخله الشامخه بوجه الريح
والي صاريكون دافع لك ان تحاربين عشان روحك والا الغبر فهيد مصيره بيتحس قد شعر راسه لانه فرط
بجوهره مثلك وبعد ما تروح زهوة العروس الجديده وبيقارن بينكم بيعرف انه بزواجه من المقروده ما اضاف
لحياته شيء بالعكس خسر اكثرمن ما هو ربحاااان

الزين
هههههههه ياقلبي هي الوحيده يعني الي اسمها موج اي عليها حرااام عليك ضمضم ....ضحكتني هي وكشتها
بس جد شخصيتها رهيييبه ...واحس هي فاكهه الروايه والي بتضيف جو جدا حلووو من حلال شقاوتها
حاتم
اعجبتني شخصيته لانه وقف مع اخته في بدايه حياتهاوساعدها في تحقيق حلمها بالرغم من انه عارف
انه بموقفه هذا راح يسبب شرخ كبير بينه وبين ولد عمه
بس هدوءه وتاملاته خلتني احس انه بصدره حب عمييييق لوحده ما قدر انه ياخذها وجالس يسطر حبه
لها من خلال رواياته...الي اكيد انها تتكلم عن جزء من مشاعره تجاها ,....معقوله يكون يحب نجد
او ثريا ولا قدر انه ياخذها لان نصيبهم جاء ولا حب يحجر عليها ويعيد ماساة اخته

رهان
خفه طينه ومرح ....راح نفقدها اذا سافر وعسى سفرته تكون خير له


ضمضومه جعل يدينك ماتمسها النار يالغلاااااااا مبددددددددعه