كاتب الموضوع :
ضمني بين الاهداب
المنتدى :
القصص المكتمله من وحي قلم الاعضاء
رد: ثرثرة أرواح متوجعه
بارت يستحق الرد رائع بمعنى الكلمة
تدرين ام ليزيد وش روعته فيه انتس أرضيتي فيه أنصار حاتم ومحمد وأنصار الثريا ونجد
استغربت قلة الردود والتعليق عليه مع انه فيه نقاط كثيره تستحق المناقشه ولا تعدي من دون ما نتكلم عنها
موضوع الكيك اللي يستاهل صفحات نتكلم عنه كارهته وبقوه لا اللي استغلوه للفكاهه سماجه مابعدها سماجه ولا البرالييين مثل لجين جعل مابه لجين قسم بالله ان ودتس تمصعين ارقبتها الله يمحي اشكالها ياخي اللي مثلتس مانبيها بديرتنا وضعنا وحنا راضين فيه ولا اللي الله وكبر استخدموه في نشر الفساد ولانحلال الخلقي الله يكفينا شرهم ولله الموضوع يبيله صفحات بس ضيق الوقت ولا عاد أفضى كثير مثل اول
وموضع رهان والإرهاب حسبي الله ونعم الوكيل قلوبنا إلى الآن تدمي لحال حميدان التركي الله يرده لعياله يارب ولا يكون حالك يا رهان مثل حال حميدان لكن أن شاء الله أن متاملين خير
وهذا يخلينا نفكر ألف مره قبل ما يروحون عيالنا للبتعاث معاد فيه بيت يخلو من بنت أو ولد يدرسون برا إذا ماكن كل أفراد الأسرى الله يجريان رأيحين يدرسون مان قول إلا الله يعطينا من رأينا مايدلنا للخير الجامعات فضت كلن رايح يدرس يبا الفيت عشان يقال راحت برا
ولله أن وحده مرسله بنتها وولدها وكلن في ولايه والبنت عمرها 19 أرسلت الولد تقول عشان أخته وكلام الناس ولا مهوب حق دراسه ولا يعني يقالها مرسلته معها ما يشفون بعض إلا كل كم وكم تقول عشان مايقولون بنتتس راحت مامعها احد من تغشين
ما تغشين إلا نفستس الولد رايح الديره فيه المغريات وهو مهوب ذاك الزود دبي ضاعو فيها وشلون أمريكا والبنت مراهقه والله يستر نخاف عليهم وهم عندنا ومحافظين عليهم وشلون تروح الحالهاولا حسيب ولا رقيب حتى لو هي عاقله الشيطان شاطر الله والعقل عاد طيب يبتليها احد سبحان الله ولله أن شاء الله مارسل عيالي إلا إذا تزوج وعمره فوق 25 سنه قده رجال فاهم صدق
ليت كل اب حرم ام من ضناها بعد الطلاق يسوي مثل ماسوء فهد بولده هو يحسب آنه بكذا يحرم خالد من امه مادرا أن هذا أربح الخالد وأمه قبله الولد مايكسب إلا استفاده من تعزيز الثقة في النفس وخاصه أن امه وأبوه منفصلين وهذا يأثر نفسين عليه وآلام مرد ولدها لها طال الزمن ولا قصر اول عمره بيجيها ثم بيكبر الولد وبيتزوج ويلها مع زوجه وعيال
لكن إلى الآن ام اليزيد ماشفنا حياة فهد ورزان أنا ودي أشكال رزان يعيشون بنكد ما مثله نكد وبالخير يطلقها فهد ويأخذ غيرها وهي تاكل......جزات فعلها يعني مافيه عقاب لها ولفهيدان اقل شئ خلي عيشتهم دمار ماتنطاق
ولا بترسم كل وحده على رجل صديقتها وتأخذه وكن اللي سوته العيد
أعجبتني ردة فعل الثريا مع حاتم أنا لو مكانها بتهور ولله العالم وش بسوي يعني طرده بطريقه ثانيه يعني عشان لو قالت الثريا طردني يحجها
اللي يبين من حاتم لثريا مابيتس بالثريا ضفي وجهتس وحركات رجلتس وش فيها والخلخال وقصته حركات مال أمها داعي ياقوي قلبك على الصده يبوتركي ويقوي قلب ام خالد على تحملك لكن الكل شئ طاقه
حل اللي بين حاتم والثريا الزمن بيعدله أتوقع حاتم هو اللي بيروح الرهان وبينشغل في سالفة رهان عن موضوعه والثريا وبيغيب مده طويله جته من الله وبينقطع عنها منها بموضوع رهان ومنها انه يبي يترك ألقلبه وعقله فتره يفكر بالموضوع
في ذا الوقت الثريا بتصير حامل وماراح ياصل الخبر الحاتم إلا إذا رجع ويمكن يبشرونه بالولد وهو ما يدري بحمله بس مايقدر يقول شي لانه قاطع التواصل معها وهي بتطيب نفسها ومعاد تدور ورآه
ويمكن هذا اللي بيطمع فهد فيها إذا بلغه ولده أن امه بيت أهلها وبيحاول يقرب خالد منها وبيسوي أشياء معها عن طريق خالد يتقرب منها وبقول خلاص نرجع البعض انتي أدبتيني بزواجتس من غيري مثل ما تزوجت عليتس
ويمكن ياصل حاتم خبر ويعرف بفعايل فهد بصدقه أو عن طريق خالد
ويخلي رهان وأبو رهان ويجي طاير ويأخذ الثريا معه برا ويعرف بحملها
ياللى عليتس يأم يزيد كم حل للثريا وحاتم صلحيهم على بعض
ياخوفي كثر ضدك ياحاتم يخليها تفكر في فهد والرجعه له
وصايف تكفين التصريح مثل حريم اول دائم تردد البنتها إذا جت شكاييه ( ذلي يأمره تعزين)
ام قائد انتي ماتحملتي وجيعت نايف
أعجبتني يامحمد بتعاملك مع نجد منتب اللي ذلتي عمرك لها ولا انت اللي قدمتها حرب على صدها
تقرا ألحرمه ما تحب الرجال الرخمة لو انك قعدت تعذر وتطلب السماح وتناظر خاطرها وترجا حامت كبدها منك
ولا قمت تقول انتي اللي حديديين وانتي اللي سوفيتي وحط يتي يعني قلبت الطاوله عليها مثل بعض الرجال
لا بتجيب راس ام ثامر بطريقك
استمر يبوطلال وبتنال قلب ام ثامر أسئلني في الحريم مايجيب رأسها ولا يعلقها فيك إلا طريقك الحين معها
أبو طلال يليتك تحن عليها بالحمال وأنك تبي بنت منها لان الطفل يبقربكم أكثر
انشغال قائد عن الجموح بيموت حيلها أكثر بيجيب الفتور العاطفي بينهم أكثر
أبو نايف الجموح تبي ذا الفترة من يحتويها موهوب أي احد تبيه منك وأي ردة فعل منك تفسيرها يبكون غيييييير
لا تنشغل عنها وخاصه لو كان انشغالك مع الجنس الطيف
ام اليزيد ولله عندي حتسي واجد ودي أقوله بس مثل ماذكرت الوقت يمنع حتى الاملا مارجعه بس بتفكون خطي ان شاءالله اكتفي بردي
ليلاسيات ولله البار ت يغري على الرد يخليتس تكلمين ماحسيتي بعمرتس وأنا متأكده أن الانشغال ماراح يطول البارت حرام يمر مرور الكرام فيه أحداث كثيره تحتاج الوقفه
منتظرين يوم السبت الله يلحقهنا خير اميييييين
|
07-05-13, 11:08 AM
جديد مواضيع قسم القصص المكتمله من وحي قلم الاعضاء
العرض العادي
